السلام عليكم و رحمة الله و بركاته و بعد
عنوان غريب صح, لا مش عنوان أنيمي جديد او حتى قديم. مش عنوان مانجا او شركة, و اطمنوا, مش اعلان مهرجان دبي للتسوق!!.
عيل عن شو الموضوع.
طبعا الكل ملاحظ انه هذا القسم خامد و بقوة, (دقيقة ياللي بتروح, كمل الموضوع و بعدين قرر اذا تبي اتروح و لا لأ).
المهم, انا ما فتحت الموضوع عشان اناقش الاسباب لانه اللي حصل حصل, و الموضوع هذا مجرد نداء ممكن يشجع بعض الاعضاء للعودة من جديد.
في الفترة الماضية, جفنا العديد من التعديلات اللي كان هدفها الارتقاء من مستوى القسم لكن للأسف ما عدلت فيه شي, سواءا من ناحية منع مواضيع معينة, وضع قوانين غريبة ما قدمت للقسم شي, على العكس أدت لفقدان بعض الأعضاء منهم مميزين.شو الحل برايكم؟
القراء:لحظة, الحل لشو؟
بالظبط, شو المشكلة أساسا؟
امممم, القسم راكد؟
و شو السبب برايكم؟
ما شي مواضيع جديدة, أو مشاركات غنية و عديدة؟
و شو السبب بهالشي؟
عدم وجود أعضاء؟
غلط, الأعضاء موجودين؟
اذا الأعضاء موجودين, معناته في شي يمنعهم من المشاركة؟
و شو هالشي؟
ما نعرف؟
اعصروا مخكم و فكروا شوي؟
همممم, ممكن التحفيز, عدم وجود شي يستحق نظيع وقتنا عشانه و نكتب موضوع و نشارك؟
و شو برايكم الشي اللي يجذب الأعضاء (اللي هم انتوا), و ممكن يدفعكم للمشاركة؟
ما نعرف؟
كيف ما تعرفون!!
دقيقة, خلنا انفكر. أشياء يفتقرها القسم حاليا:
مواضيع تفتح النفس و بأسلوب حيوي شوي.
أعضاء نشارك بسببهم.
جو و بيئة تفتح النفس للمشاركة.
نشاط و حيوية دائميين.
تغيير الروتين, و التجديد دائما, لمنع الاصابة في الملل.
بس؟
و ليش اللي قلناه شوي.
انزين, لو جفتوا هالأشياء تحققت , ممكن ترجعون (للقدامى), و ممكن تتحفزون (للجدد)؟
ليش لأ. بس لحظة, شو المخطط, حمستنا.
صدق!! زين يوم اتحمستوا, أنا بقولكم شو اللي عندي.
القسم الأول, بخصوص مواضيع تفتح النفس و النشاط و الحيوية الدائميين:
بحاول بالفترة القادمة ازيد عدد مواضيعي, و بنفس الوقت انا متأكد شي ناس بتتحمس يوم بتجوف ناس بدت تكتب.
في شغلة حبيت اقولها, عندنا نحن الجيولوجيين عبارة دوم انرددها: الحاضر هو المفتاح للماضي. يعني, يوم انجوف كيف تتكون الصخور و الأنهار الحالية, نقدر من خلالها انفسر الأشياء اللي صارت بالماضي. انا بعكس العبارة, و بقول الماضي هو المفتاح للحاضر, كيف يعني؟
عندنا نحن ما أسميه أكبر مكتبة تقارير من أفظل ما يكون و كتاب ممتازين اشتهر فيهم منتدى الأنيمي. ليش ما نلقي نظرة كيف كانت الأمور سابقا.
بسم الله, ببدأ بأهم المواضيع اللي لفتت انتباهي و فيما بعد البركة بالأعضاء الجدد و أفكارهم للنهوض بهذا القسم^__^:
الموضوع الأول: مجلة الأنيمي
جوفوا الوصلة اللي تحت و قولوا لي شو رايكم.
هنا
طبعا,انبهرت باللي جفته, جهد كبير و ظخم, عمل رائع, بس ماشاء الله كم عظو اشتغلوا فيها: 14,طبعا المصممين محسوبين.
طبعا ببالي انسوي مجلة شهرية, طبعا مش بظخامة المجلة اللي فوق, أو حتى بمظمون المجلة السابقة لكن بمظمون اخر مختلف يعكس المتابعين الحاليين للأنمي, و المختلف طبعا عن الجيل السابق. مرة ثانية, مب شرط انخليها ظخمة, بس أهم شي أنها تكون دورية و جذابة تعطي رونق خاص للقسم. الفكرة موجودة, بس ما تم استغلالها للأسف. المجلة بتحل مشكلتين, بتعطي نشاط دايم للقسم و بأفكار متنوعة و مختلفة على مر الوقت, بتقظي على التكرار.
ببالي العديد من الأفكار بالنسبة للمجلة, بسيطة و ما تاخذ وقت, بفتح موضوع بخصوصها و اتوقع مشاركة الكل, و لو بأشياء بسيطة. مثلا: المجلة اتكون ملخص للأحداث اللي صارت في منتدى الأنيمي في الشهر السابق, أهم التقارير اللي نزلت, بعض التقارير, معلومات عن الاعضاء, كأنشط عضو و الخ من الأشياء و الافكار, مثلا, قسم يحوي على ما أسميه anime classics, فيه نبذه او استعراض لأحد اساطير الانيمي و الخ من الافكار الثانية مثل الاخبار و التطورات بالنسبة للانيميات الحالية!!
ألحين حلينا ثلاث مشاكل: الروتينة و التغيير + النشاط المستمر + المواضيع, ظلت مشكلة وحدة: البيئة الجاذبة.
برايي هذي أهم نقطة , اذا ما توافرت بيئة محفزة, مشجعة و مريحة, الشخص بعمره ما بيقدم شي أو حتى ينتج.
في شغلة حبيت أقولها و اتمنى من البعض ما ياخذها بحساسية, قبل, الأعضاء متواصلين مع بعض بشكل يفوق الخيال, احترام متبادل , تواصل دائم, الواحد اذا يكلم الجنس الأخر من الاعضاء او حتى العضوات دايما كان فيه ألفة و احترام و أخوة. ظهرت شلة قعدت اتسوي مشاكل, تقذف و تضايق العضوات و تحش في الذكور و تقعد اتطلع اشاعات.
بعدها مواضيع التعارف شالوها من القسم بحجة انه شي منتدى ظيافة و الى اخره من الأعذار.
طبعا, انا ما اقول هالشي غلط (اقصد ازالة مواضيع التعارف اللي ما لها علاقة بالانيمي +مواضيع الجات ) لأنه وجهة النظر الرئيسية كانت التيمن بالمواقع الأجنبية و جعل الموضوع يعامل بنوع من الرسمية, و اقصد النقاشات و الخ. لكن, ليش لازم انقلد غيرنا في الأشياء, طالما وجود هالمواضيع بيخلق دافع و حافز للأعضاء ليش انشيلها, على العكس, لازم نتبناها و انخليها, لانه الاعضاء الجدد بيتأثرون بالأعضاء القدامي و بيقتدون فيهم.
Note: I know I may sound like a DRAMA Queen here but isn’t this the truth.
و على قولة مارو من ماروكو: ألا أقول الحقيقة:ds007:
نقطة ثانية بخصوص الجدية, المنتدى صار عشان الناس اترفه عن نفسها بشي هادف, تجلبونها جد, اوكيه حتى الجد له حدود, لكن ما توصل لدرجة أنكم اتشيلون أساس الابداع و التحفيز. جوفوا الموضوع اللي تحت و بتفهمون قصدي:
لو صار هالشي, بنقدر نحقق هدف عنوان الموضوع, قسم واحد, عائلة واحدة. و لو صار هالشي حتى لو صارت فترة خمود, الكل يعرف شو السالفة, مثل فترة الامتحانات, مثلا الاعضاء الكبار يكونون مجهزين المجلة لشهر 12 او 1, 5 او 6 على حسب الامتحانات, بالتنسيق مع المراقبين طبعا.
شو بعد. . .أرجع للنكسة للي صارت و سببت اختفاء العضوات بسبب الكلام الجارح, أرجع و أأكد أهمية الألفة, يعني لو واحد اتجرأ و غلط على أحد توقيف, و لو استدعى الأمر الله يخلي الهاكرز اللي نعرفهم, يحرقون كمبيوتر اللي غلط عشان يفكر الف مرة قبل ما يغلط. (اشك انه العقليات الصغيرة بعدها موجودة, و اذا موجودة اتوقع انها كبرت, فحاليا اخر همي شغلة نفس جيه)
في وايد أشياء ببالي بس بختم كلامي على السريع بالأشياء اللي نحتاجها:
أولا: مجلة و ذكرت الأسباب فوق.
ثانيا: موضوع جديد يعرف بالأعضاء.
ثالثا: موضوع انسميه anime showdown, فكرة الأخ NSANاللي نفتقده و البهارات اللي كان ظايفنها بالقسم, الموضوع عباراة عن مناظرة بين عضويين حول أنيمي معين, واحد يحب و الثاني يكره الأنيمي, كل واحد يسرد وجهة نظره , طبعا ما شي فايز أو خاسر, بس لاظافة نوع من الحماس, حبذا لو كانت شهرية^_^.
رابعا: أفظل لو قسم الجات يرجع I will work on it.
خامسا واخيرا: مواظيع زيادة.
اسمحولنا على الازعاج, كتبت الموضوع و انا مستعيل (مستعجل) و لي رجعة بعدين.
انجوفكم على خير, مع السلامة ^__^.
