( التحول الثالث من بداية المشوار +تجربة)

بسم الله الرحمن الرحيم

السلام عليكم ورحمة الله وبركاته

صباحكم ومسائكم سعادة كالعادة

شلونكم شخباركم عساكم طيبين :)

اليوم راح ارد على اي سؤال بخصوص التطور الي وصلت له

اولاً مواضيع ذات علاقة

صوري :: لمن يشكك في قدرة التمرين المنزلي ::نتائجي مع التمرين المنزلي (http://www.montada.com/montada/misc/multipage.gif 123456)

صوري (الجزء الثاني ) من التمارين المنزلية (http://www.montada.com/montada/misc/multipage.gif 123456 ... الصفحة الأخيرة)

بدات هذه اللعبة وما تعديت اكثر من 6 شهور فيها :) وكل تماريني بالمنزل

مواضيع ما راح انساها وللان مستمر عليها
وبعض الامور الي راح احطها لكم للوحوش الي ما قصرو معاي واستفدت من مواضيعهم بقوة جداً جداً
1-التدريــــــــــــــــــــــــــــــــب المنـــــــــــــــزلي | جدول + اساسيات |
2-&& جدول ضخامة ( نتائج قوية ) &&
3-! حقق حلم الـ 6 بـــآك وازالة الكرش والترهلات !
الله يحفظ اخونا ومراقبنا السابق الغالي مشكلجي
والله يحفظ اخونا ومراقبنا الحالي بوراشد

هذه من اقوى المواضيع الي فادتني وبشكل مستمر امر عليها
الطول:169
الوزن السابق قبل دخول كمال الاجسام
59

الوزن الحالي
72

نسبة الدهون
9

استخدمت عدة مكملات وراح اسردها بالترتيب

سيرس ماس:: مشى معاي بشكل جيد جداً
سوبر ماس جينر::: مشى معاي بشكل ممتاز جداً
بروكومبلكس جينر:::: صراحه ما حسيت فيه ولكن اكيد استفدت منه ولكن بنسبة بسيطة جداً
مسل جوس::: استفدت منه بشكل ممتاز
واكس اكس لارج ::: حالياً استخدم المكمل

السوبر ماينو 4800 ::: هذا المنتج المرافق لكل المكملات ومالي غنى عنه ممتاز جداً
الانيمل بامب:: هذا اول منتج استخدمه بهدف الطاقة والنشاط وكان جيد
الاكستريم باند بامب::: اقوى منتج للطاقة احس بضخ الدم ونشاط الجسم خلال 30 دقيقة ومفعول 100%
مونستر بامب :: منتج جيد جدا واستفدت منه

-----------------------

كنت من الناس الي ما تهتم في التغذية فحاولت كثير اني اكل ولكن اكل مره ومره لا يمكن لهذي السبب السيرس ماس عطاني نتايج ولكن ضئيلة ..... من بدات استخدام السوبر ماس جينر حسيت بفارق كبير واهتميت في تغذيتي مع بداية استخدام هذا المنتج واستفدت كثير واكبر فترة استفيد منها كانت مع السوبر ماس جينر
عيوب للحين اعاني منها وهي الصدر لا غير ولكن انا معتاد على الصبر والاجتهاد لهذا انوه بان الصدر فاج عن حده
والحين الي ابيه منكم والله ياخوان انكم تذكرون الله اول شي .. الي بيقول ماشاءالله والي بيقول لا اله الا الله وصلو على النبي ....

وهذا اخر تحول لي والتقط الصور امس

ماشاءالله

http://www.montada.com/attachment.ph...1&d=1274795387

واي سؤال راح اجاوب عليه في دائرة الموضوع فقط :)

ماشاء الله تبارك الله

بس اهتم بالصدر وزياده الوزن حتي 85 كيلو

وتحتاج قليل من الدهون

سكس باك 100% لاتعليق

الي الامام

ماشاءالله ماشاءالله ماشاءالله كابتن منادة الليل بجد ابداع الله يوفقك وتكمل حتى توصل لهدفك وبجد كل المواضيع الى اشارة لها فادتنا وماقصرت انت بعد بحماسك واقولها لك اول مرره احب اقراء مواضيعك للحماس الى فيها وموفق باذن الله

يا سلام عليك يا بطل مشاء الله لا الله الا الله

الله يعطيك العافية

ومن افضل الى افضل يا وحش

فرق كبير عن الصور السابقة

والى الامام

ينقل الى المواضيع المميزة كا العادة

ماشاء الله تبارك الله
انيق الطله وجميل الروح مناده الليل .. انت من الشباب الذينا نفتخر فيهم وفي عزيمتهم وطموحهم في الاستمرار والارتقاء للافضل ..
عسى ربي يحفظك ويسعدك وموفق يارب ..

اقتباس:

---

ماشاء الله تبارك الله

بس اهتم بالصدر وزياده الوزن حتي 85 كيلو

وتحتاج قليل من الدهون

سكس باك 100% لاتعليق

الي الامام

---

هلا والله بالحبيب الغالي

والله يالغالي هذاني اجهد في تمارين الصدر وباذن الله عاجلاً ام اجلاً راح تضبط ان شاء الله

وتسلم لي عزيزي

اقتباس:

---

ماشاءالله ماشاءالله ماشاءالله كابتن منادة الليل بجد ابداع الله يوفقك وتكمل حتى توصل لهدفك وبجد كل المواضيع الى اشارة لها فادتنا وماقصرت انت بعد بحماسك واقولها لك اول مرره احب اقراء مواضيعك للحماس الى فيها وموفق باذن الله

---

هلا والله بالورده يحلم ... الله يحفظك والله وانا ما اجي اكتب الا علشان اشجعكم واحمسكم اكثر وشوي اعطي امال للي يأس

والمواضيع هذي ما لي غنى عنها وانصح الكثير والله انه يتابعها ويتبعها بشكل مستمر وان شاء الله راح يوصل للي يبغاه

والله يخليك يالورد

اقتباس:

---

يا سلام عليك يا بطل مشاء الله لا الله الا الله

الله يعطيك العافية

ومن افضل الى افضل يا وحش

فرق كبير عن الصور السابقة

والى الامام

ينقل الى المواضيع المميزة كا العادة

---

هلا والله بالحبيب الماسة القسم مراقبنا الغالي ... . الله يعافيك ويخليك لكل عين ترجيك يالحبيب
وكالعادة ما يتميز الموضوع الا بالوجوه الطيبه الي تشرف موضوعي :)

اقتباس:

---

ماشاء الله تبارك الله
انيق الطله وجميل الروح مناده الليل .. انت من الشباب الذينا نفتخر فيهم وفي عزيمتهم وطموحهم في الاستمرار والارتقاء للافضل ..
عسى ربي يحفظك ويسعدك وموفق يارب ..

---

هلا بالحبيب الغالي احرجتني والله بردك وسام على صدري يالورد
والله يحفظك ويخليك يالورد

وعليكم السلام.........
ماشاء تبارك الرحمن عليك اخوي منادة الليل وحش....
عندك الاكتاف لايعلا عليها اوكيه.واليد كلها ممتازة جداا..و6باااكــ اوكيه.
بس عندك الصدر يبيله شغل شوية (يدوب تكة بس).
وعندي سؤال ياريت ترد علي...ياليت تقولي كم الاوزان الي ترفعها؟؟؟
وانت ياخوي تشجعني بصورك, في 6شهور وكذا ماشاء الله.
ومشكور وماقصرت الى الامام انشاء الله.

ماشالله عليك .......الى الامام دائما

لا تـــــــعليــــــق ما شاء الله يا بــــطل ☺

ماشاءالله جسمك 100% lean وممتاز :)

واصل يابطل وأعتقد انه عندك السبعة أو ال V على الخواصر ولكن خاشهم :D

واصل ولاتحاتي الصدر بيكمل مع انه قاعد يكمل تدريجيا ماشاءالله :)

ما شالله

ونعم والله تقدم ملحوظ و6 باك ولا احلى ..

اتمنى توصل للي في بالك

تحياتي لك

عوافي .. اللهم صلي عالنبي يارب .. ما شاء الله عليك
بصراحة وحش فعلاً تحول كبيير .. مع متابعتي لك من أول ما دخلت المنتدى
وما شاء الله عليك .. كل هذا بالمنزل كيف لو كان بالنادي .. عموماً عندي كم سؤال
الشي الي خلاني اندهش هو الوزن ما شاء الله من 59 إلى 72 شي كبير والله
20 كيلو الحمد لله .. عموماً انا أنتهت من عندي المكملات وحاب أبدأ بشي نار دمار ..
الي فهمته انو افضل شي هو السوبر ماس جينر + الأمينو 4800 ولاكن عندي س :
السوبر ماس شنو يجي طعمه + وين احصله بالبحرين والأمينو بعد وين الاقيه
لأن انا بحثت بأماكن كثيرة بس ما لقيته للأسف .. أنتظر ردك حبيبي وإلى الأمام دوماً .

ماشاء الله
تحس كبير في الصدر ما بين الصورتين
لكن اشوف الاكتاف الاماميه وايضا اللعب اوفر كثيير
وبالتوفيق

الله يوفقك

مقسم و ممتاز

ما شاء الله

و عليكم السلام و رحمه الله و بركاته

ما شاء الله تبارك الله
وحش
الله يوفقك
بس ممكن استفسار بسيط .. متى بدأت لعبه كمال الاجسام ؟

اقتباس:

---

المشاركة الأصلية كتبت بواسطة قووي مره

و عليكم السلام و رحمه الله و بركاته

ما شاء الله تبارك الله
وحش
الله يوفقك
بس ممكن استفسار بسيط .. متى بدأت لعبه كمال الاجسام ؟

---

السموحة بس الأخ حط في الموضوع ان المدة لم تتعدى الـ 6 شهور

ماشاء الله تبارك الله ...
الله اللهم لا حسد ...
يعطيك الخير جسمك ويكفيك شر الععين والحسد ...

اقتباس:

---

وعليكم السلام.........
ماشاء تبارك الرحمن عليك اخوي منادة الليل وحش....
عندك الاكتاف لايعلا عليها اوكيه.واليد كلها ممتازة جداا..و6باااكــ اوكيه.
بس عندك الصدر يبيله شغل شوية (يدوب تكة بس).
وعندي سؤال ياريت ترد علي...ياليت تقولي كم الاوزان الي ترفعها؟؟؟
وانت ياخوي تشجعني بصورك, في 6شهور وكذا ماشاء الله.
ومشكور وماقصرت الى الامام انشاء الله.

---

هلا بطيب القلب اخوي سلطان ... الله يبارك بحياتك يارب
اي والله ولكن مثل ما قلت ان شاء الله الجايات افضل للصدر :)
بخصوص الاوزان عزيزي .:
الحمدالله لا بأس فيها
بار : 64 كيلو: للصدر والباي
دمبلز 30 كيلو للدمبلز الواحد: للصدر والباي والتراي والاكتاف
الظهر : 70 كيلو للبار سحب من الاسفل
الدمبلز 35كيلو للدمبلز الواحد
البطن :
20 كيلو على الصدر والعب 80 تكرار
بدون وزن 200
:)

الله يحفظك عزيزي

----------------

siga هلا بيك يالورد تسلم عيونك يالحبيب وربي يحفظك
The Coleman هلا بالحبيب وتسلم عيونك يالغالي وربي يحفظك

هلا بالورد لينر حبيب قلبي :D المشكلة مو خاشهم والله المشكلة اني ما اعرف اعرض عدل لووووووول

وان شاء الله مثل ما قلت لاحقين لاحقين على التضبيط:silly:
وتسلم عيونك يالورد

هلا بالحبيب الغالي فيصل الاحلى عيونك يالغالي :) وان شاء الله كل منا يوصل للي يبيه .. الله يحفظك :)

هلا بالدوب الحلو بويعقوبي :biggthump انت بتفاهم معاك على التلفون اتصل شدعوه الا فيفا مكالمات مجانياً ... وراح انا اجيب لك المنتجات ولا يهمك اهم شي برز العمولة:09: حبيب قلبي السوبر ماس جينر طعمه ممتاز جداً ولكن يبي له خلط عدل وانا اخذت على الــبسكويت الشوكولات:09:

والله يحفظك ويخليك يالورد

هلا بالطيب شلال ولا ندير بال اهم شي راح نجتهد بالتمارين ونمشي صح وننتظر النتايج وادعي لي بس انه يطلع الصدر باقرب وقت :biggthump وبخصوص الاكتاف :silly: مو مني هههههه

الله يحفظك ويخليك يالحبيب

هلا بالغالي الحبيب فلسطيني

الله يوفق الجميع يالحبيب وتسلم لي عيونك

الله يحفظك

هلا بالغالي قوي مره الله يوفق الجميع ويارب كل منا يحقق الي يبيه
بديت مثل ما قلت لك 6 شهور تقريباً :)

وانا اخذت لي فترة ما يقارب 9 ايام بالصالة وتوقفت شهرين :D ومن بعدها دخلت بقوة وجدية ولكن بالمنزل والحمدالله

الله يحفظك ويخليك عزيزي

هلا بالحبيب هولستن تسلم ومشكور يالورد فديت عينك

الله يحفظك


واشكركم جميعاً :)


دافع قوي بالنسبة لي والله وان شاءالله موضوعي ايضاً يكون يعطي دافع قوي للجميع :)

ما شاء الله تبارك الله
بصراحة و الحمدلله جبت بنتايج كبيرة في مدة جيدة
و باذن الله تحقق الي في بالك و توصلله
و بالنسبة الى الادوات
ماذا عندك ؟

هههه مو هييَ العمولة الي دابحتنا .. يالشيخ ما عليك بس يصير عندي فلوس بتصل فيك على طول
لأن بعد في كم شغلة أبيها .. ههه بس يخلص عرض فيفا بتصل فيك ههه
والله شوف انا ابي اتصل بس بنفس الوقت ما ابي اكون فضولي :D

هلا يالحبيب بودي قارد

تسلم عيونك حبيبي

بخصوص الادوات

ماهي كثيرة هههههه

بار +دمبلز+كرسي متحرك

وتوني الحين مركب جهاز الهوم جيم ولكن الفرق انه كان الكتروني ولعنت خيره وسويته منول احط فيه الاوزان لووووووووووووول

الله يحفظك

هلا بابويعقوبي

عزيز وغالي يالحبيب :) وقت ما تشاء ولكن ما نبي نتناقش في هذا الموضوع عندك مووضوع جيم المنتدى هناك الحوار العام :D وحياك باي وقت اتصل وما يردك الا لسانك

تستاهل كل خير يا اخ منادة والى الامام

بس عندي سؤال لك
مشكلة التمارين في البيت انه اجهزة تمارين الساقين غير موجودة , فهل تتمرن تمارين اخرى تشمل الساقين (مثل ؟؟) او لا ؟؟

هلا بالورد الله يخليك حبيبي

بخصوص تمارين الارجل صج صعبه ولكن مو مستحيلة .. وانا اتمرن لها تمارين باستخدام البار +الدمبلز عزيزي ولكن متعب جداً بالذات في تمرين تحط البار على العاتق

والدمبلز لما تجي لقدام خطوة وانت نازل وترجع تجي بالثانية ....

وصراحه انا محتاج حق جهاز علشان امرن رجلي واعطيها حقها بالشكل الصحيح ولكن ان شاء الله :) في القريب

والله يحفظك

ما شاء الله تبارك المولى ، والّلهمّ صلِّ على محمّد ..


تجربتك أخي منادة الليل والنتائج المُبهرة ،

حافز كبير لنا جميعاً لاستمراريّة التمارين حتّى لو في المنزل ،

ودافع للالتزام بالمكمّلات فقط ..


حفظك الله ورعاك ،

ودمت بخير ..

والله ممتاز بـ 3 اشياء فقط
و النتيجة روعة :)
الى الامام ان شاء الله
و كل التوفيق لك

مشاء الله تبارك الله .. الله يعطيك الصحه والعافيه ،،

مشاء الله عليك اخوي ارادتك القويه وصبرك الطويل بإذن الله راح تنال مبتغاك وافضل من مبتغاك ،،

حبيبي الله يعطيك الف صحه وعافيه .. جسسمك ماعليه كلام من الافضل للأفضل وهذا بفضل رب العالميـن واهنيييك ع الـ 6 بــآك مشاء الله تبارك الله

موووووفــق بإذن الله ،،

مشاء الله تبارك الله اللهم صلي وسلم على نبينا محمد وعلى أله وصحبه أجمعين


فعلا بطل ووحش الحديد يحتاج شخص يفهم اللعبه صح و يكون مثابر و عنده
عزيمه وأستمرار مثلك لانه فعلا سيجد النتائج بعد هذا التعب

وفي الحقيقة النتائج اللي وصلت لها ممتازه جدا ومثل ما يقولون ( لكل مجتهد نصيب )
أهنئك على ما وصلت إليه و الصدر جاي بالطريق باذن الله لاكن لا تستعجل

تقبل مروري عقبال من نبارك لك بوصولك للوزن 85 بإذن الله
ابو مالك

مشاءالله تبارك الله تقدم ولا اروع 100% بس الاذرع اهملتهم ولا شسالفه اذكر بتوقيعك قبل كانت اكتافك مقطعه تقطيع الظاهر انك كنت حاط زيت ولا ضاغط عليهم وتركيز الصوره كان عليهم

وبغيت اسالك لو ماعليك امر بخصوص الصدر السفلي كيف تلعبه عندك بنش لسفلي وعندك بنش ثاني للمتوسط والعلوي ؟ ولا عندك بنش واحد تقدر تخليه بثلاث وضعيات

وبالتوفيق ان شاءالله

عندي سوأل ماهي الاجهز الي عندك بالبيت ؟ اتمنا صورها

ماشاء الله تبارك الله سيد الوحوش يمنادة الليل :)

وأكرر نفس سؤال الاخوة ماهي الاجهزة وياليت بالصور :biggthump

بصراحة منذ فترة وأنا افكر ان اتمرن بالبيت لضيق الوقت لدي :biggrin2:


أسأل الله عز وجل أن يحفظك من كل سوء .

بالتوفيق اخوي وجسم جميل لكن مثل ماقالوا لك الاخوان ركز على الصدر
والعب المقلوب بار ضيق مره وراح تغطي بإذن الله الفراغ الموجود بأسفل الصدر
او العب دامبل مقلوب تجميع وشكرا

شكلك حاط عقلك وتركيزك على اللعبه:) والتغذيه والمكملات مركز فيه الى الامام يابطل والله معاك ويوفقك في مشوارك :)

وابي منك استفسار :) السوبر ماس جينر كيف طعمه ؟ وكم مره كنت تاخذه في الصباح قبل او بعد الاكل وباقي الاوقات ايضا لو تشرحه بالتفصيل اكون الك شاكر يلحبيب:)

مشاء الله تبارك الله جسم مرتب وجميل

هلا والله حبيب قلبي بودي قارد

تسلم عيونك عزيزي والله يوفق الجميع يارب

هلا والله بالغلا امير منور صفحاتي يالغالي

وتسلم عيونك يالورده

والله يعافيك ويخليك :) وتسلم لي على تشجيعك القوي

هلا بالطيب kd939

الله يخليك مثل ما قلت يا بطل جهد وصبر والتزام وعزيمة واصرار وان شاء الله كل منا يحقق مبتغاه

وتسلم لي عيونك وتسلم على تشجيعك ودافعك القوي الي تعطيني بحيث اني اطمح للاكثر :)

الله يحفظك

هلا فيك يالغلا JiuJitsu

فديت عينك لا والله ما اهملتهم ولكن تعرف في فترة الضخامة التقاطيع تختفي بشكل خفيف وانا ما ركزت بالصور الاخيرة بعرض الباي والحمدالله التقاطيع موجودة يالورده :)

ومثل ما تفضلت عزيزي عندي بانش واحد اتحكم فيه بالوضعيه :)

والله يحفظك ويخليك وتسلم على المداخلة والاهتمام الجميل :)

هلا فيك اخوي بور عزيزي بار ودمبلز وبنش متحرك


هلا بالحبيب الغالي الصارم فديت عينك يالورد سواء كنت بالبيت او النادي شد الهمة وراح توصل للقمة عزيزي

وتفضلو الصور

http://www.haggul.com/ProdImage/106%5C3738965.jpg
http://img.diytrade.com/cdimg/493991...King_Bench.jpg
ولكن هذا لا يتحمل راحه مثل الي عندي بالضبط ولكن راح اغيره لانه ما راح يتحمل فترة طويلة:biggthump

http://img.diytrade.com/cdimg/819689...n_Home_Gym.jpg
ولكن مو مثل هذا الي عندي اياه كان على كهرباء اوزان الكترونية :silly: لكن انا شلخته وسويته منول اركب فيه الاوزان تبع المعدات الي عندي والدمبلز لوووووووووووووول لو تشوفه يغمى عليك :biggthump


وبس لا اكثر :)

الله يحفظكم

هلا والله بالحبيب الغالي السمي منور صفحاتي يالورد
اي والله وانت الصاج حاط بالي وكل ما عندي في اللعبه صراحه :) لاني صراحه اطمح باني احقق الي في بالي وباذن الله ما راح اخيب بما اني قاعد اجتهد :)

وبخصوص السوبرماس جينر والله ممتاز طعمه صراحه واحلى ما جربت في المنتجات هو السوبر ماس من ناحية الطعم ايضاً .:) وهو تبي نتايج قوية خذ سكوبين الصباح وسكوبين قبل التمرين وسكوبين بعد التمرين هذا راح تنفجر واذا استخدمت المكمل هذا شهرين ورى بعض بهذا الشكل وتمارين بشكل شاق ... 100% راح تنفجر وبعدين بنشوف تقول قابلية الجسم في استقبال المكملات والاوزان :)


هلا بالغالي اخوي غامدي منور صفحاتي يالحبيب

تسلم عيونك يالورد


والله انكم تشجعون الانسان انه يطمح للاكثر صراحه وتسلمون على اهمتامكم وارائكم المهمة والله بالنسبة لي الي احتاج لها دوم وما استغني عنها

مشاء الله تبارك الله
جسم ممتاز جدا وناشف تماما
لكن فيه نقطه هي معقدتني وشكلها نفس مشكلتك الصدر من الوسط
انا عندي نفس الحاله والشئ الثاني
المقنص يبيلك تركز عليه شويتين
وجهت نظري
تحياتي لك والى الامام

للامام اخوي منادة
ماشاء الله تبارك الرحمن جسم ولا اروع
وشد حيلك ونصيحة مني لاتقطع ولو فترة قصيرة
مميزات المكملات تزيد وزنك بسرعه وعيوبها اذا تركتها بسرعه يطيح وزنك
ايش افضل فترة زاد فيها وزنك في فترة الحديد ؟؟
وبالتوفيق والى الامام يابطل

ما شاء الله عليك أخوي مناداة الليل أهنييك على طموووحك مواضيعك تعطي حماس وعزيمة

انا مثلك أتمرن في البيت ودايمااا لما اشوف موضووع لك يتجدد الحماااس فيني

ولا يهون الأخ ابو راشد اللي كل شخص يمشي على نصايحه ومواضيعه يحقق طموووحه جزاه الله خير

لكن يا ليت تخبرناا عن جدولك وتكراراتك بالضبط هل هي نفس اللي بموضووع ابو راشد

والدمبلز أي نوع تستخدم ومن وين ومتى أكثر شي يكوون وقت تمرينك

الله يوفقك

انا بصرااحه أبطل كثير تدريب بسبب الارهاااق لكن لما اشوف مواضيعك يتجدد الحماااس :
فالله يهديك لا تورطناااا ههههههه

انا محتااج جدا أستفيد من تجربتك في تمارين المنزل لأني مثلك عندي بار ودمبلز وكرسي جيم حبيت رأيك :

أولا :

ايش أفضل منتج يعطي بااور وطاااقه للتمرين الحديد ويكوون ممتاز للتنشيف

او يكون منتج باور وفيه مادة تنشف الدهوون # ضروري باقرب وقت محتاج له

وهذا موضوعي :
http://www.montada.com/showthread.ph...80#post6814680
انشالله استفيد منك ويا ويلك مني بزعجك ازعاااااج حتى اكون نسخه من جسمك ههههههههههههههههههه

تحصن عن العين والحسد اخوي والله يوفقك

ماشاء الله عليك يابطل ,, وتوفيق رائع خلال الـ 6 اشهر

واصل يا مناداة ورح توصل لأهدافك طالما انك ماشي ع نظامك الحالي ,,
وحصن نفسك ,,

انا سابقك بـ 3 شهور ^_^

باقة ورد لتفاعلك مع كل المشاركين

http://www.giftlady.net/shopimages/s...ls/flowers.gif

دمت كما تحب

ما شاء الله اللهم صلي على محمد اللهم زد وبارك لك ولجميع اخواننا اللي في المنتدى الى الامام ياشباب والله هذا المنتدى شجعني أن أعود إلى لعبة كمال الأجسام بقوه وحماس شديد مع العلم اني كنت ألعب سابقا ولكن كنت أنقطع عنها بكثرة أما هذه المره فسوف أصمد حتى أحقق هدفي والحمد لله هناك تحسن كبير في جسمي خلال ثلاث أشهر بفضل من الله ثم بفضلكم وفضل نصائحكم ومواضيعكم المميزة وأرجو أن تسامحوني على الإطالة...........

السلام عليكم و رحمة الله و بركاتة

قبل كل شيء

"ما شاء الله تبارك الرحمن"

ما أخفي عليك اني من أشد المعجبين بإصرارك و تقدمك الباهر في هذة الرياضة

قبل فترة كنت ناوي أراسلك بس قلت خايف اني اسببلك ازعاج
لكن مادامك فتحت الموضوع للاستفسارات..الله يعينك علي..^_^

أبيك تعطيني جدولك لتمارين عضلات البطن..
- أنواع التمارين و طريقة تأديتها..
- الأوزان
- الجلسات و العداد
- عدد مرات تمرين البطن في الأسبوع

و أي شيء ممكن يفيد
لأني انا مهتم بعضلة البطن..و صاري 6 شهور أتمرن بطن
و اكتسبت قوة تحمل هائلة..لكن إلى الآن مافيه ضخامة عضلية بالبطن
و على هذا الأساس بغيتك تساعدني في تمارين بطن فعالة

و شكرا

اخوي منادة الليل

مشالله عليك لا اله الا الله

جسم رووعه

وانشالله بيوم من الايام نوصل مواصيلك ..

سوالين عندي ..

هل اخذ ديكا او هرمون .. ؟ او حبوب فيهم هرمون

سوالي الثاني ..

كيف اقص جسمي او افصل منطقه عن منطقه .. اتمنا فهمت علي

ماشاءالله عليك!
شلون خليت السكسباك تبرز ؟
ممكن جدولها ؟

ماشاء الله .. اللهم لا حسد .. :)

شو هالمفاجأه الغااويه يااخوويهـ .. الله يوفقك ويحفظك .. بطل عيني عليك باردهـ ^^

السكس باك عندك روعهـ .. وااصل ابداعاتك يالغـــالي .. ولاتحرمنا من مواضيعك

ما شاء الله عليك ياوحش

مـــــاشــــــاء الله اللهم زد وبارك
ابغى اعرف كيف عرفت وزن الدهون بجسمك وليش استخدمت سوبر ماس جينر لأنه مليان فات مو لو استخدمت مثلا واي بروتن افضل لأنه لو فات .

ممتاز بس عندك فراغ في الصدر لازم تتمرن بار مستوي ضيق عشان تسد الفراغ تمنياتي لك بالتوفيق

ماشاء الله عليك

جسمك يبين انه في صاله

مب تدريب منزلي

الله يوفقك

السلام عليكم أخ مناداة الليل ... ما شاء الله أنا معاك من بداياتك باللعبة ومنتبه على التطورات اللي حاصلة معاك..

عندي كم استفسار وأتمنى تجاوبني علهم من خلال خبرتك في هالمجال ..

نزلت وزني من 104 إلى 77كيلو في فترة 4شهور وصرلي في الحديد فترة 8شهور
والحمد لله أنا من المميزين بالصالة ..

استعملت من فترة أمينو 2222caps وجاب معي شوية نتائج
وأستعمل الحين سكوبين بروكملس وأمينو أنابولك 10000 ,,,,, 6حبات باليوم

وأكلي تمام التمام من بياض بيض وصدور دجاج وتونة

بس المشكلة وزني مازاااد ولا تحرك عن 81كيلو !!! من فترة شهرين أو أكثر

وحابب أظهر عندي السكس باك بقووووة أكثر مع العلم إني مرتبط بالسفر بعد شهرين حتى أظبط نفسي زييييين

مع العلم عمري 21
طولي 175
نسبة الدهون 17

مرات أحس لازم أضخم ومرات أحس لازم أنشف ما أدري ...

مابطول عليك أبغى مساعدتك بخلال هالشهرين أكون ضخمت ونزلت نسبة الفات إلى عندي !!

وشاكرلك تعاونك يا ووووووحش

هلا بالحبيب الغالي موكا نورت صفحاتي عزيزي

وانا اليوم تحدثت مع شخص بهذا الامر وقال لي هذي شي طبيعي وراح تطول المدة لما يتجمع الصدر بالشكل الصحيح

وان شاء الله مع الجايات تنحل
وتسلم لي على مداخلتك ووجهت نظرك الي ما استغني عنها :)
الله يحفظك ويخليك عزيزي

هلا بالحبيب الغالي بلاك تايقر منور

لا عزيزي لا تحط هذي المعلومة في بالك انه المكملات هي الي تغير الشخص :) شوف اسال الشباب الي هني شكثر مكملات تاخذ ولكن ما تجي معاهم بنتيجة :)
مكمل غذائي وماقصرنا وشرحنا انه مجرد مكمل يغذي الجسم وبالذات هذه اللعبة تستهلك كل طاقه وكل تغذية بجسمك فلازم تعوضها بالمكملات عزيزي

وعلشان تحافظ على الشي بعدين استغني عن المكملات ولكن لا تستغني عن التمارين والتغذية الطبيعية :)

وتسلم لي على مداخلتك عزيزي

الله يحفظك ويخليك

هلا بالورده حبيب قلبي تركي منور
وهذا الي نبيه نجدد فيكم الحماس ونعطيكم الثقة اكثر بانه مافي شي مستحيل عزيزي وشوف انا بهذا الموضوع ما حددت انه تمرين منزلي انما بشكل عام الالتزام بالتمارين والتغذية والراحة والنتايج ان شاء الله تكون مرضية :)

وصراحه مثل ما قلت لك بخصوص مواضيع مراقبنا الغالي بوراشد الله يخليه مالي غنى عنهم وانا الحين رجعت لموضوع جدول الضخامة مره اخرى بعد ما غيرته شهر :)

بخصوص الجدول مثل ما هو عزيزي والتكرارات مثل ما هو موضح لا غير عزيزي

بخصوص تمارين البطن :) هذا الحمدالله انا معتمد على تكرارات عالية جداً :) جلسة الاولى بدون وزن والاخرى بوزن والثالثة بوزن اخر
واهم ما عندي بالبطن اني امرنه بحيث اني ما اخسر ما كسبته ولا اهمل هذا الشي ...

والدمبلز والبار نفس الي بالصورة بالضبط ولكن اللون يختلف

وصراحه مو حاب اغيرها لانه في رمضان راح اضم للصالة علشان فترة التنشيف ومن بعدها راح اخذ معدات بمستوى الموجودة بالصالة ان شاء الله

بخصوص فترة التمارين .....
ساعات ابدء من 5:30 وساعات من 6 الى 6:30 ابداء :)


والله يحفظك ويخليك عزيزي

هلا بالحبيب الغالي توتو منور اخوي

وان شاء الله راح نواصل

وانتم مو مقصرين صراحه تعطون الواحد من خيركم علشان يواصل
وتسلم عيونك
والله يحفظك ويخليك عزيزي

هلات بالورده اخوي ا بونواف

تسلم يالغالي ما قصرت :)

هلا بالحبيب الغالي اخوي ميعرو

عوده موفقه ان شاء الله عزيزي :)

ويالله عقبال ما نشوفك الوحش ان شاء الله

هلا بالورد الغالي فارس منور حبيبي

وحياك باي وقت وحتى لو ترسل رسالة ولكن الافضل تفتح موضوع جديد لما تحتاج اي شي علشان الوحوش كلهم ما يقصرون عزيزي :)

بخصوص سؤالك :

شوف اختر لك 3 الى 4 تمارين من موضوع مراقبنا الغالي بوراشد الله يحفظه

وبخصوص التكرارات هذي تعتمد عليك عزيزي

يعني اول الايام راح تبدا 20 تكرار 4 جلسات بالتمرين الواحد
بعدها راح تتطور الى الافضل حبيبي يعني راح توصل لدرجة انك بالجلسة الاولى تضرب تكرارا 200 بدون وزن مثل ما انا وصلت عزيزي :)
وعود روحك انك في الجلسة الاولى بدون وزن والثانية وزن متوسط والثالثة وزن عالي :)
بخصوص مرات التمرين والله في يوم مختص لهم عزيزي
وانا بين الجلسات في ايام الصدر والباي اخذ بعض الساعات كم جلسة بين التمارين في وقت الراحة العب بطن
وباذن الله راح تحقق عزيزي

الله يحفظك ويخليك

هلا بالحبيب الغالي اخوي فيصل
من ذوقك حبيبي وتسلم عيونك

لا لالا بعيد عن الهرمونات واي شي يخصها :)
اعتمدت على تغذية وتمارين وراحة بشكل صح والحمدالله

وبخصوص انك تقسم جسمك هذا حبيبي يعتمد على انك تلعب تكرارات علية وفي الجلسات تكون ثابتة من الاوزان

كمثال

عدد التكرارات :15+15+15
الاوزان : 50 كيلو+50كيلو+50
وتقدر ايضاً تخلي طريقة الاوزن كمثال جذي
50كيلو+55كيلو+60كيلو

ولكن ما تقلل التكرار عزيزي وهذا اهم ما في الموضوع للتقاسيم

وتسلم عيونك وان شاء الله بتوصل للاكثر دائماً اطمح للبعيد علشان تتطور اكثر

الله يحفظك ويخليك

هلا بالورده اخوي FX منور

الله يخليك يالغالي شوف ردودي الي فوق :)

الله يحفظك ويخليك

هلا والله حبيب قلبي ولد وينك يالحلو طالت الغيبة اقول عسى المانع خيربس

والابداع انت احد عناوينه يالورد
وتسلم عيونك يالغالي

الله يحفظك ويخليك

هلا بالغالي اخوي ماكسي منور يالحبيب

وتسلم عيونك
الله يحفظك ويخليك


هلا بالحبيب اخوي بوعلي منور يالغالي
بخصوص كيف عرفت والله هذا من الصيدلية لقيت عندهم ميزان يقيس نسبة الدهون ولكن بعد ما نقدر نضمنه ولكن انا حطيت الي عطاني الميزان :)

بخصوص اختياري صراحه انا هدفي ضخامة حالياً واحتاج مكملات جينر حتى اغذي جسمي ولكن الحمدالله اني صج استخدم مكملات جينرو لكن لله الحمد كل شي تضخم ولكن عضل لانه الجسم ناشف ولكن العضل تضخم :)

الله يحفظك ويخليك

هلا بالحبيب الغالي اخوي خالد

تسلم عيونك يالحبيب

ايه مثل ما قلت وان شاء الله مع الجايات راح تكون النتايج المطلوبة :)

الله يحفظك ويخليك

هلا بالحبيب اللغالي اخوي معضل

تسلم عيونك حبيبي والبيت والصالة ما تفرق مثل ما قلت انما الشخص نفسه :)

والله يحفظك ويخليك


هلا باخوي الحبيب ون ان لوف منور حبيبي

والله شي طيب وكبير انك نزلت وزنك بمستوى كبير صراحه وفي فترة بسيطة

شوف عزيزي راح اقول لك :) ال6باك تعتمد على تكرارات عالية جداً اكثر من انك تعتمد على حمل اوزان لتمارين البطن :)

يعني في تمارين البطن ركز دائماً انك تلعب تكرارات عالية وتطور التكرارات كل سبوع وراح تشوف ان شاء الله النتيجة

وبخصوص توقف الوزن هذي عزيزي شي طبيعي في هذه اللعبة

لازم تجي فترة يتوقف الوزن وذلك يعني انك

صار عندك بطئ في احد العملليات هذه

1- لم تطور تغذيتك وبما انه جسمك يتطور لازم تطور تذغيتك بحيث انك تغذيه بشكل اكثر
2-تمارس المشي او الجري (الهرولة) اذا كنت تبي تضخم توقف عن هذا الامر ... او في السبوع مره واحده لا تكثر عن 30 دقيقة
3-التفكير وقلة الراحة والنوم هذا من اقوى الامور في عدم تطور الوزن ويساعد على نقص الوزن بشكل سريع ايضاً ... وشي اكيد وراه اضرار :)

واللعبه هي جذي فترة تضخيم تضخم وفترة تجيك تنشف

انت على طولك اممم 85 الى حتى 90 كيلو تضخم وبعدها تنشف ممتاز عزيزي

الله يحفظك ويخليك

وشكراً جميعاً على ردودكم واهتمامكم الكبير الي احتاج له وما استغني عنه :)

ما شاء الله تبارك الله
اللهم زده من فضلك

فرقت عني بكم كيلو لكن ابي اجيبك ان شاء الله (هههههههه )
موفق اخي و إلى الأمام

ماشاء الله تبارك الرحمن



كلمة وحده اقولها لك ((وحش))بمعنى الكلمه
ماشاء الله

ماشاء الله عليك السكس باك تمام وحاول تركز عالصدر
وعندي كم سؤال
انا عندي كرشه صغيره لو ابغى السكس باك تطلع
اتمرن بطن يوميا ..؟
وكم مجموعه ..؟
والمجموعه كم التعداد فيها ..؟
وايش رايك بالواي بروتين بالضخامه ووووبس
وشكرا يا كبتن

اقتباس:

---

ما شاء الله تبارك الله
اللهم زده من فضلك

فرقت عني بكم كيلو لكن ابي اجيبك ان شاء الله (هههههههه )
موفق اخي و إلى الأمام

---

هلا بالحبيب الغالي منور يالورده

الله يزيك حبيبي وتوصل للي تبيه

هههههه ماتفرق اهم شي احنا اخوان وكل منا يبي الخير للثاني :)

الله يخليك


هلا بالحبيب الغالي اخوي بدر منور يالغلا

تسلم عيونك ومن ذوقك يالورد

الله يحفظك ويخليك

هلا بالحبيب اخوي عبادي منور عزيزي

بخصوص التمارين يالغالي ارجع للردود الي فوق وشوف

التمرين مو مهم كل يوم ولكن اهم شي تخصص له يوم بروحه وفي هذا اليوم تتمرن بشكل كبير وقلت لك كثرت التكراارات تعطيك نتيجة حلوة ... في حال كنت تبي تطلعهم


الله يحفظك ويخليك


والله ما قصرتو يالوحوش :)

مشاء الله اللهم صلى وسلم على سيدنا محمد

والله جسم خيااااال مشاء الله

اخي عندي سؤال سريع ، هل تجنبت الدهون م نالبداية ام قمت بعملية تنشيف وكيف تم ذلك

شكرا

هلا اخوي jbrill منور صفحاتي يالورد

وتسلم عيونك

وبخصوص تجنب الدهون الخ.... شوف انا ما تجنبتها وبشكل يومي اكل وجبة فيها دهون ولكن معتمد في تماريني اني ما اسمح لها انها تتجمع ...... وانا بديت اللعبه وانا وزني 59 :)

والعفو عزيزي

الله يحفظك

اخوي منادة الليل ممكن تكتبلي بالانجليزي سوبر باند بمب لاني مالاقي وممكن صورته لو تكدر

تفضل عزيزي

http://www.bodybuilding.com/store/dy...130_black.jpeg

ايه ياعم ....;) الف شكر يلعزيز والله لايحرمنه من ابداعاتك :)

العفو يالحبيب وتامر عزيزي :)

وبالتوفيق

سلام عليكم

اخوي منادة الليل احب اخنييك على الجسم الروعه بس لو الصدر اشوي تهتم فيه اكثر كان اول مرش لك انا انك تدخل بطوله
وشي الثاني صراحه جسمك بيطور كثير وبسرعه اللهم لاحسد انا شايف جميع تتطورك والى الامام ياوحش
وفي النهايه اتمنالك كل خير لي انك تستاهل يامنادة
بتوفيق لك وللجميع

سلام

حبيب قلبي يالغالي الله يوفق الجميع وياربي كل منا يوصل للي يطمح له

ونورت صفحاتي يالورد

مشاء الله،،،

تستاهل انك تفتخر،، شغل ممتاز ونطيف وخالي من المنشطات

إن شاء الله نشوف الصور القادمة الظهر والصدر مختلفين.

وانا متأكد انك قدها.

بالتوفيق

حبيب قلبي والله

والكل قدها ان شاء الله :)

وان شاء الله القادم افضل من هذا :)

وياربي لا يحرمني من طلاتك وبصمتك في مواضيعي

الله يحفظك ويخليك

ماشاء الله و ان شاء الله من احسن لأحسن بس حبيت اسألك الاكسباند اكستريم هل استفدت منه بشكل كبير يعني اوزانك زادت كتير وايمتى حسيت بقوة المنتج بعد اول اسبوع و شو طعم النكهة يلي اخدتها

ماشاءالله ولكن جسمك يحتاج لبعض التضخيمــ
تحياتي ـ

مشاء الله عليك الله لايضرك
جسمك مبين ان الايض عندك عالى
يعنى جسمك يحرق الكارب ويحوله طاقه
بالتوفيق ياوحش

الله يحفظكم ويخليكم يالحبايب :)

وياربي يوفق كل انسان ويحقق له كل ما يريد

مشاء الله تبارك الله
نتائج ممتازه
وتقدم ملحوظ
واصل تقدمك يابطل وانشاء الله للأفضل دائما

السموحه الحبيب الغالي اخوي برنس ما انتبهت لردك اسمح لي

المنتج ياخوي بالنسبة لي افضل واقوى منتج طاقه استخدمته وانصح فيه صراحه لانه راح تحس فيه .. واحلى طعم هو البرتقال

والله يحفظك ويخليك

هلا بالورده kd939 الله يبارك في حياتك يالحبيب ويحقق لك كل ما تريده

والله يحفظكم ويخليكم

ماشاء الله عليك .. اللي اعجبني اكثر من جسمك هي عزيمتك

الله يحفظك ويدوم عليك الصحه والقوه والطاعه

كل جسمك مرتب ماشاء الله بس غير الصدر خذلك اصلي خخخخخخخخخخ

امزح معك يابطل .. واصل .. واهنيك ع روحك وصبرك وعزيمتك

بالتوفيق يا منادة الليل

و بآنتظار موضوع التحول الرابع ان شاء الله

الله يوفقك

ماشاء الله عليك
انا وزني 72 وطولي 179 ودي اضخم بس تحافظ على 6 باك لانها بدات تبان
بس السوبر مماس مايزيد الفات ؟
وممكن النظام الغذائي كيف كنت تبني عضل وتحافظ على تقاسيم البطن ؟؟