برنامج متكامل للتضخيم والمحافظه في الشهر الفضيل (رمضان).... :)

بسم الله الرحمن الرحيم

بمناسبة قرب شهر الرحمه والمغفره شهر رمضان بلغنا الله اياه ورحم وغفر لكل من لم يبلغه..

حبيت انزل هالموضوع وقبل رمضان بفتره عشان نقدر نشتري ونرتب انفسنا قبل ندخل عليه..

اغلب الاسئلة بتكون في كيفية المحافظه على الضخامه او زيادتها عشان كذا حنمسك هالنقطه ونتكلم فيها وما حطول عليكم في المعلومات وكذا بالعربي بعطيكم ((الزبده)):biggrin2:..

في البداية حنحتاج هالمكملات زياده على المكملات اللي عندك..

1- الجلوتامين
((الشركات كثيرة))
بناخذه عشر غرام في اليوم قبل التمرين 5 و الـ5 الثانيه موجوده في المكمل اللي بحطه لك
اذا كنت تملك بروتين فيه كميه كافيه من الجلوتامين فماله داعي تشتريه..
اذا كنت تستعمل كرياتين فماله داعي تستخدمه

2- كازين بروتين

http://www.bodybuilding.com/store/op...130_black.jpeg

الكازين بروتين احلى مافيه انه..

بروتين بطيئ الهضم جدا وهضمه يوصل لـ 7 ساعات وممكن اكثر..
فيه جلوتامين تقريبا 5 غرام
حتى الاحماض الأمينيه اللي فيه بطيئة الهضم.

حلو..
طيب صيامنا تقريبا من 12- 14 ساعه..

واذا اخذنا الكازين بروتين قبل اذان الفجر بربع ساعه احنا كذا خلينا العضله تصوم بس من 5-7 ساعات.

يصير استخدامه كالتالي..

نلغي استخدام البروتين اللي موجود عندنا قبل النوم ونستخدم ذا
سكوب مع حليب قبل الآذان..

سكوبين مع حليب للي وزنهم 200 باوند او اكثر قبل الآذان..

نصيحتي..
افطر على ثلاث تمرات..
ووراها على طول جرعه من البروتين اللي عندك وياسلام لو كان يحتوي على واي بروتين..

صلي وبعدين ابدأ كل..

لا تاكل كثيييير الين تملي بطنك يكفي القليل والاكثر فائده..
لا تكثر من الدهون ((السمبوسك وغيرها)) ...الأغلب بيزعل:09:

عموما الدهون المضره مضره حتى لو قليل..
((اللي تابع برنامج التفاح الأخضر اكيد عارف هالمعلومه)).

بالنسبه للوجبات اليوميه نحاول قد ما نقدر نقسمهم لأربع وجبات.

طيب نجي للتمارين..
طبعا احنا عارفين انو احنا مقصرين في تغذية العضله بسبب الصيام..
يعني المفروض مانجهد جسمنا بزياده..

طيب كيف؟؟

1- يكفي عضله وحده في اليوم..
2- خمس ايام في الأسبوع كافيه..
3- التكرارات 3 كافيه 12/10/8 للمتقدمين 10/8/6 للمبتدئين.
طبعا الأوزان ثقيله وتزيد بالتدريج..

مثال للجدول..

السبت -صدر
الأحد -ظهر
الإثنين -راحه
الثلاثاء -اكتاف
الإربعاء - تراي وباي
الخميس - أرجل
الجمعه - راحه

وأي استفسار في هذا الموضوع انا حاضر ..
واذا عندك استفسار ثاني افتح موضوع خاص فيك..

اتمنى اني اكون وفقت فيما طرحت
تقبلو خالص احترامي وتقديري

ماشاء الله تبارك الله

موضوعك ممتاز الصراحة بي اذن الله تعالى في رمضان راح نرجع لموضوعك ونطبق باذن الله

الهم بلغنا رمضان جميعا يارب الهم امين

جزاك الله الخير

السلام عليكم

ماقصرت اخوي الله يعطيك العافيه صدق انا كنت احاتي اذا جه رمضان وشو بيصير في العضل
واكيد بينقص وزن الجسم وحتى اوزان التمرين بس لازم نصبر هذآ شهر البركه والرحمه

تحياتي لك

يعطيك الف عافية على الموضوع عااد لي فترة اسال نفسي كيف راح اكل برمضان و كيف صيامي بيكون و اسئالة مالها حدود انشالله لنا رجعة لموضوعك بالشهر الفضيل

تقبل مروري

مشكور اخوي ع الابداع

موضوع مفيد ومعلومات قيمة

ربي يعطيك العافية

الله يعطيك العافيه يا كابتن موضوع مفيد

تقبل مروري

مجهود تشكر عليه والله يقويك

طبعا الكازين مع الحليب خالي الدسم افضل شي قبل اذان الفجر وطبعا قبلها على الاقل بساعتين تكون متسحر عشان يصير عندك ب\ئ شديد في الامتاص

ليش تظيف الحليب مع الكازين لان الحليب بطيء الامتصاص يعني كاسة حليب ممكن اخذلها من ساعة الى ساعتين عشان الجسم يمتصها تماما والكازين ايضا من 6 الى 7 ساعات يعني صار عند ساعتين الحليب و 7 ساعات الكازن صارت 9 ساعات اوكي مان الشغل عدل 100 ال 100 وطبعا غير الناس الي عندهم اجازة مش مداومين زي حالتنا

الله يوفق الجميع

اقتباس:

---

المشاركة الأصلية كتبت بواسطة العاشق M

ماقصرت اخوي الله يعطيك العافيه صدق انا كنت احاتي اذا جه رمضان وشو بيصير في العضل
واكيد بينقص وزن الجسم وحتى اوزان التمرين بس لازم نصبر هذآ شهر البركه والرحمه

تحياتي لك

---

بالعكس يالغالي البحوث كل سنة تثبت ان الصيام ممكن يكون أفضل للتضخيم مش بس التنشيف " أول مره تسمعها ؟ غريبه؟" يقولك اكتشفوا ان مع الصيام تقدر تزيد عضل بدون شحم و جربوا الصيام على كم من شخص و حصلوا نتايج عجيبه من ناحية زيادة العضل بدون زيادة في الشحم. و هذا اللي ما تقدر تسويه بدون صيام (إلا إذا كنت تستخدم هرونات)

تضخيم عادي= زيادة عضل + زيادة قليله شحم
تضخيم مع صيام= زيادة عضل بدون زيادة شحم و بعض الأحيان نقصان شحم.

هذا مش كلامي ولا كلام أبوي ;) هذا كلام اللي ما يصومون و بس جربوا الصيام لأهداف دنيويه.
إقرا عن الIntermittent Fasting

مشالله تبارك الله

كيفيت ووفيت ياغالي الله يجزاك خير

مبدع يا وحش

ينقل الى المواضيع المميزة

يا عيني .. أبداع والله ، طيب خيو بس الساعة كم يكون التمرين بالضبط
يعني كـ الأفضل ..

وححححححححححححححششش كفوو والله:biggthump

ماشاء الله عليك .. ييت بوقتك يطولي بعمرك ..

ماقصرت الغـالي وسلمت انااااملك على هالكتابه .. واانا بالاساس اليوم رحت اشتري كازين وماحصلته فالمحل ..
ان شاء الله بكره او الايام اليايه راح اشتري واخليه لرمضـان ^^ ..

تحياتي

منورين يا شباب ...

اقتباس:

---

المشاركة الأصلية كتبت بواسطة Yousif Alsaqer

يا عيني .. أبداع والله ، طيب خيو بس الساعة كم يكون التمرين بالضبط


يعني كـ الأفضل ..

---

بعد صلاة العشاء مباشرة افضل وقت للتمرين..:biggthump

اقتباس:

---

المشاركة الأصلية كتبت بواسطة soonkar1

بعد صلاة العشاء مباشرة افضل وقت للتمرين..:biggthump

---

يالله و الله ذكرتني الجو الرمضاني ما شاء الله, صلاة التراويح و على طول الجيم يا سلام.

السلام عليكم

اخوي عندنا النادي يفتح في العصر شرائك في التمرين بالعصر ؟

يعطيك العافيه اخوي ..
المشكلة مو بالأكل بس
المشكلة الأكبر بالنوم .. تعرف نوم الليل ( 7 ساعات على الأقل ) هو الوقت الوحيد الي يفرز فيه هرمون النمو
وفي رمضان يحلى السهر ..
إلا الي خاشين كورس فيه القروث ... ماتفرق معهم ..
وفق الله الجميع

اقتباس:

---

المشاركة الأصلية كتبت بواسطة فيصل 2003

السلام عليكم

اخوي عندنا النادي يفتح في العصر شرائك في التمرين بالعصر ؟

---

هلابك..

اذا بتنشف ممكن..

لكن تضخيم لا..

اقتباس:

---

المشاركة الأصلية كتبت بواسطة drَpower

يعطيك العافيه اخوي ..
المشكلة مو بالأكل بس
المشكلة الأكبر بالنوم .. تعرف نوم الليل ( 7 ساعات على الأقل ) هو الوقت الوحيد الي يفرز فيه هرمون النمو
وفي رمضان يحلى السهر ..
إلا الي خاشين كورس فيه القروث ... ماتفرق معهم ..
وفق الله الجميع

---

انا عن نفسي انام من 12 او 1 بالكثير واصحى قبل الفجر اتسحر واخذ البروتين..
اصلي وارجع انام ..
واكيد الوصول للهدف يبغاله تعب وضرايب وضريبتك هنا انك ما تسهر..

مممممم..

اعتبر نفسك مغير شفتك لليلي ومقلوب يومك لمدة شهر ...

اعرف شباب ما يداوموا الا في آخر الليل ويومهم مشقلب لكن ماشاء الله وحووووووش..

مشكور اخوي وماقصرة

بارك الله فيك يا اخي
موضوع رائع و مفيد

أخوي كلامك كلو ماشي
بس ادا فى امكانية ممكن تحكيلي كيف راح يكون النظام


يعنى متى بالزبط راح تاخد بروتينك متي بالزبط راح يكون تمرينك

انت بتذكر انو 5 جرام قبل التمرين و5 جرام بعد التمرين هاد طبعا علي اساس انو يكون اللعب بعد الفطور صح


طيب وادا كان اللعب بالنهار بوقت الصيام كيف راح يكون النظام ؟

وكيف التعامل معه

تحياتى

ومشكور علي الموضوع

مشكور يا بطل على المعلومات الرائعه

اقتباس:

---

أخوي كلامك كلو ماشي
بس ادا فى امكانية ممكن تحكيلي كيف راح يكون النظام


يعنى متى بالزبط راح تاخد بروتينك متي بالزبط راح يكون تمرينك

انت بتذكر انو 5 جرام قبل التمرين و5 جرام بعد التمرين هاد طبعا علي اساس انو يكون اللعب بعد الفطور صح


طيب وادا كان اللعب بالنهار بوقت الصيام كيف راح يكون النظام ؟

وكيف التعامل معه

تحياتى

ومشكور علي الموضوع

---

اخوي كل جسم عن جسم يختلف
انت ممكن تفطر وبعد العشا تحس عندك طاقه حلوه تروح تتمرن غيرك يجيه البور مثلا الساعه 11 يتمرن عادي اهم شي قبل التمرين 5 قرام قلو وامينو اي شي تاخذه عادي مثل اول
وتماريين الصباح ما ايدها نهائيا عندنا ناس تتمرن الصباح والعصر وبصراحه احزن عليهم احس انه يهلك نفسه على الفاضي وبالاخير جسمه بدل ما يبني يهدم !!!!!!

هلا وغلا اخوي وموضوعك ممتاز ويعطيك الف عافية ...
ننتظر جديدك

مشكور اخوي على الموضوع المفيد
بس حبيت اذكرك انك نسيت تكتب يعني عن تمارين البطن لاتك ما ذكرتها
تحياتي لك

اقتباس:

---

المشاركة الأصلية كتبت بواسطة ابو الرائد

أخوي كلامك كلو ماشي

بس ادا فى امكانية ممكن تحكيلي كيف راح يكون النظام

يعنى متى بالزبط راح تاخد بروتينك متي بالزبط راح يكون تمرينك

انت بتذكر انو 5 جرام قبل التمرين و5 جرام بعد التمرين هاد طبعا علي اساس انو يكون اللعب بعد الفطور صح

طيب وادا كان اللعب بالنهار بوقت الصيام كيف راح يكون النظام ؟

وكيف التعامل معه

تحياتى

ومشكور علي الموضوع

---

النظام بيفرق من شخص لشخص..

على حسب حيضخم ولا حينشف

عنده دوام في الليل في الصباح ...الخ..

اقتباس:

---

المشاركة الأصلية كتبت بواسطة mr.topman

مشكور اخوي على الموضوع المفيد
بس حبيت اذكرك انك نسيت تكتب يعني عن تمارين البطن لاتك ما ذكرتها
تحياتي لك

---

هلا حبيبي مشكور على تواجدك..

انا ما نسيتها انا بس حطيت الجدول كمثال والبطن ممكن تخصصلها يوم..
او ممكن تلعبها يومين ويوم لا
وممكن يوم اي ويوم لا..

يعني على حسب انا ماحطيت جدول انا حطيت مثال فقط..

عموما شاكرلك اهتمامك

مشكور على هذي المعلومات المهمه

الله يعطيك العافيه

اللهم بلغنا رمضان شهر الخيرررر

ماشالله عليك ياوحش
الواحد كان شايل هم
جزاك الله خير

يعطيك العافية
و لكن متى نذهب للجيم ؟

+
قرات في أكثر من مصدر ان الكاسيين
تسبب السرطان

طيب الكازيين مده هضمه 7 ساعات ما يسبب عطش ؟؟؟؟

اللهم امين يا رب ربنا يبارك فيك ويبلغنا رمضان

مشكور اخوي بس بالنسبه للمكملات عادي اخذهم وانا عمر 14

يل ربع بغيت استفسر امتى اخذ حقن الكارنتين في رمضان

اقتباس:

---

المشاركة الأصلية كتبت بواسطة بوطالب

بالعكس يالغالي البحوث كل سنة تثبت ان الصيام ممكن يكون أفضل للتضخيم مش بس التنشيف " أول مره تسمعها ؟ غريبه؟" يقولك اكتشفوا ان مع الصيام تقدر تزيد عضل بدون شحم و جربوا الصيام على كم من شخص و حصلوا نتايج عجيبه من ناحية زيادة العضل بدون زيادة في الشحم. و هذا اللي ما تقدر تسويه بدون صيام (إلا إذا كنت تستخدم هرونات)

تضخيم عادي= زيادة عضل + زيادة قليله شحم
تضخيم مع صيام= زيادة عضل بدون زيادة شحم و بعض الأحيان نقصان شحم.

هذا مش كلامي ولا كلام أبوي ;) هذا كلام اللي ما يصومون و بس جربوا الصيام لأهداف دنيويه.
إقرا عن الIntermittent Fasting

---

يالغلا احنى في السعوديه وقت رمضان فرشو السفره كلها دهون وحلى
وين الواحد ياكل بعد وجبت الفطور الا ساعه 12 يعني تقدر تقول بالكثير ثلاث وجبات لاتنسى وقت التمرين بيضايق حييييييييييل
والنسبه حق كلمك على راسي موصدق كل شي بس مستحيل تسوي الي كنت تسويه في وقت غير رمضان
اول شي مافيه باور عالي اصلن الجسم مو مغذى صح
روح النادي وضحك عليهم ماحد قادر يسوي شي باور مافيه معدوم
ثاني شي الي ابغى انه ماينزل الوزن بس ما ابقى حاجه ثانيه وهذآ مستحيل وراح اذكرك :biggrin2:
تقبل المرور

اخووووي لازم استعمل بروتين كازين

انه عندي مسل جوس وامينو شراب 20 الف ليكيود

هل راح ينفعوني برمضان للتضخيم وشنو احسن طريقة تستخدمهم ابي نتيجه حلوه اخوي شلون اوصل

حق افضل نتيجة للتضخيم برمضان وشكراا

السلام عليكم هاي اول مشاركة لي شو اسوي انا عمري 15 ووزني 60 وطولي 180 شو نصايحكم وكم لازم يصير وزني ...؟؟؟ انا اول ما دخلت الجيم كان وزني 50 ودخلت تضخيم هاذا عاشر شهر لي بالجم ووزني 60 هل عشر شهور راحت على الفاضي ولا لا ؟؟؟وانا طبيعي ما اشل اي شي لا بروتينات ولا شي ؟؟؟ ورمضان كريم وعندي ملاحضة بعد في رمضان متى اتدرب بعد الفطور ولا قبل وشكرا ارجو الرد بسرعة

السلام عليكم هاي اول مشاركة لي شو اسوي انا عمري 15 ووزني 60 وطولي 180 شو نصايحكم وكم لازم يصير وزني ...؟؟؟ انا اول ما دخلت الجيم كان وزني 50 ودخلت تضخيم هاذا عاشر شهر لي بالجم ووزني 60 هل عشر شهور راحت على الفاضي ولا لا ؟؟؟وانا طبيعي ما اشل اي شي لا بروتينات ولا شي ؟؟؟ ورمضان كريم وعندي ملاحضة بعد في رمضان متى اتدرب بعد الفطور ولا قبل وشكرا ارجو الرد بسرعة

موضوع مفيد حبيب قلبي ولك جزيل الشكر على الفائدة الغالية

جزاك الله خير اخوي موضوع مفيد جدا وان شاء الله بمشي على هالتمارين

لكن سؤالي بالنسبه للمكملات

المبتدئين اللي للحين ما ياخذون مكملات يقدرون يمشون بدون مكملات؟؟

ولا نشتري؟؟

جزاك الله خير واتمنى تجاوبني :$

سنوكر موضوعك صراحة بالصميم ومنطقي ,,,

كنت باخذ الفات برنر في رمضان بس بعد موضوعك شكلي باجله لبعد رمضان ,,

سؤالي الله لايهينكم وليتكم تعجلو في الاجابة لاني بشتري العدة قبل رمضان ,,
هل ينفع اخذ الكازين بروتين + الكرياتين cee + الامينو2222 + ملتي فيتامين ؟؟؟؟؟

لان طريقتي باللعب هي تضخيم وحرق دهون في نفس الوقت ,,, بكون شاكر لكم ياخوان