للي مغتـر بــ Aion يتفضل ..

السلام عليكم ورحمة الله وبركاته ..

عيدكم مبارك وكل عام وانتوا بخير ,,





طبعاً قريتوا العنوان .. انا واحد من الي كانو مغترين باللعبة وسويتلها PreOrder وكنت متحمس الف الف علشان العبها .. جيت بسوي لها دونلود .. تفاجأت بـ Error مني مناك حصلت حل لها وبديت اسويلها دونلود .. بعد فترة من الداونلود الا Error ثاني .. مني مناك ولت ادور حل لين ما انزلت بعد معاناة كبيرة وبعد ماطرشت اكثر من 3 رسايل للدعم الفني منها استفسر ومنها اذم فيهم واقولهم عن المشاكل الي ماتوقف .. وتتوقعون متى ردوا علي ؟ بعد اسبوعين .. خوش دعم فني .. المهم لعبت البيتا وعجبتني اللعبة وعجبني الجرافيكس وكل شي تمام التمام .. لين وصل اليوم الي يكون فيه اخر يوم في البيتا .. جيت من كم يوم وسمعت ان في باتش حجمه 3 جيجا .. قلت بل ردينا .. يعني حجم اللعبة كامله 9 جيجا .. قلت ماعليه فدوة للـ 320 ريال الي دفعتها للعبة .. جيت بحاول انزل ولا Error ثاني .. قلت وليييه ردت حليمه على عادتها القديمة .. حاولت مني ومناك واشتغل الداونلود والا نفس الشي الي صارلي .. Error ثاني .. اهني قلت بصراحة هذي مو حالة كلمت واحد من اصحابي وقالي اني اقدر انزل الباتش عن طريق التورنت .. فرحت ورحت نزلته وكان الدوانلود سررررررررررررريع .. اكتمل الداونلود وفرحت جيت بشغله واطق دبل كلك على الـ Setup جان يقولي Error قلت تدري شلون .. لا بارك الله في اليوم الي فكرت اشتري فيه Aion ..

اللعبة من اولها لي آخرها كلها Errors ولا جيت بتطرشلهم رسالة مايردون عليك الا بعد فترة ..

قلت ماالي الا ارجع لـ WoW والمثل يقول قديمك نديمك ,, ومايصح الا الصحيح ..

هذي قصتي يا جماعة حبيت اشاركم شصارلي ولا تلوموني احترق قلبي والله .. وكبرت 20 سنة من هاللعبة هههههههه

قلت ابي ارجع واو .. عندي لفل 80 DK قلت ابي Guild من الجلدات الموجودين في المنتدى يساعدني ويعلمني على الريد والهيروكس ويكون فيه عيال حلال يستحملون المبتدئين شوي :)


يعطيكم العافية .. والسموحة على القصور

خخ قصتك قصه وانا اخوك :p .. بس حيااك الله في قلدنا flawless-victory في Sotrmscale

هو طبعا Pvp guild بس في نااس كثير خبرة بال Pvp/pve حياك الله ;) وان شاء الله نقدر نساعدعك ,, وعلى فكرة ال Guild horde واكثرهم عرب ..
:biggthump

اقتباس:

---

المشاركة الأصلية كتبت بواسطة mage4ever

خخ قصتك قصه وانا اخوك :p .. بس حيااك الله في قلدنا flawless-victory في Sotrmscale

هو طبعا Pvp guild بس في نااس كثير خبرة بال Pvp/pve حياك الله ;) وان شاء الله نقدر نساعدعك ,, وعلى فكرة ال Guild horde واكثرهم عرب ..
:biggthump

---

ماتقصر اخوي والله رايتك بيضة .. بس هذي المشكلة اكثر العرب ينخاف منهم هههههه الا اذا كنت واثق منهم خخ

أنا ما صادفت ولا ايرور أو أي مشكلة في اللعبة والحمدلله ونفس الشي لل30 شخص اللي معي من الجيلد محد صادف أي مشكلة!

اقتباس:

---

المشاركة الأصلية كتبت بواسطة سيفيروث

أنا ما صادفت ولا ايرور أو أي مشكلة في اللعبة والحمدلله ونفس الشي لل30 شخص اللي معي من الجيلد محد صادف أي مشكلة!

---

هذي المشكلة .. ان في ناس ماصادهم شي وفي ناس لاعت جبدهم من الـ Errors وانا اكثر الي اعرفهم اتصيدهم المشاكل في كل مرة ..

huh
Wooden PC maybe ?

ولا ردوا عليك بعد اسبوعين!! احمد ربك
بليزارد اذا ردو بعد شهر تسجد سجود شكر!

انا صارلي Errors على اللعبه عن طريق ال client يعلق على connecting وبعدين يشتغل 5 ثواني
ويرجع reconnecting

اقتباس:

---

بليزارد اذا ردو بعد شهر تسجد سجود شكر!

---

كثر منها شهر.. -.-

كم مره اقولها لكم ؟؟؟

لعبه كوريه او صينيه ابعد عنها وريح بالك ..

انا مماني مصدق لعبه وهي بالبيتا طلع لها بوت !!!

بالعقل مين العبقري اللي امديه يطله بوت لها بهالسرعه !!!

هههههههه اما بوت بالبيتا وش ذا هههههههه

المهم ماعلينا انا نفس حكايتك من ارور إلى ارور لين طفشتك وما ان حلت مشكلتي إلا بعد ماوقفوا البتا شفت الحظ

بس جربتها على جهاز اخوي وكان ويندوز اكس بي واشتغلت عنده بس ماقدرت استمتع بالجرافكس لان كرت الشاشه عندك اخوي مااااش

المهم ان نفسي عافت من اللعبه

على العموم انا ماني من منتقدين اللعبه وراح اجربها بشكل اوسع بس الوقت الحالي وقتي مايسمح


وبالتوفيق للجميع

اللعبه لها سنه موجوده باسيا.. بس اللهم الحين بيتا للنسخ الاوروبيه والامريكيه!! يعني اللعبه لها فتره وهي بالسوق!!

بعدين صاحب الموضوع عشان طلع معاه كم ايرور.. حكم على اللعبه؟ واو انواع المشاكل فيها اول مانزلت!! يعني وسع صدرك


400 الف pre-order بامريكا!! رقم كبير جداً! مو معقوله 400 الف واحد غلطان!!

اقتباس:

---

المشاركة الأصلية كتبت بواسطة دكتور / مجنون

اللعبه لها سنه موجوده باسيا.. بس اللهم الحين بيتا للنسخ الاوروبيه والامريكيه!! يعني اللعبه لها فتره وهي بالسوق!!

بعدين صاحب الموضوع عشان طلع معاه كم ايرور.. حكم على اللعبه؟ واو انواع المشاكل فيها اول مانزلت!! يعني وسع صدرك


400 الف pre-order بامريكا!! رقم كبير جداً! مو معقوله 400 الف واحد غلطان!!

---

ومن قالك اني حكمت على اللعبة؟ ارجع للموضوع وشوف اني كتبت ان الجرافيكس عجبني وكل شي كان تمام التمام .. ومشكلتي مو باللعب .. مشكلتي بالـ Errors تبع اللعبة وصدقني ابحث في الأنترنت وشوف شكثر ناس يشتكون ..

اقتباس:

---

المشاركة الأصلية كتبت بواسطة shrreer

huh
Wooden PC maybe ?

ولا ردوا عليك بعد اسبوعين!! احمد ربك
بليزارد اذا ردو بعد شهر تسجد سجود شكر!

---

الـ PC شال الي احسن من Aion .. مساحة الهارديسك 750GB غير جذي الـ جرافيكس كارد ادائها ممتاز وكل شي تمام التمام ..


وبالنسبة لبليزارد ياما راسلتهم وكان ردهم سريع ومفيد .. وبسك شوي.. بعد شهر قال

اقتباس:

---

المشاركة الأصلية كتبت بواسطة SoulReaper

انا صارلي Errors على اللعبه عن طريق ال client يعلق على connecting وبعدين يشتغل 5 ثواني
ويرجع reconnecting

---

بالضبط هذا الي صارلي في البداية .. في ناس يقولون من سرعة النت .. طبعاً سرعة النت عندي 4mb وماعتقد السرعة سهلة للنوع هذا من الباتشات ..

اللعبة من اولها لي آخرها كلها Errors حتى لين بسوي Repair قسم بالله يطلعلي Error .. اتقول هنود بقالة مصممينها مو محترفين ..

اقتباس:

---

المشاركة الأصلية كتبت بواسطة kunu

كم مره اقولها لكم ؟؟؟

لعبه كوريه او صينيه ابعد عنها وريح بالك ..

انا مماني مصدق لعبه وهي بالبيتا طلع لها بوت !!!

بالعقل مين العبقري اللي امديه يطله بوت لها بهالسرعه !!!

---

بالضبط هذا الي ابي اوصله .. يقولك واو كان فيها Errors اكثر من ايون .. لكن في فرق لمن لعبة تطلع في 2004 ومافي العاب كثيرة حوليها وفي فرق بين لعبة تطلع في نهاية 2009 والعاب القرن كلها طالعة من قبلها ..

اقتباس:

---

المشاركة الأصلية كتبت بواسطة لوعةالفرقا

هههههههه اما بوت بالبيتا وش ذا هههههههه

المهم ماعلينا انا نفس حكايتك من ارور إلى ارور لين طفشتك وما ان حلت مشكلتي إلا بعد ماوقفوا البتا شفت الحظ

بس جربتها على جهاز اخوي وكان ويندوز اكس بي واشتغلت عنده بس ماقدرت استمتع بالجرافكس لان كرت الشاشه عندك اخوي مااااش

المهم ان نفسي عافت من اللعبه

على العموم انا ماني من منتقدين اللعبه وراح اجربها بشكل اوسع بس الوقت الحالي وقتي مايسمح


وبالتوفيق للجميع

---

كل الناس تواجه نفس المشاكل .. وفوق هذا يطلعلك واحد ويقولك اعرف 600 واحد ماصاده Error ههههه ,, الله يعين بس

انا نفس المشكله والحل انك تحذف كل شئ وتنزل اللعبه كامله من جديد من الاستيم تراها الحين تنزل بالكامل مع الباتشات كلها بدون مشاكل

انا فكرتك لعبتها وحكمت عليها من اللعب اثريك مشاكل تحميل فقط

واو على وقتها مثل ايون الحين على وقتها وكانت واو مشاكل عدد شعر راسك سواء في التحميل او اللانشر وغيره

عموما مشكلة التحميل والايرور تراه من الجيم جارد واللي ايون ما سوته انما بالتعاون مع شركة امن معلومات بس للمشاكل اللي سواها اخر باتش يحذف الجيم جارد وبحذفه تنتهي المشاكل كلها ان شاء الله
بعدين لا تنسى انه حاليا ضغط بسبب الافتتاح :)

وكل عام وانت بخير

اقتباس:

---

المشاركة الأصلية كتبت بواسطة Warchif

انا نفس المشكله والحل انك تحذف كل شئ وتنزل اللعبه كامله من جديد من الاستيم تراها الحين تنزل بالكامل مع الباتشات كلها بدون مشاكل

انا فكرتك لعبتها وحكمت عليها من اللعب اثريك مشاكل تحميل فقط

واو على وقتها مثل ايون الحين على وقتها وكانت واو مشاكل عدد شعر راسك سواء في التحميل او اللانشر وغيره

عموما مشكلة التحميل والايرور تراه من الجيم جارد واللي ايون ما سوته انما بالتعاون مع شركة امن معلومات بس للمشاكل اللي سواها اخر باتش يحذف الجيم جارد وبحذفه تنتهي المشاكل كلها ان شاء الله
بعدين لا تنسى انه حاليا ضغط بسبب الافتتاح :)

وكل عام وانت بخير

---

وانت بخير وصحة وسلامة .. بس فكرة اني امسحها وأرد انزلها من جديد اعتقد شبه مستحيلة .. لأني ادري راح اواجه مشاكل مرة ثانية مع التحميل وفوق هذا اللعبة صار حجمها مع كل الباتشات 12 جيجا .. ولا تنسى احنا بالبحرين عندنا شي اسمه Limit وينحسب علينا ..


مشكور وماتقصر

الى الأخ mage4ever

ياليت اخوي اتضيفني على الأيميل jirnas@gmail.com

لأني نويت افتح الأكونت وقلت ابيك ابجم شغله .. ماتقصر وياريت اترد في اسرع وقت