للبيع اكاونتات واو، من قير صفر الى اخر باتش بأسعار مناسبه

مرحبا اخواني...


شركة شخصيه لبيع اكاونتات الواو


اسعار منافسه للسوق بكل المقاييس وابتداء من 130 يورو

اي نسخه اوروبي او امريكي

هورد او الينس


اسهل طرق الدفع


ظمان %100 وخدمة مابعد الشراء

فقط ماعليك الا انك تحدد النوع المطلوب والقير والشخصيه وتجرب النك وتتأكد وبعدها الدفع


*تغيير الاسم والتحويل لسيرفر اخر او نقل الاكاونت لأكاونت مجانا



يرجى المراسله عالايميل مسنجر للتفاهم والجادين فقط.


dark2sim@hotmail.com


احنا منكم وفيكم وفيدونا يا اخوان احسن من الاجانب ومايصير خاطركم الا طيب

السلام عليكم ..

والله شي طيب ..

طيب اخوي انتو من وين ..؟

وشلون أسعاركم ..؟ بالدينار الكويتي

خدمه مابعد البيع شنو بالضبط ؟

تبديل سفايف و زيت وفلتر يعني

اكتب اسم الموقع اللي تتعامل معاه عشان نشوف اذا الموقع ثقه


مو بعدين تطيح براسك انت والناس تدعي عليك

كلش ولا دعوه المظلوم , يقولك من حلقه الى السما على طول

اقتباس:

---

المشاركة الأصلية كتبت بواسطة outland

خدمه مابعد البيع شنو بالضبط ؟

تبديل سفايف و زيت وفلتر يعني

اكتب اسم الموقع اللي تتعامل معاه عشان نشوف اذا الموقع ثقه


مو بعدين تطيح براسك انت والناس تدعي عليك

كلش ولا دعوه المظلوم , يقولك من حلقه الى السما على طول

---

مادري شنو موقفك بالظبط؟ ناقد سياسي ، لاجئ ، سمسار، او نجري؟ :28:

هههههههههههههههههههههههههه

شفيك معصب ياخوي

انا بعرف خدمه مابعد البيع شنو ؟ هذا اكاونت تشتريه وخلاص مو سياره او طراد

والموقع اللي تتعامل معاه اكتب اسمه , في مواقع صينيه نصابين , يبيعون الاكاونت ولما تستعمله شهر يسحبونه منك بطرق كثيره , منها بالسي دي كي او نفس ماصار مع اخوي
قالوله عطنا اسبوع ونغيرلك الايميل قال اوكي

وبعد اسبوع قالوله شنو ايميلك عشان نغيره لك قالهم ايميلي هذا azshari@hotmail.com

قالوله اوكي شوي ويتغير

دش اخوي يبي يشوف تغير او لأ شاف الايميل اول حرف z***** والباقي نجوم جان يقولهم ماتغير قالوا انطر

وبعد فته قالوله اوكي تغير ولما راح يشوف ويتأكد شاف الايميل a**** قال زين تغير اخيرا

على باله ايميله , طلعوا مسوين ايميلات على كل حروف الابجديه الانجليزيه وعدد الحروف بعد

انت على بالك a**** اهو azshari

لكن طلع ashjari

مسوين نفس اول حرف وعدد الحروف

وعطوه شهر جان يسوين طريقه السؤال السري والجواب واندز الباسوورد على ايميلهم اللي يشبه ايميل اخوي

هذي السالفه حقيقيه وصايره بأخوي وهالموقع صيني يبيع اكاونتات بعدين يسحبها

عاد انا بنصحك لا تعرض من مواقع مشبوه و مو ثقه بعدين تطيح براسك والناس تدعي عليك

والله اني ناصح , او حط الموقع مالهم ومالك شغل , قول للناس هذا موقع اكاونتات واطلع منها

وانت براحتك , انا ما اتطنز او أأمرك لكن صدقني افتك من هالسوالف

اخوي مشكور وفهمت قصدك ....

الاكاونتات هذي تبعي انا واصدقائي مو شركه صينيه ولاهم يحزنون يعني مجموعه من الاكاونتات حابين نبيعها فقط لاغير ... وهي مظمونه 100% لاني راح اعطيك الاكاونت واحوله لك على اكاونت يديد على حسابي

يعني كأنك شاري اكاونت يديد وتسوي معلوماته اللي تبيها طبعا لها شوي اجراءات بسيطه اما الباسوورد والسيكرت انسور والايميل تغيره وبعدها وننقل لك الشخصيه فيه يعني الشخصيه ماتبقى بالاكاونت ... ياريت فهمت قصدي والناس اللي حابه تستفسر حياها الله :)

الحين انت ثقه :)


مااحصل عندك درود رستو هورد ؟


يفضل رستو واذا مافي المهم درود 70

انا شفت موضوع مكتوب من واحد وقعدت ادوره ومادري وين اختفى اللي اهو عباره عن شباب يسوون باور لفل بس تعطيهم اكاونتك وتسوي شخصيه لفل 1 فيه وتعطيهم الاكاونت ويلفلونه لك لغايه 70 ويعطونك الاكاونت

طبعا الاكاونت مسوي بياناته انت وكل شي وماعليك الا تعطيهم اسم الاكاونت والباسوورد وتكون فيه شخصيه انت مختار شكلها والكلاس واهم يصعدونه 70

هذا انت اللي كنت كاتب الموضوع او شخص ثاني ؟ لو انت خير وبركه لأنه عندي اكاونت مافيه ولا شخصيه امس شاريه واذا مو انت ياليت اللي كان كاتب هذاك الموضوع يقولي عشان اسوي عنده


وياليت تشوفلي درود اذا عندك درود ناوي تبيعه
او احد من ربعك


انت كويتي ؟

لا اخوي هذا واحد مصري انا كلمته شخصيا وفعلا مجموعه من الاخوان يسوون بور لفل ولكن ماجربت انا للأمانه ... بس الفرق بينا وبين الاخوان انه احنا زاهب وجاهز وماياخذ يوم واللي انت تختاره بأذن الله موجود وايضا نسويلك اكاونت يديد ونسوي تنرازفير للشخصيه لأكاونتك اليديد الي فيه ايميلك وباسووردك وحلالك... اما الاخوان يبدون من الصفر وهذا ياخذ اقل شي 21 يوم والسعر وسط لاهو غالي ولاهو رخيص ولكن في مواقع وناس تسوي باكج ارخص من اسعارهم

للأمانه انه عندي اكسبنشنات وايد (النسخه العاديه والتطويره البيرننج كريوسيد) في علب واللي معروف بــ Battlechest Expension مانفتحت بالكرتون مخصوصه عشان وقت اللي تشتري نسويلك الاكاونت وترانزفير وتظمن حقك بالكامل






بالنسبه لسؤالك على الدرود ... موجود اكيدين، ظيفني عالايميل عشان نتفاهم



بالنسبة للسؤال الاخير ... اي انا كويتي :):):):):) حياك بأي وقت عالميل

والله ياخوك انا ماادش الماسنجر وهذا ايميلي azshari@hotmail.com

ياليت ان كان متوفر عندك الارموري تدزه لي عشان اشوف اذا كان عندك اكثر من درود عشان اشوف الاحسن واخذه

وياليت لو تعطيني بعد السعر واشوف اللي يناسبني على حسب ميزانيتي :)

ههههههههههههه

اما انتم يالكويتيين ،،، رهيبين ،،، عليكم عيارة ماهب بسيطه

اذا في شامان هورد أوروبي القير مومهم حتى لو فل أبيض و بسعر مناسب ويكون +60 لفل

ياجماعه ظيفوني عالايمييييييييييييييييييييييل هني ماراح اوزع اكاونتات ... ماهو حراج ياجماعه شسالفه ... زين انه الموضوع للحين موجود ماشالو الجماعه لووووول يرظا عليكم ظيفوني عالايميل للتفاهم

شالمنتدى اللي من اولته لي اخرته كلهم اعصاب؟

بلاليط انا دازلك ايميل مادري وصل او لأ

اوت لاند..

لو سمحت غير توقيعك..

في البداية ماكنت معارض على الموضوع بحكم اني منعت مواضيع البيع والشراء فقط لانها تشوه القسم وممكن دمجها فقسم واحد ، لكن من يوم ماانفتح الموضوع والناس بدت تتجرا تنزل مواضيع بيع وشراء ، فلذلك الموضوع مغلق ، مع اعتذار لصاحب الموضوع لكن مو ذنبي ان فيه ناس ماتفهم وتخرب على غيرها .