مسيرة ثلاث شهور في كمال الأجسام + صور << للإفادة و الاستفادة

أول شي بـسم الله الرحمن الرحيم !!

مقدمة !!

كنت أتمنى لو إني أدخل صالة نادي حديد حتى أتمرن و أذكر في سنة 2006 كان عمري 13 سنة لما سافرنا و كان في الفندق صالة نادي حديد كنت أروح النادي و أتمرن في اليوم مرتين
كنت أتمنى أشترك في نادي لكن التوصيل ماكان متوفر !!

عايلتنا عندنا السمنة وراثة فكنت اتحكم في وزني عن طريق الريجيم و كنت امارس رياضة في البيت الي اهي عبارة عن : ضغط + معدة
و كان عندي دنبل واحد 5 كجم كنت اشيله لما اتعب في اليد اليمنى ثم اليسرى

و ما كنت اعاني من السمنة و لكن شكل جسمي كان جدا سيء
إذا لبست الدشداشة أو التي شيرت تقول هذا ضعيف اما اذا نزعتهم ما تاكل ثلاث ايام

قبل نادي الحديد بــ شهر كان وزني 76 كجم سويت ريجيم لمدة شهر لما نزل إلى 65 كجم

بدايتي

كانت في تاريخ 15 - 12 - 2009 رحت مع صاحبي النادي و اشتركت لعبت شامل لمدة اسبوع و على فكرة في الشامل ولله الحمد كنت اشوف نفسي اشيل اوزان حلوة عكس الي اشوفهم اول ما يدخلون مثلاً البار كنت أشيل 5كجم------5كجم و في ناس اشوفهم يشيلون بدون وزن

المكملات !!

http://myamino.com/attachments/Image/nutrex-lipo-6.jpg

بعد أول ثلاث أسابيع من النادي كان موجود عند اختي و مستعمل ( نصف علبة ) فاستخدمت النص الباقي لمدة نصف شهر و كانت نتائجه حلوة و يمدني بالطاقة الناتجة عن كمية الكافيين الكبيرة

طريقة الاستخدام : في اول ثلاث ايام حبة قبل الفطور بنص ساعة و حبة قل الغداء بنص ساعة
و الايام الباقية حبتين قبل الفطور نص ساعة و حبتين بعد الفطور نص ساعة

http://myamino.com/attachments/Image/MEGA_10000(1).jpg

بدأت آخذه بعد أول اسبوع لي ( بعد ما انتهيت من الشامل )

طريقة الاستخدام : 2 بعد أول وجية و 2 قبل التمرين و 2 بعد التمرين
بعد مرور شهرين : 6 قبل التمرين و 6 بعد التمرين

http://shop.liveleantoday.com/media/...plex%204lb.jpg

بدأت آخذه بعد شهرين من النادي بعد ما اكتشفت أن الأحماض الأمينية لا تنفع بروحها

طريقة الاستخدام : كنت آخذ 1 سكوب قبل التمرين و 2 سكوب بعد التمرين

الجدول :

اليوم الاول : صدر و باي
اليوم الثاني : بيطان و تراي
اليوم الثالث : اكتاف مثلثات

أما المعدة غالبا العبها مع ( الصدر و الباي ) و ( اكتاف و مثلثات ) و السواعد مع ( بيطان و تراي )
أيام الراحة في ألأيام الي ما أقدر أروح فيها و غالبا ما تكون من يوم إلى يومين في الاسبوع

أمارس المشي نصف ساعة و الهرولة في نصف ساعة
متى ما حسيت اني فاضي
لكن حالياً قاطع مسألة الهرولة نظراً لما أعاني من ضيق وقت يعني اتمرن نادي فقط

التمارين

تكون على ثلاث جولات
و كل جولة 8 تكرارات

الملخص :

الطول : 167 سم
الوزن : 66 كجم
نسبة الدهون : 15%
العمر الحالي : 18سنة ( 1992)
المدة من دخول عالم كمال الأجسام : 3 شهور

http://store2.up-00.com/Mar10/MXR83249.jpg

http://store2.up-00.com/Mar10/7ie83849.jpg

ملاحظات :
أعاني من مرض الجينو ( تضخم حلمة الصدر ) gynecomestia و قرأت موضوع عنه في المنتدى و الحل يكون بالعملية و إنشالله في المستقبل
تسبب لي الاحراج اذا لبست التي شيرتات ( السادة )
أو إذا رحت البحر أو ما شابه ذلك
http://store2.up-00.com/Mar10/a5r84835.jpg

- أعاني من ترهلات في منطقة المعدة و الخواصر
http://store2.up-00.com/Mar10/3AZ84356.jpg

هدفي :

جسم حلو ( سواء كان فتنس ولا جسم فرنسي أهم شي يكون حلو )

خططي المستقبلية في المكملات ( آرائكم ) :

قاعد أفكر آخذ شي يعطيني باور بالتمرين ففكرت بالكرياتين
no xplode

http://myamino.com/attachments/Image/0bsn-no-xplode.jpg

و هم أبي أنشف الدهون في منطقة الخواصر و المعدة
محتار بينه و بين الـ lipo 6x
http://myamino.com/attachments/Image/16.jpg

و طبعا فكرت في الهرمونات لأني اشوف الناس بجميع الأعمار ياخذونها و أجسامهم ماشاءالله فسويت استفسار عن الهرمونات لكن الجماعة ما خلوني بارك الله فيهم

و على فكرة الميزانية محدودة !!

الحين شتبي !!

أبي نصايحكم و إرشاداتكم
من تمارين و مكملات

سامحونا على الإطالة و لكم جزيل الشكر

مع تحياتيـــ ...

شو المكملات المتواجده معاك حاليا؟

كم يوم تقدر تلعب بالاسبوع ؟

بالنسبة لكلامك عن الجينو عين خير مافيك شي مجرد دهون من الرجيم

بالنسبة للتمارين
للمبتدئ


العضلات الكبيره 4 تمارين - 3 جلسات
العضلات الصغيره 3 تمارين - 3 جلسات

العب وزن خفيف الى متوسط وتكرار عالي وكل جلسه قلل الوزن او العب وزن ثابت بحيث انك تكملها

حاول تلعب تركيز اكثر خصوصا صدر

بنظري ماتحتاج حارق دهون جسمك وايد حلو ماشاءالله عليك بس يبالك تركز على تمارين البطن والخواصر
راجع موضوع بو راشد عن تمارين البطن( بالمواضيع المميزه)
لكن لو مُصر فا ماتحتاج الاكس خلك عالعادي

اقتباس:

---

المشاركة الأصلية كتبت بواسطة AmiTy Ville

شو المكملات المتواجده معاك حاليا؟


الي موجودين بالصور
Mega amino 10.000
pro complex


كم يوم تقدر تلعب بالاسبوع ؟

تقريباً 6 أيام في الاسبوع

بالنسبة لكلامك عن الجينو عين خير مافيك شي مجرد دهون من الرجيم

الله أعلم بس الحالة كانت موجودة عندي من سنة الـ 13 أو 14 تقريباً

بالنسبة للتمارين
للمبتدئ

العضلات الكبيره 4 تمارين - 3 جلسات
العضلات الصغيره 3 تمارين - 3 جلسات

و إذا أنا اساساً العب للكبيرة من 5 - 6 تمارين
و الصغيرة 4 تمارين
هل من الأفضل إني أقلل ؟

العب وزن خفيف الى متوسط وتكرار عالي وكل جلسه قلل الوزن او العب وزن ثابت بحيث انك تكملها
إن شاء الله

حاول تلعب تركيز اكثر خصوصا صدر
كيف يعني تركيز ؟

بنظري ماتحتاج حارق دهون جسمك وايد حلو ماشاءالله عليك بس يبالك تركز على تمارين البطن والخواصر
راجع موضوع بو راشد عن تمارين البطن( بالمواضيع المميزه)
لكن لو مُصر فا ماتحتاج الاكس خلك عالعادي

عيل خلنا على الـ no xplode

---

يـــعطيك العافية و الله يخلينا لك إنشالله
ما قصرت بعد عمري

ماعندي شي افيدك فيه ,, لاني بروحي ادور من يصحح لي الكثير من المعلومات الخاطئه الي عندي

لكن حاب اني احييك على أرادتك و استمراريتك و تواصلك في التمرين ,,

و كل شي له بدايه ,, لاتوقف و الله يوفقك

اقتباس:

---

العضلات الكبيره 4 تمارين - 3 جلسات
العضلات الصغيره 3 تمارين - 3 جلسات

و إذا أنا اساساً العب للكبيرة من 5 - 6 تمارين
و الصغيرة 4 تمارين
هل من الأفضل إني أقلل ؟

---

ما فهمت عن اي تمارين تتكلمون؟؟

بالنسبة لمنطقة الصدر الحلمة بالذات افضل تمرين لها من تجربة المتوازي الحر والبل اوفر والديك لاين اوزان متوسطة وتكرارات عالية قهرية وشئ مهم اثناء اداء التمرين في حالة النزول بالوزن انزل بهدوء وتركيز مع التركيز على تمارين الكارديو لحرق الدهن المتجمع في منطقة الحلمة واسفل الصدر
والصبر بالتمرين النتايج ما تجي بين يوم وليلة
بالتوفيق

بالنسبة للجينو حلها عند الدكاترة والي عندك بسيط جدا ووضعك ان شاء الله ما منة خوف

بالنسبة لنو اكسبلود ما يحتاج والله ودام هدفك ما بين فتنس و فرنسي ما يحتاج حتى ليبو 6

والدهون الي بجسمك بسيط جدا ووزنك المثالي هو 66 الي هو الوزن الحالي لكن عندك مشاك بتوزيع الدهون في جسمك

حلها يتكون من نقاط مشيت فيها كسبت الجسم المطلوب

1- المواظبة على التمرين يوم ورا يوم

2- الاكل الممتاز والغني بالبروتين والبعيد عن الدهون

3 - التمرين الجيدة لأزالة الدهون عن جسمك

4- النوم الجيد

هدفنا هو استبدال الدهون بالعضلات ويكون وزنك ثابت حتى تكون في نفس وزنك الان لكن نسبة الدهون تكون 4 او 4 بالمية

وهذا يعطيك جسم فتنس الى فرنسي

اللعب يكون بتكرارات عالية

مثلا

20/15/12/10

وهكذا وتقدر تسجل في نادي وتقول لمدربك ابي جسم فرنسي او موديل وهو راح يفهم ويعطيك التمرين بجدول النادي المسجل عنة وراح تظبط امورك

بالتوفيق

ماقصرو الابطال اميتي وابو راشد الله يحفظهم دائماً في وقتهم

واتبع نصايحهم بارك الله فيك علشان تستفيد ... نصايحهم ما وراها الا فايدتكم ولا تنسى تدعي لهم يستاهلون اكثر والله .....



بالتوفيق

مشــكور بو راشد ما تقصر والله !! على راسي


اليوم أنا كان عندي أكتاف و مثلثات بدأت ألعب
ثلاث جولات
الجولة الأولى : 12 تكرار
الجولة الثانية : 10 تكرارات
الحولة الثالثة : 8 تكرارات

هل استمر في هذذا النظام ؟

و بالنسبة للأكل إنشاءالله قاطع الدهون مركز على البروتين و الكربوهيدرات ( قبل التمرين )

و بالنسبة للنواكسبلود و الليبو6 >>> وفرنا فلوس ;)

و إنشاالله أنزل نسبة الدهون الي بجسمي
ليــــ الـ 4%
على فكرة كانت قبل النادي >>> 22%

______________________________________________

حبيبي منادة الليل انشالله دعائي يشملك معاهم ;)

لا يختلف التكرار الي لعبتة تكرار تضخيم وانت محتاج جسم فتنس ومحتاج حرق تكرارك يكون نفس ما ذكرت لك
20/15/112/10

15/12/10

وهكذا لكن بما انك مبتدى الكتف بيكون ضعيف فبعض تمارين الكتف راح يعطيك تكرار عالي زي 3 جلسات 12 او اربع جلسات 12 خاصة للكتف الخلفي علشان تكسب قوة ثم يعطيك التكرارات زي 15/12/10 وهكذا

وبالنسبة للكاربوهيدرات لا تكثر منة واذا بتاخذة يفضل قبل ما تروح النادي فقط

بالتوفيق

اقتباس:

---

المشاركة الأصلية كتبت بواسطة آبو رآشـد

لا يختلف التكرار الي لعبتة تكرار تضخيم وانت محتاج جسم فتنس ومحتاج حرق تكرارك يكون نفس ما ذكرت لك

20/15/112/10

15/12/10

وهكذا لكن بما انك مبتدى الكتف بيكون ضعيف فبعض تمارين الكتف راح يعطيك تكرار عالي زي 3 جلسات 12 او اربع جلسات 12 خاصة للكتف الخلفي علشان تكسب قوة ثم يعطيك التكرارات زي 15/12/10 وهكذا

وبالنسبة للكاربوهيدرات لا تكثر منة واذا بتاخذة يفضل قبل ما تروح النادي فقط

بالتوفيق

---

شرايك بو راشد !!
استمر على التكرارات هذه يعني استمر على التضخيم و لما اضخم العضلات بعد فترة أنشف ؟؟
يعني يكون التنشيف في منتصف الصيف
و لما أنشف تكون العضلات 100% ,,,

و عندي سؤال لو ما عليك أمر ..
التنشيف كم شهر تقريباً ياخذ ؟
و إذا استخدمت معاه حوارق دهون مثل ليبو 6 ؟

شاكر لك جهدك بعد قلبي بو راشد

بالنسبة لك ما يحتاج ابد تنشيف لان راح نقطع عن مورد للدهون حاول ما تاكل دهون وخلاص ما راح يجيك الدهون ولا تحتاج تنشيف انت تلعب تقسيم تكراراتك تقريبا زي تكرار التنشيف وانت ما تاكل دهون كذا جسمك يتقسم ويخسر دهون بنفس الوقت لكن انتبة مسالة البروتين مهمة ولا ما راح تبني تقدر تشتري مكمل بروتين اشتر افضل لك وارسع او انك تركز على التونة والديك الرومي وصدور الدجاج والسمك والخ الخ علشان تمى جسمك بالبروتين بالنسبة للتمارين تحتاج مدرب وهذا شي مهم جدا عشلالن تفرق التكرارات من تمرين الى تمرين ما نقدر نعطيك جدول غير كذا لازم كل اسبوع تغير جدولك ويكون جدولين عندك اسبوع واحد جدول واحد اسبوع 2 لجدول 21 وهكذا وهذا المدرب يعطيك ايها سبب ذكر التكرارات الي عطيتك ايها علشان تعرف وش تكرارات التقسيم واذا جاء مدربك وتفلسف وعطاك تكرارات زي 10/8/6/4 تقولة لا ما ابي تضخيم لان التضخيم غير التقسيم مرة الي يحب الجسم التقسيم ودخل نضخيم راح يكرة شكلة وهذا شي اكيد لانة تبي واحد وسيع صدر وصبور ام التقسيم راح يطلع معك بسرعة اذا استمريت على كلامي ايل قلتة لك
بالتوفيق

بطل يا بو راشد ماقصرت :)

اقتباس:

---

المشاركة الأصلية كتبت بواسطة آبو رآشـد

بالنسبة لك ما يحتاج ابد تنشيف لان راح نقطع عن مورد للدهون حاول ما تاكل دهون وخلاص ما راح يجيك الدهون ولا تحتاج تنشيف انت تلعب تقسيم تكراراتك تقريبا زي تكرار التنشيف وانت ما تاكل دهون كذا جسمك يتقسم ويخسر دهون بنفس الوقت لكن انتبة مسالة البروتين مهمة ولا ما راح تبني تقدر تشتري مكمل بروتين اشتر افضل لك وارسع او انك تركز على التونة والديك الرومي وصدور الدجاج والسمك والخ الخ علشان تمى جسمك بالبروتين بالنسبة للتمارين تحتاج مدرب وهذا شي مهم جدا عشلالن تفرق التكرارات من تمرين الى تمرين ما نقدر نعطيك جدول غير كذا لازم كل اسبوع تغير جدولك ويكون جدولين عندك اسبوع واحد جدول واحد اسبوع 2 لجدول 21 وهكذا وهذا المدرب يعطيك ايها سبب ذكر التكرارات الي عطيتك ايها علشان تعرف وش تكرارات التقسيم واذا جاء مدربك وتفلسف وعطاك تكرارات زي 10/8/6/4 تقولة لا ما ابي تضخيم لان التضخيم غير التقسيم مرة الي يحب الجسم التقسيم ودخل نضخيم راح يكرة شكلة وهذا شي اكيد لانة تبي واحد وسيع صدر وصبور ام التقسيم راح يطلع معك بسرعة اذا استمريت على كلامي ايل قلتة لك

بالتوفيق

---

والله بيني و بينك احس انه المدربين الي بالنادي أي شي !!
بس ما عليه إنشالله يصير خير و ما تقصر بو راشد و الله يعطيك ألف عافية

الله يطولي بعمرك يا حمد


ويا وحش المدربين الي في النادي ياخذونهم من البطولات ويحطونها بعضهم يعتمد على مدرب ايام عزة وبعضهم يعتمد على نفسة والبعض فاهم لكن يشوف واحد مبتدى ويعطية اي شي

اتبع نصائح الكباتن وماراح تندم

والله يوفقك