عرض للطباعة
السلام عليكم
أخواني اليوم من بعد الضهر صار عندي لاااااااااااااااااااااااق رهيييييييييييييييييييييييييييييييييييب
أقل اقل اقل شي 6000ms و عاده يكون فوق الـــ20000ms!!!!!!!!!!!!!!!!!!!!!!!!!!!!!!!!!!!!!!!!!!
صراحه اول مره يطلع لي هالرقم القياسي و على فكره انا من الامارات - اتصالات و سرعه
النت عندي 1 ميجا بس ما ادري ليش اليوم صار كدا :boggled:
و الي ابي اعرفه المشكله من عندي ؟ ولا من بليزارد و لا من اتصالات الامارات ؟؟
:cray::cray:
و لما أجي اكتب اليوزر نيم و الباس ورد يكتب لي
conecting... و بعد 5 دقايق
handshaking و بعد وقت طويييل يدخل
و بعدين اختار الشخصيه الي ابي العب فيه و يمشي اللودنج
و بعدين يا اما انه يعلق و اعيد مره تانيه و يا اما انه يدخل و تصير اللعبه بطييييييييييييييئه
مرتفع ms
you are not the only one, im in UAE also, and its the same, 101 says its a common issue in all the Emirates, and they are working on it, so says the Costumer support
اها يعني المشكله بس عند الاماراتيين و بتتصلح قريب؟
و انا ابدا ما اقدر العب واو يعني ما اقدر ادخل و لو دخلت لااااااااااااااااااق و بعدين على طوول دسكونكت
و ياليت الي عروقه بالماي يساعدنا لانه يعرف كل شي xD
انا ايوم و الي هو الجمعه LAAAAG رهييب ما وده ينزل 14456 ms
يا شباب محد يعرف المشكله ليه ؟
''''''''''''''''''''''''''''''''''''''''''''''''
grim batol
[horde]
fabre
المشكلة هذي موجودة كل دول الخليج + مصر , والله اعلم احد الكيابل البحرية انقطعت -_-
لا انا بعد من السعودية و عندي نفس المشكله
OMG.... NOT AGAIN!!!!! another cable snap
الحمد لله طلع مو بس انا
الظاهر كل دول الخليج
متى بنرتاح من سمك القرش ذا الي اكل الكيابل ههههههههههههههه
قسم بالله خدمة انترنت بالشرق الاوسط عجيبه
هذا واحنا اصحاب المليارات والنفط بالعالم
لاتعليق
الله يصبرنا يالربع
يعني اليوم الوحيد اجازتي وابي اتفضى الفل الديث نايت ويصير كذا :(
0
أح والله ريحتوني كنت اضن انه المشكله من عندي بس والله حراااااام كل ربعي صارت لفلاتهم اكثر مني و انا
بعدني ما لفلت ولا لفل زياده :( بس اتمنى يصلحون المشكله بسرعه.
المشلة عامة ... من بعد صلاة الفجر إلى الآن .. و ابشرك .. لسه داق على الإتصالات المشلكة بتنحل في خلال 24 ساعة .. يعني اطلع و فلها بره افضل لك من القعدة...
نفس المشكله
لا و بعد الgoogle ما يفتح
اخوي القوقل يفتح عندي عادي 100% و كل شي اوكي لاكن المشكله انه اللاق زايد بواو
LOL, it seems the shark loved the taste of the cable and tryed to eat it again xD.
i hope they'll find out the problem and resolve it as soon as possible...
, انا طول هذي المده اعتقد اني الوحيد الي عنده هاي المشكله و ما خليت شيء ما سويت بالنيت و الواير ليس لول
إن شاء الله تنحل المشكله بسرعه
لأنه الصراحع بعدي من 3 ايام بديت العب و وصلت لفل 15 و متحمس هع
ماعتقد انها 24 ساعه بس
تتذكرون كم جلست المرتين السابقه ؟؟؟
الله يصبرنا جميعا بس
0
حرااااااام ربعي كلهم لفلو شخصياتهم و انا عاجز مو قادر اسوي شي :( و اللاق 15الف
يالله عاد صلحو المشكله.
السالفة وما فيها ان فيه قروش او اسماك شرسه مسويه فلم هندي ,, انتقام الاسماك وقطعوا الكيابل علينا
بس ما اظن بتجلس 24 ساعة ,, ع الاقل اسبووع >.<
صادق
اقل شي 4 ايام إلى اسبوع
راح تجلس
اخر مره جلست اسبوع --- والي قبلها اسبوعين
انصحكم تتفرجون مسلسلات وتتابعون افلام بدل الانتظار
(:
0
شكل القرش دابغ له مندي سمك وجاي يحكحك سنونه على كيابلنا.
الله يصربنا بس..
هههههههه الله يقطع سوالفك والله مت من الضحكاقتباس:
شكل القرش دابغ له مندي سمك وجاي يحكحك سنونه على كيابلنا.
اخر الاخبار الصباح شغال نشالله
المصدر صديق في الباخره
ونا داق على مزود النت وطايح سب فيهم! ومتحمليني وصارت السالفه كله من قررررررررش؟؟!!
لابوك من قرش خربت البتل جرواند خربت البتل فيلد... خربت كل شي!!!! يخرب بيتك ياقرش!!!
مش النت فقط حتى شبكة الهاتف المتحرك متعطله حاليا بالعين لا نقدر نتصل ولا نستقبل مكالمات هاهاهاها الله يعين على هالحاله انا قاعد اتابع حلقات بريزن بريك اللي ماقدرت اكملها بسبب :) WoW
وين الي عروقه بالماي اذا احتجناه؟ :(
تأثرت خدمات شبكة الانترنت في الإمارات ومعظم أنحاء العالم خاصة في أوروبا وشمال إفريقيا ودول الخليج بسبب انقطاع ثلاثة كابلات للاتصالات البحرية جنوب إيطاليا في الساعة العاشرة من صباح يوم أمس .
وفي الوقت الذي بدأت شركتا “فلاج” و”سيماوي” المسؤولتان عن ادارة الكابلات المقطوعة “فلاج وسيماوي 3 وسيماوي 4”، في عملية إصلاح الكابلات، سارعت مؤسسة الإمارات للاتصالات “اتصالات” فور حدوث العطل إلى توجيه حركة الانترنت الدولية إلى مسارات بديلة باستخدام الأقمار الصناعية وكوابل أخرى غير متضررة . كما استخدمت اتصالات الساعات البديلة وهي الاجراءات التي نجحت في تحقيق انسيابية معقولة في حركة الانترنت الدولية، وجنبت تلك الاجراءات الاحترازية هبوط جودة الخدمة بنحو 80% كما حدث في بقية الدول المرتبطة بتلك الكابلات .
وقالت “اتصالات” إنها تقوم بإدارة هذه المواقع بشكل يجعلها من المشغلين الأقل تأثيراً في المنطقة، حيث يساعدها في ذلك امتلاكها العديد من البدائل المتمثلة في شبكة الكابلات البحرية والشبكة الأرضية والأقمار الصناعية التي تربط الدولة بجميع مراكز الانترنت في العالم والواقعة في آسيا وأوروبا والولايات المتحدة الأمريكية .
وكانت اتصالات الانترنت والهواتف بين أوروبا والشرق الأوسط وآسيا قد تعطلت بشكل كبير أمس بعد تعطل ثلاثة كابلات بحرية في البحر المتوسط . وقالت لشركة الاتصالات الفرنسية “فرانس تليكوم”، إن “أسباب الانقطاع، الذي حدد مكانه في البحر الابيض المتوسط ما بين جزيرة صقلية وتونس، في اجزاء تربط صقلية بمصر، لا تزال غير معروفة” . وقال متحدث باسم الشركة انه من غير المرجح ان يكون الانقطاع ناجماً عن عمل تخريبي .
وقال شهيد السطيح مدير منطقة الشرق الأوسط في شركة “رلاينس غلوبلكوم” ومقرها في الهند، ان “3 كابلات تربط الشرق الأوسط بأوروبا وجنوب شرق آسيا تعطلت لأسباب غير معروفة بعد”، واشار الى أن الكابلات تغطي مختلف أنحاء الشرق الاوسط والهند وبلدانا اخرى . واوضح انه تم ارسال سفينة الى المنطقة لإصلاح الكابلات المعطلة .
لكن وكالة الانباء المصرية ذكرت ان الشركة أرسلت غواصة لإجراء التصليحات . واشارت الى ان هذه المشاكل الفنية لم تطل مصر فحسب، بل منطقة الشرق الأوسط بكاملها، وأنحاء واسعة من صقلية في ايطاليا . وذكرت انه سيتم استخدام كابلات بديلة والأقمار الصناعية لتشغيل الخدمة، متوقعة تحسن الخدمة في مصر مع منتصف الليل الماضي .
لاحووووول ولا قوة الا بالله 3 كيابل يعني كل كيبل اسبوع تصليح هاهاهاهاهاها
مشكور على الخبر أخي العزيز
حرام والله ابي الفل البالادين :( انا الحين مو بس لاق الحين صرت ما اقدر افتح العبه اصلا
يوم اكتب الاسم و الباس يكتب connecting...و و يعلق عليها :(
النجده يا حليب السعوديه!!
والله قهر هو بدون اي عطل والج عالي كيف الحين انا عندي يصل الى اعلى مستوى 20k:(
يمكن قراصنة الصومال ورى الموضوع ؟ ^^
أبشركم شباب :D
توي داخل اللعبة وشفت تغير كبير في الـMs انا كنت داخل العصر اشيك على الـMs اشوف هل هو زان ولا كما هو... وكنا الـMs في ذيك اللحظة Ms 6000+ لكن الحين عندي 980 ms وياصل 1200 بعض الأحيان..
أنا ادري انه لاق بس.. اذا قارنته بالمعاناة حقت يوم الجمعة... بتحس بالفرق!
وطبعاً اكيد العروقه بالماي الله يطول عمره ويخليه لنا له سبب في انخفاص الـMs
جزاك الله خير!
ذبحونه ويا هالكيبل
اكيد هالقروش يهودية يعني هدت السمج كله وقرضت الكيبلات :09:
بس في تحسن طفيف واللبنج وصل الي 900 - 1500 :boggled:
انا اتوقع ان كل هالبلبلة عشان ايسوون صيانة سنوية ولكن ما عندهم الجراة الكافية بانهم يعترفون بهالشي خوفا من حد ايطالبهم ببدائل اتكون ابنفس الكفاءة ولا ممكن حد ايفسرلي ليش السفن ما اتقص الوايرات او القرش ما ياكل الوايرات الا في الشتا ؟ لا ... فيوم الجمعة بالضبط بعد سبحان الله ... (والله جايز السالفة فيها عناد خخخ)
اللة
my latency crit 40k last friday
lag ftw
مصدر رئيسى وموثوق عن الخبر
http://www.arabnews.com/?page=1§...21&m=12&y=2008
الـ MS عندي في تحسن ملحوظ
بين 580 إلى 800
اشتراكي "زين البحرين" 1ميجا
وازيدك من الشعر بيتين اللحين شركة الاتصالات السعوديه منزلين سرعة 20 ميغا بس للحين الأب لوود ماتعدى 256 كيلوبايت للاسف وطبعا الاب لوود مهم مرررره عشان البينغ لانه كل مازادت سرعة الاب لود كل ماتحسن البينغ ولو تلاحظ ليش الاوروبيين البينغ عندهم ما يتعدى 200 عشان سرعة الاب لود 1 ميغا وهذا هو المفروض لكن الشكوى على الله حسبي الله ونعم الوكيلاقتباس:
المشاركة الأصلية كتبت بواسطة Cry Me A River
البارحه كان بين 900-1500 يعني بيكون تحسن في الايام القادمه :)
ذكرتني بمعالجات انتل الاقتصاديه التي تسمى سيلرون كاش 2 هو 256 :p:pاقتباس:
المشاركة الأصلية كتبت بواسطة majed750
خلصتوا كتاباتكم ؟
خلصتوا من تعاليقكم ؟
انا جمعت شكاويكم كلها وبعطيها انكل ريكو عشان يطالب بتعويض اللي خسر الراتنق ماله بالارينا بسبب اللاق
اللي يطالبون بتدخل ملك اللعبه انا توني اشوف الموضوع هذا و من عنوانه عرفت ان الموضوع يتكلم عن اللاق والكيابل اللي انقطعت , و انا كتبت كذا رد في مواضيع تتعلق بالمشكله نفسها
ولكن ابشركم كلها 10 - 24 ساعه ويرد الاق نفس ماكان عليه