رد: أعاني من الم مفصل اليد
هلا فيك أخوي...
بالنسبة لألم المفاصل أنا كان عندي ألم في المفصل وكان نتيجة لما أتمرن ينكفس المفصل بالتالي يتركز الوزن والقوة على المفصل بعدين قللت الوزن وقمت استعمل دهان لمدة بعدين راح ورجعت على أوزاني وعدلت طريقتي في التمرين..
أخوي أشتري من الصيدلية دهان خاص للألام المفاصل واستعمله لمدة وشوف اذا نفع وراح الألم ممتاز..
لكن اذا ما نفع أنا رأيي تستشير طبيب متخصص أفضل...
تقبل تحياتي... اللورد الأحمر.
رد: أعاني من الم مفصل اليد
السلام اخي عزه النفس
اول- استعمل رباط للمنطقة التي تالمك عند القيام بتمارين و خفف الاوزان التي تشتغل عليها
تانيا -ادهب الى الصيدلية وخد مرهم للألام المفاصل و استعمله و حتشوف النتائج
تالتا-ادا لم تتحسن استشر دكتور متخصص و هو الدي سيعطيك نصائح لستخدامها
تقبل مروري أخي
والله يشفيك
رد: أعاني من الم مفصل اليد
أول شهر كنت نفس حالتك تأذيت خذيت ملتي فيتامين و خلال اسبوع لم اشعر بأي ألم
تقبل مروري ... :)
رد: أعاني من الم مفصل اليد
السلام عليكم ..
انا عانيت من من مفصل يدي اليسار لسنة كاملة تقريباً .. كل فترة يجي الالم ويختفي وكان يرهقني في كل التمارين بطريقة الانكلاين على البينش ! .. كنت احس بالالم طول اليوم لو اجهدت نفسي شوي ..
وفي البداية حاولت اخفف التمرين ومافي فايدة ، وحاولت المرهم والرباط مع التمرين .. وبعدها حاولت اقوي المعصم بالتركيز في تمارين خاصه بالمعصم بلا جدوى ..
في النهاية ذهبت لمستشفى اسبيتار المتخصص للاصابات الرياضية لدينا في قطر ودخلت على دكتور استرالي شاطر ماشاء الله عليه .. وعملت اشعه واكتشف وجود كلس متجمع بشكل بسيط جداً في المعصم .. وكتبلي حبوب لمدة اسبوعين كحل اولي قبل اللجوء للابره بدون فائدة ,, وبعدها ضربني ابره نسيت اسم المادة الي فيها وقالي لاتتمرن اسبوع .. ومن يومها مارجع الالم وهذا من بداية 2009 .
انصحك تشوف دكتور لان هالمنطقة حساسة وممكن تحرمك من التمرين لفترة طويلة لو صارلك شي لاسمح الله .
رد: أعاني من الم مفصل اليد
الاخوان ماقصرو بالإجابه الله يعطيهم الصحه والعافيه ..
وماتشوف شر اخوي عزّة النفس وماعليك ان شاء الله الامر هيـّـن بإذن الله
بس انت اهم شي لاتضغط على يدك بالتمرين قبل ماتعالج المشكله
وماقدامك الا العافيه ان شاء الله
رد: أعاني من الم مفصل اليد
أخوي في حبوب فيتامين اسمها بي كومبليكس تلاقيها في الصيدليات او في محلات ارمال وهي عباره عن مجموعة فيتامين بي ومنها 1 و6 و12 انصحك فيها استخدمها لفتره بانتظام مع مرهم الروفيناك او الفولتارين لين يروح الالم وانصحك دائما باستخدام الرباط الضاغط لمفصل اليد في التمرين وخفف اوزان مثل ماقالوا لك الاخوان وان شاء الله يروح الالم خصوصا انه في بدايته وانتبه ترا الاصابات في المفصل ممكن تسبب توقف عن ممارسة اللعبه لا قدر الله وشكرا
رد: أعاني من الم مفصل اليد
مثل ما قالو الشباب ولا تنسا
الكالسيوم ( الحليب به كمية عاليه من الكالسيوم ) هو الماده الاولية لتقوية العظام ( وبالتاكيد المفاصل )
الله يوفقك
رد: أعاني من الم مفصل اليد
حبيب قلبي انا كان فيني نفس المشكله واستخدمت دهان عند الصيدليه اسمه فولتارين ممتاز جدا جدا ونتائجه سريعه ..
رد: أعاني من الم مفصل اليد
الله يجزاكم اف خير كفيتو ووفيتو
ماقصرتو يالغايين
بتبع نصيحتكم كلكم وبأذن الله يروح اللألم
يعطيكم الف عافيه يالغايين
رد: أعاني من الم مفصل اليد
ماتشوف شر ياخوي الاخوان ماقصروووو معاك بالاجابه وانا ماقدر اضيف شي جديد عليهم بس اهم شي انك توقف التمارين لحين علاج الاصابه وراجع الدكتور المختص وسوي اشعه وان شاء الله خير
وبالتوفيق لك ولجميع الاخوان
رد: أعاني من الم مفصل اليد
اقتباس:
المشاركة الأصلية كتبت بواسطة ahmadani
ماتشوف شر ياخوي الاخوان ماقصروووو معاك بالاجابه وانا ماقدر اضيف شي جديد عليهم بس اهم شي انك توقف التمارين لحين علاج الاصابه وراجع الدكتور المختص وسوي اشعه وان شاء الله خير
وبالتوفيق لك ولجميع الاخوان
الشر مايجييك يالغالي
أنا عادي اقدر اتمرن بس المشكله هي الالم مستمر بس اقدر اتمرن فيها:biggthump
رد: أعاني من الم مفصل اليد
والله اخوي انا مثلك جاني الم في المفصل ولي يوم الحين
والسبب اني في احد التمارين وانا اتمرن اتلوى مفصل الكف ومن وقتها الالم جاني
والحين بستخدم دهان فلتارين انشالله واشوف النتايج
اذا فضل الالم اربعة ايام براجع الطبيب
وانا مثلك اقدر اشيل اوزان بس الالم على طول موجود ويضايق
وانتا خبرنا ايش بيصير معاك عشان نستفيد
رد: أعاني من الم مفصل اليد
ماتشوف شر اخوي وتمنياتنا لك بالشفاء العاجل
وهذي وصفه رائعه ومجربه :)
http://knol.google.com/k/-/-/15wwcbp...nimal-flex.jpg
Universal Animal Flex
المنتج : أنيمال فلكس
الشركة المنتجة : يونيفرسال
بلد الصنع : الولايات المتحدة الأمريكية
منتج صمم لكي يدعم صحة المفاصل وخصوصا عند رياضيين القوة البدنية مثل لاعبي كمال الأجسام ورفع الأثقال, يحتوي على مركبات صممت لكي تدعم صحة المفاصل والأربطة والأوتار, يعمل على تجديد غضاريف المفاصل, ويساعد على الليونة في حالات التهابات وروماتيزم المفاصل, و يخفف آلام المفاصل بشكل كبير.
رد: أعاني من الم مفصل اليد
ممتاز جدا بس ولو لازم تروح لطبيب مختص بالتوفبق ولا تشوف شر
رد: أعاني من الم مفصل اليد
الشر مايجييكم ياحبايبي
الله يعطيكم العافيه
انا الحين ادهنها والفها كل يوم واستخدمت حبوب فيتامين من الصيدليه واشتخدمت مسكن بالالم
وان شاء الله تطيب اتبعت نصايحكم
عاد اذا مافاد مالي الى الدكتور
يعطيكم الف عافيه
رد: أعاني من الم مفصل اليد
موفق يا غالي وتم غلق الموضوع بناء على طلب العضو
بالتوفيق
