عرض للطباعة
السلام عليكم انا اختكم ريهام من قطر
حبيت اشتري جهاز جيم بوي ادفانس وحبيت اعرف كم سعره وكيف اعرف اذا هو اصلي او تقليدي
وثانياَ انا محتاره بينه وبين النتندو المحمول شنو الاحسن والافضل والاكثر متعة ولا تنسون تجاوبوني على اسئلة الجيم بوي ادفانس. ياريت تفيدوني واكون شاكرة لكم:)
السلام عليكم
انه خبير حق هل اشياء
اخوي اول شي ليش تشتري قيم بوي ادفانس
هاي قديم وفي اعيوم وايد
اول شي مافي ليت يعني اشلون بتشوف الشاشه بتكون مب عدله
انه انصحك
ب DSL يعني DS لايت
هاي زين بس لو بغيت شي افضل منه
عندك DSI
هاي حلوه
وانه عندي ايه
ويصير تحمل اشياء من النت
خخخخخخخخخ
بس لو يوم تشتي DSI
خذ معاه R4
الي تشغل تقلي
ولو بغيت DSL
خذ معاه R4I
هاي الشي الي انه افضله
التوفيق
هلا اخوي مشكور على الرد السريع وخلاص عيل انا غيرت رايي دام انه في الشاشه ماكوا ليت
بس ابي اعرف شنو الفرق بين DSL و DSI و كيف تكون الالعاب
وشنو ال R4 و R4I مافهمت شنو هم واشكرك مرة ثانية
وعلى فكره ترى انا بنت مو ولد:)
السلام عليكم ورحمة الله وبركاته
هلا اختي ..
اختي بالنسبة لاسئلتج فعندي لج الاجابه الشافيه والكافيه
بالنسبه للفرق بين الDSL و ال DSI هو في وجود الكميرا في ال DSI بالاضافه الى تطوير في الشاشه وشاشة اللمس وبالاضافه الى المينيو وامكانية شراء العاب من النت عن طريق بطاقة الDSI & WII او عن طريق الفيزا او الماستر او باقي الكروت الاخرى اللي هي خدمة DSISHOP
مع العلم انهم يعطونج 1000 نقطة مجانية اول ما تشغلين خدمة DSISHOP لاول مره
طبعا هالشغلات موب موجوده بالDSL
ولا تنسين الالعاب اللي تدعم الكاميرا يعني تلعبين لعبة باستخدام الكاميرا ومنها لعبة لشخصية WARIO بس ماذكر ايش اسم اللعبه بالضبط
شخصيا انصحج تشترين الDSI وتلقين سعرها 850 ريال ويجي معاها قلم اضافي لشاشة اللمس والشاحن فقط
واذا خذتي ال DSI لازم تشترين كرت اسمه R4I وليس R4 لان الR4 خاص بالDS & DSL اما R4I يخص الDSI وخذي معاه ميني ميموري وانصحج ب8 قيقا او 4 اذا لقيتي عشان تاخذين راحتج بتحميل الالعاب وال8 قيقا تجي قيمتها حوالي 200 ريال اما ال4 قيمتها 150 تقريبا وكرت الR4I ماذكر قيمته بالضبط بس تجي قيمته بين ال150 الى 200 ومايجي فوق 200 ريال
انا شاريه من كم يوم من محل في منطقة الدحيل جنب كفتيريا الاندلس اللي تجي من صوب الاندمارك اذا تبين رقم المحل اتصلي 180 واطلبي كفتريا الاندلس اللي بالدحيل واتصليله واخذي منه رقم محل الالعاب <<< دايما اسوي هالحركه خخخخ
المهم اذا خذتي الكرت اللي هو R4I والميموري الصغيره لازم تبرمجينه من النت وطريقة البرمجه جدا بسيطه وراح اشرحها بموضوع قريب ان شاء الله
بس انتبهي تسوين UP DATE للDSI لانج لو سويتيه ماراح تقدرين تشغلين الالعاب اللي تحملينها عن طريق النت
المشكلة الوحيده في الDSI ان مافيها فتحه لالعاب الGBA واللي العابها ممله بالنسبة لي يعني من وجهة نظري مافي داعي لفتحة GBA لانج ماراح تلعبينها
على فكرة اختي ترا كرت R4I يشغل الالعاب على الDS+DSL+DSI
اما كرت الR4 مايشغل الالعاب الا على الDS+DSL
ونصيييييحه اخذي ال DSI
مع العلم ان الاسعار على كالاتي :-
DS :مايبيعونه خلاص تكنسل لانه قديم
DSL :500 QR
DSI :850 QR
R4I: 150-200
R4: ماعندي فكرة عن سعرة
واسف على الاطاله واتمنى اني افدتج واي سوال انا حاضر وفي الخدمه
وترا اذا ماتعرفين وين افضل المحلات واللي يتوفر فيها كل شي باسعار طبيعيه مثل الناس فقوليلي وانا حاضر
بس نصيحه ابعدي عن عالم العجائب لانه لازم يفرق عن المحلات ب100 ريال او 200 بكل شي
واي شي انا حاضر وفي الخدمه
مشكور اخوي على الرد:) وعندي بعد استفسار بالنسبة للاضاءة حق DSI شلون يعني اقدر اشغله في الظلام او لا وشنو قصدك بالعاب الجي بي ايه قصدك العاب الكيم بوي
هلا اختي
العفو وحاضرين اختي
بالنسبه للاضائة اكيد تقدرين تشغلين الdsi بالظلام وتقدرين بعد تلعبين فيها بالسياره مثلا او بالنهار بالحوش مثلا وماراح تنعكس اشعة الشمس عليها بنسبه كبيره يعني بتكون الرئية واضحه تماما لانها تستعمل شاشة lcd اما على حد علمي ان الdsl ماتستعمل شاشة lcd بس مني بمتاكد من ان الdsl مافيها شاشة lcd بس الاكيد ان الdsi تستعمل شاشة الlcd
بالنسبة لالعاب GBA فهي تعني الgame boy
واي استفسار اخر اختي انا حاضر
على فكرة اختي اذا في لعبة للقيم بوي تبين تلعبينها في بالج فياريت تذكرينها لان معضم العاب القيم بوي نزلت على الدي اس باجزاء احدث فممكن تكون موجوده
واذا مافي فحرام تشترين قيم بوي وتضيعين على نفسج متعة شاشة اللمس واللعب بالمايك مثل العاب ماريو بارتي
وحرام تشترين دي اس ال وتضيعين على نفسج متهعة اللعب عن طريق الكاميرا مثل لعبة واريو
يمكن حاطه قي بالي سوبر ماريو وسونيك وانا احب العاب المغامرات الي تكون نفس سونيك وكراش وسباق السيارات بس
اختي اذا حاطه في بالج هالالعاب فراح تلقينها وتلقين اللي احلى منها على الds
شخصيا انصحج بالdsi واي مساعده انا حاضر خيتوو
مشكور اخوي ادري تعبتك معاي وان شاء الله في ميزان حسناتك وان شاء الله باخذ لي لفه على المحلات علشان اجرب الالعاب واذا عندي اي استفسار راح ارجع لك ان شاء الله والله يعطيك العافية:)
حاضرين اختي
بس ليش بتجربين الالعاب .؟.؟
انتي ماتبين تحملين الالعاب من النت ببلاش ؟
بدال ماتشترين الاشرطه اللي اسعار الشريط الواحد بين ال150 الى200 ريال يعني تخيلي 4اشرطة بقيمة دي اس اي جديده و3 بقيمة دي اس ال يعني حرام الصراحه
انا انصحج تشترين قطعة ار 4 اي وتحملين من النت انا سرعة النت عندي 4 وماياخذ التحميل وياي اكثر من ربع ساعه باسوء حالاته ومرات يخلص ب5 دقايق بس
يعني موب متعب خير شر انصحج بالقطعه وفي النهاية الموضوع راجع لج
بس اي شي تبينه انا حاضر اختي ومثل ما قلتلج ابعدي عن عالم العجائب وترا عندج برشيان قيمز يمكن يكون الافضل بس لا ينصب الايراني عليج نصيحه وترا عنده الكرت اللي هو ار 4 اي ومكان المحل شارع النصر
واي شي انا حاضر
هلا اخوي SACKBOY بسالك الدي اس في له قطعه ذاكره حق تحميل الالعاب؟
وشنو الفرق بين العاب المغامرات وسباق السيارات بين الدي اس والدي اس لايت والدي اس اي؟؟ لانك نصحتني بالدي اس لهل الالعاب ؟؟ وشكراَ :)
اي تذكرت بعد عندي سؤال ثاني بس اعذرني محد في البيت يهتم بهالسوالف >_<
سمعت بعد عن النتيندو وي اشلون ذي بعد؟؟؟؟
ههههههه لا عادي اختي حاضرين ضحكتيني وذكرتيني بحالتي ان محد يهتم بهالسوالف بعد عندي فالبيت خخخ
الننتندو وي او ال WII هذي قمة المتعه وهي جهاز منزلي العابه مثل العاب الدي اس بس طبعا متطوره اكثر وفي العاب اكثر واحلى بعد
وبعدين نظام تحكمه استشعاري يعني اذا تلعبين لازم تحركين كل جسمج
اسمعي انا الحين طالع مستعجل بس اطرحي كل اسئلتج عن الوي وابشري انا حاضر اختي
اقتباس:
DSI :850 QR
اوف غالي .. انا شاريه قبل شهر بـ 750 ريال هنا بالسعوديه :)
اقتباس:
المشاركة الأصلية كتبت بواسطة ريهام2009
سوري اختي مانتبهت على هالسوال الا تو ..
اي اختي له قطعة ذاكره اللي تكلمت عنها باحد ردودي
قطعة الدي اس اسمها R4 وهي تشغل العاب DSL بس وقيمتها 100 ريال
اما القطعه الثانية واللي اسمها R4I تشغل العاب الٍDSI+DSL وقيمتها 150 ريال وهي الاحدث والافضل ,, وفي بعد قطعة ثانيه كلش اسمها TT بس ماعتقد تشغل الالعاب على DSI واصلا احتمال كبير ماتلقينها بقطر انا دورتها بمحلات وايد ولا لقيتها :boggled:
اختي الDS انقرض من الاسواق لان الشركه وقفت انتاجيته من سنين اما DSL & DSI موجودين بالسوق
بالنسبه للفرق بين العابهم فمافي فرق ابدا بالالعاب فهي نفس الالعاب بالظبط باستثناء الالعاب اللي تدعم الكاميرا في تشتغل على ال DSI لان فيها كاميرا اما الDSL ما تشتغل عليها العاب الكاميرا لان مافيها كاميرا طبعا
وبحظلج الحين شرح لقطعة R4 وR4I عشان تتوضح عندج الصوره
طبعا القطعتين لهم نفس العمل بالظبط بس الفرق ان ال ار 4 حق الدي اس ال اما ال ار 4 اي حق الدي اس اي وهذي صوره لل ار 4 وللاسف مالقيت صوره لل ار 4 اي بس على العموم هي نفس الشكل بالظبط اللهم في حرف i صغير جنب رقم 4
http://www.colourful-zone.com/Store/images/NDS_R45.jpg
وهذي القطعه بالكرتونه ويجي معاها وصله مثل اليو اس بي عشان تدخلين فيها الميموري الصغير مثل اللي يجي بالنوكيا والبلاك بيري وتحملين من خلالها الالعاب من النت
http://www.gamekool.com/images/r4ds.jpg
وهذي صوره للميموري الصغير اللي اقصده
http://www.konovo.com/flash%20memory...%20ADAPTER.jpg
ونصيحه لا تاخذين الا هالنوع MicroSD لانه الافضل ومايقطع
ولما يكون عندج كل هذا تحملين اللعبه على الميموري من النت وتحطينها بال ار 4 اي وتشغلينها على جهازج
بس قبل هذا كله لازم تحملين اخر اب ديت من الموقع الرسمي للقطعه وترا السالفه هينه ومافيها اي صعوبه بس كل اللي عليج تتبعيني خطوه بخطوه
واي سوال انا حاضر
اقتباس:
المشاركة الأصلية كتبت بواسطة Nintendo RevO
يابن الحلال احنا كل مكان عندنا نصب واحتيال تخيل الدي اس ال تنباع ببعض المحلات ب590 ومحلات ثانيه ب500
دخلت امس على محل ابي اشتري حق بنت اخوي دي اس ال قالي ب580 مع العلم المحل اللي جنبه على طول قايلي ب500 بس ماكان عنده الوان بناتيه فقلتله خلاص باخذ من المحل الثاني جلس يترجاني اخذ من عنده وفوق هذا مارضى ينزلي الا 30 ريال وانا ضربت النحاسه عندي وقلتله ب500 والا ماشتري اخر شي باعني اياها ب500 ريال
يعني نصب عيني عينك
الله يكون فالعون ولا فوق هذا كله جلست ساعه ادور قطعة TT ولا لقيتها اخر شي قالو التي تي ماتنباع بقطر وال ار 4 اي نادره بقطر :boggled:
يعني ارتفاع اسعار وغلا فالبضاعه :02:
لووووووول <<<< يا حبيبي ما عندنا حماية مستهلك P:
بس الحمد لله نقدر نطلب من النت (:
اقتباس:
ومكان المحل شارع النصر
<<< يوووووه ذكرتني بحي السّلطه والله من زماااان عنه ):
اوووه نسيت اقول لك ان الـ TTi موجود عندنا بالخبر اذا تبي اطرش لك ؟؟ غريبه مو موجود عندكم بقطر !!