الموضوع الرسمي | FAT Princess - Cakes for Everyone - تسجيل حضور للتجمع

http://www.thatvideogameblog.com/wp-..._princess1.jpg

معلومات :

المطور :Titan Studios
الناشر : Sony Computer Entertainment
الجهاز : PlayStation 3
النوع : Real Time Strategy
الصيغة : Download from PlayStation STORE
عدد اللاعبين : Offline-1 \ Online-32
السعر : $ 14.99/ £ 12.99
تاريخ الاصدار : 2009 / July / 30

الوصف :

لديك فريقين مفرقين باللون الازرق والاحمر كل فريق عليه ان ينقذ الاميرة من حصن الفريق الاخر
عن طريق الذهاب الى حصن الفريق الخصم وحمل الاميرة ومن ثم اعادتها الى حصنك ، ولكن لن يكون
حمل الاميرة بهذه السهولة حيث يستطيع كل لاعب من الفريق بان يحضر قطعة من الكيك للاميرة
وكل مااكلت الاميرة الكيك كلما زاد وزنها وبهذه الطريقة سيكون من الصعب على لاعب واحد
من حملها وسيتعين على فريقك باحضار اكثر من لاعب وحملها سويا ، وحجم الاميرة
سيحدد سرعة نقلها الى حصنك لان كلما خف وزنها كلما اصبح حملها اسهل واخف .

يمكن للاعبيك التبديل اثناء اللعب من بين خمس فصائل : المحارب ، رامي الاسهم ، الساحر ،
العامل ، والقسيس . ويجب على الفريق العمل معا كي يستطيع الفوز في المعركة حيث كل فصيلة
تهتم في عمل معين ، مثلا العامل يمكن قص الشجر وبناء بوابة للحصن ويمكن للقسيس من معالجة
رفاقه ، ويستطيع احد اللاعبين من الاهتمام بالاميرة وجلب الكيك لها لكي يزداد وزنها ومن ثم
يصعب حملها من الفريق الاخر .


الخصائص :

- 5 شخصيات بفصائلها : يمكنك من تغيير شخصيتك اثناء اللعب فقط عن طريق حمل الخوذة ووضعها .
- 8 خرائط للعب : يمكنك التمتع باللعب في 8 خرائط عند لعبك في الاوفلاين او الاونلاين وتوجد خريطتين خاصة بالاوفلاين .
- طور اللعب الجماعي : يمكن اللعب حتى 32 لاعب في المعركة 16 لاعب لكل فريق مما يجعل اللعب اكثر تكتيكا واكثر متعه اضافة الى خاصية الـ Voice Chat In Game .
- طور اللعب الفردي : اللعب في 10 فصول لمعرفة القصة وراء الاميرة السمينة بالاضافة الى مراحل القتال في الحلبة .
- تجميع الموارد وتطوير الاسلحة : عندما تلعب بشخصية العامل Worker يمكنك من تجميع الموارد عن طريق قطع الاشجار وذلك لبناء وتطوير اسلحة جديدة ودفاعات للحصن .
- اطور اللعب : توجد 4 اطوار للعب الجماعي وهي ( Save the Princess , Snatch N Grab , Team Death Match , Invasion ) .
- تصميم الشخصية : يمكنك من تصميم شخصيتك الخاصة لكي تكون مميزا عن بقية اللاعبين .

قائمة التروفيز :

21 - Bronze Trophies

Oh, it's on!
Kill 10 enemies with any combination of classes in online games.

Got wood?
Deliver 15 resources of wood or metal to the team's stockpile in online games.

1/2 the calories eat twice as much
Feed the Princess 1500 Calories of food in a single online game

I need a hammer.....
Build 30 Castle upgrades or Siege Weapons in online games.

This is Caketown!
Block 100 projectiles with your shield in online games.

Shish Kebab
Kill 50 enemies using the Fire Torch upgrade in online games.

You're not cooking.......
Kill 100 enemies with Fire magic in online games.

Father McHealy
Heal teammates for a total of 500 hearts in online games.

Don't make me slap you!
Slap 20 objects out of the enemy's hands in online games.

Little Pecker
Kill an enemy as a chicken in an online game.

Fed Zepplin
Rescue the Princess by using the enemy's Catapult in an online game.

Who is your daddy.....
Kill 6 enemies within 1 second in an online game.

Chubby Chaser
Protect and escort the Princess 20 times in online games.

The Dark Side
Kill 200 enemies by only using dark magic.

Ring Sting
Heal, Burn, Curse and Freeze 6 characters at the same time in a single online game.

Operation Eagledrop
Fly for 2000 meters in online games.

Thuggee
Kill 88 enemies in a single online game without dying.

1-800-CAKE
Kill 2253 players online with at least 50 kills using each class.

The cake is not a lie!
Complete The Legend of the Fat Princess.

Gluteus Maximus
Defeat all Gladiate Arenas.

Cake or Death
Win 100 online games.

-------------------------------------------------------------------------------
صور للعبة :
http://ps3media.ign.com/ps3/image/ar...32261_640w.jpg
http://ps3media.ign.com/ps3/image/ar...10511_640w.jpg
http://ps3media.ign.com/ps3/image/ar...48934_640w.jpg
http://ps3media.ign.com/ps3/image/ar...04012_640w.jpg
عروض فيديو:



تقاييم :

(coming soon)

===============================================
حقوق كتابة هذا الموضوع محفوظة لموقع منتدى المنتدى montada.com

Cakes for Everyone :D

لعبة جميلة بكل المقاييس
مشكور كاسح على الإنطباعات

ترتبون يوم نلعب فيه؟!

يخي انا خلاص ماقدر استحمل..ايدي تحكني و تقولي روح اشتر كرت للعبه XD

اقتباس:

---

Shish Kebab
Kill 50 enemies using the Fire Torch upgrade in online games

---

لول على الشيش كباب

اقتباس:

---

لعبة جميلة بكل المقاييس
مشكور كاسح على الإنطباعات

---

عفوا ، لعبت فيها ساعة بس وممتعة جدا !!

اقتباس:

---

ترتبون يوم نلعب فيه؟!

---

اكيد ليش لا لازم نجتمع فيها ^^ بس حاليا في اكثر من منتدى يقولوا
في مشكلة في اللعب الجماعي يعني لما تختار Jump In مايشبك معاك -__-
انا سويت جيم ولعبت فيها 4 وجو معايا وماكان في لاق لاني الهوست
بس كان اللعب ممتع .. وحتى لو كان فيه لاعبين كثير اعتقد مافي لاق حسب اللي جربوه ..

من اللي شفته للحين ما في لاق!

اللعبة ممتازة !! عيبها الوحيد هو matchmaking system كل ماحاولت أسوي jump in مايشبك :/...لعبت جولة اون لاين بالغلط و ماكنت أدري أني العاب مع ناس كنت أحسب اللي ضدي Ai,
وأنا ألعب استغربت انه ذكاء الأعداء صار أقوى ! كملت لعب و رحت أحرق العالم من كثر ماحرقت صرت الأول تقريبا 1200 نقطة بالجولة و الفرق بيني و بين الثاني 500 xD طبعاً دريت بعد ماطلعت من الجولة انها كانت اون لاين !!
اللي يبي يحترق يضيفني :09:
kirasama2008

مممممم خساره اللعبه وايد وايد حلوه تذكرني بالبوكيمون بس للأسف مو الي اخسر عليها 300 درهم حق السيدي
اخخخ متى بطلعو السيديهات المنسوخه
مشكوررررررر على الموضوع المتميز

^
هذه لعبة store , و معتمده على الاون لاين

ان شاء الله احملها شكلها حلوة وتذكرني بلعبة ... Worm

http://xboxmedia.gamespy.com/xbox/im...059203-000.jpg

هل طور الـ Single Player جيد في اللعبة ..؟؟ أم أن اللعبة مصممة للـ Online ..؟؟

ويعطيك العافية كاسح على الموضوع الجميل ..

وشكرا ..

اقتباس:

---

المشاركة الأصلية كتبت بواسطة Abdulaziz cs

يخي انا خلاص ماقدر استحمل..ايدي تحكني و تقولي روح اشتر كرت للعبه XD


لول على الشيش كباب

---

شيرنق :ee2:

اللعبة شكلها ممتع ومظهرها كيووت :)

^
انا كنت معتمد عليك بهالشي XD

(&) فهموني شنو سالفة الsharing .. يعني يصير انا اشتري واوزع اللعبة مجانا على الربع ولا كيف ؟

شئ عجيب هاللعبه ياليتها تنلعب على اثنين او اكثر في طور الاوف لاين .

اقتباس:

---

فهموني شنو سالفة الsharing .. يعني يصير انا اشتري واوزع اللعبة مجانا على الربع ولا كيف ؟

---

yes exactly

^
طيب وكيف تسويها؟!

^
كل id تقدر اتحطه على 5 اجهزه ps3 تنزل عليهم الالعاب اللي شريتها بهذا الايدي و من ضمنهم جهازك

تقدر اتحطه على جهاز سادس بس ماتقدر تنزل الالعاب اللي شريتها الا اذا سويت deactevetion لاحد الاجهزه الخمسه (يعني اتشيل تفعيل الايدي, مسح اليوزر ماراح يسوي عدم تفعيل,لا زم اتدش على البروفايل لازالة تفعيل الايدي عن هالجهاز)

كل اللي عليك انك تعطي او تاخذ الايدي و الباسوورد و تسوي يوزر جديد على الجهاز و تحطه و تدش على قائمة الداونلود من الستور او من البروفايل و تنزل الالعاب اللي تم شرائها من هذا الايدي

بس هالحركه لا تسويها الا مع ناس تثق فيهم

خلصت اللعبه ما طلعت ولا تروفي الله يعلم ليش، التروفيات كلهم برونز >>>> سمعت انه الفضيات و الذهبيات بفلوس ،تصدقون؟ اشاعه ترى مو صج P:

gunstar hero بخمس دولارات فيها ذهبي وثلاث فضيات لول

الاونلاين عليه لاق بن كلب يمكن لانه اول يوم والايام الجايه تبين !

سلام

عبدالعزيز..
يعني لو اعطيك اليوزر نيم والباس بتقدر انت تنزلها وبتظهر في يوزرك انت.. صح؟


دريم..
التروفيز كلها عن طريق الاونلاين!

اقتباس:

---

هل طور الـ Single Player جيد في اللعبة ..؟؟ أم أن اللعبة مصممة للـ Online ..؟؟

---

انا لعبت شابتر واحد بس وكانه اونلاين لكن مع كمبيوتر اذا كملت السنجل بلاير راح اقولك ..

بالنسبة لما تفوز شخصيتك تصير Reaper وتقدر تقتل زي ماتبغى XD فلله

اقتباس:

---

http://75.126.249.149/%7Edirector/new_icons/dog.gif فهموني شنو سالفة الsharing .. يعني يصير انا اشتري واوزع اللعبة مجانا على الربع ولا كيف ؟

---

يقولوا Sony راح تلغي هذه الخاصية او انها راح تعطي باند للي يعمل شيرنج .. -__-

اقتباس:

---

عبدالعزيز..
يعني لو اعطيك اليوزر نيم والباس بتقدر انت تنزلها وبتظهر في يوزرك انت.. صح؟

---

صح , بس مو اليوزر , بل الايميل مع الباسوورد

و بعدها بيكون جهازي كأنه جهازك الثاني , اقدر انزل عليه كل شي انت شريته من الستور , و حتى اقدر انزل التروفيات اللي انت مطلعها على جهازي

كانك شاري جهاز جديد و تبي تحط فيه الشغلات الليشريتها على جهازك القديم و التروفيات اللي مطلعها

اقتباس:

---

يقولوا Sony راح تلغي هذه الخاصية او انها راح تعطي باند للي يعمل شيرنج .. -__-

---

هذه مو مع الشيرنج العادي

اتذكر اني قريت الخبر مره بس كان يتكلم عن شغلات بالهوم او البيتا

خلصت الاوف لاين مو طويل بس فله :D
الاون لاين مو قادر احصل room . شكله زحمه .

بالنسبه للشيرنج ما اتوقع بيحظروا اللي يستخدموه اكيد سوني عارفه بشغلت الشيرنج و لو بغت كنسلته .

باخذ العبه شيرنج من واحد اليوم ..:09:

شباب انا امس كان عندي ملاحظات ونسيت اقولها:

اي لعبه فيها سالفه الاميره الفوز فيها مستحيل واللعبه ممكن تستمر للابد لان مافيها نظام النقاط ، يا انقذ ولا استريح + شباب ما تدرون ان اللعبه فيها كره قدم لول XD هذي ما دريت عنها الا يوم سرت الهوست (:

اقتباس:

---

المشاركة الأصلية كتبت بواسطة DREAMCATCHER

شباب انا امس كان عندي ملاحظات ونسيت اقولها:

اي لعبه فيها سالفه الاميره الفوز فيها مستحيل واللعبه ممكن تستمر للابد لان مافيها نظام النقاط ، يا انقذ ولا استريح + شباب ما تدرون ان اللعبه فيها كره قدم لول XD هذي ما دريت عنها الا يوم سرت الهوست (:

---

هههه والله حالي من حالك...استغربت وانا اشوفهم ينطنطوا ورا الكرة ، اللعبة فيها العجايب :D
وبالفعل امس كنت اكلم صاحبي و قلت له عن تجربتي البسيطة لها واتساءلت كيف ممكن تنتهي اللعبة ، كل ما ينقتلوا الجنود respown و ويرجعون وينعاد الشريط والمعركة الحامية ما تحس في أمل تنتهي...:boggled:
هذا كله والوصول للاميرة ضرب من المستحيل ، كيف لو شبعوها بالفريق بالكيكات..
مشكور كاسح على المعلومات و الموضوع الرسمي ..

^
^
لا يا شباب.. ترا عادي.. تقدر تخلص المرحلة.. اذا طور انقاذ الاميرة فلازم تشلها لين كرسيها في قلعتك.. ولازم تبقى في مكانها لمدة نصف دقيقة من دون ما حد من الفريق الثاني يشلها.. كذا فريقك بيفوز!

^^
أيوا بس ما تحسها صعبة لو كانت المباراة 16vs16 ...جربت وكملت نص ساعة ومحد قادر يتخطى حدود قلعة الفريق الثاني..آخر شي سكرت وطلعت الحفلة ذي :blackeye:

هممم في البدايه كان انطباعي مثل الشباب ان صعب يخلص الجيم ، بس عقب يوم تعمقت زياده طلعت سوالف وايد في اللعبه تقدر تخلي الجيم يخلص بس بصعوبه وشويه حظ ..:09:

شي استراتيجيات تتبعها عشان تفوز مثل تطوير للقلعه وتحتل القلاع..إلخ ، واذا طول الجيم ،يكون شي وقت ينهي الجيم على حسب عدد النقاط ..

لا تعلبوا طور انقاد الاميره اذا يطول معاكم .
طور deathmatch ما يطول .

زين كل واحد يقول لنا وش احسن كلاس عنده ؟

انا في البدايه كنت ما اخذ إلا warrior بس جربت ال priest و ال mage حطيت اكس على warrior *.


في تروفيات احس مستحيل تطلعهم إلا بالحظ . المفروض هاللعبه عليها platinum تروفيات طويله و صعبه .

^^^^^^^
Team Deathmatch و Invasion أو Soccer (:

أنا مثلك كنت اخذ warrior حتى تطويره شوي مزعج يبيلك دقه وحظ واذا كان في لاق انسى تحوش احد
الـmage رهيب خصوصا لمه يكون عنده الثلج تحصل نقاط بالهبل وتسير الاول بسرعه ^^
------
اذكر في مباراة امس كنا هاجمين بأربعه priest والباقي تشكيل ، جننا الفريق الثاني محد قدر يتعدى باب القلعه لول XD

اخيرا امس اشتريت اللعبة بس ما قدرت اتصل اون لاين كل ما احاول يفشل الاتصال قالو بيعدلو هذي المشكلة قريب ان شاء الله لانه حلاوتها باللعب اون لاين

اللعبة جميلة جدا
أنا اليوم قدرت وبقوة الدخول للأونلاين هي الصعوبة كبداية لمن تتصل بالنت

الأستوديو المطور للعبة سوف يصدر تحديث لحل هذي المشكلة
source

جربتها اللعبة ممتعة بدرجة كبيرة وفيها تنوع رهيب بالمهام واستراتيجيات وطرق مختصرة

ومظهرها ممتاز وكيوت جداً

لازم نجتمع شباب المنتدى نبي منسق :)

ID : z3eem19

أعطوني شيرنج وأبشروا أنا بكون الهوست (&)

خلاص إن شاءلله نجتمع لكن خلوها بعد التحديث أحسن

اقتباس:

---

المشاركة الأصلية كتبت بواسطة راؤول الأسطورة

^^
أيوا بس ما تحسها صعبة لو كانت المباراة 16vs16 ...جربت وكملت نص ساعة ومحد قادر يتخطى حدود قلعة الفريق الثاني..آخر شي سكرت وطلعت الحفلة ذي :blackeye:

---

نفس الحالة هني..
المشكلة ان وصلت القلعة..اندق..و ان حالفني الحظ و وصلت للدبة..اندق..
ما يسوى عليه..

بس ما يمنع انها ممتعة للغاية..

بالبداية صدفة بديت بالـArcher (اتوقع اسمه Ranger باللعبة؟؟)..حلو اللعب فيه..
بس عقب اخترت الـWarrior..بس ما ارتحت فيه..
الـWorker بصراحة ممتاز..توقعت انه اخر شخصية ممكن تعجبني..But he's fun..

^^^

الـWorker حلو ان يبني البوابات والجسور لكن ضعيف الا اذا كان مدعم بالقنابل

في مرات العامل يكون بفأس فقط ومرات يكون محمل بالقنابل وكذلك المحارب والساحر

شنو السبب يتعلق السيرفر والماب ؟؟

^
اذا طورت المصانع بتطور الشخصيه

استعمل العامل لتقطيع الاشجار و حطها في المصنع لعدد معين بعدين تتطور شخصية المصنع

^^^^^

السالفة طلعت جذي

نهيت الستوري مود ؟؟؟

انا موصل شابتر 5 ومالي خلق اكمل كل ما اشغلها احط الملتي بلاير على طوول

^^^^^^ انا الملتي بلاير طلعلي روحي مو راضي يشتغل معي انا شريت هذي اللعبة علشان الاون لاين @_@ ان شاء الله ينزلو التحديث علشان هذه المشكلة في اقرب وقت

انا للحين عندي مشاكل لما اسوي join players لازم احاول اكثر من مره .

اللي يخلص gladiate arena يقوووووول لي :D صعبه حدهااا .
اسهل شئ انك تلعبها بال priest .

شوفوا لكم يوم نلعب فيه مع بعض
it will be so fun i mean it XD

خلصت الستوري مود

6 شابترات فقط

ما توقعتها بالقصر كعدد شابترات بس الشابتر الاخير فعلاً يطول

يالله تفرغ حق الاونلاين الحين

التروفيز حق اللعبة تحسها صعبة XD
بالنسبة لازم نتقابل يوم ونلعب سوا حتكون مرة ممتعة
انا الاونلاين ولا مرة شبك معايا لكن لما اعمل create game على طول يشبك ونلعب اربعة دايما
حلوة وممتعة بس سهلة تقدر تفوز بسهولة ابغى اجرب 16×16 ابغى اشوف كيف الجنان لول

على فكرة احس في مشكلة لما ابغى العب مع فريندز مثلا اذا لقيت واحد يلعب عندي في الفريند ليست
وابغى ادخل معاه تقولي اللعبة ولا واحد من الفريند قاعد يلعب ؟؟؟ -__-
لازم بس يصلحوا تسجيل اللعب باسرع وقت .

16 ضد 16 مجزرة بكل معنى الكلمة.. دم في كل مكان (&)

كم حجم اللعبة؟؟؟؟؟

320 ميغا تقريباً

ok thanks man

عبدالعزيز انا كنت مشغل المايك فيه صوت ؟؟

ماشاء الله عليك فنان بالقنابل عورت راسي :(

لووول اول ما شفت نكك بالكرة القدم قلت عليييييييييييه

بس بالديث ماتش صراحه لعبك ممتاز بس في النهاية نقاطي اكثر :)

والله مادري اذا كنت مشغل المايك او لأ

لاني كنت شايل الصوت و قاعد اسمع بودكاست :silly: ign gamescope

الووركر عجيب , انا قبل مثلك كله اخذ الوورير , بس من تعلمت على الووركر خلاص ماغيره الا ااذ بنوع شوي :biggthump

إنتم كيف تلعبون اللعبة أنا ماأقدر أخش أساسا ( متى يحلون المشكلة )

وأخيرا تم تقييم اللعبة من IGN وحصلت على 9/10

----------------------------

كما أن الأبديت للعبة سوف يأتي قريبا وهذي أبرز تفاصيل الأبديت :

Failed Game Connections

Lag

Hosting Problems

AoE Scoring Exploits

Stalemates

Missing Princess (on certain levels)

Dead Hat Machines

Scoreboard Issues (only top 1000 scores shown)

Ranking System Problems

المصدر

طيب شباب نبغى نجتمع راح احط عنوان تسجيل حضور الاعضاء عشان نلعب سوا ^^

مل واحد يسجل حضوره اليوم ونلعب في الليل

اول واحد يسجل حضور..

حددوا بعد نص الليل اذا بينفع (&)

انا انا انا انا

يب من جد وش رايكم من بعد نص الليل خصوص انه مافي مدارس بس اللي عنده دوام الله يعينه P:

المهم حاليا :
- كاسح
- ياماتو
- عزوز

^^^^
أوكي بحاول إذا مانشغلت أدخل معكم ^^

أنا كمان ضيفوني معاكم

اقتباس:

---

يب من جد وش رايكم من بعد نص الليل خصوص انه مافي مدارس بس اللي عنده دوام الله يعينه P:

---

:02:
خلوها على 10 او 11 على الاقل

انزين منو اللي بيصير الهوست ؟

انا احسبوني معاكم، بس مو اكيد يمكن انشغل اليوم لكن اذا لقيت احد يلعب بدخل معاه (:

عبدالعزيز غيرت اسمك ، والله لو مو الافتار كان ما عرفتك (":

count me in guys ..

i wanna see some blood XD

عطوني الوقت ابغى اشوف الوقت في امريكا علشان اشوف يمدي لو لا .

انشاء الله اكون وياكم

ما شاء الله عليكم

كلكم شريتوها :)

^^^^^^^

الله يخلي الشيرنق XD

انا بعد احسبوني وياكم

صحين وسكوودو ما عندي الايدي مالكم

اقتباس:

---

المشاركة الأصلية كتبت بواسطة rare games

^^^^^^^

الله يخلي الشيرنق XD

انا بعد احسبوني وياكم

صحين وسكوودو ما عندي الايدي مالكم

---

ضفتك قبل كم يوم و قبلتني >.>

حتى كتبت نيكنيم المنتدى

اللي ما اضافني عنده.. ضيفوني (&)

Yamato27

اقتباس:

---

المشاركة الأصلية كتبت بواسطة rare games

صحين وسكوودو ما عندي الايدي مالكم

---

http://www.montada.com/showthread.php?t=639035

طيب وشرايكم اليوم من الساعة 12 ؟ انا حكون موجود باذن الله

تقييم اللعبة من موقع Gamespot

7.5

فيه مواقع بعد معطينا 6 و7

مواقع متخلفه ومادري شنو تفكر فيه

لعبة psn وملتي بلاير

واللعبة ناجحه جداً في مجالها كلعبة ملتي بلاير ممتعة وادمانية ومسلية

مادري شنو يفكرون فيه هالمواقع :(


متى التجمع ما تخلونه مبجر شوي احسن يعني بعد نص ساعه او الساعه 11 :/

انا موجود حاليا بحاول ادخل مع الشباب الموجودين

انا قاعد العب ويا ياماتو وواحد بالمنتدى نكه om 1946

جذي الباقي وينهم

هوا ده انته (&)
الزعيم!

im installing it right now :D

اقتباس:

---

المشاركة الأصلية كتبت بواسطة Yamato

هوا ده انته (&)
الزعيم!

---

يس :D

كاسح وعبدالعزيز ويانا

Can I Join?

يا جماعه ما يصير طبيب :(

LonelyHunter86
شقيتني شق XD
المشكلة أول مباراة العبها في الشريط -_-

يا شباب الي وياي سويتلك اختصار ممتاز ليش ما استعلموه

في جيم ثاني؟

لول..بس شنو نكك ؟

اللعب حلو شباب اليوم , الاق كان خفيف و ينبلع , بس مره ثانيه لاتاخذون مهمة رجع الاميره 3 مرات , مره وحده و بالغصب نقدر -_-

خلوها كرة قدم و تيم ديث ماتش اونس شي :biggthump

بس الصراحه لازم يبيلنا مايكات, اللعبه استراتيجيه بحته XD

منو عنده مايك ؟

That was fun (&)

نكي MrealZ
بخاطري مايك انا بعد

ياهو والله تعبت من الجيم هذا ساعة كاملة مو راضي ينتهي ><

عموما مافي حد معاه مايك ؟؟ لازم نلعب باستراتيجية ورير الاختصار اللي من الجبل ممتاز كنت استخدمه كثير ..
بس اللعبة كذه اللعبة بدون نهاية ><

انا عندي مايك

عبدالعزيز الخريطة الي لعبناها في احد يعرف الاختصار من قبل ؟؟

لووول اول ما شافنا كاسح وانا ناط عليه احس انصدم :)

بيكاتشو صراحه يفهمني كثير وخاصه بالحديد والخشب :/

سر الدجاجه ما نفع وياكم :(

عموما اذا فيكم جيم ثاني نلعب بعد العشاء ابغى اكل جوعان :(

انا عندي , بس اذا بروحي ماينفع P:

اليوم بتخليها السهره صباحيه كاسح P:

انا عندي كلاس الصبح فلازم انام الحين , انشوفكم باجر ان شاء الله بنفس الموعد ؟

انا بعد عندي مايك بس عبدالعزيز ولا مرة صرت وياي :/

ياماتو اكثر واحد مزعج بالجيم حاسد علي كل شي الحديد والخشب كل مااروح ابي حديد وخشب القاه :)

صراحه لازم في شغلات كثيرة كان راح تكون اسهل لو استعلمنا المايك عموما راح اشغله في المرات القادمة اكيد

بيكاتشو وينك :/

فيه نقيزيه ( ما اعرف اسمها بالفصحى :/ ) تعبت فيها 9 خشبات و3 حدايد

ابي اقول حق الي وياي يستعلموها لانها تودوني من قلعتنا ليه قلعتهم محد فهمني لازم مايك ان شاء الله

المشكلة سعر المايك غالي اب 18 دينار فلازم اطلبه احسن و هذا راح ياخذ وقت على ما يوصل يمكن افكر اشتري من هني بس بشيك مرة ثانية يمكن نزل سعره

^
^
حظي ان كل اصير ضدك P:

اقتباس:

---

عبدالعزيز الخريطة الي لعبناها في احد يعرف الاختصار من قبل ؟؟

---

اكيد..هذا اختصار رسمي من اللعبه الكل يعرفه

اقتباس:

---

فيه نقيزيه ( ما اعرف اسمها بالفصحى :/ ) تعبت فيها 9 خشبات و3 حدايد

---

تقدر اتقول انها منجنيق


Tockuchi
قزرها بأي سماعة USB رخيصه على ماتشتري السماعه اللي تبيها

انا عندي مايك بس قعدت ادور عليه وما لقيته >.<

رير.. ياخي ترا اول شي الواحد يسويه انه يجمع خشب وحديد.. نحصلهم فنقدر نتطور بسرعة..

قهرتني كاسح يوم شفتك جامد في مكانك وما تتحرك والاميرة شايلينها عالكتوف -___-!

جيم ممتاز بصراحة.. حددوا وقت ثاني نتجمع فيه بعد..

اقتباس:

---

قهرتني كاسح يوم شفتك جامد في مكانك وما تتحرك والاميرة شايلينها عالكتوف -___-!

---

لول كنت العب وقمت ضروري حق شيء للاهل .. فاكيد ناس كرهتني XD
عموما في واحد عذبني خلاني دجاجة 3 مرات -__-

^^^^^
كاسح اذا بتلعبون دزلي رسالة بالPS3 اوكي؟

واااو أعلى سكور جبته 4343

شباب بكرة الموعد

رير جيمز ، دوم ابي اكون في فريقك
وناسه يوم تسرق الأميره وانا أيلس أزيدك طاقه من بعيد لين بعيد xD
بس نقاط ضعفنا كانت في الموارد ،اول شي نحن انييب وعقب محد ياب شي وحتى الكيك ، أميرتنا كانت وايد ضعيفه :boggled:

مارتيز كان اكثر واحد مزعج بالنسبه لي في الفريق الثاني ، كل شوي يكفخني بالسهوم :silly:
وياماتو كل ما اشوفك تحمل كيك وحصى وخشب ، عنبو ما تشبع xD



يبالنا باجر نلعب بعد ، اللعب ويا اعضاء المنتدى أحلى بألف مره من اللعب العادي =)

انا وعبدا لعزيز اشتغلنا في تعبية الاميرة جلسنا ناكلها لين صارت ملياااانة XD
وفادنا كثير حتى لما جوا يسرقوها تاخروا كثير خخخخخخخ فلله لما تقول I'm hungry :(

توني طلعت من لعبة اليمة ويا بيكاتشو في خريطة البركان

الحمر ماخذين الوسط والممريين الايمن والايسر ما اقدر اخذ حديد

واكثر القلاع بعد كلش ربعي ما يساعدون بس ماشاء الله بيكاتشو الاول

بيكاتشو شنو رتبتك لانها نفس رتبتي ensign شنو معناها واي رقم تعتبر

مرات اذا صرت الاول يعطوني واحد لابس رداء احمر وياها خطاف قاتل محد يفوز علي :/

كاسح
هيه كم مره حاولنا نسرقها ما قدرنا بسبه وزنا الزايد خخخ

رير جيمز
جيم البركان ملل ،روحي ما احب هالمرحله ووكان وايد زحمه وخرابيط =="
اتوقع هاي الرتبه الثالثه اظن ، المفروض كل ما تحصل نقاط اكثر ترتفع رتبتك
بس مره اذكر نزلوا رتبتي

يوم نلعب بالمايك الكل بيسمعني ولا بس فرقي ؟

يعطيكم العافية شباب جيم ممتاز وحماس

اسفين الي كانوا معاي بالتيم لما كنا سارقين الاميرة ووقفت فجاة للاسف خلص الشحن للكنترول -_-"

ما قصرت رير جيم انت معا بيكاتشو تيم ممتاز

اذا لعبتوا مرة ثانية عطوني خبر ^_^

اكثر واحد كان بيني وبينه حرب عبد العزيز ههههه بس حرب ممتعة

حلوة التحدي منك يارير

^^^^^^

:)

ماشاء الله عليك فنان بالساحر

شباب من جد يبيلنا لعبة كرة قدم حيل ممتعة

ياماتو كله ضدي وحاط دوبه دوبي بالخشب والحديد :/

اقتباس:

---

المشاركة الأصلية كتبت بواسطة rare games

توني طلعت من لعبة اليمة ويا بيكاتشو في خريطة البركان

الحمر ماخذين الوسط والممريين الايمن والايسر ما اقدر اخذ حديد

واكثر القلاع بعد كلش ربعي ما يساعدون بس ماشاء الله بيكاتشو الاول

بيكاتشو شنو رتبتك لانها نفس رتبتي ensign شنو معناها واي رقم تعتبر

مرات اذا صرت الاول يعطوني واحد لابس رداء احمر وياها خطاف قاتل محد يفوز علي :/

---

XD
فريفكم حالته حالة, أغلب الكلاسات حنا طلعناها قبلكم. أنا أول ماطورت الساحر رحت عند المعادن أحرسها علشان فريقكم ماياخذها :09:

اقتباس:

---

عموما في واحد عذبني خلاني دجاجة 3 مرات -__-

---

ترى الدجاجة مو بسيطة. يمديها تخترق قلعة الأعداء xD

^^^^^^

اي صحيح

شنو الايدي تبعك

هالمعركه سيئه الحديد مو متوافر الا بالنصف ولازم انطر البركان وفريقكم مسيطر على الحديد الحصول عليه شبه مستحيل

جيم سئ

Tyki Mikk
منو فاز آخر شي ، فريقنا ولا فريقكم :09:؟

kirasama2008, أمس أضفتك ^^"

اقتباس:

---

هالمعركه سيئه الحديد مو متوافر الا بالنصف ولازم انطر البركان وفريقكم مسيطر على الحديد الحصول عليه شبه مستحيل

---

هذي الحرب, مافيها إنصاف ولا عدالة...P:

اقتباس:

---

منو فاز آخر شي ، فريقنا ولا فريقكم :09:؟

---

أكيد فريقي :09:

اي وصلتني وقريت المسج بس نسيت الايدي :)


ياماتو - ميرلز

اخوي يلعب وياكم ومشغل المايك فيه صوت او لا

طيرت الاميرة مرتين.. وفزنا (&)

لا ما في صوت شي

طاحس راكب

مبرووك اللعبة

ياماتو كان فيه صوت او لا

اخوي كان يلعب وياكم

لا ما كان في صوت (&)

شباب ابغى احد يفهمني الحين كيف اطور الاسلحة والكلاسات ؟
مثلا لما اخذ الووركر اروح اقطع شجر وارميها في اي كلاس ؟؟ مافهمتها ..
وكمان في الحديد وش يسوي ؟ وكيف تستفيد منه ؟

اوكي تعالوا بطلت القدم

كاسح كل مكينه لازم 3 خشبات و 3 حدايد عشان تتطور

تحط الحديد او الخشب بأي مكان عادي يتبعك قلعه او اي مكنيه

كاسح..
الووركر بيجمع الحديد والخشب.. ارميها في اي جهاز او حتى القلاع الخارجية اللي يسيطر عليها فريقك.. كذا ما بتضيع وقت تروح لين القلعة..

في عداد باعلى يمين الشاشة.. يوضحلك كمية الخشب والحديد اللي تم تجميعها..

شباب ابي الرتب وتصنيفها ومراتبها من أي موقع

+ اشلون اعرف رتبيتي من غير ما العب طور انا مدهش مو موجود الرتبة ( مادورت ب 16 صفحه )

بتحصلها بالـ16 صفحة.. انا سيرجنت حاليا..
هناك بتحصل كل معلومة عنك باللعبة!

ليش هو في رتب @_@

في المواقع يتكلمون عن انه اذا خسرت بتنزل بالرتب حتى @_@

كاسح..
يس سير (&)


ملاحظة مهمة..
لازم تخلص القصة عشان تدش بالرتب على ما اظن.. لانه انا ما كانت عندي رتبة الى ان خلصت القصة عقب صار لي رتبة!

اي فيه رتب انا يمكن الثالثة او الرابعة حاب اتأكد فيه موقع يعطوني كل الرتب ومراكزها

شوف هالموقع.. تقريبا صحيح!

http://answers.yahoo.com/question/in...4083559AAsMVGs

او يمكن صح من اساسه (&)

انا اللفل السادس

يس :)

^
http://titanstudios.com/blog/fat-princess-faq/

ها شباب

اليوم بتتجمعون ولا يوم ثاني ؟

ان شاء الله اليوم شباب بعد

امس كلمنا انا وياماتو ووايت نايت وtyik mikk ليه الصبح

شباب انا الصراحة اول يوم اعرف بمرحلة كرة القدم في هذي اللعبة وناسة واهداف وقتل هههههه سامحونا ودي اشاركم التجمع بس النت عندي ما يساعد وكمان منتظر التحديث لعل وعسى تتحل المشكلة

اقتباس:

---

المشاركة الأصلية كتبت بواسطة rare games

last lombax

مبرووك اللعبة

---

Fixed

الله يبارك فيك

كان ودي ألعب معاكم اليوم بس عيوني مقفلة على الأخير >>>>>> باختصار مواصل من أمس كأنه عندي اختبار :24:

ممكن ألعب معاكم + عندي مايك
ياويلك يا ياماتو مني:AR15firing: تشيل الأميرة من قدام عيني

بالمناسبة أنا أول مرة بستخدم المايك لذا لدي بعض الأسئلة :

س1 / راح نتكلم أنجلش ولا عربي ( سؤال يهمني جداً ) ؟
س2 / ننادي بعض بأسمائنا الحركية حق المنتدى ولا أسمائنا الصجية ( الحقيقية ) ؟
س3 / راح نلعب زي أمس ولا بنلعب soccer ???

ياشباب وين مرحلت الكوورة هذه ماشفتها ؟؟ ومتى راح تلعبوا اليوم ؟

عندي سؤال؟
ليش لما نلعب اشوف بس الزعيم و كاسح و لونلي هانتر حاطين اساميهم فوق شخصيتهم؟

لومباكس.. تعيش وتاكل غيرها (&)

انا بكون اونلاين حاليا (&)

أنا بدخل بعد نص ساعة أن شاء الله ألقاكم كلكم

أنا بدخل بعد شوي ^^. أهم شي اللي بيصير الهوست يخلي العدد قليل 10 -12

ياشباب انا اشتريت اللعبة من الستور ولعبتها في طور السنجل..

وراح ادخل اون لاين معاكم بس ياريت تضيفيوني شباب

هذا الايدي حقي :
luffy_2011
===============

سؤال:انا عندي انترنت شامل واشبك فالسوني بالوايرلس..الاشارة عندي قوتها ٨٠% ياترى تتوقعون بيكون عندي لاق او لا؟؟

وياريت موقع يراوينا شرح للعبة وطريقة اللعبة والتكتيكات..والسمووحة :)