رئيس شركة سكوير إينكس: سيتم الإعلان عن قنبلة Remake

http://cache.gawker.com/assets/image...perial_hot.gif

بمعدل مخاطرة منخفض ، ومعدل أرباح ومكاسب مرتفعة. فإن شركات مثل Square Enix تعيد صنع ألعابها السابقة والتي ستدخل السرور لهذا الجيل لمن قد جربها من قبل ويشتاق للعبها الآن مره آخرى.

هذا ما قاله رئيس شركة سكوير إينكس Yoichi Wada في كلمته , حيث اكمل قائلاً : "إن تكلفة إنتاج الألعاب أصبحت مرتفعة ، والمستهلكين يميلون إلى الحذر من شراء الألعاب ذات العناوين الجديدة الغير مألوفة , اما الآن فمن الممكن بالنسبة للمستهلكين تعلم الكثير عن مضمون العناوين الجديدة من خلال شبكة الإنترنت"

المصدر

رأيي: هل هذا يعني بأن سكوير إينكس الآن تميل اكثر لإنتاج العاب Remake !!!? وذلك لأن في إنتاجها من جديد ضمان اكثر لمبيعاتها المرتفعه وأيضاً لا يوجد مخاطرة كبيرة خصوصاً لو وضعنا ببالنا بأن الإعلام الآن اصبح افضل من قبل كما ان تكلفة إنتاج الألعاب الجديدة اصبحت مرتفعة للغاية.

هل هذا يعني بأننا سنرى الإعلان قريباً الإعلان عن قنبلة الريميك والتي طال إنتظار الإعلان عنها ,, FF7 !? لأنها بالتأكيد ينطبق عليها سياسة "معدل مخاطرة منخفض ، ومعدل أرباح ومكاسب مرتفعة"

* أغلب الردود والتعليقات بالمصدر تقول بأنها ستكون FF7 Remake :)

لا مو الريميك ابداً

الامل بالنسبه لريميك السابع صار معدوم عندي بعد معرض سكوير في اغسطس

الاحظ ان اخبار الريميك دايم تجي منك :silly: .. أنا استبعد ريميك فاينل فانتسي 7 .. لأن عندهم العاب الحين كثيرة ولا انتهو منها .. ممكن بعد فترة نشوف خبر عن اصدار / ريميك لفاينل فانتسي 7 ..

اقتباس:

---

الامل بالنسبه لريميك السابع صار معدوم عندي بعد معرض سكوير في اغسطس

---

me 2 ..

يارب remake FF8

إن شاء الله يسوون ريميك بس يعدلون نظام القتال إلى Action RPG عشان عشاق ألعاب الفيديو إلي يتمنون يلعبون أقوى لعبة RPG عرفتها الأجهزة و لكن نظام القتال يخرب عليهم يقدرون يلعبونها و يستمتعون باللقصة الخيالية و الأدوات و السحر و غيرها من روائع Final Fantasy 7 ^_^

و مشكور أخوي على الخبر و بالنسبة لألعاب الريميك ففعلآ بعضها ينطبق عليهم >>> "عدل مخاطرة منخفض ، ومعدل أرباح ومكاسب مرتفعة" فنتمنا أنه نشوف العديد من الريميكات الجديدة ^_^ و دمتم سالمين ^_^

اقتباس:

---

والمستهلكين يميلون إلى الحذر من شراء الألعاب ذات العناوين الجديدة الغير مألوفة

---

i think they says will stick with final fantasy name.
FF14 ,, FF15

أخوي ما أبغى ريميك نزلوا FF13 إنغليزي السنة الياية و فكونا

السلام عليكم ورحمة الله وبركاته

هذا يؤكد ان هناك FF7 ريميك لكن في نفس الوقت قد يعني انه مجرد ريميك جديد على جهاز NDS

الف بالميه فيه ريميك FF7 بس السؤال على اي جهاز؟
و الف بالميه اقولكم انه على الpsp لان السابع ملك لسوني و تكلفه التطوير هلى البي اس بي اقل من الps3

بس وادا واحد نصاب و ما اشره عليه انا

السلام عليكم
ما اعتقد ان الريميك لفاينل فانتسي 7 لان الشركة عندها العاب كثيرة تحت التطوير وحتى لو كان في ريميك ما اعتقد راح يعلنو عنه الا بعد انتهاء تطوير ff 13 و ffv 13 ويمكن يستعملون الwhite engine في الريميك لفاينل فانتسي 7

اتمنى يسوون ريميك لفاينل 1 عشان جارلاند

^
^

انا ما اتمنى ولا جزء يكون له ريميك ! .. خلهم ينزلون الجزء 13 الحين مع العاب الــ PSP ويفكونا ! .. التقنية في ها الجيل تقتل .. يروح عمرك وانت تنتظر .. فكيف با الريميك الي فيه ناس لحد الآن تحلم فيه لــ 7 !؟ .. يعني لو فيه ريميك له لنفس احداث اللعبة ما استبعد 6 سنين يشتغلون عليها !

^^^^^^
لا ماعتقد 6 سنين

فاينل 13 تاخرت لانهم ضيعو سنه كامله وهم يشتغلون اخرتها كنسلو شغلهم كله واشتغلو من الصفر يعني كملو سنتين شغل عليها ومع السنه اللي راح عالفاضي 3 سنين

ريميك فاينل 7 مب مهم بالنسبه لي الناس شبعت من كلاود وسيفيروث كل لعبه تنزل لازم يجيبون لهم طاري هذا لو ماكانو فيها , اذا بيسوون تكمله للقصه هنا يختلف الكلام وبهتم فيها اكثر

^
^
فريق الفيرسس لهم الأولوية في تصميمه لو ما كيتاس و لكن الفريق يعمل على لعبة ثانية

اقتباس:

---

لا ماعتقد 6 سنين

---

وليه ما تعتقد !؟ .. انا اتكلم عن 7 ! .. مو كرايسس كور .. الجزء السابع فيه احداث واماكن كثيرة غير خريطة العالم .. يعني با العقل ! .. راح يشتغلو على كل هذا !؟ .. الا إذا حذفو نصف الأحداث و الحورات و خربوها ولا استبعد يدخلون جينسس با القصة بعد عشان يختصروها ..

اقتباس:

---

فاينل 13 تاخرت لانهم ضيعو سنه كامله وهم يشتغلون اخرتها كنسلو شغلهم كله واشتغلو من الصفر يعني كملو سنتين شغل عليها ومع السنه اللي راح عالفاضي 3 سنين

---

وفيرسس ؟

اقتباس:

---

ريميك فاينل 7 مب مهم بالنسبه لي الناس شبعت من كلاود وسيفيروث كل لعبه تنزل لازم يجيبون لهم طاري هذا لو ماكانو فيها , اذا بيسوون تكمله للقصه هنا يختلف الكلام وبهتم فيها اكثر

---

من جد ! .. نظرتي لكلاود و سيفروث تغيرت عن اول بكثير !

اقتباس:

---

فريق الفيرسس لهم الأولوية في تصميمه لو ما كيتاس و لكن الفريق يعمل على لعبة ثانية

---

انا شخصيا متحمس لفيرسس اكثر من الريميك .. خل فريق فيرسس يطلعنا لنا اجواء جديدة لفيرسس .. ملينا من اجواء 7 !

اقتباس:

---

المشاركة الأصلية كتبت بواسطة ShinGundam

^
^
فريق الفيرسس لهم الأولوية في تصميمه لو ما كيتاس و لكن الفريق يعمل على لعبة ثانية

---

اعتقد فريق فيرسس انظم لفريق كيتاس عشان يخلصون اللعبه باسرع وقت وخلو فيرسس ستاند باي


وانا اشوف ان اللعبه الرئيسيه لها الاولويه لان عالم فاينل13 بينشرح فيها بشكل موسع واكبر من فيرسس اللي بتتكلم عن بطل اللعبه وشخصيته اكثر


فالافضل نفهم ونستوعب حجم العالم في فاينل13 وتاريخه بعدين نلعب فيرسس وحنا متعلقين بقصتها ومشدودين لاكمالها

اقتباس:

---

انا شخصيا متحمس لفيرسس اكثر من الريميك .. خل فريق فيرسس يطلعنا لنا اجواء جديدة لفيرسس .. ملينا من اجواء 7 !

---

أخوي اللعبة جديدة أعلنوها بفامتسو بمعنا آخر ما لها علاقة بفاينل فانتسي أو غيرها

اقتباس:

---

اعتقد فريق فيرسس انظم لفريق كيتاس عشان يخلصون اللعبه باسرع وقت وخلو فيرسس ستاند باي

---

فريق الفيرسس(FF6,7,8,9) يساعد فريق فف 13 (FFX ) من ناحية التقنية (؟) و من الناحية كونهم يعملون على
نفس المحرك و على نفس الجهاز و هذا الشيء مو جديد

اقتباس:

---

وانا اشوف ان اللعبه الرئيسيه لها الاولويه لان عالم فاينل13 بينشرح فيها بشكل موسع واكبر من فيرسس اللي بتتكلم عن بطل اللعبه وشخصيته اكثر

---

و الله ما أدري شنو في بال سكوير هم يقولون أن القصة أساساً ليست أجزاء بل كل لعبة مستقلة في نفس العالم
فف13 = المستقبل
فيرسس = الحاضر
أغيتو = عصور وسطى
بمعنا آخر المحور الرئيسي هو الكرستالات و لكن بقصص و أحداث و شخصيات مختلفة

اقتباس:

---

فالافضل نفهم ونستوعب حجم العالم في فاينل13 وتاريخه بعدين نلعب فيرسس وحنا متعلقين بقصتها ومشدودين لاكمالها

---

و طبعاً هذا الي بيصير لكن من إطلاعي ما أتوقع ترابط كبير بين اللعبتين على أية حال أنا متشوق للعبتين

اقتباس:

---

أخوي اللعبة جديدة أعلنوها بفامتسو بمعنا آخر ما لها علاقة بفاينل فانتسي أو غيرها

---

معليش ما فهمت عليك ؟

اقتباس:

---

فف13 = المستقبل
فيرسس = الحاضر
أغيتو = عصور وسطى
بمعنا آخر المحور الرئيسي هو الكرستالات و لكن بقصص و أحداث و شخصيات مختلفة

---

فعلا كلامك صحيح .. اتذكر اني قريت ها الشي من مقابلة لنامورا ,,

اقتباس:

---

معليش ما فهمت عليك ؟

---

يعني فريق نومورا يشتغلون على مشروعين و هما FFversus13 و New title أعتقد إسمه شي Spirit
ما أذكر بضبط

يالله رجعنا والريميك حق سكوير والله ذلونا فيه ..
ياناس واله طفشنا من شيء اسمه فف 7 خلاص كلاود وسيفروث >_< يكفي !!
لو يسوون ريميك FF8 والله اصرف على الاقل يبينو العلاقة بين سكوال والتميسيا

اقتباس:

---

اذا بيسوون تكمله للقصه هنا يختلف الكلام وبهتم فيها اكثر

---

ماعتقد فيه تكلمة غير رجوع Genisis فقط اللي كان في العرض السري بلعبة DOC:FFVII
حق فنسنت ...

بس وش بيسووا يعني بيرجعوا سيفروث بطل فيها علشان يوقف جينيسيس ؟.؟

من ناحيتي اتمنى ينزلوا اجزاء فف 13 كلها واجزاء البسب وكينجدوم هارتز اللي لهم سنين معلنين عنها
بدل مايجلسوا يسجلوا العاب جديدة ورميكات جديدة .

نبي جزء اون لاين جديد

اقتباس:

---

ماعتقد فيه تكلمة غير رجوع Genisis فقط اللي كان في العرض السري بلعبة DOC:FFVII
حق فنسنت ...

بس وش بيسووا يعني بيرجعوا سيفروث بطل فيها علشان يوقف جينيسيس ؟.؟

---

لوووووول :D .. أنت تدري ان ها الأصدرات الي نزلت بينت ان لفاينل فانتسي تكملة ! .. كل ها الأصدارات تعتبر لأصدار الأخير الي راح ينزلوه ! ..
========
اعطيك امثلة .. آيريس هل هي على قيد الحياة ولا لا ؟ .. ادري انها ماتت ! .. لكن لاتنسى انها من السيترا .. السيترا لهم ميزات ما تتوفر في البشر .. السيترا اجسامهم بشر لكن من داخل مو بشر وآيريس تعبتر آخرهم .. الي يوضح لك انها ما ماتت .. نهاية فاينل فانتسي 7 هي الي وقفت النيزك .. وفي الفيلم هي الي كلمت كاداج في النهاية وسحبته .. وهي الي عالجت كلاود في الكنسية عندما اخرجت الماء لعلاج المرض .. كل هذا يبين لك انها ما ماتت ..
=========
سيفروث ما مات ولا يموت اصلا ! .. لأنه اصبح هو نفسه مكان جينوفا في الماضي .. وقالها في آخر الفيلم : ( لن اصبح ذكرى لأبد .. )
========
جينيسس و اخوه ويسلي .. كان طول ها المدة محبوس في كهف و طلع في نهاية السرية لديرج اوف سربيورس .. وقال : ( اخي .. لا زال هناك شي مهم يجب علينا اتمامه .. )
========
سيفروث .. جينسيس .. آيريس .. كلاود .. لهم عودة اخيرة .. وهذا اوضح واتوقع انه اخر اصدار لهم .. لأن الواقع كل ها الأصدارات هي تعتبر تمهيد للجزء الأخير :) .. وأنا ابغاه اكثر من الريمك بشرط يكون ار بي جي كلاسيكي .. مثل FF10 وافضل ..

اقتباس:

---

من ناحيتي اتمنى ينزلوا اجزاء فف 13 كلها واجزاء البسب وكينجدوم هارتز اللي لهم سنين معلنين عنها
بدل مايجلسوا يسجلوا العاب جديدة ورميكات جديدة .

---

هذا الكلام :biggthump . .

اقتباس:

---

المشاركة الأصلية كتبت بواسطة KasiH

ماعتقد فيه تكلمة غير رجوع Genisis فقط اللي كان في العرض السري بلعبة DOC:FFVII
حق فنسنت ...

بس وش بيسووا يعني بيرجعوا سيفروث بطل فيها علشان يوقف جينيسيس ؟.؟
.

---

ها اللي اقصده

عودة جنسس ومادري من غيره بيرجع , سيفيروث اكيد بيرجع في تكملة القصه بشكل او اخر يمكن يساعدك على معركة جينسس ماتدري

بس اهم شي يسوونها ويفكونا من الريميك , بعدين الشركه عندها مشاريع شكثر تبي تسوي لها ريميك وفاينل7 عالم ضخم جدآ لو يبون يسوون لها ريميك لازم يكونون متفرغين عدل لها

وعليكم السلام والرحمه

بعد اكثر من ‏3 سنوات !!! لحد فيكم
يحلم بالريميك ^^ .. نظريا هو جاي جاي
بس بعد فتره وأعتقد أنه رح يصدر على
جهاز البي اس بي لانو تكلفته أقل بكثير
من جهاز الاحلام ps3‎‏ ‏!! أو حتى جهاز
الوي !! لان أكس360 وبلاي3 ساروا شابين
نار وأسعار العابهم خياليه !! يكفي الالعاب
اللي تطورها سكوير حاليا FFXIIIV
و FFXIII‏ وألعاب مرتقبه مثل هذه كفيله
أنها تنسف ميزانية الشركه ماديا ^.^
وبالنسبه لحصرية اللعبه ع السوني
فإي مبلغ مادي يكفل فك الحصريه ^^
شكرا للموضوع ،، دمت بخير وسعاده

اقتباس:

---

وبالنسبه لحصرية اللعبه ع السوني
فإي مبلغ مادي يكفل فك الحصريه ^^

---

معليش اختي بس انتي شكلك مالك خبرة بالـ RPG
فاينل فانتسي 7 هو الجزء الوحيد ياللي هو من نشر "سوني" بنفسها , وهذا معناته انها مستحيل انها تروح لأي جهاز ثاني غير اجهزة السوني إلا إذا سوني تخلت بنفسها عن انها تنشره , وهذا مستحيل نظرياً.
إلا إذا كانت سوني راضيه عن هالشي , وما اتوقع انها ترضى بهالشي لأن اسم فف7 هام

اقتباس:

---

معليش اختي بس انتي شكلك مالك خبرة بالـ RPG

---

من الي قالك ان مالها خبرة :) ؟ .. هاذي العضوه لها خبرة اكثر من الأعضاء المميزين هنا ! .. لاحقه على العاب قديمة مثل فاينل فانتسي 7 بوقتها وكمان 8 و 9 و 10 و بريسات ايف 1 و 2 .. وهذا غير الألعاب الي تعتبر جديدة مثل كينجدوم هارتس 1 و 2 ..

اقتباس:

---

الجزء الوحيد ياللي هو من نشر "سوني" بنفسها , وهذا معناته انها مستحيل انها تروح لأي جهاز ثاني غير اجهزة السوني إلا إذا سوني تخلت بنفسها عن انها تنشره , وهذا مستحيل نظرياً.

---

في هاذي معاك حق .. لكن هي قالت جهاز الوي لأنها تبغى تشتريه وتبغى اللعبة تكون عليه :silly: .. يعني كأنك تتمنى لعبة تأتي لجهازك فقط لا غير =) ..

اقتباس:

---

وألعاب مرتقبه مثل هذه كفيله
أنها تنسف ميزانية الشركه ماديا ^.^

---

اوافقك في كلامك .. الشركة تطور العاب كثيرة مو فاضية لفاينل فانتسي 7 .. ولو فكر با اللعبة ما راح تكون ريميك ! .. راح يكون تكملة لقصة اللعبة ..

اقتباس:

---

المشاركة الأصلية كتبت بواسطة Mr.X

معليش اختي بس انتي شكلك مالك خبرة بالـ RPG
فاينل فانتسي 7 هو الجزء الوحيد ياللي هو من نشر "سوني" بنفسها , وهذا معناته انها مستحيل انها تروح لأي جهاز ثاني غير اجهزة السوني إلا إذا سوني تخلت بنفسها عن انها تنشره , وهذا مستحيل نظرياً.
إلا إذا كانت سوني راضيه عن هالشي , وما اتوقع انها ترضى بهالشي لأن اسم فف7 هام

---

أخوي سوني أمريكا و أوروبا نشرتها بس بالنهاية ما تملك الـIP و هو ملك سكوير

اقتباس:

---

المشاركة الأصلية كتبت بواسطة Modi

يارب remake FF8

---

آآآآآميييين :02:

والله لو انه سكوير اعلنت عن جزء جديد لفف7 ما بشتريه ابد :cray:

اقتباس:

---

من الي قالك ان مالها خبرة ؟ .. هاذي العضوه لها خبرة اكثر من الأعضاء المميزين هنا !

---

عارف , وانا كلامي لها مو سؤال , كلامي لها هو كـ تعجب.:)

اقتباس:

---

لاحقه على العاب قديمة مثل فاينل فانتسي 7 بوقتها وكمان 8 و 9 و 10 و بريسات ايف 1 و 2 .. وهذا غير الألعاب الي تعتبر جديدة مثل كينجدوم هارتس 1 و 2 ..

---

كان بودي انها هي تقول هالكلام بنفسها , وعموماً هالألعاب كلها اعرفها وعلى فكره انا قد لعبة الـRPG من ايام فف5 , و ترا انا بمنتدى المنتدى من سنة 1999 لكن ذيك الأيام قعدت 3 سنوات لين ما قدرت اعرف كيفية التسجيل!! :silly:
واللي ما يصدق , يروح ويشوف اول موضوع لي انا كتبته من اول تسجيلي بالمنتدى :)

اقتباس:

---

أخوي سوني أمريكا و أوروبا نشرتها بس بالنهاية ما تملك الـIP و هو ملك سكوير

---

اها .. يعني افهم من كلامك ان اللعبة خلاص بتصير مولتي !؟؟
اللعبة من نشر سوني سواءً بأمريكا او اوربا وهالشي يعني انها فقط بتنزل على اجهزتها ,,
إلا إذا انت تشوف غير هالشي !؟

انت تذكرني بمثل ياللي يتمنى ان جيرز وهالو3 تنزل على غير اجهزة مايكروسوفت وطبعاً هالحلم بعيد لأن هالألعاب من نشر مايكروسوفت بنفسها. :)

اقتباس:

---

اها .. يعني افهم من كلامك ان اللعبة خلاص بتصير مولتي !؟؟
اللعبة من نشر سوني سواءً بأمريكا او اوربا وهالشي يعني انها فقط بتنزل على اجهزتها ,,
إلا إذا انت تشوف غير هالشي !؟

انت تذكرني بمثل ياللي يتمنى ان جيرز وهالو3 تنزل على غير اجهزة مايكروسوفت وطبعاً هالحلم بعيد لأن هالألعاب من نشر مايكروسوفت بنفسها.

---

أخوي مسألة الريميك بذات الأن تخص DS لأن الألعاب الأوريجنال ما تبيع كثر ريميكات FF3 4 و ريمكات
الدي أس أم PS3 يكفيه ديمو FF13 و شوف الحرب الي بتصير ما أعتقد أن البلايستيشن وصل لمرحلة
أنه يحتاج ريميك عشان يمشي سوقه هو يحتاج فرص حقيقية من شركات الطرف الثالث و ألعاب تجمع
بين المتعة و الجرافيكس و الإتقان و التجديد و لا شي من هذا سوته سكوير حتى الأن ننتظر مجلة فاميتسو
و نشوف إيش بسوون أما مسألة النشر أنا قلت الي أعرفه فقط

مستر اكس

فاينل 7 نازل على PC وكذلك اجزاء فرعيه حقه نازله على الجوال يعني ممكن نشوفه على غير اجهزه سوني

اقتباس:

---

عارف , وانا كلامي لها مو سؤال , كلامي لها هو كـ تعجب.:)

---

سواء كان سؤال او تعجب لازم اوضح وجهه نظري حول الي قلته ..

اقتباس:

---

كان بودي انها هي تقول هالكلام بنفسها ,

---

اصلا هي الي قالت الكلام بنفسها في يوم كانت الملفات الشخصية موجوده ( الشات ) :naughty: ..

اقتباس:

---

وعموماً هالألعاب كلها اعرفها وعلى فكره انا قد لعبة الـRPG من ايام فف5 , و ترا انا بمنتدى المنتدى من سنة 1999 لكن ذيك الأيام قعدت 3 سنوات لين ما قدرت اعرف كيفية التسجيل!! :silly:
واللي ما يصدق , يروح ويشوف اول موضوع لي انا كتبته من اول تسجيلي بالمنتدى :)

---

اقتباس:

---

لاحقه على العاب قديمة مثل فاينل فانتسي 7 بوقتها وكمان 8 و 9 و 10 و بريسات ايف 1 و 2 .. وهذا غير الألعاب الي تعتبر جديدة مثل كينجدوم هارتس 1 و 2 ..

---

امممممم :scratchchin: !؟ .. ما اذكر اني سئلتك عن سيرتك الذاتية :D ؟ .. با النسبة لي فا انا اعرف فاينل فانتسي من ايام 6 :)

اقتباس:

---

فاينل 7 نازل على PC وكذلك اجزاء فرعيه حقه نازله على الجوال يعني ممكن نشوفه على غير اجهزه سوني

---

هذا غير الأنمي :) .. اقصد انه ما صار لعبة على اجهزة سومي مثلا ! .. على العموم اتنمناها انها تكون على PS3 بس تكملة احداث مو ريميك .. واهم شي RPG ببطولة كلاود :) .. لأن كل ها الأصدارات مو هو البطل با استثناء الفيلم .. ( اقصد اللعب ) . .

اهلين ‏dro and Mr.‎ X ^^
اممم أعتقد أن معك حق ^_^
ما اعرف اركب الماتيريا لووووول
صراحه أنا ما لعبت من ال RPG إلا
ألعاب FF,‎ Kh,‎ parasite eve,‎ Suikoden.
في عالم ال RPG‏ مالي خبره كبيره ^^"
بس في فاينال فانتاسي خبرتي 100%100 ^^
رح اقولكم الاسباب اللي خلتني أقول
أن الريميك جاي على جهاز ال wii
سكوير تفكيرها تجاري ،، وشركة وي
عندها ميزانيه ماديه خارقه !! يكفي أن
أقوى لعبتين رعب ريزيدينت أيفل ولعبه
فاتال فريم سارت لها حصريا !! ريزيدينت أيفيل
رح تكون حصريه لها بعد ال5 ،، ولعبه
فاينال فانتاسي 12 أصدرت على جهاز
نينتيندو المحمول ،، لذلك أعتقد أنها بداية سكوير
مع نينتيندو ،، وعلى فكره FFVII‏ مو حصريه
لسوني وبالذات الريميك !! لان فرعايته نزلت ع الموبايلات
والكومبيوتر مثل ماقال العضو rare
وقبل سنتين بالتحديد تسربت فيديوات
وصور للريميك وبالاغلب أنها من صنع الفانز
وبعدها شركة سكوير ظهرت في مقابله مبتسمه ^_^
وقالت : الريميك يحتاج لأنتاجه 500 عامل
و5 أعوام للعمل به !! ^_^
وبالنظر للفارق التيكنولوجي من عام 1997
إلى عام 2008 فالريميك يحتاج ميزانيه ضخمه
والحين بعد فريق لعبه ff7 ساروا مشاهير
يعني ما رح يرضوا بالقليل زي عام 97 !!
بالإضافه إلى الالعاب المشغولين
بتطويرها حاليا ^.^ ،، لذلك وي هي الاقرب
إلى الريميك ،، دمتم بحفظ الله

اقتباس:

---

صراحه أنا ما لعبت من ال RPG إلا
ألعاب FF,‎ Kh,‎ parasite eve,‎ Suikoden.

---

بس (&) !؟ .. المشكلة فيه اعضاء كثار لا يعرفو لا سكودين ولا بريسات ايف عشان كذا انا رديت .. الظاهر Mr : X راح يسوي فيني كذا . . :chairshot: .............. انسحب من الموضوع بهدوء قبل ما يجي افضل لي :creep: ........ XD !!

اقتباس:

---

لذلك وي هي الاقرب
إلى الريميك

---

لو صار فيه ريميك واعلن على الـــ Wii .. با اختصار راح . .

اعتزل الجيمز :jap033: !!!

^^
إشدعوه ؟؟ إنت مهتم للفيرسس و لا لريميك أصلاً ؟

المشكله مافي مؤتمر قريب يخلينه نعرف مته تطلع هل الالعاب
اقرب واحد e3 في 2009 P=

اتوقع قصده عن ff5-ff6

بعد مايرمكونهم يمكن ايي الدور لي السابع

اقتباس:

---

المشكله مافي مؤتمر قريب يخلينه نعرف مته تطلع هل الالعاب
اقرب واحد e3 في 2009 P=

---

فيه معرض Sony Gamer`s day اليوم , وبيصير بالرياض وانا جتني دعوه له , بس بحاول اني تجيني دعوة خاصه علشان اكون اقدر اسئل المسؤولين الكبار في سوني في فقرة اسئلة الجمهور :)

اقتباس:

---

فاينل 7 نازل على PC وكذلك اجزاء فرعيه حقه نازله على الجوال يعني ممكن نشوفه على غير اجهزه سوني

---

الـ PC والجوال ما تعتبر فيديو جيمز كونسولز فلذلك كلامي إلى الآن صح :)

اقتباس:

---

وقبل سنتين بالتحديد تسربت فيديوات
وصور للريميك وبالاغلب أنها من صنع الفانز

---

قبل سنتين هو كان نفس التاريخ ياللي نزل فيه الـ PS3
وبذيك الأيام في احد المعارض , سكوير إينكس عرضت مقطع تكنلوجي للـ PS3
علشان توريه للعالم كيف لو استغلوه بكل قوته فـ كيف بتطلع الألعاب عليه .. وكانو مسوين عرض بسيط
لـ FF7 وكل العالم ظنو وقتها انها بالفعل قاعده تصمم فف7 ريميك , والعالم والفانز طالبو سكوير بالريميك
ثم طلعت سكوير إينكس ونفت هالكلام وقالت ان العرض كان فقط عرض تقني لإظهار قوة الجهاز وليس لهم اي نية في صنع ريميك لـ فف7.

وهذا هو المقطع.. واظن انه واضح من اسمه
Final Fantasy 7 [PS3] technical demo PlayStation 3



any question:ponder:!?