عرض للطباعة
السلام عليكم شبااب
انااا خاالد ... دخلت ناادي صحي صاارلي شهر و الحين ناوي اجدد الشهر الثااني
بس انا حاب تنصحووني انا كنت حاب اقسم جسمي لكن سمعت اعضااء منكم
قاالو لازم نقلل نسبه الدهون في الجسم او شي جذي علشان تبان العضلات خاصه عضلات البطن
اناا سويت كشف عن الوزن ككل و هذي النتائج .. ياارت تنصحووني ...
الوزن : 70,4
الطول : 174
تحاليل الدهوووون :
نسبه الدهون : 14 %
وزن الدهون : 9,8
الوزن بدون الدهون : 60,6
ياريت تنحصووووووني ...
شدعوه شباااب مافي ولا رد .. محتاااج المسااعده ضروري ارجوووكم ....
تقسيم الجسم حسب معلوماتي يحتاج تكرارات اكثر و وزن اقل مع ممارسة الكارديو... الاخ البارسا ذكر نسبة الدهون الضروريه لظهور عضلات البطن في اكثر من موضوع بس والله ناسيها...اذا لقيتها حقلك
بالنسبة لتمارين الحديد تقدر تتمرن عادي + الاكثار من التمارين الهوائية والكارديو
وبالنسبة للبطن تمرنها 2او3 مرات في الاسبوع تكفي اما العامل المهم وهي التغدية فلازم تقلل نسبة الكاربوهيدرات وتزيد نسبة البروتينات والابتعاد قدر المستطاع عن الدهنيات هدا طبعا كل من التغدية
بالتوفيق
اخي العزيز خالد ارجوك اريد اسالك سؤال ارجو تجاوبني عليه كيف قست نسبة الدهون في جسمك كيف يتم الكشف عنها تحليل دم ام كيف الطريقة ارجوك افدني وشكرا :(
اما بالنسبة لكلام الكابتن cono تقسيم الجسم يحتاج تكرارات اكثر و وزن اقل كان زمان مع احترامي لك اما الان الابطال بيعتمدوا على اوزان ثقيلة للاحتفاض بالمكسب العضلي او الكتلة العضلية طبعا مع مسائل اخرى لاداعي لدكرها الان
بالتوفيق
اقتباس:
المشاركة الأصلية كتبت بواسطة winterflowers
على ما اعتقد يوجد ميزان عند الصيدلي بيقيس بيه نسبة الدهون
ادهب لاقرب صيدلية وشوف
شكراا لكم شبااب ..
بس سؤاال .. هل وزني و كميه الدهون و العضلات جيده عندي ولا في مشااكل ؟
ارجووو التوضيح لي ...
انت ما عندك مشكله بالدهون نسبه الدهون عندك زينه .. يعني دش العب على طول .. اذا كنت تبي تقسيم حطلك
اول شي جدول غذائي كل وجبه لازم تحتوي على : تقسم اكلك 40 % بروتين 40 % كربوهيدرات 20% دهون ) طبعا لازم تراعي الوزن انت وزنك 70 وتلعب حديد يعني يبيلك مو اقل من 120 جرام بروتين باليوم عشان العضله تستفيد لاقصى شي ..
بالنسبه للكربوهيدرات ( بطاط مسلوق - معكرونيه - رز - ذره ) حاول تكثر منها قبل التمرين عشان اهيا الي تعطيك طاقه يعني تقريبا قبل التمرين بساعتين. بالنسبه للدهون عليك بزيت الزيتون وبعض المكسرات ..
ثاني شي الحين لما تبي تروح تتمرن انت تبي تقسيم يعني لا تهتم للوزن العب وزن خفيف وتكرار اكثر يعني مثلا 15 عده ووزن خفيف .. وشوف الجدول التمرين الي يناسبك وحطه
بعد التمرين حاول تاكل سكريات ( فواكه ) وبعدها اكل مثلا تونه وقطعه لحم او صدر دجاج وبعدها ب 3 ساعات وجبه العشا الي تقريبا تكون مثل وجبه الفطور ( بيض + حليب + زبده فلو سوداني .. )
جذيه انت لعبك كامل يعني كل الي تاكله تحرقه ويرح للعضله اما والله لو ما تاكل ولو تتمرن لي بكرا راح تضعف وماراح تستفيد العضله ولا راح تكبر .
انشالله اكون افدتك
شكراا لك اخوي كراتووس على المسااعده
بس حاب اسئلك انا قالولي لازم نسبه الدهون اقل من 10 % علشان تبين عضلات البطن ... ما ادري اذا
هالكلام صح و لا لا ... وحاب اعرف انا ما استخدم بروتيناات يعني فقط حديد و الاكل يعني بروتين ما آخذ فهل هذا
يأثر على شغلي يعني ما ينفع الا اقسم جسمي و اكبر العضلات الا بالبروتين ...
لأن انا ابي العب طبيعي بدون بروتينااات ...
وشاااكر لك .. واتمنى تسااعدني بهالموضوع ... ادري اذيتك معااي لكن تحملني ...
http://www.montada.com/showthread.php?t=606141
كلام الاخ كراتوس سليم
اما بالنسبة للبروتينات التي نقول لك عنها فهي الموجودة في التغدية وتوجد في اللحوم الحمراء -صدر الدجاج-بياض البيض-والاسماك بكل انواعها
اتمنى انك تكون فاهم قصدي
والله بالنسبه للدهون انا الي اعرفه ان 14 % هاذي النسبه تكون موجوده بالرياضين على حد علمي .. بس والله ماني متأكد
لا ولوو اي شي تطلبه من عيوني
شي ثاني بالنسبه للبروتينات اهيا تعتمد على الشخص اذا تقدر تاكل 6 وجبات باليوم ومتكامله من البروتين ( كل الاحماض الامينيه ) وكربوهيدرات ودهون ماراح تحتاج لمكمل غذائي .. مثال
شخص بالنسبه لوزنه يحتاج 150 غرام بروتين .. بس اهوا ياكل بس 50 جرام بروتين باليوم
طبعا هذا الشخص اهوا ليحتاج بروتين عشان جذيه اهيا اسمها مكملات غذائيه يعني تكمل اكلك .. ومافيها اي مشاكل وانا انصحك انك تجرب الوي بروتين ( اوبتيمام ) بعد شهر من لعب الحديد
( ميزه الوي اوبتمام انه فيه الكثير من الاحماض الامينيه حتى الجلوتامين الي يساعد العضله على البناء وفيه تقريبا 30 جرام بروتين بالحصه الوحده .. )
انشالله اكون افدتك
شكراا لك اخووووي
بس انا المصيبه الوالد مو رااضي يقوول ان البروتيناات مو زينه و مضره
ويقوول ليش تتفخ نفسك ...
ما ادري اذا البروتين يزيد الوزن بشكل كبييير ولا لا علشاان اذا يزيد الوزن بصوره كبييره فـبلاهاا
اما اذا كان على حسب اللي انا ابيييه فهذاا اووكي ...
اهوا طبعا مو اي بروتين انا قلتلك على الوي بروتين ( مصل الحليب ) هذا امتصاصه بسرعه يكون تقريبا يبيله ساعه وتحرق بالجسم ويعطيك عضل صافي ولا يعبي العضله ماي .. بس نصيحتي لما تحس نفسك اتقنت تمارين الحديد اخذ الوي :)
شكراا لك اخوي ... بالفعل انا توني جديد على الحديد ..
انا الحين قااعد العب طبيعي و العب كارديو بكثره علشاان اشد جسمي وهذا الشي اللي داخل النادي علشانه
لان التقسيم ممكن يتقسم الجسم لكن الاصعب شد الجسم و اظهاار عضلات البطن اللي مرتبطه مع شد الجسم ..
شكراا لك كراتوووس :D