هل تريد بطاقة psn و لا تملك فيزا هنا الحل

الـــــســـــــلام ...
هذا الموضوع للناس الي ما تقدر تنطر اكثر موعد صدور البطاقات في دولتهم انا اليوم سعيد لان اخيرا راح احصل على بطاقة psn
20دولار تقريبا بـ8 دنانير كويتي (125-115 ريال سعودي) و ان شاء الله بعد عدة ساعات راح توصل

مع اني اعتقد ان البطاقات نزلت الكويت من فترة لكن ما ادري بجم سعرها ... المهم انا شريت البطاقة عن طريق موقع حلوو و ممتاز حبيت اشاركم فيه بصراحه الي عجبني فيه طريقة الدفع و التوصيل و راح اتكلم عنهم الحين....



طريقة التوصيل

يتم ارسال الكود الى البريد الالكتروني خلال 12-24 ساعة

طرق الدفع

1- الطريق هذي حلوة لاخونا السعوديين اكثر و هي عن طريق تحويل مبلغ الى احد البنوك المذكورة في الموقع

2- عن طريق Paypal

3- و هذي الطريقة الي عجبتني اكثر شيئ و هي عن طريق بطاقات CachU كاشيو و هي تناسب من لايملكون فيزا و هي اامن من فيزا بنظري و راح اشرحلكم شلون تشترون عن طريقها بعد اشوي

http://www.mawada.net/images/cashu.gif http://www.dcuae.com/images/cashu002.jpg

أولا : ماهي بطاقة كاشيو ؟

يمكن البعض ما سمع عن هذي البطاقات هذي البطاقات متوفره اعتقد بكل دول الخليج و في منها بقيمه 10 د.ك 20 د.ك و في اقل بعد المهم انا شريت 2 بقيمه 10د.ك و طلبت من الموقع PSN بـ 20 دولار
تقدر تشتري من اي موقع يدعم الدفع بهذي البطاقات ادخل الموقع و راح اتشوف المواقع الي تدعم اشراء عن طريق هذي البطاقة


تبي تشتريpsn card عن طري كاشيو و تبي تعرف شنو الخطوات ؟

1- اولا لازم تشتري بطاقة و تكون اكثر من 10 د.ك علشان الموقع و كاشيو راح ياخذون بعض العموله

2- ادخل موقع كاشيو و سجل هناك التسجيل عادي راح يطلب الاسم و البريد و سؤال الحماية و جواب الحماية و انتبه على جواب الحماية لازم تتذكره لانه راح يطلبه منك اكثر من مره و اذا سجلت راح يوصلك ايميل
يعطونك فيه كلمة سر... واليوزرنيم الي انت سجلت فيه ادخل الموقع بهذي البيانات و بعدها عاد تقدر تغير كلمة السر و الاحسن انك تغيرها .... بعدين انروح عند الخطوه الاهم ادخال رقم تعبئة البطاقة و راح اشرحها بصور

http://up1.m5zn.com/images-2009-2-13...a5eq7f.jpg-jpg
http://up1.m5zn.com/photo/2009/2/13/...a5eq7f.jpg/jpg

ثــــــم

http://up1.m5zn.com/photo/2009/2/13/...oje6b3.jpg/jpg


بعدين روح للصفحه الرئيسة راح تلقى فيها :


http://up1.m5zn.com/photo/2009/2/13/...fga26r.jpg/jpg


حدي مفلس ..... و بجذي خلصنا من موقع كاشيو الحين نروح لطلب كرت psn من هذا الموقع

http://www.es2shop.com

او اي مواقع مشابه له اذا عندكم موقع يقدم نفس الخدمات اتمنى تشاركونا فيه



طبعا لازم اتسجل فيه و تسجيل سهل و هذي الخطوات


http://up1.m5zn.com/photo/2009/2/13/...z25qlx.jpg/jpg



بعد التسجيل في هذا الموقع اختر المنتج الذي تريد شراءه واضفه الى سلة الشراء و اطلبه و

اعتقد باقي الخطوات الكل يعرفها و بسيطه بس بعدين راح يجبك ايميل مثل هذا




http://up1.m5zn.com/photo/2009/2/13/...h8tdgl.jpg/jpg

من الموقع الي شريت منه و فيه وصلة لموقع كاشيو علشان تدفع ادخل هذي الوصله و سجل البيانات المطلوبه منك ...و طبعا راح ينخصم من رصيدك في موقع كاشيو ..



و بعد عدة ساعات ان شاء الله راح يوصلك ايميل ثاني في كود لبطاقة PSN دخلها في PS3 و

تمتع بالتسوق بالستور و على فكرة الموقع هذا اعتقد بس يوفر بطاقات psn للستور الامريكي


و الي ما طلعتلهم الصور يقدرون يحملونها من هني


و اخيرااااا

ان شاء الله موضوعي افادكم و اعجبكم لاني فعلا تعبت فيه :jap009:

http://up1.m5zn.com/images-2009-2-13...a5eq7f.jpg-jpg

و ابشركم وصلني الكود بهذي اللحظه و جربته و شغال

يعطيك العافية اخوي والله شرح مفيد ..
بالنسبة للبطاقة شفتها في الموقع ابو 20 $ يبيعوها بقيمة 115 ريال سعودي ..
يعني هم ياخذوا 40 ريال عمولة ؟ مو كثير

انا مادري بكم تنباع في المحلات في السعودية لكن اذا كان سعره اغلى من هذا راح اشتري من الموقع
افضلي .. وفي حاجة مالقيت بطايق اوروبية كلها امريكية للاسف ..

اي اخوي بس يبيع بطاقات امريكية عادي سو ID امريكي و نزل منه الالعاب

و اتوقع ان هذا الموقع ارخص من المحلات الي عندنا

المشكلة ان الكاش يو مب متوفر في البحرين

العموله للموقع 40 ريال !!! كثير والله..
والأهم هو ان كل الألعاب الهامه ياللي تنزل للبلاي3 بالدول العربية كلها ريجون 2 ,, يعني اوربية..
ومعى ذلك ما نزلت إلى الآن بطاقات الـ PSN الأوربية أو حتى صارت المواقع تبيعها بالنت !!

لو بس فيه طريقة اقدر من خلالها اشحن حسابي الأوربي بالـ PS3 فبيكون انحلت العقدة بهالخصوص وما فيه اي تخوف من اني اشتري اي لعبه جديدة او قديمة او بتنزل ويكون الريجن حقها اوربي.

على فكرة يمديني اشحن اكاونتي الأوربي بالماستر كارد ؟؟ ثم اشيلها من الجهاز ؟؟ لأني سمعت انه إذا انت شحنت فيها فبتصير مرتبطه بالجهاز , والبطاقة ياللي بشحن فيها هي لصديقي مب لي فعلشان كذا
ما ابغاها ترتبط !؟ -__-

اخوي بطاقة الكاش يو تنفع لكل الاعمار ؟ مع العلم انا عمري 16

اي اخوي عادي البطاقات هذي متوفرة بمكتبة جرير بعد

اخوي كم ياخذ وقت لين يطرشون لك رقم الكارد؟

انا اعرف عن هذه البطايق من فترة طويلة بس للأسف الشديد ماعرف وين تنباع في الامارات اظن ان الشركة عندنا كنسلوها لان محد يشتريها

^^^

و من متى اصلا وصلت البطاقات و كنسلوا ...... XD

الين الحين ما وصلت

اخواني الي في الأمارات....

البطاقه موجوده ف كل مكان..........

اول شي التسجيل مجانا فالبطاقه... اما اظافه الرصيد بفلوس

ادخلو موقع كاشيو واحجز لك وحده الحجز ببلاش....

واظافه رصيد تلقون البطايق في جرير ولا uae x change جرير يبيع بطايق محدوده السعر اما الصراف uae x change يحط لك ع حسب الي تباه السعر....

انا امس سويت الخطوات .... والحمدلله طرشولي الكود مال البطاقه مال الستور الامريكي.. نفس اليوم.....

طلبت بو 20$ بس خذو مني 34 $ من الكاشيو........

اقتباس:

---

المشاركة الأصلية كتبت بواسطة مجروح بوظبي

اخوي كم ياخذ وقت لين يطرشون لك رقم الكارد؟

---

اقل من 24 ساعة :biggthump

اقتباس:

---

المشاركة الأصلية كتبت بواسطة مجروح بوظبي

اخواني الي في الأمارات....

البطاقه موجوده ف كل مكان..........

اول شي التسجيل مجانا فالبطاقه... اما اظافه الرصيد بفلوس

ادخلو موقع كاشيو واحجز لك وحده الحجز ببلاش....

واظافه رصيد تلقون البطايق في جرير ولا uae x change جرير يبيع بطايق محدوده السعر اما الصراف uae x change يحط لك ع حسب الي تباه السعر....

انا امس سويت الخطوات .... والحمدلله طرشولي الكود مال البطاقه مال الستور الامريكي.. نفس اليوم.....

طلبت بو 20$ بس خذو مني 34 $ من الكاشيو........

---

اي اخوي ياخذون عموله زيادة بس اتوقع هم ارخص من لو انزلت باسواقنا ... :)

و مشكوور على التوضيح :biggthump

آنه عندي بطاقة كريدي نت "بطاقة مخصصة للشراء عبر الانترنت" من بنك البحرين والكويت واهية فيزا .. تصلح ذي ؟

ايه والله كثير مرة 40 ريال والله حرام وشكرا ع الموضوع

تقبل مروري
*_^

البطاقات فكرة رائعة وهذي وحدة من مفاجاة سوني 2009