اخواني حبيت اشارك معاكم بموضوع يهم الكثير من اللاعبين وهو
تكتيك naxxramas بالكامل ( جميع البوسات )
اولاً : Plague Quarter
المنطقة هذي فيها ( 3 ) بوس
1- Noth the Plaguebringer
بشكل اساسي هالبوس يبيله 2 تانك واحد للبوس وواحد حق adds
المرحلة الاولى :
على التانك انه يبدأ المعركة بنص الغرفة ، Ranged DPS والهيلرز يفضل انه يكون بالجهة اليمين من الغرفة عشان يعطيه احسن رؤية حق ال adds وتكون بعيد عن مكان خروج ال adds بهالشكل يكون عندك وقت اكثر عشان تتصرف ، طبعاً هالبوس راح يسوي لعنة على 3 لاعبين لازم ازالة هاللعنة بسرعة .
المرحلة الثانية :
البوس راح يختفي ويطلعلك موجات من ال adds لازم التانك يمسكهم ودي بي اس سريع وبخاصة Plagued Guardiansلانه يسويAOE بعدها راح يطلع البوس ونفس الشي تانك ودي بي اس ..
2- Heigan the Unclean
هالمعركة سهلة جداً بس يبيله انه كل اللاعبين يعرفون الحركة اللي تبعد فيها عن الحمم ( اذا عندك لاق راح تموت :09: )
اول شي لازم اللاعبين يتجمعون بالكورنر اللي عند المدخل .. يسحب التانك البوس للزاوية ..طبعا الملي دي بي اس يظلون مع التانك اما الهيلرز والكاسترز والرانجد يصعدون على ال PLATFORM اللي كان واقف عليها البوس ويضربون من هناك بهالوقت لازم التانك يسحب البوس معاه بعيداً عن الحمم اللي تطلع من الارض بطريقة لازم يعرفها التانك ( افضل يكون مارك على التانك عشان يلحقونه اللاعبين اللي مايعرفون الحركة ) طبعا التانك لازم يحسب حساب الرينج حق الدي بي اس اللي واقفين على المنصة يعني مايروح بعيد عنهم ..
بعدها البوس راح يرجع للمنصة طبعاً لازم جميع اللاعبين ينزلون من المنصة ويرجعون لنفس المكان بالزاوية عند المدخل ويبدأ الريد يلحق التانك او اي لاعب يكون يعرف الحركات عشان يتفادى الحمم طبعاً تكون بطريقة (1-2-3-4-3-2-1 ) ونفس الشي لما توقف الحمم يسحب التانك البوس لتحت والكاسترز والرانجد والهيلر يصعدون المنصة .. وتكملون لين يموت البوس .
3- Loatheb
هالمعركة سهلة على الدي بي اس وصعبة على الهيلرز
التانك لازم يمسك البوس هذا بنفس المكان اللي واقف فيه والدي بي اس يكونون واقفين خلف البوس ..طبعاً خلال المعركة راح يطلع adds على شكل دوائر صفراء لازم قتلهم قبل لايوصلون البوس لانه اذا وصلوا البوس يسوون buff يشيل threat طبعا هذي مشكلة بالنسبة للتانك .. فلازم قتلهم قريب من باقي اللاعبين لانهم يعطون 50% كريت زيادة ويشيلون ال threat فيعتبر بف قوي لباقي اللاعبين ..
بالنسبة للهيلرز راح تكون معركة صعبة لان البوس راح يسوي لعنة على اللاعبين تمنع الهيل عن اللاعب لمدة 17 ثانية واللعنة هذي كل 20 ثانية ..يعني الهيلرز ماعندهم الا 3 ثواني فقط عشان يهيل الريد ..طبعا اللاعبين لازم يكون معاهم هيلث ستون وبوشن هيلث عشان يساعدون الهيلرز بحالة انه ماقدر يهيلهم ..
ملاحظة : المعركة معركة دي بي اس سريع لازم قبل دقيقتين قتل البوس لانه بعد دقيقتين من بداية المعركة البوس راح يسوي كاست حقInevitable Doom اللي تسبب دمج قوي وسريع فلازم تحاولون قتل البوس قبل هالشغلة
*****************************
ثانياً : Arcahnid Quarter
المنطقة هذي فيها (3) بوس
1- Anub'Rekhan
للمعركة هذي يلزمك مين تانك واوف تانك يمسكون البوس بالحافة الخارجية للغرفة ويتحركون معاه حول الغرفة اما الدي بي اس لازم يكون بنص الغرفة طبعا البوس كل فتره راح يطلع spikes مسامير من الارض راح تحذف اللاعبين بالهوا طبعاً هذي تسبب دمج قوي بالاضافة لما تطيح فيه دمج ثاني .. طبعا الهيلرز لازم يكونون متوزعين بعيد عن بعض عشان السبايكس هذي اذا ضربت هيلر الثاني يكون موجود ويلحق يعالج الريد .
طبعاً خلال المعركة راح يطلعون adds لازم الاوف تانك يسحبهم بعيد عن البوس وعلى الدي بي اس قتلهم باسرع وقت لانه اذا مات واحد من الريد راح يطلع مزيد من ال adds عشان جذي لازم قتلهم بسرعة قبل لايموت اي واحد من الريد .
ملاحظة : لازم قتل البوس هذا قبل 10 دقايق لانه بعد هالوقت راح يسوي enrage وهذي معناته wipe حق الريد .
2- Grand Widow Faerlina
المعركة هذي يبيلها مين تانك يسحب البوس من المنصة والاوف تان يتنك ال adds على المنصة بدون لا يسبب اي دمج عليهم يعني مايقتل ولا واحد من ال adds باقي الريد دي بي اس قوي على البوس وطبعا هيل على المين تانك والاوف تانك بهالوقت البوس راح يسوي rain of fire - aoe لازم اللاعبين يتحركون بعيد عنها .
3- Maexxna
المعركة هذي لازم التانك يمسك البوس مواجه للحائط يعني يخلي الريد خلف البوس خلال المعركة البوس راح يحط يحط سم على التانك لازم ينشال بسرعة لانه يمنع الهيل ..
كل عشرين ثانية البوس راح يحذف احد اللاعبين بعيد بجانب الحيط ويحط عليه شبكة او خيط عنكبوت هذا يسبب دمج فلازم دي بي اس اللاعب هذا يفضل من هنتر عشان يتحرر من الشبكة وطبعاً هيلر يكون منتبه عشان يهيل اللاعبين اللي تضرروا من الشغلة هذي .. وايضا البوس راح يطلع عناكب صغير تهاجم اللاعبين لازم قتلهم باسرع وقت طبعاً aoe ..
خلال المعركة البوس راح يسوي trap بشبكة عنكبوت حق كل الريد لازم قبل لايسوي هالشغلة المين تانك يكونfull hp لان الهيلرز راح يكونون ترابد لمدة 8 ثواني
ملاحظة : لما يوصل هيلث البوس 30 % راح يسوي enrage فلازم جميع الدي بي اس يشغلون الترنكتز اللي عندهم لانه راح يسوي دمج قوي .
************************************
ثالثاً : Military Quarter
المنطقة هذي فيها ( 3 ) بوس
1- Instructor Razuvious
البوس هذا مستحيل تانك مع لاعب عادي فلازم تسوي( mind control ) من الكريستالات اللي موجودين عند المدخل عشان تخلي ال adds اللي معاه يصيرون تانك حق البوس طبعاً لازم اللاعبين اللي يسوون مايند كونترول يكونون فاهمين الضربات اللي يستعملونها خلال MC ..بالنسبة للهيلرز لازم يكونون واقفين ابعد رينج لان البوس يضرب ضربة راح تسوي دمج قوي لللاعبين القريبين فلازم تكون بعيد عنها وطبعاً لازم تهيل التانك والاوف تانك ال adds وايضاُ تهيل اللاعبين اللي مسوين مايند كنترول لانهم راح يتضررون من ضربات البوس البعيدة .. بالنسبة للدي بي اس لازم يركزن دي بي اس على البوس وبقوة .
2- Gothik the Harvester
البوس هذا يبيله تكتيك وترتيب معين لازم الريد ينقسم الى نصفين نص بالغرفة اللي عند المدخل live side ونص بالجزء اللي داخل dead side طبعا القروب اللي بجزء لايف سايد يوقفون بجانب المدخل على اليسار والقروب اللي بجزء ديد سايد يوقفون بالزاوية البعيدة على اليسار ..بمجر ماتبدأ المعركة راح يتسكر الباب اللي بالنص وكل قروب يكون بروحه محد يساعد الثاني ... راح يطلع موبز بلايف سايد لازم القروب هذا يقتلهم طبعاً بعد قتلهم راح يطلعون بالجزء الثاني ديد سايد هم لازم القروب الثاني يقتلهم باسرع وقت .. طبعاً لازم القروب اللي ب لايف سايد مايقتل الموبز بسرع كبيرة عشان مايسببون مشكلة للقروب الثاني بحيث انهم يكونون كثير عليهم .. بعد مايتم قتل جميع الموبز راح البوس ينزل تحت ب لايف سايد على طول تانك ودي بس اس قوي بعدها راح ينتقل الى الجزء الثاني ديد سايد نفس الشي تانك ودي بي اس قوي لما يوصل هيلث البوس 25% راح تفتح البوابه اللي بالنص طبعاً الريد كامل يقدر يهاجم البوس ويقتله .
3- The Four Horsemen
المعركة هذي يبيلها تكتيك لانه لازم تقتل اربع بوسات وهو اول ماتدخل الغرفة ينقسم الريد الى اربع اقسام الزاوية الامامية اليمين تانك ودي بي اس وهيلر الزاوية اليسار الامامية تانك ودي بي اس وهيلر ، الزاروية الخلفية اليمين فقط هيلر ، الزاوية اليسار الخلفية يكون فقط لاعب ارمور عالي ( شبه تانك ) ..
لما تبدا المعركة كل زاوية راح يكون فيها بوس على حصان القروبين الل بالامام لازم تانك ودي بي اس قوي والتانك لازم ينتبه على debuff راح يصير عليه لما يوصل 3 يبدل مع التانك الثاني طبعاً تانت على البوس الثاني عشان يمسكه .. البوسات اللي بالخلف مايحتاج تانت او شي لانهم كاسترز بس لازم اللاعبين يبدلون مع بعض ( ينتبهود على debuff لما يوصل 3 يبدل يروح البوس الثاني يعني اهم شي انهم يظلون احياء مايموتون .. بهالوقت راح يكون القروبين اللي بالامام قتلوا البوسين فراح يهاجمون البوسات اللي بالخلف ويقتلونهم .
********************************
رابعاً : Construct Quarter
المنطقة هذي فيها ( 4 ) بوس
1- Patchwerk
البوس هذا يبيله تانك واوف تانك ودي بي اس قوي ..
بالنسبة للتانك ..
اول شي لازم main tank يسوي pull حق البوس وبعد ماياخذ الاقرو لازم يكون وراه ال off tank ولازم يكون stack up بال main tank عشان ياخذ اقوى الضربات اللي اهيه Hateful Strikes لان هالبوس يضرب اعلى hp بعد التانك حتى لو صار دمج لاحدى اللاعبين الميلي اللي مع التانك والاوف تانك الهيلر لازم مايهيله يعني بالمختصر لازم ال off tank ياخذ الدمج القوي من ضربات البوس عشان يظل ال main tank ومايموت لانه اذا مات main tank or off tank معناته wipe حق الريد
بالنسبة للهيلرز والدي بي اس
لازم الهيلرز يبدون هيل حتى قبل لاتبدى الفايت ولازم هيل مستمر على طول بدون توقف ..طبعا بهالوقت لازم دي بي اس قوي جداً ومكان وقوف اللاعبين يكون بين العمودين وخلفكم الحائط ولازم يموت البوس قبل لايسوي enrage لانه اذا سوى هالشغلة انسى معناته وايب 90% ..طبعا هالشغل كله لازم يتم باقل من 6 دقايق لانه بعدها يسوي enrage .
2- Grobbulus
المعركة هذي يبيلها تكتيك وردة فعل سريعة من اللاعبين كلهم
بعد مانسوي كلير حق الغرفة المين تانك راح يسحب البوس ويكون بجوار الحائط وبشكل دائري والميلي دي بي اس يكون خلف البوس مايصيرون بالمام مع التانك ويفضل ان التانك يستعمل ( / ) اللي فوق الارقام عشان تكون حركته بطيئة عشان يعطي فرصة ووقت للدي بي اس يضربون بقوة .. طبعا الدي بي اس والهيلرز لازم يكونون بنص الغرفة وبشكل زاوية مع البوس يعني مايصيرون امام بل خلف البوس بزاوية 45 درجة تقريباً .. البوس بشكل عشوائي راح يحط skull على احد اللاعبين كل فترة طبعاً اللي عليه الجمجمة هذا يكون شايل poison لازم عدم ازالته لانه ينزل سحابة سموم على الارض فلازم على هذا اللاعب انه يركض خلف البوس قريب من الحائط وينتظر لما تروح منه الجمجمة ويرجع الى مكانه بنص الغرفة بهالوقت لازم هيلر يهيل هالاعب لانه راح يصيرله دمج قوي .. الاوف تانك شغلته انه يسحب adds الى نص الغرفة والدي بي اس يقتلوا الادز
ملاحظة : وقت ال enrage حق هالبوس 12 دقيقة لازم قتله قبل هالوقت .
3- Gluth
البوس هذا سهل بس يبيله مساعدة من كذا لاعب المين تانك لازم يمسكه بمواجهة الحائط والدي بي اس والهيلز يكونون خلف البوس .. البوس راح يسوي enrage يفضل انه يكون فيه rogue حاط Anesthetic Poison II او هنتر يستعمل ضربة Tranquilizing Shot عشان يشيل الانريج هذا لانه يزيد ضربات البوس بمقدار 25% ولازم فيه لاعبين هيلر مع هنتر او ميج (يفضل هنتر ) يتفرغون لل adds اللي يطلعون من خلف الغرفة ويدورون فيهم بالغرفة طبعاً هنتر وميج لان عندهم ضربات تبطئ حركتهم ..كل دقيقة و 40 ثانية البوس راح يضرب ضربة تنقص الهلث حق كل اللي بالغرفة من ضمنهم ال adds على طول بعد الضربة هذي الادز راح يركضون على البوس لانهم اذا وصلوا له راح يزيد الهيلث حق البوس فلازم قتل جميع الادز قبل لايوصلون البوس يفضل استخدام AOE
ملاحظة : البوس بعد 8 دقايق راح يسوي Berserk راح تزيد الكاست 150% والدمج 500 % اذا صارت معناته وايب حق الريد فلازم قتله قبل هالوقت .
4- Thaddius
معركة سهله بس يبيلها تنسيق وانتباه من اللاعبين
لما تدخل الغرفة راح تشوف 2 ميني بوس واحد على اليمين وواحد على اليسار الريد لازم ينقسم الى مجموعتين لكل بوس مجموعة طبعاً تانك وهيلرز ودي بي اس ولازم مهاجمة البوسين بوقت واحد يفضل يكون التنسيق على vent لانه لازم قتل البوسين بوقت واح بفرق 5 ثواني بينهم فقط بعد قتل البوسين المجموعتين لازم يقفزون تحت باسرع وقت عند Thaddius التانك لازم يمسك البوس بالنص والريد ينقسم الى مجموعتين يمين ويسار البوس .. هني لازم الانتباه لازم على الريد ليدر يحدد منو اللي يكون على اليمين ومنو على اليسار طبعاً حسب علامة debuff اللي موجوده على اللاعبين يعني اللي يحمل علامة ( - ) على اليسار وعلامة ( + ) على اليمين مثلاً .. كل 30 ثانية لازم اللي تتغير العلامة مالته يروح المكان المحدد له يعني واحد عليه علامة ( - ) واقف على اليسار وتغير الى ( + ) لازم يركض الى اليمين وهكذا .. طبعاً لازم دي بي اس قوي لانه لازم قتل البوس قبل 6 دقايق لانه يسوي Berserk يزيد سرعة الضرب 150% والدمج 500% يعني وايب .
************************************
خامساً : Frostwyrm Lair
المنطقة هذي فيه ( 2 ) بوس
1- Sapphiron
المعركة هذي لها مرحلتين مرحلة على الارض تبدأ بانه التانك يمسك البوس بالنص ويتوزع باقي الريد حول البوس .. البوس راح يسوي بليزرد aoe نفس الميج لازم يبعد عنه اللاعب وعنده ضربة بالذيل للي واقفين خلفه وعنده ضربة تضرب كل الريد تقريباً اسمها كليف وعنده ضربة درين لايف على لاعبين من الريد تسبب دمج عالي لهم وتسوي هيل للبوس لمدة 12 ثانية فلازم الهيلرز ينتبهوون ..
المرحلة الثانية لما يطير البوس بالهوا راح يسوي ice block على لاعبين اثنين بالريد لازم جميع اللاعبين يركضون ويوقفون خلفهم لان البوس راح يسوي انفجار اذا ماكنت واققف خلف هاللاعب راح تموت طبعا لازم هيل لللاعبين اللي عليهم الثلج لانه يسبب لهم دمج .. بعدها راح ينزل البوس مرة ثانية للارض يرجع لنفس حركات المرحلة الاولى .. يجب قتل البوس قبل 15 دقيقة لانه يسوي Berserk يزيد سرعة ضرباته 150 % والدمج 500% .
2- Kel'Thuzad البوس الاخير
المعركة راح تبدأ بمجرد دخول أي شخص من الريد الدائرة اللي بنص الغرفة فلازم جميع اللاعبين يتحكون مع بعض لنص الغرفة بالدائرة ..راح تهاجم الريد موجات من الموبز من جميع زوايا الغرفة لازم قتلهم باسرع وقت بمجرد الانتهاء من الموبز البوس راح يهاجم لازم التانك يمسكه بالنص والدي بي اس يتوزعون حول البوس اللي راح يضرب فروست بولت بشكل عشوائي على احد اللاعبين يسبب دمج قوي وبعده يضرب فروست بولت على جميع الريد بس دمج اقل لازم الهيلرز منتبهين وايضا يسوي دوائر زرقاء على الارض تحت اللاعبين لازم يتحرك اللاعب بسرعة عن هذي الدوائر وعنده ايضا ضربة تحرق المانا وتسبب دمج لللاعبين اللي يستخدمون المانا فلازم هيل وتكون حاسب حسابك بالمانا بوشن .. وايضا فيه ضربة قوية انه يسوي فريز حق اللاعب طبعا لازم هيل مستمر على هاللاعب لانه راح يموت اذا ماتعالج بسرعة .. لما يوصل هيلث البوس عند 45% راح يطلع adds لازم الاوف تانك يمسكهم بهالوقت لازم الدي بي اس قوي على البوس لانه الادز hp حقهم عالي ف ماكو فايدة من قتلهم لانهم راح يضيعون وقت الريد .. طبعا لازم هيل على الاوف تانك مستمر .
************************
اتمنى اني قدرت اقدم شي يفيد هالمنتدى ولاعبين wow بالذات واذا فيه اي غلط او اي استفسار ارجو التوضيح .. ومشكورين :)
