محتار بين السرفر الأوروبي والأمريكي FFXIV ايش رأيكم؟

السلام عليكم يا شباب،

عندي فاينل فانتسي 13 وحبيت أسجل الكود حقي على عضوية سكوير إنكس عشان آخذ الآداة السرية في فاينال فانتاسي 14. بس الصراحة مني عارف أسجل عضويتي الحين عالنسخة الأوروبية أو الأمريكية. أنا حاليا في ألمانيا بس بغض النظر لايزال حتى لو رجعت السعودية التوقيت الأوربي أقرب لنا

على ما أذكر أيام فاينال فانتسي 11 كانوا أغلب الشباب في النسخة الأمريكية. بس أحس الأوروبية أفضل من ناحية الوقت. على الأقل أقرب لوقتنا كله الفرق بيننا وبينهم تقريبا ساعتين. يعني بحيث إنه تكون أوقات الكويستات والمهمات في اللنك شل تناسبنا.

الصراحة أنا لعبت فاينال 11 وخرجت ما طولت وما أعرف كيف كانت أوقات المهمات مع اللنكشلات بتنحط.

ولد عمي الصراحة في السفر الأمريكي بس هوا عايش هناك حاليا عشان كده ما تفرق معاه. وأكيد فله لما نكون أنا وهوا في سرفر واحد. للأسف مافي سرفر وسط. يا أجيه يا يجيني. أو كل واحد يلعب في السرفر اللي يناسبه.
أتمنى من الجميع إنهم يشاركوا ويبدوا آرائهم من واقع خبرتهم في اللعبه.

إيش تفضلو السيرفر الأمريكي أو الأوروبي؟ وليش؟

سيرفرات فاينل 11 طول عمرها موحده يعني اللاعبين من كل مكان بسيرفر واحد ومافي سيرفرات خاصة لأقاليم محدده والسيرفر طول عمره مكانه باليابان، وهذا اللي بيصير لفاينل 14 بس سكوير قالت انها بتدرس إمكانية انهم يسوون سيرفرات خاصة بأروبا وامريكا واليابان لكن حالياً ماكو أي أخبار.

اقتباس:

---

على ما أذكر أيام فاينال فانتسي 11 كانوا أغلب الشباب في النسخة الأمريكية. بس أحس الأوروبية أفضل من ناحية الوقت. على الأقل أقرب لوقتنا كله الفرق بيننا وبينهم تقريبا ساعتين. يعني بحيث إنه تكون أوقات الكويستات والمهمات في اللنك شل تناسبنا.

---

هههههههههههههههههههههههههههههههههه
شكلك امضيع بين فاينل و واو
فاينل فيها الياباني والاوروبي والامريكي نفس السيرفرات بس اختلاف الجي ام

اقتباس:

---

المشاركة الأصلية كتبت بواسطة Dark_Knight

سيرفرات فاينل 11 طول عمرها موحده يعني اللاعبين من كل مكان بسيرفر واحد ومافي سيرفرات خاصة لأقاليم محدده والسيرفر طول عمره مكانه باليابان، وهذا اللي بيصير لفاينل 14 بس سكوير قالت انها بتدرس إمكانية انهم يسوون سيرفرات خاصة بأروبا وامريكا واليابان لكن حالياً ماكو أي أخبار.

---

تعرف أقلك ايش اللي خلاني أفكر في كده، لأنه كان عندي اللعبه نسخة أمريكا الشمالية وضيعت السيدي، قمت أشتريت النسخة الأوروبية ولما نزلتها وجيت أشغلها ما قدرت أخش عاللعبة كانت تعطيني خطأ في POL. لما أتصلت على سكوير أنكس قالولي إنه الأكاونت يختلف من نسخة لثانية ولازم إني اني أنزل نسخة امريكا الشمالية. فعلا نزلتها واشتغلت. يسير من بعد ما نبهتني أقدر أطبق الكلام هذا على تجربتي وأفهم إنه الأختلاف في الأكاونت فقط وانو كل النسخ متشاركة في نفس السيرفر!

والله هدي الأشياء كلها ما كنت أعرفها لكن عموما. يسير أوجه السؤال الآن بشكل أفضل:
ايش اللي يخلي الواحد مثلا يشتري النسخه الأمريكي ومو الأوروبية؟ طالما السيرفرات نفسها مهي فارقة. إيش رأيك؟

اقتباس:

---

المشاركة الأصلية كتبت بواسطة Zanshin

هههههههههههههههههههههههههههههههههه
شكلك امضيع بين فاينل و واو
فاينل فيها الياباني والاوروبي والامريكي نفس السيرفرات بس اختلاف الجي ام

---

هههههههههههه إقتباس ورد في الصميم تمام. إي والله يا أخوي هذا اللي حصل معاي. شوف ردي على الأخ Dark_Night وانت تعرف ايش القصة. بس على كل الأخ Dark_Night بيقول إنهم بيدرسوا يسوا سرفر خاص لكل نسخه!

اقتباس:

---

المشاركة الأصلية كتبت بواسطة DanteNeverCry

تعرف أقلك ايش اللي خلاني أفكر في كده، لأنه كان عندي اللعبه نسخة أمريكا الشمالية وضيعت السيدي، قمت أشتريت النسخة الأوروبية ولما نزلتها وجيت أشغلها ما قدرت أخش عاللعبة كانت تعطيني خطأ في POL. لما أتصلت على سكوير أنكس قالولي إنه الأكاونت يختلف من نسخة لثانية ولازم إني اني أنزل نسخة امريكا الشمالية. فعلا نزلتها واشتغلت. يسير من بعد ما نبهتني أقدر أطبق الكلام هذا على تجربتي وأفهم إنه الأختلاف في الأكاونت فقط وانو كل النسخ متشاركة في نفس السيرفر!

والله هدي الأشياء كلها ما كنت أعرفها لكن عموما. يسير أوجه السؤال الآن بشكل أفضل:
ايش اللي يخلي الواحد مثلا يشتري النسخه الأمريكي ومو الأوروبية؟ طالما السيرفرات نفسها مهي فارقة. إيش رأيك؟

---

هذي واجهت اللاعبين العرب اللي لعبوا فاينل فانتسي 11 النسخة اليابانية بإستخدام السيريال الياباني اكاونتهم والشخصيات اللي فيه ما تشتغل الا على النسخة اليابانية البعض اضطر انه يشتري النسخة الاوروبية او الامريكية اول نزولهم عشان يفهم الكويستات والمهمات بس اما الفرق بين الامريكي والاوروبي فأقدر اقولك ماكو فرق لأنهم ثنينهم باللغة الانجليزية والسيرفر اللي يلعبون فيه واحد يجمع اللاعبين اليابانيين والاوروبيين والامريكيين وهذي بتكون سياسة سكوير مع فاينل فانتسي 14 بس مثل ما قلت بيدرسون انه بيسوون سيرفرات خاصة تفصل اللاعبين اذا لقوا الطلب عليهم زاد.

اقتباس:

---

المشاركة الأصلية كتبت بواسطة Dark_Knight

هذي واجهت اللاعبين العرب اللي لعبوا فاينل فانتسي 11 النسخة اليابانية بإستخدام السيريال الياباني اكاونتهم والشخصيات اللي فيه ما تشتغل الا على النسخة اليابانية البعض اضطر انه يشتري النسخة الاوروبية او الامريكية اول نزولهم عشان يفهم الكويستات والمهمات بس اما الفرق بين الامريكي والاوروبي فأقدر اقولك ماكو فرق لأنهم ثنينهم باللغة الانجليزية والسيرفر اللي يلعبون فيه واحد يجمع اللاعبين اليابانيين والاوروبيين والامريكيين وهذي بتكون سياسة سكوير مع فاينل فانتسي 14 بس مثل ما قلت بيدرسون انه بيسوون سيرفرات خاصة تفصل اللاعبين اذا لقوا الطلب عليهم زاد.

---

إن شاء الله ما يفصلوها، أفضل لو الكل يكون في سيرفر واحد واذا كان الطلب ضخم يزودوا العدد حق السيرفرات زي كا يبغوا. مشكور عالإجابة المفيدة :D

مرحباا خيوو,

انا انصحك تاخذ الاوروبي, لانه لو نزلوا اكسبانشن يديد او اي شي ثاني, اسهل لك تاخذه من الدول الاوروبيه لانك فهالدول حالياً واعتقد بتصعب عليك انك تحصل امريكي,

غير هذا, فرضاً سوو نفس خدعة فاينل 11؟ اللي هي يطلبون ال VBV ولا الماستر كارد كود من النسخه الامريكيه فقط؟

واللي عندهم نسخه يابانيه قالوا لهم لازم تييبون بطاقه يابانيه وتوهقوا بعد,

شو بتسوي حزتها؟ بتتوهق لو ما حصلت بنك الخ

واعتقد شي سيديات معينه يا الامريكي او الاوروبي ما كان متوافر ف السعوديه وبعض الشباب توهقوا, بس مب متأكده اي نسخه, اعتقد الامريكي؟

ونفس ما قالولك السيرفر فيه كل الجنسيات وكل الاوقات, ونصيحتي تروح ويا ولد عمك لانه اللعبه بروحك مب حلوه, احلى يوم تروح ويا ربعك واهلك لها طعم ثاني اسال مجرب,! <-- تلعب هي واخوانها واهلها نفس السيرفر لوول

وبالتوفيق

البارح أتصلت بسكوير إنكس وقالو إنهم ما عندهم فكرة إذا كان النظام حيستمر زي ما كان في فانيال القديم. قالو تابع معانا الفتره الجية.

السلام عليكم
كانت في مقابله سابقه لي SE انه السيرفرات راح تكون مفتوحه للجميع بنفس الوقت حتى تاريخه .. والريجن ماله دخل بالسيرفر الي تلعب فيه
ومن الي لاحظته وهذا رايي ماتقدر تعتد فيه :
الريجن لاغلب الالعاب والافلام الهدف منها تجاري بحت يعني الريجن للاوربي يحمي مواقع البيع الاوروبيه مثل amazon.co.uk or play.com and so onمن استيراد اللعبه من الخارج أوروبا مثلا ماتقدر تطلب لعبه دايركت والتوصيل لاوروبا من موقع رسمي مثل amazon.com or shopgame او مواقع رسميه اخرى بامريكا والعكس صحيح... انا كنت بأوروبا وكان اكاونتي امريكي للفاينل 11 وكان من الاسهل اطلب اللعبه من موقع اسيوي والريجن امريكي من اني اطلبها من امريكا لان اغلب المواقع الرسميه ماكانت تشحن لاوروبا يقولون لك في موقع اوربي تقدر تطلب منه وطلعت علي اغلى من سعر الاوروبي مع التاكس والتوصيل ...

اظن والله اعلم
اذا اشتريت امريكي بيطلع عليك الدفع الشهري اقل شوي لان
الدفع الشهري الامريكي $12.99
والاوروبي £8.99

$ 13.7493= £8.99

وفي فرق في collectors eddtion من ناحيه ال extra items وحده معاها كوب والثانيه دفتر

على ما اعتقد هاذي الفروق الوحيده

اقتباس:

---

Service accounts for FINAL FANTASY XIV and the FINAL FANTASY XIV Collector's Edition can only be added for the same region as your Square Enix account (Japan, North America, or Europe). The game cannot be played if the product region is different from the Square Enix account region, so be sure to check the region for which the product is intended before making a purchase.

---

اذا شريت نسخه اوروبيه لازم تسوي اكاونت ب SquareEnix الاوروبي , وبتضطر تدفع بالعمله الاوروبيه.. ممكن يفرق عليك ريال الى خمسه ريال شهريا بس عن انك تدفع بالدولار , حسب ارتفاع العمله او نزولها.:boggled:

من المميزات اللي قراتها للنسخه الخاصه
هو وجود Token
وايظا ايتم اسمه قبعه البصل ^^ , قراته من شهر إن لم تخني الذاكره

بتفرق السيرفرات فقط في اللغة (سيرفرات أنجليزية ويابانية منفصلة على حسب علمي) وليس الريجن.

وشكلها النسخة الامريكية "أوفر وإقتصادية أكثر" على المدى الطويل من ناحية سعر سي دي اللعبة والإشتراك.

طيب انا حاجز نسخة امريكية في امازون اللآن ومسجل بموقع SE بحساب امريكي ...

اذا وصلت اللعبة اقدر افعل الفيزا بالحساب الأمريكي ولا لازم حساب اوربي ونسخة اللعبه اوروبية ؟

انا خايف ان اللعبة تاصل هنا وما اقدر افعل الفيزا على شان الريجن لأنهم كاشفين الريجن من الآي بي

انا حاولت اجيب البيتا قالو ماتقدر لأن البيتا هذا لنورث امريكاء

هممممم والله حيرة

الحين مو region اهوا السيرفير؟؟
شالفرق؟

الامريكي يقدر يلعب مع الاوروبي او الياباني اذا كانوا في نفس السيرفر
الفرق هو الاوروبي يدفع اكثر واحد في شهر = معظم الناس قامت تشتري نسخة امريكية
( ولو تلاحظ في فف11 اذا كان حسابك امريكي راح يسألونك ان كنت تبي تغير عملة الدفع من دولار الى يورو
لكن ان وافقت ما راح تقدر ترجع طريقة الدفع بالدولار )

السلام عليكم ورحمة الله وبركاته ... وبعد

الفرق بين النسخة الأمريكية والأوروبية هو في السعر ( سعر صرف العملة ) ويمكن لأي شخص عمل مقارنة بسيطة لمعرفة ماهو الأرخص

يوجد ميزة للنسخة الأوروبية ، وهي كونك تقوم بتسجيل بياناتك الصحيحة ( الدول العربية )

بينما في النسخة الأمريكية ، لازم ( تكذب ) وتسجل بيانات امريكية

في الوقت الحالي ، لا يوجد فرق أكثر من ذلك ، ولا يوجد أي معلومات حول إمكانية الدخول إلى السيرفر من أي مكان

ولكن إذا حاولت سكوير إنكس تطبيق نظام حماية النسخ ، لمحاربة الـ RMT ، سوف تكون هنالك مشكلة لأصحاب السيرفر الأمريكي من العرب

حيث أنهم لا يستطيعون إستخدام ( اسم المستخدم / كلمة المرور ) الخاصة بهم برقم أي بي غير امريكي ، وهذه مشكلة

انا شخصيا ، حسابي NA ، وطلبت النسخة من Amazon.com وهي نسخة NA ، واتصلت بالدعم الفني لشركة SE ، وقالوا لي بالحرف الواحد

لا يوجد أي معلومات متوفرة لديهم حول محدودية الدخول إلى الحساب من مناطق مختلفة


هذا للفائدة ، ودمتم بخير



** مداخلة بسيطة : عندما نقول سيرفر اوروبي أو سيرفر امريكي أو ياباني ، نقصد فيه الحساب المسجل لدي الشركة
** حيث أنه من المعلوم أن جميع سيرفرات اللعبة هي موحدة ويوجد فيها كل الدول واللغات (Global Server)

^

الله يعطيك العافيه ما قصرت

انا سويت الاكاونت حقي سعودي اعتقد يصنف تحت البريطاني بحسب موقعهم

وبشتري النسخه البريطانيه وان شاء لله بيكون كل شي تمام