وعليكم السلام ورحمة الله وبركاته .. ~
اقتباس:
المشاركة الأصلية كتبت بواسطة عبّاس
السلام عليكم,
أول شي يا أخي أحب أقول إنه هنا يبدو إنك ألتمست لثلاث مواضيع مختلفة و مو بس واحد.
موضوع الجنس الثالث. هذولا ناس عندهم أعضاء من الجنسين. للأسف هذه مشكلة فيها تضليل كبير عندنا في الخليج (مدري عن باقي الدول), بحيث إنهم دائما في موضع نقد, إشمئزاز, و للأسف حتى اللعن. و إنه الحل الوحيد هو التخلص منهم بشكل أو بآخر.
لكن إلي ما يعرفه الكثير من الناس إنه هؤلاء من الجنس الثالث ولدوا بهذا الشكل! يعني ما بيدهم شي. يعني بدال ما نقعد نسبهم و نلعنهم المفروض إننا نحمد ربنا على إننا ما ولدنا بهذا الشكل و لا نمر بهذه المشكلة. على العموم الحمدلله على كل عافية, بس حبيت أوضح على قد علمي.
الموضوع إلي تكلمت عنه و هو" الخكارية" ودي لو أستخدم مصطلح علمي و موضوعي أكثر لكن ما أعرف, هه.
طبعاً هذا موضوع غريب نوعاً ما لأنها نسبية تماما. يعني ممكن تشوف واحد حاط روج و مكياج و تقول خكري. في نفس الوقت غيرك يشوف واحد مطول شعره و يقول خكري, و في ألف حاجة غير كذا و كل واحد على هواه مين خكري و مين لا. و عشان أعطي مثال حلو أنا كنت أعرف ناس كانوا يعتبروا إلي يلبس بلوزة حمراء خكري! فهذه كلها مسألة رأي لأنه في الواقع مافي قاعدة ثابتة, مجرد نظرات.
الموضوع الثالث إلي تكلمت عنه, و هو برأيي إلي كنت تقصده بالتحديد, هو إلي يخص المثليين جنسياً (أفضّل هذه العبارة على "شاذ جنسياً" لأنها دقيقة أكثر, فالشاذ هو كل شي غير معتاد, يعني لو إنه الواحد يحب البنت السمينة جدا, أو الصلعاء, أو حتى السمر جدا فهذا يعتبر شاذ).
في ناس كثير يقولوا إنه المثلي جنسيا يختار ما يرغبه, أي إنه الموضوع بيده تماما, و أنا لا أتفق مع هذا. فلو إنه هذا صحيح بالله مو أريح بكثير إنك تنجذب للجنس للآخر عشان أهلك و مجتمعك و دينك يذمك؟ أضف إلى ذلك إنه لو كان الموضوع فعلا بإختياره و أختار هذا الشي معناها يبغاه من أول, ففي شي حاصل. لكن ما أدري بالضبط ليش هذا منتشر.
في الواقع المشكلة الكبرى هنا إنه الناس مهتمة بعاقبة هؤلاء لكن, على حسب علمي, ما في أي بحث جاد يبحث في مصادر هذا الشي ولا حلوله.
أعتذر من طول المشاركة و أحب اسمع آرائكم, و لا ننسى إننا نحمد الله على الحال إلي نحن فيه, لأنه في ناس يعانوا من مشاكل جسدية أو نفسية خارجة عن أياديهم, فالحمدالله.
كلامك عين العقل حقيقة .. كنت ناوي أكتب "بعضاً" مما كتبته .. ولكنك شملتها بشكل أفضل وأحسن .. ^^
فعلاً .. الحمد لله على كل حال .. والحمد لله على جميع النعم .. ^^
"الخكارية" .. ما أظن يحتاج له تعريف هالمصطلح .. ولكن القصد منه هو التشبه بالنساء .. ومثل ماقال الأخ عبّاس .. نظرات الناس لهم مختلفه ..
لكن عموماً .. أكثر مايغيظني .. يوم يجي واحد يلعن في الخكارية .. وأجي ألقاه منّزل الجينز بشكل لا يطاق .. وعندما أقول لا يطاق أقصد إنه فعلاً لا يطاق .. :D
لا تنهى عن منكرٍ وتأتي بمثله *** عارٌ عليك إذا فعلت عظيم !
أمر إنهم "يريدون التشبه بالنساء" .. ما أحب أجزم عليه حقيقة .. مع إن 70% عالأقل منهم هذا هو مرادهم .. أمّا الباقين .. فشافوا أخوياهم سووا هالشي .. قالوا يلا .. :D
والبعض الآخر .. يقلّد سجناء أمريكا "السود" .. بإنزال الجينز .. ولكن من يراه سيحسبه كالمذكورين أعلاه (إلا لو كان عير :D) ..
في كل الحالات .. أنتقد كل من أعرفه ويفعل هالشئ .. صراحة أنقهر .. ما أدري كيف تسمح لهم نفسهم بهالشي ! الله لا يبلانا بس .. :blackeye:
أمّا المثليين جنسياً نسأل الله لنا ولهم العافية .. فهذول بتكلم عن إحدى فئاتهم .. كون بعضهم مثل ماقال الأخ عبّاس هذا هو ميلهم (رغم إنه حسب ظنّي إن له علاجات .. الله يعافيهم ولا يبلانا !) ..
عموماً الي أبي أتكلم عنهم .. هم عشّاق الجنس .. أي شي يجي قدّامه يعجبه .. :D
الله لا يبلانا بس !
يقولون إن فيه واحد سعودي راح يدرس في بريطانيا .. وسكن عند عائلة .. وبعد ما الأهل خرجوا .. قام إغتصب بنتهم وأخوها ! :31:
بالفعل .. الواحد يتحمّد الله عالعافية .. ~
المريضين .. ممكن نناقش أمرهم ..
لكن الي موب مريض ! :31:
الله لا يبلانا .. حتّى الحيوانات ماسوّت هالأشياء !
