الفرق بين التنشيف و التخسيس

بسم الله الرحمن الرحيم

السلام عليكم ورحمة الله وبركاته

مساء الخير على الجميع

مثل الكثير كنت من مدمنين المصارعه وطبعا حبي للمصارعه هو
السبب الرئيسي لحبي للعبة كمال الاجسام
انك تشوف جسم المحارب او هوقن في ذيك الفترة وقوتهم شي طبيعي
انك تتمنى تصير مثلهم
يوم جيت العب حديد في ذيك الفترة كان الحديد مثل الموضه
كان عمري صغير 17 سنه تقريبا
بديت العب انا وفي كثير لعبوا وعمرهم مثل عمري
هم في نادي وانا في نادي ثاني
وكلنا ماناخذ مكملات ولا نمشي على برنامج غذائي محدد
يوم التقيت معهم بعد فتره
هم اجسامهم صارت ضخمة اذا شفتهم تعرف انهم يلعبون حديد
لكن اجسامهم شكلها غريب عريضه زياده عن اللزوم
انا اذا لبست بدلة تعرف اني العب حديد او تتوقع
لكن جسمي موب منفوخ
تتوقعون وش السبب ...؟؟

...................

شخصين واحد طوله 170 ووزنه 70 لنفرض اسمه محمد
والثاني طوله 170 ووزنه 90 لنفرض اسمه خالد
الاثنين يحبون الحديد
ويبون يلعبون حديد بس المشكلة
مايعرفون البداية من وين
بدوا يقرون عن الحديد
وعرفوا ان في شي اسمه تضخيم وفي شي اسمه تنشيف
محمد قال انا ببدا تضخيم وانت تنشيف
سجلوا في نادي
المدرب قال لمحمد انت لازم تبدأ تضخيم تبني عضل وبعدين تنشف
لكن انت ياخالد ماتقدر تضخم لأن عندك زيادة 20 كيلو تقريبا
بعد التضخيم يمكن تزيد 10 كيلو فوق وزنك صح انك
بتحرق دهون لكن راح تتعب في التنشيف
والحل الامثل انك تدخل تخسيس
قاله طيب وش الفرق بين التخسيس والتنشيف
قال ياطويل العمر
التنشيف يكون لواحد عنده عضل بس مغطى بطبقه خفيفه
من الدهون
فهو اللي يسويه انه يدخل برنامج قاسي علشان يحرق الدهون
اللي مغطي العضله واذا حرق الدهون بانت العضله
لكن واحد مثلك عنده كمية دهون مهيب بسيطه
ولا عنده عضل لازم يدخل تخسيس اول
وينزل وزنه طبعا التخسيس
هو انك تلتزم بنظام غذائي وتتمرن بدون اوزان
اعتمادك بعد الله يكون على وزن جسمك
وبعد ماتشيل الدهون
تقدر تلعب حديد علشان تشد الترهلات
...........
لاحظت الكثير يلخبطون بين التنشيف والتخسيس
حبيت اني ابين الاختلاف بطريقه بسيطه
ان شاء الله انها تكون واضحه
واتمنى انكم تعذروني على قلة
وجودي والسبب الاختبارات
الله يوفقنا فيها

عليكم السلام ورحمة الله وبركاته

يمسيك بالنور والسرور

..

بارك الله فيك اخوي العقرب وفعلا البعض يخطئ بين الكلمتين

ومعذور وشد حيلك بدراستك والله يوفقك

ملاحظه بسيطه : لو حطيت قبل جملة التنشيف والتخسيس وقلت الفرق بين كذا وكذا افضل عشان العنوان لاغير

تم تعديل العنوان

العنوان هذا شغلكم وانتم ابخص به
المهم ان الهدف يوصل
انا معكم بجميع الحالات
في بداية الموضوع
ذكرت المحارب
المحارب قطع المصارعه لأكثر من 10 سنين
وقرر انه يلعب مباراة في 2008
ورجع يتمرن للمعلومية المحارب انولد في June 16, 1957
هذا مقطع له يوم كان يتمرن لاحظوا عضلاته
http://www.dailymotion.com/video/x5q...n-the-sh_sport

اقتباس:

---

المشاركة الأصلية كتبت بواسطة alakrab

العنوان هذا شغلكم وانتم ابخص به
المهم ان الهدف يوصل
انا معكم بجميع الحالات

---

اخوي العقرب ياليت تفهمني كلمة هذا شغلكم انتم ابخص به @@ استغرب هالرد منك والله العظيم اما انك مستعجل ولا انتبهت لردك !! او انك منت العقرب اللي نعرفه ؟

نحن ما نشتغل عند احد الله لا يهينك !! يعني لو تبيني ارد عليك واقولك شف شغلك مره ثانية ولا تكتب عناوين بهالطريقه ؟؟ يعجبك هالرد ؟

لالا والله عيب عليك هالاسلوب وانتظر رد منك للتوضيح لاني بعرف اللي اكلمه منو وليش هالطريقه بالكلام ؟

مشكلة اللي يفتح منتديين بمتصفح واحد
انتم هنا شغلكم رسمي والمنتدى الثاني ماخذين الموضوع سهاله
ولا فيه تدقيق
انا ماكان قصدي اهانه بالعكس الهدف من ردي انكم ادرى مني
لكن الله يصلحك اخذت الموضوع بعصبيه
لو تلاحظ بردودي القليله ما احب اخذ الامور برسميه وهذا تصرفي بحياتي
حنا اخوان ماتوقعت ان احد يفهمني غلط
عموما اذا انتم تشوفوني مخطي انا اعتذر والرد لكم ويحق لكم تحررونه

...............
منتدى عدد المتواجدين فيه حاليا
المتواجدون حالياً: 1111 (عدد الاعضاء » 474 و عدد الزوار » 637)
مانيب قايل اسمه علشان مايصير دعايه
ويوم قلت المنتدى الثاني قلتها وانا صادق فيها
كنت ارد هناك وارد هنا
علشان لا يفهم قصدي غلط
كل منتدى وله قوانينه وله نظامه

777
77
7

تسلم يالغالي على توضيح الفارق والي الكثير يجهل هذي الامور
بارك الله فيك

اقتباس:

---

حنا اخوان ماتوقعت ان احد يفهمني غلط

---

احنا اخوان يالغالي ولكن اسلوبك صراحة اكيد بيكون جارح للادارة .....
منتدى ثاني ماخذين الامور عادية ؟ انا صاحب 3 منتديات وصراحه ما اتهاون مع قوانين المنتدى عندي لانه هذا الي ينظم المنتدى ويجعله مميز عن غيره ..

على عيني وعلى راسي اخوي العقرب بس هذا مو اي منتدى هذا منتدى المنتدى
والشغل صدقني مو رسمي بس كلامك كان شو قوي" هذا شغلكم "
ولو ان قصدك شي ثاني بس كان المفروض من البدايه تقول " انتو ادرى مني "


ومثل ماقلت نحن بالأول والاخير اخوان عزيزي واعتذارك مقبول اخوي

وحصل خير انا ما اخذت الامور باكثر من حقها صدقني

بخصوص موضوعك ممتاز والفيديو عجيب يعطي امل للي يفقد الامل في حصوله على عضل

لكن لا يخفى على الجميع المحارب كيف كان شكله بالسابق كان مصيبه حتى انه يوم تعارك مع هوقان ما قدر عليه هوقان

ايام والله وذكريات هالمحارب الاخير :)

يعطيك العافيه ووشكراً لانك وضحت الفرق
لان كان عندي لبس ولخبطه بين الفرق

موضوعك رائع ياعسل والفيديو من جد رووعة للمحارب . . .
الف عافية

موضوع جميل شكراً لك

مشكور أخوي على المعلومة الرائعة ....

اقتباس:

---

المشاركة الأصلية كتبت بواسطة y1zed

يعطيك العافيه ووشكراً لانك وضحت الفرق
لان كان عندي لبس ولخبطه بين الفرق

---

العفو
وهذا الهدف
نورت ياباشا

الله بعطيك العافيه

يعطيك العافية على التوضيح

يا ريت توضح لنا ايضا.. هل يوجد اختلاف بالبرنامج الغذائي ما بين من يقوم بالتخسيس ومن يقوم بالتنشيف؟؟ وما الفرق في غذائهم؟؟ يا ريت يكون بشيء من الوضوح والتفصيل

اقتباس:

---

المشاركة الأصلية كتبت بواسطة toto jeddah

موضوعك رائع ياعسل والفيديو من جد رووعة للمحارب . . .
الف عافية

---

مرورك الاروع ياغالي
شرفتني

اقتباس:

---

المشاركة الأصلية كتبت بواسطة شاعر مشاعر

موضوع جميل شكراً لك

---

العفو
نورت يابطل

اقتباس:

---

المشاركة الأصلية كتبت بواسطة الصديعي

مشكور أخوي على المعلومة الرائعة ....

---

العفو
نورت يالذيب

اقتباس:

---

المشاركة الأصلية كتبت بواسطة kingls

الله بعطيك العافيه

---

الله يعافيك

اقتباس:

---

المشاركة الأصلية كتبت بواسطة shady809

يعطيك العافية على التوضيح

يا ريت توضح لنا ايضا.. هل يوجد اختلاف بالبرنامج الغذائي ما بين من يقوم بالتخسيس ومن يقوم بالتنشيف؟؟ وما الفرق في غذائهم؟؟ يا ريت يكون بشيء من الوضوح والتفصيل

---

الله يعافيك
شوف ياغالي على حسب علمي
ان التنشيف يكون الهدف فيه حرق الدهون مع المحافظه على العضلات
علشان كذا النظامي الغذائي لازم يكون بدون دهون
مع وجود البروتين بنسبة عالية
لاكن
التخسيس
الهدف انك تنزل وزن
مافي مشكلة لو نزل مع الدهون عضل
والنظام الغذائي لازم يكون الدهون والكارب والسكر قليل
والبروتين طبيعي

اذا احد عنده تصحيح او اضافه مافي مشكلة الهدف الفايده

يعطيك العافية يا وحش موضوع ممتاز