|| الـمــوضــوع الــرســمي لـDemos & Xbox Live Arcade ||

السلام عليكم ورحمة الله وبركاته




حبيت افتح هاالموضوع الخاص بتواريخ اصدار الديموز والالعاب الاركيد الجديدة.... ومو بس جذي بعد ،، اي عضو جرب ديمو او لعبة اركيد ... يحط انطباعه هني ،، طبعا كل واحد ومهاراته وشلون يعطينا هالانطباع :أفكر: ،،


ومو شرط ترى تكون ماهر بالكتابة او تقوول كل شي بالديمو او اللعبة الاركيد بالتفصيل وتصير مثل المراجعين البروفاشنل وبالنهاية يخفس بلعبة نحبها (&) ،، عادي اخذ راحتك بالتعبير عن الديمو / لعبة الاركيد ،،

وتقدرون تتناقشون عنها بعد ... بس مو تقلبونها سوالف ثانية وديوانية :28:،، يعني نقاش متعلق بالديموز / اللعبة الاركيد ... فقط !!


===========================

وانه راح ابدأ بديمو Tomb Rider Underworld


حجم الديمو 1 غيغا بايت وشي ،، مو ذاكر عدل لووول


ابدأ في مرحلة اعتقد انها تايلند .. والصراحة بيئة اللعبة حلوة ... بس تصميم لارا ماعجبني ... يمكن علشان انه ديمو ؟ يمكن ليش لأ ،، بالنسبة للغيم بلاي ... الصراحة حسيت انه سلس وحلو .. والتحكم .. ممتاز بسرعة تتعود عليه !

للاسف الديمو كان قصير فعلا .. بس استمتعت فيه الصراحة ،،،



اتمنى انهم يعدلون الجرافيكس اكثر خاصة تصميم لارا .... وحسافة مافي دم باللعبة :ponder: ،، هذا انطباعي عنها !!!

فكرة رائعة انا ايوب و بالنسبة لتومب رايدر فأنا مو من محبي السلسلة .. :33:

اخر ديمو جربته كان للعبة Pure و بصراحة اعجبتني بشدة لكن ما بشتريها عشان زحمة هالشهرين :D

اخر ديمو لعبته كان mirror's edge او اعجبني ليش ان اسلوبها يديد او اول مره نشوفه

LEGO BATMAN
خوش لعبه لمظيعت الوكت
الجرافيكس عجبني خصوصا شوارع Gotham City
والـco-op جدا مسلي لول

ديمو تومب رايدر خيب ضني
التحكم عبيـط , الكامره اشمئزازيه :ponder:
غير القلتشات في المرحله ..
فكره مسدس لارا العادي يطق تحت الماي؟ seriously ?

اقتباس:

---

LEGO BATMAN
خوش لعبه لمظيعت الوكت
الجرافيكس عجبني خصوصا شوارع Gotham City

---

عندي اللعبة... ومن كثر الملل .... لعبتها وطلعت كل شي فيها

اقتباس:

---

الكامره اشمئزازيه :ponder:

---

بهذي صدقت ... الكاميرا مادري شلون صايرة ، اصعد العامود الكاميرا تصير على وجه لارا .. !!

اقتباس:

---

فكره مسدس لارا العادي يطق تحت الماي؟ seriously ?

---

يمكن صج يصير تحت الماي :ponder:


وعموما حاليا قاعد انزل Naruto الجديد و Mirror's Edge ،،


وعلى فكرة ... Vigilante 8 نزلت وموجودة بالماركيت .... سعرها 800 ،،

اليوم جربت ديمويين .. Mirror's Edge و Naruto: The Broken Bond



Mirror's Edge


الجرافيكس .. حلو صاير ،، لاحظت انه متطور وقوي ... حتى ملامح اليد للبطلة صاير حلو .. وتصميم الشخصيات الاخرى عجبني ،، الغيم بلاي حلو ... بس كله تركض ... تركض وتناقز فوق السطوح تقول شاذي ومنحاش :09: ،، بس اللي عجبني انه درجة الواقعية جميلة .. ولو انه القفزات ساعات تكون غير واقعية بس هم حلو .. اللعب ذكرني بافلام جاكي شان الصراحة ، لانه بعض الحركات اللي باللعبة راح تعتمد على مستوى نظرك يعني في حركة بالديمو .. اني اركض بالطوفة واقفز الى الجهة الثانية ... وفشلت فيها لانني كنت اسويها غلط وكان مستوى نظرى مو على الحافة اللي المفروض انه امسكها

،، بس لا تتوقع انك راح تقدر تواجه الحراس و الشرطة والجيش اللي وراك ... لانه الشخصية مصممة انها تركض وتنحاش مو تواجه الجيش والشرطة ... مع انه في طريقة انك تاخذ الاسلحة منهم بس لا تتوقع انك تقدر تواجهم مثل COD 4 ..


بالنسبة لي اللعبة مو حلوة ... لانها كله تركض .. بس تركض ،، ومافي اي اكشن ذاك الاكشن ... فاللعبة مملة ، وراسي يفتر من هالاشياء ... لانها تتطلب تركيز قوي ...


============================


Naruto : The Broken Bond


الصراحة ولو اني مو من محبي المسلسل .. بس حلمته لانه ماكو شغل الصراحة (&) ...

بالنسبة للجرافيكس فهو نفس الانمي ممتاز .. خاصة لمن اسوي الحركات المختلفة حلو صاير حسيت انه نفس المسلسل بالضبط .. والاصوات لا تخافون .. في خيار انه تخلي اللعب والاصوات يابانية ،، الغيم بلاي .. عجيب .. اول شي بالنسبة للقتال حسيت انه ممتع ومو صعب ولا هو سهل ... واللي يخلي القتال امتع انه بامكانك تحول الشخصية الى شخصية ثانية .. قصدي اذا عندك 2 مثلا اضافة الى ناروتو .. فبعض الحركات راح يتطلب انك تقدر تطلب مساعدة منهم بالضرب وبالتالي تكمل بنفس الشخصية الثانية .. ولكل شخصية اسلوب للقتال كما يعرف البعض .. و الحركات سهلة خاصة مثلا حركة ناروتو اللي يتحول الى اكثر من واحد .. فهو سهل التطبيق وليس صعبا ....

اللعبة عجبتني الصراحة ... لاني كنت اتابع المسلسل بس يوم شفته طول بالحلقات تركته (&) ...


بس لعشاق ناروتو اعتقد انهم راح يتسمتعون بهالجزء واايد ،،،

====================================

قاعد افكر اني انزل V8 .... خاصة انه حجه صغير ... تقريبا اقل من 200 ميغا (&) .... اشتقت حق الشاحنة والباص لوووول

آخر ديمو جربته هو Mirror's Edge
واو، اللعبه طالعه بشكل مذهل والوانها تفتح النفس، طريقتها حلوه ومبتكره، واحيانا تذكرني بـCrackdown اللي
اكثر شي اعجبني فيها هو القفز على المباني !!

اللعبه تحمست لها زياده بعد الديمو، وقدمتلي تجربه حلوه :)ِِ

اخيرا جربت Vigilante 8 ...

الغيم بلاي نفس القديم بس شوي تطور عن قبل .... والجرافيكس .. احلى من القديم .. وماتوقعت انه متطور جذي .. والاصوات جميلة ... والقيادة روعة نفس القديم ،،


اشوى ماتحسفت على اني نزلته الصراحة :)

السلام عليكم

قبل كم يوم لعبت naruto
و كلامي نفس ايوب بس بزيد كم شغله و هي الفرق إلي لاحظته بين الأول و هذا

اقتباس:

---

المشاركة الأصلية كتبت بواسطة ايوب الحسن

Naruto : The Broken Bond


الصراحة ولو اني مو من محبي المسلسل .. بس حلمته لانه ماكو شغل الصراحة (&) ...

بالنسبة للجرافيكس فهو نفس الانمي ممتاز .. خاصة لمن اسوي الحركات المختلفة حلو صاير حسيت انه نفس المسلسل بالضبط .. والاصوات لا تخافون .. في خيار انه تخلي اللعب والاصوات يابانية ،، الغيم بلاي .. عجيب .. اول شي بالنسبة للقتال حسيت انه ممتع ومو صعب ولا هو سهل ... واللي يخلي القتال امتع انه بامكانك تحول الشخصية الى شخصية ثانية .. قصدي اذا عندك 2 مثلا اضافة الى ناروتو .. فبعض الحركات راح يتطلب انك تقدر تطلب مساعدة منهم بالضرب وبالتالي تكمل بنفس الشخصية الثانية .. ولكل شخصية اسلوب للقتال كما يعرف البعض .. و الحركات سهلة خاصة مثلا حركة ناروتو اللي يتحول الى اكثر من واحد .. فهو سهل التطبيق وليس صعبا ....

اللعبة عجبتني الصراحة ... لاني كنت اتابع المسلسل بس يوم شفته طول بالحلقات تركته (&) ...


بس لعشاق ناروتو اعتقد انهم راح يتسمتعون بهالجزء واايد ،،،

---

اللعبه تطورت عن إلي قبله تقريبا بكل شيء مثلا

من ناحبة الجرافيكس صار جميل جدا خاصة البيئه من زرع و شلالات و صخور كلها حلوه و تجذبك احلى من قبل

من ناحية القيم بلاي صار سلس أكثر من إلي قبله و زادو عدد الحركات و الضربات القاضيه , و الآن تستطيع تغير نارتو و تلعب ببطل أخر بالتوصيل

الأكشن زاد بدرجه كبيره من ناحية التوصيل و القتال , يعني و انت قاعد تتقاتل تحدث قصه أو شغله تغير جو المعركه و تخليك تندمج أكثر

هذا تقريبا إلي شدني و مو ذاكر الميزات الثانيه

أعتقد كل من اعجبه الجزء إلي طاف راح يعجبه هذا الجزء لأنه افضل منه من ناحية الالجرافيكس و القيم بلاي و القصه:biggthump

شباب بطلع عن النص شوي تحملوني

لعبه ناروتو الي بتنزل قريب .. هل هي قتال فقط او مغامرات نفس الي قبل ؟؟
يعني المدينه موجوده والسايد كويست موجود بعد ؟؟ وهل هو تكمله للي قبل ؟؟
يعني الجزء الي قبل اذكر شملوا اول 80 حلقه باللعبه .. وهل بيكملونه هنا ولا كيف

انا عني اخر ديمو لعبته alon in the dark .......

ومشكور اخوي ايوب على مواضيعك .......

اقتباس:

---

المشاركة الأصلية كتبت بواسطة Modi

شباب بطلع عن النص شوي تحملوني

لعبه ناروتو الي بتنزل قريب .. هل هي قتال فقط او مغامرات نفس الي قبل ؟؟
يعني المدينه موجوده والسايد كويست موجود بعد ؟؟ وهل هو تكمله للي قبل ؟؟
يعني الجزء الي قبل اذكر شملوا اول 80 حلقه باللعبه .. وهل بيكملونه هنا ولا كيف

---

اي نعم هو تكمله للقصه و شكله بكملونه لأنه على ما أعتقد خلص الأنمي بحلقه بمئه و ثلاثين أو و أربعين (يعني لو يزيدون 80 على 80 راح يطلع 160 و الله أعلم )

و هي مغامرات نفس إلي قبل

و الله تكملة القصه بالأنمي في هذا الجزء كان خارج المدينه و هو انقاذ صاحبهم
فما أعتقد راح تكون بالمدينة كثيرا و لكن أعتقد في سايد كويست

و الله أعلم

نزلت ديمو left 4 dead

بس ليلحين ماجربته .. لوووول ،،

اول ما ارد البيت اجربه :)

لعبت ديمو Left 4 Dead


انطباعي عنها ....


وااااااااو ....


حدها عجيبة والله ... صج ماتوقعت انها بهالقوة ،، الجرافيكس ممتاز وروعة .. كل شي باللعبة واضح والتصاميم حلوة بعد .. من الشخصيات والزومبيز وغيرهم ... ،،،،

القصة ،، الصراحة بديت في احد المهمات مادري اذا اهي المهمة الاولى باللعبة او لا .. بس تبدأ ب4 اشخاص شابين مع رجل طاعن بالسن مع بنت ،، وتقدر تختار اي واحد فيهم علشان تلعب بالقصة ... وراح يكتبون اسمك انك انت تلعب دور الفلاني .. انه اخترت على كيفك فعطاني الاسود .... :)

والاصوات قمة .. الموسيقى مو حاطين موسيقى صاخبة .. بل حاطين موسيقى مثل الافلام .. هادئة على مرعبة شوي ... بس احلى شي اهو اصوات الزومبي والوحوش ... تحس فعلا بالواقعية ... والاحلى انه الاصوات ما تطلع بشكل عشوائي مثل ما نشوف في بعض الالعاب ... بل كل صوت له مصدره ... عاد تعال ودور وين مصدر هالصوت ... بس حط في بالك انه ممكن يكون في اي مكان .. ممكن في داخل احد المباني .. داخل احد الغرف .. فوق الاسطح .. اي مكان


الغيم بلاي ... من اول 5 دقائق ادمنت اللعبة ... ومع سهولة التحكم .. اووو ،،، الغيم بلاي واقعي بشكل رائع فعلا .. الحركة سلسة وسريعة .. فمن لعب كاونتر سترايك ، هالف لايف و بورتل ... فبالتاكيد سيعرف كيف هو التحكم سهل ، والحركة باللعبة ،،،

وصلت درجة الواقعية انه الزومبيز مو بس يمشون ... بل سيركضون نحوك ونحو فريقك ... وبشكل انت راح تحتار منو راح تذبح بالاول ،، ومرة من المرات اذا وقفت في مكانك لمدة طويلة فسيهاجمك سرب من الزومبيز بشكل جنوني .. تماما كالافلام التي نراها ،، والذي يجعل اللعب امتع انهم سيهجمون عليك من كل مكان فلا تتوقع من نفس المكان سياتون اليك ... وعلى سبيل المثال اذا كنت بالشارع فسترى السرب ياتي اليك من جميع الجهات .. وليست جهة واحدة وسيضعك في حيرة كبيرة وخوف كبير ...


يجب عليك ان تكون حذرا خلال تجوالك ... يجب ان تكون مع فريقك والا ستخسر بالتاكيد لوحدك .. فلا مجال للبطولة هنا .. فانت تكمل الفريق والفريق يكملك ... شعور رائع بالفعل ،، وايضا خلال تجوالك بالمدينة يجب ان تحذر من تصرفاتك الطائشة ... مثلا اذا اطلقت النار على احد السيارات فسيطلق الانذار منها .. وسيهجم عليك سرب من الزومبيز والوحوش ،، او اذا سلطت الضوء على احد او اطلقت النار فستجلب الوحوش والزومبيز اليك ،،، فكن حذرا


اللعبة حلوة واايد .. وواقعية جدا ... حسيت اني قاعد بفلم مو لعبة والله ،،،


ان شاء الله راح اخذها اول ما تنزل :D


==============================

ديمو Bolt متوفر الان في الماركيت بلايس ...


المصدر

^
^
ايوب صدقني هذا اكثر ديمو عجبني ,, و اكثر لعبة عجبتني بعد غيرز اوف وار و هيلو :D

اللعبه مخصصه للاون لاين بس ؟

^^^

لا ... انه لعبت القصة بس واعجبتني جذي ...

بالاون لاين شلون !!! يقولك تقدر تصير زومبي بعد :ponder:

جربت ديمو .. Bolt

اللعبة حلوة جدا ... الرسوم والجرافيكس مشابه لكونغ فو باندا .. تماما ،،،

الغيم بلاي حلو ... في شغلات حلوة وايضا اقدر اشبهها بلعبة كونغ فو باندا ... بحيث انه التحكم سهل التعود عليه والضربات القتالية وغيرها ...

القصة .. مادري بس كل اللي اعرف اهو الكلب عنده قوى خارقة .. في بنت وياه الظاهر اللي ترعاه .. قاعدين يدورون على ابو البنت ،،


باختصار اللي حب لعبة كونغ فو باندا ... راح تعجبه هاللعبة .... :)

انا لعبت Left 4 Dead
لعبته اونلاين بعد
اهو نفس الاستوري يعني تقدر تقول طور التعاون
طلعت مع 3 والله اللعبه روعه روعه روعه
ذكرتني بكونترا ستريك نفس الطريقه
قالو اضرب السياره
وانا اضرب اشوف مليون واحد علي
ماقادر اتحرك وقاعط اضربهم بالاخمس وشوتقان ماشي فايه
وانا اصارخ انا دي على الربع وبعدين اشوفهم كلهم صوبي وفلت اخيرا من الزومبي ^_^
والله انا اعطيها 9.7
وتستاهل الشراء

ايوب انت تلعب اونلاين ؟؟

^^^

اي العب بس ساعات ... مو دايما ،،


بس الصراحة شرايك بحركة الزومبي ... تحس بواقعية هاا ؟
انه يوم اهجمو علي ... الله .. الله شاللي صار .... ابي انحاش مو قادر لووووول ،،

9ra7 alzombx sreê3 wayd
Asr3 mn alklb^_^

ههه ....

اعجبتني حركتهم واايد ،،

وجو اللعبة حسيت جنه احد هالافلام الزومبيز