بسم الله الرحمن الرحيم
السلام عليكم ورحمة الله وبركاته
|| مقدمة ||
كان ودي أنزل هالموضوع من فترة بس جهازي يخرب بيته خرب وخربت معه آمالي
وبعد ما شفت مواضيع الأعضاء هنا قلت وش وراي خلني أكتب موضوع
وكانت هاذي النتيجة في ليلة وضحاها :D , عساه يطلع بالمستوى المأمول بس
وأيه الموضوع ملون إهداء لمجنون العجمي :D
واسم الموضوع , ما لقينا غيره خخخ
|| يوم تكون الطفرة مشوار الطموح ||
ماجد شاب توه فاصخ الــ 17 ولابس الــ 18 كان يعيش مع والديه في محافظة الدوادمي
في ديرة الملك عبدالله , متفوق في دراسته جدا وذكي مع ورقة امتياز من المدير , لكن قدر الله انه وهو طالع من الحمام يزلق بصابونه
ويدق راسه بماسورة الغسيل ويجيه تسرب في المعلومات :D وصار أدلخ من ولد جيرانهم سعيد , للأسف الوالد جاب سمكري ودق كم مسمار في
راس ماجد وأخذ عليهم فلوس التي كانت بداية مأساة الوالد في العراك مع الديون
<-- يلعن أبو المصطلحات مب راكبه على الجمله خخخ
وكان مصير ماجد في النهاية الشغل في ورشة والده والدراسة , ومن أول يوم اشتغل ماجد في ورشة أبوه بدأت الديون بالتراكم على الوالد حتى
اصبحت فوق كاهله , وبدال ما يمشي بعصا وحدة صار يمشي بعصاتين :D , وتمر الأيام والديون في ازدياد و أبو ماجد ظهره في اعوجاج خخخ ,
ولم تصبر أم ماجد على الديون وأخذت مفتاح سيارة أبو ماجد ودقت سلف
ودعست على الهايواي وطبت من أقرب جرف وهي تلعن وتسب ماجد من ذاك اليوم بعد ما دزها من السطح يبي يمزح معاها <-- ابوك يالمزح الثقيل خخخ ,
وتركت رسالة تعلمهم عن مكان كم درهم وريال خاشتهم في البيت ويوم عدها أبو ماجد طلعت ما تعدي الــ 20 ريال
<-- رسالة على غير سنع خخخ , حتى أبو ماجد كذلك لم يستحمل الديون وذهب لبيت أبو سعيد في آخر الليالي يدق جرس يطلب فيه دين ليسدد ديونه ,
أبو سعيد طلعله ببجامة ميكي ماوس وطبعا ما قصر وعطاه من مخابي جيبه ومرت الأيام والأيام
حتى قرر أبو سعيد السفر لتركيا هو وربعه بعد مسلسل سنوات الضياع :D , ويبغى فلوسه
لكن أبو ماجد مطفر ما عنده ولا قرش , فكان مصيره السجن 10 سنين مع الأعمال الشاقة
<-- أبو سعيد ومعارفه مع التجار خخخ , أما ماجد فقطع وعدا بأن يشد حيله ويشتغل ويجيب فلوس ويدفع ديون أبوه ويطلعه من السجن , وبعد سنة
تخرج ماجد من الثانوية بنسبة 99.50% وقام يتحسر ويبكي في زاوية الصف على النص اللي فاته وبعدها طلع الشارع وهو يلوح بالشهادة
ويصيح قدام الناس وهو يطير من الفرحة :
يبااااه يباااااه قسم بالله لأطلعك من السجن , وأجيبلك 30 راس خروف مثل ما تمنيت :D
<-- أمنية شايب طفرانخخخ , ثمن وقف ماجد على أطلال بيته وهو شايل ملفه الأخضر
وهو يناظر في الفرشة وفي وسطها قلاس مويه ويلف راسه يمين ويسار وهو يتأمل ويبحث في البيت الفاضي اللي مافيه ألا هالثنتين ,,, وخرج !
<-- حاط استفهام يعني أخراج أبو كلب في الكتابة خخخ , وذهب ناحية أرامكو للتقديم على العمل هناك وهو شايل قشه في الطريق , وطبعا الطريق
كله كان كعابي من أوله لآخره نظرا للطفرة التي تشكي وبعد مضي 3 ليالي مشيا على الأقدام بدون نوم ولا أكل ولا شرب وحافي القدمين
يمشي على الجبال والوديان وحتى الغابات <-- الرجال صامل خخخ وصل أخيرا لمبنى مكتوب عليه ( حدود منطقة اليمن )
<-- يا شيخ رايح جنوب خخخ , للأسف طبعا ماجد ما خبره شاف أرامكو فمضيع الدرب :D ,
ودخل المبنى وعلى المدير طوالي وقدم ملفه
ونظرا للفقر الحاصل في الموظفين صار ماجد مدير على المبنى والمدير السابق أخذ أجازة على طول وشال قشه وراح لهاواي يتشمس ,
وفي فترة حكم ماجد كثروا تجار المخدرات والميليشيات والإرهابية الداخلين والرايحين بين الدولتين , ياخذ أوراق ويوقع على باله ألعاب فله وكراتين تايد وأكياس رز
ومن زود الاجتهاد في العمل كتب بالبخاخ على اللوحة ( أرامكو ) وشطب على الحدود :D
وبعد مدة جاه فاعل خير ساقه الله لماجد , وكان رايح لليمن أجازة عائلية
ماجد: مركز أرامكو أي خدمة :D ؟
فاعل خير ( تراه اسمه :D ): ها ؟ فتحتوا فرع هنا :D ؟
ماجد: أيه , مقدم وظيفة لأرامكو في هالمبنى وحطوني هنا :D
فاعل خير: لا ياخوك أرامكو تلقاها في الشمال يم البحر :D
ومشى الرجال داعس بالسيارة وهو يصيح : في الشمال يم البحر , يم البحر :D
<-- مسلسل تايواني خخخ , يوم يلف ماجد راسه ألا فاعل خير اختفى وهو والسيارة
أثريه طلع إبليس كسر خاطره ماجد كل هالمدة خخخ
شال ماجد كيسه وفوق راسه قرون حمار ومشى ضعف الليالي اللي مشاها أول لين ما وصل لمبنى مكتوب عليه
بالخط الأسود الكبير ( هنا أرامكو يا حمار ) <-- إبليس أعجبه الوضع خخخ
ويوم دخل شاف زين ما شافه في الدوادمي , وجلس ماسك باب المبنى ربع ساعة و راسه يلف يمين ويسار
<-- هالمرة إبليس طالعلته قرون خخخ , لين ما خلصوا حريمهم في الممر ثم كمل طريقه
ودخل على السيد خضري وقال : يسعد صباحك يا مدير :D
خضري : ازاي أقدر أخدمك يا فندم ؟
ماجد: وظيفة ترفع رزقنا يا فندم :D
خضري : مافيش وظايف هونا غير سمكري سيارات في الورشة , أزاي أقدر أخدمك ؟
ماجد: الشخص المناسب في المكان المناسب يا فندم :D
واستلم ماجد الوظيفة باجتهاد وعمل وتعب وكثر عدد الزباين وزادت أرباح الشركة وعاش الجميع في سعادة وهناء :D<-- شابك غلط خخخ
, وصار ماجد من موظف سمكري عادي إلى مدير السمكرة في الورشة مع شهادة تقدير من مدير أرامكو , وصار تحت يده 30 موظف
يرفع أصبع بس يجونه يلهثون خخخ , ومع تقدم الأيام وماجد يزيد اجتهاده ويكد ويتعب مثل الحمار حتى ذات يوم طلبه خضري في مكتبه في كلمة راس
ويوم وصل عنده أعطاه خضري ورقة وقاله:
قل للبنغالي هناك أنت مفصول , هنيئا يا ماجد أنت سكرتيري من ألحين ورايح :D
وكان هذا بداية المشوار في إخراج الشايب من السجن , وجلس ماجد على الكرسي مبتسما
فأخيرا ضحكت الدنيا في وجهه بعد ما تفلت عليه 17 سنة :D , ومن زود الوناسة كتب جنب لوحة السيد خضري (وسكرتيره الموقر ماجد ) , والأيام بين
ماجد وطموحه بإخراج والده ودينه ثقيل الدم ولم تمر سوا أسابيع حتى أعجب مدير أرامكو بماجد ووظفه المدير المالي في الشركة , وبعد فترة ولأمانته
في العمل وظفه المدير سواق الشركة وبعد مدة ولتفانيه وظفه مدير الاستثمار <-- ستين شغله فوق رأسه خخخ
وفي النهاية عرف المدير ما منه سنع غير سكرتير يوقع أوراق بس ! ورجعه لخضري , وفي يوم آخر مشرق جميل والهواء الطلق جاء خضري
لماجد وهو يقول: اسمع يا ورع جانا تقاعد مع مستثمرين أجانب
مانبي نضيع هالفرصة والمطلوب منك تعطيهم أحسن بضاعة نفط وصدقني لو تنجح الصفقة
بيكون تقاعدك اليوم قبل بكره <-- وجه واحد متوهق ما عرف يقول بالمصري خخخ
ماجد: لا توصي حريص يا فندم :D
وذهب ماجد نحو هبوط الطائرات ينتظر المستثمرين للنزول , و إذا بسيدة عجوز جعده
ورجل خشمه 5 أمتار قدام :D ينزلون من الطائرة ( تخبرون الايطاليين و خشومهم أم 5 أمتار :D )
ماجد: يا ليل النحس , قلوا موظفين الشركة عشان ما يجيبون ألا هالشيون الثنين ؟
السيدة: ناحنو الموستاثميرون الـلاذين تاقاعادوا ماعاكم واسمي رقية والهطف اللي جنبي نايف
<-- وحدة توها تتعلم عربي وعافسه أم اللغة وأسماء مستعارة بعد خخخ
ماجد: يا مرحبا يا مرحبا , تفضلوا على مخزن البضاعة وأحنا ما نقصر معاكم :D
ومشا ومشوا وراه إلى أن وصلوا لمخزن حاطين فيه علب سيريلاك وفي الداخل بضاعة النفط
<-- يسمعون بالتوفير خخخ , وقامت رقية و نايف بتفقد البضاعة وقلب القوارير وهزها
ولمسها وشمها وفي النهاية قالت رقية: إينا بوضاعتكم جيدتون وسوف نأخذ كل الموجود هونا
ماجد: خذوا اللي يسركم أهم شي نتقاعد بعد ذا :D
ووقع المستثمرين مجموعة أوراق وخذوا البضاعة وراحوا لديرتهم أما ماجد فكرمه مدير أرامكو بوضع وسام ونجمتين على كتفه وكافأه
بنصف الأرباح وجاءه خضري يربت على كتفه الصعلوك ويمسح دموع الفراق وبعدها تقاعد ماجد ودفع ديون أبوه وطلعه من السجن :D
ما يستفاد من القصة:-
1- مهما واجهت من مصاعب لا تيأس
2- شد حيلك والله بيفتح في وجهك أرزاق
3- مهما كرفك المدير في العمل فأمسك غضبك ولا بتنشات :D
4- رمضان قريب فاستعد له من ألحين
:)
