اقتباس:
الزواج الشرعي الناجح ليس بإقامة العلاقات الغرامية التي حرمها الدين الحنيف من أجل التخطيط للزواج ومعرفة عيوب الآخر وأخلاقه واختباره قبل الزواج ,,
اشوف زواجات اصدقائي مره ناجحين ما شاء الله , واحد منهم بعد سنه شعره طلع فيه شيب من المشاكل الي حصلت حتى انه تزوج ببنت كان يحسبها اقل من عمره بسنه او سنتين وهو عمره 26 و طلع عمرها 31 سنه !! واهلها لعبو عليه و ابوها المشكله انه امام مسجد ولما تزوجت الكبيره الي عمرها 31 بعد ثلاث شهور اخوها و اختها الأصغر تزوجو لأن الكبيره خلاص تزوجت و الباب مفتوح قدامهم ولا يمديه يطلق لأن المجتمع و التقاليد و النظام و الناس فارض عليه كذا ما يقدر يحس بشخصيته وان له مكانه و حق له و يمشي على رغبة غيره عشان ما احد يتكلم فيه , و الثاني كان جسمه مره زين و مهتم بصحته و حتى له دور با النسبه لي خلاني اعرف المفيد و الضار و كنت اشوفه قدوه وهو اكبر مني و تزوج وحده يتيمه على كلام الناس مالها الا امها و ملابسها تاصل لحد يدها من الدين و طباخه و مره ما فيه احد احلى منها ولا كأنها نازله من السماء له و كل هذا با النسبه لي اعتبره (( خداااع !! )) هم يبغو يمشو بنتهم عشان ما يفوتها قطار الزواج على حسابي انا ثم " إذا تزوجتها " اقدر اشوف هي تناسبني او لا و ابرمجها و اشوف ذوقها و تفكيرها ثم هي تتصنع حبها لي و كل واحد يجامل الثاني و علاقه بارده جدا راح تكون بينهم ثم يجي الولد عشان الناس لازم يعرفو ان عندك ولد عشان تكون بنظرهم انك قوي ما فيك عيب برجولتك على حساب حياتي الشخصيه و مشاعري , با النسبه للي كان مهتم لجسمه انصدمت لما شفته من شهر وزنه صاير 120 كيلو !!؟ و مهمل نفسه ولا له خلق لأي شي ولا يفكر بمستقبله صاير تفكيره خامل حتى انه نسى اسمي لما شفته :/ و ترك دراسته في الخارج و تراكمت عليه ديون من بعد الزواج ولا له خلق يكمل كله من عدم التوافق و مشاكل الأهل و المشي وراء اختيار الآخرين .. واشياء اكثر هذا غير عن حياتي الشخصيه و مشاكل الناس الي دايم نسمعها او في الأعلام ,, كل هذا يحسسني بحديث الرسول صلى الله عليه وسلم : ( الدنيا سجن المؤمن و جنة الكافر ) , اغلب المتدينين أيش يقولون عن هذا الحديث ؟ يصارخون با الميكروفونات بقوه حتى انك ما تسمع أيش يقولون و يقول انك عايش بعفه و الكافر كل انواع القذاره متواجده فيه و كل حياته راح تنتهي و راح يعذب , هم صادقين ما قلت شي لكن للحديث معنى ثاني اهم ! , انت لك حقوق " المفترض " تكون متواجده لك لكن الكافر يقدر يستخدمها لذا انت تعتبر بسجن وها الأشياء هاذي الي الناس يحسبونها انها شي قبيح و مشين راح تكون لك في الجنه ان شاء الله انا اقصد شي له علاقة بمشاعرك , الدنيا با الأصل لا بد من تواجد الخير و الشر فلو كانت كلها خير ما راح تستمر لأنها راح تكون جنه مو دنيا , لذا من كل ردي هذا و كل ها التقاليد و الحالات و الروتين و الأشياء الي اشوفها هي ترجع لشي واحد فقط انك راح تمر بها الأشياء رغم عنك عشان ....
" يختبر صبرك :) "
اخي الكريم لا تحسبني اني ضدك او ضد طريقة الزواج الشرعي .. لا والله .. ولا تحسبني بكلامي بما انك من الرياض نفس مدينتي اني اتمنى تواجد الأختلاط ابدا ! مو عشان الأختلاط نفسه لأني اشوف شباب سيئين جدا اتمنى زوالهم لا نظراتهم ولا تفكيرهم ولا اخلاقهم ولا اهتمامتهم حتى الأولاد ما تركوهم لحالهم فكيف البنات !؟ و ناس كثيره ما تصلح حياتهم يكون فيها اختلاط ابدا و عمرهم ما راح يهتمو لشي انساني او نظامي , انا اشوف هنا مسلمين لكن الأسلام بعيد عنهم ( مو الكل ) , لما تحسس الواحد بمكانته و تحسسه با الأمان و بطريقة تعاملك و اخلاقك فهنا انت تمثل الأسلام , اما انك تكون المجتمع مستصغرك وانت صغير ولما تكبر شوي يخلونك مراهق وهم ما يدرون انهم هم الي يصنعو المراهق با انفسهم با الأصل و لما تكبر شوي تطلع بنظرهم انك كبرت وانا هذا تكفيري اصلا ما تغير لكن مظهري الي تغير فهذا شي يقهرك التطور الي تبغاه راح يجي ببطء , ما راح اخليهم ياخذو مني شبابي و حياتي الشخصيه ايضا ابدا , ابغى اعوض الي نقصني ابغى اغير روتين الحياة و النظام في المستقبل لمحيطي الي انا عايش فيه على الأقل و يرضى ديني بأذن الله و اكون راضي على نفسي وانا اتحمل اخطائي ما اكون احد يوجهني ثم الومه بالي صار بحياتي و يصيبني اليأس ثم اتلقى نصائح با الصبر , المسأله مو مسأله زواج فقط بل اكبر من ذلك لو تتخيلها قليلا و اتمنى تكون فاهمني اكثر من الناس الي اهتمامها اكل و نوم و الحياة تمشي و هم ما يدرون عنها P: , انا ما اتكلم عن الدين انا اتكلم عن المجتمع اما الدين فهو عظيم حتى انه اهتم لو شخص طلق زوجته فلا يتكلم فيها عند الناس او يغتابها و يكون بينهم احسان و احترام لكل الطرفين رغم انهم انفصلو ! هذا الشي لوحده كافي با النسبه لي ,,
عموما اخوي ادري ازعجتك :D , بس يبدو اني وضعت حرتي في هذا الموضوع لذا اتأسف منك :09: , اما انت اخي الكريم ما يحتاج اتكلم عنك لأن ما وضعت لك الأوسمه من فراغ الا لأن يأتي منك خير يفيد الأعضاء في حياتهم الزوجيه الحاليه او المستقبليه , فـ الله يوفقك ان شاء الله و تحمل مروري =)
. . .
KasiH - ذهب أبيض - Look up
.: مشكورين على ردودكم , و يارب ان شاء الله ان الله يسعدكم في حياتكم و يهنيكم و يحققو مرادكم ^.^ :.
. . .
با التوفيق للجميع ^_^
