سيرفر العرب في فاينل فانتسي 14

الكل عارف طبعا ان سيرفر العرب كان راجناروك في فاينل فانتسي 11سيرفر راجناروك كان فيه اكثر من الف لاعب عربي خصوصا دول الخليج
لكن في فاينل فانتسي 14 راح يكون الوضع متغير تماما لعده اسباب

في طبيعه الحال راح تشوفون بنفسكم ان قبل نزول اللعبه بالسوق راح تصير خبصه وكل مجموعه تبي تدش بسيرفر او تلحق اللنك شيل القديمه الي كانت في ف ف 11 ويشوفون اي سيرفر تروح يلحقونها
الناس راح تتطشر بالف سيرفر

انا كنت مؤسس فكره اتجاه جميع العرب الى سيرفر راجناروك والفكره نجحت نجاح تام طبعا انا الحين قاعد اكلمكم من عضويه مختلفه لان عضويتي الاساسيه ضاع الايميل فماقدر ادش فيها وانا عضو معروف بالمنتدى والكل يطقلي سلام اذا قلت كلمه (اوكي اهو الكلام صج بس في غشمره شوي هم لول)

المهم مثل ماانتو عارفين المنتدى الحين ماهو مشهور مثل ماكان ايام قبل وانا مشترك في كذا منتدى واعرف لاعبين كثار راح يدخلون معاي نفس السيرفر وعشان جذي انا طرحت الموضوع

شلون نجمع كل العرب في سيرفر واحد؟ وخصوصا ان سكوير يمكن ماتوفر الWorldshift بالبدايه؟ شلون نخلي الكل يعرف اي سيرفر ندش وعشان جذي انا طرحت الموضوع

انا عارف ان بالاول والاخير الكل راح يدش السيرفر الي انا اختاره لان يقدرون يسون worldshift بعد فتره لكن احنا نبي نكون كلنا مع بعض من البدايه لان احلى الايام اهي اول اشهر باللعبه لما تكون اثول وماتعرف شي :silly: لكن عندنا لاعبين لعبو البيتا فراح يساعدونا بدون مشاكل اذا في لاعبين قدامى بعدهم احياء شاركونا بالموضوع وحاولو تردون بالموضوع حتى لو تسجلون عضويه يديده وانا اتكلم عن الناس الي دشو اللعبه اول مانزلت مو الي دشو ورااها بسنين

اكرر : الموضوع زبدته = شلون نجمع العرب في سيرفر واحد شلون نوصل المعلومه للكل عن السيرفر المختار ويكون مناسب للجميع وشكرا

انا عن نفسي اضمنلكم ان اغلبيه الكويتين بدشون السيرفر الي انا راح احدده لكن مادري عن باقي دول الخليج

السلام عليكم

الفكره طيبه والله يوفقك انشاءالله وانا اشوف هالفكره مطروحه بكذا موقع حتى بموقع البيتا الرسمي وانشاءالله الجميع يجتمعون بسيرفر واحد .. وبخصوص اختيار السيرفرات اتمنى يكون اختيارها بعد تاريخ 30 لان اختيار السيرفر الحين غير الفاينل القديم.. القديم كان عشوائي لاكن الحين يبين لك كل سيرفر وكم عدد اللاعبين الي فيه مثال سيرفر يبين التسجيل فيه عالي ومتوسط وخفيف يبين بالالوان معاك... وبما انه عدد كبير من اللاعبين بيدخلون اللعبه من 22-9 الى 30-9 او حتى 3-10 فمراح يبين معانا السيرفر الي بيكون فيه اقل ضغط الا بعد هالتاريخ وانا افضل سيرفر ضغطه خفيفه للسرعه النت لان ماشاءالله احنا وايد متطورين بالسرعات النت :) وهذا رايي الشخصي

السلام عليكم

انا الحين بالبيتا ولعبت الالفا بعد ، فكرة تجميع العرب فى سيرفر واحد و لنكشيل واحد طرحتها اكثر من مره والشباب بالمنتدى يعرفون هالموضوع تمام ، واشوف انه مجموعه منهم مازالت موجوده حتى لو مشاركاتهم قليله.

على العموم فيه مجموعه معنا فى البيتا من العرب ، متحمسين انه يكونون بسيرفر واحد ومتفقين انه يتمون على تواصل لحد ما تتحدد اسماء السيرفرات ويختارون واحد منهم.

راح احط موقع المنتدى هناك للشباب اللى ما تعرف المنتدى، واذا التواصل تم مفتوح ممكن نجمع اكبر عدد ممكن بالبدايه، لانه فعلا مثل ما قلت احلى ايام اللعب اللى اهيا لما انكون نوبس.

ممتاز شباب وهذا الي نبيه لازم كلنا نتصل مع بعض ونكون في نفس السيرفر
مثل ماقلت لكم يعني احنا السيرفر مو مهم عندنا المهم نتجمع في سيرفر يناسب الاغلبيه العظمى

فكره ننطر لحد 30 او 22 اشوفها صعبه شوي لان صعب ننشر الخبر بسرعه وقت نزول اللعبه لازم الكل يكون عنده خبر اسبوع قبل نزول اللعبه لان في ناس خارج الكويت او دول الخليج صعب توصلهم المعلومه بالسرعه هذي

ومساله الاج والنت مااعتقد راح تكون مشكله
ف ف 11 كانت مبنيه على DIAL UP فكانت تواجه مشاكل احيانا عكس ف ف 14 كل شي بكون متظبط وقت نزول اللعبه ولا تنسون ان العرب كانو باكثر سيرفر زحمه (راجناروك) وماكان في اي مشاكل تذكر يعني مساله ضغط السيرفر مااشوفها بذيك الاهميه

ونقطه ثانيه مهمه جدا
العرب حتى لو تجمعو في سيرفر واحد مو معناه ان كل شي يكون تمام لول

راح يتهاوشون ناس (كالعاده) وتنكسر اللنك شيل او تظل لكن لنك شيلات غيرها تتبطل والخ مشاكل في مشاكل وعوار راس واصلا في ناس يقولون بعرف شنو اهو سيرفر العرب عشان انحاش منه:09:

فعشان جذي لازم Leader صدره وسيع و Open minded لان بصراحه اللنك شيلات السابقه تلقه يالLeader تعبان او حاط Sack holders يغثون ويطردون اوادم من غير حق على اي شي والخ (تحس ودك تمسكهم وتطقهم:09:) وبس لانهم ربعه مخلي السالفه اي كلام طبعا مو معناها ان مافي لنك شيلات غيرها لكن الناس يعني يقدرون يعتمدون عليها اهو المقصد طبعا انا مو قاعد اتكلم عن تجاربي لكن هذا كلام الكويتين الي كانو يوصلي منهم شخصيا لول

فاي واحد عنده اقتراحات يقدمها

اقتباس:

---

المشاركة الأصلية كتبت بواسطة ali22x

ونقطه ثانيه مهمه جدا
العرب حتى لو تجمعو في سيرفر واحد مو معناه ان كل شي يكون تمام لول

راح يتهاوشون ناس (كالعاده) وتنكسر اللنك شيل او تظل لكن لنك شيلات غيرها تتبطل والخ مشاكل في مشاكل وعوار راس واصلا في ناس يقولون بعرف شنو اهو سيرفر العرب عشان انحاش منه:09:

فعشان جذي لازم Leader صدره وسيع و Open minded لان بصراحه اللنك شيلات السابقه تلقه يالLeader تعبان او حاط Sack holders يغثون ويطردون اوادم من غير حق على اي شي والخ (تحس ودك تمسكهم وتطقهم:09:) وبس لانهم ربعه مخلي السالفه اي كلام طبعا مو معناها ان مافي لنك شيلات غيرها لكن الناس يعني يقدرون يعتمدون عليها اهو المقصد طبعا انا مو قاعد اتكلم عن تجاربي لكن هذا كلام الكويتين الي كانو يوصلي منهم شخصيا لول

فاي واحد عنده اقتراحات يقدمها

---

بخصوص كلامك اخوي احب افنده بخصوص الكويتيين هناك جانب ثاني منهم وانا اتكلم عن تجربه باول مانزلت اللعبه بامريكا كنا غرووب كويتيين واماراتيين واجانب باللنك شيل وماكان شي اسمه ليدر وكنا ماشاءالله على قلب واحد حتى المشينات والايتمات اول باول نخلصها ونحصلها .. لاكن اتفق معاك بخصوص عدم الاتفاق باللنك شيل لان قبل خروجي من اللعبه اواخر 2007ا لاحظت ان كثير من العرب يدخلون اللعبه وماكان في اتفاق بينهم حتى نقطه ثانيه ماحبيتها واهي بيعة الاكاونت حتى اني بعت اكاونتي على كويتي بسعر خيالي وهالامر هم صار مع واحد من ربعنا .. لدرجه ان الاكاوتنات تنباع بالمزاد بالكويت او خارجها باسعار خياليه يعني تنافس على شراء الاكاونت وهالشي ماكنت اشوفه قبل 2006 بكثره يعني بتشوف نوبز وهاي ليفل .... وهالشي مافيه متعه تاخذ لك اكاونت جاهز وين المتعه فيه.. مااقول الا الله يرحم اول ايام اللعبه

انا اتكلم عن سيرفر Siren

على العموم هذى امور صارت زمان وخلصنا منها والحين احنا على وشك نبدأ بدايه جديده وعندنا خبره ممتازه فى هذى النوعيه من الالعاب وكيفية التعامل مع الناس

المطلوب الحين بدايه صحيحه بالاتجاه الصحيح ، يعنى تجميع اكبر عدد من العرب فى سيرفر واحد ، مو شرط فى لنكشيل واحد ، كل واح حر باختياره الناس اللى يبى يلعب معهم ، لكن لما انكون بسيرفر واحد فرصنا انا نستانس ونجرب كل شىء بالجيم احسن.

لازم نتواصل مع اكبر عدد ممكن من الناس اللى مهتمه بهاللعبه فى الوقت الحاضر ، ولما تنزل اسماء السيرفرات لازم نختار سيرفر بسرعه ونعممه على الناس اللى نعرفهم باسرع وقت ممكن قبل ما الناس تبدأ تلفيل ويصير تحويلهم من سيرفر لاخر صعب.

والله فكره ممتاز بس انت ياصاحب الموضوع عرفنا بنفسك

ياليت Sandoria Sons يتكرر ايام النوب والAF والـ mission

هم بعد ليت Anzana LS يتكرر للـ gods والـ HNM والـsea ايام حلوه

اقتباس:

---

المشاركة الأصلية كتبت بواسطة The Patrlot

والله فكره ممتاز بس انت ياصاحب الموضوع عرفنا بنفسك

ياليت Sandoria Sons يتكرر ايام النوب والAF والـ mission

هم بعد ليت Anzana LS يتكرر للـ gods والـ HNM والـsea ايام حلوه

---

انا اسمي بالجيم كان Sephiro ربع الHNM يمكن ماكنو يعرفوني لاني مااسوي HNMS اطلاقا انا العب للوناسه مو اسوي كامبينج اطالع طوفه 3 ساعات واذا حبيت اسوي HNM (نادرا) ادش كنت مع Thecalm (akuadvanced) او spikeflail والخ لان ربعي فيها حتى مرات ادش بشخصيه ربعي واسوي الHNM بس شي نادر بالشهرين ثلاثه مره على المزاج لول
لو ترجع لمواضيع المنتدى القديمه راح تلقى اغلبيه مواضيع ف ف 11 كانت مني بالمنتدى هني وفي عرب دشو بلنك شيلي للLIMBUS اول وافضل لنك شي لليمبوس في راجناروك من اائل الناس الي ذبحنا امويجا وذبحنا هم التيما كله كان تحت اشرافي طبعا لان ماكان في Guides وقتها

في وايد لاعبين نفس حالتي خبيرين لكن ينغثون من شي اسمه HNM يعني انا عمري ماراح اسوي HNM LS الا اذا كان نظامهم سهل في ف ف 14 (مو تقعد كامبينج واخر شي حتى ماتقاتلون الوحش لول)

وكان وقتها في ناس امارتين حدوو سيرفر ثاني وانا نقيت راجناروك بناء لعده اسباب ومنها كان ان في عرب كويتين Already نعرفهم يلعبون اللعبه لانهم كان يلعبون النسخه اليابانيه وايضا اهو كان السيرفر المتعارف عليه كونه السيرفر العالمي من جميع الجنسيات فالاعب العربي ياخذ راحته لان الكل عارف اليابانين مايبون اجانب والامريكان يشبكون اخر الليل بس

فبناء عى جذي مراح ننقي سيرفر عشوائي راح نشوف المنتديات الاخرى والمنتديات الاوربيه ايضا ونشوف شنو انسب شي للعرب ننقيه

طبعا يوم انا نقيت راجناروك مثل ماقلت في امارتين نقو سيرفر اخر وفي بحرينين هم نقو سيرفر اخر لكن بالاخير شفنا الاغلبيه العظمى حولت راجناروك لكن في ناس ابتلشو دشو سيرفرات ثانيه وكرهو الدنيا لان مافي عرب اطلاقا وتلقى الانجليزيه مالتهم ضعيفه

الهدف اهو نجمع كل العرب بسيرفر اي شي اخر مو مهم

السلام عليكم ورحمة الله وبركاته

بصراحه فكرت اللنك شل عرب حلوه بالنسبه لي وفي ناس اعرفهم معاي حاجزين اللعبه عند محل وقلتلهم عن هالموضوع وقالو شوف العرب وين يروحون يمين؟ روح يسار! لان الاجانب تتطور والعرب يردون وره وطبعا مو الكل

وانا عن نفسي بدش مع العرب مثل ايام ف ف 11 مثل ما كان مع SandoriaSons وكنت انا من المؤسسين لهذا اللنك شيل ونكي Ykuwait RDM75

اتمنى اشوفكم في ف ف 14

اقتباس:

---

المشاركة الأصلية كتبت بواسطة Ykuwait

السلام عليكم ورحمة الله وبركاته

بصراحه فكرت اللنك شل عرب حلوه بالنسبه لي وفي ناس اعرفهم معاي حاجزين اللعبه عند محل وقلتلهم عن هالموضوع وقالو شوف العرب وين يروحون يمين؟ روح يسار! لان الاجانب تتطور والعرب يردون وره وطبعا مو الكل

وانا عن نفسي بدش مع العرب مثل ايام ف ف 11 مثل ما كان مع SandoriaSons وكنت انا من المؤسسين لهذا اللنك شيل ونكي Ykuwait RDM75

اتمنى اشوفكم في ف ف 14

---

انا كنت اسمع كلام طيب عن SandoriaSons انا شخصيا مادخلتها لان كنت في ls العضو GuiltyGear اهو كان لاعب النسخه اليابانيه واذكر اول يوم كنت كله معاه يساعدني ويعلمني اشياء :biggthump ايام حلوه

احنا فعلا حددنا السيرفر صح والعرب كلهم دخلو راجناروك لكن بعد ما الكل دش ضعنا مارتبنا الاشياء وماكان في اي تنظيم اطلاقا ومحد يعرف الثاني

صديقي Hellday التارو المغفل دخل Spikeflail وPeacemakers انا دشيت الثانيه مرات لان كان فيها صديقي الله يرحمه Kiraa وطيحو اذكر 4 ريدل ورى بعض

انا شخصيا ماهتم بالHNM المهم عندي المتعه بس عكس صديقي Hellday يلعب للEquipment بس فانصح الجميع باخذ الحذر من المدعو hellday مستعد يقتل عشان قطعه من الارمور دالمتيكا

الفكره بالنسبه للبعض بتكون اوكي ..
بس في اشخاص اعرفهم نفس كلام الي العضو الي قبل شوي ,
يقولون شوف العرب وين بيروحون اي سيرفر , عشان ننحاش لابعد سيرفر عنه :D , وانا واحد من المؤيدين للشي هذا :biggthump

اقتباس:

---

المشاركة الأصلية كتبت بواسطة Elzen

الفكره بالنسبه للبعض بتكون اوكي ..
بس في اشخاص اعرفهم نفس كلام الي العضو الي قبل شوي ,
يقولون شوف العرب وين بيروحون اي سيرفر , عشان ننحاش لابعد سيرفر عنه :D , وانا واحد من المؤيدين للشي هذا :biggthump

---

عدل لول :09: واحد منهم رفيجي
بس انا اشوف ان ماله داعي الكلام هذا يعني حتى الاجانب في منهم سيئين يعني ماراح تلعب اذا بتقول الكلام هذا
عشان جذي انا قلت خل نسوي موضوع ونشوف النتيجه لان في عرب يبيلهم "تصفيه" يعني عباله اذا انت عربي واهو عربي خلاص لازم تهد اللعب وبس 24 ساعه تساعده وتصير عبد حقه ولا يزعل لكن في نفس الوقت في ناس تستانس تلعب معاهم

يعني انا اشوف اذا السالفه صارت خربانه وماكو قوانين ولنك شيل نفس اوادم ماله داعي ادش السيرفر الي فيه العرب لكن اذا تنظمت السالفه مثل ماانا قلت قبل ماشوف ان مشكله بالعكس يحلى اللعب تلقى ناس يلعبون نفس الوقت معاك

يمكن انت نظرتك غير والكلام الي انا قلته ماينطبق عليك فشاركنا رايك ليش ماتبي تدش مع العرب؟

امممم غالبيه العرب يجونك نوعين
نوع نوب والمنوبه مستفحله فيه لدرجه انه انت ممكن تنجلط و تتوفى وهو لا جاب لك خبر وهالنوع غير قابل للتعلم
وفيه نوع كان نوب بس تعدل شوي وبدا يبثرك ويسوي انا الفاهم باللعبه ..
النوع الثاني امره هين طنشه ولا كأنك تشوف شي , بس الاول صعبه تمشيه له .. لانه ضروري بجيب العيد فيك

وفي شي ثاني لاحظته بعد في العرب
انك لما يطلب مساعده في شي و تسويه له خلاص يتوقع انك الشخص الفاضي
كل مادخل القيم ارسل لك Tell ابي كذا و ابي كذا وسو لي كذا
طبعا ماتفرق معه انت في بارتي والا قاعد لحالك كلها نفس الشي
ان سويت له الي يبي نشب لك دايم ولو قلت بزي الحين , صارت فضايحك بجلاجل بالمنتدى :bigeyes: .

الشي الثالث والي الكل يعرفه مشاكل العرب كثيره , والله يصير السيرفر كأنه مسلسل خليجي برمضان :D

ع العموم انتم شوفو وش يطلع معكم لو صار الوضع اوكي مافي مانع ندخل معكم نفس السيرفر < لا بالله ادخل تكفى :D

لول Elzen انا ما انفي كلامك هذا فالعكس موجود وابصملك ان النوعيات الي ذكرتهم منتشره بشكل كبير بعد يعني مايعتبرون اقليه من خلال تجربتي مع راجناروك اقول كلامك صح بس صدقني مو الكل جذي
انا شخصيا صارت فيني سوالف هذي الي واحد يغلط ويروح يطلع كلام بالمنتدى واهو الغلطان ناس مو متربيه شنو تسوي يعني :09: خلك كول وطنش

انا شخصيا في سيرفر راجناروك = الاتي

بدينا في لنك شيل محترمه لكن مع الوقت بدى كل من هب ودب يدخلها بكل بساطه ناس مو محترمه يعني وانا اتكلم عن اللنك شيل مو السيرفر هني , لان الليدر مايشبك وايد وفي الف ساك هولدر يوزع اللنك شيل اخر شي الناس انغثو من لاعبين يجيبون المرض وطلعو وتطشرو الناس

كل واحد صار بصوب لكن ظلينا ربع وندش بارتيز وبينا Tells لكن ماكو مكان يجمعنا
انا قلت لك قبل اذا بس ندش نفس السيرفر وبدون تنظيم فالاحسن تبعد وتنحاش لان عارف مسبقا شنو راح يصير , نشوف شنو يصير بالمستقبل لكن نظل نبي بعد اراء اذا عندكم قولوهم او اقتراح مفيد لتفادي المشاكل

إن شاء الله معكم بأي سيرفر والله يعطيك العافيه أخوي على الموضوع
لكني مضطر أنتظر اللعبة على البلاي ستيشن 3

والله يعينكم بأكون نوب :D

بالنسبه لتجربتى ، شريت الجيم اول ما نزل بالكويت السيرفر الامريكي ، ما كنت اعرف عن المنتدى لانه ما كان مشهور، لعبت تقريبا سنه، مع انه انجليزي مالى تمام لاكن ملليت واطلعت روحي ، ما كان فيه ولا عربى بالسيرفر، ويوم لقيت واحد عربى خبرنى عن راجناروك، بس كان لفلى 60 ايامها.
تركت اللعبه وبعد 6 شهور رجعت وما كان فيه خدمة نقل من سيرفر للثانى ذيك الايام، سويت شخصية جديده فى راجنورك وكان عدد العرب مو وايد بس كافى لانك اتسوي الكوستات الصعبه.
كنا مبسوطين وتمام التمام، لما كثر عدد العرب ودشو اليهال البزارين، بدت المصخره، للاسف تعاملت مع وايد اجانب وصخين فى حياتى وكنت بالاخر الاقى طريق انى احل الامور معهم وكل واحد يمشى فى حال سبيله، بس العرب، اذا استلمك واحد شايف نفسه وامفكر انه هو كل شىء ومنحقه ايسوي اللى يبيه، عاد اهنيه هات اللى يفكك منه.
وللاسف هاذولى وايد، من صوته اتفكره ريال، اتعامل معاه يطلع بزر.
على العموم مع كل هذا الا انى اشوف اللعب مع العرب اهون مليون مره من اللعب مع الامريكان، الاوروبيين اهون من الامريكان.
هذا رأيي عن تجربتى، مو شرط تمشى مع الكل، وعلى العموم من بعد فاينل 11 رحت واو وهم بعد جلد عربى وبعدها رحت كل الالعاب اللى انزلت بعد واو وما دشيت ولا جلد عربي ، صح انى كنت مرتاح معهم بس والله انه طعم اللعب مع ابناء جلدتك غير، يا اخي اتحس بالوناسه وانت تتكلم بلغتك وتضرب امثال والكل فاهم عليك، مو كل شىء تبى اتفسره

السلام عليكم ^^ حبيت اعلق على الفكره و الردود الحلوه ^^ ...

الفكره حلوه و و احترام صاحب الفكره , و بالعكس ألو نحصل مجموعة من العرب على ايد وحده بيكون شي طيب , صدقوني أذا تحاتون موضوع الدراما الي تصير من بين العرب تراها بالاخير هينه , ادخلوا المواقع الاجنبية بشكل عام مثل allakahazam او Bluegarter و شوفوا شو يكتبون :) و بتقولون خلنا ويا العرب اخير , يكفي بس التشهير بالشخصيات على مستوى السيرفرات .

المهم يا شباب في نقطة أتمنى بس تنتبهون لها , لعبة فاينال فانتسي 14 تختلف على 11 , و اغلب الكلام الي ينكتب مبني على الي فات , طريقة اللعبة صح مش معظمها بشكل فردي و الي كان متابع لاخر المستجدات بيشوف يقدر يدخل بارتي مكون كحد اقصى من 15 لاعب , و بعد تقدر تخلص المشنات او الكويستات بشكل فردي بس بتكون هناك صعوبه , الي اقصده :) أنه شي يديد محد يعرف عنه و حلاته اللعبه يوم بتكون مختلفه و نظام يديد ,تاذكروا اول ما لعبنا فاينل فانتسي 11 , كانت اول سنه او سنتين حلوه الين و بعدين تمصخت و السبب الهيوج نم لنك شيل و غيره .

شلو فكرة أنه ( هذول عرب ما يفهمون ) و لا تنسون انه وقتنا كلنا متقارب , و هناك مثل ^^ ينقال ( الكمال لله ) يعني مب كل العرب زينين و لا كل الاجانب شيني لكن ما يحج يلدك الا ظفرك ^^ .

كلامك صحيح نانو
يمكن البعض بفهم الكلام غلط ويعتقد ان العرب بعضهم "مغرورين" او "متكبرين" بسبب ان مايبون يلعبون مع نوبز او مع بعض الناس لكن الواقع عكس الشي اهو فعلا في ناس محد يقدر يلعب معاهم :p لكن اكيد مو الكل جذي مثل ماقلت سابقا

لكن محد يقدر ينكر مزايا اللعب مع العرب كمثال يلعبون نفس الوقت معاك, الكل عارف ان اليابانين عنصرين 99% ومايلعبون الا مع اجناسهم (لحد يقولي مساله حاجز اللغه والخرابيط عندك الاسبانين مثلا حدهم jajajaja ومايعرفون ولا كلمه ويدخلون مع الكل) والامريكان يشبكون متاخر اخر الليل ففتره من الصبح الى المغرب تكون غالبا ميته وتقدر تاخذ راحتك وتتكلم عربي واذا في شي مو فاهمه بالانجليزي ناس تقدر تساعدك وفوق هذا يكفي انك قاعد تسولف مع ناس يفهمون عليك وتفهم عليهم 100%

انا عندي ثقه تامه ان الي مايبون يكونون مع العرب هم الاقليه فراح نحدد سيرفر واحد انشالله قبل نزول ف ف 14 وننشر الخبر للاصدقاء والمنتديات و ف ف 11 ايضا

طبعا السيرفر لازم يكون مناسب لنا يعني مايكون كله يابانين او كله امريكان, يفضل ان يكون اغلبيته امريكان وانجليز لان اليابانين في ف ف 11 كان مالهم لزمه ناس لعبو اللعبه 5 سنين ومادخلو في جابينز بارتيز الا 10 مرات لول يعني صراحه الي يطيح في سيرفر اغلبيته يابانين راح يكره عيشته الا اذا يتكلم ياباني

أنا كنت ألعب فاينل فانتسي 11 و كان صديقي باللعبه Hellday وكان جوبي Thief وكنت مستانس حيل من القواسم المشتركة بينا خصوصا انه جوبي باللعبه كان جوب Hellday بالحياة الواقعية.. فهذا قاسم مشترك حلو بيني وبينه :p

عندي سؤال شباب لو مثلا انا لعبت على الكمبيوتر ( PC ) هل الشخصية الي لعبة فيها اقدر انقلها على البلاي ستيشن 3 ولا ؟

اقتباس:

---

المشاركة الأصلية كتبت بواسطة Nanoo82

عندي سؤال شباب لو مثلا انا لعبت على الكمبيوتر ( PC ) هل الشخصية الي لعبة فيها اقدر انقلها على البلاي ستيشن 3 ولا ؟

---

تقدر تلعب بالشخصيه بالبلايستيشن 3 او اي كمبيوتر في اي مكان بدون اي نقل لان السيرفر مشترك بكل الاجهزه
المهم يكون عندك الID+PASSWORD فقط

كمثال ف ف 11 تقدر تلعب بشخصيتك على اي اكس بوكس او كمبيوتر او بلاي ستيشن 2

عيل شكلي انا بالعب اول شي بالكمبيوتر الين ما ينزلونها على البلاي ستيشن , لانه بصراحه ماقدر اتريا 6 شهور لانه حلاة اللعبه او سنه و الي بيزيد اللعبه حلاة الكل ( نوووب ) السبب انه اللعبة بتنزل للكل في وقت واحد و محد قبل الثاني مثل ما صار في الفاينل 11 , اليابانيين سبقونا بسنه :)

السلام عليكم.
فكره فيها تجمع عربي باللعبه انا معاها 100على 100 واتمنى اكون منها.

انا تجربتي بألعاب الاون لاين كانت فقط فاينل فانتاسي xi .. وبدايتي اول مانزلت النسخه الامريكيه.. كنا قروب صغير من العرب بالاخص اماراتيين و كويتيين ومعانا صحبه اجانب عددنا باللنك شيل مايتعدى 14 .. طوال الاربع سنوات كنا على قلب واحد والحمدالله استانست باللعبه بشكل كبير... بعض الاحيان كعرب نسوي NMs وعددنا ما يتعدى 7 وماكان في اي مشكله لي بعد ال2006 احتجنا نكون قورب اكبر ونندمج لل End game or sky وغيره ..

اللنك شيل الناجح ماهو بعدد اللاعبين ألي فيه .. شالفايده لنك شيل 50 عربي وبس متفاهم مع 5 .. فجذيه ما اهتميت اني ادور على سيرفر ثاني وانتقل له واترك الصحبه الطيبه الي معاي.. حتى اني ماشاركت بمنتديات عربيه من قبل وهذا اول منتدى ادخل فيه ومعطيه كل اهتمامي.

واللعبه قربت نزولها ففكرة اني ابدأ مع قروب عربي نكون على قلب واحد ماهمني ان كانوا Noobsاو منو Leader او شنو جنسياتهم اهم شي خليجيين وعرب ولا همني العدد باللنك شيل لان حتى مع 6 اشخاص تقدر تسوي الي مايسويه 12 واحد..

وعلى قولة اخونا Daour حلاته من جلدتك و مع شباب منك وفيك ... شوفوا اليابانيين او الفرنسيين او الالمان ماتشوفهم الا قروبات وعلى قلب واحد.
ومن الاخر ابعد عن الامريكان

عندي سؤال للناس الي لعبوا البيتا :-

في حال انكم كنتوا مجموعه ( party ) بعد ما تذبحون اي وحش و يطيح اللدروب , كيف اتم عملية التوزيع , قبل كان يروح في treasure pool و بعدين يتوزع بشكل عشوائي على المجموعه , او يسوي حد من المجموعه lot .

موضوع العرب مع اني افخر اني عربي فيهم (فينا) مشكلة الاشاعات, كنت العب اخر الليل لاني مشغول في النهار و ماقدرت استفيد من اللنكات العربية لانه في العادة شبه فاضية فتعرفت على امريكان وخلافه وطبعا اسلعدهم مثل ما سعدوني و بعض الشباب الله يهديهم فهمو الموضوع غلط اني اساعد الغرب و اجحد العرب لاني ما اعملهم معاملة خاصة. المهم كونت صداقات مع ناس من الجنس اللطيف (مع انهم معروفين بالعنف) و بعدها صرت الاحظ ان الناس ماخذين في مقلب اني جرار والي يبغى بنات يجيني واذا احد طلب اني اشبكه وقلت لا يجيني كلام والقى اخويائي يقولوا انهم سمعوا اني متكبر واكره العرب و ابي اغترب واني نسيت اصلي و صرت كلب امريكا وخلافه.

وبعدين اول سنتين كان في عرب احراج الصراحة وافتكر 3 جاني بسببهم كلام كثير وهم الزير و تارو اسمه Summon وMno و جالكا ما افتكر اسمه و انهم حرامية و مادري ايش وبحكم انك عربي انت نفس الطينة و الصراحة تأذيت لدرجة اني قطعت صلتي بالغالبية معدا القليل وبعد فترة نسيت انه في عرب في راجناروك والحياة كانت ماشية و في 2007 طفشت من السيرفر بشكل عام و تركته ل3 سنوات في سيرفر ثاني واستمتعت كأني نوب من جديد وتزوجت من هناك خخخخ وبعدين رجعت قبل كذا شهر وانتبهت ان غالبية الناس الغثيثة اختفت و الوضع صار اوكي.

عن نفسي رايح السيرفر الي "عيال فصلي" رايحينه من ايام النوبية في فاينل و كلفنا واحد بيكون في اللعبة من اول يوم انه ينقز في سيرفر عشوائي واحنا بنلحقه وحاجز 7 نسخ لي وللشباب, اذا قابلت عرب ان شاء الله ما اقصر في حقهم, بس مافي معاملة خاصة ههههه.

والله المشكله في ناس تاخذ المساله ان اذا لعبت مع عربي لازم اتزوجه ولا اصير رفيجه احنا بلعبه يعني لازم ماتصير الاشياء too personal

يعني اذا واحد سيئ او حتى لو فرضنا الاغلبيه سيئين انت طنشهم وخلك مع الي يعجبك فقط محد راح يجبرك تدش لنك شيل معاهم او تظيفهم فريندز (انا اصلا ماضفت فريندز عرب عندي ب5 سنين في ف ف 11 الا يمكن 10 فقط مع اني عرفت المئات)

انا اشوف كلام ان "مابي العب مع العرب" كلام ماهو منطقي لان اهو صحيح ان المثل يقول ابعد عن الشر وغنيله وليش تدخل راسك في اشياء انت في غنى عنها بس انا عمري ماشفت احد يقول غصبا عليك تلعب مع كل العرب يعني انا اصلا براجناروك اغلبيه لعبي 95% مو مع عرب لكن شي حلو مرات يوم ندخل بارتي راندوم ونقوم نسولف ونكتشف ان معانا عربي من النوعيات المحترمه لا يكون بس اليابانين درو عنا او عطونا وجه؟ اضعف الايمان لاتقول انك عربي لول ومثل انك امريكي واذا شفت احد عربي زين قوله انك عربي هههههههه يعني محد راج يجبرك تلعب مع العرب كلهم وتتعرف عليهم غصب حتى لو انت موجود بنفس السيرفر معاهم
انا عندي العب مع شخصين محترمين افضل من العب مع 200 واحد بس عدد يعني معقوله مافي 2 عرب زينين؟ لول

صج ان العرب يسون مشاكل احيانا لكن غالبا يبين تعامله معاك من البدايه عكس الاجنبي تقول هذا شريف الامه ولما ياخذ الي يبيه يمشي عنك ولا كانه في يوم اصلا عرفك :09:

طبعا انا كلام هذا بشكل عام مو عن اخ جندام :) وفي ناس ماراح تتفق معاي بس هذي وجهه نظري
يعني في ناس حيل تبالغ وكان نهايه العالم اذا دش في سيرفر فيه عرب وترى كل سيرفر فيه زينين وسيئين ودراما العرب ماترفع الضغط فالعكس تضحك لانها سخيفه عكس سوالف الاجانب وبعيدين الدراما هذي تخلي السيرفرات مشهوره لول في سيرفرات ف ف 11 ليما الحين الناس عمرهم ماسمعو عنها لانها ميته ومافيها حياه

راجناروك اي وقت تبي تضحك شوف اخر updates العرب وهواشهم :09:

هلا شباب اولا مبروك عليكم قرب شهر رمضان الكريم واسال الله ان يبلغنا اياه

الموضوع جميل واتمنى ان نلتقي في سيرفر واحد بغض النظر عن المشاكل والخلافات اهم شي الوناسه في اللعبة، اهم شي تبلغونا اي سيرفر لاني ببدا اللعبه اول ماتوصلني لاني طلبت
collector edition
وتبدا تاريخ 22
تحياتي للجميع

FFXI: ID

Princeuae


***

أول يوم تنزل اللعبة فيه (من 22 september عشان الـhead-start) نحدد السيرفر الرسمي للعرب وكذا تنحل المشكلة.

^^
اي والله
ياليت يتحدد السيرفر من بدري
عشان الي طالبين اللعبه مايتوهقون ..

اخواني انا بقول اللي بقلبي كله انا بديت اللعبة من اول شهر اسبوع لنزولها حتى اذكر hellday يوم بديت معاه نذبح ارانب بره ساندوريا وكان هيوم بعدين حول تارو لول وكيرا وكايزر وغرين ايز وكاموي/سانجيان هذي الاسماء اتذكرها من بين كل العرب لأني تركتهم وعندي انطباع زين عنهم وفي اكثر لكن بعد مرور كل هالسنين الذاكره مو مثل اول وكان في عرب بكل صراحة مو كفو وما تاخذ منهم الا عوار الراس وعلى قوله واحد بهالموضوع noobs ويتعبونك لكن مع كل هذا بتلقى قله قليله بتوقف معاك قلباً وقالباً وهذا اللي انا قاعد اسويه بمنتدى البيتا بحاول اجمع اكبر مجموعة بسيرفر واحد وحالياً اتفقنا بأنه نكون بسيرفر معين بالبيتا إلى أن تطلع اللسته الخاصة بسيرفرات اللعبة الكاملة.

السلام عليكم

الشباب اللى يقدرون يدشون البيتا ، اتفقنا على انه السيرفر ايكون Ultimecia
انشاءالله انشوفكم يوم الاربعاء
راح احاول انى اوفر vent من احد الاصدقاء حتى اتكون العمليه سهله للتواصل
انشوفكم على خير والرجاء تعميم اسم السيرفر على العرب اللى اتعرفونهم

اقتباس:

---

المشاركة الأصلية كتبت بواسطة daour

السلام عليكم

الشباب اللى يقدرون يدشون البيتا ، اتفقنا على انه السيرفر ايكون Ultimecia
انشاءالله انشوفكم يوم الاربعاء
راح احاول انى اوفر vent من احد الاصدقاء حتى اتكون العمليه سهله للتواصل
انشوفكم على خير والرجاء تعميم اسم السيرفر على العرب اللى اتعرفونهم

---

تمام حلو يلا شدوا الهمة يشباب. :D

اقتباس:

---

المشاركة الأصلية كتبت بواسطة Dark_Knight

اخواني انا بقول اللي بقلبي كله انا بديت اللعبة من اول شهر اسبوع لنزولها حتى اذكر hellday يوم بديت معاه نذبح ارانب بره ساندوريا وكان هيوم بعدين حول تارو لول وكيرا وكايزر وغرين ايز وكاموي/سانجيان هذي الاسماء اتذكرها من بين كل العرب لأني تركتهم وعندي انطباع زين عنهم وفي اكثر لكن بعد مرور كل هالسنين الذاكره مو مثل اول وكان في عرب بكل صراحة مو كفو وما تاخذ منهم الا عوار الراس وعلى قوله واحد بهالموضوع noobs ويتعبونك لكن مع كل هذا بتلقى قله قليله بتوقف معاك قلباً وقالباً وهذا اللي انا قاعد اسويه بمنتدى البيتا بحاول اجمع اكبر مجموعة بسيرفر واحد وحالياً اتفقنا بأنه نكون بسيرفر معين بالبيتا إلى أن تطلع اللسته الخاصة بسيرفرات اللعبة الكاملة.

---

بصراحه من دخلت المنتدى وقريت عن فاينل فانتاسي بالذات كانت مواضيعك تشد انتباهي حتى لو كانت قديمه .. وبخصوص موقع البيتا لك الفضل انك جمعت العرب بموضوع واحد ... وانا بكون اول من يدخل فيه على اني بسوي نك نيم ثاني وبدخل فيه Garland لسبب واحد ان لي اصدفاء من فاينل القديم اوربيين ووقتهم يناسب وقتنا غير الامريكان او اليابانيين وهذا الشي يعطيني فرصه اني اجتمع مع اكبر عدد من اللاعبين وقتهم يناسب وقتي..
وانشاءالله نكون كلنا بسيرفر واحد بداية اللعبه والاختيار يحدد على اكبر شريحه من اللاعبيين وماينحصر على العرب فقط
تحياتي لكم

السيرفر ماتحدد حتى الان واشوف ناس حددت سيرفرين مختلفين لول هذا من اولها جذي !
عموما الناس قاعد تتكلم عن سيرفرهم للبيتا بالنسبه للسيرفر الي راح يتحدد ماهي شغله تشير ونق سيرفر وخلاص
السيرفر راح يتحدد تاريخ 1 September فتو الناس لا تستعجلون على رزقكم

الموضوع هذا نقاش حول السيرفر مو تحديده لان مافي معلومات كافيه حتى الان ان ننقي سيرفر مناسب للاغلبيه اذا بتنكلم عن كل جروب وين بروح ماراح نخلص

ودارك مايت انت شنو كان اسمك في الجيم؟ لان اغلبيه الي ذكرتهم اعرفهم :p شكلك حدك قديم من الربع وماتلاحظ وايد ناس تشتكي نفس حالتنا؟ يعني في ناس ممكن انهم تتجمع ويناسبون بعض ومايسون مشاكل

الحين وش فرق نسخة بيتا الي تلعبون فيها عن النسخه الرسميه الي بتطلع الشهر القادم ؟

واتفق العرب على ان لايتفقوا .... ^ w ^

على العموم انا شخصيتي اسمها Zenmetsu Kona في سيرفر التميسيا .

اللي يبي يسولف الله يحييه على السكايب هذا الاي دي : konata1986

للمعلوميه اخترت سيرفر التميسيا قبل ماادري عن كلامكم ههههه , ومااساعد الا الناس اللي تسولف وتحتك وياي , مو يجيني يطلب شي ويمشي كعادة بعض العرب الله يصلحهم .

الله لا يعيدها من ساعه يوم دخلت رغناروك.

مستحيل ارتكب نفس الغلطه مرتين، أكبر (No Thanks) للتجمعات العربيه.

السبب ان اغلب العرب يظن انه بسبب انه عربي انك owe him something، هذي نمشيها مافيه مشكله بس المشكله الاكبر هم المبزره اللي عندهم عقدة نقص وحياته دراما و يحسد اي واحد احسن منه اذا كان عربي و النوبز+١ اللي مو مستعد يسوي اي شي لنفسه وينتظر العالم يخدمونه ولا يكلف نفسه يطور نفسه في الskills مو بس في ال equip.

رغناروك مزبله السيرفرات و أزحمها وأكثرها دراما كله بسبب العرب (والاوربيين).

طبعا انا اتكلم عن الاغلبيه مو كلهم.

الله يعين على فف١٤ ودفعة الscrubs اللي داخلين، اللي يبي يريح مخه لا يدخل سيرفرات الاوربيين والعرب.

ما ادري عن العرب ما لعبت مع العرب الا ربعي... لاكن بخصوص الاوربييين ماادري وين النقظه الي تخليك تبتعد عنهم لاكنهم افضل بالنسبه لوقت اللعبه معانا تقريبا وقتهم ولي يبي يلعب مرتاح اهم افضل اختيارلعبهم عالراحه لاضغط ولا عوار راس وكلامهم مافيه مسبات كثر الامريكان وغير هذا تقدر تأمن فيهم.

عدل كلامك Q8ffxiv

عن تجربتي الاوروبيين افضل في التعامل من الامريكيين وغالباً يكونون من الكبار مو مثل الامريكيين نصهم مبزره وعن العرب اخوي hell-bottom انا معاك في بعضهم وراعين يحسسك انك تدش عشان تساعده وتطلع لول بس ترى في عرب رجال وعلى قد المسؤولية وإذا عطاك كلمة ما يثنيها لكن الواحد ينام على الجنب اللي يريحه وما نقدر نجبرك على شي ما تبيه.

اقتباس:

---

المشاركة الأصلية كتبت بواسطة hell-bottom

الله لا يعيدها من ساعه يوم دخلت رغناروك.

مستحيل ارتكب نفس الغلطه مرتين، أكبر (No Thanks) للتجمعات العربيه.

السبب ان اغلب العرب يظن انه بسبب انه عربي انك owe him something، هذي نمشيها مافيه مشكله بس المشكله الاكبر هم المبزره اللي عندهم عقدة نقص وحياته دراما و يحسد اي واحد احسن منه اذا كان عربي و النوبز+١ اللي مو مستعد يسوي اي شي لنفسه وينتظر العالم يخدمونه ولا يكلف نفسه يطور نفسه في الskills مو بس في ال equip.

رغناروك مزبله السيرفرات و أزحمها وأكثرها دراما كله بسبب العرب (والاوربيين).

طبعا انا اتكلم عن الاغلبيه مو كلهم.

الله يعين على فف١٤ ودفعة الscrubs اللي داخلين، اللي يبي يريح مخه لا يدخل سيرفرات الاوربيين والعرب.

---

شكلك كنت محتك بناس غلط في راجنروك وحظك كان سيئ في لينك شيلات الله يستر عليها بس بس كلامك حيل مبالغه يعني شدعوه شصاير لي الدرجه هذي معصب تبي سيرفر تكون فيه ماتبي في عرب ولا اوربين يعني بس امريكان اصلا ماراح تلقى ناس وايد تلعب بنفس وقتك واغلبيه الايفنتات تصير وقت الفجر عندنا بالدول العربيه

عموما سيرفر راجنروك يعتبر من اقوى السيرفرات وافضلها بس اذا انت تبي تنحاش من سيرفر العرب انت مو اول ولا اخر واحد في ناس ماتبي مع العرب نهائيا فتابع الموضوع علشان تعرف اسم السيرفر الي تنحاش منه :09:

في ناس نضرتهم سوده حيل مع العرب شمسوين فيهم ياناس لول

اقتباس:

---

المشاركة الأصلية كتبت بواسطة ali22x

شكلك كنت محتك بناس غلط في راجنروك وحظك كان سيئ في لينك شيلات الله يستر عليها بس بس كلامك حيل مبالغه يعني شدعوه شصاير لي الدرجه هذي معصب تبي سيرفر تكون فيه ماتبي في عرب ولا اوربين يعني بس امريكان اصلا ماراح تلقى ناس وايد تلعب بنفس وقتك واغلبيه الايفنتات تصير وقت الفجر عندنا بالدول العربيه

عموما سيرفر راجنروك يعتبر من اقوى السيرفرات وافضلها بس اذا انت تبي تنحاش من سيرفر العرب انت مو اول ولا اخر واحد في ناس ماتبي مع العرب نهائيا فتابع الموضوع علشان تعرف اسم السيرفر الي تنحاش منه :09:

في ناس نضرتهم سوده حيل مع العرب شمسوين فيهم ياناس لول

---

المثل يقول : كل واحد ينام على الجنب اللى يريحه ، صادفت بحياتى وايد ناس زينين من كل الجنسيات ووايد ناس وصخين من كل الجنسيات ، التعميم على جنسيه او قاره غلط ، اصلا فى اي بحث علمى شفته يتعلق بتصرفات الناس ، اثبتو انه التعميم غلطه يرتكبها البشر وايد.
على العموم انا واحد من الناس احب العب مع بنى جلدتى بس ما عندى اي مانع العب مع اي جنسيه ثانيه. الشخص اللى ارفض انى العب معاه هو الشخص اللى يعادى العرب والمسلمين ، ولاحظ اننى قلت الشخص مو الجنسيه او القاره.

اقتباس:

---

المشاركة الأصلية كتبت بواسطة daour

المثل يقول : كل واحد ينام على الجنب اللى يريحه ، صادفت بحياتى وايد ناس زينين من كل الجنسيات ووايد ناس وصخين من كل الجنسيات ، التعميم على جنسيه او قاره غلط ، اصلا فى اي بحث علمى شفته يتعلق بتصرفات الناس ، اثبتو انه التعميم غلطه يرتكبها البشر وايد.
على العموم انا واحد من الناس احب العب مع بنى جلدتى بس ما عندى اي مانع العب مع اي جنسيه ثانيه. الشخص اللى ارفض انى العب معاه هو الشخص اللى يعادى العرب والمسلمين ، ولاحظ اننى قلت الشخص مو الجنسيه او القاره.

---

في ناس ماتبي تلعب مع عرب وشي عادي جدا وعندهم اسبابهم بس ماشفت احد معصب ويقول الله لايعيدها من ساعه وازبل سيرفر والخ مو سالفه دش السيرفر الي ترتاحه او لا بس اشوف مبالغه يعني شدعوه مو لي الدرجه هذي العرب :09: الي يقول كانه مرض لازم توخر عنه على كلامه

يعني مع احترامي للجميع لكن اذا الواحد وصل للمرحله هذي براي يكون الغلط فيه وليس في الاخرين يعني انت محد جابرك تدخل لنكشيلاتهم مثلا او تحتك معهم ماعجبوك سلام عليكم ووخر عنهم يعني شلون باذونك لدرجه ان تلعن الساعه الي دخلت معاهم وانت مو محتك معاهم الا اذا قاعد ياذونك وانت ملزم تلزق فيهم وصار الضرر طويل وقوي؟ يعني الناس فاضيه بتهد اللعبه وتجابل واحد مالهم شغل فيه؟ والي واثق من نفسه مايهمه كلام الناس

World Pass !! OMG OMG

'OO

اللي اشوفه انه المساله كلها مساله حساسيه
اذا غلط عليك العربي او سرق اي شي منك فالواحد يعصب x1000بمره اكثرمن لو سواها فيه غريب

خخخخ اجل كا noob في العاب الـMMO و FF online ... اوه hell في العاب الاربيجي بكبرها ... ايش بتسوون لي :p ؟ شكله اغتيال من اول يوم ، الله يعينكم بس xD . يله قدامي 6 شهور بعد اصدار اللعبة عالـPC و بين الـPS3 ( لاني باشتري نسخة البلاي 3 ) لزيادة خبرتي في اللعبة نظريا عن طريق نقاشاتكم و ايضا رؤية اكثر سيرفر فيه عرب و ادخله .

يا شباب ياليت تكلموا ادارة المنتدى تغير اسم المنتدى وتضمن FFXIV معه .

اقتباس:

---

في ناس ماتبي تلعب مع عرب وشي عادي جدا وعندهم اسبابهم بس ماشفت احد معصب ويقول الله لايعيدها من ساعه وازبل سيرفر والخ مو سالفه دش السيرفر الي ترتاحه او لا بس اشوف مبالغه يعني شدعوه مو لي الدرجه هذي العرب الي يقول كانه مرض لازم توخر عنه على كلامه

يعني مع احترامي للجميع لكن اذا الواحد وصل للمرحله هذي براي يكون الغلط فيه وليس في الاخرين يعني انت محد جابرك تدخل لنكشيلاتهم مثلا او تحتك معهم ماعجبوك سلام عليكم ووخر عنهم يعني شلون باذونك لدرجه ان تلعن الساعه الي دخلت معاهم وانت مو محتك معاهم الا اذا قاعد ياذونك وانت ملزم تلزق فيهم وصار الضرر طويل وقوي؟ يعني الناس فاضيه بتهد اللعبه وتجابل واحد مالهم شغل فيه؟ والي واثق من نفسه مايهمه كلام الناس

---

ههههه

شكل كلامي طلع بمنظر اني معصب او صارلي موقف خطير لا والله مو لهذي الدرجه بس اللي يشوف سيرفرات ثانيه يقدر المصيبه اللي عايش فيها P: يمكن خانني التعبير.

صح كلامكم ان الامريكان مشكلتهم التوقيت، بس لا تنسون ان فف١٤ ما راح تكون مثل ١١ لو على الأقل من ناحية الاحتكاك مع الناس، فف١١ لو تروح الحمام لازم بارتي.

يالله انشالله تطلع اللعبه مثل ما نتمنى

اقتباس:

---

World Pass !! OMG OMG

'OO

---

QQ

اقتباس:

---

يا شباب ياليت تكلموا ادارة المنتدى تغير اسم المنتدى وتضمن FFXIV معه .

---

او يخلوه "منتدى فاينل فانتسي أونلاين" و بس.

صور جديده
شكله بتحتاج كمبيوتر قوي لتشغيلها اعلى رسوم و1920ب1080

http://game.watch.impress.co.jp/img/...7/516/ff29.jpg

http://game.watch.impress.co.jp/img/...7/516/ff62.jpg

http://game.watch.impress.co.jp/img/...7/516/ff22.jpg

http://game.watch.impress.co.jp/img/...7/516/ff06.jpg

http://game.watch.impress.co.jp/img/...7/516/ff57.jpg

اقتباس:

---

المشاركة الأصلية كتبت بواسطة ali22x

الكل عارف طبعا ان سيرفر العرب كان راجناروك في فاينل فانتسي 11سيرفر راجناروك كان فيه اكثر من الف لاعب عربي خصوصا دول الخليج
لكن في فاينل فانتسي 14 راح يكون الوضع متغير تماما لعده اسباب

في طبيعه الحال راح تشوفون بنفسكم ان قبل نزول اللعبه بالسوق راح تصير خبصه وكل مجموعه تبي تدش بسيرفر او تلحق اللنك شيل القديمه الي كانت في ف ف 11 ويشوفون اي سيرفر تروح يلحقونها
الناس راح تتطشر بالف سيرفر

انا كنت مؤسس فكره اتجاه جميع العرب الى سيرفر راجناروك والفكره نجحت نجاح تام طبعا انا الحين قاعد اكلمكم من عضويه مختلفه لان عضويتي الاساسيه ضاع الايميل فماقدر ادش فيها وانا عضو معروف بالمنتدى والكل يطقلي سلام اذا قلت كلمه (اوكي اهو الكلام صج بس في غشمره شوي هم لول)

المهم مثل ماانتو عارفين المنتدى الحين ماهو مشهور مثل ماكان ايام قبل وانا مشترك في كذا منتدى واعرف لاعبين كثار راح يدخلون معاي نفس السيرفر وعشان جذي انا طرحت الموضوع

شلون نجمع كل العرب في سيرفر واحد؟ وخصوصا ان سكوير يمكن ماتوفر الWorldshift بالبدايه؟ شلون نخلي الكل يعرف اي سيرفر ندش وعشان جذي انا طرحت الموضوع

انا عارف ان بالاول والاخير الكل راح يدش السيرفر الي انا اختاره لان يقدرون يسون worldshift بعد فتره لكن احنا نبي نكون كلنا مع بعض من البدايه لان احلى الايام اهي اول اشهر باللعبه لما تكون اثول وماتعرف شي :silly: لكن عندنا لاعبين لعبو البيتا فراح يساعدونا بدون مشاكل اذا في لاعبين قدامى بعدهم احياء شاركونا بالموضوع وحاولو تردون بالموضوع حتى لو تسجلون عضويه يديده وانا اتكلم عن الناس الي دشو اللعبه اول مانزلت مو الي دشو ورااها بسنين

اكرر : الموضوع زبدته = شلون نجمع العرب في سيرفر واحد شلون نوصل المعلومه للكل عن السيرفر المختار ويكون مناسب للجميع وشكرا

انا عن نفسي اضمنلكم ان اغلبيه الكويتين بدشون السيرفر الي انا راح احدده لكن مادري عن باقي دول الخليج

---

ali أنا أبي اشترك معاكم بالقروب شلون ؟؟ لازم أسجل في ff14 الان ؟؟

hey guys, been a while since i checked the site, i usually type in english and using a very old mac without arabic letters, so deal with it :P

first, i wanna say i like the idea, and by that i mean the idea itself, how it develop is another story
im 100% against ppl claiming "laying with arabs is bad", its not "arabs" thats the issue, its that most mmorpg players now simply.... suck!!
kids who act like kids, or grown ups who act like kids ruin the fun for us no matter whats the nationality.

i hope this idea becomes a reality as i like it, the most important thing is that the leader and officers be rational enough to make things work, if we gonna do this, we need ppl to realize that if you screw up you are out unless you change the way you act tword others, no favouritsm as the guild/linkshell/we wont survive without its members, if we can really work as friends do without "me me me me"being the only thing in our minds, we can make this work
but i guess an important question would be "whats the goal?", personally i think im gonna be casual in xiv as im gonna get engaged and need to get a job, will we make it a gathering for everything? for causual playing? for end game?!

السلام عليكم

بما انه الاوبن بيتا راح يبدأ فى 2010/9/1 ، وبما انه اسماء السيرفرات ما راح تتغير ، وبامكانك تنقل اسم شخصيتك من الاوبن بيتا الى الجيم وقت الصدور ( اذا اخترت اسم فى الاوبن بيتا وبعدين قررت اتغير السيرفر ، ما راح تقدر تاخذ نفس الاسم) اشوف من الافضل انه نحدد اسم السيرفر بعد اول اسبوع من الاوبن بيتا.

ياريت يا شباب اتشدون الهمه فهالموضوع وانا اقصد كل من : ali22x ، Q8ffxiv ، Dark Knight وباقى الاخوه.

ما نبى يبدأ الجيم ونلاقى حالنا مطشرين كل ناس ابصوب ، بيتا 3 كانت تجربه شبه فاشله ، بس لقيت Dark Knight K ، يمكن بسبب انه اللعب برمضان صعب ، بس اتمنا انه ما ايصير فينا نفس الشىء وقت صدور الجيم

ونشوفكم على خير انشاء الله

اقتباس:

---

المشاركة الأصلية كتبت بواسطة daour

السلام عليكم

بما انه الاوبن بيتا راح يبدأ فى 2010/9/1 ، وبما انه اسماء السيرفرات ما راح تتغير ، وبامكانك تنقل اسم شخصيتك من الاوبن بيتا الى الجيم وقت الصدور ( اذا اخترت اسم فى الاوبن بيتا وبعدين قررت اتغير السيرفر ، ما راح تقدر تاخذ نفس الاسم) اشوف من الافضل انه نحدد اسم السيرفر بعد اول اسبوع من الاوبن بيتا.

ياريت يا شباب اتشدون الهمه فهالموضوع وانا اقصد كل من : ali22x ، Q8ffxiv ، Dark Knight وباقى الاخوه.

ما نبى يبدأ الجيم ونلاقى حالنا مطشرين كل ناس ابصوب ، بيتا 3 كانت تجربه شبه فاشله ، بس لقيت Dark Knight K ، يمكن بسبب انه اللعب برمضان صعب ، بس اتمنا انه ما ايصير فينا نفس الشىء وقت صدور الجيم

ونشوفكم على خير انشاء الله

---

وعليكم السلام

كلامك عين العقل ومايختلف عليه اثنيين.. حتى بعد يمدينا نختار Cities لانه اتوقع صعبه تنتقل من سيتي لي الثاني هذا ان كان مسموح لنا الانتقال بالبيتا...

واالي تختارونه السيرفر والسيتي بكون فيه ...
وان كان اختيار السيرفر Random وماتفرق مع احد الاسم ومجرد اختيار عشوائي فعندي رايي


انا كنت مع لنك شيل بفيس 3 اللاعبيين فيه ينحطون على الجرح يبرا ووقتهم يناسب وقتنا اغلبهم من اوروبا وكنت مع بعضهم من الفاينل القديم.. النقطه اني افضل ان ندخل بنفس السيرفر الي بيكونون فيه .. طبعا بيكون لنا لنك شيل خاص فينا حتى السيتي من اختيارنا مجرد نكون بنفس السيرفر هذا يساعدنا لتكوين صداقه او معرفه فيهم وهالشي يفيدنا يوم يكبر اللنك شيل لنا والنقطه الاهم ان وقتهم من وقتنا سهل التوصل معهم وناس اعرفهم من تجربه..


واي لنك شيل تسونه واي سيتي تختارونه انا بكون معاكم وهالشي يسري على الي اعرفهم من ربعي بعد...

وان كان لاسم السيرفر فرق مع اي شخص اتمنى يقول راييه انشاءالله مانختلف ونكون فيه

اقتباس:

---

المشاركة الأصلية كتبت بواسطة Q8ffxiv

وعليكم السلام

كلامك عين العقل ومايختلف عليه اثنيين.. حتى بعد يمدينا نختار Cities لانه اتوقع صعبه تنتقل من سيتي لي الثاني هذا ان كان مسموح لنا الانتقال بالبيتا...

واالي تختارونه السيرفر والسيتي بكون فيه ...
وان كان اختيار السيرفر Random وماتفرق مع احد الاسم ومجرد اختيار عشوائي فعندي رايي


انا كنت مع لنك شيل بفيس 3 اللاعبيين فيه ينحطون على الجرح يبرا ووقتهم يناسب وقتنا اغلبهم من اوروبا وكنت مع بعضهم من الفاينل القديم.. النقطه اني افضل ان ندخل بنفس السيرفر الي بيكونون فيه .. طبعا بيكون لنا لنك شيل خاص فينا حتى السيتي من اختيارنا مجرد نكون بنفس السيرفر هذا يساعدنا لتكوين صداقه او معرفه فيهم وهالشي يفيدنا يوم يكبر اللنك شيل لنا والنقطه الاهم ان وقتهم من وقتنا سهل التوصل معهم وناس اعرفهم من تجربه..


واي لنك شيل تسونه واي سيتي تختارونه انا بكون معاكم وهالشي يسري على الي اعرفهم من ربعي بعد...

وان كان لاسم السيرفر فرق مع اي شخص اتمنى يقول راييه انشاءالله مانختلف ونكون فيه

---

التنقل بين المدن سهل حسب كلامهم وهالشىء راح انشوفه فى الاوبن بيتا
بالنسبه للنك شيل انا ما اشوف مشكله اذا كنا كلنا بلنك واحد حتى مع الاوروبيين ، اصلا لنك بس حق العرب مو فكره ممتازه من الاصل ، التنوع زين ويعطيك خيارات باسلوب اللعب ، وكل ما كان العدد اكبر كان افضل

اقتباس:

---

المشاركة الأصلية كتبت بواسطة daour

التنقل بين المدن سهل حسب كلامهم وهالشىء راح انشوفه فى الاوبن بيتا
بالنسبه للنك شيل انا ما اشوف مشكله اذا كنا كلنا بلنك واحد حتى مع الاوروبيين ، اصلا لنك بس حق العرب مو فكره ممتازه من الاصل ، التنوع زين ويعطيك خيارات باسلوب اللعب ، وكل ما كان العدد اكبر كان افضل

---

تصدق قاعد تكتب الي كنت بقوله وبصراحه ماحبيت اقول ندخل مثلا بلنك شيل اوروبي او لنك شيل معين فخليتها للشباب ولي تشوفونه ..لاكن معاك بكل كلمه قلتها انه التنوع زين ويخليك تحتك باكبر شريحه خاصه انهم يلعبون بنفس وقتك وانا خابرهم .. وهاللعبه لعبه أدوار حلاته مجموعه مع بعض والافضل يكونون على قلب واحد بغض النظر عالجنسيه..

أنا نوب وعمري مالعبت فاينل اونلاين ، لكن الشي الزين ان يسير تلعب فاينل من البلايستيشن 3 مع الكمبيوتر D:

بس في شي ودي أعرفه ليش الناس تحذرنا من الامريكان؟ هههههه XD

انا اقترح سيرفر ultimicia

اغلب المشاركين في الافا والبيتا راح يروحين لultimica
طبعا انك تروح لسيرفر فاضي خصوصا لعلبة مثل فاينل ماينفع

عشان كذا انا اقترح السرفر واتمنى اني اشوفكم هناك

السلام عليكم

واخيرا بلش تنزيل الباتش لل Open beta

27 ساعه على الوقت المتبقي للتنزيل

وبخصوص السيرفر ورايي ذكرته من قبل والسيرفر اسمهEmperor

واتمنى اكبر عدد من العرب يجمتعون فيه ومن نتجتمع بسيرفر واحد بيكون سهل علينا نتواصل حتى نقرر ونتفق على الي نبيه وبتكون الOpen beta تجربه لنا

والاخ Daour لو تخبر الاخوان بموقع البيتا

ولي عنده اي رايي اقتراح خل يشاركنا فيه

http://www.ffxiv-status.com/

اقتباس:

---

المشاركة الأصلية كتبت بواسطة DarkOcean

انا اقترح سيرفر ultimicia

اغلب المشاركين في الافا والبيتا راح يروحين لultimica
طبعا انك تروح لسيرفر فاضي خصوصا لعلبة مثل فاينل ماينفع

عشان كذا انا اقترح السرفر واتمنى اني اشوفكم هناك

---

انا معاك اخوي انه كان في طرح للاسم Ulti. server من قبل لاكن عدد العرب بالالفا والفيس2 ينعدون على الاصابع وفوق هذا ماشفت لنك شيل فيه تجمع عربي كبير واغلبنا كنا بسيرفرات مختلفه والحين الوضع بيختلف بيكون هناك عدد كبير من الاخوان خاصه مع Open beta وفوق هذا اللنك شيلات اغلبها قاعده تتكون والي تكونة من فيس 3 واللعبه تختلف عن الفاينل القديم قبل تقتدر تسوي Seek party الحين بدون لنك شيل صعبه تلعب مع قروب والسيرفر مجرد اسم بالوقت الحالي وانا قلت Emperor مع احترامي لرايك لكوني عارفها من فيس 2 و3 وكنت مع لنك شيل اوروبيين ... وبخصوص اكبر عدد يتواجد بالسيرفرات من اللاعبيين كان سيرفر Kefka ,وباجي السيرفرات تقريبا متسوايه بعدد اللاعبيين 300-400 منقول من موقع ffxivcore.com

وتقبل الله صيامكم

انشاء الله اذا اتحدد اسم السيرفر باشر بنعلنه فى موقع البيتا
بس ياريت اللى عنده خبره عن عدد اللاعبين بكل سيرفر يعطينا التقديرات وكم نسبة العرب وغير العرب اللى يبون يكونون فى سيرفر واحد

Ultimica

لان الاسم عايبني :P

الي تشوفونه يالربع

اهم شي تختارون المدن بعد

مين يتبرع ويسوي لنا لنك_شل ؟

ونسميه Erhaab

ونظام النقاط في اللنك_شكل يكون كالتالي :

سوي MPK لأي لاعب ، واحصل على ثلاث نقاط
خذ Ban لمدة ثلاثة أيام ، واحصل على خمسة نقاط
سوي Train للوحوش في المنطقة ، واحصل على أربعة نقاط

~ للمرح فقط ~

شباب هاه وش قررتوااي سيرفر ؟ ابي اقط معكم انا :D

السلام عليكم

ماهي ببشاره طيبه للاسف يا اخوان لاكن تم تأجيل Open beta ... خبر منقول من سكوير .. وانشاءالله هالتأجيل يكون من صالح تعديل اللعبه يوم نزولها

FINAL FANTASY XIV Open Beta Test Postponed

FINAL FANTASY XIV Open Beta Test, which is scheduled to begin at 02:00 (GMT) on Sept. 1, 2010, will be postponed due to a confirmation of critical bugs. New schedule will be released at a later date.


Along with the postponement of FINAL FANTASY XIV Open Beta Test, the issuing of registration code for FINAL FANTASY XIV Open Beta Test will be postponed as well. With the download of client software's installer, it will be suspended at 02:00 (GMT) on Sept. 1, 2010.

We apologise for any inconvenience this may cause.

^
تحطييييييم طيب متى بيفتحونه ؟

انا صاحب الموضوع نفسه
شغلت عضويتي القديمه

بما ان البيتا تاجلت الي المفروض تكون في تاريخ 1 سبتمبر فاعلان السيرفر تاخر
شكله اللعبه راح تتاجل اصلا

السلام عليكم

الله يستر ..... في إنتظار أي تعليق أو رد من الشركة SE

قراءت في احد المنتديات الأجنبية آن الموقع السويدي المشهور كاتب كلام يجيب المغص

اللعبة Final Fantasy XIV ، تاريخ الإصدار 4-3-2011

http://www.dustinhome.se/pd_5010465178.aspx

نقول يمكن الخواجات غلطانين ؟

في إنتظار اليابانيين ههههههههههههههه

^
^
^

نسخة البلاي ستيشن 3

وهذا خبر باعلان بدايه البيتا ب2-9 ..

we have decided to begin FINAL FANTASY XIV Open Beta Test on Sep. 2, 2010 at 02:00 (GMT).

منقول من Twitter :)

السلام عليكم

اخواني بما ان البيتا عن قريب بتشتغل أنشأت MSNGR Group حتى يسهل علينا التواصل مبدئيا ,,,,ولي عنده Vent سيرفر يخدمنا فيها لانها افضل للتواصل وقت نزول اللعبه رسميا
هذا العنوان ماعليك الا اضافته

FinalFantasyXIV@groups.live.com

والامر الثاني اتمنى من كل واحد حدد ال Cities الي بيدخله يكتبه حتى نعرف اكبر عدد وين بيتركز

LoVe You KuwaiT

السلام عليكم

اتمنى الكل حصل على البيتا كيي وهذي اسامي السيرفرات اليديده منقول من موقع البيتا وليس من اللوبي للعبه ويمكن يضيوفون اسامي اكثر لان اللوبي لحد الحين مسكر

Cornelia
Kashuan
Gysahl
Mysidia
Istory
Figaro
Wutai
Trabia
Lindblum
Besaid

اقتباس:

---

المشاركة الأصلية كتبت بواسطة Q8ffxiv

السلام عليكم

اتمنى الكل حصل على البيتا كيي وهذي اسامي السيرفرات اليديده منقول من موقع البيتا وليس من اللوبي للعبه ويمكن يضيوفون اسامي اكثر لان اللوبي لحد الحين مسكر

Cornelia
Kashuan
Gysahl
Mysidia
Istory
Figaro
Wutai
Trabia
Lindblum
Besaid

---

soooo what now i dont see emprore server in them ,,,

اقتباس:

---

المشاركة الأصلية كتبت بواسطة DarkOcean

soooo what now i dont see emprore server in them ,,,

---

I just manage to log into beta site... SE announced the new names of servers ..
but not sure if they keepn an old server names so im waitting to log into a game lobby to be sure about it and any notify from SE or LS

Gysahl

شكله فله:09:

واخيرا ... السيرفر اسمه Mysidia اتمنى نتلاقى فيه ويا الاخوان ولي يدخل يحط اسمه اهني حتى يسهل علينا نتواصل معاه وحتى الي يختار سيرفر ثاني يكتب اسمه والسيرفر حتى باجي الاعضاء يتواصلون معاه

:) أغلب الاكاونتات الامريكيه قدروا يدخلون اللعبه ( اللوبي لعمل الشخصيه فقط) ويحصلون على البيتا كايز .. لاكن الموقع الاوروبي ايرر بي ايرر

أنا و عدد من أصدقائي دخلنا سيرفر Besaid
وحاليا كلنا في مدينه Ul'dah
خلونا كلنا نلعب مع بعض عشان نخلي مكان للعرب عشان نساعد بعضنا وما نتفرق

حياكم ويانا

so are we in agreement for now server name is BESAID ?!

دخلت Besaid بس انا اخترت Gridinia

____________

بالنسبه لي الاسم تم اختياره Mysidia من قبل بعض الاخوان العرب بموقع البيت ودخلوا فيه وفوق هذا النلك شيل من فيس 2 و3 اختاروا نفس السيرفر من باب المصادفه وعلى هالاساس اخترت السيرفرا ولي حاب يتناقش بالموضوع حياه الله
بالمسنجر او بالسيرفر مايسيدا او بمنتدى البيتا
FinalFantasyXIV@groups.live.com

للاسف مانى قادر اخذ كود ، السايت يعطينى ارور

بالنسبه للسيرفر ، يا جماعه خلنا اندش كلنا بسيرفر واحد ، Mysidia اعتقد انه زين

Daour ان كان حسابك اوروبي ادخل الرابط هذا مباشره وانشاءالله يفتح معاك ويرسلون الكود هالطريقه نفعت معاي و مع كذا واحد واناشاءالله نشوفك هناك

https://secure.square-enix.com/accou...&lng=en&rgn=eu

الي يدخل Mysidia ماعليه كلافه يرسل رساله لي lil magico or dead angle

انا اختؤت Gridinia city

الحين دخلت الموقع ابي اسجل الكود برضوا ايرور :S

الله يصبرنا بس

اقتباس:

---

المشاركة الأصلية كتبت بواسطة Orofar

الحين دخلت الموقع ابي اسجل الكود برضوا ايرور :S

الله يصبرنا بس

---

ادخل الموقع عن طريق فانيل فانتاسي icon اسهل

او جرب هالرابط

https://secure.square-enix.com/accou...n?cont=account

^

الله يعطيك العافيه انا سجلت الكود وكل شي

بقى لي تحميل final fantasy client ؟

هو نفسه الملف اللي حجمه 120 ميجا اللي منتشر قبل كم يوم ؟

ولا شي ثاني ؟ لاني دخلت على الرابط حق الموقع اللي جاني عالايميل ابي احمله وما رضى يدخلني عالموقع

هذي النقطه اللي جتني هالايميل


3. Log in to the FINAL FANTASY XIV tester site.
All information regarding FINAL FANTASY XIV such as news, notifications, and the game manual--as well as important downloads such as the client--can be found on the tester site.

FINAL FANTASY XIV Tester Site: https://dev-na.ffxiv.com/
*You will not be able to post in the forums.

4. Download the client.
The FINAL FANTASY XIV client can be downloaded from the tester site. For details on downloading and installation, please refer to "Download" on the tester site.

جذيه معناته انك خالص بس تحتاج تسجل الكود باكاونتك وتسوي activation للفاينل فانتاسي وهذا رابط الاكاونت

https://secure.square-enix.com

ان كنت منزل اللعبه مايحتاج تنزلها من الموقع البيتا وان كان في update ما تزلته اهو اتوماتيك ينزله لك يوم تدخل بالفاينل فانتاسي بجهازك

واللعبه حجمها بالكامل تقريبا 8.9 GB الي مبين عندي

^
الله يجزاك خير والله انك انسان خرافي ليت كل الناس تحب المساعده مثلك


انا الحين احمل اللعبه بقى ساعتين عليها تقريبا انا دخلت الموقع وسجلت الكود واظن كل شي كامل والكمال لوجه الله

على فكره اخوي انت بأي سيرفر وايش اسمك بالجيم ؟

اقتباس:

---

المشاركة الأصلية كتبت بواسطة Orofar

^
الله يجزاك خير والله انك انسان خرافي ليت كل الناس تحب المساعده مثلك


انا الحين احمل اللعبه بقى ساعتين عليها تقريبا انا دخلت الموقع وسجلت الكود واظن كل شي كامل والكمال لوجه الله

على فكره اخوي انت بأي سيرفر وايش اسمك بالجيم ؟

---

مشكور عالدعوه ماسوينا شي...
انا بسيرفر Mysidia
ونك نيم lil magico

نشوفك بالبيتا بعد ساعتيين انشاءالله :)

هلا شباب انا في سيرفر mysidia
اسمي wizy taru
اتمنى اشوفكم

الى اللقاء

مايدخلني السيرفر مادري شو السالفة صارلي ساعة على الـ queue

اكثر من مره حاولت انظمكم لكن ماكو فايده
ماراح اعلن السيرفر في المنتدى هني بسبب الفوضى وعدم الانتظام كل واحد يعلن عن سيرفر ويقول تعالو حلاو اهو اذا كل واحد مع ربعه 2-3 قالو سيرفر عمرى ماراح تتجمعون مع بعض في سيرفر واحد على الاقل قولو الكلام الفاضي هذا في موضوع منفصل يعني انا احاول انظم في موضوع انا مسويه وناس بعس قاعد تخرب وتشتت افكار القراء

قبل قلتو سيرفرات وعدت ذكرت لكم ان ماكو فايده تعلن عن سيرفر ومثل ماشفتو اسامي السيرفرات تغيرت مره اخرى

انا عندي قائمه فيها 340 لاعب عربي الان وكلهم راح يعلن اسم السيرفر لهم عن طريق الانترنت ومسجات قبل نزول اللعبه لان ماكو فايده اذكر شي هني
الي يراجع مواضيعي القديمه راح يلقى مواضيع لي تضم جميع اسامي لاعبين راجنروك والخ مئات من الاعبين مو 2-3


عرفتو الحين ليش في ناس ماتبي تلعب مع عرب؟ انا ماني معصب بس قاعد اذكرلكم الواقع لان فعلا ماكو نظام وفوضى

عموما البيتا شغاله الحين وكل شي تمام عندي فالي عنده مشاكل يظل يحاول لان مايشبك

وعليكم السلام

كلامك على عينا وراسنا وان كان ببالك تنظيم ياخوي اطرحه وكلنا معاك طول بالك توه الناس احنا ببدايتها من الحين لي صدور اللعبه نقدر ننظم وننسق ونتفق على وايد شغلات... ان كان عندك فكره قوم فيها وانشاءالله بتشوفنا متعاونيين

وبخصوص السيرفر ياخوي هالشي لازم نكون منتهيين منه من ايام الالفا لاكن شي طبيعي الواحد بيعلن اسم اسيرفر الي دخله بعد بداية البيتا وهم سهل تنتقل لي سيرفر ثاني ان صار في تنظيم

انت كل الي عليك تقول شنو مخطط له لي بداية اللعبه وشوف شلون كل الاخوان بيكونوون معاك

تقبل مروري

يا جماعة احنا اللي كنا بسيرفر Besiad غيرنا ورحنا Myaidia وياكم عشان نبي نكون بسيرفر واحد
ويا دارك ديفل ياليت تتعاون معانا عشان نلعب بسيرفر واحد خصوصا الي كانو بسيرفر راجناروك قبل

شباب انا ان شاء لله بدخل معكم بسيرفرmyaidia

بس هالتحميل ما رضى يخلص ههههههه

اقتباس:

---

المشاركة الأصلية كتبت بواسطة l)@RK-l)EVIL

اكثر من مره حاولت انظمكم لكن ماكو فايده
ماراح اعلن السيرفر في المنتدى هني بسبب الفوضى وعدم الانتظام كل واحد يعلن عن سيرفر ويقول تعالو حلاو اهو اذا كل واحد مع ربعه 2-3 قالو سيرفر عمرى ماراح تتجمعون مع بعض في سيرفر واحد على الاقل قولو الكلام الفاضي هذا في موضوع منفصل يعني انا احاول انظم في موضوع انا مسويه وناس بعس قاعد تخرب وتشتت افكار القراء

قبل قلتو سيرفرات وعدت ذكرت لكم ان ماكو فايده تعلن عن سيرفر ومثل ماشفتو اسامي السيرفرات تغيرت مره اخرى

انا عندي قائمه فيها 340 لاعب عربي الان وكلهم راح يعلن اسم السيرفر لهم عن طريق الانترنت ومسجات قبل نزول اللعبه لان ماكو فايده اذكر شي هني
الي يراجع مواضيعي القديمه راح يلقى مواضيع لي تضم جميع اسامي لاعبين راجنروك والخ مئات من الاعبين مو 2-3


عرفتو الحين ليش في ناس ماتبي تلعب مع عرب؟ انا ماني معصب بس قاعد اذكرلكم الواقع لان فعلا ماكو نظام وفوضى

عموما البيتا شغاله الحين وكل شي تمام عندي فالي عنده مشاكل يظل يحاول لان مايشبك

---

طول بالك، ما صار شي، اكيد رمضان مأثر عليك
على العموم فعلا هذى الطريقه ما تنفع ، كل واحد بيختار سيرفر وبعدين يقول يا ناس تعالو اهنى، ترا العملية صلطه، وانا قلت من الاول ، خلى موضوع السيرفر بيد الثلاث شباب اللى ذكرتهم بالمشاركه السابقه ، مو حق البيتا بس حق السيرفر النهائى ، بس للاسف ما حد رد الا Q8FFXIV يعطيه العافيه قاعد يحاول يشوف افضل سيرفر

الحين المشكله انه سيرفر Myaidia وايد زحمه والطابور 1146 عندي ، يعنى ماكو امل ادش السيرفر
المشكله الثانيه وهى بعيده عن الموضوع انه كل ما اطفى اللعبه واغير السيتنجز ، يسويلي داونلود حق اخر باتش من اول ويديد

^
التحميل حق اخر باتش اللي يطلع لك يطول ؟ وكم حجمه ؟

اقتباس:

---

المشاركة الأصلية كتبت بواسطة daour

طول بالك، ما صار شي، اكيد رمضان مأثر عليك
على العموم فعلا هذى الطريقه ما تنفع ، كل واحد بيختار سيرفر وبعدين يقول يا ناس تعالو اهنى، ترا العملية صلطه، وانا قلت من الاول ، خلى موضوع السيرفر بيد الثلاث شباب اللى ذكرتهم بالمشاركه السابقه ، مو حق البيتا بس حق السيرفر النهائى ، بس للاسف ما حد رد الا Q8FFXIV يعطيه العافيه قاعد يحاول يشوف افضل سيرفر

الحين المشكله انه سيرفر Myaidia وايد زحمه والطابور 1146 عندي ، يعنى ماكو امل ادش السيرفر
المشكله الثانيه وهى بعيده عن الموضوع انه كل ما اطفى اللعبه واغير السيتنجز ، يسويلي داونلود حق اخر باتش من اول ويديد

---

شوف الفيرشن رقمه2001 2010-8-27 ? ان كان هذا تراه فيرشن يديد ماصارله ساعه منزلينه وعليه مشاكل.. انا كنت العب بدون اي مشكله من فصلت ورديت الحين مو قادر احمله ....

بخصوص السيرفر اتوقع راح يبين معانا باجر او الي عقبه وين السيرفرات الي عليها ضغط ... Mysidia بالصدفه اغلب النلك شيلات دخلت فيه وناس تبعوها بس اتوقع راح يخف ويحولون سيرفرات ثانيه... ننطر عليهم لي باجر او الي عقبه وببين معانا .. وهالشي صادفنا بفيس2 وبعدها بيوميين تعدلة الامور ,واعلب السيرفرات صارت متساويه بالاعداد وماكان في شي اسمه Quire

اقتباس:

---

المشاركة الأصلية كتبت بواسطة Q8ffxiv

وعليكم السلام

كلامك على عينا وراسنا وان كان ببالك تنظيم ياخوي اطرحه وكلنا معاك طول بالك توه الناس احنا ببدايتها من الحين لي صدور اللعبه نقدر ننظم وننسق ونتفق على وايد شغلات... ان كان عندك فكره قوم فيها وانشاءالله بتشوفنا متعاونيين

وبخصوص السيرفر ياخوي هالشي لازم نكون منتهيين منه من ايام الالفا لاكن شي طبيعي الواحد بيعلن اسم اسيرفر الي دخله بعد بداية البيتا وهم سهل تنتقل لي سيرفر ثاني ان صار في تنظيم

انت كل الي عليك تقول شنو مخطط له لي بداية اللعبه وشوف شلون كل الاخوان بيكونوون معاك

تقبل مروري

---

للمره المليون السيرفرات مو ثابته السيرفرات تتغير
السيرفرات القديمه الي اعلنت كلها اختفت ونفس الشي احتمال يتكرر مع السيرفرات الحاله حتى تنتهي اللعبه

المهم مو اعلان السيرفر لكن جمع الاعبين بطرق اخرى اعلان السيرفر سهل دام عندي ايميلات الشباب
عموما انا ماراح انظم شي هني ومفوقين ومجرد نصيحه السيرفر الي منقينه الشباب هني من اسوء السيرفرات اهو و lindblum

اخوي محد يقدر من اول مايفتح البيتا يقول شنو اسوأ وافضل سيرفر ... ولا بكثرة اعداد اللاعبين وقلتهم بالسيرفر يبين لك افضله
اول شي انا رايي ان الشباب يتجمعون بسيرفر واحد اول شي وبعدها من يصير تواصل نقدر نغير السيرفر على راحتنا ترا كل لاعب يقدر يسوي 3 شخصيات ولي باجر او عقب باجر اشك ان نص اللاعبيين يقدرون يلعبون اللعبه يعني توه الناس والسيرفر النهائي ايمكن يتغير يعتمد على الشباب بس حل يدخلون باللعبه و ان كان سيرفر ماي سيديا فيه مشاكل سهل ننتقل على السيرفر الي نتفق عليه ..
وحتى انا متابع اللنك شيلات وين تدخل حتى نعرف وين افضل سيرفر هالموقع مثال http://www.bluegartr.com/threads/970...ell-DECIDED%29


وهذي لسته مسويها لللنك شيلات الكبيره ان كان واحد بفيس 2و3 اكيد سامع ببعضهم اذا مو اغلبهم

Seraphim - Mysidia
Dreadnought - Mysidia
Exposure - Mysidia
Moogle Inc - Mysidia
Jive Turkey - Figaro
Unofficial EU server - Cornelia (at least on ffxivcore.com)
Order of the White Rose - Figaro
Neobahumut - Lindblum
Eden - Lindblum
Exalted - Lindblum
Star Onions - Lindblum

وبالاخير مااهو اسم السيرفر الي بيربط الشباب مع بعضهم اهم شي نتواصل ونعرف بعضنا بعض و بعدها لو بعد شهر من نزول اللعبه سهل نغير الي نبيه ومتى مانبيه دام في تواصل وتفاهم

اقتباس:

---

المشاركة الأصلية كتبت بواسطة Q8ffxiv

اخوي محد يقدر من اول مايفتح البيتا يقول شنو اسوأ وافضل سيرفر ... ولا بكثرة اعداد اللاعبين وقلتهم بالسيرفر يبين لك افضله
اول شي انا رايي ان الشباب يتجمعون بسيرفر واحد اول شي وبعدها من يصير تواصل نقدر نغير السيرفر على راحتنا ترا كل لاعب يقدر يسوي 3 شخصيات ولي باجر او عقب باجر اشك ان نص اللاعبيين يقدرون يلعبون اللعبه يعني توه الناس والسيرفر النهائي ايمكن يتغير يعتمد على الشباب بس حل يدخلون باللعبه و ان كان سيرفر ماي سيديا فيه مشاكل سهل ننتقل على السيرفر الي نتفق عليه ..
وحتى انا متابع اللنك شيلات وين تدخل حتى نعرف وين افضل سيرفر هالموقع مثال http://www.bluegartr.com/threads/970...ell-DECIDED%29


وهذي لسته مسويها لللنك شيلات الكبيره ان كان واحد بفيس 2و3 اكيد سامع ببعضهم اذا مو اغلبهم

Seraphim - Mysidia
Dreadnought - Mysidia
Exposure - Mysidia
Moogle Inc - Mysidia
Jive Turkey - Figaro
Unofficial EU server - Cornelia (at least on ffxivcore.com)
Order of the White Rose - Figaro
Neobahumut - Lindblum
Eden - Lindblum
Exalted - Lindblum
Star Onions - Lindblum

وبالاخير مااهو اسم السيرفر الي بيربط الشباب مع بعضهم اهم شي نتواصل ونعرف بعضنا بعض و بعدها لو بعد شهر من نزول اللعبه سهل نغير الي نبيه ومتى مانبيه دام في تواصل وتفاهم

---

عين العقل ، المهم الكل يكونون مع بعض فى البدايه وبعدها يصير كل شىء سهل.
خلنا نتجمع الحين فى سيرفر Mysidia وبعدها يحلها الف حلال
انا انشاء الله بشبك الحين ونشوفكم هناك

انا توني قدرت ادخل بعد.. من يدخل باللعبه يحط اسمه حتى نتواصل معاه او يرسل مسج الى lil magico

اسمي: Squall Stragic
سيرفر: Wutai

Daour Heat
myaidia server

اقتباس:

---

المشاركة الأصلية كتبت بواسطة daour

Daour Heat
myaidia server

---

Hi Daour sorry i was AFK... when u sent me msg.. any way I added u in friend list

اقتباس:

---

المشاركة الأصلية كتبت بواسطة Q8ffxiv

Hi Daour sorry i was AFK... when u sent me msg.. any way I added u in friend list

---

انا الحين بجهز روحى للصلاة، انشوفكم باشر انشاء الله

وياريت انشوف اكبر عدد من الاخوان خلنا انسوي كوستات مع بعض، مع انه اللعب بهالايام وايد صعب

مع اعمال هالشهر الفضيل واواخر رمضان على قولتك صعبه لاكن انشاءالله بعد العيد بيكون لنا حضور

فيه سيرفرات جديده

شباب الحين سيرفرات غير ومالقيت السيرفر الي كاتبينه
وسؤال بخصوص البيتا الحين احد عنده علم بخصوصها انه الشخصيه الي نختارها والسيرفر نكمل عليه بالنسخه النهائيه
ولا كل شي بينمسح اول ماتنزل النسخه عفيه ابي جوااااااااااااااااب

السلام عليكم

شباب بما ان السيرفرات بدت تتعدل ... اي شخص بسيرفر Selbina or Mysidia يرسل رساله بالنك نيم q8_ffxiv@hotmail.com او يحط اسم النك نيم اهني.. للحين ماشي الامور وكل ماكبرنا كل ماكان افضل

سجلت معاكم بالسيرفر بس مادري وين التانك !!
والكلاسات الميلي حدي ضايع قلاديتور يصير اخليه هيومان ولا افضل قالكا !! وهل القلاديوتر تانك ولا ميلي ووين التانك في لانسر وفي شي ثاني بعد وضحوا يالربع ترى ضايع

لا اخوي بس تقدر تحتفظ بالاسم
وبخصوص السيرفر احنا بسيرفر Selbina بالوقت الحالي لان سيرفر Mysidia قفل والاعضاء الجدد مايقدرون يدخلون له وفي اعضاء عندهم اسميين بالسيرفريين .. اكتب اسم شخصيتك وسيرفرك حتى يسهل علينا نتواصل معاك

السلام عليكم

يا اخوان، خلنا انرتب الموضوع اشوي، الاخ Q8FFXIV كثر الله خيره اطوع انه يرتب امور اللنك شيل حق العرب، المطلوب منكم انه كل واحد يبى ينضم الى هذا اللنكشيل عند نزول اللعبه (والحين فى البيتا اذا امكن) المطلوب انه يبعث بالاميل ماله E-MAIL واسم الشخصيه اللى بيختارها و اسمه و رقم تلفونه (اختياري حق المسجات وقت الريدات والافنت) الى الايميل التالى : q8_ffxiv@hotmail.com، وانشاء الله اول ما يتحدد اسم السيرفر وقت نزول اللعبه ، راح يوصلك اميل بكل البيانات اللى تحتاجها (VENT ، اسم السيرفر ، اسم اللنكشيل، اسم المدينه ).

يا اخوان نبي انرتب الموضوع والحاضر يبلغ الغائب

والسلام عليكم

اقتباس:

---

المشاركة الأصلية كتبت بواسطة daour

السلام عليكم

يا اخوان، خلنا انرتب الموضوع اشوي، الاخ Q8FFXIV كثر الله خيره اطوع انه يرتب امور اللنك شيل حق العرب، المطلوب منكم انه كل واحد يبى ينضم الى هذا اللنكشيل عند نزول اللعبه (والحين فى البيتا اذا امكن) المطلوب انه يبعث بالاميل ماله E-MAIL واسم الشخصيه اللى بيختارها و اسمه و رقم تلفونه (اختياري حق المسجات وقت الريدات والافنت) الى الايميل التالى : q8_ffxiv@hotmail.com، وانشاء الله اول ما يتحدد اسم السيرفر وقت نزول اللعبه ، راح يوصلك اميل بكل البيانات اللى تحتاجها (VENT ، اسم السيرفر ، اسم اللنكشيل، اسم المدينه ).

يا اخوان نبي انرتب الموضوع والحاضر يبلغ الغائب

والسلام عليكم

---

وعليكم السلام

شلونك وشخبارك.. ترا حاولت اتواصل معاك باللعبه بس الحظ مو ماشي معاي من اشبك تكون فاصل على العموم خبيت اخبرك لو تسوي شخصيه ثانيه بسيرفر Selbina لان السيرفر ماي سيدا حده لاغ ووقفل على الاعضاء الجدد ... ونزلت Vnet ,, ووزعته على الاخوان على فكره ان مالقيتني ارسل رساله لي Wizy Taru ريال والنعم فيه

اقتباس:

---

المشاركة الأصلية كتبت بواسطة Q8ffxiv

وعليكم السلام

شلونك وشخبارك.. ترا حاولت اتواصل معاك باللعبه بس الحظ مو ماشي معاي من اشبك تكون فاصل على العموم خبيت اخبرك لو تسوي شخصيه ثانيه بسيرفر Selbina لان السيرفر ماي سيدا حده لاغ ووقفل على الاعضاء الجدد ... ونزلت Vnet ,, ووزعته على الاخوان على فكره ان مالقيتني ارسل رساله لي Wizy Taru ريال والنعم فيه

---

اهلا فيك

تونى مسوي شخصية ب selbina باسم Mad Daour
بشبك الحين انشاء الله

السلام عليكم

إن شاء الله راح أدخل اللعبة قريبا بس للأسف للحين ما حصلت Key (كنت مشغول الأيام الثلاثة الماضية)

إن شاء الله راح أكتب إسم شخصيتي أول ما أحصل الKey وأدخل اللعبة

اي سيرفر في عرب يا شباب

انا في سيرفر Selbina اسمي
Grimmjow jakku

^

انا والشباب بسيرفر Selbina

السلام عليكم

يا اخوان، خلنا انرتب الموضوع اشوي، الاخ Q8FFXIV كثر الله خيره اطوع انه يرتب امور اللنك شيل حق العرب، المطلوب منكم انه كل واحد يبى ينضم الى هذا اللنكشيل عند نزول اللعبه (والحين فى البيتا اذا امكن) المطلوب انه يبعث بالاميل ماله E-MAIL واسم الشخصيه اللى بيختارها و اسمه و رقم تلفونه (اختياري حق المسجات وقت الريدات والافنت) الى الايميل التالى : q8_ffxiv@hotmail.com، وانشاء الله اول ما يتحدد اسم السيرفر وقت نزول اللعبه ، راح يوصلك اميل بكل البيانات اللى تحتاجها (VENT ، اسم السيرفر ، اسم اللنكشيل، اسم المدينه ).

يا اخوان نبي انرتب الموضوع والحاضر يبلغ الغائب

والسلام عليكم

يا شباب سيرفر Selbina احسن عن سيرفر Mysidia <<<<< كنت فيه بس والله زحمه ما تقدر تلفل من الزحمه

^
والله حتى سلبينا زحمه

وانا في LL ابي الفل ما اقدر من الزحمه , اما Ul'dah رحت لها وشفت التلفيل فيها احسن بكثير من LL

التلفيل صعب مره مع هالزحمه

كلامك عدل Ul'dah الميزة الي فيها مساحة الاراضي كبيره ومفتوحه للتلفيل وشكلها ماعليها زحمه ..
بخصوص السيرفرات كلها زحمه بزحمه اليوم اضافوا بعد 4 سيرفرات جديده..

^
المشكله مافيه وحوش مناسبه على اللفل من 7 وطالع , انا الحين لفلي 8 ومدري وين الفل فيه

شباب .. في طريقة أنتقل من مدينة لمدينة ثانية ...

يعني أقدر انتقل من ليمسا لومنيسا لـ Ul'dah بنفس الشخصية ..؟

^

تلقى سفينه تركبها وتوديك لـul'dah

Ul'dah احسن مكان بس بعد فيه زحمه

أنا أصلا اخترت Ul'dah بس لما قريت عن الكلاس اللي اخترته اللي هو مشعوذ Conjurer
لقيت ان المنطقة الأنسب له هي غريدانيا Gridania وحتى المحل الخاص فيه هناك ...

طيب أقدر أروح غريدانيا مشي :silly: لو لازم سفينة ؟

شو فايدة المحل الخاص للكلاس؟

انا قعدت ادور عند محل الmurderer وكلمت واحد واحد...ما احس حد عطاني ويه هههه

اقتباس:

---

المشاركة الأصلية كتبت بواسطة .::RaK_BoY::.

شو فايدة المحل الخاص للكلاس؟

انا قعدت ادور عند محل الmurderer وكلمت واحد واحد...ما احس حد عطاني ويه هههه

---

محل الكلاس تشتري منه Skills , moves and Abilities حق الكلاس حقك
لكن ما تشتريه بال Gil , تشتريه بنقاط حق كلاسك
وأظن عشان تقدر تجمع نقاط لازم يكون Rank كلاسك 20

-------------------------------------------------------------------

اقتباس:

---

المشاركة الأصلية كتبت بواسطة .::RaK_BoY::.

شو فايدة المحل الخاص للكلاس؟

انا قعدت ادور عند محل الmurderer وكلمت واحد واحد...ما احس حد عطاني ويه هههه

---

اذا ما كنت غلطان المحل اللي تبيه في ليمسا لومينسا