جزء جديد من لعبة Spec-Ops تدور أحداثه في ...!!!

السلام عليكم ورحمة الله وبركاته

ظهر تريلر لجزء جديد من لعبة Spec-Ops
وستدور أحداث هذا الجزء في مدينة

دبي !! :wow:

صفحة التريلر

وسيتم الكشف عن معلومات جديدة حول اللعبة في معرض VGA الذي سيقام في الشهر القادم

أرائكم :33:

رأيي هو كارثة شوف العرض المطول في هذا الرابط و مدى وقاحتهم
http://www.1up.com/do/newsStory?cId=3177031
الي يصير في الفيديو تكرار للمهزلة الي في Modern Warfare الأولى بس بشكل آخر
و في مدينة دبي عموماً السؤال الحين إيش نسوي ؟

@_@ هذا اللي كان ناقص ...........

للاسف لو حد اشتكى بيقولك العاب ثانية مثل انفيموس وغيرها كانت تتكلم عن دمار في مدن غربية ومحد اعترض ليش انتو تعترضوا والاكيد اللعبة ستمنع هنا

بس ما اعرف هذي الشركة وش تفكر يعني خلصت المدن؟؟؟
بصراحة من زمان كان بودي بلعبة فيها دبي بس مش كذا !!

وعليكم السلام و رحمة الله و بركاتة

المسالة بسيطة اذاعة دبي فيها برنامج البث المباشر ( برنامج يبدا الساعة 7 صباحا بتوقيت الامارات يعمل كحلقة وصل بين المواطن و المقيم مع الناس و الحكومة)
و احد من الشباب اللي يعرف يتكلم من المنتدى يتصل و يتكلم عم اللعبة
اللعبة مطلعة الامارات على انها ما تقدر تدافع عن نفسها و اكيد بتطلع ان المسلمين هم الارهابين و امريكا ياية تنقذ الموقف

و طبعا لا ينسا اللي بيتصل يقول ان اللعبة كل اجزءها فاشلة فاذا دبي بيحطونها في لعبة فاشلة عيل اي امارة يحطونها في لعبة ناجحة

و ان شاء الله تتكنسل اللعبة

اقتباس:

---

للاسف لو حد اشتكى بيقولك العاب ثانية مثل انفيموس وغيرها كانت تتكلم عن دمار في مدن غربية ومحد اعترض ليش انتو تعترضوا والاكيد اللعبة ستمنع هنا

---

اغلب الالعاب اللي تتكلم عن تدمير المدن الغربية خيالية تعتمد على بطل خارق هذي لا

من صجكم انتوا !!!! الحين معصبين لانه العبة تدور احداثها في دبي ؟
دبي صارت من اهم المدن في العالم و الكل عينه عليها و اعتقد انه القصة مثيرة للاهتمام
انه مدينة دبي يصير فيها كل هذا

اقتباس:

---

الحين معصبين لانه العبة تدور احداثها في دبي ؟

---

هذا شيء عادي لكن الأحداث اللي فيها كيف راح تكون ؟؟
مع أنه كان من أحد أحلامي أشوف لعبة في مدينة عربية بكامل تفاصيلها ( كنت أحلم أشوف مدينة جدة في لعبة GTA )

الى فهمت لحد الأن عن العبة انها من تصميم Ken Lavigne مصمم لعبة BioShock
الى هو يهودي الديانة :أفكر: <<<< لله يستر . . . . وفي العبة مدينة دبي تم اخلائها بسبب وباء او بالأحرى قنبلة نووية او شيء من هالقبيل , يعني في ارهابيين :blackeye:

اقتباس:

---

يعني في ارهابيين

---

وكالعادة راح يكونوا عرب 90% + إذا مخرجها يهودي ما أستبعد أن فيه مدن عربية ثانية غير دبي

وطبعا لا تنسون ان المتسبب بالمشكلة يا تنظيم القاعدة او ايران و الجيش المريكي بينقذ الموقف

شدو الاحزمه شباب كي تلعب هذه اللعبه المثيره

وستيمتعوا بقتل الارهابيين

دام هم الي ماسكين التقنيه
وحنا فقط مستهلكين
خلاص ...
:banghead:

اذا مو عاجبك


أأمل من كل قلبي
انت تكون هناك شركه عربيه
تصمم العاب بلغتنا
وتنشر ثقافتنا وتاريخنا

شوفو الغلب الشباب يعرفون ثقافة اليابان
على ان تاريخنا اغنى بكثييير منهم

يوم ما
راح يتححق هالحلم ان شاء الله
:)

شباب بعد خلونا ننتظر و نشوف معلومات اكثر عن العبة يعني لانستعجل في الحكم
العرض كان تيزير فقط

ليلحين مااكدو انه جزء يديد من Spec-Ops .. في احتمال انه اللعبه new ip

يا اخواني ليه زعلانين
انا ابغى العبها اشوف ايش يقولوا عن دبي بس كمان هم اذا يتريقوا انه دبي ضعيفة خليهم يعرفوا انها بيجي في السنة اكثر من مليون اجنبي للامارات فمع نفسهم

شي حلو شالمشكله؟

وعليكم السلام ورحمة الله وبركاته

نشوف شو القصه ومن هم الأعداء وبعدين نحكم.

ولكن العرض جميل. اللقطة الأخيره في العرض المطول رائعه.

خلهم يحطوا اللي يبونه من دبي.. من برج دبي لبرج العرب..

بس اتمنى ما يحطون مساجد باللعبة!

غير كذا ولا بعور راسي اشتري اللعبة لانها مش من النوعية اللي تستهويني!

شوفو الاموات اللي معلقين على الليتات