كلام كاز هيراي -حول استراتيجية سوني في حرب الأجهزة - لازم تقرا

بينما تظهر الرسوم البيانية تقدم نينتندو ومايكروسوفت في مبيعات الأجهزة في جميع مناطق العالم على سوني.
كاز هيراي قال : إن هذا الجيل يشبه سباق الماراثون وليس سباق قصير (سباق العدو بأقصى سرعة) , وإنه من المبكر جدا أن تحدد من سوف يربح حرب أجهزة الألعاب المنزلية .


تعليقي:
سوني على الطريق الصحيح , بعكس بعض الشركات اللي مالهم استراتيجية ولا خطة سايرين عليها .
المصدر لهواة المصادر

الزمن بيمشي والايام جايه للبلي ستيشن

ما يهمنا اذا ربحت سوني الحرب او لا وسياستها في التركيز على الطرف الاول عجبتني واستمتعت في العابها مثل انترشالد- هافنلي سورد- راتجيت اند كلانك والقادم كثير من الطرف الاول ان شاء الله يطلعون قد المستوى حتى لو خسرت سوني وقفت البلاي3 فرضا راح اكوون مسمتع في كثير من العابها واطالع عليه افلام بلوراي XD في كل الحالات انا شخصيا ما اظن ان راح اخسر اي شي لو سوني وقفت البلاي3 وهذا مستحيل طبعا

سوني واضح انها مجهزة بشكل جيد " نوعا ما " لمستقبل الجهاز ، وشفنا معرض E3 وايش منتظرنا مستقبلا ، لكن كل شي مستقبلا مستقبلا مستقبلا ، الان ؟ القليل جدا ما نراه ! وعود سمعناها منذ مده بعضها اكمل الثلاث سنوات ولازلنا لا نرى شيء .... شخصيا مرتاح من المستقبل زي ماذكرت ، لكن ابقى شي الان ، في القريب العاجل ...

هو هذا الكلام وانا متفائل وان شاء الله سوني ستفوز بالحرب صحي كلامهم انو مثل الماراثون ميكروسوفت بدت الحرب بكل ما عندها والصراحة ان برأييي انو الالعاب الحصرية مال الاكس بوكس ما تجي ولا شي من الاسطورة ميتال جير هذا برأيي

اقدر اقول انها كلمة حق اريد بها باطل.....

كلامه صحيح الجيل مثل الماراثون بس سوني فيه مو قاعدة تهرول ولا حتى تمشي....نقدر نقول انها تزحف....

يعني من الالعاب اللي كنا ننتظرها مانزل الا كم واحد منها (( HS - uncharted - R&C ))....واقرب لعبة راح تنزل بعد ثلاث اشهر تقريبا اللي هي LBP وبـ2009 KZ2 فقط....يعني مافيه شي نقدر نقول قريب ماعدى KZ2 & LBP.....

الباقي كله TBA....

+

اشوف طريقة الاهتمام بالطرف الاول حلوة....بس طريقة اهمال الطرف الثالث غبية.....
يعني جهاز البلاي ستيشن ما انبنى فقط على الطرف الاول مثل النينتندو.....
العاب كثيره طرف ثالث تعتبر العامود الفقري للبلاي ستيشن....منها MGS4....

فلذلك اهمالهم للطرف الثالث ادى لتدهور مكتبة العابهم......

وصراحه مايرضيني اشوف شركة صرفت طفولتي على جهازها تتهدور زي كذا....خصوصا لمى يكون فيه العاب ودي العبها لها قادمة (( Heavy Rain - MGS - naughty dog games and insomnic games ))....

اقتباس:

---

يعني من الالعاب اللي كنا ننتظرها مانزل الا كم واحد منها (( HS - uncharted - R&C ))....واقرب لعبة راح تنزل بعد ثلاث اشهر تقريبا اللي هي LBP وبـ2009 KZ2 فقط....يعني مافيه شي نقدر نقول قريب ماعدى KZ2 & LBP.....

---

أقرب شي من سوني هي لعبة Siren هالشهر أو على ما أظن إنزلت

اقتباس:

---

اشوف طريقة الاهتمام بالطرف الاول حلوة....بس طريقة اهمال الطرف الثالث غبية.....

---

بصراحة الشي الوحيد الي مضايقني ان إستيوهات الطرف الأول اليابانية أحسها الحلقة الأضعف مع أني أشوف
بعض التطور و التحسن لكن ليس الهائل أما الطرف الثالث ما لنا إلى نامكو لول

اقتباس:

---

كاز هيراي قال : إن هذا الجيل يشبه سباق الماراثون وليس سباق قصير (سباق العدو بأقصى سرعة) , وإنه من المبكر جدا أن تحدد من سوف يربح حرب أجهزة الألعاب المنزلية

---

في استراتيجية ذكية يتبعونها من يشاركون بسباقات الماراثون

وهي ان الواحد اول شي يهرول والي حواليه يركظون الى ان يتعبون وبالاخير الي يهرول يوصل قبلهم xd ...


هذي سياسة sony اهي تهرول .. ومايكرو وننتندو يركضون ( لهم الحاضر والمستقبل لـ sony ).

^^

بس تقدر تقول ان نهاية السباق سنة 2011 الى 2012....لانه وقتها بينزل الاكس بوكس الجديد ومعاه يبدأ جيل جديد...يعني لازم تحسب مدة السباق ولا وش الفايدة انك تهرول والناس الثانين يركضون والسباق طوله اساسا 5 سنوات تقريبا....

^
^
^


sony ... ما راح تهرول للابد xd

بتنتظر منافسينها يتعبون ( من الركض لوووووووووول xd ) وبعدها بتبدأ تركض..


وكلامي هذا تشبيه بمعنى ماكيروسوفت بتتعب من الركض اي ان حصرياتها تخلص

وsony بتبدأ بالركض اي ان حصرياتها بتزيد وبتطلع مستقبلا ....

اقتباس:

---

وقتها بينزل الاكس بوكس الجديد

---

^
^

دايما اسمع الكل يتكلمون عن هالجهاز الجديد

صراحة انا مستغرب كيف مايكروسوفت بتنزل جهاز بهالسرعة

احنا تونا شارين اكس بوكس 360 وبهالسرعة يطلع اجدد منه &_&


,,, عالعموم اذا احد عنه مصدر الخبر بخصوص جهاز مايكرو الجديد ياليت يعطيني اياه ابشوف وش

سالفتهم ,,,

اقتباس:

---

دايما اسمع الكل يتكلمون عن هالجهاز الجديد

صراحة انا مستغرب كيف مايكروسوفت بتنزل جهاز بهالسرعة

احنا تونا شارين اكس بوكس 360 وبهالسرعة يطلع اجدد منه &_&

---

الجهاز نازل له ثلاث سنوات تقريبا....بـ2011 راح يكون له تقريبا 6 سنوات بالسوق.....البلاي 2 يوم نزل البلاي 3 صار له تقريبا 6-7 سنوات بالسوق....

عن رابط للكلام هذا رابط....

وهذا رابط ثاني

واذا تبي روابط ثانيه ادخل على google واكتب xbox 2011

اقتباس:

---

sony ... ما راح تهرول للابد xd

بتنتظر منافسينها يتعبون ( من الركض لوووووووووول xd ) وبعدها بتبدأ تركض..


وكلامي هذا تشبيه بمعنى ماكيروسوفت بتتعب من الركض اي ان حصرياتها تخلص

وsony بتبدأ بالركض اي ان حصرياتها بتزيد وبتطلع مستقبلا ....

---

وشلون حصرياتها تخلص....يعني تشتري كل الحصريات الموجوده بالسوق....ولا كيف....؟

او قصدك ان مايكروسوفت فلوسها تخلص وماتقدر تشتري حصريات.....؟

ولا قصدك سوني بتصير تشتري حصريات....؟

وكيف منافسيها يتعبون من الركض.....يعني تخلص الافكار من عندهم ولا كيف....؟

اذا خلصت الافكار من عندهم من وين سوني راح تجيب افكار لان الافكار خلصت اساسا....؟

اذا سوني عندها ناس تصنع افكار ماتتوقع ان نينتندو ومايكروسوفت راح يجيبونهم...؟

فهمني لاني مافهمت صراحه حصريات تخلص وناس تتعب ومادري كيف.....لوووول

كاز هيراي طيب

كين كوتراجي كان دكتاتوري مع الps1/2 يمكن الps3 يبيله واحد يدير مشاريعه كذا

اقتباس:

---

كاز هيراي طيب

كين كوتراجي كان دكتاتوري مع الps1/2 يمكن الps3 يبيله واحد يدير مشاريعه كذا

---

اول مره اشوفك تكتب رد منطقي.....أايدك....

^^^
لوووول

اقتباس:

---

وكيف منافسيها يتعبون من الركض.....يعني تخلص الافكار من عندهم ولا كيف....؟

---

نعم هذا الي اقصده تخلص الافكار من عندهم

سوني قاعدة تطلع افكار ومشاريع جديدة كليا من خلال العابها ( العاب الطرف الاول )

بعكس مايكرو الي العابها من الطرف الاول ماتتقارن بالعاب سوني ...

واكبر دليل انها ما عندها افكار جديدة انها بس قاعدة تفك حصريات سوني

سوني اكثر من مرة صرحت بأنها بهذا الجيل ماراح تتمسك بألعاب الطرف الثالث

لان العاب الطرف الثالث كما تقول سوني مستهلكة والكل مل منها من ناحية القصة

وسوني قاعدة تطلع العاب بأفكار جديدة وقصص جديدة تبعد الملل هذا الي اقصده



...........................................................

^^^^

طيب....ماتتوقع ان اذا خلصت الحصريات راح مايكروسوفت تطلع افكار جديده ايضا....

ومايكروسوفت لو تلاحظ ان فيه العاب كثيره من نشرهم...يعني تبنوها....

ومن مشاريع مايكروسوفت الناجحه Gears of war....وراح ينزل لها جزء ثاني نهاية السنه ذي...

يعني بمعنى اخر لو مايكروسوفت خلصت تفكيك حصريات راح تتجه لصنع العاب جديده بافكار جديده....

اقتباس:

---

المشاركة الأصلية كتبت بواسطة Black Rash

^^^^

طيب....ماتتوقع ان اذا خلصت الحصريات راح مايكروسوفت تطلع افكار جديده ايضا....

ومايكروسوفت لو تلاحظ ان فيه العاب كثيره من نشرهم...يعني تبنوها....

ومن مشاريع مايكروسوفت الناجحه Gears of war....وراح ينزل لها جزء ثاني نهاية السنه ذي...

يعني بمعنى اخر لو مايكروسوفت خلصت تفكيك حصريات راح تتجه لصنع العاب جديده بافكار جديده....

---

والله يا اخوي ممكن وكلامك صحيح :silly:


عالعموم قريبا كل شي يبين ما نحتاج الا للصبر...

====================================================

اقتباس:

---

يعني بمعنى اخر لو مايكروسوفت خلصت تفكيك حصريات راح تتجه لصنع العاب جديده بافكار جديده

---

زين اخوي:33: ابي منك جواب بصدق وبكل صراحة



لو جمعنا العاب الطرف الاول من مايكرو ومن سوني


وقارنا بينهم بالنسبة لك مين الشركة الي تملك افضل العاب الطرف الاول ؟.؟.؟













وتحياتي لك:biggthump والله اسعدني النقاش معك .

اقتباس:

---

سوني قاعدة تطلع افكار ومشاريع جديدة كليا من خلال العابها ( العاب الطرف الاول )

---

مثل ؟ :33:

اقتباس:

---

مثل ؟ :33:

---

The Eye of Judgment :D

اقتباس:

---

المشاركة الأصلية كتبت بواسطة Black Rash

اقدر اقول انها كلمة حق اريد بها باطل.....

كلامه صحيح الجيل مثل الماراثون بس سوني فيه مو قاعدة تهرول ولا حتى تمشي....نقدر نقول انها تزحف....

يعني من الالعاب اللي كنا ننتظرها مانزل الا كم واحد منها (( HS - uncharted - R&C ))....واقرب لعبة راح تنزل بعد ثلاث اشهر تقريبا اللي هي LBP وبـ2009 KZ2 فقط....يعني مافيه شي نقدر نقول قريب ماعدى KZ2 & LBP.....

الباقي كله TBA....

---

الباقي كله TBA

Resistance 2 و Motor Storm 2 وين راحوا عيل الي نازلين هذي السنه

اقتباس:

---

والله يا اخوي ممكن وكلامك صحيح :silly:


عالعموم قريبا كل شي يبين ما نحتاج الا للصبر...

---

ان شاء الله....الله يحيينى ونعيش لبكرة ونعرف الاجوبه لكل شي.....

اقتباس:

---

زين اخوي:33: ابي منك جواب بصدق وبكل صراحة



لو جمعنا العاب الطرف الاول من مايكرو ومن سوني


وقارنا بينهم بالنسبة لك مين الشركة الي تملك افضل العاب الطرف الاول ؟.؟.؟

---

والله وانا اخوك ما ادري بالضبط.....لاني ما اعرف كل الفرق المملوكه للشركتين....يعني اخاف اقول فريق يطلع مو مملوك لشركه فما تعتبر لعبة طرف اول....

اقتباس:

---

وتحياتي لك:biggthump والله اسعدني النقاش معك .

---

حتى انا......استمتعت صراحه بالنقاش معاك......:biggthump....keep up the good work

اقتباس:

---

Resistance 2 و Motor Storm 2 وين راحوا عيل الي نازلين هذي السنه

---

سوري اجل....ما انتبهت....حقك علي....^_^

قدم الغشيم والحقه ..
كان عندي Xbox360 بس اللمبه الحمرااا والمشااكل الي فيه خلتني اركنه على جنب واشتري ps3
على العموم سوني له الافضليه

اقتباس:

---

The Eye of Judgment :D

---

هذه واحدة اين الباقي ؟
انا ماا نكر ان سوني تملك اقوي امكانيات جهاز حالي في السوق بس االكلام ان المنابع راح تجف و ان نهر افكار السوني ما ينضب هذا كلام ما ينهضم كلنا نعشق البلايستايشن من ايام PS1 حتي اني املكهم كلهم الي الان .
بس هذا ما يمنع ان هناك شركات اخري تقدم افكار اخري مثل الننتندو التي تربيناعليها باعتبارها اقدم الشركات الموجودة علي الساحة و ما ننكر ان افكارها خلاقة من ابتكار الDS الي الوي بتحكمه العجيب ان لم نحسب هذه كافكار فما هي ؟
ثم هناك الxbox بالعابه الممتعة من GOW الي فابل الي XBOX LIVE الذي يعتبر اقوي خدمة اون لاين حتي الان للالعاب
خلاصة القول ان لكل جهاز عشاقه و محبيه و متعته انا شخصيا ما يهمني الحرب الكلامية الحاصلة الان بين الشركات كل الي يهمني اللعبة و ان كانت جيدة اشتريها علي اي جهاز كانت المهم المتعة :biggthump

اقتباس:

---

المشاركة الأصلية كتبت بواسطة dragon.zx3000

هذه واحدة اين الباقي ؟

---

little big planet:biggthump

اقتباس:

---

المشاركة الأصلية كتبت بواسطة Black Rash

^^

بس تقدر تقول ان نهاية السباق سنة 2011 الى 2012....لانه وقتها بينزل الاكس بوكس الجديد ومعاه يبدأ جيل جديد...يعني لازم تحسب مدة السباق ولا وش الفايدة انك تهرول والناس الثانين يركضون والسباق طوله اساسا 5 سنوات تقريبا....

---

جهاز جديد = سعر غالي جدا = التطوير صعب جدا =مبيعاته حتكون قليلة اول كم سنة والمطورين الطرف الثالث يتجنبوه=الps3 حيكون في اقوى اوقاته و نفس الشيء للوي =مع السلامة

اذا تبون العاب حصرية طرف ثالث عندك
heavy rain
wardevil
بينزلون اكيد ب2009
وهل سنة الكل نسى
white knight
اللي بتنزل قبل نهاية السنة المالية اللي تنتهي ب31-3-2009
الكل مستاء من سالفة فاينل 13 لووووووول
ومسوية غشاوة على عيون النس انه سوني ماعنده العاب
انزين ليش ماصار نفس الموضوع ببيوشوك
انا ادري انها بتنول بعد سنة من نسخة ال360 بس تعتبر لعبة قوية جدا عل جهاز
الحين واحد يطلع ويقول لالالا قديمة اللعبة الكل شبع منها
واذا نزلت mgs4 عل 360 بعد سنة يقول لا سوني اغبياء شلون تنزل اللعبة ويعصب ويسب ويلعن


انا ودي من سوني بس يطلعون
team ico new project

بمعرض tgs

اقتباس:

---

انا ودي من سوني بس يطلعون
team ico new project

---

استنى بفارغ الصبر ويش هو البروجيكت الجديد لهم اتمنى انها تكون شادو اوف كلوسيس 2
او شئ جديد

يمكن كلامه صح
يعني نشوف هالشركات طايرة عشان تفوز بالمركز الاول ><
يعني انت تلاحظ في فترة هالسنتين جت طفرة لابتوب >> بتقولون وش دخل هالسالفة بس بعد سنة سنتين ماتدري وش بيصير بالتكنولوجيا يمكن تنزل تلفزيونات رخيصة وذات جودة عاليه يكتشفون شي من هنا من هناك

انا بالنسبة لي يكفيني البلاي ستيشن3 في لعبتين MGS4 و GOW3 واكاد اجزم ان المستقبل للبلاي ستيشن 3 ...

انا بالنسبة لي يكفيني البلاي ستيشن3 في لعبتين MGS4 و GOW3 واكاد اجزم ان المستقبل للبلاي ستيشن 3 ...

شباب هو المستقبل ان شاء الله حيكون البلايستيشن3 بس الصراحة اللي خايف منه انو تنفك حصرية ميتاجير مثثل ما سوو فينا بفاينال فانتاسي

اقتباس:

---

المشاركة الأصلية كتبت بواسطة ابو حبة

جهاز جديد = سعر غالي جدا = التطوير صعب جدا =مبيعاته حتكون قليلة اول كم سنة والمطورين الطرف الثالث يتجنبوه=الps3 حيكون في اقوى اوقاته و نفس الشيء للوي =مع السلامة

---

مايكروسوفت مب غبيه علشان اطيح في الخطا الي طاحت فيه سوني ..وبذكرك اذا الله احيانا

اقتباس:

---

المشاركة الأصلية كتبت بواسطة 1412 K.I.D

بينما تظهر الرسوم البيانية تقدم نينتندو ومايكروسوفت في مبيعات الأجهزة في جميع مناطق العالم على سوني.

---

الف علامة استفهام على هذي المعلومه :33:

سوني الاولى في اليابان بجهازها المحمول الــPSP ..... ومتفوقه علي الاكس بوكس

في الاسواق الامريكيه الــ PS3 تفوق على الاكس بوكس مع مبيعات قويه للـPSP كذلك

والــPS2 مازال في صراع المبيعات القويه ويتفوق علي الاكس في السوق الياباني :biggthump

(يعني) :أفكر:

اقتباس:

---

المشاركة الأصلية كتبت بواسطة i.karoom

مايكروسوفت مب غبيه علشان اطيح في الخطا الي طاحت فيه سوني ..وبذكرك اذا الله احيانا

---

علشان كذا طاحت في الاسوء اللامبات الحمرة:D

اقتباس:

---

المشاركة الأصلية كتبت بواسطة soul_UAE

(يعني) :أفكر:

---

http://www.vgchartz.com/
:أفكر: check it out !

^^^^^^^^

خوش موقع الي حاطه تفرج على توب تين الالعاب وتشوف منو الي اكثر شركه تطلع فلوس$$ XD
http://vgchartz.com/worldtotals.php

السلام ...
خلال كل السنوات ماشفت غير السوني ماسكه السوق في العالم كله وأنا الحين عمري 30 سنة أول مانزلت أفرضت نفسها على كل الأجهزة وللحين الكل يفكر بس في سوني أنا أعتبرها تويوتا الأجهزة :)
وشكرا على الموضوع

اقتباس:

---

المشاركة الأصلية كتبت بواسطة soul_UAE

الف علامة استفهام على هذي المعلومه :33:

سوني الاولى في اليابان بجهازها المحمول الــPSP ..... ومتفوقه علي الاكس بوكس

في الاسواق الامريكيه الــ PS3 تفوق على الاكس بوكس مع مبيعات قويه للـPSP كذلك

والــPS2 مازال في صراع المبيعات القويه ويتفوق علي الاكس في السوق الياباني :biggthump

(يعني) :أفكر:

---

المقصود مبيعات الـ PS3 و الـ WII و الـ XBOX360 , حيث أن الأخيرين متقدمين في المبيعات.

لكن من ناحية المبيعات الكلية لأجهزة الكونسول و الأجهزة المحمولة و زعامة سوق الألعاب , أنا أتفق معك أكيد
Sony بأجهزتها الـ PS2 و PSP و PSOne ماتزال مسيطرة على سوق الألعاب.

ولاحظوا أن الـ PSOne مايزال يباع خصوصا عندنا في منطقة الشرق الأوسط , و العاب الـ PSone سوني تبيعهم على الستور ,,
والـ PS2 مايزال يباع في جميع أنحاء العالم بشكل جنوني !!!

هناك سؤال أين جهاز الـ XBOX القديم و أين الـ GameCube ؟؟؟؟؟ إنتهوا تماما
مايكروسوفت و نينتندو حاليا يربحون من أجهزتهم الحالية , وطبعا وضع نينتندو أفضل من مايكرو
لأن نينتندو لديها الـ GBA و NDS , أما مايكروسوفت لديها XBOX360 فقط بمبيعات وقدرها 19 مليون


خلاصة الكلام ::: سوق الألعاب حاليا بيد سوني تليها نينتندو ثم مايكروسوفت يعني الوضع لم يتغير عن
الجيل الماضي (PS2 Era) سوني في المقدمة والجميع يلهث خلفها .:)

^^^^^^^^^^^^

حلوه هذي الجميع يلهث خلفها يعني نينتدو قاعد تلهث مع DS و WII لو جمعت مبيعات سوني الثلاثه منذ اصدار الوي الى الان راح تلقى تقدم لاجهزه نينتدو على سوني خصوصا في هالجيل (لاتحسبلي مبيعات PS2 قبل اصدار الوي وشوف النتيجه)

اقتباس:

---

المشاركة الأصلية كتبت بواسطة rare games

^^^^^^^^^^^^


حلوه هذي الجميع يلهث خلفها يعني نينتدو قاعد تلهث مع DS و WII لو جمعت مبيعات سوني الثلاثه منذ اصدار الوي الى الان راح تلقى تقدم لاجهزه نينتدو على سوني خصوصا في هالجيل (لاتحسبلي مبيعات PS2 قبل اصدار الوي وشوف النتيجه)

---

افهم انا ايش كتيت بعدين رد على .......... مو ترد على طول

تقول لي بالبداية أجمع مبيعات أجهزة سوني الثلاثة وبالأخير تقول لي لا تحسبلي مبيعات PS2 !!!!!

وبقول لك أن الـ PS2 مايزال بالسوق ولم ينتهي والشركة رسميا ماتزال تدعمه ......
والـ PS2 مايزال عمليا ينافس الـ WII و الـ DS و الـ XBOX360 في المبيعات

^^^^^^
اسف ما انتهبت على كلمه الاجهزه الكليه

هم حتى الاجهزه الكليه نينتدو متفوقه GBA 75 مليون DS 75 مليون GB 100 العائله 70 مليون الوي 30 مليون = 300 مليون اكثر من مبيعات كل اجهزه سوني طبعا هذا غير مبيعات 64 والسوبر نينتدو والكيوب الي تقارب 100 مليون

تبي تقول المعظم محمول الربح يتغير بشكل محدود جهاز محمول =تكاليف قليله+سعر رخيص
الكونسول= تكاليف مرتفعه+سعر غالي الربح تقريبا مثله مثله

تعرف ليش معظم الناس عبالهم سوني المتوفقه في الاجهزه الكليه بسبب كلمه ان البلاي1و2 تخطت 100 مليون فبالتالي يجزم ان سوني المتفوقه وما يدري ان نينتدو من الثمانينات واهيا قاعده تكرف و تبيع بالملايين وللحياديه نينتدو اقدم من سوني لذا صار وياها عامل مساعد

واسف على الاطاله بس حبيت اوضح بعض النقاط

اقتباس:

---

هم حتى الاجهزه الكليه نينتدو متفوقه GBA 75 مليون DS 75 مليون GB 100 العائله 70 مليون الوي 30 مليون = 300 مليون اكثر من مبيعات كل اجهزه سوني طبعا هذا غير مبيعات 64 والسوبر نينتدو والكيوب الي تقارب 100 مليون

تبي تقول المعظم محمول الربح يتغير بشكل محدود جهاز محمول =تكاليف قليله+سعر رخيص
الكونسول= تكاليف مرتفعه+سعر غالي الربح تقريبا مثله مثله

تعرف ليش معظم الناس عبالهم سوني المتوفقه في الاجهزه الكليه بسبب كلمه ان البلاي1و2 تخطت 100 مليون فبالتالي يجزم ان سوني المتفوقه وما يدري ان نينتدو من الثمانينات واهيا قاعده تكرف و تبيع بالملايين وللحياديه نينتدو اقدم من سوني لذا صار وياها عامل مساعد

---

تسلم ايديك الي كتبت هذا الكلام :biggthump:biggthump:biggthump:biggthump

اقتباس:

---

Sony بأجهزتها الـ PS2 و PSP و PSOne ماتزال مسيطرة على سوق الألعاب

---

شوف الفرق

اقتباس:

---

http://www.vgchartz.com/images/dslogo.png
23.10M Japan
24.03M America
28.69M Others
75.82M
67.6%


http://www.vgchartz.com/images/psplogo.png
9.94M Japan
13.14M America
13.26M Others
36.33M
32.4%

---

^^^^^^^

مشكور اخوي

وعلى فكره الحسبه الاولى غلط هم 350 مليون مش 300 مليون

لو تتكلم على الحسبة طيب انا اقلك على شغله انت نسيتها نتيندو كم سنه لها تكرف في الاجهزة 20 - 25 سنة قول تقريبا 22 سنة
طيب سوني كم لها في الاجهزة 10 سنوات تقريبايعني نتيندو عمرها في مجال الالعاب دبل سوني يعني سوني لحقتها وتقدر تقول عدتها في سنوات اقل ونتيندو حايسه من زماااااان وماسوت شي
ولو تبغا الصراحة النيتندو ما اعترف بيها لان اغلب العابها العاب صغار والحق يقال
عندي قاعدة ماشي عليها جهاز مافيه ميتل جير ولا gta ولا كورة محترمة ولا لعبة سيارات محترمة ماهو جهاز
واتمنا تقبل وجهت نظري

من ناحيتي ما أشوفها من هذا الجانب من باع ومن خسر ومن فاز

الأهم من هذا كل واحد يرتاح بجهازه مرتاح بالألعاب ألي يلعبها يحس أنها مناسبة له وتستاهل فلوسه

يعني في ناس تحب الالعاب الطفولية وألي ما لها معنا وتلاقي مبيعاتها خيالية ولو تلعبها تحسها سخيفة

كل شي راجع لذوق

اقرب مثال بوكيمون الاخير ألي صدرت على DS الظاهر بوكيمون بريل انا لعبتها وخلصتها بصراحة سخيفة وتعتبر منسوخة من الأجزاء القديمة بدون اي تغير يمكن حتى الرسوم زي ما هي معا ذالك مبيعاتها خيالية لأان في ناس تحبها وتعشقها على انها سخيفة (راي شخصي أقصد طبعا جزء بريل و دياموند بس )

وجربت جهاز Wii مثلا فكرته حلوة بس بعد مدة تقول لنفسك طيب وبعدين ؟ نفس الشي وألي متى ألعب تنس ؟ يعني ما تقدر تلعبها بالحقيقة احسن ؟ معا ذالك Wii متصدر المبيعات لأان الناس أذواق وأغلب الناس تحب الالعاب العائلية والبسيطة بدون تعقيد يعني أبو 40 سنة يلعب معا أبو 10 سنوات ووناسة وفله بس كا محترب ألعاب ما راح يستمتع لأان نيتندو غرضها ربحي ونظريتها ربحية واكبر دليل كل يوم نازل ريموت شكل وحدة مسدس والثاني طيارة وكل هذا ما شي وأرباحة خيالية .

يعني تخيل نفسك تلعب MGS4 معا أخوك الصغير بالريموت ؟ صعبة؟

دايم True Gamers ينحازون للـ Xbox360 و PS3 لان ألعابهم مستوها راقي يعنني يشبع رغبة true gamers
لأان فكرة Video Game اساسا انك تلعب شي انت ما تقدر تسويه بحياتك مثلا تخوض حرب(COD4) اما شي تقدر تسويه بحياتك لو كان على الواقع يكون اكثر متعه (رأي شخصي)

ما يختلف من ألي يفوز بالنهاية حتى لو خسرت سوني الحرب ألي بدت تصير حرب عالمية ^_^
بس أهم شي أظل مرتاح بجهازي سواء Wii او Xbox360 او PS3

كل شي راجع لذوق الشخص وان يكون الجهاز يعجبه

انا أشوفها علاقة عكسية لما كان PS2 بدون خدمات يعني بدون online ولا شي وكان بسيط للغاية كانت مبيعاته خيالية
أما PS3 لما صار معقد وسوني ودها تعالج فيه حتى الأمراض؟ ^_^(لول) ويمكن تطير فيه للمريخ! صارت مبيعاته عادية وسيئة

بالنهاية ما تفرق معانا من يفوز وألا يخسر أهم شي نستفيد خلهم بالحرب يتنافسون من مصلحة المستهلك عشان كل شركة تصلح أخطائها ويكون الخيار متاح قدامنا اي جهاز نختار أحسن ما يكون حصري على جهاز واحد

اسف على الأطالة بس أخذت راحتي شوي أدري كلامي ممكن يزعل ناس بس رأي شخصي

وتقبلوا مروري

اقتباس:

---

المشاركة الأصلية كتبت بواسطة o_nokia_o

لو تتكلم على الحسبة طيب انا اقلك على شغله انت نسيتها نتيندو كم سنه لها تكرف في الاجهزة 20 - 25 سنة قول تقريبا 22 سنة
طيب سوني كم لها في الاجهزة 10 سنوات تقريبايعني نتيندو عمرها في مجال الالعاب دبل سوني يعني سوني لحقتها وتقدر تقول عدتها في سنوات اقل ونتيندو حايسه من زماااااان وماسوت شي
ولو تبغا الصراحة النيتندو ما اعترف بيها لان اغلب العابها العاب صغار والحق يقال
عندي قاعدة ماشي عليها جهاز مافيه ميتل جير ولا gta ولا كورة محترمة ولا لعبة سيارات محترمة ماهو جهاز
واتمنا تقبل وجهت نظري

---

جيك على ردي عدل قلتلك للحياديه نينتدو اقدم من سوني لذا وياها عامل مساعد وبعدين انا ما قلت نينتدو افضل من سوني واحد من الاعضاء قال سوني المتقدمه في الاجهزه الكليه وانا صصحتها كمعلومه ولكن عامل الوقت مو ضروري هاهي سيجا اقدم من سوني وخسرت وتحولت طرف ثالث اما العاب نينتدو راح ارد اوضحها في الرد التالي

[quote=om1406;6204566]من ناحيتي ما أشوفها من هذا الجانب من باع ومن خسر ومن فاز

الأهم من هذا كل واحد يرتاح بجهازه مرتاح بالألعاب ألي يلعبها يحس أنها مناسبة له وتستاهل فلوسه
وانا وياك في هالنقطه واوضح واقول انا ما قصدت نينتدو الافضل بل الاكثر مبيعا

يعني في ناس تحب الالعاب الطفولية وألي ما لها معنا وتلاقي مبيعاتها خيالية ولو تلعبها تحسها سخيفة
معاك حق ويكفي براين ايج ونينتدو ووي بلاي وهالطقه

كل شي راجع لذوق

اقرب مثال بوكيمون الاخير ألي صدرت على DS الظاهر بوكيمون بريل انا لعبتها وخلصتها بصراحة سخيفة وتعتبر منسوخة من الأجزاء القديمة بدون اي تغير يمكن حتى الرسوم زي ما هي معا ذالك مبيعاتها خيالية لأان في ناس تحبها وتعشقها على انها سخيفة (راي شخصي أقصد طبعا جزء بريل و دياموند بس )
تقريبا كان اسوا جزء بالسلسله
وجربت جهاز Wii مثلا فكرته حلوة بس بعد مدة تقول لنفسك طيب وبعدين ؟ نفس الشي وألي متى ألعب تنس ؟ يعني ما تقدر تلعبها بالحقيقة احسن ؟ معا ذالك Wii متصدر المبيعات لأان الناس أذواق وأغلب الناس تحب الالعاب العائلية والبسيطة بدون تعقيد يعني أبو 40 سنة يلعب معا أبو 10 سنوات ووناسة وفله بس كا محترب ألعاب ما راح يستمتع لأان نيتندو غرضها ربحي ونظريتها ربحية واكبر دليل كل يوم نازل ريموت شكل وحدة مسدس والثاني طيارة وكل هذا ما شي وأرباحة خيالية .
هههههههههههه يعني الوي حاليا ما في الا وي سبورت ووي بلاي لعملك الوي عليه اكثر العاب قويه في اول سنه ونص زيلدا تويلايت برنسيس(يكفي انها افضل لعبه زيلدا) وماريو جالاكسي(لا تقولي لعبه اطفال اللعبه اخذت افضل لعبه لعام 2007 من معظم المواقع غير الثوره الحقيقه في الغيم بلاي وصعب على الطفل ينهيها حتى الهارد كور الشباب صعبه عليهم)ميترويد برايم 3 سماش-فاير ايبلم من افضل العاب strpg
يعني تخيل نفسك تلعب MGS4 معا أخوك الصغير بالريموت ؟ صعبة؟

دايم True Gamers ينحازون للـ Xbox360 و PS3 لان ألعابهم مستوها راقي يعنني يشبع رغبة true gamers
لأان فكرة Video Game اساسا انك تلعب شي انت ما تقدر تسويه بحياتك مثلا تخوض حرب(COD4) اما شي تقدر تسويه بحياتك لو كان على الواقع يكون اكثر متعه (رأي شخصي)
اذا ماريو وزيلدا وميترويد وسماش مو مستواها راقي اذن منو الراقي
ما يختلف من ألي يفوز بالنهاية حتى لو خسرت سوني الحرب ألي بدت تصير حرب عالمية ^_^
بس أهم شي أظل مرتاح بجهازي سواء Wii او Xbox360 او PS3

كل شي راجع لذوق الشخص وان يكون الجهاز يعجبه

انا أشوفها علاقة عكسية لما كان PS2 بدون خدمات يعني بدون online ولا شي وكان بسيط للغاية كانت مبيعاته خيالية
أما PS3 لما صار معقد وسوني ودها تعالج فيه حتى الأمراض؟ ^_^(لول) ويمكن تطير فيه للمريخ! صارت مبيعاته عادية وسيئة
بالعكس البلاي2 كان قدراتها مقاربه من منافسيه في وقتها من ناحيه الجرافكس حتى افضل لعبه جرافكس ظهرت عليه غود2 مع ان الاضعف جرافكسيا والاونلاين توافر في جهاز واحد بس
بالنهاية ما تفرق معانا من يفوز وألا يخسر أهم شي نستفيد خلهم بالحرب يتنافسون من مصلحة المستهلك عشان كل شركة تصلح أخطائها ويكون الخيار متاح قدامنا اي جهاز نختار أحسن ما يكون حصري على جهاز واحد
المفروض الكل يفكر نفس تفكيرك والحمدالله اني منهم
اسف على الأطالة بس أخذت راحتي شوي أدري كلامي ممكن يزعل ناس بس رأي شخصي
quote]

هالمره انا مو منهم:D ومشكور اخوي على النقاش الرائع العقلاني

اكيد زيلدا وميترود وماريو جالكسي راقية بس ما حبيتهم على Wii

كنت من عشاقهم على الجيم كيوب

ليش لأاني شفت قدارت الجيل الجديد وكنت أتمنى أنهم بقوة هذا الجيل كان راح يكون أفضل بمراحل بس للأسف نيتندو صار هدفها ربحي بحتظ( أقل ألتكاليف+ وما تهم الكواليتي= اهم شي الأرباح )

يعني بعد ما تلعب MGS4 و gears of war راح تقول حرام زيلدا وميترود وماريو جالكسي ما صاروا بمستوى الجيل هذا ؟ انا ما أقول لك أنها سيئة بالعكس قياسا على ألعاب Wii أصنفها أفضل ألعابه بس ما ترضيني كمحترف جيميز له اكثر من 20 سنة يلعب جيمز ؟

يعني حرام حنا بجيل جديد ونلعب ألعاب جيل قديم ؟

طبعا زي ما قلت رأيي الشخصي لحد يزعل

ومشكور أخوي على النقاش الرائع معاك ^_^

(الله يعين على شادو شكله راح يقفل الموضوع ^_^)

^
^
نقاشكم طيب ومحترم ، لكن المشكلة لو دخل لك احد هالبزارين وقلب الدنيا =_= ! يفضل ان حاليا نتجنب عن المقارنة مع الاجهزة الاخرى سدا للذريعة من اللي عقولهم مقفلة ... تحية لكم اخواني om و rare على النقاش المفقود في اقسام الجيمز ...

اقتباس:

---

ليش لأاني شفت قدارت الجيل الجديد وكنت أتمنى أنهم بقوة هذا الجيل كان راح يكون أفضل بمراحل بس للأسف نيتندو صار هدفها ربحي بحتظ( أقل ألتكاليف+ وما تهم الكواليتي= اهم شي الأرباح

---

كلامك عين العقل . صراحة انا من محبي wii&ps&xbox لاني بنظري اشوف ليه اتعب نفسي بمقارنات مالها الداعي وانا اساسا العب الفيديو جيمز ليه ؟؟؟ مو عشان المتعة؟

اما من ناحية هالكلام اللي تقوله انا متفق معك . لمتى صراحة باقوم اناقز قدام الشاشة والف يمين ويسار والله يستر كم تلفزيون بينكسر من كثر الصفق بهالريموت....اتوقع انا على طول تعودناعلى اسلوب اللعب امام الشاشة واحنا ساكتين ومتفاعلين مع اللعبة.. ومع ذلك نادرا مانمل من هذه الالعاب..
انا اتوقع فكرة ننتندو جديدة ومبتكرة بس اتوقع دايما لازم نرجع للاصل ..
تقبلو تحياتي..

مشكوووور اخوي على التوضيح وكما قيل مو مهم مين يكسب السوق (اشبها الفلوس راح تجينا ) اهم شي ان كل واحد ياخذ حاجة مقتنع بيها ويسيبه من كلام الناس لان الناس اذواق وكل واحد بذوقه