خلفيات من تصميمي

احم احم

شباب شابات شنو رايكم تساعدوني بالصور الي لها الوان حلوة والطبيعة وهالسوالف وانا ادخل عليها بعض التأثيرات وبعد اول رد منكم بحط خلفيه من تصميميم والصورة من اورانج رود اوكي

أنا ببدأ

2-

3-

4-

5-

6- والأخيرة

روووووووك ستوووووب ترى الشباب فاهمين صدي وانت لا الخلفيه عمرها ما كنات من هالصور ابد ابد ابد
بليييييز ستووووووووووووب ولا تحط وقف شوي

هذي الصورة وايد تعجبني...
شرايك فيها اخ حسين.. ؟؟؟ :)

احم احم

اي نعم هذي الصور :)
المهم شوفيها بعد 10 ثواني من التأثيرات البسيطه والمحاولة :) واوعدكم بأولن اكثر سحرا المرة القادمة :)

ما شاء الله عليك يا أخ حسين ‍‍‍ ...

10 ثواني وخليتها بهذي الروعة‍‍ !!
عندك أسلوب يعجبني في معالجة الصور:)

والله حلوة الصورة يا اخ حسين.. وبعد 10 ثوان... :واو:

لا عيل.. يعني لو نطرنا 10 دقايق مثلا شنو بيطلع؟؟؟

عجييييييييييييييييب حسين حلوه .....صج غيرتها......

:واو: :) :D والله انك ياحسين-911معجزه ..............مشاء الله

حسين اسمح لي اقولك هالكلمة

لازم تركز شغلك يعني لازم تجيد العمل او تخليه

صراحه انا متضايق لانه مستواك صاير يتراجع عن قبل ركز معاي شوي

وراح تفهم قصدي انت صاير تسوي اي شي وبسرعه ؟؟؟؟؟

ليش؟

:غضب: :": ?:

في موقع وااااااااااايد حلو مال خلفيات وصور
في رأيي أنه أحسن موقع خلفيات في العالم، أحلى موقع شفته في حياتي
عاد قعدت اليوم أحوس فيه لين وصلت لهاصفحه وفيها تقريبا 35 خلفيه طبيعيه عمري ماشفت أحلى منها
ماعرفت شنو أعرض لكم بالضبط من الخلفيات فقلت باحط لكم الصفحه وانتوا اختاروا اللي تبونه
http://www.community.webshots.com/al...6170gTdWYQwsEu
شرايكم؟

احم احم

صحيح اخوي كونان مستواي متراجع في هذه الايام لظروف امر فيها وطبعا انا فاهمك عدل وانا خايف من جم شغله انه انا قدمت مستوى رائع لكن شنو راح اسوي بدها لاني ما اقدر انزل وانا في نزووول ولهذا اطلب منك
رحمتي قليلا وبالنسبة للخلفيات فأنا حاضر بسوي وبسوي وبسوي لين تشبعون والي عجبتهم التصاميم والخلفيات كيفهم :)

احم احم

كونان بالنسبة لكلامك قلبته عدل هالمره واقوولك شغله انه شغلي صاير سريع وبالنسبه لهذه التصاميم فهي خلفيات لا تخاف مستواي بيصير اقوى وهي لي كتدريب لتعلم اشياء لم اتعلمها من قبل واخوي كونا بالنسبة لمستواك ارنا شيئا مما تملك :)

وهذي خلفيه ثانيه سويتها :) لكم ويمكن اقولكم اني راح اوقف واصمم واذا تبون خلفيه قولو لي هالتصميم نبي خلفيته :)

الثانيه احلى بواجد


وبعدين ليش تستعجل لا تستعجل انا مرات اخذ بالتصميم يوم او يومين بعد احفظه وبعدين ارد اكمل ما اشتغل على السريع احنا نصمم لنتقن فقط لا غير

اما عن شغلي فانا ما عمري جربت الون طبيعه انا اخلط الوان ايه ومن زمان من ايام المتوسطه وانا اخلط الوان مع بعض بس اني ااغير بالوان خلفيه طبيعيه ماجربت بجرب وبعطيك

اما انا الحين فانا بحالة صعبه جدا جدا اصعب شي يمر فيه المصمم قاعد احاول اطوع الفلاتر بس مو قادر


بعدين اكمل لك لانه المسأله ان بديت فيها ما تنتهي ":"

احم امح
راح اكمل المسيره بس اذا لقيت تشجيع

التشجيع موجود لا تخاف ترى موضوعك وايد حلو لكن لأن للحين ماشفنا خلفيات وايد ماعلقنا عليه
أنا حطيت عنوان موقع في ردي ومادري عجبتك الخلفيات ولا لأ ؟ ?:
ومن ناحية الصوره الاخيره... أنا انهبلت لما شفتها... انصعقت من جمالها... وأأف ألبي من حلاوتها
ماشالله عليك تفننت وتلاعبت في الالوان بحيث طلعت لوحه تتضمن كل الالوان ودمجتها مع الطبيعه
انت فنان والفنانين قليلو

احم احم

اخوي او اختي رانما امانه قول / قولي لي شنو :)

اوكي بالنسبة للموقع انا احب هالموقاع ويا ريت لو تختاري جم صوره حولة وتحطينها هني علشان اطبق عليهم :)

أوكي أخ حسين
ترى رانما ( أنا في الاصل ذكر ) لكن تدري لما يصبون علي ماي بادر أقلب بنيه
لاكن أنا صبي
the main point
الصور الصراحه رهييييبه اللي في الصفحه حتى ماينفع معاه أي تعديل والوانها حلوه already
شوف أنا اخترت هالخلفيه لأنها وايد عجبتني وأحس أنها مع لمساتك السحريه راح تسحر عيون الاعضاء
خذ راحتك وانت تعدل فيه

بحاول في هذي :)

واحنا ننطر :)

أحم احم

الاخيره ما دخلت مخي لانها اهي بروحها بايخه

شكرا

حلوة يارانما الصورة الي عرضتها شكلك مثلي تحب المناظر الطبيعية ;)
عندي ملف خاص للصور الطبيعيه كل ماضاق خلقي فتحتها واقعد اطالعها واحد واحد , احس اني مرتاح بعدها :) غير كذا هذا يساعدني اجمع افكار اكثر , طبعا الصورة الي حطيتها انظمت للمجموعه اكيد :) شكرا لك

اخ حسين غييرت من الصورة اشوي يمكن تعجبك :": كنت ابغى اخليها كلاسيكيه اشوي ":"
( ممكن تراجع صندوق رسائلك الخاص لو سمحت :) )

تحياتي القلبية ...
جيجا بايت

رانما انا اسف ولكن خلاص خلاص ....

بالنسبه لل الخلفيه فأبي ابدع فيها انطر علي اليوم بالليل احطها بس كنت على مزاج مو عدل وقلت الكلمه واشكر من نبهني لاني كتبتها بدون وعي واسف لأخوي روك بالاسلوب الغير لائقق الي قلته له ستووووب فيه فأعتقد اني جد اسف ورانما انا صج ببدع باللي قلتلي عليه واوعدك راح تسحر بها نفسك واسف اسف اسف اسف اسف اسف اسف اسف اسف اسف اسف اسف اسف اسف اسف اسف اسف والله اسف ما كان قصدي بس كنت تعبان وتعرفون البقيه وراح ابدع فيها :)

وانا اسف للكل والله اسف

اخ حسين احنا في الانتظار ... :)
واعتقد كلمه من رانما تنهي الموضوع ولا لا يارانما :cool:


تحياتي القلبيه ...
جيجا بايت

أنا ماكنت أقصد شي لما قلت شكرا
كنت أقصد شكرا أنك تعبت نفسك معانا وعلى الاقل فكرت في الرسمه شوي
ومايحتاج تتأسف ترى أنا مو من النوع اللي يزعل بسرعه
مب مشكله مب لازم تشتغل عليها
أنا أصلا أمس اكتشفت أن عندي خلفيه أحلى بواااااااايد من اللي عرضتها واللي عرضتها من قبل مافيها حركه وايد
بس قلت أنا ماراح أعرض خلفيه زياده لأني مابي أثقل عليك... قلت باشوف شراح تسوي في الرسمه وبعدين أعرض خلفيه غير
ومره ثانيه مافي داعي تتأسف ولا... الموضوع موضوعك والناس أذواق واللي يعجبك خير وبركه
أنا ألحين مشغول ويمكن مارح أقدر أعرض خلفيه جديده
لكن أضمن لك أن الصوره الجديده راح تستانس عليها عالاخر

sorry ماعلقت على كلامك
أنا أكيد أحب المناظر الطبيعيه لكن ماحط كلف خاص لهم... بس لما أتملل أقعد أتأمل في بعض الصور اللي على النت
والتأثير اللي حطيته حلو ماعليه كلام
طالعه الصوره كأنها لوحه قديمه مرسومه رسم

رانما لا انا الي مقصر انا قلت انا ابي اصمم لكم مو لي انا :)

وهذا التصميم اتمنى يعجبك بدون مجاملات حتى لو مهما كان الواحد تحز بخاطرة :)

وهي من الخلفيه ويااا ريت تقول رايك بكل صراحه وشغلي عليها على السرعه واتمنى اني ما اكون زعلتك زياده لانه التصميم مو قد المفام ويا ريت انك تزور الموضوع بشكل دائم وترد لاني ابي افيدكم :)

انا عن نفسي عجبني أحب الألوان ...:)

يا أخ حسين ماعليك ومايحتاج تتأسف أكثر
إذا انت مشغول ولا مزاجك مب رايق للفن ترى احنا مقدرين وعادي يارجال
الرسمه حلوه وتبي الصراحه... عجبتني
نفس الرسمه الثانيه اللي انت عرضتها اللي مليانه ألوان لما مزجت الالوان عدل
حلو التأثير اللي على الرسمه اللي مخليها مب واضحه وتدرج الاوان مافي أحلى منه
الازرق للنهر والالوان الاصفر والوردي والتدرج للشجر والجبل
أنا المشكله ان الكمبيوتر اللي أشتغل عليه مافيه فوتو شوب ولا أنا أحب أتلاعب بالالوان وأغير الوان الرسمه على اللي يعجبني
هالرسمه حفتظتها أكيد وضغطتها وحطيت عليها باس وورد عشان محد يشوفها غيري أنا وبس
أنا عندي رسمه ثانيه لكن مب ألحين...
لأن المفروض أن في أعضاء ثانيين المفروض يشاركون بعد

اي صح ....

يعني لازم الكل يشارك بالصور......
الكل الكل ....
يلا ....

خل نشوف

وااااااااااااو
الالوان روعة والتصميم كله عجيب... حركة اموت عليها:)
ممتاز يا حسين:)

بس ليش ماتحط خلفيات ملونة مثل هذي بس بدون كتابة عشان اذا بغاها احد خلفية يستعملها بدون صعوبات:)

صج اخ حسين..
يعني تصاميمك حلوة وايد...

لو تعرضها بدون كلام احلى.. علشان نقدر نستخدمها...

في شي ثاني.. يا ريت تنوع.. يعني مرة تحط الوان فاقعة.. ومرة بنية كأنها صورة قديمة.. ومرة ابيض واسود..
يعني...

وهاي صورة.. انشاءالله تعجبك وتلهمك :)

حاااضر بحط الوان فاقعه

وبالنسبة لك يا شاهين فالخلفيات المعتبره ما تطلع الا مع التصاميم :)

سلام اعذروني هاليومين لاني شوي مشغول :)