[الموضوع الرسمي] Prince of Persia ( انطباعات - استفسارات- تقاييم )

السلام عليكم

ها هي اللعبة الاسطورة من Prince Of persia

ستصدر او صدرت

لنجعل من هذا الموضوع يكون رسمي ويحتوي من حلول واستفسار وانطباعات وكل ما يحتاج إليه معجب لهذه اللعبة


انا اتوقع ان تاخذ تقييييم 9 وما فوق

فهي لعبة جميلة من كل النوحي وخصوصا
محرك الرسم لم يستخدم لأي لعبة غيرها


أتمنى أن يكون هذا الموضوع كل شي متعلق بها

سلام

اللعبة اخذت تقيم 9 وشي .. بموقع IGN ^^"
ناوي اشتريها.. لكن متردد كونها لعبة OFFLINE ..وانا مرتبط للأون لاين
فخوفي بعد ما اخلصها .. اسفطها بالدرج......

هلا والله اخوي

حتى لو مافيها اون لاين

يعني هي مو لعبة جماعية مثل كول اوف ديوتي


لا تتردد والله رهيبة

انا ناطرها بس ماوصلت الكويت
واحد من الشباب قال اوصلت قطر

فا ناطرينها على السوني متى تنزل

سلام

محل جيم سنتر في مجمع الرحاب يقول باجر بالليل تنزل اللعبه أنا ناطرها حييييييييل شكلها بتكون قويه

دام باجر بليل

عيل انا بروح بعد بشتريها

والله من زمـــــــــــــــــان مالعبت لعبة

اخر لعبة بالرمضان :(

سلام

السلام عليكم

متى توصل الرحاب ناوي عليها إن شاء الله ^_^

على كلام الشباب

باجر بليل


توصل
سلام

يا أهل الرحاب هل وصلت اللعبة عندكم؟

لا باجر توصل بليل على كلام واحد من محلات الرحاب

هذي اللعبه لازم اخذها مع زحمه الالعاب اللي عندي بطول لين ما العبها .
ريسيتنس 2 و ميدنايت كلوب للحين ما لعبتها .

السلام عليكم

ترى نزل شباب برنس اوف برشيا

بالرحاب

انا العصر بروح اخذة

عاد صج بقعد لة قعدة :)


سلام

ign: 9.3

اتمنى هالموضوع يدمج مع موضوعي:
http://www.montada2.com/showthread.php?t=617530

هلا
العبه رائعه لاكن ماتستاهل ارجنل

^^^

احترم وجهة نظرك بس هذي تعتبر من افضل العاب البلاتفورم ان لم تكن افضلهم

هلا
ممكن اكون غلطان بس اسعارالالعاب موصله للمريخ فقلت هدا الكلام

هي اللعبة تستاهل اصلي ... لكن هذا انا شريت ديفل مي كراي و bioshock وغيرها
واكتشفت انه ما اكمل اللعبة واضل متعلق في العاب الmultiplayer ..
لأنه العاب السينجل بلاير... يا ما اكمل حتى البدايه او انه لما اخلصها .. مالي رجعه العبها ..
فعشان جذي متردد بالرغم اني من محبي السلسله .. لكن مستخسر اقط 20 دينار واخرتها اسفطها بالدرج لول
يعني عمرها ما يقل عن اسبوعين بالكثير.. عكس cod 4 و gears 2 .. لي يومكم فيه مجال تلعبهم..

السلام عليكم


انا الحين بروح اخذها

الكل والله يمدحها


واهي مو طبيعية

ونسهر عليها سهرة مو طبيعية

سلام

شباب النسخة اللي نزلت بالرحاب أمريكي ولا أوروبي ؟

Prince of Persia
أجلتها لسنة 2010…ماكو وقت بالمرة
+
في العاب على قائمتي تصل أكثر من 10 العاب وإلى الان لم العب ولا وحدة
+
دراسة…لول

شريت اللعبة توه


الصــــــــــــراحة

اللعبة ابداااااااااااااع

والله ابداع

لا تفوتوها صج قوية

ولحلو فيها

انها تدعم فول اج دي

سلام

اخويkazuya النسخة اللي نزلت اوربية ولا امريكية؟

شباب اللي نازل في مجمع الرحاب ترى نسخه أوروبية هذا للعلم فقط ما خذيتها المهم اليوم رحت عند مركز الكويتي يقول يوم السبت أو الاحد تنزل عنده الأمريكي

السلام عليكم

ما ادري ياخوي اظن اوربية

فا ماهمني اوربية ولا امريكية

بس والله اللعبة خرافية وربي

والله مو صج

صج صج صج رهيبة


بس ليش تبون امريكية تختلف عن اوربية

سلام

اللعبة ممتازة ما عليها اي كلام ولا يغرك رسم الشخصيات كأنهم كوميكس

قبل ما اجرب اللعبة قلت لنفسي ان شركة يوبي سوفت خربت اللعبة بالجزء هذا البطل غير الرسم غير

بس بالامس فليل قعدت مع رفيجي في المجلس بعد ما جاب اللعبة واقول في خاطري وش لك بهذه اللعبة قعدنا نجربها

وشوي انسجمنا >>>>> عباله دخل في اللعبة وصار البطل :p

المهم ان اللعبة طلعت اكثر من ممتازة الجيم بلاي لا كلام عليه لان فيه الكثير من التغيرات في اسلوب اللعب مثل
القفز على الجدران والتأرجح مع انك اوقات بتتلخبط من كثر ما ينط البطل >>>> صار قطو مو بطل :)

بطل اللعبة صار مرح وكل شوي بتسمع تعليقاته صار مثل بطل لعبة UNCHARTED :D

وبدل ما تستخدم الرمال لترجع الزمن عندك الاميرة كل ما تسقط في الحفرة بتجي هي وبتساعدك
بس ما تقدر ترجع الزمن او تخليه بطيء

العالم مفتوح وتقدر تغير وجهة سيرك في اي وقت تبي واذا ضغطت اضغط مثلث وبتساعدك الاميرة
وبتطلع ضوء ابيض يدلك على المكان الصحيح

اللي لعب بأجزاء اللعبة الثلاثة على الـ PS2 انصحه انه لا يفوت هالجزء :أفكر:

هلا اخوي

انا عندي اللعبة

وحلوة والله وانا ماهتميت برسمة لان رسمة حلو والله

واللعبة جدا ممتعة لكن

ماني عارف

شنو مايموت البطل؟؟

ككل ما اطيع اسقط من مكان عالي او اي شي


تجي البنت اتساعدني ماني فاهم

ومافي وحوش بس رؤساء

سلام؟؟

ايه صح

كلامك صحيح الى الان ما شفت احد يعترض دربي بس في زعماء واخر واحد قاتله هو الوحش الضخم
الازرق بعدين رجت للقصر الكبير

القصة مب فاهمنها عدل ممكن احد الاعضاء يخبرنا بالقصة

انا مو فاهمها عدل

بس جنة البطل له اخو

والبنت لها قدرة خاصة واوبها ملك يبي منها شي عشان يحقق اهدافة

بس اهي ماتساعدة


بس مادري ليش مايموت البطل كلش



سلام

القصه الي اذكره انت مع اللأميره ناوين تقضون على الشر المسيطر على العالم الي انتو فيه ..
والي انتشر لسبب ما... اللعبة اعتقد اعداءها اهي الtraps الي تطوفونها..
كل زعيم له مجموعة من الtraps .. تتفاداهم وتتعارك ويا الزعيم ...
فيه اماكن سريه ما تصل لها الا لما تجمع الدوائر مالت الروح الي تكون متشره حول المراحل ..
حيث أليكا تكسب قدرات يديده ..

هذا الي فهمته من بعض المراجعات الي قريتها..

انا حاليا خلصت 6 مراحل

اللعبة والله جدا ممتعة

في حركات يديدة واحداث مشوقة

وطرقة اللعب الي في ممتاز والله

السلام عليكم

شخصيا ماجربت اللعبه

وشكلي موب مجربها مع اني احسها حلوه

بس مدري احس موب من الالعاب اللي احبها

وش نظامها هي اكشن والا ايش؟


تحياتي

اكشن ومغامرات


لا اطوفك

حدها حلوة

فيها تروفيز او اون لاين؟

تروفيز : موجود
اون لاين : غير موجود

انا حاليا خلصت 8 مراحل

بس بروح حق المراحل الباجية
عليها قفل



غريبة انا كل ما اخلص مرحلة يفتح لي مرحلة ثانية

بس الحين كلهم مقفولين ليش


وليش البطل مايموت كلش

سلام

يــعني لعبة تستاهل نشتريها ؟

انا مب من ال Fan لكن لعبة كم جزء قبلي لعب ممتع شوي

اللعبة تحصل على 8 من جيم سبوت

يمعود

جيم سبوت

والله مايعرفون يقيمون ولا شي

ستريت فايتر الي على الاستور

معطينا 8,5

على شنو سيجا ورسم قوي شوي بس

تكن اقل منه معطينا اي شي والله
بس اللعبة خرافية والله حلوة
وممتعة
ولا احس بالوقت كلش

سلام

شباب ما تدرون اذا النسخة الأمريكية ريجن ( 1 ) نزلت في الكويت أو لا ؟

وشكرا

شباب في استفسار ياريت تساعدوني فيه
المرحله الاولي السيتي غيت جمعت كل اللايت بس فيه مجموعه مكانها عالي وما عرفت اوصلها ,حد من الي خلصوها يخبرونا كيف يابوها

وشكرا

اللعبه جيده بس الاعداء قليلين ومعظم الجيم بلاي تنطط وتعلق بالطووفه

اعطيها 7/10 عشان الجرافيك

السلام عليكم

هلا اخوي فرهاد


الي تاخذهم والي مكانهم عالي

في دوائ بالارض لازم اتشبهم كلهم

لونهم اخضر الي اتخليك اطير
والازرق اتخاليك تمشي على الطوفة وغيرها

فا لازم تفتحها


بيوم اطق سلكت

اتشوفهم تحت وكل وحدة تحتاج من الازرق الي اجمعهم

ومكتوب عددهم

اللعبة جميلة وممتعة والله



حيييل

قام اجمع الحين كل شي



سلام

انا في انتظار اللعبه

متى توصل بلدي ................. !!

قريبا انشاء الله !!

شباب اللعبه على الاكس بوكس فري ريجن او ريجن لوك

اقتباس:

---

المشاركة الأصلية كتبت بواسطة rare games

شباب اللعبه على الاكس بوكس فري ريجن او ريجن لوك

---

مو محددين ؟ يمكن لا الله أعلم
http://www.play-asia.com/paOS-13-71-...n-70-2tla.html
ليش ما تاخذ نسخة بس3 و تريح بالك

اقتباس:

---

المشاركة الأصلية كتبت بواسطة ShinGundam

مو محددين ؟ يمكن لا الله أعلم
http://www.play-asia.com/paOS-13-71-...n-70-2tla.html
ليش ما تاخذ نسخة بس3 و تريح بالك

---

بلاي اسيا صاير بطئ هالايام يالله يعلن عن اللوك او الفري

عموما جاني خبر ان اللعبه ريجن فري

بالنسبه لنسخه ps3 ما ابيها تجنباً اذا كانت تحتاج تنصيب على الهارديسك راحت علي 20 -25 جيجا كله على التنصيب ماني متسعد اخسر لو 100 ميغا على التنصيب

الحين شنو هي عيوب اللعبة ؟ so far

اقتباس:

---

المشاركة الأصلية كتبت بواسطة FARES360

الحين شنو هي عيوب اللعبة ؟ so far

---

إنعداااااااااااااااااااام التحدي لعبة كأنها كاجول حتى LBP فيها تحدي أكبر و البطل عبارة
عن نيثان دريك مع الأسف مو لايق مع شكله و هيبته و القصة تناسب عقول أمريكية :(
و أخيييييييييييييييييراً ICO wanabe


غير هذا كل شي حلو أقصى متعتها تكون في الأتشفمنت و الجرافيك روعة و القتال إستعراضي
جميل تقدر تفنن فيه

السلام عليكم كيفكم انا ابغا اشتري اللعبه بس ابغا اعرف هل تستحق الشراء يعني تستحق 250 ريال ولا لا وهل فيها ترفيز ولا لا وشكرا

اقتباس:

---

السلام عليكم كيفكم انا ابغا اشتري اللعبه بس ابغا اعرف هل تستحق الشراء يعني تستحق 250 ريال ولا لا وهل فيها ترفيز ولا لا وشكرا

---

فيها تروفيز و اللعبة تستحق

اللعبه حلوه

بس تصير مملله من كثر التكرار

افضل الاجزاء الجديمه عليها .

اللعبه هذي خربوها صارت سهله حيل والسبب البنت اليكا ... اتمنى يسوون اجزاء نفس النظام القديم

للأسف بعد ما قريت المراجعات بالمنتديات الأجنبيه وبعض الردود طلعت الأشياء الي ما كنت اتمنى اشوفها ..
- التكرار ( another assasin creed mistake?)
- البنت آليكا ... ملاك الحياة في اللعبة -_- !
- مافيه اون لاين co-op ..
- leader board...
- السهوله الكاجواليه بشكل مو طبيعي

باقي مده اللعبة طويله ولا قصيره جم ساعه ؟

basicly its a pass for me !

السلام عليكم


انا باقيلي مرحلة واخلصها


وخلصت المراحل السرية

وجمعت اللايت سيييد كلة

صج الوحوش قليلة

لكن ممتعة والله

سلام

السلام عليكم


خلصت اللعبة

والله اللعبة ممتعة جدا

والي يقول كلها تنطط ونقز وقفز

الي خلصها وخلي يشوف

والله رهيييييييييييييييييبة

بس انا خلصتها وخذيت كل اللايت سييد وسويت كل شي

بس ليش 62 من مية نسبتي

سلام

اقتباس:

---

بس ليش 62 من مية نسبتي

---

يمكن عشان ما طلعت التروفيز؟

بجم ساعه خلصتها؟

السلام عليكم

خلصتها

بعشرين ساعة

والخريطة خلصتها كلها وكل مرحلة الي فيها لايت سيد

جمعتهم كلهم

واخر شي نسبتي 62

وبعدين لقيت تروفلز مادري شسمة

اول مالقيتة ولا ارد بشوف تقيييمي

صار 63

ماني عارف يعني

سلام

السلام عليكم

ارجوكم شباب

الي طلع تروفيز كاملة باللعبة

اتمنى احد يقولي

سلام

بااك... توني شريت اللعبة ب20... كنت بغيت اخذها ب19 بس ماكو فايده وياهم هالجيم سنتر وشعبان ما كان موجود وقتها كله ينحاش التعبان .. جان نزلي دينار ..فيها بانزين لول , المهم
وصلت عند اول اركهمايد ..الي سلاحه جنه مقص بس
وهذا راي كبدايه ..
الجرافكس من نوع cell shaded وتمام لكن توقعت افضل وليس قريب للعبة jet set radio ..
التحكم جيد ايضا .. لكن اللعبة باين عليها سهله حيل.. وهذا عيب اشوفه للأسف
يعني تحس مافي منافسه في اللعب .. معاك الأميره آليكا الي هي تعتبر الcheckpoint في كل خطوه
القتال باللعبة ممتع حتى لو ضد عدو واحد بس طريقة التقديم حق القتال حلوه.. والكومبو .. تقريبا نفس heavenly sword او god of war .. ما لعبهم بس شفت عروضهم وفيهم نظام تضغط A في وقت معاك عشان تكمل على الوحش الحركات الخ.. الكومبو بمعنى اخر

ما اقدر اتكلم اكثر لأنه توني في البدايه .. الseeds بس 60 ؟ انا حصلت 8 لحد الحين .. مبدئيا اللعبة اقيمها 7 من 10 .. اهي اللعبة حلوه وتستاهل الشراء خصوصا انه هالشهر مافيه غيرها الي يستاهل.. الا اذا بغيت sonic unleached بدالها؟ ما اعتقد هه

اي نسيت اذكر اللعبة تنفع للي يحبون يجمعون الأشيفمنت ..
انا ما سويت شي بس قاعد اوصل .. والأشيفمت قاعده تنزل علي بالشاشه بالراحه لول !

صورت صورتين من اللعب + صورة الغلاف مالي لول

اللعبة قمة وغير عن الأجزاء القديمة والتحكم سلس وحلو
بس أشلون أطلع لبس اساسن كريد

اقتباس:

---

المشاركة الأصلية كتبت بواسطة MOHAMMED Q

اللعبة قمة وغير عن الأجزاء القديمة والتحكم سلس وحلو
بس أشلون أطلع لبس اساسن كريد

---

لازم تسويلك account في موقع ubisoft
انا طلعلي بالشاشه popup يقول exlusive content .. وقالي لازم تسوي account
فسويتلي واحد وعطوني البدله مالت altiar تلقاها بالextra's

السلام عليكم هلا والله فارس

انا عبالي كانت عندك اللعبة من زمان :)


شوف اللعبة مثل ماتقول سهلة

لكن وربي ممتعة حيل حتى نظامها ورسما غريب
لكن بنفس الوقت رهيب والله حيل

والنهاية ســـــــــــــــــــــــــــــــــــــــــــــــــــــــمح لي


خلصها وشوف

انا خلصتها واحس مادري طلعت كل شي وهم نسبتي 63%

والمشكلة مايورونك شنو الي خذيت والي ماخذيت من التوفيز

ولبس اسسين كريد

شلون

ادري من موقع يوبي سوفت بس مكتب سوت رجيستر شنو اكتب

احط اميلي وباسورد شنو

وماتعرف موقع يحطلك كل الفيديوات حق الترزفيز

سلام

انا خلصتها ف اقل من 12 ساعه

وتقريباا حصلت 67 % من التروفيز

باجيلي ال Light Seeds ايمعهم

والنهايه كانت حلوه والزعيم الاخير كان شوي معقد بس خلصت عليه لول

السلام عليكم

شلون نسبتك 67%


واتقول باقيلك لايت سيييد اجمعهم

انا جمعتهم كلهم واخر شي نسبتي 64%


شنو الي اتسوي عشان يزيد تروفيز مالك

سلام

وعليكم السلام

فيه وايد اشياء اخوي

ادخل ع التروفي من القائمه الرئيسيه ف البلاستيشن

بعدين ادخل ع ايقونت اللعبه الي هي برنس

وراح تشوف التروفيز الي حصلتها والتروفيز الي ما حصلتها مع شرح بسيط تحت كل تروفي يبين لك كيف تحصله

واذا تبي شرح مفصل كيف تحصله

شي موقع playstation trophies

هناك عندهم كل شي مفصل عن كل لعبه فيها تروفي ومن بينهم طبعاا لعبة برنس

شفتها

دشيت على ترفيز
اهي 51

وانا جمعت 40

بس مادري وين الباجي

وهل في شغلة يعني اتقولي ان هالمكان خذيتة ولا لا

وصج شرايك بالنهاية


سلام

انزين

اذكر التروفيز الي ما حصلتها

يمكن اقدر اساعدك اخوي

وانا عندي كم تروفيز ما حصلتهم بعد يعني راحت علي وما اقدر احصلها الا اذا لعبت من اول ويديد .

وبصراحه النهايه حلوه وحلو انك انته تتحكم فيها

انا قلت خلاص انتهت اللعبه

بس شفت انه التحكم رجعلي مره ثانيه فقلت اكيد اللعبه مانتهت

يعني سووها بطريقه حلوه .

انا ضفتك بالسوني

وشقصدك انت تتحكم بالنهاية هي نهاية حلوة

حق الي مخلصين اللعبة يشوفون النص

عجججججججججيب يوم يشيل البنت ويطلع لحن مو طبيعي ويطلع اسامي الي مسوين اللعبة

انت جم جمعت تروفيز انا 40 وانت


وشلون اطلع لبس الطاير مال اسسسيسن كريييد

وفي صج تروفيز حق بطل يطق 14 طقة شوف

http://www.youtube.com/watch?v=m7m1B2zJtJY

قام احاول اقلدة يطق سيف 3 مرات مربع مبع مربع بعدين مثلث بعدين مادري شنو

اتمنى اترد على اسالتي ولو انها وايد :)

سلام

ان شااا الله برد اسئلتك اخوي بس عقب الصلاه ان شا الله :)

ومشكوور ع الاضافه

قصدي انه ف النهايه

انته الي تشيل اليكا وتوديها لين القبر وتطلع بعدين اسامي ال credts وعقب لما تحطيها يرجع التحكم عندك

وتظهر لك هذي الاشجار الي فوق البيوت

هني عرفت انه البرنس يبي يعيش الاميره لانه حزن عليها وايد .

انا عندي 41 تروفيز

ولبس اساسن قريد انا ماطلعته مع اني سجلت وسويت اكاونت ف يوبي سوفت بس ما ظهرلي

والكوبو الصراحه فن @@ وهذي التروفي صعبه ماظهرتها

وانا قلدته بعد بس ما قدرت بس اظني انه يستوي الا عند زعماء المراحل مثل الي ف الفيديو .

بس لو اتلاحظ ان يوم سوا الكومبو ماطلع فوق على اليمين ترفيز

وانا عندي 40 تروفيز

ومن بلاتنيوم ماعندي ولا واحد

وبالنسبة للنهاية

ترى في جزء الثاني مبين حدة وحتى يوم يشيلها لحقهم الوحش والله عجيب وربي رد الشر ماهمه المهم ان اتعيش اليكا واخر شي ويم يشيلها يطلع ترفيز تو بي كنتنيو والله حركات وبالنسبة للبطل اهو مو البطل مال الاجزاء القديمة صح ولا نفسة

وبداية اللعبة ينادي فرح منو فرح

سلام

فرح هي ال donky او الحمار (( عزك الله )) ماله ويذكرها اكثر عن مره ف اللعبه جدام اليكا

حتى انا ماعندي ولا بلانتيوم بس فيه اللعاب تقدر اتحصل بلانتيوم بسهوله وفي اللعاب العكس

والنهايه

اكيييد مبين انه فيه جزء ثاني لما يلحقهم الوحش وهو شال اليكا

صح البطل مب هو الجديم هذا واحد ثاني وحتى لو لاحظت انه عنوان اللعبه princ of persia بس

اعتقد انهم يبون يعيدون القصه من اول ويديد بس بصيغه ثانيه وبطل يديد

لانه القديم على حد علمي انتهى

بس اجمالا هي لعبه حلوه بس افضل اساسن قريد عليها

السلام عليكم..

اقتباس:

---

وبداية اللعبة ينادي فرح منو فرح

---

أن كنت مو غلطان.. هذي حمار الله يعزك.. كنه مضيعها!

اقتباس:

---

ادري من موقع يوبي سوفت بس مكتب سوت رجيستر شنو اكتب

احط اميلي وباسورد شنو

---

نك نيمك يكون جاهز ..الهو الpsn id ..حط بس ايميلك ..واي باسورد مرتين فقط
وبعدين يأخذك صفحه ثانيه يقولك انه اذا تبي اخر اخبار مشاريعهم الخ توصلك عالأيميل.. اختار الأثنين اذا تبي
وبس بعدين اخر صفحه وطق done ..
انا سويته بالايف مو.. بالموقع الرئيسي مالهم ubisoft.com .. فمادري شلون هناك التسجيل

السلام عليكم
اخوي نايت الفارس

اتقول البلاتنيوم تاخذة بسهولة بالعاب ثانية

لا انا ابي ببرنس

في بلاتنيوم
انا الحين 41 تروفيز من اصل 51

وناي عارف وين اخذ الباجي

ومن ناحية الملابس

البطل يوم نهيتة وهذا طلعت لبس برنس اوف بيرشيا القديم اول جزء

ولبس اسسين
وفي رابع اخر شي مادري شنو هو ماطلع علي

ومثل ماقلت اسمة بس برنس اوف بيرشيا صح

لان بيعيدونة

وانا عندي افضل من اسسين كريد

اسسين كريد صراحة مملة وايد تكرار لا احداث ولا شي ماعجبتني والله كلش

انا الحين بطلع ترزفيز

شوف هالموقع حاطين كل شي

بس بصراحة مافهمت منه كب شي

http://faqs.ign.com/articles/932/932409p1.html

حاطين كل تروفيز
بس لو كان فيديو افضل

سلام

السلام عليكم

طلعت شغلات يديدة

صارت نسبتي 71%

والله ممتعة اللعبة

الحين بلعبها مرة ثانية

في في شغلات اطلعها

لازم اتخلصها اقل من 12 ساعة

وسيطلعلك سرعة الشيطان

وفي الي لازم اليكا تنقذك امية مرة


سلام

وأخيرا أنهيت اللعبة ابداااااااااااااااااع بمعنى الكلمة رهيبه بعد ما أنهيتها فتحت اكاونت بموقع يوبي سوفت وعطوني لبس بطل assassain creed لعبت فيه اشوي حلو شكله وبالنسبة التروفيز حصلت فقط
53 %
أقولكم اللي ما لعبها أنا أنصحه يجربها فعلا ممتعه

هلا والله تسوباسا

اي شرايك بالنهاية رهيبة ها
وشفت النهاية اخر شي يطلع تروفيز تو بي كنتنيو وربي حركات :)

جم ساعة خلصتها


انا خلصتها والحين برجع اخلصها مرة ثانية صراحة رهيبة


لان في تروفيز اسمة اسمة سبيد ديمون سرعة الشيطان لازم اتخلصة اقل من 12 ساعة

بخلصها

:)

سلام

يا جماعة عندي استفسار اذا خلصت العبة سيدا يطلعلي لبس اساسين ولا لازم ادش الموقع يوبي واطلعة
وشاكر لكم

انا للحين سافطها بالدرج لول .... وصلت عند ثاني وحش الي يأثر بصبعه لول شكله عجيب
مشكلة الأوف لاين انه انا ما افكر اكمله لول .. لأنه نوعيتي اون لاين اصلا لول مو ذاك الزود بالسنجل
بس شريتها على الأساس اني محب للأجزاء السابقه .. بس شكله اللعبة مصيرها مصير باقي العاب السنجل بلاير
عندي .. -_- ما خلصت حتى 15% من قصتهم .. احس اني حاله خاصه لول

مبروك مقدما للي خلصها لول ..
انزين الحين الseeds الي يمعتهم .. مثلا يمعت 61 وخلصت اللعبة .. ورجعت بديتها من يديد ..
ال seeds الي لاقيهم من قبل يضلون محفوظين ولا ارجع ايمعهم من يديد ؟

هلا والله فارس شلونك شخبارك


اللعبة والله ممتعة والله صج مافيها اون لاين لكن صج رهيبة بغض النظر
انن البطل مايموت يعني

انا وصلت 75%

وقام اطلع الباجي

وبالنسبة حق اللايت سيييد

انا جمعتهم كلهم بس ماني فاهم شالمقصد يعني

وخلصها وعطني رايييك

سلام

يعطيكم العافيه الحين اذا بغيت لبس اسيسن كريد اسجل بموقع يوبي سوفت من البلاي ستيشن ولا الكمبيتور؟

كمبيوتر او بلاى ستيشن

اقتباس:

---

المشاركة الأصلية كتبت بواسطة Kazuya

هلا والله تسوباسا

اي شرايك بالنهاية رهيبة ها
وشفت النهاية اخر شي يطلع تروفيز تو بي كنتنيو وربي حركات :)

جم ساعة خلصتها


انا خلصتها والحين برجع اخلصها مرة ثانية صراحة رهيبة


لان في تروفيز اسمة اسمة سبيد ديمون سرعة الشيطان لازم اتخلصة اقل من 12 ساعة

بخلصها

:)

سلام

---

هلا والله كازويا
اخذلي 14 ساعة علشان اخلصها بصراحه استمتعت فيها يوبي سوفت ابدعت

بشر حصلت على سبيد ديمون سرعة الشيطان أنا بعدي ما حصلتها

شباب انا خلصت اللعبه وبصراحه ماكنت اتمناها تخلص لانها متعه غير منتهيه ...

خساره ماقدرت اطلع لبس الطير ..

يالنسبه للوحش الي طلع بعد ماكان الامير شايل اليكا ( اتوقع ان تكملتها هي احداث الجزء الثاني يعني دهاكا لان العجوز في الجزء الثاني قال شي من هالقبيل ..) ..

اشكركم لانكم انتو الي حمستوني على شراء اللعبه من خلاال متابعتي لـ الردود

اللعبه حلوهـ الصراحه ..

بس وصلت مرحله ماعرف اعديها

مرحله تكون في ايلكا ما تتحرك

ما اعرف شو اسوي هناك

اتمنى المساعدهـ

اذا اتباري البنت


واليكا أسيرة

لازم اتروح اطقها


واتمنى الي خلصها وطلع كل شي


في تروفيز يقولون اتخلصها تحت 12 ساعة

يعطونك speed demon

فا خلصتها تحت 12 ساعة ماعطوني:(

سلام

خلصتها اليوم :) وطلعلي السبيد ديمون لعبه جمليه جدا
انا 53% تروفي :p

السلام عليكم

انا خلصتتها اقل من 12 ساعة

ماعطوني سبيد ديمون ليش

:(

سلام

السلام عليكم ورحمة الله وبركاته

أصبت بخيبة أمل كبيرة من هذه اللعبة الخرافية الباهتة!! أسلوب القتال الشيء الوحيد اللي ممكن أمدحه فيه هو إنه سريع مما يعطيه واقعية أكثر، لكن أشوفه رجع للصفر واللقطات محدودة جدا بعكس أجزائه القديمة الرائعة والتي تعلقت فيها بشكل شديد جدا.

اللعبة جيدة وتقديري لها هو 8 من 10 ككل، ولكن ككلمة حق نهايتها كانت الإبداع بعينه، وميزة أخرى إنهم يدمجوك مع القصة سواء أسلوب القتال وغيره كأنك ما تلعب وإنما تشاهد قصة، بس القتال بشكل عام سخيف جدا وكأن شركة ثانية قامت بانتاجه، بعكس أساسنس كريد اللي هي الإبداع بعينه.

الخرافيات الي فيها كرهتني في اللعبة بشكل شديد، يعني يمشي في الجدار مشيناها، قلبوها مسخرة يمشي في السقف!! بس عجبتني لقطة الهبوط من مكان مرتفع بالقفاز الحديدي.

اللعبة نهيتها بعدين مليت منها، لدرجة إني لغير العادة مليت منها في منتصف اللعبة وبالكاد كملتها، بعكس الأجزاء القديمة الرائعة جدا، عموما الناس أذواق، والسلام عليكم ورحمة الله وبركاته.

أخوكم في الإسلام

انا رأي مع رأي الي فوقي ^ ..
انا مسمي اللعبة prince of spider هههههههههه !!

عموما انا خلصت الحين من منطقتين بالكامل مع الزعماء الqueen والwarrior ..
باقيلي الهنتر والي فوقه..

اقتباس:

---

المشاركة الأصلية كتبت بواسطة Kazuya

السلام عليكم
انا خلصتتها اقل من 12 ساعة
ماعطوني سبيد ديمون ليش
:(
سلام

---

مشكلتك نفس مشكلتي بس حلها بسيط ,,
كنت العب dead space ومو شابك السوني
وفي تروفي يقول يمع 200 ألف وتحصل عليه
ولعبت ويمعت وماطلعي التروفي ..!
الحل ..>>
اشبك السوني اونلاين والعب وانشالله يطلعون التروفيز
لأن التروفيز لازم يروحون للسيرفر اونلاين
(بس اذا خزنت وانت خاتمها راح عليك التروفي لازم تعيد عشان يطلع:()

مشكور وما قصرت

شباب عندي سؤال ماعليكم أمر للي ختمو اللعبة ..

* لما اختمها راح يكون فيها متابعة Continue ؟

يعني الـ Light's مثلا مايروحون اللي جمعت بعضهم وأكملهم عشان للتروفيز ولا لازم New Game ؟
وكل شي يروح ؟!

السلام عليكم


ان جمعتهم كلهم

يطلع لك التروفيز

وعددهم كلهم الف

انا طالع كل شي

الا بس يوم اتخلصة اقل من 12 ساعة ويعطيك تروفيز اسمة سبيد ديمون

بس ماطلعلي

سلام