" عندي الثلاث اجهزة " فأنا غير متعصب...

سلام عليكم

هيــــه من زمان عن مواضيع النقاش ولا شرأيكم ..
موضوعنا اليوم الله يسلمكم عن الي عندهم 3 اجهزه..
http://www.ps3informer.com/console_wars%5B1%5D.jpg

شنو رأيك فلي يستخدم جملة " انا عندي الأجهزه الثلاث فأنا غير متعصب "
كعذر ليخفي محبته لجهاز ما او تعصبه..بالرغم انه يتهجم عالجهاز بطريقة سواء مباشره او غير..
هل فعلا الي عنده الأجهزه الثلاث ما يعتبر متعصب؟

انا اعرف شخصين عندهم الثلاث اجهزه لكن المضحك بالأمر انه اهو راعي 360 ويتشمت في عيوب البلاي 3 بالنتورك او الألعاب عموما..
العاب قوية مثل انشارتد 2 وكيل زون شرائها ولا دخلت باله !

واعرف شخص ثاني شاري ال360 عشان الكوبي واهو اساسا من اكبر متعصبي السوني
يقوم يشتري اغلب العاب الملتي عال360 ومع هذا يمدح البلاي 3 ولا ينصح بشراء ال360 .. عالم غريبه ياخي

فهل الي عنده الثلاث اجهزه يعتبر خارج نطاق التعصب فعلا
لنفرض انه متعصب شلي حاده يشتري جهاز منافس؟
انا اني اميل لل360 لكن مالي ابد مزاج اشتري بلاي 3 لسبب غير معروف ممكن قلة اهتمام للسوني

خلنا نقول واحد توه طالع من الجيل القديم ومحتار بين الwii والps3 وال360
هل فعلا ابو 3 اجهزه هو الشخص المناسب لسؤاله؟ او الأجدر بأن يعطيه النصيحة الوافيه
ام اسأل العنصرين الي يبقون على جهاز واحد افضل واخبر في اجهزتهم لأنه مركزين؟

وهذه اسئلة نقاشيه :
- هل تثق بالشخص الي عنده 3 اجهزه انه غير متعصب ؟
- ماهو تفسيرك في شخص متعصب لكن يملك جميع الأجهزه؟
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
- هل للتعصب درجات اشرحها من منظورك الشخصي؟

-----
ملاحظة:
اي رد تعصب - _- انا او احد المراقبين راح نحذفه .. واذا قلبتوها هواش راح نغلق الموضوع

- هل تثق بالشخص الي عنده 3 اجهزه انه غير متعصب ؟
على حسب كلامه الي يقوله لي عن إستخدامه للثلاث الأجهزة = يعني صعب أقول إي أو لأ.

- ماهو تفسيرك في شخص متعصب لكن يملك جميع الأجهزه؟
ممكن يكون متعصب لاكن يوفي بحق الأجهزة الثانية أو إنه ممكن يكون متعصب لاكن ما يعطي الجهازين حقهم أو ما يعطي جهاز واحد حقه.

- شخص يستغل جهاز من شركة معينة لكن ما يعطيه حقها من المدح " سوو خير قطه بحر "
أصلا السالفة بالأساس مكلفة إنك تشتري جهاز عشان شركة و ممكن في المستقبل تميل هالشركة لجهاز ثاني فتتحسر على الفلوس الي قطيتها على الجهاز الي شريته.

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
عندي جهازين ( PS3 , Wii) فما أقدر أجاوب.

- هل للتعصب درجات اشرحها من منظورك الشخصي؟
بصراحة مالي خلق أكتب xD , إعذرني

مشكور على الموضوع و الفكرة الحلوة:)

- هل تثق بالشخص الي عنده 3 اجهزه انه غير متعصب ؟

وجهة نظر : 90% طالما ان الشخص خسر على الثلاث اجهزة فـ رايه راح يكون منطقي و غير متعصب ,

- ماهو تفسيرك في شخص متعصب لكن يملك جميع الأجهزه؟

غالبا يكون مثل ما تفضلت اخوي , يكون بالاساس متعصب لجهاز و شراءهـ للجهاز الاخر لسبب ما غالبا ما يكون لتشغيل الكوبي لا اكثر

- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "

اعتقد اجابتي السابقه تشمل السؤال هذا
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

انا بصراحه من هذا الجيل عندي جهاز واحد فقط وهو PS3 و لكن سأجيب عن نفسي , انا متعصب لسوني منذ كانت المواجهة المباشرة مع الـ غيم كيوب الى المنافسه ضد الـ 360 .. اجهزتي كانت على التوالي ( PS1 , PS2 , PS3 ) و لكن هذا ما يمنع انني اقول ان مايكروسوفت تتفوق على شركتي المفضله من ناحيه الاون لاين مثلا او ان اغلب العاب المالتي 99% صممت على الـ360 و انا لا العب سوى بورت يعاني من مشاكل في الالوان او الفريم ريت , وما ينكر هذا الا اعمى مع احترامي

- هل للتعصب درجات اشرحها من منظورك الشخصي؟

انا اشوف ان التعصب درجتين

1- درجه المتعصبين الي يدفعهم تعصبهم لاستخدام عبارات نابية و الفاظ مشينه " وكان " لهم تواجدهم في المنتديات العربية بل وكانو متمركزين في احدها , حيث المشرف يغلق موضوع عضو لتعصب و عضو يشتم المشرف لتعصبه للجهاز الاخر , و لا يخلو اي موضوع من صفحتين على الاقل كلها تحت خط الاحترام .

2- في المتعصبين الي مثلي .. يحبون جهاز معين و لا يفكرون يشترون جهاز اخر و لكن يعرفون الاجهزة الاخرى جيدا و يعرفون اخبارها و مقارنتها بأجهزتهم المفضله و فروق المميزات و المواصفات بين الجهازين و هكذا .
شكرا و اسف على الاطاله

- هل تثق بالشخص الي عنده 3 اجهزه انه غير متعصب ؟
50/50

- ماهو تفسيرك في شخص متعصب لكن يملك جميع الأجهزه؟
عشان يضحك ويضغط ربعه :P
لأنه متعصب

- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
الكمبيوترات أم الضحايا ومعرضه للقرصنه والتهكير
اكثر من اجهزتنا الحاليه

أو ماعنده ميزانيه ومايقدر يدفع

أو الوالدين مع عيالهم الصغار على سبيل المثال يشتري لهم العاب كوبي ولا يهتم للاصلي
بسبب السعر مرتفع (يعني مايسوى تشتري دسك بـ20 دينار)

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
ماعندي 3 بس من الممكن احتمال اشتري الاكس خلال هالسنه
ولا اشتري نينتيندو اطلاقا (يمكن اشتريها لأخوي اصغير)

- هل للتعصب درجات اشرحها من منظورك الشخصي؟
*تعصب بارد
رد تعصب غير مباشر / يوحي :P

*تعصب سريع الاشتعال
لا لا هذا اقوى جهاز لا تناقشني صدقني

*تعصب للضحك
هههههههه شفيه جهازكم كم ريد لايت حايشكم
ترى الدي في دي احسن واقوى من البلوراي الخرطي

:
- هل تثق بالشخص الي عنده 3 اجهزه انه غير متعصب ؟
لا لان غالبا يكون يحب جهاز معين والباقى يكون تكملة للجو او كوبى او غيرة لكن احيانا يكون الشخص يحب الالعاب جدااا ولا يريد ان يفوت شى علية يريد ان يجرب كل شى وهذا الشخص هو المفضل لى لكن نادراا ما تجدة
- ماهو تفسيرك في شخص متعصب لكن يملك جميع الأجهزه؟
بصدق يعتبر شخص اعمى حتى ولو يريد ان يرى الناس انة يحب البلاى و الاكس بجنون
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
اممممممممم فى ناس ما عندها امكانية تشرى اصلى فيقبل بالكوبى وهنا اوكى مسموح لة بالعب والمرح لكن ما يمدح الشركة ويتفلسف معناها بكل صراحة هذا الشخص نوووووووبى بوى
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
لا لا املك الثلات فقد واحد وهو البلاى
- هل للتعصب درجات اشرحها من منظورك الشخصي
نعم فى تعصب العاب وفى تعصب اجهزة
تعصب العاب تلقى الشخص يحب فئة معينة من الالعاب ويكرة الباقى او البعض ويبدا يسب فى هذى الالعاب والاعضاء واموقع والشركة والعالم مثل يلى يحب العاب الشوتر او المغامرات ويكرة الابي حى من ناحيتى هذى النوعية من الناس ما تفهم جيمز
تعصب الاجهزة تلقى شخص يحب جهاز معين ويكرة الباقى ويكرة الناس فى باقى الاجهزة لا اعلم لماذا لكن يلى اعرفة انة انسان اعمى فى الجمز لان كل ما فى الامر هو الاستمتاع بالالعاب مهما كان الجهاز
شكرااا موضوع 10/10

أولا مشكور أخوي فارس على الموضوع ( الحساس ) الله يستر

- هل تثق بالشخص الي عنده 3 اجهزه انه غير متعصب ؟

طبعا لا لأنه أنا أميل لجهاز وعندي 3 أجهزة بس مو شرط .

ماهو تفسيرك في شخص متعصب لكن يملك جميع الأجهزه؟

مافيها شي طبيعي لأنه كل جهاز يملك عدة العاب حصريه هذا هو سبب تعدد الأجهزة:33: لدي طبعا من

غير تعصب:)

شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "

أنا ضد القرصنة بأي شكل من الأشكال . ما كو ضمير :o

سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

نعم أنا أميل لجهاز ولست متعصب لكن بكل أسف أخبركم أنة توفى ( DreamCast ) بس الله

عوضني خير بال ( GAMECUBE ) متعني متعة ما حصلتها حتى بالجيل الجديد للعلم عندي الجبل

الجديد PS3 WII XBOX360 .

هل للتعصب درجات اشرحها من منظورك الشخصي؟

راح يبين بعد شوي من خلال مشاركات الجماعة:wink2:

اقتباس:

---

المشاركة الأصلية كتبت بواسطة FARES360

سلام عليكم

وعليكم السلام ورحمة الله وبركاته كيف حالك فارس


وهذه اسئلة نقاشيه :

- هل تثق بالشخص الي عنده 3 اجهزه انه غير متعصب ؟

أنا أثق في بعض الأشخاص والبعض الاخر لا

- ماهو تفسيرك في شخص متعصب لكن يملك جميع الأجهزه؟

القرصنة , يحب انه يكون له كولكشن (حق المظاهر ) , يحب يلعب العاب متنوعة

- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "

أكيد أصلن الكوبي ما يعطي الجهاز حقة في المتعة الكاملة

بسألك فارس شو رايك في xbox360 بدون الـــــLIVE ؟؟؟

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

الصراحة انا اميل للـــPS3 ومع ذلك تراني اشارك في كل الاقسام

تقريبا انا كل اجهزة الجيل الجديد عندي والعب فيهم كلهم ويين ما تجد المتعة بتلعب في

الجهاز الي يوفرها لك اكثر من غيره بنسبة لك طبعا


- هل للتعصب درجات اشرحها من منظورك الشخصي؟

بعد ما نشوف ردود الاعضاء راح نتناقش في موضوع التعصب

---

الاجابات باللون الازرق وشكرا

اقتباس:

---

بسألك فارس شو رايك في xbox360 بدون الـــــLIVE ؟؟؟

---

xD لول.. انا أسألك نفس السؤال شنو رأيك في الps3 من غير الpsn ?

( fares36o is online ) هالفقره اذا ما شفتها طلعت بالشاشه..
تجيني كآبه لو الجهاز ما يشبك اون لاين لخلل مؤقت ما بالكونيكشن من الشركة..
وناستي تعتمد عالأون لاين اكثر فهالنقطة ضرورية بالنسبة لي
لو كنت من الي يحبون اربيجي او العاب سنجل عموما.. ممكن ما تفرق معاي
بس هم اقولك شغلة حتى لو كنت العب سينجل بلاير ما احس بأستقرار اذا الجهاز مو اون لاين
عندي عاده لقافة كل شوي اطل عاللسته اشوف شنو يلعبون واذا لقيت احد معلق على لعبة وحده اتحرش فيه بالمسجات لوول =p
ال friends leaderboard leading والupdates المباشر للgamercard او الpsn id على قولتكم
اللايف ما اعتبره مجرد شبكة للعب.. اعتبره نوع جديد من التواصل الإجتماعي الإفتراضي
ترسل اخبار للناس او تسوي جات جماعي بين الي باللسته .. وتأخذ اراء وانطباعات حول شي الخ
ومنها اعتبر اللايف نشره اخباريه بنفس الوقت.. اشوف دعايات وفقرة الIGN strategize وغيرها
واطل على الأفاتارز لأنه كل اسبوع تنزل ملابس جديده لا ننسى دور الديمو في هذا الجيل..
غير القدره على نشر معلوماتك الأجيفمنت والألعاب وصوره شخصيتك الإفتراضية مباشره الى مواقع عدة او منتديات
هالأشياء كلها تروح من غير الأون لاين بالكونسولز..

وهذه اسئلة نقاشيه :
- هل تثق بالشخص الي عنده 3 اجهزه انه غير متعصب ؟
انا عندي ثلاث اجهزة .. واحد توفى >.< والحمد لله حاس نفسي غير متحيز لاي جهاز
- ماهو تفسيرك في شخص متعصب لكن يملك جميع الأجهزه؟
فلوسة كاثرة عليه "او" نفسيته فيها مشكلة
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
طبيعي جدا ^^ يحب الكوبي لكن مايحب الجهاز لانه جلس معاه سنة وحده وفجأه 3 red light << يتكلم عن نفسه
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
كل جهاز وميزته .. الثري سلس في الاستخدام من كل النواحي , الاكس يدة تعجبني جدا جدا جدا جدا , الووي العابة مالها مثيل
- هل للتعصب درجات اشرحها من منظورك الشخصي؟
الاحظ ان التعصب قل عن الاول بكثير .. ماعدا عشاق الاكس مازالوا على حالهم P:

- هل تثق بالشخص الي عنده 3 اجهزه انه غير متعصب ؟
لا مو شرط الي عنده الاجهزه الثلاثه يكون عاقل .. الاهم يكون واقعي بكلامه بس حتى لو ماعنده شي
- ماهو تفسيرك في شخص متعصب لكن يملك جميع الأجهزه؟
اممم عادي .. ممكن هالشخص يحب الاكس بوكس مثلا لكن مشتري الاجهزه الثانيه لبعض الالعاب الحصريه
بس تشوفه بصف الاكس بوكس كان ايجابي او سلبي .. واذا انزنق قال عندي الاجهزه الثلاثه ومو متعصب XD
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
X360 ههههه انا عندي 4 منه .. ياباني للكوبي و2 امريكي "توفوا بالرد لايت"
وواحد اوربي مشتريه قبل فتره مو بالطويله بس حاطه حق الديموز وهالحركات
اتوقع شي طبيعي شغلي كوبي هنا .. طبعا اذا شفت لعبه تستاهل اخذتها اوروبيه -_-"

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
يصير اكره جهاز ؟ لأني اكره نيتندو .. اما الـ PS360 على قلبي نفس بعض
- هل للتعصب درجات اشرحها من منظورك الشخصي؟
اشوف اصحاب الاكس بوكس متعصبين لألعاب معينه اكثر من الجهاز
على عكس اصحاب البلاي ستيشن متعصبين للجهاز اكثر من غيرهم
اما الويي .. صراحه منتداهم بالـ 10 سنين ممكن مادخلته الا عدد اصابع اليد الوحده لول

طبعا كلامي عن تعصبات اصحاب هالاجهزه XD

سلام عليكم

وعليكم السلام ورحمة الله وبركاته

- هل تثق بالشخص الي عنده 3 اجهزه انه غير متعصب ؟

نـــــعم , لانه جربها جميعها ويعرف عيوب كل جهاز مميزاتها


- ماهو تفسيرك في شخص متعصب لكن يملك جميع الأجهزه؟

الي يملك الاجهزة الثلاث لا يمكن يكون متعصب

لكــــــــــــــــــن يميل لجهاز أكثر من الاخر


- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "


ههههههه إذا سألته وش أفضل شئ في الجهاز

يقول اللعابة رخيصة >>> وهو صادق :أفكر:



- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

انا جربت البلاي ستيشن والاكس بوكس

وكل جهاز يجذبك بمميزاته

يعني الاون لاين في الاكس بوكس عجييييييب و ما يعرفه الا الي جربة
سهل وسريع
و الاستور في الاكس بوكس طريقة توزيعهم للالعاب رهيبة وتجذبك
لكن مشكلتها حصرياتها قليلة و القليل منها حلو

لكن حصريات البلاي ستيشن تغطي على جميع اللعاب الاكس بوكس


بالنسبة لي أنا أميل لجهاز عن جهاز بس للالعاب الموجودة

يعني عندك جهاز wii (لحد يزعل) انا ما حبيت هالجهاز ولا بحبه

لكن الحصريات الي عليه تجننك مثل

رزدنت أيفل و فيتل فريم



- هل للتعصب درجات اشرحها من منظورك الشخصي؟

ما راح أحكم اللحين

نشوف بعد ما تكثر الردود :D

وعليكم السلام ورحمة الله وبركاته
شكرا على الموضوع وولهنه على النقاشات

اقتباس:

---

- هل تثق بالشخص الي عنده 3 اجهزه انه غير متعصب ؟

---

لا القلب يحب واحد>>>>>>>>>>>>لووول ولازم يميل لجهاز واحد

اقتباس:

---

- ماهو تفسيرك في شخص متعصب لكن يملك جميع الأجهزه؟

---

شي طبيعي التعصب لجهاز ما والكل عندة اسبابه (مثل الالعاب القوية على الجهاز تربط الشخص بالجهاز)
لكن يجب ان لا يكون تعصبه اعمى و ينكر ويتجاهل مميزات وايجابيات الاجهاز الاخر
مافي شي بيرفكت وكامل

اقتباس:

---

- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "

---

شخص انتهازي وغير صادق مع نفسه :( للاسف يقزرها

اقتباس:

---

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

---

انا ايميل لجهاز معين والسبب الالعاب اللتي تنزل عليه وخاصة ان اقوى الالعاب عليه (مع اني مجرب 3 اجهزة وكل جهاز له مميزات بس الجهاز اللي انا ملت له ريحني وايد باللعب الفردي والجماعي وكستخدام)

اقتباس:

---

- هل للتعصب درجات اشرحها من منظورك الشخصي؟

---

حده لووول التعصب نوعين :
في تعصب اعمى حتى لو كان الحقائق تقول ان الجهاز فيه عيب ففي ناس تقول لا موعيب وتحتر وتجادل من غير معني وتغتاض وتزعل ولا تقتنع بالواقع
في تعصب نتيجة خبرة واستخدام وراحه اللي استخدم 3 اجهزة وعجبة جهاز راح يتعصب ويمل له حيل ويجادل بس اعتقد ماراح ينكر ميزة الاجهزة الاخري, وتعصبه لانه حب الجهاز وارتاح له

صاحب الموضوع متعصب (&)
- هل تثق بالشخص الي عنده 3 اجهزه انه غير متعصب ؟
اعرف واحد عنده ال3 اجهزة وكان معطي كل جهاز حقه حتى البسب والدس اس (&) بس يقول اكثر شي مريحه هو الps3 لانه ال360 في الفترة الاخيره محتاج تعديل من فترة لفترة عشان يشغل الالعاب الجديدة
اما رأيه في الويي وهو متفق معاي انه عبارة عن ps2 بكنترول مختلف ولا الجرافيكس تقريبا نفسه بس في بعض الالعاب الجافيكس فيها حلو واحسن من الps2

- ماهو تفسيرك في شخص متعصب لكن يملك جميع الأجهزه؟
في ناس تحب تعاند ناس في الكلام بس :)
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
ما قد شفت احد مسوي كذا
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
انا عندي ps3 فقط وماني من النوع اللي يحب ينوع في الالعاب عشان كذا مرتاح معاه يعني العابي محدوده جدا واغلب وقتي اقضيه على لعبة تكن او انشارتد اونلاين وقبلها كيلزون 2 لكن لو معاي فلوس كان شريت 360 او ويي لاخواني ولو في لعبه نزلت ملتي وحلوه بلعبها على ال360 من باب التوفير ولا انا ما ارتاح كثير لكنترول الجهاز بس الانالوج حقه عاجبني اكثر من الsixaxis

- هل للتعصب درجات اشرحها من منظورك الشخصي؟
ما ادري عن درجات التعصب لكن لو شريت 360 وخرب علي اكيد بكره الجهاز خصوصا لو ماكمل سنة على الاقل (في ناس اشترت اكثر من 5 اجهزة من عام 2005 تقريبا وقت صدور الجهاز)
لكن النسخ الجديده يقولو مافيها خرابات وهذا شي يخليني افكر اشتريه
بس هل انا متعصب للps3 ؟ اشوفه مصطلح غبي كلمه تعصب لكن في ناس ماشيه على المصطلح ذا مع احترامي لهم عقولهم صغيره
العب بالجهاز اللي يناسبك لكن لاتجرح مشاعر الناس الثانيه وتقول هذا احسن وذا اسوأ يعني انت ممكن تشوف الps3 احسن لانه مناسب لك لكن هل هو احسن ؟ كل واحد ورأيه

انا واحد منهم ولاكن انصح بالps3 احسن من 360 بواجد

اول سبب ان الps3 تقدر تلعب اونلاين ومايحتاج تدفع فلوس

وثاني سبب ان ps3 و wii افضل من 360
--------------------------------------------------------
وهذه اسئلة نقاشيه :

اقتباس:

---

- هل تثق بالشخص الي عنده 3 اجهزه انه غير متعصب ؟

---

احيانا تثق بكلامة ولاكن كل جهاز فيه عيوب

اقتباس:

---

- ماهو تفسيرك في شخص متعصب لكن يملك جميع الأجهزه؟

---

ينقهر بسبب ان 360 تدفع فلوس عشان تلعب اونلاين وps3 و wii بلاش

اقتباس:

---

- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "

---

لا تعليق

اقتباس:

---

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟

---

للps3 السبب ان اكثر الاشياء اللي تستعملها اونلاين او بالداونلود ببلاش
مالك شغل بالالعاب المشهورة صح انه بفلوس بس رخيصة

اقتباس:

---

- هل للتعصب درجات اشرحها من منظورك الشخصي؟

---

احيانا تطق الجهاز و احيانا تشيل الجهاز وتحطة بالكبة وتقفل علية من كثر القهر

اقتباس:

---

صاحب الموضوع متعصب

---

(&) لول شكراً
اعتقد نوعي متعصب بارد على قولت الجنرال برده السابق..يقط نغزات ضحك

اقتباس:

---

يعني انت ممكن تشوف الps3 احسن لانه مناسب لك لكن هل هو احسن ؟ كل واحد ورأيه

---

Agree .


عموما صح كلام الأعضاء الي قالو " اذا تبي تعرف درجات التعصب شوف الردود "
جنه بدأت تطلع ردود غير منطقية ابداً بس ماني قايل منو فيكم لوول xD im out of heerre !

السلام عليكم ...

حبيت أعطي رأيي عن فكرة الموضوع :D

أنا حقيقة أستغرب ... من فكرة التعصب للجهاز .

الذي أعرفه الشخص يشتري اللعبة التي يريدها أولا قبل العثور على الجهاز الذي يشتغل عليها ...

مثال : أنا أحب ميتال جير ، فبالتأكيد سأشتري جهازها المشغل PS3.
أنا أحب Gears of War ، فبالتأكيد سأشتري جهازها المشغل Xbox360 .
أنا أحب ألعاب ماريو ، فبالتأكيد سأشتري جهازها المشغل Wii .

سامحوني إذا استغربت جداً من كلامكم .
التعصب يكون موجود لكن ليس لدرجة الاشتعال !

يعني مثلا أنا أميل PS3 أكثر بسبب ربطها بأيام زمان PS2 و PS1 ، لكن هذا لا يعني أن أرمي جهاز Xbox360 واصفه بالفاشل ؟

أنا أعتبر الأجهزة مجرد "سيارة" لتشغيل اللعبة التي أريدها .
مهما كانت نوع "السيارة" المهم تؤدي غرضها وهي توصيلك من المكان الحالي إلى المكان التالي .
يعني الأساس هي "الألعاب" وليست "الجهاز" .

صحيح كثرة الأونة الأخيرة ألعاب الملتي
طبعا هذا شيء طيب ما يحتاج الواحد يشتري جهاز جديد من أجل لعبة .
يبقى الفرق بين الأجهزة (في وجهة نظري) إذا كانت نفس اللعبة على الجهازين على نفسية اللاعب ، واحد يحب الأونلاين بكثرة و عنده نقاط في الـ Xbox360 سوف يشتري اللعبة على Xbox360 .
أو مثلا (ماحصل لي في ألعاب القتال تكن6) شخص يرتاح على يد PS3 أكثر من Xbox360 .

- هل تثق بالشخص الي عنده 3 اجهزه انه غير متعصب ؟

التعصب يكون موجود بحسب نفسية اللاعب ، لكن والله إني اضحك إذا زاد التعصب عن حجمه
لإن الجهاز مجرد جهاز تشغيل ... مثل الذي يسب أنواع السيارات مع أنها تعمل نفس عملها .

كما قلت من قبل
اللاعب يبحث عن اللعبة أولاً قبل الجهاز

وسلامتكم.

^^ والله يالخطير وجهة نظر جميله جدا

في بعض الشركات تسوي العاب ملتي ولكن تتحيز لجهاز معين وتظهر نسخه اخرى من اللعبه ليست بقوة النسخه الاصليه للجهاز الآخر.. فاعتقد هذا سبب لجوء البعض واقتناء جهاز آخر منافس

في بعض الناس تنفكيرها يقول البلاي للفقير والاكس للغني !!!
السبب: البلاي نيتورك بلاش - الاكس لايف بفلوس
عشان التفاخر جدام الناس بس لا اكثر -_________- !

فـ الحمدلله على كل حال

أدري أن سؤالي خارج الموضوع بس يالملقب بالخطير عندي لك استفسار صغير :D

من زمن وأنا أدور له إجابة بس مب لاقي للأسف

هل اعتزلت البوكيمون ؟؟؟

اقتباس:

---

المشاركة الأصلية كتبت بواسطة FARES360

وهذه اسئلة نقاشيه :
- هل تثق بالشخص الي عنده 3 اجهزه انه غير متعصب ؟
- ماهو تفسيرك في شخص متعصب لكن يملك جميع الأجهزه؟
- شخص يستغل جهاز من شركة معينةبالقرصنه لكن ما يعطيه حقها من المدح " سوو خير قطه بحر "
- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
- هل للتعصب درجات اشرحها من منظورك الشخصي؟

---

موضوعك حلو احب اناقش فيه:

-الشخص الي عنده ثلاث اجهزة 100% يلعب واحد فيهم اكثر او يحب يلعب واحد بالذات خاصة اذا اللعبة نفسها نازلة على الثلاث اجهزة يعني بيشتري لكل جهاز نسخته؟ اكيد لا الا اذا كان مو صاحي او زايدة فلوسه. مثلا انا عندي الثلاث اجهزة في البيت و نزلت pes 2010 رحت شريتها على السوني 3 لان الجهاز الي افضله. لا بد ان يكون هناك جهاز تتعصب له حتى لو عندك الثلاثة الأجهزة الحين في السوق.

- ممكن يكون من النوع الي يحب يشتري كل شي جديد و كل جهاز موجود مع انه يميل لجهاز معين و ممكن شرى جهاز للعبة معينة بالذات و ما يمنع انه منعصب لجهاز ما يشتري غيره اذا يقدر.

- بالنسبة لي عندي الثلاث اجهزة الي قلتهم و غير متعصب لأي جهاز و اميل للسوني 3 لان عليه حصري بعض الألعاب ولأني تعودت على التحكم و مع ذلك اشوف التحكم مال الأكس بوكس ممتاز لكن المسألة تعود و خاصة اني مقتع ان الألعاب الي تصدر على الأكس بوكس جودتها افضل لكن متعود اللعب بالسوني 3

درجات التعصب يبدأ اول شي بالألعاب و الخدمات الي مع الجهاز ممكن تفرض رأيك انه الجهاز الي تفضله اقوى و احسن ممكن يكون كلامك خطأ او صح المهم انك تحب الجهاز فما تقدر تقول عيوبه
المشلكة يوصل التعصب انك تشوف اي واحد يخالفك الرأي غبي و تافه هذا قمة التعصب.

وشكرا لفتح باب النقاش في هذا الموضوع

اقتباس:

---

في بعض الناس تنفكيرها يقول البلاي للفقير والاكس للغني !!!
السبب: البلاي نيتورك بلاش - الاكس لايف بفلوس

---

تصدق أنا أقول العكس ! الاكس للفقير و البلاي للغني !!
السبب : الاكس له كوبي الديسك تحميله مجاناً ، البلاي ماله كوبي كله أصلي يعني غالي !
:D

اقتباس:

---

المشاركة الأصلية كتبت بواسطة sadnees121

أدري أن سؤالي خارج الموضوع بس يالملقب بالخطير عندي لك استفسار صغير :D

من زمن وأنا أدور له إجابة بس مب لاقي للأسف

هل اعتزلت البوكيمون ؟؟؟

---

نعم اعتزلت
للأسف طعم اللعبة صارت مملة بالنسبة لي :(
لكن إذا تريد أن تبحث محترف بوكيمون اسأل العضو : Hell-bottom
أنا مجرد لاعب عادي مقارنة بالبرفوسور Hell-bottom :biggthump

يازين الجيمنق بدون التفنبز

Headshot !
الكلمة جميلة والاجانب يحبوها كثيرااا ويستخدمو فيها كثيرااا جدااا يحبوا يكونوا قناصين

التعصب المفروض يكون شيء منبوذ ولا نشجع عليه ..
ناس كثير تعطي اعتبار للتعصب والمتعصبين وهذا شيء غلط لأن المتعصب مو جيمر ..
ويتعصبون من جد ويزعل اذا انفكت حصريه لجهازه كأن الشركه يملكها الوالد -_- .. انا ضد
التعصب تماما ً وانا من اللي يملكون الثلاث احهزه وانا بكره ان شاء الله بشتري وايت نايت
وبعد شهر بشتري الن وايك وبلعبهم كلهم لكن المتعصب مسكين محروم ..

الخطير انا معاك الف بالمئه وكلامك كله صحيح ..

هذا الي عندي وباقي الاعضاء ما قصروا .. واتمنى ان الناس تفهم ان الشركات تتنافس
علشانا احنا واي شيء يصير بينهم احنا المستفيدين بالنهايه ^^

اللي متعصب وفيه عنصرية الجدران واجد ولله الحمد @@ اقرب جدار بيضرب راسه فيه لانه انسان مريض ومختل عقليا
هذا بسبب الغرب وتعصبهم انعدو ضعاف النفوس منهم لاتصادر حق الاخرين بأجهزتهم
فقط لن ازيد

- هل تثق بالشخص الي عنده 3 اجهزه انه غير متعصب ؟
على حسب الشخص

- ماهو تفسيرك في شخص متعصب لكن يملك جميع الأجهزه؟
شخص يبي يستفيد من الجهاز الثاني لبعض المميزات، ولكن لا يقرها

- شخص يستغل جهاز من شركة معينة بالقرصنه لكن ما يعطيه حقها من المدح " سوو خير قطه بحر "
مو حقاني

- سؤال للي عنده 3 اجهزه .. هل انت متعصب او تميل لجهاز معين ماهو ولماذا؟
أنا عندي سوني 3 و وي
لكن الوي قاطه ما أستعمله

- هل للتعصب درجات اشرحها من منظورك الشخصي؟
في متعصب ما يغير رايه حتى لو يدري إنه غلطان
وفي متعصب لكن إذا شاف إنه غلط يعترف فيه


ومشكوووور على الموضوع الخفيف
:)