جدول غذائي خالي الدسم بسيط جداً وغير مكلف

السلام عليكم

طبعن في جداول كثير تغذية كثير بالمنتدى والشباب وكبار البدي بلدنق ماقصرو ماشالله

<<طب ليش مسوي موضوعك


اها سؤال جميل:D

هذا الجدول الغذائي الصراحة انا مسويه
وميزته انه سهل جداً للعزابية ولغير العزابية يعني مايبيله طبخ وسلق وتعب بسيط جداً
وكمان من ميزته انه تقريبن 8 وجبات واي احد يقدر عليها حتى لو واحد ماعنده شهية أبد :D
وأيضاً من ميزته ان الي يحس ان الوجبة ماكفته يقدر يزيد الكمية
وايضاً من ميزته انه في وجبه وحدة كبيرة يعني ماحتحس بانك محروم من الاكل
وايضاً الفترات بين الوجبات مناسبة وتضمن هضم الطعام :D
وايضاً انشالله مايكون مكلف بالنسبة للجداول الاخرى بس انتو قضو من مكان رخيص

وانشالله يعجبكم

طبعن الجدول خالي الدسم ويفيد للي بيضخم والي بينشف



الوجبة الاولى الساعة السابعة صباح :

علبة تونة بماء وملح أو بيض مسلوق + مشروب بروتين

ملاحظة: علبة التونة وعدد البيضات تتحد حسب احتياج الشخص يعني الي تكفيه علبة ياخذها والي تكفيه علبتين ونفس الشي للبيض وهكذا

الوجبة الثانية الساعة 11 صباح :

لبن زبادي منزوع الدسم + شوفان

(برضو اعيد واكرر ان الزبادي كميته حسب احتياج الشخص)

الوجبة الثالثة الساعة 2 ظهر :

بالنسبة للي بيضخم ياكل الي يبيه في هذي الوجبة عشان يكسب نسبة دهون الا اذا كان البروتين الي بياخذه فيه فات كثير فيقدر يمشي على نظام الي بينشف

بالنسبة للي بينشف ياخذ صدر دجاج مشوي مع رز مسلوق <<عاد هذي من المطعم:D


الحين وقت التمرين بالعصر :D وهو افضل وقت عشان يتنظم الجدول الغذائي

الوجبة الرابعة بعد التمرين مباشرة :

هنا تكتفي بمشروب البروتين لانه بعد التمرين مباشرة حتكون مصدودة نفسك عن الاكل من الكرف الي كرفته + كم حبة موز

الوجبة الخامسة الساعة 6 المغرب :

كورن فليكس ( فيتنس ) <<مافيه دهون كثيرة وبه فيتامينات + حليب منزوع الدسم


الوجبة السادسة الساعة 9 :

مرتديلا دجاج أو لحم أو ديك رومي + خبز بر (أسمر)


الوجبة السابعة قبل النوم بساعة :

زبادي منزوع الدسم + مشروب البروتين




================================

وهذا الجدول :)
طبعن الجدول من تأليفي :D
وبه كميات كويسة من البروتينات
وقليل الدهون
والكاربز في الشوفان والموز

الجدول زي ماقلت أي احد يقدر يمشي عليه
من الحين انشالله محد يجي يقول مالي نفس
لان الي ماله نفس يبدأ بعلبة تونة وحدة وماعتقد ماحيقدر يخلصها حتى لو ماله نفس

-----

ملاحظة : كلمة أو تفيد بأنه تختار بين هذا وهذا :D وال + يعني تاخذه معه بنفس الوقت :D

----


واتقبل اضافاتكم واقتراحاتكم وآرآئكم وانتقاداتكم خصوصن من المحترفين الي معانا ماشالله:biggthump





وسبت خاصية عدم النسخ عشان الكل يستفيد من الجدول وينسخه اذا عجبكم طبعاً:09:

دعواتكم بس بالتوفيق :D

يعطيك الف عافيه والله شكله يشهي لوول وخفيف :)

كفيت ووفيت يا بطل

مشكور اخوي على هذا النظام بس احسه كثير يعني الوجبات اعتقد كافي 3 وجبات والواحد يصبر نفسه للي يبي ينشف

الف شكر اخوي د عمرو على الموضوع المفيد

سيتم النقل الى قسم المواضيع المميزه

GoOjey


تسلم عالمرور نورتني



-----

مناداة الليل

تسلم اخوي اتشرف بمرورك

---------

الاخر1

أفا :D لايسمعوك شباب البدي بلدنق :D

لاعب كمال الاجسام يحتاج عدد كبير من الوجبات الغذائية عشان يغذي العضلة بشكل مستمر

يقولك افضل شي 8 وجبات او 6

صحيح صعبة زي ماتقول

بس هنا تكمن ميزة هذا الجدول انه اي احد يقدر يمشي عليه انشالله لان الوجبات الي فيه خفيفة عالمعدة وكبيرة الفائدة

وحتى اصحاب التنشيف يحتاجو وجبات بهالعدد بس اعتقد انهم مايستخدمو الملح أبد والدهون ينسو فكرتها


انت لو تدري ببعض كبار اللاعبين الي بالبطولات يصحى بالليل الساعة 3 ياخذله مشروب بروتين ويرجع يكمل نوم عشان يضمن انه جسمه بيتغذى 24 ساعة

بس في حل لتجنب هذي الحركة انه تاخذ منتج بروتين كاسين او برو كمبلكس بالليل وهو يقوم بالمهمة


----------------------


اخوي مشكلجي

ليا كل الشرف انه ينال الموضوع اعجابك :)
وكله من نصايحكم :)

يعطيك العافية عالمرور

ألف شكر لك د/ عمرو

جدول غذائي حلو وخفيف ومنظم ( ومفيد)

يعطيك العافية اخوي

ممتــــــــــــــــــــاز
وايد حلو

يعطيك العافيه د/ عمرو

على الموضوع المميز والمفيد جدا وان شاء الله اجربه


تقبل مروري ..

يعطيك العافية اخوي

جدول مرتب ويناسب الي تمرينه العصر :)
واتمم على كلامك من ناحية الـ كاسين فهو مناسب جدا

تحياتي لك

يعطيك العافيه ماقصرت د\عمرو

ان شاءالله الكل يستفيد

بارك الله فيك د/عمرو

يسلم الجميع عالردود ويعطيكم العافية :)

عطاك الله العافية عزيزي عمرو لكن المشكلة في التونة ما أقدر على ريحتها وطعمها جربت اخذت علبتين مرة لكن للأسف ما قدرت أكله ...

لكن عزيزي انت تاكل التونة لوحده أو تخلطه مع شىء أو اضافات اذا عندك خلطة حقه لا تبخل عزيزي ...

وشكرا لك ..

اهلن اخوي اللورد

شوف التونة محببة عند أغلب الناس

بس الظاهر انا وانت مانحب التونة :D

شوف انا الصراحة اكلها سادة وتتفاجأ لو أقلك بس بالملعقة مو ساندوتش كمان :D

وسبب اني اكلها كذا ابغا اخلص منها بسرعة لاني ماستسيغ طعمها بس باخذها لفائدتها

بس انتا عندك ثلاث حلول


ياتمشي العلبة سريع زي مابسوي انا :D وانا لو تلاحظ مخليها في الفطور لان وقت الفطور انت حتكون جيعان وتبا تسد جوعك بأي شي فحتظطر تاخد علبة التونة


او انك تسوي خلطة قد ذقتها جيدة بس شغلتها شغلة
حط بصل مطقع صغير مع فلفل رومي اخضر مقطع صغير مع شوية مايونيز واخلطهم مع التونة بيطلعلك شي خطير
بس حط ببالك ان المايونيز زعيم الدهون :D


الحل الثالث انك تستبدل التونة اذا مرة ماتجي معاك بأي حاجة ثانية تكون فيها كمية بروتينات مقاربة للتونة
في عندك بعض انواع الدجاج المعلب
وفي عندك النقانق الدجاج بس مادري عن نسبة الدهون في النقانق
او في عندك البيض المسلوق خذلك كم حبة بيضة مسلوقة وكنسل التونة :)




وبالتوفيق عزيزي :) وعالعموم في كمال الاجسام لازم الواحد يغصب نفسو شوية ويحرم نفسو شوية
انا بشوف المنتدى والكبسة وخلاص ماقدر اتمالك نفسي :p

اي ونسيت اقلك

في خلطة تونة تجي من الشركة نفسها مخلوطة ( ماريو) او (ريوماريو)
عندهم خلطات تاكلك اصابعك وراها في خلطة تونة مع حبات فول وفي خلطة تونة مع ذرة وخضار وكدا

بس مشكلتها انها بالزيت يعني فيها شوية دهون

جدووول اكثر من رائع
مشكوور

تسلم أخوي :) مرورك الرائع

تسلم الغـالي على هالموضووع .. فعلا جدول رائع .. ويبيلي أجربه .. :)

ماقصرت .. بس عندي سؤال انته تقول
الوجبة السابعة قبل النوم بساعة :

زبادي منزوع الدسم + مشروب البروتين

مشروب البروتين .. قصدك البروتين اللي استعمله قبل وبعد التمرين .. ولا شي ثاني ..؟

لانه البروتين اللي عندي فيه وايد فات ..

ربي يحفظك

شكرا على الموضوع .. و لكن هناك تعليقين على الجدول .

الاول مثل حلاتي ما تصحلي فرصة التمرين الا الساعه 9 بالليل بسبب طبيعه العمل . فـ بالتالي بيصير عندي مشكلة بتاجيل الوجبات الى ما بعد التمرين و قبل النوم مباشره .. يعني حدي وجبة وحده بعد التمرين .

الثاني اعتقد لو يكون هناك بعض الخضروات او البقوليات في الوجبات الغذائية اليومية بيكون افضل , ولا ايش رايك يا كابتن ؟ مثلا صحن سلطة خضراء مع وجبة من الوجبات اليومية .

اقتباس:

---

المشاركة الأصلية كتبت بواسطة Weld AD

تسلم الغـالي على هالموضووع .. فعلا جدول رائع .. ويبيلي أجربه .. :)

ماقصرت .. بس عندي سؤال انته تقول
الوجبة السابعة قبل النوم بساعة :

زبادي منزوع الدسم + مشروب البروتين

مشروب البروتين .. قصدك البروتين اللي استعمله قبل وبعد التمرين .. ولا شي ثاني ..؟

لانه البروتين اللي عندي فيه وايد فات ..

ربي يحفظك

---

الله يسلمك أخوي :)


ايه انا اتكلم عن مشروب البروتين الي تستعمله قبل وبعد التمرين
انا اقولك ليش ذكرت انك تاخذه قبل النوم

لان في بعض ابطال كمال الاجسام يصحى عالساعة 3 الليل ياخذله وجبة او يشرب بروتين عشان يضمن انه جسمه بيتغذى اربعة وعشرين ساعة

لانه المقولة العلمية تقول ان البروتين لازم يوصل للجسم كل 3 ساعات تقريبن

فعشان تفتك من موضوع الاستيقاظ بنص الليل استخدم بروتين الكاسين
وخاصيته انه يتم امتصاصه خلال 7 ساعات تقريبن
وبذلك تضمن ان جسمك بيتغذى وهو نايم


بالنسبة للبروتين الي بتاخذه انت انه كثير الفات ماعندي فكرة هل في مشكلة بأخذه قبل النوم او لا
اعتقد والله اعلم انه مافيه مشكلة
لاني كنت اخذ بروتين السيريس ماس واخوي الرسمي نصحني بأخذه بالليل قبل النوم
وهذا دليل انه مافيه مشكلة حتى لو فيه كمية فات

اقتباس:

---

المشاركة الأصلية كتبت بواسطة جبروت ملكي

شكرا على الموضوع .. و لكن هناك تعليقين على الجدول .

الاول مثل حلاتي ما تصحلي فرصة التمرين الا الساعه 9 بالليل بسبب طبيعه العمل . فـ بالتالي بيصير عندي مشكلة بتاجيل الوجبات الى ما بعد التمرين و قبل النوم مباشره .. يعني حدي وجبة وحده بعد التمرين .

الثاني اعتقد لو يكون هناك بعض الخضروات او البقوليات في الوجبات الغذائية اليومية بيكون افضل , ولا ايش رايك يا كابتن ؟ مثلا صحن سلطة خضراء مع وجبة من الوجبات اليومية .

---

العفو أخوي جبروت

بالنسبة لحالتك صحيح ممكن تنقصك وجبة

او ممكن تاخذ وجبة سبعة و11 و2 و5:30 و8

بكذا اخذت 5 وجبات

تبقالك وجبة العشا

ووجبة قبل النوم << وتقدر تستغني عنها اذا كنت تنام مباشرة بعد التمرين
عالعموم هي وجبة قبل النوم بسيطة جداً


-------------------


وبالنسبة للخضروات صحيح كلامك
في امكانية استبدال الصنف المتكرر

مثل لبن الزبادة انا ذكرت انه واحد في الصباح
وواحد قبل النوم

فينفع تاخذ بداله صحن سلطة خضار


يعني في اشياء تقدر تستبدلها بس انا وضعت الاساس

---------

وتقدر بنفس الوقت تستخدم الخضار بنفس الوجبات زي مابسوي انا

يعني عندي وجبة الغداء لاتخلو من الخضروات مع الاكل

وعندك المرتديلا بالليل بسويها ساندوتش واضيف لها طماطم وخس

وبكذا اكون غطيت هذي النقطة :)


========

شكرا اخويه د عمرو .. ماقصرت .. راح أستخدمـ البروتين ولكن مثل ماتقول نص سكوب وبيكون مناسب , والظاهر راح أحط الخلاط عندي بالغرفه .. :)
مشكووووووور يالطيب على هالموضوع وانا سويته على شكل جدول بالوورد

العفو اخوي :)

ماهو مشروب البروتين ... مكمل غذائي ولا مسوينا في البيت؟؟

^

مكمل غذائي

مشكور على الجدول جيد جداً:biggthump

د/بسالك وش الفرق بين البروتين والاحماض الامينية

والله جدول رائع

بس المشكله اللي يتمرنو في الليل

يعني تقريباً بعد المغرب واخلص تقريباً عالساعه 8.30 او 9

وبعض الاحيان العب الساعه 9 واخلص 11


المهم الله يعطيك الف عافيه

ياااكباااتن تكفون ابغى برنامج غذائي تعرفون خلاص رمضان ونا محتاج برنامج
انا وزني 70 وطولي 176 ولمدرب يقول لزم تزود 10كيلو عاد شباب ساعدوني برنامج
بس تكفون لتحطولي مكملات مابغى برنامج فيه مكملات تكفووون

جدول ممتاز

جدول رائع بس يفتقر لحاجه مهمه جدا
الي هي الخضار والفواكه‏!‏‏!‏‏!‏‏!‏
صحيح كاتب بعض الفيتامينات مثل كورن فلكس والموز بس لاعب كمال الأجسام هذي حتى ما تجي ربع الكميه الي يحتاجها
بس تحباج اضافه بسيطه مثل وجبتين في اليوم تحتوي على خضار وفواكه
وأفضل اوقاتها الظهر وقبل وجبة الي عند النوم الي ذكرتها
وبالتوفيق يا وحش
وأعتذر على المداخله.

الله يخليلنا هالمنتدى واعضاءه الحلوين وشكرا يا وحش

اقتباس:

---

المشاركة الأصلية كتبت بواسطة يعني اني

ياااكباااتن تكفون ابغى برنامج غذائي تعرفون خلاص رمضان ونا محتاج برنامج
انا وزني 70 وطولي 176 ولمدرب يقول لزم تزود 10كيلو عاد شباب ساعدوني برنامج
بس تكفون لتحطولي مكملات مابغى برنامج فيه مكملات تكفووون

---

افتح موضوع خاص بالقسم وخذ لفه عالقوانين

تحياتي

.. ماشاء الله عليك شيخي ..

.. موضوع ينفع لكل شخص مثل ماقلت ..

.. فـ ميزان حسناتك ان شاء الله .. وعقبال ماتكون دكتور تغذيه :) ..

تحياتي ..