عموما انا خلصت اللعبه .. وقاعد ارجع لبعض المهمات بالتشابترز >_<
باقي لي 5 تروفي واجيب البلاتينيوم .. الله يعين خاصه في تروفي يهد الحين لول
للي خلصوا اللعبه شي له علاقه بالتروفيز
اللعبه لها 22 نهايه شلون بتكون طريقتكم للحصول عليها ؟
انا شغال على بعض الاشياء بس خايف ماتضبط مثل اني اعيد
كم تشابتر واغير الاحداث واشوف النهايات بس مدري يمشي
الحال بدون ما اخزن النهايات الجديده على النهايات القديمه ولا لأ ؟
امس خلصت اللعبه مع كل الابطال أحياء و اقدر اقول بكل ثقه انها من اكثر الالعاب الي ادخلتني باجوائها و تفاعلت مع شخصياتها, الجيم بلي ابدا ماكان ممل و كان اختيار هالنوعيه من التحكم اهوه الافضل على الاطلاق للعبه لانها تدخلك بالحدث غصب و تنسى نفسك انك تلعب لعبه,و البيسنق للأحداث كان ممتاز جدا و كان في توازن مريح للأحداث الهادئه و المثيره يخليك ماتمل من اللعبه و تبي اتكمل فما استغربت من اللي خلص اللعبه من قعده او قعدتين فعالم هيفي رين كان مثير جدا و ودك تستكشف كل مافيه, و في مواقف كانت اكثر اثاره من اي لعبه لعبتها هالجيل ليس بسبب الحدث نفسه او تفاعلية التحكم فقط بل لانك لاتريد ان شخصيتك تموت, فهيفي رين عكس الالعاب الاخرى اذا مت عادي ترجع و تكمل نفس الحدث اما بهيفي فاذا ماتت شخصيتك خلاص ماترجع و انت تبيها اتكمل لي اخر اللعبه على شان اتشوف شيصير معاها فهني كانت الاثاره الحقيقيه لانك لازم تكون منتبه على طول لان بأي لحظه بيطلع امر التحكم لتتخذ القرار اللي احيانا يكون عدة اختيارات مصيريه خلال ثواني قليله ولا الشخصيه كانت بتختار اختيارها بنفسها و طبعا لن يكون الخيار نفسه هو كل مايجب ان تفكر فيه بل عقبات هذا الاختيارات و ماللذي يمكن ان يحدث لو فعلت او مافعلت المقدم امامك من اختيار و لزيادة جرعة الاثاره فهناك نوعين من الخيارات, خيار عادي و اخر مهم اذا فعلته فعملية السيف ستعمل اوتوماتيكي و لن تستطيع الرجوع فيه (اعتقد لان صارت معاي بس مو متأكد اذا كان لكافة المشاهد اللي تطلع فيه الAuto-save)
بختصار اللعبه احتلت مكانها مع التوب 5 لهذه السنه بالراحه بس بنفس الوقت ماقدر انصح فيها لكل شخص, بالبدايه اذا انجليزيتك ضعيفه لاتاخذها لان متعة اللعبه بالقصه, بس اذا كانت انجليزيتك قويه و لعبت الديمو و عجبك اسلوبها فأغلق الكمبيوتر و روح السياره و طير لأٌقرب محل و اشتر اللعبه حالاً
21-02-2010, 02:47 PM
legendforever
رد: الموضوع الرسمي | Heavy Rain
ايش هذا الجهد الكبير الصراحة تشكروا عليه كاسح وهيكاري وكيوبي فوكس
عجبني جدا اسلوب الطرح
اللعبة واضح انها قوية التقاييم معظمها عالية
21-02-2010, 03:39 PM
mjk.94
رد: الموضوع الرسمي | Heavy Rain
مشكووورررييين فريق المواضيع الرسمية
شباب الي ختموهة التروفيات كيف سهلة ولا ويا القصة ولا صعبة؟
21-02-2010, 03:52 PM
Lonely Hunter
رد: الموضوع الرسمي | Heavy Rain
^
سهله جدا
لانها تعتمد على خيارات مو مهارة باللعب
21-02-2010, 04:07 PM
Yamato
رد: الموضوع الرسمي | Heavy Rain
لونلي..
مب كل التروفيز تعتمد على الخيارات..
في تروفيز تعتمد على مهارتك وسرعة استجابتك مع الازرار..
بالطبع في تروفيز فيها مشاكل... لاني عملت المطلوب وما طلع التروفي
21-02-2010, 04:28 PM
Lonely Hunter
رد: الموضوع الرسمي | Heavy Rain
حتى هذولي سهله جدا و سويتهم من اول مره مثل البيانو
21-02-2010, 05:06 PM
NiN RevO
رد: الموضوع الرسمي | Heavy Rain
ابدااع والله ما قصرتوا شباب موضوع قمه ..
الحمدلله أنا اليوم شريت اللعبه بالعبها و برجع للموضوع ان شاء الله
لحد الان واحد من الشخصيات مات والثاني ..... ماراح يكمل معاي لين اخر اللعبه اعتقد
damn
21-02-2010, 06:17 PM
jinabil
رد: الموضوع الرسمي | Heavy Rain
لعبة تمتلك مفكر مبدع مثل ديفيد كاج وتمتلك نغمة موسيقة ادخلك فى عالم اخر مع قصة خارقة وانت تتحكم فيها كانك مخرج وتمتلك غرافيك وجيم بلاى وموثرات صوتية قوية ومختلفة عن باقى الالعاب وفوق هذا كلة تمتلك لاعين مميزين كاسح وهكارى وشينوبى فوكس وباقية لاعبين المنتدى المميزين
تحياتى
21-02-2010, 06:36 PM
NsaN
رد: الموضوع الرسمي | Heavy Rain
ياخي the game is sooo intense..
يعني توني لاعب قصة البنية ام شعر قصير (اول ظهور لها)..
ياخي والله حماس..من اول ما بين الظل..
i actually gasped..هههههههههه..
خاصة على نهاية المقطع..
بس ما حصلت trophy..فيمكن ارد العب مرة ثانية..
الحينه لو اخترت فصل معين..بعلب الفصل نفسه بس؟ و لا عادي اكمل منه باقي اللعبة؟
المشكلة حتى لو يصير..بتم في بالك فكرة..شو كان بيصير لو اني كملت بخياراتي الاولى!
و عسب جيه اللعبة so special..
21-02-2010, 06:53 PM
xpresscell
رد: الموضوع الرسمي | Heavy Rain
يعطيكم العافية على الموضوع الأكثر من رائع ,,,, اللعبة ماكانت داشة ببالي , بس يا اخي الموضوع شكله راح يخليني آخذها .......
21-02-2010, 06:59 PM
kingx11
رد: الموضوع الرسمي | Heavy Rain
finshed it
شيلبي مات
المحقق جايدن مات
ماديسون اصبحت ناشره كبيره لكتاب هيفي رين
لورين ماتت
شون التقى مع ابوه وعاشو بسعاده مع امه
21-02-2010, 08:02 PM
salah.vamp
رد: الموضوع الرسمي | Heavy Rain
اسمحولي على الكتابة بالخط الكبير
لاني و الله اعجبت بالموضوع
ابصراحة انكم مبدعين
وتقدرون اتقولون ان الخط الخبير( هو الصراخ من داخل القلب وانا اقول ابداااااااااااااع)
كل شيء في الموضوع كان ابداع من soundtrack
سرد القصه و ترتيب الموضوع
و في الختام اقول
يعطيكم العافية
(تحمست للعبة و ان شاء الله راح اشتريها)
21-02-2010, 09:22 PM
Cold Aura
رد: الموضوع الرسمي | Heavy Rain
موضوع ممتاز و تنسيق مبدع ..
أعجبني كلام Lonely Hunter .. و أنا أتفق معه في ما قاله .. لكني لم أنه اللعبة بعد ..
و سأعود ان شاء الله للموضوع بعد أول نهاية ..
أشعر أني سأقتل احدى الشخصيات .. أخطأت كثيرا بالأزرار عند اللعب بـ إيثن ..
و حالته الصحية و الجسدية الآن لا تطمئن XD ..
أردت اضافة هذا الرابط لمقدمة اللعبة .. ليس من أجل المشاهد بل من أجل المسيقى ..
سؤال .. أي المسيقى تعتبر هي الرئيسية ؟؟ أقصد الــ main theme للعبة ؟؟
التي وضعها الاخوة في بداية الموضوع أم التي وضعتها انا هنا ؟؟
و هناك أمر أود اضافته .. اللعبة لا تناسب من هم دون الثامنة عشر .. التقييم على اللعبة لم يوضع عبثا ..
أكرر اللعبة تحتاج إلى الخصوصية التامة ..
.
.
.
22-02-2010, 07:53 AM
سكوال الصنديد
رد: الموضوع الرسمي | Heavy Rain
هناك أمر أود اضافته .. اللعبة لا تناسب من هم دون الثامنة عشر .. التقييم على اللعبة لم يوضع عبثا ..
أكرر اللعبة تحتاج إلى الخصوصية التامة ..
لماذا هل اللعبة بها إباحية أو مشاهد خارجة عن المؤلف ؟؟؟؟
أنا متردد أشتريها ؟؟؟
22-02-2010, 08:35 AM
Yamato
رد: الموضوع الرسمي | Heavy Rain
^
^
فيها عري.. وحركات نص كم (&)
22-02-2010, 09:05 AM
dely10
رد: الموضوع الرسمي | Heavy Rain
مبرررررررررروك على افتتاح الموضوع
تسلم ايدك كاسح ولمن ساعدكعلى هذا الموضوع
بكل اختصار ابداع في الطرح والتصميم والافكار
22-02-2010, 09:08 AM
Sparta Ghost
رد: الموضوع الرسمي | Heavy Rain
ما شاء الله على المواضيع اللي تفتح النفس .. هذي حتى لو ما ابغى اشتري اللعبه بشتريها غصب علشان الموضوع :09:
للحين ما اشتريت اللعبه بس اشوف انطباعات الشباب عن اللعبه كلها حلوه .
يعطكيم الف عافيه على الموضوع الاكثر من رائع .
22-02-2010, 09:11 AM
Sparta Ghost
رد: الموضوع الرسمي | Heavy Rain
ما شاء الله على المواضيع اللي تفتح النفس .. هذي حتى لو ما ابغى اشتري اللعبه بشتريها غصب علشان الموضوع :09:
للحين ما اشتريت اللعبه بس اشوف انطباعات الشباب عن اللعبه كلها حلوه .
يعطكيم الف عافيه على الموضوع الاكثر من رائع .
22-02-2010, 09:11 AM
dely10
رد: الموضوع الرسمي | Heavy Rain
الله وأخير تسلم ايد ك يا كاسح وهيكاري وكيوبيوكل ما ساهم بالموضوع
ابداع في الطرح والتصميم والفكره
مبررروك على افتتاح الموضوع
22-02-2010, 09:13 AM
dely10
رد: الموضوع الرسمي | Heavy Rain
الله وأخير تسلم ايد ك يا كاسح وهيكاري وكيوبيوكل ما ساهم بالموضوع ابداع في الطرح والتصميم والفكره مبررروك على افتتاح الموضوع
22-02-2010, 09:20 AM
dely10
رد: الموضوع الرسمي | Heavy Rain
اقتباس:
بس اذا كانت انجليزيتك قويه و لعبت الديمو و عجبك اسلوبها فأغلق الكمبيوتر و روح السياره و طير لأٌقرب محل و اشتر اللعبه حالاً
من صجك هذا اللي بصير :)
22-02-2010, 10:56 AM
Lonely Hunter
رد: الموضوع الرسمي | Heavy Rain
اقتباس:
المشاركة الأصلية كتبت بواسطة اسكوال الصنديد
هناك أمر أود اضافته .. اللعبة لا تناسب من هم دون الثامنة عشر .. التقييم على اللعبة لم يوضع عبثا ..
أكرر اللعبة تحتاج إلى الخصوصية التامة ..
لماذا هل اللعبة بها إباحية أو مشاهد خارجة عن المؤلف ؟؟؟؟
أنا متردد أشتريها ؟؟؟
سكوال الا انت
اذا في احد بالمنتدى مانصحه ابدا ان يشتريها فهو انت :09:
صدقني ماراح تستمتع فيها ابدا لان 90% من متعتها تكون بالقصه
22-02-2010, 11:01 AM
Modi
رد: الموضوع الرسمي | Heavy Rain
الي ما خلص اللعبه لا يفتح .. متعلقه بالتروفي >_<"
هالتروفيين قاهريني عجزت اجيبهم شلون !!
Wise Guy
Under Arrest – Switch the camera off in the surveillance room before saving Ethan
و
Kamikaze
The Bear – Choose the perfect path on the highway
22-02-2010, 01:36 PM
KasiH
رد: الموضوع الرسمي | Heavy Rain
الله يعافيكم شباب وتستاهلوا افضل من كذه :)
بالنسبة لهيفي راين لم اخوض تجربة اروع وافضل واجمل من هيفي راين ! بالامس شغلت اللعبة
انا وصاحبي من الساعة 2 الظهر وماقفلنا اللعبة الا الساعة 10 الليل بالفعل خضنا تجربة خيالية
هذا ولسة ماختمنا اللعبة ، تقديم اللعبة والقصة اكثر من رائع ومشاهد الاب مع ابنه هو يلاعبه
تبث فيك عاطفة قوية وتحرك مشاعرك غصبا عنك وهذا بفضل الاخراج الممتاز والموسيقى الرائعة ..
غموض القصة وتقديمها ممتاز ومع تقدم اللعب تعرف كيف يفكر القاتل وكيف اسلوبه في القتل
الجيم بلاي مناسب ورائع جدا وهذا يعتبر افضل اسلوب لهذه النوعية من الالعاب لو المنتج فضل
انه يعطي للشخصيات اسلحة كان حيجعل اللعبة فاشلة جدا xD
الجرافكس اللعبة خلاني اشك انها افضل من انشارتد 2 بفضل الفيزيائية الرائعة وقوة تفاصيل الوجوه
لدى الشخصيات لو لم اكن اعلم انها لعبة لكنت قلت بانه فلم حقيقي يعرض في السينما .
افضل مافي اللعبة احداث الاكشن واللي فيها توتر وخصوصا لما تكون الشخصية عندها اكثر من قرار
وتتضطر انك تتخذ القرار بسرعة !! شعور اللاعب في تلك الحالة رهيب خصوصا انك تصير متوتر ومتردد
انك تتخذ قرار يخليك تندم :(
بالفعل من اروع التجارب في هذا الجيل ويمكن في الاجيال السابقة كلها ..
المشهد المخيف هو التجربة الثالثة لما Ethan يضطر انه يقطع صباعه @_@ خلاني اتردد اقطع صباعه
او لا وصديقي يقلي لا تخليه حرام xD والله يخلوك تدخل عاطفيا مع الشخصيات والقصة اكثر من رائعة .
22-02-2010, 02:29 PM
biohazard x
رد: الموضوع الرسمي | Heavy Rain
اقتباس:
المشاركة الأصلية كتبت بواسطة Modi
الي ما خلص اللعبه لا يفتح .. متعلقه بالتروفي >_<"
هالتروفيين قاهريني عجزت اجيبهم شلون !!
Wise Guy
Under Arrest – Switch the camera off in the surveillance room before saving Ethan
و
Kamikaze
The Bear – Choose the perfect path on the highway
الحل عندي دزلي أضافه على psn
22-02-2010, 02:46 PM
Modi
رد: الموضوع الرسمي | Heavy Rain
biohazard x اضفتك ^_^
توك بالبدايه .. توقعتك طلعت التروفي الي مطلع ريحتي XD
عموما .. بحط بعض الروابط الي فادتني باللعبه لتجميع التروفي
^
^
انا الى الان نسبتي 78% طبعا مابديت اشوف التروفيز الا من خلصتها اول مره اكيد
وترا تقدر تطلع النهايات او التروفيز بدون ماتلعبها من اول عد لتشباتر وغير الاحداث
بسألك خلصت تروفي
Kamikaze
اذا ايه , شلون ؟؟
عموما نهاياتي الي طلعتها لحد الان
news report <-- ماتوقع تعتبر نهايه
ethan's grave
a new start
a new life
dead heroine
uploaded
resignation
case cloed
origami's grave
a mother's revenge
unpunished
origami blues
smoking mirror
فالبدايه يوم تدور جيسون بتقابل طفل صغير لابس نفس الشيرت الاخضر ومعاه بالوون احمر هالطفل هو الاوريجامي كيلر يوم كان صغير دققو على الوجه وبتعرفون ^_^
22-02-2010, 04:56 PM
ToUaReG
رد: الموضوع الرسمي | Heavy Rain
السلام عليكم ..
امس خلصت اللعبه و بالنسبه للانطباع الكامل اللعبه روووعه و من افضل الالعاب اللي لعبتها عالـ PS3 .. يمكن تيي ورا Uncharted2 و MGS4 :D .. و الحلو في اللعبه انه في اماكن صعب انك تعطي القرارات بسهوله لانه ممكن تفقد الشخصيه اللي تلعب فيها و بعض الأماكن تعطي القرارات بسهوله و بدون تفكير بسبب انك حاقد او منقهر من شخص معين مثل
Norman لما قعد يحلل الأدله و بالأخير شك في Blake و حطولي تتهمه و لا لا , و بما اني حاقد عليه و باط جبدي فعلى طول اتهمته و أكدت على اتهامه و بالأخير سحبوا من Norman كرته و المسدس و سرحوه لوووول كسر خاطري
..
و بالنسبه حق النهايه اللي طلعت لي بعد موت 3 شخصيات من اصل 4 ..
- موت الدب المحقق
المجرم الحقير
شيلبي .. - ايثان عاش بسعاده و هناء مع ولده شون و البنت ماديسون عاد مادري تزوجها و لا :silly: .. - الشرطي نورمان مسكين سحبوا منه الشاره و المسدس وسرحوه بسبب اني اتهمت اللي معاه بليك لوتيرنت .. - و بالاخير المره لورين وقفت عن قبر
شيلبي
وقعدت تسفل فيه و اخر شي تفلت عليه :ponder: ..
و بالضبط الي صار بالنهايه انه انقذت شون لآخر لحظه ..
و شيلبي مات
و الي قتله ايثان بعد ماكان شيلبي يبي يقتل ماديسون و طاح من فوق الرافعه ..
و بالنسبه حق الايجابيات و السلبيات ..
+ سهولة التحكم في الشخصيه ..
+ جرافيكس ممتاز مع داونجريد في بعض الأماكن ..
+ عمق في القصه و تعدد الأحداث و النهايات ..
+ انميشن ممتاز وخاصه على كلامكم تم تسجيل اكثر من 300,000 حركه ..
+ تصميم الشخصيات ممتازه و خاصه انه قريبه من اشكالهم الواقعيه ( كل الشخصيات اللي باللعبه اشكالهم مشابهه لهم بالحقيقه ) ..
+ الجيم بلاي ممتاز سهل و ممتع مو مثل ماتوقع البعض انه ممل !! ..
+ الصوت في اللعبه ممتاز من ناحية التمثيل الصوتي و الموسيقى ..
- كثرة وجود الاخطاء التقنيه و القلتشات ..
- تقطيع في بعض المشاهد و الصوت ..
- تعابير الويوه الجامده و اللي يبيلها تعديل ..
- الاباحيه اللي مالها داعي باللعبه ..
و بالأخير السلبيات ماتمنع اللعبه من انها تكون من أفضل الألعاب اللي لعبتها في حياتي و افضل ألعاب سنة 2010 ..
والحمدالله ماصادفتني مشاكل باللغة الانجليزي ..
واللي عنده بلايستيشن 3 و ماعنده اللعبه اقوله طق سيارتك سلف او أجر تكسي و روح على طول اشتر اللعبه :D ..
بس لحد الحين اللعبه تقنيا ما تتقارن مع Uncharted2 :silly:
..
22-02-2010, 05:03 PM
hemo memo
رد: الموضوع الرسمي | Heavy Rain
شباب اللي من الرياض وعنده اللعبه يقولي من وين شراها وبكم بسرعه الله لايهينكم ووش فرق الاصدارات
:D اللعبة انباعت في كل الاماكن وخلصت وجت دفعة ثانية وتباع الان
احس القرار ما يطبق الا في كارفور وفيرجن !
22-02-2010, 06:32 PM
PR0
رد: الموضوع الرسمي | Heavy Rain
اقتباس:
تـم منـع آللعبـه في دوٍلـة آلآمآرٍآت آلشقيقـه ..!
كفـوو يالأمارات ,,
تمنيت تنمنع هاللعبة في جميع الدول الإسلامية
><
22-02-2010, 07:01 PM
ToUaReG
رد: الموضوع الرسمي | Heavy Rain
اقتباس:
المشاركة الأصلية كتبت بواسطة PR0
كفـوو يالأمارات ,,
تمنيت تنمنع هاللعبة في جميع الدول الإسلامية
><
حتي لو انمنعت اللعبه اللي يبيها الواحد راح يحلصها و بكل سهوله ..
GTA & GOW كلهم ممنوعين و شوفهم بسهوله تحصلهم ..
22-02-2010, 07:09 PM
KasiH
رد: الموضوع الرسمي | Heavy Rain
ماقالوا ليش انمنعت ؟ اذا كان على التعري في العاب مثل The Sabitor مانمنعت ..
والافلام كلها فيها تعري .. يعني الالعاب ممنوعة لكن الافلام والنوادي والحفلات و و و هذه كلها عادي xD
يبغالي اخذ نسخة خاصة فيا قبل لاتنمنع في السعودية كمان ..
22-02-2010, 07:32 PM
jinabil
رد: الموضوع الرسمي | Heavy Rain
استغفر الله وخلاص يا ناس مين يلى عطوا الحق انة يمنع العبة مين بس والله ردود الاجانب تسد النفس وتخلى الواحد يبكى كل ما قلنا العرب بدوا يتطورا شوية شوية يجى واحد اينزل قرار غبى ايخلى يلى يستاهل ويلى ما يستاهل يهين فينا شوف الردود بس :12: هم لماذا وضعوا esrb مو عشان يفطنوا الناس ولالا :12: http://www.n4g.com/ps3/NewsCom-480232.aspx?CT=1
22-02-2010, 07:47 PM
rare games
رد: الموضوع الرسمي | Heavy Rain
اقتباس:
المشاركة الأصلية كتبت بواسطة kingx11
fun fact ^_^
فالبدايه يوم تدور جيسون بتقابل طفل صغير لابس نفس الشيرت الاخضر ومعاه بالوون احمر هالطفل هو الاوريجامي كيلر يوم كان صغير دققو على الوجه وبتعرفون ^_^
Under Arrest – Switch the camera off in the surveillance room before saving Ethan
و
Kamikaze
The Bear – Choose the perfect path on the highway
التروفي الاول سهل.. روح الغرفة الثانية وين ما تكلم الشرطي بالميكروفون.. في كاميرا جدام الزجاج.. طفيها..
الثاني.. لازم تختار الاتجاهات الصحيحة وقت ما تسوق.. اظن انك ما تدعم..
تحتاج تسويها اكثر من مرة عشان تضبطها..
انا باقيلي سبع تروفيات.. اكثر وحدة متوهق فيها هي مالت الياهل.. اخربط لما احركه يمين يسار.. رفع ضغطي..
22-02-2010, 11:34 PM
Yamato
رد: الموضوع الرسمي | Heavy Rain
اقتباس:
المشاركة الأصلية كتبت بواسطة kingx11
مفروض الولد اللي بتوقيعك يمنعون صورته من المنتدى
lol..
صح لسانك يا باشا :09:
23-02-2010, 12:00 AM
PR0
رد: الموضوع الرسمي | Heavy Rain
اقتباس:
والله ردود الاجانب تسد النفس وتخلى الواحد يبكى كل ما قلنا العرب بدوا يتطورا شوية شوية يجى واحد اينزل قرار غبى ايخلى يلى يستاهل ويلى ما يستاهل يهين
ماحب أغير الموضوع ><
بس اخوي التطور عمره مايكون بتشجيع التعري
وبالعكس أحمد الله كوني من بلد إسلامي يمنع مثل هالألعاب
وبلا هالتطور اللي راح يكون سبب في فساد المجتمع
23-02-2010, 02:25 AM
KasiH
رد: الموضوع الرسمي | Heavy Rain
ختمت اللعبة ^^ وبالشخصيات الاربع كلهم احياء ياهو xD
ترددت كثير قبل ماشرب السم بـ Ethan :( جلست انا وخويي نتناقش هو يقلي لاتشربه وانا اقله لأ ! لازم يضحي عشان ولده xD
في النهاية خليناه يشرب السم وكويس ماندمنا .. لكن صراحة ماتوقعت ابدا ابدا يكون هذا و القاتل @_@
Scott النذل ! التويستات في اللعبة خيالية اول شيء يشككوك انه ايثان هو الاوريجامي وشوية يخلوا ولد
الغني الاورويجامي وبعدين خلوه بليك @_@ تفاجأت كثير بانه سكوت اول مااخوه الصغير ناداه Scotty
انا انجنيت @_@ مو مصدق القصة خيال ورائعة جدا جدا .. بالراحة هذه GOTY 2010
وياعيني على Madison ( قلوووووووووووووووووب ) :)
23-02-2010, 02:39 AM
Yamato
رد: الموضوع الرسمي | Heavy Rain
حد حصل تروفي يوم الميلاد.. اول تروفي باللعبة.. وشو سويتو بالضبط!
23-02-2010, 06:05 AM
rare games
رد: الموضوع الرسمي | Heavy Rain
كاسح انت مسوي جريمة بحق الي ما لعبوه اللعبة للحين او ما ختموها
حط سبولير بسرعه
:)
23-02-2010, 06:09 AM
Modi
رد: الموضوع الرسمي | Heavy Rain
اقتباس:
حد حصل تروفي يوم الميلاد.. اول تروفي باللعبة.. وشو سويتو بالضبط!
اول ما تقوم تروح لـ للغرفه الي برا من عند الحديقه حقته الي فيها الرسمات وكمل الرسمات
بعد ماتجي المدام ضبط الصحون وحطها على الطاوله بدون ماتغلط
والعب مع عيالك ... وان شاءالله يطلع لك
23-02-2010, 07:12 AM
سكوال الصنديد
رد: الموضوع الرسمي | Heavy Rain
سكوال الا انت
اذا في احد بالمنتدى مانصحه ابدا ان يشتريها فهو انت
صدقني ماراح تستمتع فيها ابدا لان 90% من متعتها تكون بالقصه
أنا أحب القصص لكن كما ذكرت أنت اللعبة فيها وفيها الكثير وعلى العموم راح أحاول
أجيبها وألعبها لكن لن أدع أخوتي الصغار يشاهدوها :33:
ومشكور على التوضيح الذي ذكرته :biggrin2:
23-02-2010, 10:09 AM
Lonely Hunter
رد: الموضوع الرسمي | Heavy Rain
كاسح
سبويلر تاق قبل لا احد يشوف ردك
23-02-2010, 10:24 AM
KasiH
رد: الموضوع الرسمي | Heavy Rain
ياجماعة والله انا متأكد اني حطيت سبويلر تاج @_@ انا مو نذل للدرجة هذه :( شكلي مع الانفلونزا يتهأيلي حاجات ان شاء الله مايكون حد شافه
واذا حد قرا كلامي لايدعي علي ..
خبر سريع هيفي راين تنسحب من الاسواق السعودية امس والملام في الموضوع الامارات ..
انا متأكد الوكيل لما جابها ماكان عارف ولما سمعوا ان الامارات منعت اللعبة قاموا اخواننا ومنعوها >_< تخلف !
امس رحت السوق مع خويي عشان ناخذ نسخة قالنا راعي المحل اللعبة
انمنعت والوزارة جات وأخذت كل النسخ في كل المحلات حتى الجنوبية سحبوا منها النسخ ..
الحين سعرها حيرتفع من جديد .. بالراحة تلاقي الجديدة 300 ريال
23-02-2010, 10:48 AM
White Knight
رد: الموضوع الرسمي | Heavy Rain
^
ههههه
أنا حصلتها في ألعاب طوكيو 240 ريال في مكة
والمشكلة ألعاب طوكيو الفرع إلا بجانب الحرم
23-02-2010, 10:57 AM
KasiH
رد: الموضوع الرسمي | Heavy Rain
ايوة بس متى اخذتها ؟
23-02-2010, 11:02 AM
White Knight
رد: الموضوع الرسمي | Heavy Rain
أخذتها قبل يومين
مثل هذي الألعاب لا تأجلها
أول ماتنزل أشتريها ( أنا كنت عارف إن يوم من الأيام سوف تسحب )
23-02-2010, 11:50 AM
Nexun
رد: الموضوع الرسمي | Heavy Rain
للأسف أنسحبت كلها وبشكل رسمي
23-02-2010, 12:49 PM
ab..d
رد: الموضوع الرسمي | Heavy Rain
noooooooooo
كنت حاس بهذا الشيء :(
--
أقدر استعيرها من صاحبي
بس ألعاب زي كذا ما احس بطعمها الا اما اشتريها
23-02-2010, 01:02 PM
ToUaReG
رد: الموضوع الرسمي | Heavy Rain
اللي يبي النسخه اللي عندي ابيعها له بـ 3 أضعاف سعرها الأصلي << يستغل الوضع :silly: ..
نطروا عليها اسبوع بالكثير و تشوفونها تنباع بس بسعر غالي :31: ..
23-02-2010, 01:05 PM
سكوال الصنديد
رد: الموضوع الرسمي | Heavy Rain
أقدر استعيرها من صاحبي
بس ألعاب زي كذا ما احس بطعمها الا اما اشتريها
ايه والله حاس بنفس شعورك رحت سألت عنها البارحة في ألعاب طوكيو وقالوا نفس الكلام
اللعبة ممنوعة وسحبت من الأسواق
كود أوف وار لما نزلت أول مرة منعوها وبعدين نزلت للبلاي ستيشن 3 وشراتها وعجبت
أخوتي الكبار وبالنسبة لي Heavy Rain ما أقول عنها إلا حاجة واحدة
طارت الطيور بأرزاقها :02::02: ( مثل شعبي عندنا) :o
لول لكل من يريد ان ينصدم موقع اول مرة اسمع عنة عارفين ايش عمل
قيم العبة
عارفين كم
4/10
عارفين ليش
عشان العبة هى يلى تتحكم فيك موانت يلى تتحكم فيها على حسب فلسفتهم الفاضية
23-02-2010, 09:29 PM
kingx11
رد: الموضوع الرسمي | Heavy Rain
اقتباس:
Sales for Sony Corp.'s Playstation 3 increased this week at Amazon.com amid the launch of the new interactive thriller Heavy Rain. On Mon., the PS3 250GB SKU held a sales increase of 160 percent to rank No. 5 in Amazon's Video Games division. Heavy Rain ranked at No. 1 top-selling product in the same period. Heavy Rain, released Feb. 23, is an interactive thriller that will include four characters and a wealth of choices that determine the fate of each.
It holds a pre-sale price of $54.96.
Sales for Sony Corp.'s Playstation 3 increased this week at Amazon.com amid the launch of the new interactive thriller Heavy Rain. On Mon., the PS3 250GB SKU held a sales increase of 160 percent to rank No. 5 in Amazon's Video Games division. Heavy Rain ranked at No. 1 top-selling product in the same period. Heavy Rain, released Feb. 23, is an interactive thriller that will include four characters and a wealth of choices that determine the fate of each.
It holds a pre-sale price of $54.96. http://news.punchjump.com/article.php?id=9630
اللعبة محد كان يتوقع تكون system seller .. بس تستاهل صراحة ابداع
اقتباس:
تعديل : هناك اشاعه قويه ان مايكروسوفت تنشر سبويلرز فالنت ويوتوب بهوية القاتل ×_×
اللي لسة مالعب اللعبة لايدخل مواقع انترنت ولا راح يندم خصوصا في N4G و Youtube
في اعضاء مسجلين اسمائهم باسم هوية القاتل كسبويلر يعني مهما سويت انك تتفادى راح تشوف غصبن عنك ..
هي حركة مسوينها من اكس بوكس فانزبويز للتخريب اللعبة فكثير يقلك خلاص اللعبة انحرقت مابغاها
لان حلاوة اللعبة في المفاجأة ..
24-02-2010, 11:14 AM
Lonely Hunter
رد: الموضوع الرسمي | Heavy Rain
^
صح
يعني من تعرف اسم القاتل اللعبه ماراح يكون لها طعم
24-02-2010, 01:17 PM
كليتوس
رد: الموضوع الرسمي | Heavy Rain
اللعبه فيها مشكله تواه الحين واجهتني تعلق تواها علقت معاي وصلت شوايه بعيد علقت شاشه شنو مشكله من جهازي او من شريط من نفسه لانه جديد قبل 5 ساعات شريته اذ تعلقت شاشه صوت يكون موجود بس يظل شاشه متعلقه
24-02-2010, 02:18 PM
Mr.Tommy
رد: الموضوع الرسمي | Heavy Rain
اخوي كليتوس اللعبة فيها بعض المشاكل التقنية انا بعد مرة علقت الشخصية اللي العب فيها واضطريت اعيد المشهد من يديد انت اطلع ورد دش مرة ثانية, اتمنى ينزلون ابديت لهالموضوع
شباب اللعبه هذا تحمست له من عرض الكاسح
بس اشوف الردود نوعا ماا محبطه . ..
الي قول اللعبه تتحكم فيك و الي يقول اللعبه فيه مشاكل الخ...
الكلام هنا هل هي لعبه تستحق التجربه؟؟ مع العلم اني من الناس الي يحب الغمووض بالالعاب.؟
26-02-2010, 06:00 AM
cooool_boy
رد: الموضوع الرسمي | Heavy Rain
خلصت اللعبة
وبنظري اعتبرها ثالث افضل لعبة على البي اس 3 بعد ميتل قير 4 وسلسلة انشارتد
بغض النظر عن المشاكل التقنية البسيطة, فاللعبة تجربة جديدة كليا في عالم الالعاب وما اعتقد اني بحياتي لعبت لعبة زي هذه تدخلك في اجواءها وتندمج معاها و تحرك العواطف
والي يقول التحكم مو عاجبه , ياخي اللعبة ليست انشارتد او ريزدنت ايفل او ميتل قير او لعبة اكشن اخرى, اللعبة لها طريقة تحكم خاصة فيها ومبتكره, بصراحة اللعبة كأنها فيلم ماودك تقفلها لانك نفسك تعرف وش راح يحصل
اعتقد ان اللعبة متكاملة والعيب الوحيد فيها بنظري الاباحية الزايدة
26-02-2010, 06:01 AM
cooool_boy
رد: الموضوع الرسمي | Heavy Rain
شي اخر اللعبة متعتها في القصة, يعني بالعربي الي انجليزته ضعيفة او مايهتم بالقصة بقدر مايهتم باسلوب اللعب يمكن ماتعجبه اللعبة كثير
26-02-2010, 06:07 AM
jinabil
رد: الموضوع الرسمي | Heavy Rain
فاستر
اذا كانت انجليزتك قوية وتحب القصص فى الالعاب يعنى تعتبر نفسك من اهم اساسياتك للعبة ان تكون القصة جيدة وتحب تجرب نوع مختلف من الالعاب طبعا تجربة جميلة فاقولها لك بصوت عالى لا تفوتك العبة بغض النظر عن الاخطاء يلى تعانى منها العبة
26-02-2010, 08:37 AM
NsaN
رد: الموضوع الرسمي | Heavy Rain
ما عندي اعتراض على طريقة اللعبة..بالعكس..جداً ممتعة كانت بالنسبة لي..
اصلاً هذا توجه اللعبة كان..
و الي يقول ان الاكشن فيها بارد..which part؟؟ :boggled:
بصراحة..انا اكون على اعصابي بمشاهد الاكشن..والله حتى راسي يعورني يوم اهز الكنترول..ههههه..
و بخصوص المشاكل التقنية...اي مشاكل؟؟ :blackeye:
عن شو تتكلمون؟
انا امس بس اول مرة..علقت اللعبة عندي..مادري اذا هالي تقصدونه..
لانها صارت معاي مرة وحدة بس..و توقعت الغلط من جهازي..
26-02-2010, 09:00 AM
Yamato
رد: الموضوع الرسمي | Heavy Rain
انسان
انا اول مرة لعبت اللعبة وخلصتها من دون مشاكل
بس من عقبها تطلع لي مشاكل باللعبة
اغلب اللاعبين وانا معاهم نظن انه المشكلة اساسا من الابديت اللي نزلناه
26-02-2010, 09:13 AM
NsaN
رد: الموضوع الرسمي | Heavy Rain
ياماتو
انزين شو هي المشاكل؟؟ انا للحين ما عرفت عن شو تتكلمون..
بعدين سؤال..
الي اعرفه اني اروم اختار الفصل الي اباه و ارد العبه..
انزين لو اخترت فصل مثلاً من نص اللعبة..عقب اروم اكمل اللعبة منه مباشرة؟
و لا بس بكون لاعب الفصل نفسه؟؟
26-02-2010, 09:45 AM
Yamato
رد: الموضوع الرسمي | Heavy Rain
المشاكل انه تعلق اللعبة معاك ولا ما يكون في صوت لما حد يتكلم او اجسام داشة في بعض ولا الراس تشوفه كانه لف على نفسه بشكل خطافي !!
بالنسبة لاختيار الفصول
في تروفيز تابعة لتشابتر بروحه.. يعني تبدا الشابتر وتنهيه.. بتكون حصلت التروفي.. فما تحتاج تحفظ اللعبة..
وفي تروفيز معينة لازم تبدا من شابتر معين لنهاية اللعبة عشان تحصلها!
26-02-2010, 11:43 AM
NsaN
رد: الموضوع الرسمي | Heavy Rain
انزين..انا انهيت اللعبة و عندي تقريباً 40% من التروفيز..
شو افضل تشابتر اعيد منه اللعبة؟
يعني ما ابغي اعيد فصول ما تأثر لا على سير القصة و لا التروفيز..
26-02-2010, 12:56 PM
Modi
رد: الموضوع الرسمي | Heavy Rain
^
^
قبل لا اجاوبك .. زين شفناك هنا .. يوم شفتك رجعتني سنين ورا
لأيام منتدى الانمي .. صحيح ماعرفك بس كنت احب اقرا ردودك هناك ^_^
نرجع للعبه
كأبعد مكان يتعبتك من اول هو Crime scene .. اذا كنت تبي تطلع تروفي Nerd
ومن بعده يجي hassan shop عشان تبدا تروفي Perfect Crime
و المكان الاول الي الـ FBI تقدر تعتقلك لأنها متعلقه بأحد النهايات
واغلب الباقي يالنهايات بالتشابترات الاخيره
خبر سريع هيفي راين تنسحب من الاسواق السعودية امس والملام في الموضوع الامارات ..
انا متأكد الوكيل لما جابها ماكان عارف ولما سمعوا ان الامارات منعت اللعبة قاموا اخواننا ومنعوها >_< تخلف !
امس رحت السوق مع خويي عشان ناخذ نسخة قالنا راعي المحل اللعبة
انمنعت والوزارة جات وأخذت كل النسخ في كل المحلات حتى الجنوبية سحبوا منها النسخ ..
الحين سعرها حيرتفع من جديد .. بالراحة تلاقي الجديدة 300 ريال
الله يبشرك بالخير شباب اللعبه عندي اللي يبيها هذا ايميلي :09: >> نذل هههههه
27-02-2010, 08:07 AM
سكوال الصنديد
رد: الموضوع الرسمي | Heavy Rain
شباب
1-هل أسلوب اللعبة مشابه لأسلوب رزدينت إيفل الخاص بمهمة ليون وكروزر الأولى ؟؟؟
فقط تطلق النار واللعبة تتحرك لوحدها ؟؟؟
2- تعبت وأنا أدور على اللعبة فين أقدر ألقاها في السعودية ؟؟؟؟
3- حسب الرودود ذكرتم أن أسلوب اللعبة أسلوب جديد تماماً في عالم الألعاب القتالية
فهل يمكن إتقان هذا الأسلوب بسرعة أم يتطلب الأمر بعض الوقت ؟؟؟؟ أقصد أسلوب
Heavy Rain القتالي ؟؟؟؟
27-02-2010, 01:25 PM
cooool_boy
رد: الموضوع الرسمي | Heavy Rain
^
اسلوب اللعبة يتطلب ردة فعل سريعة شوي, يعني اثناء الاكشن بتطلع لك ازارير على الشاشة والمطلوب منك تضغطها بسرعة, تقدر تقول مثل ريزدنت ايفل 4 و5 احيانا يوم تطلع لك ازارير عالشاشة وتضغطها بسرعة
ومن ناحية ثانية, تعتمد على اتخاذ القرارات, في مواقف في اللعبة راح يطلع لك اكثر من خيار , وانت تختار الي تشوفه مناسب على حسب رؤيتك وتقييمك للموقف, هذه القرارات هي الي بتأثر على نوع النهاية والسيناريو
يعني يبغالها لغة انجليزية جيدة عشان تعترف انت وش واخترت او وش راح تختار
27-02-2010, 11:18 PM
biohazard x
رد: الموضوع الرسمي | Heavy Rain
السلام عليكم
صح صحو يا شباب موضوع تعبان فيه الأخ العزيز كاسح والأخوان وشغل عدل حرام يموت وخاصة
أنه يتكلم عن لعبه جباره مثل heavy rain أنا صارلي أيام أدخل و أطلع ما شوف حركه تذكر
أو حلول مع العلم أنه في شباب مخلصين اللعبه 100% :33:
أنا توقعت أني ماراح الحق مع الردود على العموم أنا قاعد أحاول أخلص اللعبه 100% على الراحه
باقي لي 4 تروفيات على البلاتينيوم و أي سؤال أناحاضر بلي أعرفه:ee2:
أتمنى ينتعش الموضوع:wink2:
28-02-2010, 07:49 AM
Uzumaki.Naruto
رد: الموضوع الرسمي | Heavy Rain
صراحة من أفضل الألعاب لهذه السنة كان الجرافيكس خرافي بشكل غير طبيعي ايضاً التحكم كان صعب شوي في البداية لكن مع الوقت تتعلم عليه
وانا خلصت اللعبة واخذت اكثر التروفيات لانها كانت سهله
لكن صراحة الي ما اشترى اللعبة لا يفوتها والله رائعه بكل الاشكال وبكل المقاييس انا تقييمي لها 10/10 في كل شي
ومشكورين على التقرير الرائع كما عهدناكم يا مبدعين منتدى المنتدى شكراً جميعاً
28-02-2010, 09:14 AM
سكوال الصنديد
رد: الموضوع الرسمي | Heavy Rain
مشكور يا cooool_boy
بس ما جاوبت عن
2- تعبت وأنا أدور على اللعبة فين أقدر ألقاها في السعودية ؟؟؟؟
3- حسب الرودود ذكرتم أن أسلوب اللعبة أسلوب جديد تماماً في عالم الألعاب القتالية
فهل يمكن إتقان هذا الأسلوب بسرعة أم يتطلب الأمر بعض الوقت ؟؟؟؟ أقصد أسلوب
Heavy Rain القتالي ؟؟؟؟
28-02-2010, 12:43 PM
biohazard x
رد: الموضوع الرسمي | Heavy Rain
تروفي البيرفيكت كرايم ياريت حد يشرحلي بالتفصيل الممل ... لأني تعقد أول مرة أجرب هنوع من الألعاب :33:
أترك الشخصيات المطلوبه تموت هذا أعرفه
المشكلة في محل الساعات يجب أعرف ماذا أعمل بالضبط لأنه عندما تركت أيثن و ميدسن يهربون من الشرطه بعدها كم مشهد وصلت محل الساعات نظفته من البصمات ok لم يذهب سكوت مع لورين للشرطه
وأذا تركت أيثن وميدسن يقبضون عليهم بعدها مهما حاولت أنظف المحل من البصمات سكوت ولورين عند الشرطه
المشكله في أن المواقع كلها تقول أترك أيثن يقبضون عليه:(
28-02-2010, 01:54 PM
toushiro
رد: الموضوع الرسمي | Heavy Rain
سؤال
اليوم رحت اسال عالعبه قال لي ابو المحل ان اللعبه فيها اباحه كثيره وحتى ان دولة الامارت منعتها
هل هذا صحيح
وهل اشتري اللعبه لو لا؟
28-02-2010, 02:37 PM
Yamato
رد: الموضوع الرسمي | Heavy Rain
اقتباس:
المشاركة الأصلية كتبت بواسطة biohazard x
تروفي البيرفيكت كرايم ياريت حد يشرحلي بالتفصيل الممل ... لأني تعقد أول مرة أجرب هنوع من الألعاب :33:
أترك الشخصيات المطلوبه تموت هذا أعرفه
المشكلة في محل الساعات يجب أعرف ماذا أعمل بالضبط لأنه عندما تركت أيثن و ميدسن يهربون من الشرطه بعدها كم مشهد وصلت محل الساعات نظفته من البصمات ok لم يذهب سكوت مع لورين للشرطه
وأذا تركت أيثن وميدسن يقبضون عليهم بعدها مهما حاولت أنظف المحل من البصمات سكوت ولورين عند الشرطه
المشكله في أن المواقع كلها تقول أترك أيثن يقبضون عليه:(
ابدا اللعب من الدكان وين ما الحرامي يدش.. خله يقتل البائع وخلك انت بمؤخرة المحل..
بمحل مانفريد للساعات.. تاكد انك مسحت كل البصمات.. في بصمتين لازم تنتبه عليهم.. الكؤوس ثلاثه.. امسح الكاس اللي بالنص لانه هذا اللي انت شربت منه.. وفي بصمة لورين على صندوق الزجاجي اللي جدام المدخل.. هذا لو وقفت فترة بتشوف لورين تستند عليه.. فبعد مقتل مانفريد تقدر تنظفه..
لما يكون شيلبي ولورين بالسيارة تحت الماي اطلع بشيلبي وخلي لورين تغرق..
عقبها بتروح لكرايمر واقتله عن طريق انك ترفض تعطيه الدواء
بالشقة لما ماديسون تنحبس.. خلها تموت
وجايدين اقتله باخر شابتر.. يعني خله (جايدن) يكتشف من هو القاتل عشان يروح للمخزن ويتضارب معاه وبالتالي تقتله..
واما بالنسبة لايثان.. فانا خليته ينمسك بالمرتين لما الشرطة تطارده.. وبالمرة الثانية يكون قبلها مع ماديسون.. خلهم يسوو شغلهم وعقبها سامحها.. مب ترفضها!
بالطبع لا تنسى تشغل التسييف!
ولما تخلص اللعب راح يطلعلك التروفي على بداية ظهور الاسامي
28-02-2010, 04:07 PM
biohazard x
رد: الموضوع الرسمي | Heavy Rain
أشكرك أخوي ياماتو جزيك الشكر
01-03-2010, 06:58 AM
Yamato
رد: الموضوع الرسمي | Heavy Rain
ها بشر يا بيوهازارد..
مشت امورك؟!
اذا في حد عنده استفسار.. فانا حاضر للمساعدة..
شباب..
حد عنده خبر عن الـ DLC اللي المفروض تنزل هالشهر..
01-03-2010, 07:36 AM
سكوال الصنديد
رد: الموضوع الرسمي | Heavy Rain
ليه ما تساعدوني :02::02:
لكن لم أعرف الأجابة عن
2- تعبت وأنا أدور على اللعبة فين أقدر ألقاها في السعودية ؟؟؟؟
3- حسب الرودود ذكرتم أن أسلوب اللعبة أسلوب جديد تماماً في عالم الألعاب القتالية
فهل يمكن إتقان هذا الأسلوب بسرعة أم يتطلب الأمر بعض الوقت ؟؟؟؟ أقصد أسلوب
Heavy Rain القتالي ؟؟؟؟
01-03-2010, 09:46 AM
Yamato
رد: الموضوع الرسمي | Heavy Rain
سكوال
هيفي راين مب لعبة (قتالية)..
عندك شخصيات تلعب بهم.. تظهر لك ازرار مثل الاكس والمربع وغيرها.. وانت تضغط عليها (لك الحرية في الضغط عليهم او لا) وايضا هناك قرارات تظهر لك لتحديد مسار لعبك..
لذا.. لا.. هيفي راين ابعد ما تكون عن العاب القتال..
اما وين تحصلها.. فدور والله يعينك..
01-03-2010, 12:38 PM
tsubasa010
رد: الموضوع الرسمي | Heavy Rain
شباب عندي مشكلة واجهتني باللعبه
اليوم شغلت اللعبه لكن ظهر رسالة اتقول
registration of the trophy information could not be completed
the game will quit
( 8001050f)
وبعدها رديت لmenu دخلت على trophy collection ماحصلت ملف تروفي الخاص باللعبه!! معقوله اختفى ، حسافه كل التروفي اللي حصلته لheavy rain اختفى
في أحد يقدر يفيدنا شنو الحل ؟
