ارخص المكملات في دبي...

السلام عليكم ورحمة الله وبركاته..

الكثير من اللاعبين يرغب بشراء المكملات الغذائية المطلوبة مع التدريب الشاق للوصول للهدف, ولكن يوجد الكثير منا عنده حدود في الصرف مثل الطالب, او المغترب او او او...والأسعار في الاسواق التجارية مرتفعة جدا وفي النادي الرياضي ايضا غالية جدا, وانا شخصيا لا انصح بشراء المكملات من النادي الرياضي لأن جميع السلع تباع للتجارة وبأسعار مضاعفة وهذا ما حصل لي.. ولكن لم اشتري المنتج من النادي قلت خلني اتأكد من محل خارجي..

وسبحان الله ربنا هداني على محل والله العظيم اسعار خيالية, أرخص من هذه المكملات مافي على ما اعتقد,وانا شخصيا جربت من عنده الواي بروتين والليبو.. منتجات تمام وتاريخ انتهائها بعيد جدا.. واصدقائي جميعهم يذهبون اليه لأنه الارخص حاليا..

عنوان المحل:

سوق الحمرية المركزي
Al hamriya shopping center

يمكن هذا اول مركز بدبي قدييييم جدا ومعروف والي ما يعرفه..

مثال: انت جاي من بو ظبي..

تعال من جسر القرهود (لازم يكون عندك سالك) خلك في شارع الاتحاد امشي سيدا بعدين خد اقصى اليمين لما تشوف ارضية المطار على يمينك على شان تاخد من الاشارة يسار عند معرض مازدا ( على اليمين في نفق ) لما تاخد من الاشارة يسار تصير بشارع ابو هيل بتلاقي فندق رمادا على ايدك اليمين.. امشي سيدا عدي الاشارة بعد سيدا وادخل دخله مفاجأة على اليمين عند جمعية الاتحاد او من الاشارة يمين وجمعية الاتحاد ملاصقة للسوق الحمرية المركزي( المركز معروف والشرح للي ما يعرف الدرب ). واذا جاي من خارج الامارة ولك اصدقاء بس قلهم سوق الحمرية بوصلوك.. واذا ما وصلوك :p انا بوصلك فالك طيب..:D

والمحل الثاني في سوق نايف للجملة والمفرق ولكن الشرح صعب للي خارج دبي ولكن الاسعار عند سوق الحمرية ارخص ولكن اذا ما لقيت الي اباه اروح عند الي بنايف.. مثال الي بسوق الحمرية ما عنده بروكمبلكس لانه ما يجيبه ولكن الي بنايف عنده وبكثرة و ب 210 وقدرت انزله لل 180.. صاحب المحل ايراني ( ريال زين وطيب ).

ولكن ملاحظة::D لما تسير هناك وتلاحظ الفرق والرخص لا تقول للرجال عندك رخيص وانا جاي قاصدك من بو ظبي, صدقني هذا هندي ويطمع.. خذ الي تبيه وجادله على السعر موته يا ريال وروح;).. انا عن نفسي اجادل لما اشتري.. لان هو يعطي سعر عالي على شان تجادله وينقص الي زاده.. وبنا ولي التوفيق..

والي يبغى رقم هواتف على شان يتصل ويتأكد ان المنتج موجود قبل ما يجي من خارج الامارة يراسلني. ما مشكله..

وبخصوص الاسعار الي انا شفتها عند الهندي الي بسوق الحمرية..

مثلا:

الواي بروتين : العلبة الكبيرة 170 والعلبة الصغيرة 120 د
السيرياس ماس الكيس ابو خمسه كيلو: 160 د
الامينو 2222: 100 د
الامينو 4800 ابو 300 حبة : 90 د
الليبو 6 لبلاك: 150 د

ويعطيكم العافية..

تــائب

يعطيك الف عافيه يا بعدي كله

شرحك روووعه وكامل و وافي ... الموضوع افادني وااايد جزاك الله خير

يعطيك العافية اخوي ما نريد الا الدعاء حبوب واذا احتجت مساعده ما تتردد عزيزي

بس ملاحظة: على اليسار في النفق مو على اليمين . غلطة مطبعية

بالتوفيق

يعطيك العافية لكن مهم جدا انة يكون مكملات اصلية ومن الخارج

اكيد يا ابو راشد اصلية و100% ان شاءالله..

وما فيها فرق بينها وبين اي منتج عند جي ان سي ونيوترشن نفس الشي.. السعر الفرق وانا دخلت على المخزن الخلفي وشفت الصناديق كلها.. كلها من الخارج اصلية .

بيني وبينك المنتجات هيك سعرها بس اصحاب المحلات تحتقر السوق وتبيع بالغالي وربحها عالي جدا.. الله يرزق الجميع..والله اعلم بالنهاية...

واهم شي ما ينضحك علينا... :)

اي ترا المكملات اساسا رخاص لكن اصحاب المحلات من وين يجيب اجار المحل واجار العمال شوف شلون يرفع السعر والسعر ما يسوى مثال عندنا بالكويت جي ان سي يبيع السيل تيك اب 26 دينار
وعندنا بالكويت جمعيه امريكيه ما يدخلها الا العسكريين اللي بالبحريه تلقى السيل تيك يطلع 46 دولار يعني حوالي 13 دينار شوف النصب شلون لا والناس تشتري من جي ان سي مو هامها
شاكرلك موضوعك

الله يوفقك ياتايب ويجزاك خير
اخوي انا الحين في دبي ومريت على السوق بالليل كنت اتمشى السوق واضح مكانه
بس مادخلت السوق لانهم كانو مسكرين ليتك تعلمني اسم المحل عشان بكره ادور عليه بالاسم
وكثر الله خيرك ورحم الله والديك وجميع المسلمين

اقتباس:

---

المشاركة الأصلية كتبت بواسطة ابو حمد1122

الله يوفقك ياتايب ويجزاك خير
اخوي انا الحين في دبي ومريت على السوق بالليل كنت اتمشى السوق واضح مكانه
بس مادخلت السوق لانهم كانو مسكرين ليتك تعلمني اسم المحل عشان بكره ادور عليه بالاسم
وكثر الله خيرك ورحم الله والديك وجميع المسلمين

---

الله يبارك فيك اخوي..والله يا طيب ما اعرف اسمه. بس ما يحتاج الاسم المحل واضح بس انت روح صوب محلات الحلاقة للرجال.. في ساحة هناك ما في فوقها سقف المحل على الزاوية رح تشوفه فورا ان شاءالله.

على كل حال اذا احتجت شي راسلني بعطيك رقم المحل.

والسلام عليكم.,., ورحم الله والديك عزيزي :)

أنا توي رديت من عنده.. والله صدج اسعار غييير

اليبو 6 بلاك ما طاع يعطيني اقل من 160 درهم و الامينو 2222 ب 100 درهم ..

مشكور اخوي تائب و الله يعطيك العافية...

تعرف صح كلامك انا اشتريت الليبو 6 بلاك ب 160 مو 150 انا الي غلطت بالسعر..المعذرة..

يلا بالتوفيق عزيزي وبس تصير تتردد عنده بيصير يعملك سعر.. ودايما اتصل قبل ما تروح احتمال ما تحصل الي تبيه..

الله يعافيك يا رب..

أخوي انت كم صارلك تتعامل وياه ... كيف حسيت المنتجات اللي عنده بعد الاستخدام؟

والله اخوي من اربع شهور..

جبت من عنده علبتين واي بروتين وعلبة ليبو 6 بلاك..

وصاحبي جاب الكيس الكبير سيرياس ماس 5 كيلو..

وصاحب الثاني جاب من عنده علبتين بروتين (( نسبة البروتين عالية فيه )) شيي ماس والله ما ادري شو اسمه..

والأمور طيبة يالغالي.. البروكمبلكس جبته من نايف لأن ما عنده..

الامينو 4800 جبته من نايف 500 حبة ب 130

كل المكملات ممتازة والعلب مختومة مو مفتوحة..

صار معك شي..؟

للحين الامور طيبه .. بيكون بيننا تواصل ان شاء الله

ان شاءالله اخوي .. حياك الله.

شباب .. في محل في الامارات مول .. اسمه نيوترش سنتر .. قدام كارفور بالضبط من صوب سبلاش

.. والله انه عنده عررض مش طبييعي .. انا مره رحت عنده .. واشوف اسعاره حلوه ..

يعني امينو 4800 - 300 حبه يقولي بـ 95 ..

واليوم بالصدفه طرشت ربيعي .. يقول مسوي عرض والحبه بـ 70 درهم .. وقلتله خذ 2

وغيره من المنتجات .. ان شاء الله بكره بروح اشتري .. وافكر اشتري لكم كوورس عشان مااارجع مره ثانيه :)

والسبب انه يبي يخلص المنتجات اللي عنده عشان يجيب من منتجات ثانيه .
.
ولا محلات ابوظبي .. حتى اللي اتعامل معااه قلتله السالفه .. قال مااقدر ابيعلك امينو 4800 اقل من 120 درهم

ربي يحفظكم

والله يا غالي انا اخدت الـ 500 حبة ب 130 درهم..

والامينو 300 اصلا سعره 90 درهم بس ب 70 عرض حلو حلو والله.. اعرفه المحل وين انا..نيوترشن موجود بكل المولات بدبي تقريبا حتى بالملا بلازا موجود.

تحياتي

شباب انتو قصدكم نيوترشن لايف الستايل صح؟

اذا هو فهو موجود في سيتي سنتر الشارجة.. انا سرت عندهم كم من مرة بس اسعارهم غالية شوي..

سوو عرض من فتره على 100% whey protin fuel من twin lab اشتري واحد و خذ الثاني مجانا.. كان سعره 310 درهم و اشتريت حقي و حق ربيعي.. يوم سرت المحل اللي دلني عليه اخوي تائب حصلته ب 150 من دون لا عرض و لا مفاصلة ..

صحيح انا اتعامل مع المحل اللي في سوق الحمريه المركزي و يتصلبي يوم توصل البضاعه اللي أباها و كل شي عنده أصلي و مختوم و ما عليه كلام بس الفرق اللي بينه والمحلات الثانه انه أمين و الباقين حراميه إلا من رحم ربي. لا ويبيعون أشياء ممنوعه من ورا المكتب و يبيعونها مب بس دبل السعر . تربل السعر....

اسم المحل نيوترشن سنتر .. ممم اليوم خذت اكثر من منتج .. من نيوترشن سنتر في امارات مول

بس تعرف .. اكتشفت فكل محل يتميز في سعر معين من بين المنتجات عن غير المحــلات .. وياليت هالمحل فالحمريه قريب منا .. ^^ ولا بصير صديقه الدائم ..

الحينه انا فكر اني اشتري المكملات من موقع بودي بيلدنق .. ارخص من الكل .. بخصم ولا بدون ..

بس محتار كيف أبدأ .. وو و الخ .. مع اني قريت من موقع انجليزي .. واحد انجليزي يطلب من عندهم دوم وتاخذ البضاعه حول 5 ايام وتوصله .. ويقول انه ارخص من المحلات بوايد في الامارات .. وصح كلامه

ابي اجرب على منتج واحد وبشوف كيف .. وبعدها بتوكل ..


تحياتي

اقتباس:

---

المشاركة الأصلية كتبت بواسطة Weld AD

اسم المحل نيوترشن سنتر .. ممم اليوم خذت اكثر من منتج .. من نيوترشن سنتر في امارات مول

بس تعرف .. اكتشفت فكل محل يتميز في سعر معين من بين المنتجات عن غير المحــلات .. وياليت هالمحل فالحمريه قريب منا .. ^^ ولا بصير صديقه الدائم ..

الحينه انا فكر اني اشتري المكملات من موقع بودي بيلدنق .. ارخص من الكل .. بخصم ولا بدون ..

بس محتار كيف أبدأ .. وو و الخ .. مع اني قريت من موقع انجليزي .. واحد انجليزي يطلب من عندهم دوم وتاخذ البضاعه حول 5 ايام وتوصله .. ويقول انه ارخص من المحلات بوايد في الامارات .. وصح كلامه

ابي اجرب على منتج واحد وبشوف كيف .. وبعدها بتوكل ..


تحياتي

---

تصدق ان المحل اللي في الحمريه أسعاره أرخص حتى من بودي بلدينق ؟ :) "لا تسألني روحي إستغربت يوم ييته اول مره, لأني أول كنت أشتري الوويي بروتين من الموقع".

زين كم سعره فالموقع .. ؟ وووو كم سعره فالمحـل .. ؟ اللي فالحمريه .. :) .. ؟

انا اقارن بكم منتج .. واشوف بودي بيلدنج ارخص ..

انا زرت موقع بودي بلدنغ و كنت ناوي اشتري من عندهم الامينو 2222 و الليبو 6 بلاك .. طلع علي السعر مع التوصيل 282 درهم .. وانا خذتهم من المحل اللي بالحمرية ب 260 درهم ...

على ما اظن سعر التوصيل هو اللي يفرق بس البضاعه نفسها سعرها 200 درهم من دون التوصيل .. ما اتوقع ان اللي بالحمرية ارخص من الموقع ..

أخوي ولد أبوظبي .. يوم تجرب تطلب منهم ياريت تخبرني لأني كنت ناوي اطلب من الموقع و ترددت وايد...

اقتباس:

---

المشاركة الأصلية كتبت بواسطة hamshou

انا زرت موقع بودي بلدنغ و كنت ناوي اشتري من عندهم الامينو 2222 و الليبو 6 بلاك .. طلع علي السعر مع التوصيل 282 درهم .. وانا خذتهم من المحل اللي بالحمرية ب 260 درهم ...

على ما اظن سعر التوصيل هو اللي يفرق بس البضاعه نفسها سعرها 200 درهم من دون التوصيل .. ما اتوقع ان اللي بالحمرية ارخص من الموقع ..

أخوي ولد أبوظبي .. يوم تجرب تطلب منهم ياريت تخبرني لأني كنت ناوي اطلب من الموقع و ترددت وايد...

---

انا يبيعلي الوويي بروتين اب 160 واذا اشتريت كميه يخليه اب 155 . و حتى لو قلتا يبيعه اب 170 درهم للي ما يعرفهم.
بودي بيلدينق "42.99$ يعني 158 درهم" بدون توصيل.


في كلا الحالتين بودي بيلدينق أغلا, إلا إذا كان بودي بيلدينق بيوصلك اب بلاش.

و في النهايه كل واحد على راحته وين يبا يشتري أغراضه ;).

والله زين... انا بعدني اول تعامل مع هالمحل .. بس الظاهر ان بتعامل معاه وايد ان شاء الله ..

بودي بيلدنق اخذ سمعه لانه اقدم موقع في بيع المكملات ولكن حاليا للاسف خدمتهم سيئه واسعارهم ليست الاقل
فيه موقعين تعاملت معهم الحقيقه ان اسعارهم افضل منه وخدمتهم ارقى منه
http://www.muscleandstrength.com/store/ هذا الاول
http://www.sbmuscle.com/ وهذا الثاني وانا افضله بصراحه يعطون اسعار حلوه لكن المحل اللي بالحمريه اسعاره جدا جدا خياليه لان االمنتج يطلع عليه بسعر اقل لكونه تاجر موزع والشحن بحري وبكميات فاكيد راح يكون ارخص
نصيحه للاخوان في الامارات مايتعدونه لانه من واقع تجربه وبحث اسعاره افضل ماوجدت حتى الان
تمنياتي للجميع بالتوفيق

اقتباس:

---

المشاركة الأصلية كتبت بواسطة ابو حمد1122

بودي بيلدنق اخذ سمعه لانه اقدم موقع في بيع المكملات ولكن حاليا للاسف خدمتهم سيئه واسعارهم ليست الاقل
فيه موقعين تعاملت معهم الحقيقه ان اسعارهم افضل منه وخدمتهم ارقى منه
http://www.muscleandstrength.com/store/ هذا الاول
http://www.sbmuscle.com/ وهذا الثاني وانا افضله بصراحه يعطون اسعار حلوه لكن المحل اللي بالحمريه اسعاره جدا جدا خياليه لان االمنتج يطلع عليه بسعر اقل لكونه تاجر موزع والشحن بحري وبكميات فاكيد راح يكون ارخص
نصيحه للاخوان في الامارات مايتعدونه لانه من واقع تجربه وبحث اسعاره افضل ماوجدت حتى الان
تمنياتي للجميع بالتوفيق

---

لا تخبرهم عن يكبر راسه و بعدين يغلي الأسعار علينا:cool:

سلامن عليكم يالربع
والله شكلي بشد الرحال لها المحل. بس اخوي تائب او اي حد من الجماعه اللي يتعاملون ويا ممكن تفيدونا برقم المحل عسب نتاكد اللي نبيه موجود عنده قبل لا نضرب خط ع الفاضي..

سلمتم ودمتم يالغالين

فالك طيب,

هذا رقمه : 042663947

اقتباس:

---

المشاركة الأصلية كتبت بواسطة Che Guefara

فالك طيب,

هذا رقمه : 042663947

---

خشمك يالطيب :biggthump سلمت ودمت يالغالي

ومشكورين

hamshou .. ان شاء الله .. يوم بجرب بخبرك .. بس بعدني متحير .. اقارن فالمحلات .. والحينه اشوف حد يقول الجمارك .. الخ ..

مشكلة المحل اللي فالحمريه .. بعيد .. وانا ماودي آخذ خط طويل روحه وردهـ ^^وشوي أضيع
الا اذا كانت عندي شغله في دبي

بس اسعاره وايد اوكيه ..

يعطيكم العافية..

انا كنت بطلب من الموقع بس ما حد من الربع رضي يدخل معي لان اذا الطلبية لواحد ما في منها فايدة..

المحل هذا ارخص..

اعرفك تحب السيرياس ماس يا ولد بو ظبي... عنده الكيس الكبير ب 160 درهم 12 بوند على ما اظن..

على كل حال بالتوفيق للجميع

اقتباس:

---

المشاركة الأصلية كتبت بواسطة Weld AD

hamshou .. ان شاء الله .. يوم بجرب بخبرك .. بس بعدني متحير .. اقارن فالمحلات .. والحينه اشوف حد يقول الجمارك .. الخ ..

مشكلة المحل اللي فالحمريه .. بعيد .. وانا ماودي آخذ خط طويل روحه وردهـ ^^وشوي أضيع
الا اذا كانت عندي شغله في دبي

بس اسعاره وايد اوكيه ..

---

اخوي حنا ضربنا مشاوير للبحرين عشان هالشي :)
توكل على الله خلك همام

الله يخليلنا هالمحل ياااااااااااارب ..

هههههههههههههههه

ويوم بتسيرون قولوه انكم يايين من صوب المطوع. عشان يعطيني خصم زياده.:cool:

اقتباس:

---

المشاركة الأصلية كتبت بواسطة تـائب

يعطيكم العافية..

انا كنت بطلب من الموقع بس ما حد من الربع رضي يدخل معي لان اذا الطلبية لواحد ما في منها فايدة..

المحل هذا ارخص..

اعرفك تحب السيرياس ماس يا ولد بو ظبي... عنده الكيس الكبير ب 160 درهم 12 بوند على ما اظن..

على كل حال بالتوفيق للجميع

---

ياخي مره رحت دبي .. ومر على بالي .. وحسيت اني بضيع وماروحت.. :) .. بشوف كيف موضوع

والله سعره طررر .. انا اكثر من محل اسأل يعطوني 199 درهم من الآخر ..وآخر واحد اتعامل معاه عطاني 195 آآخر آآآخر ...

160 .. واايد اوكيه .. شكلي بتصله وبشوف وين موقعه بالضضضضبط

ولو حد يعطيني احداثياته او يصور قوقل ماب .. عالخريطه بيكون اوكيه << وايد يتشرط ..

اقتباس:

---

المشاركة الأصلية كتبت بواسطة hamshou

الله يخليلنا هالمحل ياااااااااااارب ..

هههههههههههههههه

---

ههههههه ضحكتني ..

بنشوف اذا رحت بنقوله من طرف المطوع :)

اقتباس:

---

المشاركة الأصلية كتبت بواسطة Weld AD

ياخي مره رحت دبي .. ومر على بالي .. وحسيت اني بضيع وماروحت.. :) .. بشوف كيف موضوع

والله سعره طررر .. انا اكثر من محل اسأل يعطوني 199 درهم من الآخر ..وآخر واحد اتعامل معاه عطاني 195 آآخر آآآخر ...

160 .. واايد اوكيه .. شكلي بتصله وبشوف وين موقعه بالضضضضبط

ولو حد يعطيني احداثياته او يصور قوقل ماب .. عالخريطه بيكون اوكيه << وايد يتشرط ..

ههههههه ضحكتني ..

بنشوف اذا رحت بنقوله من طرف المطوع :)

---

فالك طيب ها موقع المحل ويا الدرب بعد عسب لاتاخذ لفه غلط ولادخله تضيعك

http://www.montada.com/C:\Documents ...-Glutamine.jpgاحداثيات المحل (صورة الطريج) في المرفقات

مشكورين شباب
انا نازل دبي عقب اسبوعين ,, و بمر على المحل الي قلتو عنه ..

بس الخريطه الي حاطينها مب واضحه ,, ممكن اسم اقرب مطعم او فندق للمحل <<< عشان اروح له بالقارمن

اذا تعرف فندق رمادا اللي في ديره.. حط الفندق على يمينك و كمل سيدا لين ما تحصل سوق الحمرية على يمينك..

بركن السيارة و انزل السوق واسال على المحل.. المحل واضح بس لازم تدخل السوق و بتحصله..

وأي خدمة احنا حاظرين..

انا لازم اسير هالمحل الاسعار زينه
بس مشكله الخط من بوظبي والمشكله الاكبر دبي ماعرفها كل مره اضيع فيها خخخخخخ


شرايكم يا شباب بوظبي نسوي تجمع صغير والي يسير دبي يسوي فينا خير هههههههههههههه

اقتباس:

---

المشاركة الأصلية كتبت بواسطة hoze

فالك طيب ها موقع المحل ويا الدرب بعد عسب لاتاخذ لفه غلط ولادخله تضيعك

http://www.montada.com/C:%5CDocument...-Glutamine.jpgاحداثيات المحل (صورة الطريج) في المرفقات

---

جزاك الله خير يالطيب .. وكثر الله من أمثــــــالك .. وأشكرك على وقتك .. :)

خزنت الصورة

اقتباس:

---

المشاركة الأصلية كتبت بواسطة abood1190

انا لازم اسير هالمحل الاسعار زينه
بس مشكله الخط من بوظبي والمشكله الاكبر دبي ماعرفها كل مره اضيع فيها خخخخخخ


شرايكم يا شباب بوظبي نسوي تجمع صغير والي يسير دبي يسوي فينا خير هههههههههههههه

---

هههـ مره فووقه ^^ .. ياخي تعرف من يومين شريت سيريس ماس وعطاني المحل بـ 180 .. زيين يعني

ويوم اتصلت فالمحل بالحمريه .. قالي بنفس السعر .. قلتله آخر .. قالي 200 :) اونه عاد هههه

وشفت نفس الشي .. الا اللي يعرفه بيعطيه سعر مناسب

اقتباس:

---

المشاركة الأصلية كتبت بواسطة Weld AD

جزاك الله خير يالطيب .. وكثر الله من أمثــــــالك .. وأشكرك على وقتك .. :)

خزنت الصورة




هههـ مره فووقه ^^ .. ياخي تعرف من يومين شريت سيريس ماس وعطاني المحل بـ 180 .. زيين يعني

ويوم اتصلت فالمحل بالحمريه .. قالي بنفس السعر .. قلتله آخر .. قالي 200 :) اونه عاد هههه

وشفت نفس الشي .. الا اللي يعرفه بيعطيه سعر مناسب

---

اوكيك نايس
نتريا بقية الاعضاء من بوظبي عسب نسوي شله محترمه :D

مرحبا اخوي .
المحل الي في سوق نايف ,, يكون داخل السوق نفسه و الا برا على الشارع

تحياتي لك

اقتباس:

---

المشاركة الأصلية كتبت بواسطة Northman

مرحبا اخوي .
المحل الي في سوق نايف ,, يكون داخل السوق نفسه و الا برا على الشارع

تحياتي لك

---

عزيزي داخل السوق مو بره..

لازم تمشي تقدر توصل بالسيارة ولكن ما في مواقف...

بس الي بنايف مو رخيص زيادة ولكن تحصل عنده مكملات مو موجودة عند الهندي.. واحسن ما تشتريها من عند الـ GNC اشتريها من عند سوق نايف.. اتمنى تكون فهمت قصدي.

حياك الله عزيزي..

اقتباس:

---

المشاركة الأصلية كتبت بواسطة تـائب

عزيزي داخل السوق مو بره..

لازم تمشي تقدر توصل بالسيارة ولكن ما في مواقف...

بس الي بنايف مو رخيص زيادة ولكن تحصل عنده مكملات مو موجودة عند الهندي.. واحسن ما تشتريها من عند الـ GNC اشتريها من عند سوق نايف.. اتمنى تكون فهمت قصدي.

حياك الله عزيزي..

---

اشكرك على ردك السريع اخوي ,,وقصدك واضح ماقصرت

يا اخوي شو اسم المحل بسوق نايف ؟؟

ووين مكانه بالضبط ؟؟

عزيزي اسم المحل new rock sports garments
نيو روك للملابس الرياضية..

يبيع جميع انواع المكملات بالجملة والمفرق..

رقم المحل 042295678

مقابل فندق الداون تاون

مقابل خليلي للصرافة

بس لازم تفاصل وياه مزبوط لأن سعره مو رخيص, وحسب طلبك اذا جمله اكيد يعطيك رخيص.

يعطيك العافية...

مشكور وما قصرت

وهذي خارطة لموقع فندق داون تاون حتى يستفيد الكل

http://www.downtownhoteldubai.com/images/map.jpg

انا ببسط الشرح شوي...

الي يعرف المنال سنتر يخليه على ايده اليسار ويمشي سيده بيجي تقاطع ياخد يسار واول يمين يمشي سيده المحل على اليسار بعد 250 متر تقريبا...

تحياتي للجميع وبالتوفيق..

اقتباس:

---

المشاركة الأصلية كتبت بواسطة scaryface

مشكور وما قصرت

وهذي خارطة لموقع فندق داون تاون حتى يستفيد الكل

http://www.downtownhoteldubai.com/images/map.jpg

---

مشكور عزيزي وبارك الله فيك :)