هل الزواج السعيد ثمرة من شجرة الحب او لا.
عرض للطباعة
هل الزواج السعيد ثمرة من شجرة الحب او لا.
من خلال اطلاعي وخبرتي في موضوع الزواج السعيد
ان المرأة تحب الزوج الذي يحبها ويحترمها
ان الحب لا يحدث الا مع توافق الحبيب مع الحبيبة
مافى كلام..أنت لازم تتزوج (شكلك تبى تتزوج)
لا بس شايف مشاكل الزواج وايد في الخليج
والأسباب هى:
-1 أيمانهم باللة ضعيف
-2 أقتصادهم زفت
-3 تراكم الديون
-4 كثرةالعيال وما يقدر يوكلهم
-5 راتبهم 4000أو أقل
-6 أستهلاك (يعنى إذا جاء راتبة يبغى يطير الفلوس بأي شىء
فى الأسبوع الأولين وفى الأسبوعين الأخريتين يكون مفلس ويبقى فى جيبة شبكة عناكب)
-7 يتحسف لأنه تزوج بوحدة وشاف وحدة أحلى منها
-------------------------------------------------------
هذى هى الأسباب
حلوه اخر وحده
هاهاهاهاهاهاهاهاهاهاهاها
انا ابي من الطرف الثاني(الجنس الناعم)
انه يبدي رايه.......................
تونا بزارين على الزواج
اعمارنا 15 سنه..
احمد كم عمرك..
فية شىء يضحك؟ أقولك خل زكية زكريا ترد عليك لأنى كل ما أشوفها
تقول أنها من الجنس الناعم... ترا ما راح أتزوج
لو تزوجت أبيكون الدنيا علي مثل الجحيم لأنى انا احب الهدوء
ما أحب الصراخ والزعاق الأطفال
أقول يا ارفين ابوي تزوج وعمرة 18 سنة
المراة تعبر عن رايها بالكلمات الرقيقية (الخكرية) و تعبر عن ما في داخلها...
الرجل يعبر عن حبه للمراة بانجازاته (انه يشتريلها شي مثلا) لكن في اغلب الاحيان ما يكون في تفاهم ...
احد فهم شي؟؟ (احسن :) )
(تراني ناقلها من مجلة لا احد يقولي شي )
:):)
روحوا اليمن... الولد اذا بلغ على طول يزوجونة حتى لوكان عمره 13 سنة؟ ؟ ؟
واحد يمني عايش في البحرين
تزوج وعمره 15
ملاحظة :عمري 16
قال رسول الله صلى الله علية وسلم (من استطاع منكم الباءة فاليتزوج).
وشكرا.
يا احمد هالايام الوحد يتزوج وعمرة 25 سنة.....
وزمان عادي لو تزوج الواحد وعمره 17 سنة....
اوكى..
اذا بدكم اتكلم بصراحه....
انتم عارفيني صريح بزياده..
.......
عني انا..مستحيل اتزوج الا لما اتعدى الثلاثين.....
لأنى شايل فكرة الزواج من راسي.....
مو لأنى اكره البنات..
(بالعكس انا اتقطع عليهم وهذا الصدق)....
لكن لسبب ثاني...
واول سبب ..انى اخجل منهم....
ولأنى مااتخيل نفسي في يوم من الايام..ارجع للبيت ووراي وحده تنتظرني...وتزعل على اذا تأخرت...وتشك فيني اذا استخدمت التلفون والجوال....
واخطر فكره ممكن تمر في رأسي....ان فيه انسان يشاركني في غرفتي....ويصف ملابسه في دولابي...ويفتح ادراجي بدون مااسمح له...و يعرف كل اسراري....
والاخطر انى الاقي ..انسان نايم معاي على السرير....
من ناحيتي ..اعتبر هذا عذاب...ورعب
واعتبره شيء من سابع المستحيلات....
هذا غير العيال(الله يفكني منهم)....
تقتلنى فكره انى ارجع للبيت زهقان..والاقي الف طفل ينتظرني...ووراهم دروس واكل وملابس ...وبلاوى زرقاء...
او انام في الليل...بعدين اسمع صوت بزر صغير يبكي..(في حالتى مستعد اروح اخنقه لما يموت).....
..........وهذا رأيي في الزوج..........
واتمنى اسمع رأي كل واحد فيكم.....
وش نسوي يا سكوال كذا الزواج ؟ ؟ ؟
بس مثل ماقلت يا ميو ثري..
انا اتمنى اعرف رأي كل واحد بالتفصيل....
يااااااااااااااااااا شباب خلكم عزوبية نفسي هههههههههههه
الزواج يخليكم في قفص و فلوس تروح يمين و شمال والله يمكن اسوي نفس اخوي سكوال زواج بعد 30 يلاااا و شكرااااااااااا
لا ...لا...لا
انا ماتكلمت عن الجانب المادي....يا بخيل انت....
انا كنت اتكلم عن الجانب النفسي...
والقلق والازعاج الى راح تصاب فيها....
وكيف ان الزوجه راح تتدخل بكل كبيره وصغيره بحياتك.....
وانا اكثر شيء اكرهه...الى يتدخل في حياتي....
فتصور انها معك اربعة وعشرين ساعه...
وكل شوي تتلقف عليك....سوي كذا وماتسوي كذا..ابعد هذا ورجع هذا....
حتى انها راح تتدخل في سيارتك.....وتخليك بالغصب تشتري السياره الى هي تبغيها...
يا شباب مصيرنا بنتزوج بنات
ما تقدر تتزوج اولاد
والله انك صادق...
ياميوثري
ايش تسوي ....تضرب براسك الجدار....
لازم عليك في الاخير ..انك تتزوج...
.[تم تعديلها بواسطة سكوال في 27-01-2001 عند 04:06 AM]
اقصد انا انك بتتزوجهم بتتزوجهم ما في مفر
وما قلت انهم كائنات شريرة(قرملينز)بالعكس ناس هادئين لكن انتم كبرتوها
يا اخي سكوال عاد انا مو بخيل منو شايفني بوهباش ههههههههههههه
ياااااااااااااااااا عاد المهم انا بتزوج بس مو الحين هن نقول بعد ما نتعدى سن المراهقة و بعدين افكر اذا بتزوج ولا نننننييييييههههههههاااااااااااااا و شكراااااااا
ابغى اعرف في واحد يتزوج ويتعب؟ ؟ ؟
اكثر الناس يرتاحون ؟ ؟ ؟
شكلكم تشيلون هم الزواج من بدري والزواج عندكم تعب ؟؟؟
أقول انكم شايلين الهم من بدري ، بدري عليكم هذا الكلام(وعلي كمان) لكن لوبدكم رأي أنا معارضة الموضوع من أصله،وهذه الاسباب:
1.زمان كان لا بد من الرجال في البيت لكن الآن تستطيع المرأة انها تشتغل وتصرف على نفسها وتتكفل بجميع متطلباتها.
2.الرجال هَم.
3.الرجال كمان هَم.
4.ماأحب أحد يدخّل في حياتي.
5.الرجال يعتبر المرأة شغاله تنظف وتكنس وتغسل،يعني مايعتبرها انسانة أبداً(يمكن نادراً).
6.أكثر شئ يضحكني لما واحد يجي يسوي نفسه ماشى على السنة ويتزوج أربعة، ياأخي امشي على السنة كلها وبعدين نقول هذا انسان يقتدي بالرسول.
وهذا رأي.
و......
يا سكواااااااااااااال اذا كل الناس يفكروون مثلك
ما حد رح يتزوج
بالعكس الزواااج نعمة وهو نص الديييين
لاكن بصراحة: (اول الزواج نعمة واخره نقمة)
لاكن انا من مؤيديين الزوااج
تحياتي
يا رينو:
بالعكس الرجال ما يعتبر النساء شغالة عنده
بالعكس يعتبرها كزوجةتساعده في اشغاله تواسيه في مصائبة
...............وغير وغير
تحياتي
??????????????????????
اتصدق يا سكوال ان كل الي قلته في الصفحه الاولى خطأ حلالهه اتفتش
في اغراضي اتسوي الي اتسويهه بس********************* :) المهم
لاحيات من دون جنسين يعني اتخيل الحياة من دون حب وععععععععععععععع
صراحه مو حلوه منك ياسكوال ومن كلامك انك ماشفت فلم تايتنك :)
وهذا وانت امخلص فاينل فانتسي8 ولا عارف الحب لالالا مو حلوه منك
renoa
كلامكى صح أنا أعتبر زوجة خادمة لي (فقط إذا جانى الحالة العصبية)
لدي تدريب على التيكوندوا بعد عشر دقائق .
لكن انتظروا ردي بعدما اعود.
وشكرا.
يا اخ تويكس....احم ..اسف...اقصد يا اخ باونتي..
شكلك ماقرات كلامي بالكامل..
انا قلت لكم بالحرف الواحد
((((مو لأنى اكره البنات..
بالعكس انا اتقطع عليهم )))
وهذا يعني اني ميت عليهم..........
لكنى شرحت لكم الاسباب الى تسوي لي رعب من الزواج......وشرحتها بشكل مفصل كمان.....
انا بس ابي اعرف شنو قصد الأخ DID (حليب سعودي بخمسة ريال)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا عندي سؤال:اشدراكم ان البنات في المنتدى مو اولاد؟؟
مثل رينوا(ممكن مدافع عن حقوق المرأة (على قولتهم))
انتوا ليش شايلين هم من بدري؟؟
انتوا ويييييييييين؟ والزواج ويييييييييين؟
خلاص يابابا...بلاش تتكلمون عن الزواج خلوا هذا الكلام للاكبر منكم
استمتعوا بحياتكم...بلا زواج بلا هم فاضي..توكم بسن الورود
وعلى قوله سكوال فكروا بالزواج بعد سن الثلاثين يعني بعد ماتعقلون
والا ماتفكرون فيه مره وحده..وبيكون احسن:D:D
وعععععع عالزواج ..بزارين ..وهم.. وطبخ ونفخ.. على ايش؟؟
الحب حلو..بس الزواج خايس..:D:D
ههههههههههههههههه
ومين قال لك ان موضوعي عن الزواج بدري
انا قلت هل الحب بين الزوج والزوجة يثمر الى نجاح الحياة
الزوجية؟
wawa يتدرب تايكوندو:D
سوى فيها جامد:D
أنا أمزح ولا تزعل ياwawa
________________________________________________
أما بالنسبة لموضوع الزواج أكيد الحب له دور في إنجاح الزواج
وأما الذين يتزوجون بدون حب فالحب يأتي في هذه الحالة من العشرة...والعشرة ما تهون زي ماقالوا
أما أنا إذا فكرت في الزواج ألاقي ما شاء الله لستة طويلة عريضة تخليني أشرد عشرة مايلحقوني:1-أول شئ الحالة المادية
2- التعليم
3-الشكل
4-الثقافة"وهذه متوفرة الحمد لله"
وإلخ
هذي الأمور تخليني أؤجل الزواج إلين ما يسيرعندي بيت وسيارة وطيارة:D ووظيفة بعدين ربنا يحلها
يعن إذا افترضنا إني دخلت الجامعة وخلصت منها واخذت وظيفة يعني ما راح أتزوج قبل سن الخامسة والعشرين
"بس تقدر تستناني"
_________________________________________________
المرأة مشكة صنعها الرجل وصنعتها بنفسها
بسم الله
اسمح لي اعقب علي كلامك (سكوال)
وقبل مااعقب علي كلامك ابشارك معكم :
بالنسبه لموضوع الزواج والحب اعتقد انه
مافيه احسن من ان نقتدي( بالرسول صلي الله عليه وسلم)
فهو الدواء الشافي لجميع الناس وخاصة في حبه لنساءه.
وانا الاحظ كثير من النا س يربط الحب دائما بالزواج
مع ان للحب مجالات كثيره يتمخض منها حب الزوجين,واولها
حب (الله) ورسوله صلي الله عليه وسلم,وحب الوالدين,وحب
المسلمين وكراهية المشركين.
وبالنسبه لك يا (سكوال)ماادري وش اقول صراحة,
صراحتك غريبه يعني انت ماخذ الامر بحساسيه كبيرة
لذا اتوقع انه مر بحياتك امر اثر عليك هذا التاثير,
اما انك شفت بنت تلعب بذيلها او انك..........
او انك بتاع غزل.
اذا كنت من اصحاب الغزل الله يعينك بتشوف اشياء بشيب
راسك منها(( من طق باب الناس طقوا بابه )).
وارجو ان مشاركتي اسرتكم .
أوففف قوية (البتاع) :D
يصير خير
كلام حلو يا تقيل:D ياراسي:D
يا aaaddd
والله مااعرف كيف ارد عليك...
لأن راسي صدع على طول..من الكلام الى انت كاتبه...
واذا انا صريح...فانت ايش تكون...
...........
وعلى فكره...ابشرك..انا يسار والغزل يمين....
هلا
تحياتي
سكوال أنا عارفك أنت بس تبي تحب وما تتزوج و أنت أصلا(ياهل)
تمشي تركض ورى القطوة.
سكوال أنا عارفك أنت بس تبي تحب وما تتزوج و أنت أصلا(ياهل)
تمشي تركض ورى القطوة.
اعود واكرر هذي الموضوع مو عن الحب (المعروف في الأفلام الأجنبية)
هذي يخص الزواج فقط(يعني المسموح به).؟!؟!؟!؟!؟!؟!؟!؟
اعود واكرر هذي الموضوع مو عن الحب (المعروف في الأفلام الأجنبية)
هذي يخص الزواج فقط(يعني المسموح به).؟!؟!؟!؟!؟!؟!؟!؟