عرض للطباعة
مساكم الله بالخير
عاجل ياكباتن انا خذت منتج وحسيت ان انصب علي
خذت واي بروتينن علبه كبيره متروسه ب250 بس :wow:
يقول عضل صافي ويقول حط سكويبين لان السكويب الواحد 27 غرام
ومالقيت له صوره بالنت لاكن مكتوب اسم الموقع عليه وهو www.allthewhey.com
ويقول تقدر تستعمل سكويب السمارت واي الي قبل نزلت موضوع عنه يقول سكويب السمارت واي اكبر حط اثنين ونص
واسمحولي على الاطالع بس ياليت ياكباتن المنتدى انكم تفيدوني
لقيت صوره له
http://www.up.qatarw.com/get-3-2010-x62015f0.jpg
السلام عليكم
أخوي على ما أعتقد أن بروتين الواي يجي بهذا الشكل
http://www.regrowhair.com/wp-content...ey-protein.jpg
وطبعاً هذا النوع يستخدم بوضع كوبين من الكوب الي تيجي مع العلبة ..
وهاي فيديو لطريقة الأستعمال
وإذا ما كان هذا هو البروتين المقصود فـ أعطيني أسمه بالأنجليزي ..
موفق يالطيب ..
صحيح اخوي لاكن الواي بروتين شركات واجد وهذا من اشهرها وافضلها وياليت احصل ينباع في قطر عجزت مالقيت
بس الي حاطه انا بعد واي بروتين بس ماعرف عنه شي اذا جيد ولا سيئ وابيا عرف طريقه الاستعمال وشاكر لك مرورك ياكبتن وانتظر باقي الكباتن
اي نفس الشركه ياخوي مشكلجي لاكن هو نفس الي بالصوره الي انا حاطها بس الي عندي على فراوله
اسم المنتج بالكامل اخوي واي بروتين وبعدين الكلمه اللي بعدها لان الصورة ماهي واضحه عندي !
ليش ماتدخل الموقع اخوي يمكن في معلومات عنه والكلمه الي مكتوبه تحت الواي 100% pure proteln
من قالك ما دخلت ؟ يعني من وين جبت الصورة انا ؟
وفي اربع انواع منه يا غالي كلهم واي بروتين !!!! لكن يختلفون في المحتوى البعض فيه نسب فات وكربوهيدرات والاخر يختلف وهناك نوع صافي زيرو فات حددلي انت يا غالي العلبه ماهي عندك ولا شنو ؟
اقتباس:
المشاركة الأصلية كتبت بواسطة بارجيم
اها .. يعني انتَ من قطر .. أمم طيب أنا من البحرين .. أخوي قطر قريبة للبحرين
وعلى فكرة عندنا في البحرين متوفر هالمنتج .. عموماً انا أستعمل الجينر .. وما جربت هذا مع الأسف
أنتظر الأخوة الي عندهم خبرة بهالمنتج .. موفق
اسمحلي يا ابو ابراهيم صادق انت يعني من وين جبت الصوره حقك علي
وهذا الي عندي الله يستر شكله موب بروتين وفعلا نصب علي http://www.allthewhey.com/mrp05.html
اخوي هذا بروتين معاه نسبه ممتازه من الفيتامينات لكن للاسف سكوبين يعطيك 27 جرام بروتين يعني مقارنه بالواي بروتين اللي من نفس الشركة يعطيك بالسكوب الواحد 24 جرام بروتين
لو تروح ترجعه وتاخذ الواي بروتين من شركتهم يكون افضل من هالمنتج لانه هالمنتج ماهو بذيك السمعه وحرام تاخذه بس عشان فيه فيتامينات تقدر تاخذ ملتي فيتامين من الصيدليه ويكفيك فوق الشهر
اخذ النوع اللي حطيت لك صورته هذا ممتاز رجعه دام ما استخدمته للحين
موفق خير
الله يعطيك العافيه وياويله الي باعه لي بكره شكلي بتمرن فيه لانه نصب علي
ولاهنت ان شاءا لله
ههه لا أخوي .. بس قول له مع الأسف ما ناسب جسمي
وأبي الواي بروتين .. وإذا ما عندك فـ رجع لي فلوسي .. وفي 100 محل بدل الواحد
وحتى صالات الجم أو النادي يجيبون هالمنتجات لو تقول لهم .. يسووون لك أوردر ,,
موفق يالطيب
الله يوفق الجميع ياخوي وفعلا البحرين قريبه لاكن هالفتره ماقدر اروح عشان كذا شريت من هنا والبروتين اليوم ان شاءالله برجعه ولو ان يوم انا شريته قال لي موب مشكله افتحه لان انا ابي افتحه بعد هو مايدري شالكميه اليفيه فتحه وشافه متروس لين اخر شي وبس حطه بكيس بلاستك
يعني لو برجعه بمسكها عليه بقول له انت الي بطلته موب انا هههههه
طيب هذا السكويبين 27 غرام بس سكويبه صغير لو استعمل سكويب السمارت واي سكويبه اكبر احط اثنين بيطلع لي يمكن 35 او 37 فشرايكم
اخوي ماهي مساله كبر السكوب او كمية البروتين المشاله كلها كم راح يبقى معك لو استخدمت سكوب اكبر ؟؟ اكيد ما بيقعد معاك اسبوعين !!
عرفت السالفه
طيب اذا مارجعه لان مكتوب على المحل البضاعه الي تباع لاترد ولاتستبدل يعني شكلي انكبت
هل ممكن استعمل ثلاث سكويبات وبعد التمرين احط اربع سكويبات
واسمحلي ياكبتن مشكلجي بس انا ابي حل يكون لو اني ماقدرت ارجعه
اذا ما رجعته عليك العوض المفروض تسال مره ثانيه دامك تعرف هالقسم واللي فيه من ناس خبرتها ولله الحمد ماهي قليله
لكن تسرعك هو اللي وضعك في هالموقف خلاص يا اخي استعمل سكوب اكبر او اذا تحب خلهم بدال سكوبين 3 سكوبات بالجرعه الواحده
لكن لا تتعشم هالمنتج راح يبقى معك فتره او تشوف منه نتائج لان المنتجات اللي بالاساس تكون قليله بالفتره الزمنية مثل ( النيتروتك , الجاكيك الحجم الصغير ) كلها تبين اثارها من اول اسبوع
اما المنتجات اللي شغلهم مش حالك مثل المنتج اللي معاك ساطرين لك اسطر بالخلف وبعدين تتفاجأ ان الكمية اللي فيه ما توفي معك شهر كامل وهو بالاساس بروتين يعني مهم جدا فيمكن ما تشوف اختلاف او تلاحظ على نفسك شي
فالله يعينك واستمر فيه اجل دام ما تقدر ترجعه ره ثانيه لا تشتري من هالمكان
انا عارف والله كلامك كله على عيني وراسي لاكن هالمكان انا متعامل وياه قبل وراعيه يتمرن وياي بالصاله بس مسافر هندي هو وهذا اخوه الي يبيع عشان كذا وثقت بكلامه المشكله لو صاحبيم وجود كان رجعته بس اخوه مايعرفني عدل وصحيح كان المفروض قبل اي مغامره لازم اسال ولله الحمد فعلا هنا الكباتن خبره