عرض للطباعة
السلام عليكم ممكن طريقه استخدام سوبر شارج والفوائد منه لانه دوبي ما خذ العلبه وما بدات فيها وهل هي تغنى مع الواي بورتين يعنى
انا ما ودي استخدم حبوب راح اخذ واي بروتين ثلاث مرات يوميا بالاضافه الى سوبر شارج اسكوبين قبل التمرين ب 30 دقيقه علما انو طولى 180 ووزني فى السابق 70 الحمد لله الان وزنى 81 واطمح الى الوصلى الى 90 وبعدها ابداء فى التنشيف
السوبر شارج كرياتين يعني يخزن موية بالعضلة + الي سمعت انه قبل التمرين ب15 دقيقة مو نص ساعة
جبار حسبت ماسمعت عنه مع اني قبلك نزلت موضوع عنة ولا جاوب الا واحد من الاعضاء الله يجزاه خير
والباقين نايمين :::: انا راح استخدم الانيمال بمب مع الواي بروتين ::
أخوي استعماله قبل التمرين بربع ساعة ( سكوب واحد اذا تمارينك قصيرة) أو ( سكوبين حق التمارين الطويلة)
بس انصحك بسكوب واحد لأنه كافي :D وبعدين لازم تاخذه على معدة فارغة وتكثر من الماء
وعلى حسب كلام أخوي لأني ماستخدمه :P يقول لا تاخذ كرياتيين برمضان لأن الكرياتين يحتاج كميات كبيرة من الماء وانته راح تصوم فيمكن تتعب الكلى جذي :blackeye:
طيب السوبر شارج هذا هل هو هرمون ولا كرياتيين وهل له اضرار وهل يزيد الوزن وهل يعطي بور؟؟
وبالنسبه لحفظ الماء بالعضله هل هذا مفيد للعضل او لا
السبور جارج كرياتين وليس هرمون
وحفظ الماء بالعضل شيء اساسي ليعطي ضخامه للعضلة
مشكور يا اخوي مشكلجي :)
الصراحه
ودي احد يفيدني اكثر
ابي اعرف اضراره
اهم شي الاضرار لاتقولون مافي اضرار
مثلا اذا استخدمته خطا شنو الاضرار
و شنو يسوي بالظبط ؟ بالتفصيل ياليت
تسلمون
اكثر من شرب الماء وحاول ان ما تزيد فترة استخدمك عن شهر وبعد شهر ترجع لهاقتباس:
المشاركة الأصلية كتبت بواسطة Q8y_evil
بس شنو اضرارة مثلا خذيتة اكثر من اللازم
شنو راح يصير؟
راح تموت
.
.
.
خخخخخخخ
بس على حد علمي أكيد بتتأثر الكلى
اقتباس:
المشاركة الأصلية كتبت بواسطة Q8y_evil
ما انصحك تاخذه اكثر من اللازم بالتاكيد راح يسبب لك ا تسمم بالمعده وبالتالي غسيل معده اجباري غير تليف الكبد وبالتاالي الفشل الكلوي
واول اعراض زياده الاستخدام الصداع المستمر يعني حتى لعب ما راح تعرف تلعب
لهذا الكرياتين على وجه الخصوص له فتره تحميل من اربع ايام الى اسبوع ومن ثم تستخدمه شهرين وتتوقف شهر كامل ولهذا البعض يبحث عن منتجات اخرى للطاقه والباور في التمارين
وعلى فكرة كل منتج له تحذير معين سواء من كثره الاستخدام او خطأ في الاستخدام راجع ماهو مكتوب على كل منتج
بالتوفيق
ما الفرق بينه وبين انمل بوم ؟؟
كلهم منتجات للطاقه ما تفرق من ناحية الفائده لها ولكن تختلف من ناحية المحتوى فقط
يعني اقدر استخدمهم في نفس الوقت ؟
الانيمال بوم والسوبر شارج كرياتين ولا منتجات طاقه وضاخه للدم؟
اكسيد نايترك مع كرياتين ومضاف اليهم ايظا الكافيين
وكل منتج يختلف بالكمية وبعض المواد الكيماوية المضافه من اجل تعزيز القوة والاداء لفتره معينه هي فتره التدريب فقط
ولا ينصح باستخدام منتجين للباور والسبب كمية الكافين الزائده والمشاكل المترتبه عليها سواء الارق وعدم النوم او ارتفاع الضغط للدم
فعلا ,, يرفع ضغط الدم ,,
انا استخدمت اسكوب ان او اكسبلود وخلال اليوم اخدت 6 حبات ليبو 6 بلاك ,,
وزي ما تعرف كلها كافيين x كافيين
والمصيبة الكبيرة , أخدت بريمو بلان , ومعروف عنو إنه يكثر الكريات الحمراء بقوة ويضخ الدم للعضلات ويوسع الاوردة مثل عمل النيترو اكسيد ,,,
يعني نيترو اكسيد x نيترو اكسيد ,,
بعد ساعتين تمرين شوفت عرق كبير في نص راسي ومن جد شكلو يخوف ,, وحسيت راسي بينفجر من الصداع ,
طبعا وقفت واخدتلي اسبرين ومشيت ع السير مشي خفيف مع شرب مويا ع دفعات لين خف الالم ورحت ع المستشفى ,,
يقولي الدكتور ارتفع ضغط واختفى فجأة ,, وسألني يقولي اش باستخدم ,,
يجب الحذر من استخدام منتجات لها نفس الغرض مثل الحوارق او البروتينات او منتجات الطاقة ,,