الابديت الجديد [PS3 Update v2.70] جاهز للتحميل ( الصفحة الرابعة )

تحياتي....

كل يوم انا وps3 في مشكلة والله اتعقدت من هذا الجهاز اليوم لمن اعمل sing in تطلعلي هذي الرسالة...:31:

An error has occurred you have been signed out of play station network 80710092

طبعا انا النت شغال تمام يعني ادخل المواقع عادي بس حساب psn ما افدر ادخله
انا dsl عادي مو وايرلس عملت تيست ما نفع طفيت الراوتر (او الموديم) وشغلته ما نفع طفيت الجهاز وشغلته ما نفع لغيت الميديا سيرفر ما نفع ايش اسوي والله ادور النت من الصبح علشان الاقي حل ما حصلت :cray:
انا في الامارات اشتراكي شامل اتصالات
اها على فكرة nat type 1
اللي يعرف ينقذنا ويشوفلي حل جزاه الله خير منتظر ردودكم
وللعلم كان شغال الاون لاين الاسبوع الماضي تمام ولا فيبه شي:cray:

بالعكس Nat type 1 افضل شيء واخص شيء هو Nat Type 3 .. انا عندي Nat Type 2 وشغال تمام
بس اليوم ماجربت ادخل الـPSN ..

يمكن المشكلة في غلط في الباسورد حقك ..

لا مش غلط يالغالي اتاكدت منه والله ما خليت موقع الا دخلته وارسلت لشركة السوني وارسلت لشركة الاتصالات ويارب الفرج


على فكرة في اشاعة انه بكرة بيصدر التحديث الجديد لل ps3

شباب معقول؟؟؟42 مشاهدة ولا حد عرف يساعدني؟؟؟؟

اخوي هل عندما تعمل test يقول لك dns error???

اذا نعم عندي الحل اذا لا ايش يكتبلك وانشاءالله عندي الحل

^^^^

لول ....... اخوي لا تحاتي ولا شي المشكله مب بس عندك ...

انا بعد استوت لي اليوم و الين الحين ما اقدر اسوي sign in .... بس الرساله الي تطلعلي عن ال DNS

فيمكن عندهم صيانه ولا شي علشان التحديث اليديد

دايم تصير عندي نفس المشكلة ..
اعتقد ان من نوع الاتصال .. ممكن الاتصال عليه ضغط تحميل !!

مشكوور على الردود والله انا خايف
على فكرة لمن اعمل تست الاول يقول نجح والثاني نجح ولمن يجي عند البلاي ستيشن نتورك يقول فشل
عرفتم المشكلة؟

طيب اخوي ممكن رقم ال error ?

80710092 هذا هو

80710092 هذا هو رقم الايرور بانتظار ردك

أنا بعد ما قدرت أشبك بالنتورك اليوم
يمكن المشكله في اتصالات ؟

هذا رقم الايرور 80710092 منتظر ردك

اليوم في صيانه للكابلات البحريه للخليج الموجوده بدبي
سمعت الخبر اليوم انها فيها عطل وجاري صيانتها

انتظر لي بكره وشوف

طيب اخوي جرب انك تعد الاعدادات حقت الشبكة يدويا وعندما تاتي ال dns ادخل

129.250.35.250 primary
129.250.35.251 secondary

خبرني اذا انحلت واذا لا يمكن صيانة زي ما يقولون الاخوان

مشكورين انا بانتظر لبكرة واشوف اذا ما اتصلحت بغيرها يدوي مشكورين الف شكر

شباب اللي عنده نفس المشكلة يراسل اتصالات على هذا الايميل علشان تحلنا المشكلة بشكل داءم :

care@etisalat.ae

انا اتصلتبهم قالو راسلونا على هذا الايميل

اخوي الصهيبي يمكن مشكلة من البسن نفسه انا ماشبكت البلاي 3 اليوم فمادري ياخي العب اوفللاين ^^"

المهم يا شباب لو حد دخل psn واشتغل معاه اليوم يعطيني خبر وخاصة اهل الامارات نبي نعرف المشكلة من وين

السلام عليكم
انا عندي نفس مشكلتك
لكن الحين اشتغل

اشتغل؟؟؟؟ جاري التجربة

الابديت اون لاين الحقوا عليه

الابديت نزل؟؟؟؟ لا تقول قبل ساعة جربت وما في شي

شباب ما في ابديت ولا شي بس المهم الاون لاين رجع

ترى في شي مهو مفهوم الابديت نزل و انسحب مرة ثانية انا مانزلت الابديت ماني قادر انسحب مرة ثانية نشوف شو بيصير

كلام اخوي صحيح الابديت 2.7 نزل وانا حملته قبل شوي اللي ما يطلعلهم من الابديت يعمل يسن ان بيظهر جملة تقولو في تحديث جديد تحديث؟ قول نعم بيتثبت

الظاهر انه الابديت الموجود حاليا هو للجهاز الامريكي ....... لان جهازي اوروبي و الين الحين ما يطلعلي
الابديت

يا اخوي انا عملت الابديت وجهازي اوروبي

مو دايما يطلعلك لمن تعمل سيستم ابديت بس انا لمن عملت sing in قالي في سوفتوير 2.7 لازم تحمله صغط موافق والحمدلله اتحمل
فيه تعديل لمشكلات في الصوت
فيه كمان ميزة الدردشة اثناء اللعب
وميزات اخرى كثيرة لكن غير جوهرية

^^^
والي يقولك اني سويت عشرين مره sign in و ما طلع لي الابديت ........ -______-

سوني الظاهر سحبت الابديت

في خبر انها سحبت الابديت بس مو اكيد جرب سيستم ابديت في وقت اخر لانه انا وغيري اتحمل معانا

انا حملت الابديت وجهازي اوروبي ظهر معايا من الساعة 6 الفجر
الحلو فيه الشات .. صار تقدر تعمل Text Chat وانت قاعد تلعب اي لعبة جدا حلو
وغير كده تقدر ترسل اغنية او صور في الرسايل الخاصة بس بحجم مايتعدى 3 ميجا ..

للي ماحملوا الابديت ويبغوا يحملوه من عن طريق النت هذا هو ..

النسخة الامريكية

النسخة البريطانية UK

خلاص الابديت رجع و حملناه :) بس يعطيك العافية على الوصلات
شيء جميل نلاقي اهتمام رائع من سوني على خدمة مجانية و حبيت فعلا Text chat بس الي ما عجبني فيها شي بسيط انها محدودة ما قدرت اسوي جمل كبيرة بس مافي مشكلة :) نكتبها على مرحلتين

انا من ساعه تقريبا .. شغلت البلاي ستيشن شابك اون لاين !!
المفرض يكون فاصل لأن لازم احمل الابديت

المهم رحت ابي اشوف هل فيه ابديت ولا لأ
يقول ان الجهاز فيه اخر ابديت !! شكل فيه لخبطه !!

والله انا متخوف من شغله امس الفجر حملت الابديت الجديد من السوني نفسه وبعد ماحملته
وانا قاعد على الـ XMB الجهاز سوى صلب لوحده واضطريت اطفيه يدويا من السوني

واليوم نفس الشيء حصل دخلت اسمع اغاني والجهاز صلب لوحده .. وهذه اول مرة تصيرلي في السوني
وخصوصا من بعد التحديث الجديد .. الله يستر والله خايف يكون صار شيء للسوفت وير :(

والله انا متخوف من شغله امس الفجر حملت الابديت الجديد من السوني نفسه وبعد ماحملته
وانا قاعد على الـ XMB الجهاز سوى صلب لوحده واضطريت اطفيه يدويا من السوني

واليوم نفس الشيء حصل دخلت اسمع اغاني والجهاز صلب لوحده .. وهذه اول مرة تصيرلي في السوني
وخصوصا من بعد التحديث الجديد .. الله يستر والله خايف يكون صار شيء للسوفت وير :(

والله انا متخوف من شغله امس الفجر حملت الابديت الجديد من السوني نفسه وبعد ماحملته
وانا قاعد على الـ XMB الجهاز سوى صلب لوحده واضطريت اطفيه يدويا من السوني

واليوم نفس الشيء حصل دخلت اسمع اغاني والجهاز صلب لوحده .. وهذه اول مرة تصيرلي في السوني
وخصوصا من بعد التحديث الجديد .. الله يستر والله خايف يكون صار شيء للسوفت وير :(

الله يستر !!
جاري التحميل .. اجرب وقولكم

خوفتنا جذي كاسح من هالابديت

انا للحين مادشيت على البلي من يومين فاذا اغصبوني انزله على شان اقدر العب اونلاين بنزله ..بس اذا لأ بنطر 2.71

كاسح:

انت تستعمل يدة البلي2 حق ال3 ..لان في خبر نازل يقول ان في مشاكل مع المحول بعد الابديت الجديد

http://www.altplusf4.com/index.php/2...-adapters.html

انا محمل الابديت من امس وما لاحظت عليه اي شي غلط او اي مشاكل اذا في اي مشاكل باعطيكم خبر

نزلت الابديت و صارلي 3 ساعات قاعد العب والحمدالله ماصادفتني مشاكل

انا حملت الابديت الساعة 2.30 صباحا

اول شي طلع لي ان في ابديت لما رحت احدث الجهاز طلعت لي رسالة ان ما في تحديث
طفيت الجهاز وبعد فترة رجعت شغلته ولقيت التحديث وحملته

شباب اقولكم اطمنوا وحملو الابديت ان شاء الله ما فيبه مشاكل انا لعبت فيه لغاية الان فوق ست ساعات من امس اون لاي واوف لاين العاب مختلفة والحمدلله ما في مشاكل

الصراحة الابديت في قمة الروعة وخصوصا الجات الكتابي من الظهر ولين الحينه ونحن فالجات سوالف ولعب cod4وتحديات حماس الصراحة

السلام عليكم :

التحديث حلو و ما في مشاكل ما عدا مشكلة واحدة كانت موجودة في تحديثات سابقة و عالجوها و رجعت تاني مع هالتحديث .

مشكلة اليوتيوب . صرت الحين لما أبغى اتفرج أي مقطع , بنسبة 50% تجيلي شاشة سوداء بدل الفيديو و الصوت بس هو اللي يشتغل .
هذي هي المشكلة الوحيدة اللي لاحظتها للآن .

بقي عليهم يشوفولنا صرفة مع موقع جيم سبوت لما آجي أعمل سيرش ما يطلع شي :cray:

اهم شي عندي بهالبديت ان سرعوا xmb بالـin game و لمه اتطق على بروفايل واحد من الفرند

اقتباس:

---

المشاركة الأصلية كتبت بواسطة THEGAME2050

السلام عليكم :

التحديث حلو و ما في مشاكل ما عدا مشكلة واحدة كانت موجودة في تحديثات سابقة و عالجوها و رجعت تاني مع هالتحديث .

مشكلة اليوتيوب . صرت الحين لما أبغى اتفرج أي مقطع , بنسبة 50% تجيلي شاشة سوداء بدل الفيديو و الصوت بس هو اللي يشتغل .
هذي هي المشكلة الوحيدة اللي لاحظتها للآن .

بقي عليهم يشوفولنا صرفة مع موقع جيم سبوت لما آجي أعمل سيرش ما يطلع شي :cray:

---

ان شاء الله اكيد حتصدر تحديثات وتعديلات على الابديت وان شاء الله يكون فيها الاشياء اللي قلت عليها من ناحيتي انا البلاي ستيشن 3 للعب الاون لاين اما تصفح الانترنت والمواقع فمريح بالي ومخليه على الكمبيوتر

اقتباس:

---

كاسح:

انت تستعمل يدة البلي2 حق ال3 ..لان في خبر نازل يقول ان في مشاكل مع المحول بعد الابديت الجديد

---

لا ماستخدم يد بلاي 2 :( بس انا كنت دايما احمل تحديث امريكي وجهازي اوروبي وكان اوكي مافي
مشاكل لكن هذه المرة حملته عن طريق السوني يعني اوروبي وبعدها بدا يعلق عموما اذا بديت العب
وطولت مايعلق لكن احياانا يعلق بس في الـ XMB .. مادري بس اتمنى ينزلوا تحديث 2.71 باقرب
فرصه ان شاءالله مايضيفوا فيه شيء بس يكتبوا علشان مصطفى وانا راضي :09:

سلام عليكم
====================
امس ما كنت اقدر ادخل على playstation network

يظهرلي نفس الــ error الي ظهرلك

بس اليوم اعتدلت المشكلة و قدرت اسوي sign in قدرت العب اونلاين ... و نزلت الابديت

و لكن اليوم ساعة 9:30 و لين الحينه ... ماقدر اسوي sign in
رجعت المشكلة ... شو السالفة ؟؟ اظاهر المشكلة بس في الامارات

كم حجمه الأبديت ؟ لانه شكلي بانتظر لنهاية الشهر لانه سرعتي الأن ZERO :ponder:

ولد خالي اتصل لإتصالات .. قالهم عن المشكلة ... فقالو له انه في كيبل انقطع . او اخترب ....... فـ يالسين يصلحونه .... ( يعني المشكلة من الكيبل !!!!!!! )

ننتظر ... تصليح الكيبل ..... حتى تنحل المشكلة 100 %

و السمــــــوحة ..

اقتباس:

---

المشاركة الأصلية كتبت بواسطة SALM0RE

كم حجمه الأبديت ؟ لانه شكلي بانتظر لنهاية الشهر لانه سرعتي الأن ZERO :ponder:

---

142 mb على ما اعتقد

في جم ميزه تقريبا عاديين مو ذاكرينها :-

* لما تنزل شي من الستور يحطولك وقت متى يخلص التحميل ..
* تعديل قائمة الفرندز على حسب وقت دخولهم النتوورك بالترتيب ..
* لما تسوي مقارنه للتروفيز تطلع العابك بسرعه وتطلع العاب صديقك بعدها
وتطلع إشاره (ـــ) صوب اللعبه اذا كانت ماعنده اللعبه ..

وبالنسبه للابديت الحمدلله ماعليه شي .. جهازي ياباني وكل ابديت احمله من الموقع الامريكي (عالفلاش)

شباب انا جهازي امريكي .. ومن البارح ولحد الان ماجاني الابديت !
حملت الابديت من النت ونفس الحاله يقول ان جهازي محدث باخر تحديث :(

^^
متأكد !!
روح للـ system settings
وجيك جم رقم الابديت !

^
يمكن واحد محدثه لك بالبيت

روح عند system setting و طق على اللي قبل الاخيره و بتشوف شنو اخر ابديت انت حاطه

كاسح: ودك :09:
عاد وقتها تشتري كل العابهم تقديرا منك لهم

الابديت الي بجهازي القديم .. 2.60 :(

مليون مره ادخل على system update
اشيك بيطلع لي التحديث ولا لأ .. ومافيه حاجه :(

ليش متحمسين للأبديت وتبونه وهوو مايضيف شي ؟؟

تسريع القوائم مو مهم ؟!

صراحة الابديت جيد جدا اليوم قعدت افصفص فيه :
اهم الاشياء الي عجبتني :

- الشات الجديد حلو جدا حيرحني من زحمة الرسايل الخاصة .
- تسريع القوائم وفتح البروفايل والتروفيز بشكل ملحوووظ جدا .
- تسريع الـ XMB-In game اول وانت تلعب لو فتحت الـ XMB يصير بطيء لكن الجين صار سريع .
- لما تحمل شيء من الستور يعطيك كم المدة اللي بينتهي فيها التحميل .
- لما تقارن التروفيز اللي ماعنده اللعبة يعطيك علامة ( - ) .
- يرتبلك قائمة الاصدقاء على حسب من اخر واحد كان متواجد .

بالفعل ابديت مفيد جدا مدري ليش الناس تشتكي على الاقل الابديت ببلاش ومعليش نستنى الين 3.00
عشان نشوف تغييرات جذرية مثل تغيير الواجهة وهذه الشغلات لكن مجهود سوني ملحوظ وتشكر عليه .

السلام عليكم و رحمة الله و بركاته..

اولاَ : انا عضو جديد في هذا المنتدى و اتمنى اني اكون مفيد و مستفيد منكم بعد ..

ثانياَ : انا شاركة لسببين هم

1.اعجبني المنتدى وفيه اشياء عن ps3 and psn و المشاكل و الحلول..

2.ياشباب ارجو منكم المساعده في البعض يقولون انه في مشكله في الكيبلات البحرية و من جي مو راضي يسوي لنا sing in ياشباب مليت من كثر اسوي sing in 10000000 مره و انا اسوي , ما اعرف شو السبب ارجو منكم المساعده بأقرب وقت ممكن ... و شكراََ

F.U.C.K to error

يا شباب لا تشيلو هم تراها المشكلة خوفتني مرة واتصلت بالشركة وارسلت لسوني وكل شي وطلع ضغط عادي جرب بعد كم ساعة او بكرة وبيبشتغل معاك عادي

يا اخوان ما اتهنينا في اللعب شو السالفة؟؟

ليش الابديت طول هاي المرة؟؟

يلعن ابو psn

ياخي ملينا

والله مو هاي المشكله المشكله انه اني احصل ps3 في الخميس و الجمعه و السبت و الحينه من يومين ما لعبت اخييييييييييييييييييي

والله ملل

انا مثلكم وان شاء الله يحلو المشكلة قريب

اخ يا راس
قهر ما اقدر العب كول اف ديوتي :( :( :(

انقطاع الكيبل البحري اثر على النت بشكل عام و بالجيمنق و التورنت بشكل خاص

اقتباس:

---

المشاركة الأصلية كتبت بواسطة Abdulaziz cs

انقطاع الكيبل البحري اثر على النت بشكل عام و بالجيمنق و التورنت بشكل خاص

---

100 % كلامك

في حد قدر يدخل log on?

عندي نفس المشكله .. مب قادر ادخل PSN صار لي يومين ... حد عنده فكره المشكله من شو بالضبط ؟

ما اعرف ليش بس انا ما قدرت ادخل

اقتباس:

---

المشاركة الأصلية كتبت بواسطة NewGame

عندي نفس المشكله .. مب قادر ادخل PSN صار لي يومين ... حد عنده فكره المشكله من شو بالضبط ؟

---

المشكلة من كيبل... ( في كيبل انقطع .... )

يالسين يغيرون الكيبل

بس كم من يوم و تنحل المشكلة

هذا على كلام موظف من اتصالات

صبرو حالكم باي لعبة اوف لاين انا بسبب هذي المشكلة ختمت كيل زون وجالس العب pes 2009 ملل (ما عندي غيرهم مالي شهر من ما اشتريت الجهاز)

الاوفلاين مــــــلل ...

حلاته انك تلعب اونلاين

خاصة يوم تلعب اونلاين في لعبة street fighter ... حماس بشكل غير طيبيعي >.<

اقتباس:

---

المشاركة الأصلية كتبت بواسطة KKK_KKK

المشكلة من كيبل... ( في كيبل انقطع .... )

يالسين يغيرون الكيبل

بس كم من يوم و تنحل المشكلة

هذا على كلام موظف من اتصالات

---

تسلم علي الرد :)

بس ما كأنهم مصخوها كل يومين كيبل منقطع مب حاله وياهم لووووووووول
اروح اطلع لي كم تروفي اوفلاين لين ما تنحل المشكله :silly:

اقتباس:

---

المشاركة الأصلية كتبت بواسطة NewGame

اروح اطلع لي كم تروفي اوفلاين لين ما تنحل المشكله :silly:

---

مايصير للأسف لازم تكون شابك علشان يطلعلك التروفيز ..

اقتباس:

---

المشاركة الأصلية كتبت بواسطة NewGame

تسلم علي الرد :)

بس ما كأنهم مصخوها كل يومين كيبل منقطع مب حاله وياهم لووووووووول

---

لوول ......... هم مالهم خص في الموضوع .......

سوء الاحوال الجويه هي الي تسبب الانقطاع !!

اقتباس:

---

المشاركة الأصلية كتبت بواسطة NewGame

تسلم علي الرد :)

بس ما كأنهم مصخوها كل يومين كيبل منقطع مب حاله وياهم لووووووووول
اروح اطلع لي كم تروفي اوفلاين لين ما تنحل المشكله :silly:

---

الله يسلمك
......


هيه والله .... كل يوم كيبل ينقطع ..... مب حالة هاي ...

والقهر .. انا من يومين العب اونلاين ... قبل ما كنت اهتم في الاونلاين >.< لأن الانترنت بعيد عن السوني و الوايرلس ما يلقط .. فأشتريت واير ( ethernet cable ) طويل و شبكته بالسوني والحين اقدر العب اونلاين .... يعني من أول ما اشتريت السوني ما كنت العب اونلاين ...

والحين انا متحمس ابا العب >.< ابا احس بمزة الأونلاين .... >.<

اقتباس:

---

المشاركة الأصلية كتبت بواسطة General BiG Boss

مايصير للأسف لازم تكون شابك علشان يطلعلك التروفيز ..

---

انت جربت ؟!

يصير... مب لازم تشبك اونلاني علشان تاخذ تروفيز

اقتباس:

---

المشاركة الأصلية كتبت بواسطة General BiG Boss

مايصير للأسف لازم تكون شابك علشان يطلعلك التروفيز ..

---

اتذكر في واحد نشر هالمعلومه الغلط بالمنتدى قبل فتره :33:

انت واحد من الضحايا ........او المجرم :09:

اوووه عاااد Criminal مره وحده :wow:

انا جربت لعبتين وماطلعلي التروفيز Dead Space + Mercenaries2
ودخلت اونلاين ولعبت وطلعولي التروفيز !!!!!!!!!!!!!!!!!!

انا هم قريت احد قال لازم تكون اونلاين عشان يطلعلك التروفيز عكس 360

يمكن انت فاهم غلط ...التروفيز اللي اخذتها و انت بالاوف لاين, على شان تتثبت بسيرفرات سوني و تطلعلك مثلا بالبطاقات اللي بتوقيعك لازم اتسويلها تثبيت لمه تدخل الاون لاين(العداد اللي يطلعلك لمه ادش على قائمة التروفيز)

اما اذا كنت بالاون لاين فما يحتاي هالشي لان تتثبت على طول (على ماعتقد)

امممم الحين بجرب .. وعطيك خبر

شباب عندي سؤال لاهل الامارات في حد يعرف بطاقات psn في الامارات وين تنباع وبكم؟

بطاقات psn اول مره اسمع عنها والله...!

ما سمعت عنها؟؟؟؟ هذي البطاقات اللي تشتري فيها العاب من الستور والا ما جربت تدخل الستور؟؟؟

عبدالعزيز انقص ويهي :D انا بين الاثنين ضحيه :cray: ومجرم :saevilw: بنفس الوقت

دخلت بس كنت احمل اللعاب منه free مو اشتري...

بشوف ولد عمي اهوه يعرف هالسوالف و برد عليك ^_^...

شكــــــــــرا يالغالي

فيه شغله هي internet search يوم تحط دسك اللعبه داخل وتضغط مثلث تلقاها وتسمح لك اتدور معلومات عن اللعبه مباشره من النت

اقتباس:

---

المشاركة الأصلية كتبت بواسطة General BiG Boss

عبدالعزيز انقص ويهي :D انا بين الاثنين ضحيه :cray: ومجرم :saevilw: بنفس الوقت

---

لازم انحاكمك

عقابا لك لازم اتطلع كل تروفيات الالعاب اللي عندك :silly:

اما انا سالفتي سالفه
بعد الشخبطىة واللخبطة كيف اشبك من الكمبيوتر لل PS3 وبعد تعب شبكت واول مادخلت على الشبكة قالي حدث لل 2.60 واقعد حدث
ولما خلص قلت خلني اسوي حساب واطططططططططق على الاختيار الاول واقعد اقابلة مدة ويطلع ايرور
بداية غير مشجعه @@
حملت التحديث 2.70 ونشوف وش يصير

ههههههههههههه 15 لعبه عندي فيهم تروفي .. متى اخلصهم
بدورلي واسطه xD

اقتباس:

---

عبدالعزيز انقص ويهي :D انا بين الاثنين ضحيه :cray: ومجرم :saevilw: بنفس الوقت

---

يابوس ليفيل 9 وفوق 500 تروفيز والحين تعرف انك تقدر تاخذ تروفيز وانت اوفلاين ....؟؟؟؟ !!!!!
هذه مصيبة شكلك من زمان ماتلعب الا وانت اونلاين وعلى بالك تطلع التروفيز لووول XD

^^ ههههههه انا جربت العب اوفلاين من زمااااان بس ماطلعي تروفي !
من بعدها كله العب وشغل نتوورك ^_^
يمكن احتمال مع الابديت القديم صار جذي !!!

اقتباس:

---

المشاركة الأصلية كتبت بواسطة الصهيبي2010

شباب عندي سؤال لاهل الامارات في حد يعرف بطاقات psn في الامارات وين تنباع وبكم؟

---

هلا أخوي الصهيبي إذا أنك تدور على بطاقات الأستور

في محل عندنا في العين اسمة مركز كابول للتجارة يبيع بطاقات 20 و 50 دولار

لكن حق الأستور الأمريكي بس ومادري إذا جاب بطاقات الأستور الأوروبي

لأني من فترة مارحت عندة وبخصوص الأسعار نار الـ 50 دولار في حدود 250 و فوق

المهم بحاول اتصل فيه باكر وأشوفلك الأسعار إذا نزلت لأني من فترة مارحتله

شباب سؤال ^^
اذا بسوي حساب اطق على الاختيار
Create a new accuont
ياخذ شوي ويطلع error 80710B24 على ماعتقد الخطأ ذا معذب ناس كثير بس مالقيت جواب شافي لاني بحثت عنه في جوجل طلع لي بلاوي
وش اسوي؟؟؟؟؟؟

بالنسبة للتحديث طقيت على system update طلع لي يقول انت محدث اخر تحديث اللي هو 2.60
نصبر وش ورانا

اقتباس:

---

المشاركة الأصلية كتبت بواسطة Sanadax

هلا أخوي الصهيبي إذا أنك تدور على بطاقات الأستور

في محل عندنا في العين اسمة مركز كابول للتجارة يبيع بطاقات 20 و 50 دولار

لكن حق الأستور الأمريكي بس ومادري إذا جاب بطاقات الأستور الأوروبي

لأني من فترة مارحت عندة وبخصوص الأسعار نار الـ 50 دولار في حدود 250 و فوق

المهم بحاول اتصل فيه باكر وأشوفلك الأسعار إذا نزلت لأني من فترة مارحتله

---

والله تمام وفي العين كمان انا من سكان اليحر بس المشكلة والله السعر غالي نار اتأكدلي وردلي خبر مشكور على تعبك معاي

ياخوان خلوا اسئلتكم واستفساراتكم في موضوع الـ PS3 FAQS هذا خاص بالتحديث
الجديد ..

اسف اخي KasiH ^^ السؤال ماهو مكانة هنا
مع ذلك ماحد رد علي او اعطاني رابط للمكان الصحيح @@ يمدحون ان الواحد مايسأل ويفشل نفسه
التحديث ماطلع وانا شابك الps3 بس حدثتة من الفلاش جهازي PAL او الاوروبي

ذلونا ماب حاله هاي 3 ايام ********** الكيبل و ماب عارفين يصلحونه
ابا العب call of duty world at war

صحيح والله حالة والكيبل مو راضي يتصلح والحل؟؟؟ 90 بالمية من المتعة في الاون لاين

واللهـ حـالهـ.."

Error
شـكلهم ندموا.. بيون يسوون الاونلاين بفلوس مثل ال XBOX
محد عنده فكره خبر ليش ومتى اخترب الكيبل ومتي بيتصلح ... ><

اقول شباب ...

شو السالفة .....

اليوم اتصلت لإتصالات .. قالو ما في اي كيبل مقطوع ؟!؟!؟!؟!

قبل يومين ولد خالي متصل فيهم قالو انه كيبل مقطوع ؟؟؟؟؟؟؟؟؟؟؟

شو السالفة ؟ المشكلة من الكيبل ولا من شي ثاني ؟!؟!؟!!؟؟!؟!؟!؟!!؟!؟

اقول انته اي اتصالات اتصلت؟

ههههههههههههههه يالحبيب والله مادرينا اولا اتصالات نايمين بالعسل نص موظفينهم اصلا ما يعرفو psn لكن وبصراحة المرة الماضية قبل اسبوع ما كان منهم كان بسبب انه في تحديث جديد اما الان ما ادري

وبعدين انت تتوقع انه يقولولك ايوة في كيبل مقطوع انا كل يوم اراسلهم واتصل وعلطول يقولو المشكلة من سوني طيب اذا المشكلة من سوني ليش الاخوة في السعودية يقدرو يدخلو عادي؟؟؟

ما اعرف والله !!!
:(

يمكن من ال stupid playstation network ><

اقتباس:

---

المشاركة الأصلية كتبت بواسطة الصهيبي2010

ههههههههههههههه يالحبيب والله مادرينا اولا اتصالات نايمين بالعسل نص موظفينهم اصلا ما يعرفو psn لكن وبصراحة المرة الماضية قبل اسبوع ما كان منهم كان بسبب انه في تحديث جديد اما الان ما ادري

وبعدين انت تتوقع انه يقولولك ايوة في كيبل مقطوع انا كل يوم اراسلهم واتصل وعلطول يقولو المشكلة من سوني طيب اذا المشكلة من سوني ليش الاخوة في السعودية يقدرو يدخلو عادي؟؟؟

---

ههههههههههههههههههههههههه
بختصار : لانهم يقصون علينا بهذا النت البطيء الي ما يودي دار

محد عرف شو السالفه؟!!
انا دخلت على موقع http://www.us.playstation.com بس ماب كتبين شي يعني ماشي مشكله؟؟!!

وبعد دخلت http://ae.playstation.com/ نفس الشي !!!!!!!!!!!

اذا كان الاكس بوكس شغال
والسوني شغال في جميع انحاء العالم
يعني الاتصالات سوت حظر لشبكة البلاي ستيشن والله اعلم

لالا لا حظر ولا حاجة بس الشبكة ضعيفة يوم يومين وبترد بالسلامة هههههههههههه

المهم اقدر ادخل log on

اقتباس:

---

المشاركة الأصلية كتبت بواسطة الصهيبي2010

لالا لا حظر ولا حاجة بس الشبكة ضعيفة يوم يومين وبترد بالسلامة هههههههههههه

---

انت شو دراك؟

يعني الاتصالات سوت حظر لشبكة البلاي ستيشن والله اعلم

لا لا لا قويه هذي..!!!!

اقتباس:

---

المشاركة الأصلية كتبت بواسطة SuPeRr JOKE

اقول انته اي اتصالات اتصلت؟

---

انا اتصلت 101 :)

اقتباس:

---

المشاركة الأصلية كتبت بواسطة الصهيبي2010

ههههههههههههههه يالحبيب والله مادرينا اولا اتصالات نايمين بالعسل نص موظفينهم اصلا ما يعرفو psn لكن وبصراحة المرة الماضية قبل اسبوع ما كان منهم كان بسبب انه في تحديث جديد اما الان ما ادري

وبعدين انت تتوقع انه يقولولك ايوة في كيبل مقطوع انا كل يوم اراسلهم واتصل وعلطول يقولو المشكلة من سوني طيب اذا المشكلة من سوني ليش الاخوة في السعودية يقدرو يدخلو عادي؟؟؟

---

لوووول .. صح كلامك .. شكلهم نايمين .. لا يدرون شو السالفة -.-

...

المشكلة بس في الإمارات صح ؟

اقتباس:

---

المشاركة الأصلية كتبت بواسطة FPI123

انت شو دراك؟

---

؟؟؟؟؟؟

لانها حصلت نفس المشكلة قبل كم من يوم وعقب رجع يشتغل عادي

قريت comment من موقع gamespot مكتوب ... اتصالات بتحل المشكلة . كاتبين المشكلة بتنحل في 6 / 4 /2009 يعني باجر... اذا الخبر اكيد والله زين ......... ان شاء الله يطلع الخبر صحيح مب اشاعة

ههههههههه مشكلتنا وصلت لين game spot ان شاء الله خير

التورنت عندي شغال مضبوط اليوم فيمكن صلحوه الكيبل !

مشكلة يوم الواحد يتعود على الأون لان وفجأة تصير مشكلة فيه ومايقدر يدخل

إن شاء الله يشوف له حل في أسرع وقت ممكن

اشتغل الاونلاين

مبرووووك اشتغل

لووووووووووووول


متأكدييييييييييين


اليوووووم بجرب

اشتغل الاونلاين

بالبركة ...... اشتغل الاون لاين ... ..

طلع كلامهم صح ... 6/4/2009 ^_^