بعض الأسئلة عن Burnout Paradise

شباب قبل ماخذ Burnout Paradise الشهر الياي عندي بعض الأستفسارات
و الأسئلة الى ماحصلت لهم جواب في المراجعات و الأنطباعات

- هل تختلف الأماكن او المناطق في المدينة ؟ ولا كلهم نفس الشيء
لانه من العروض الى شفتها المناطق كلها متشابهة ؟

- كيف تكون طبيعة العب لما ماكون في سباق او ماشابه ؟ يعني شاسوي لما
مابغي أدخل سباق . .. بكون العبة مفتوحة في هالجزء ؟

- هل تغيرت القوانين في السباقات و الرود ريج من الأجزاء السابقة ؟

- هل البوست الأزرق متوفر في هالجزء ( الموجود في أصدار دومنيتير )
و لا بس المعيار الناري الأصلي ؟

واذا عندكم اي شيء سلبي غبروني عنه . . . ادري العبة صار لهل 11 شهر من
نزلت بس انه توني في الصيف ماخذ الجهاز و مالحقت اخذ الألعاب الى صدروا
قبل شهر يونيو

اقتباس:

---

- هل تختلف الأماكن او المناطق في المدينة ؟ ولا كلهم نفس الشيء
لانه من العروض الى شفتها المناطق كلها متشابهة ؟

---

تختلف وايد كل منطقه لها طابعها . تحصل منطقه كل جبال .
و عندك الدونتون اللي هو مباني و عمارات.
عندك الكورنيش و المطار و البحيره .
يعني بصراحه ممكن من الصور كل شئ متشابه بس لما تلعبها بتحس بالفرق.

اقتباس:

---

- كيف تكون طبيعة العب لما ماكون في سباق او ماشابه ؟ يعني شاسوي لما
مابغي أدخل سباق . .. بكون العبة مفتوحة في هالجزء ؟

---

لما تسابق كانك قاعد تتمشى في المدينه يعني وانت تسابق بتشوف سيارات تطلع عليك و سيارات واقف عند اشاراه يعني يصعبوا السباق شوي بس لما تتعود عليهم تكون كذا في السباقات :biggthump
و احسن ما فيها انت تختار الطريق المختصر لان المدينه مفتووحه فما في طريق محدد تتبعه علشان تنهي السباق .
و إذا دخلت السباق و تبغى تطلع منه (اتوقع هذا قصدك ) بس لا تحرك السياره لمده ثلاث ثواني و خلاص .
و اللعبه زي ما قلت مفتوحه .

اقتباس:

---

- هل تغيرت القوانين في السباقات و الرود ريج من الأجزاء السابقة ؟

- هل البوست الأزرق متوفر في هالجزء ( الموجود في أصدار دومنيتير )
و لا بس المعيار الناري الأصلي ؟

---

ما اقدر اجوابك لان هذا اول جزء العبه من اللعبه .

اقتباس:

---

واذا عندكم اي شيء سلبي غبروني عنه

---

صعب اطلع لها عيوب بس اكره شئ لما قريب تفوز بسباق و تخسر على النهايه لازم ترجع مره ثانيه بالسياره لنقطه البدايه علشان تبدا السباق من جديد . و المدينه كبيره تتعب و انت تفتر بالمدينه .

هذا غير الابديت اللي بينزل لها توسعه للمدينه .
و اضافت طيارات على كلامهم :33:

السؤال الاول ما فهمته زين ممكن توضح ؟

تقدر تتجول بالمدينة وتهجول وتسوي مهمات فرعية وتقدر تتسابق

ما اقدر اجاوبك اول جزء العبة لسلسلة

اللعبة بختصار ما تتفوت خذها وتدعيلي بس المشكلة نيد فور سبيد راح ينزل ^_^ وشكل الجزء هذا قوي لان رجعوا لمطاردات الشوارع

اقتباس:

---

- هل تختلف الأماكن او المناطق في المدينة ؟ ولا كلهم نفس الشيء
لانه من العروض الى شفتها المناطق كلها متشابهة ؟

---

لا اخوي تختلف واللي سمعته انه بوسعون المدينه عن طريق ابديت للعبه ..

اقتباس:

---

- كيف تكون طبيعة العب لما ماكون في سباق او ماشابه ؟ يعني شاسوي لما
مابغي أدخل سباق . .. بكون العبة مفتوحة في هالجزء ؟

---

شوف في دوائر ملونه وكل لون يعبر عن نوع من السباقات ..
واذا تبي تلعب بالسباقات تضغط R2+L2 ..
اما اذا تقصد اذا ماتبي تلعب تقدر تكسر بوابات الصفر في المدينه او تكسر اللوحات الحمر ..
او انه تسوي showtime وفي اشياء وايد ..

والاسئله الثانيه ماقدر اجاوب عليها لاني ما جربت الاجزاء السابقه ..
وولد عمي اذا متوهق جرب الديمو تراه نازل من زمان ..
وبصراحه BurnoutParadise أفضل لعبه موجوده عالجيل الحالي ..
بالنسبه لي افضل من MidnightClub و NeedForSpeed ..
وأشوف انها تستاهل التقاييم العاليه ..
واللي خلاني اقول هالكلام انه اللعبه كل ماله وتنزل تحديث وكل تحديث احلى من الثاني ..
انا يوم اشتري اللعبه ماكان فيها شي غير اللعبه العاديه ..
حاليا في تحديث نزلته للسياكل و تغير الأجواء و الليل والتروفيز ..
يعني اللعبه شبه كامله والكامل الله :) ..

موضوع جاي في وقته

اللعبة من اروع مايكون

عيبها شيء واحد ، وهو طور الـCrash المشهور في الاجزاء السابقة
في هذا الجزء شالوه وخلوها showtime يعني انت تفعل سيارتك وتروح تصدم السيارات
مع ان طور crash كان افضل واروع من الshowtime وما أقدر احكم عليه انه سيء او لا لاني ماعرفت اسويه الا مرة واحدة او مرتين
ممكن احد يفيدنا عن طريقة عملها .. كيف افعل السيارة واخليها تصدم

سؤال آخر : وش هي الـroad rules !
بعض مهمات التروفيز يقولك road rules ؟؟

سؤال أخير : لما اصير هوست واسوي روم مااقدر اسوي الا سباق race بس مااقدر اسوي challenge ليش ؟

اقتباس:

---

عيبها شيء واحد ، وهو طور الـCrash المشهور في الاجزاء السابقة

---

اقتباس:

---

في هذا الجزء شالوه وخلوها showtime يعني انت تفعل سيارتك وتروح تصدم السيارات

مع ان طور crash كان افضل واروع من الshowtime وما أقدر احكم عليه انه سيء او لا لاني ماعرفت اسويه الا مرة واحدة او مرتين

ممكن احد يفيدنا عن طريقة عملها .. كيف افعل السيارة واخليها تصدم

سؤال آخر : وش هي الـroad rules !

بعض مهمات التروفيز يقولك road rules ؟؟

سؤال أخير : لما اصير هوست واسوي روم مااقدر اسوي الا سباق race بس مااقدر اسوي challenge ليش ؟

---

اخوي الـ Showtime تروح كل شارع ولما توصل تضغط الأزرار اللي فوق ( L1 + R1 ) ..

ويحطون لك رقم فرضا 700,000 ..

وانت لازم تكسر السيارات والباصات و اللوحات لين توصل هالرقم ..
واذا كسرت هالرقم تروح شارع ثاني وتكرر الشغله ..

والـ Road Rules مافهمته بس كل ما ادوس يطلع عداد مرات يضبط ومرات لأ ..

بس بالأخير أخذت التروفي ..

وياليت اخوي تعطيني الـ ID علشان نلعب اونلاين ..

انا الـ ID تبعي ..
WLD_Q8

Road Rules نفس فكرت showtime تفر شوراع المدينه كلها بس هذا بوقت محدد لكل شارع و انت عليك تمتر الشارع قبل الوقت المحدد . إذا تبغى تسويها اضغط سهم فوق لين ما تطلع لك كلمه Road rule offline في الشاشه فوق . و بعدها شوف لك بدايه شارع جديد و ادعس .

id: mt009

انا حاليا ما العب بورن اوت إلا علشان تفقيع سيارات يعني اشوف روم همجيين كل واحد يفقع الثاني . اليوم توني العب مع واحد التيكندون حقه فوق 50 الف بس والله جبته اكثر من 20 مره .

و التروفي 100% اي سؤال عنهم حاضر .

شباب احب ابشركم وصرت لل game complete 97/100 يعني بلشت التختيم
واللعبه باختصار تستاهل العلامه الكامله حسب تصوري انا لاعب بجميع اجزاءها بس هذا الجزء روعــه انا بالبدايه حبيت اني اكسر السي دي بس بد شوي بلشت افهمها لان الغيم بلاي مغاير ن العاده حبيت اكتب موضو شامــل عن اللبه بس فضلت اني افيدكم هنــا
اولا من ناحيــه النقاط السباق كان بالاجزاء السابقه تختار اما سباق او تحطيم او انك تحطم كذا سياره لكن هنا بالبرادايس تختار براحتك المهمات والمراحــل
وعندك اللون الازرق للسباق اما 8 سيارات او 6سيارت يكونو المنافسين وتختاره كما ذكرToUaReG بالكبس على R2+l2
واللون الاخضــر تجمع فيه فلوس عن طريق القفزات الطويله(super jumb) والBosst والتفحيط اجمل مهمه انا احبها وتبدا بال 100000 وتنتهي بال 500000
واللون الأحمر لتضرب 10 أو 11 او 12 سياره وصولا الى ال 30
واللون البرتقالي وهنا شيء جديد ان لكل سياره مهمه ويكون معك دقيقه او دقيقتين ونصف لكي تصل الى نقطه محدده وهذه المرحلــه تختلف مع اختلاف السياره ويعبرون عنها بالنجمه انت ماعليك الا ان تأخذ السياره وتنظر الى الخريطــه ودور على النقاط البرتقاليه ويكون مشار اليها بالنجمه وتكون بها مرحله السياره لي معاك وقت تخلصها يطوك سيار زيها بس معدلــه ويكون بها بوووست اكثر (توربو)يعني...
اما المرحله المشار عليها باللون الاصفر فهيا سرفايفرrace اي بدك توصل الى النقطــه لي يحددونلك اياها علخريطــه بسلام من دون ان يحطموك السيارات لي يلحقوك ويكون عددهم 3 سيارات مهمتهم ان لا يخلوك توصل بسلام
ملاحظــه في اعلى الشاشــه يوجد مثل البوصلــه توجهك للمسار الصحيح لكي لاتخطا بالطريق اختار الطريق الاقصر والاسهل يجب ان تكون الاشاره على النصف ..
كل طريق له توقيت معكم من 6 ثوان الى 2 ونصف حسب طول الطريق ونو الطريق تأخذ هذه المرحلــه بالكبس على السهم لفوق وتقف باول الطريق وتكبس L2 واكس* للتوربو واختار اسرع سياره موجوده عندك...
لل شوتايم في كل طريق يمكنك ان تعمل شو تايم يمكنك اخذ هذه المرحله بالكبس على L1+R1 وحاول انك تجد اكبر عدد من الباصات وتضربهم لان كل باص تضرب نتيجتك بضرب 1 يعني ان ضربت 6 باصات وكنت مجمع 100000ضرب ب6 ويكون المجمو ع600000 وكل طريق يكتبون لك بالاعلى المجموع الي يجب عليك ان تحصله اما 700 الف او مليون ونصف حسب الطريق وحاول ان تنهي المرحله بالطريق نفصه لكي تكون بالدهبيـــه ...
وهناك اللوحات 120 لوحــه وهناك 400 smash يجب ان تجدوهم وهناك 40 super jumb واكثرهم بالجبال احرص على ان تجدهم جميعهم
ملاحظــه بالبدايه يكون ماك شهاده سواقه من فئــه D وكل ماتمتنهي من مهمات اكثر مثلا 30 مهمه يغرولك الشهاده ويطوك لي بعدها C الى ان تصل الى شهاده البرادايس وهي ال TOP licene
ارجو ان اكون قد افتكم
مع كامل حبي ....

اقتباس:

---

و التروفي 100% اي سؤال عنهم حاضر .

---

انا خلصت كل التروفي اللي بالـ Offline ..
بس بالـ Online صعبه ><" ..

ومشكور اخوي Nado Ps3 عالشرح المفيد ^^ ..
ماقصرت وعساك عالقوه ..

اقتباس:

---

المشاركة الأصلية كتبت بواسطة ToUaReG

ومشكور اخوي Nado Ps3 عالشرح المفيد ^^ ..

ماقصرت وعساك عالقوه ..

---

لاشكر على واجــب واي شي عن الPARADISE اون لاين او اوفلاين انا جاهـــز
ادامك االله اخوي TOUAREG

اقتباس:

---

المشاركة الأصلية كتبت بواسطة ToUaReG

ومشكور اخوي Nado Ps3 عالشرح المفيد ^^ ..

ماقصرت وعساك عالقوه ..

---

لاشكر على واجــب واي شي عن الPARADISE اون لاين او اوفلاين انا جاهـــز
ادامك االله اخوي TOUAREG

الله لايهينكم ,, اخواني ماقصرتوا,, انا نفس حالتك يالغالي,, افكر اشتريه مستعمل توني مشتري الجهاز,,
المهم لقيته مستعمل ,, نظام امريكي ,, وانا نظام جهازي اوروبي,, هل هناك مشكلة في الاونلاين,,
او التحديث ,, افيدوني الله يعطيكم العافية

كيف الشباب اليوم
أنا اللعبة شاريها قبل 8 شهور وللحين 50% فقط...ياخي اللعبة طوووووويلة وصعبة وخاصة عند ما اخسر بالسباق ارجع أروح لعند بداية السباق ياخي مشوار
* بس حبيت إستفسر عن الرود رولز يلي تكبس سهم لفوق بعدين تشب من بداية طريق معين...وسؤالي هنا ما فائدة هذا السباق؟ (يعني في جوائز..مثل سيارة)..وكيف أبي أعرف وين بداية الطريق ووين نهايته؟ (أغلب الطرق لفات وعوجات)
....أول مرة في حياتي أحب لعبة من هذا النوع_لإني من عشاق السباقات الواقعية ولمرة إلعبت بلعبة سيارات سريعة أحسها بايخة_بس هذا الجزء وهذه اللعبة تحديدا دمار شامل متعة لاتفوت....
سلام

سلومة قلبي (&) ، نزل الديمو راح يعطيك نظرة ممتازة عن اللعبة ، حبيت اذكر ، اللعبة نزلت Greatest Hits حاول تبحث عنها خصوصا في وكالة سوني ( بتجيك بـ9 او 10 دينار فقط ) او لو تدر تنزلها من الـPSN بسعر 29.99 دولار .

اقتباس:

---

- هل البوست الأزرق متوفر في هالجزء ( الموجود في أصدار دومنيتير )
و لا بس المعيار الناري الأصلي ؟

---

الدبل بوست مالاحظت تواجدة في الديمو ، يمكن يكون موجود في اللعبة الكاملة .

سؤال

اللعبه فري ريجن او لوكد ريجن بالاون لاين ؟

لاني يمكن اخذ اللعبه بما اني فان للسلسله ..مع اني كنت افضل الاسلوب القديم في اختيار..بس يالله

المهم ان اللعبه ممتعه ان شا ء الله (لعبت الديمو)

اقتباس:

---

* بس حبيت إستفسر عن الرود رولز يلي تكبس سهم لفوق بعدين تشب من بداية طريق معين...وسؤالي هنا ما فائدة هذا السباق؟ (يعني في جوائز..مثل سيارة)..وكيف أبي أعرف وين بداية الطريق ووين نهايته؟ (أغلب الطرق لفات وعوجات)
....أول مرة في حياتي أحب لعبة من هذا النوع_لإني من عشاق السباقات الواقعية ولمرة إلعبت بلعبة سيارات سريعة أحسها بايخة_بس هذا الجزء وهذه اللعبة تحديدا دمار شامل متعة لاتفوت....
سلا

---

في جائزه سياره
بدايه الطريق او نهايه ما في فرق الوقت يبدا اول ما يتغير اسم الشارع يعني اول ما تدخل على الشارع خلاص الوقت يبدا يحسب لك . يعني حاول انك تجي مليون قبل لا تدخل الشارع . بس ترى هم سهلين خذ سياره الفورملا و متر المدينه تمتر بها . ( ملاحظه صحيح في شوراع فيها لفات وايد بس هو يطلع لك اسم الشارع فوق يعني انت حاول انك ما تاخذ طريق ثاني يطلع لشارع ثاني لانه يكنسل عليك الرود رولز .

اقتباس:

---

الدبل بوست مالاحظت تواجدة في الديمو ، يمكن يكون موجود في اللعبة الكاملة .

---

ما اتوقع فيه لانه اللي موجود بس البوست العادي بس هم انواع فيه الاحمر اللي هو إذا صدمت سياره و انحسب لك يزيد و يزيد كل ما تسوي تاكينداون بس يوصل لمستوى وو يوقف .
و في الاصفر هذا لازم تعبيه كله علشان تستخدمه ما تقدر تستخدمه لما يكون نص او ثلاثه ارباع .
الاخضر وهو المفضل تقدر تستخدمه في اي وقت يعني هذا الـ normal boost

واللي ماخذ اللعبه انصحه ياخذها