عرض للطباعة
ســــــــــــــــلام
مبروك لعشاق تكن فقد اعلنت نامكو انه موعد صدور تكن 6 على
البلايستيشن 3 في اليابان سيكون في ديسمبر 2008 .
المصدر : the-Magicbox.comاقتباس:
Bandai Namco announced the PS3 version of Tekken 6 will be released in Japan in December 2008.
الله ابشرك بالخير .. هذي اكثر لعبه انتظرها
بس اظن ان النسخه الانجليزيه (اوروبيه لمريكيه ) راح تطول اشوي نفس ماصار مع داينستي ووريور
يعني الامريكي في q1 2009 شكلي بغزرها على سول كاليبر لين ذاك الوقت وكله جم يوم وباخذها وان شاء الله تطلع بالمستوى المطلوب
وعليكم السلام ورحمة الله وبركاته
حلـــو ، يعني اللعبة بتنزل قريب بالنسخة اليابانية .
متحمسه للعبه حيل ،خصوصا ان في تحسن كبير بالجرافيكس
http://www.tekken-official.jp/tk6ac/...tk6_01_219.jpg
وتم اضافة الشخصيات الجديده كالعاده مثل
Bob وMiguel :33:
وللمعرفة واثراء الموضوع هذا الموقع الرسمي
اللي يحتوي على صور الشخصيات باللعبة .
http://www.tekken-official.jp/tk6ac/characters.html
وشكرا اخوي سالمور على الموضوع ^^
واسفه على الاطالة ^^
يعطيك العافية ^^
احلى لعبة قتال هي تكن ان شاء الله ترفع من مستوى البلي ستيشن
شنو اهو في نسخة ثانية غير نسخة ps3 باستثناء الأركيد؟اقتباس:
PS3 version
في حجي يقول انها بتنزل على الاكس بوكس بس ماكو شي اكيد :)اقتباس:
المشاركة الأصلية كتبت بواسطة alligator unit
المهم انا ناطر اللعبه انجليزيه سواء اكس بوكس او سوني 3 ما تفرق المهم العبها (&)
nice, يعني في هذه السنة تنزل,
شخصيات جديد شكلها جيده, اهم شيء الشخصيات الي احبها بالاجزاء القديمه هني ايضا,
الجرافيك والتاثيرات حلوة,
شكرا SALMORE و AL Bhed Girl, على المعلومات و الخبر,
ننتظر العبة,
في انتظار التكن
وشخصيا مانا مهتم إذا انفكت حصريتها او لا .
خبر حلو ..
بس اتمنى انهم طوروا بعض الاشياء اللي كانت ماش بالاجزاء السابقة!!!
يعني مثل الانتقال من مكان الى مكان وتاثيرات البيئة بحيث تكون interactive وغيرها..
مما يعطيها الافضلية على doa وسول كاليبر ...
^^^
سواء حطوا هذي الاشياء او لا هي افضل منهم كلهم
ياليت لو يضيفون نظام tag من زمان ما لعبنته بعد doa3 وتكن تاج (تكن4و5 اعتقد ماكان فيهم)
ماحد قال شي هي احسن بس راح تضيف للعبة طعم اخر...اقتباس:
سواء حطوا هذي الاشياء او لا هي افضل منهم كلهم
نقدر نقول بشكل غير رسمي اللعبه ميلتي !!اقتباس:
PS3 version
الله يسمع منك :Dاقتباس:
نقدر نقول بشكل غير رسمي اللعبه ميلتي !!
مشكور أخوي على الخبر ، و هذا شيء مفرح بالنسبة لي لأني ما أحصل وقت أتدرب على اللعبة فيه ، ما شاء الله الشباب عندنا مب مقصرين فاللعبة.
بالنسبة للإضافات إلي تقول عليها يا أخ زيرو فهي موجودة و أنا مجربهم بروحي و اليوم بعد صارت معاي (حملت واحد ويوم رميته إنكسر الزجاج إلي في الأرض و صرنا بمرحلة ثانية) أما بالنسبة للجرافيكس فهو أفضل بمراحل عن إلي قبل و في مرحلتين مفتوحتين (مرحلة للزعيم و مرحلة في كازينو) و في تفاعل كثير في المراحل يعني مثلآ في مرحلة فيها مكتبه يوم ترجع الشخصية على المكتبة تنكسر أبوابها و يطيح الزجاج ولو رديت مرة ثانية بيطيحوا الكتب و كل مرحلة فيها شيء مميز مثل مرحلة فيها دجاج و خزاير أكرمكم الله و غيرها وبعد في حركات تظرك في بعض المراحل (مثل حركة Lee يوم يمسك الشخصية الثانية ويظربها بريوله الثنتين ويطير لين ورى ، إذا سويتها ووراك جدار عادي تنظرب وتتعور ^_^) ، حتى إنه اللعبة لها جهاز أركيد خاص بشاشة HD عشان يتحمل و يظهر الجرافيكس (و أعتقد إنه يشتغل بجهاز الـPS3 لأنه يوم كانوا يسوون الظبط طلعت لهم نفس الـ XMB حق البلايستيشن 3) ، أما بالنسبة للزعيم فهو وحش غريب إسمه Azazel على ما أظن و بتحصلون الفيديو له تحت ، و في شخصية Bonus تطلع بنص اللعبة هي عبارة عن آلي ضخم ما تقدر تصد ضرباتة إسمه نانسي \ Nancy-MI847J \ ×_× (الإسم مايركب عليه) همم ... شو باقي بعد ما قلته ... صح اللعبة تحكمها غير عن قبل يعني التخبيص هني ما يفيد لازم تسوي الحركات بالضبط و بالوقت المناسب خصوصآ الكومبوهات عشان تطلع صح و أضافوا بعد شيء جديد إسمه Rage وهو إنه لما يكون عندك باقي 10% من دمك يصير حولك نفس الظل الأحمر و حركاتك أقوى أعتقد بـ 20% عن قبل ^_^ ، وكل الشخصيات القديمة عندهم حركات جديدة و تغيرت بعض الحركات القديمة ، بالنسبة للشخصيات الجديدة فهي رائعة و مميزة (في شخصيتين قريبات من لعبة The King Of The Fighters) وهم Leo و Miguel أظن هذا إسمه ، و بالنسبة لـ Jin فردو له اللبس القديم ^_^ مع إني ما ألعب فيه لكن عجبني لبسه ، و آخر شيء مميز في الآركيد إنه في بطايق تقدر تشتري فيها كاستم حق الشخصيات يعني لبس جديد و ألوان جديدة و تقدر تغير ألوان الـ Rage و تسوي لوجو لفريقك و غيره مثل شراء بعض الأسلحة مثل الـ Shotgun لـ Brain و تستخدمة في اللعبة و العصايتين إلي مربوطات بسلسلة لـ Law وتقدر تسوي فيه كومبو خاص بس للأسف لين الحين ماعرفنا كيف نقدر نييب البطايق و ما أدري إذا بتكون الحركة هذي موجودة في الـ PS3 وبنقر نشتري باللعبة عادي مثل Tekken DR أو لازم نشتري من الستور ؟
^_^ أتمنى إني أكون أفدتكم في هذه الملعومات و في أمان الله (لا تنسوا الفيديوها إلي تحت ^_^)
هذا عرض الإفتتاحية للعبة الأركيد:
عرض لصور الشخيصات (طبعآ أول أربعة جدد و شخصيتي المفضلة هي Bob):
الزعيم Azazel مع Armor King
شخصية الـ Bonus Round : Nancy-MI847J
هذا عرض يوضح لعب بعض الشخصيات:
و هذا العرض الأخير فيه تحدي بين الشخصيتين الجدد (Bob Vs Zafina):
وصلات الفيديوهات بالترتيب لو ما إشتغلت لكم:
http://www.youtube.com/watch?v=koHPH...eature=related
http://www.youtube.com/watch?v=Bkg1f...eature=related
http://www.youtube.com/watch?v=5ujvuR3zE0M
http://www.youtube.com/watch?v=ZU4yq3qH08o
http://www.youtube.com/watch?v=VL9WhqVNx1A
http://www.youtube.com/watch?v=6JUSB_TNRGs
هذي كل الفيديوهات المهمة إلي قدرت أجيبها لكم طبعآ تقدرون تحصلون على المزيد من موقع Youtube ^_^ ، أتمنى أكون سليتكم و أفدتكم و في أمان الله (لا تنسونا بدعائكم) ^_^