[الموضوع الرسمي] انطباعات الاعضاء عن PlayStation Move

السلام عليكم ورحمة الله وبركاته ،،

كل عام وانتم بخير وعيدكم مبارك ،،،

http://www.geekandhype.com/wp-conten...ve-550x536.jpg

بما انه الجهاز نزل في الاسواق الخليجية وحينزل قريب في العالم وزي ماشفنا اعضاء كثيرين خذوه ،
فحبيت افتح الموضوع عشان نشوف انطباعات الاعضاء عن الجهاز والي يقدر يرفع فيديوهات يكون كويس .

تقنيه ممتازه , يمكن مافيه عيوب , بس لما يبتعد الموف عن الكاميرا يفقد الكونكشن , بس لما ترجع اعيدك عند المنطقه مال الكاميرا تكمل ولا كانو شيء حصل حتى مرات يفقد الكونكشن ويرجع و انا ما ادري قاعد العب مو منبه لول .

ملاك البي اس 3 لازم يجربون هذه التقنيه الاكثر من رائعه . وشكرا على اصغائكم و لا داعي للتصفيق , اول .

زين تسوي كاسح:)
ان شاء الله أحط انطباعي إذا صارت معجزة و شريتها اب هالوقت xP

وعليكم السلام..
أول ما بيوصل لي راح أترك لكم انطباعي عنه
حدي متحمس له.. والأحلى من كذا
اني بجرب هفي راين بالموف

انطباعي حلو ورائع

خاصة يوم العب المحارب
ادور الموف يدور السيف ..

يعني جهااز حلو ^^
وماندمت اني شريته ^.^

إن شاء الله بشترية قريب
وبقولك الأنطباع بس محد يعرف سعره بالكويت ..

ياليت تقولون شنو الألعاب الي تجي عليه ..؟؟

^^^^
روح الكترونيات الغانم اللي بالافنيوز الجهاز عندهم
تقدر تجربه عندهم>>>>> في اعلان قريته وانا رايح الافنيوز
وسعر الموف 22دك

بروح بعد شوي واخذه

بكرة او اللي بعده بينزل بالسعودية متحمسسسسسس
موضوع بوقته

بينزل في السوق وانا خبر خير؟ @@

اللي يجربه يقول لي اذا هو احسن ولا ريموت الويي XD

واش الالعاب اللي نازله عليه؟

اقتباس:

---

اللي يجربه يقول لي اذا هو احسن ولا ريموت الويي XD

---

نفس النقطه ,

وهل طريقة عمل الجهاز مثل الويموت + النانتشاك ؟؟ حكماً على شكل المسكه

http://i.cnn.net/si/2006/images/12/0...controller.jpg



وشكراً اخويه كاسح لفتح الموضوع

اقتباس:

---

اللي يجربه يقول لي اذا هو احسن ولا ريموت الويي XD

---

تستهبل انت ؟
أكييد هذا أحسن .. (مثلا العب بسيف)
أي حركة أسوي في الموف تصير بالسيف .. ادوره بسرعة .. السيف يدور بسرعة

مو مثل الـ wii بس حرك فوق وتحت
الوي طريقة عمله هو مستقبل للـ اشارةتحت الحمراء اللي يطلع من الشريط الأسود اللي تحطه تحت/فوق التلفزيون
اما المميز في الموف ان الاستقبال يكون منفصل .. اي الحركة تكون أدق

ولاحظت شي .. لو خرجت عن خارج نطاق الكاميرا ... (ليس في وضع اللعب)
وحركت الموف كأني بختار شي ( من قائمة الالعاب) فانه يتحرك .. مع انه مافي كاميرا تشوف التحركات

اقتباس:

---

تستهبل انت ؟

---

ماله داعي!!

أكيد أحسن من الويي الموف حساسه جداً راح تنبهر ابتجربنها الحاسه الاستشعاريه رهيبه
انصح بتجربتها
شباب الكويت اللي يبي يجربها يروح الكترونيات الغانم اللي بالافنيوز

^^^^
كم سعرها بالغانم؟ , سواء بروحها أو الستارتر باك

اقتباس:

---

تستهبل انت ؟

---

:tired:
...........

شباب نزل في البحرين ؟؟؟؟ وفي اي محل
وشنو الالعاب الي تعمل عليه

محد جابه في السعودية ؟

^^ قرأت موضوع في منتدى اخر عن نزوله رسميا في السعودية يوم السبت 18 \9

اقتباس:

---

المشاركة الأصلية كتبت بواسطة Tockuchi

^^^^
كم سعرها بالغانم؟ , سواء بروحها أو الستارتر باك

---

حاطين عرض سعرالموف+الكاميرا+لعبه=22دك
وبتأكد لك عن سعر كل قطعه بروحها واعطيك خبر

بصراحة جهاز ممتع و جميل..
جربت العاب الديمو و هي:
Beat Sketcher (مملة..ما فيها شي)
EyePet Move (اول مرة اجرب الـPet..مثير للاهتمام..بس تلعوزت فيه..يمكن اعدادات الموف ما ساعدتني)
Sports Champion (جربت لعبة وحدة..و كان التحكم فيها ممتاز)
The Shoot (ما جربتها)
TV Superstars (مملة!)
Echocrome ii (جميلة..بس ما طولت فيها)
Tumble (اللعبة الافضل من بين الالعاب)

غالباً ما تعجبني العاب مثل Tumble..و لكنها فعلاً تشد و اعتبرها مختلفة..
لولا اني اعرف نفسي..جان خذتها على طول..

نقطة مهمة..و هي اعدادات الكاميرا و الموف في كل لعبة..
شوي لعوزتني..خاصة في لعبة مثل Tumble..بس بعدين عادي..

ايضاً اخذت لعبة Start the Party..
جربتها من كم يوم مع الصغارية..و بصراحة كانت ممتعة..و التحكم (باستثناء كم لعبة) كان سلس..
بس احس المفروض تكون فيها العاب زيادة..مادري..حسيتهم شوية الموجودين..

بشكل عام الجهاز احسه ممتاز..
بس احس الي بيفيدونا بشكل اكبر..هم ملاك الـwii..
ودي حد منهم يعمل مقارنة..ايهم الافضل كتحكم و سلاسة الاستجابة؟

كاسح الموف موجود في محلات طوكيو جيم في جدة كل الفروع دق عليهم وتاكد

اقتباس:

---

المشاركة الأصلية كتبت بواسطة u,a,e

تستهبل انت ؟

---

انا بس قريت هالجمله قلت مب قاريه ردك

الصراحه هالنوع ردود وايد تكرر في المنتدى

حشه..الواحد مايقدر يقول شي

يهال <_<

اما باقي الاعضاء شكرا على المعلومات وافكر اشتريه لما ينزل في الدوحه ان شاء الله ^^
كم يطلع سعره بالريال القطري تقريبا

مرحباً جميعاً ....

بصراحة هذا أول يوم لي أجرب فيه الموف، أولاً إنطباعي من ناحية طريقة بيع القطعة، الي أزعجني كثير هو عدم وجود عصا تحكم تباع لوحدها، بمعنى إنك لو بغيت تشتري عصاتين move راح تضطر تشتري علبتين وبكل علبة راح تكون فيه كاميرا خاصة فيها، وهذا شيء غبي. وكبوة فادحة من تسويق sony.

من ناحية مسكة الجهاز هو رائع جداً، وأفضل من عصا الـ wii وكذلك أكثر أناقة وجمال، خاصة الفقاعة الأمامية :D

من ناحية الكونفجريشن والتهيئة للعب، تحتاج إنك تقف قدام الكيمرا وتعمل خطوات معيينة حتى يتم ضبط الجهاز، وهذا شيء نوعاً ما مزعج، لكن أعتقد إنه لو تعودت على هذي العملية مع الوقت ما راح تزعجني، وربما تكون هذي العملية ضرورية للحساسات حتى تعطيك أفضل دقة ممكنة لأفضل تحكم للعب لأن تحكمها ممتاز جداً وحساس أكثر من الـ Wii برأيي.

اما من ناحية التحكم، كإنطباع أولي وسريع، أشوف إنه أفضل من الwii كما قلت، وبإمكانكم إنكم تجربون وتتأكدون بأنفسكم...

من ناحية اللعبة الي تجي مع العصا، الجرافيكس بسيط، وبالمستقبل ممكن نشوف ألعاب أقوى من ناحية الجرافيكس وأفضل من ناحية استخراج أفكار جميلة لعصا الـ move.

نصيحتي للشباب، خذوه وما راح تندمون :)

^^^^^^
اخوي انت شاري بندل انت تقول لازم تشتري كيمرا وموف كل مره
تقدر تشتري الموف لحاله

اقتباس:

---

المشاركة الأصلية كتبت بواسطة arashi

انا بس قريت هالجمله قلت مب قاريه ردك

الصراحه هالنوع ردود وايد تكرر في المنتدى

حشه..الواحد مايقدر يقول شي

يهال <_<

اما باقي الاعضاء شكرا على المعلومات وافكر اشتريه لما ينزل في الدوحه ان شاء الله ^^
كم يطلع سعره بالريال القطري تقريبا

---

أنا آسف عشان الرد .. لكن اخوي اللي كتب الرد بأكاونت ... الرجاء من المشرفين التعديل ×_×

السلام عليكم ورحمة الله وبركاته

الحقيقه لم اتحمس كثيرا لهالتقنيه تشبه يد الwii كثيرا راح تنزل عندنا بالرياض قريبا بمحل كبير اسمه playstation world

لكن ممكن ممتعه من يدري ؟؟

^^^
حدها ممتعه جربها ومن خسران راح تبهرك ^____^

اللي جربوا الموف مع رزدنت ايفل 5

ايهوا احسن/ امتع, الدول شوك ولا الموف ؟

+ و شلونه مع هيفي رين ؟

^^^^
إذا ناوي على RE5 أنصحك تاخذ المسدس لأن أكيد راح يكون ممتع , أنا مأجل الموف لي شهر 12 أو 1 و أول ما أشتريه راح يكون عشان اللعبة ^^

اقتباس:

---

المشاركة الأصلية كتبت بواسطة Lonely Hunter

اللي جربوا الموف مع رزدنت ايفل 5

ايهوا احسن/ امتع, الدول شوك ولا الموف ؟

+ و شلونه مع هيفي رين ؟

---

هو ممتع مع اللعبتين خصوصا هيفي رين , بس RE 5 لازم تتعود عليها , اتوقع لما ينزل المسدس راح تكون احسن بكثير .

انا مالي نيه اخذها بس لان مافي شي يستاهل للموف الحين (اللي حدي متحمس له) قاعد افكر اخذها اذا كان تحكمه احسن من الدول شوك

تم شراء الموف والصراحة تقنية تستاهل ( لعبة tumble من اجمل الالعاب التي تستخدم هذه التقنية ),ااه لو في العاب سيارات تدعم الموف ,كان يمديك تبدع بالتصميم والديكالس ,والذي اعجبني فيها انه مو اجباري في كل الالعاب تستخدم (ماعدا الالعاب المصنوعة فقط للموف )

هذا جيم بلي من تسجيلي للعبه tumble

افضل لعبه موف بلا منازع


http://www.youtube.com/watch?v=J1PtiK1ISOU

^^^^^^^^
لووووووووووول على اخر محاولة كان باقي شوية وتجيب الذهبي
بس والله حلوة جدا شكلها ^^

u,a,e

اقتباس:

---

أنا آسف عشان الرد .. لكن اخوي اللي كتب الرد بأكاونت ... الرجاء من المشرفين التعديل ×_×

---

والله؟ :bigeyes:
ههههه اخوك طلع شرير :silly:
نو بروليم حصل خير :biggthump

اقتباس:

---

هذا جيم بلي من تسجيلي للعبه tumble

افضل لعبه موف بلا منازع

---

هي تحصلها مع الريموت في علبه وحده لما تشتريه؟
اتخيل لو تكون ألغاز الالعاب مثل رزدنت ايفل بالهطريقه :أفكر:

اقتباس:

---

هي تحصلها مع الريموت في علبه وحده لما تشتريه؟
اتخيل لو تكون ألغاز الالعاب مثل رزدنت ايفل بالهطريقه :أفكر:

---

لاسمعك مرة ثانية تقولي ريموت :أفكر:

أراشي لازم بكل رد يكون dmc أو re أو sh موجودين بالرد xD

اقتباس:

---

هي تحصلها مع الريموت في علبه وحده لما تشتريه؟
اتخيل لو تكون ألغاز الالعاب مثل رزدنت ايفل بالهطريقه :أفكر:

---

no

هي موجوده بالستور تشترينها ولها ديمو صغير بس مايوضح اي شي من روعتها

اقتباس:

---

لووووووووووول على اخر محاولة كان باقي شوية وتجيب الذهبي

---

شفت شلون انقهرت فالاخير لووول

بس هالتحدي و لا شي مقابل تحديات النجمات الفرعيه ( ثاني تحدي صعوبته مجنونه )

اشتريت الجهاز من طوكيو جيمز ب 269 لعبت سبورت تشيمبيانز التنس ممتازة لاكن الصحن الطائر اعجبتني مرة
والان العب ستارت ذا بارتي

KasiH

اقتباس:

---

لاسمعك مرة ثانية تقولي ريموت :أفكر:

---

عيل شنو أسميه؟ :bigeyes:

شكله مثل مصاصة الbaby :silly:

http://t0.gstatic.com/images?q=tbn:4...ekjiw9.jpg&t=1

Tockuchi

اقتباس:

---

أراشي لازم بكل رد يكون dmc أو re أو sh موجودين بالرد xD

---

لا تعيبون عاد
وانا أعرف غيرهم؟ :silly:


kingx11

اقتباس:

---

no

هي موجوده بالستور تشترينها ولها ديمو صغير بس مايوضح اي شي من روعتها

---

I see :33:
عيل بنتظر تنزل لها لعبه خطيره اشتريه معاها
شكرا :biggthump

اقتباس:

---

عيل شنو أسميه؟ :bigeyes:

شكله مثل مصاصة الbaby :silly:

---

اسمه موف xD MOVE

اقتباس:

---

المشاركة الأصلية كتبت بواسطة kingx11

هذا جيم بلي من تسجيلي للعبه tumble

افضل لعبه موف بلا منازع


http://www.youtube.com/watch?v=J1PtiK1ISOU

---

المشكلة IGN خافسين بيها الارض ,الصراحة معادهم زي اول ,تخيل انهم يقيمون لعبة ماختموها (FF13 بعضهم تركها من الشابتر السابع , والي فيه خير وصل العاشر ),فخذوها قاعدة لاتصدقوا ign .

^^
من زمان ماصدق هالموقع لانه دليل على السفه والجهل

IGNorance

المحرر اللي قيم اللعبه في IGN غبي
كل محررينهم ما يفتهمون
بالعربي لا تثقون في احد منهم
tumble شكلها حلوه و اكيد راح اشتريها ان شاء الله اذا اخذت الموف

الجهاز مرة ممتاز بس ما يصلح للأطفال << وجهة نظر مع أني أشوف كثير يقول للكبار والصغار

طبعاً دقته حلوة

تصميمه حلو

العابه حلوه وأكيد تحتاج تطوير

جالس أتخيل ألعاب الأر بي جي الجاية وكيف الموف معها

الحين جالس أتخيل بفاينل فانتسي وتدعم موف في ال Versus

تخيل أنت البطل وتتحرك وتضرب على كيفك بالموف

راح يكون شي خيالي

أتمنى ينزل جهاز مثل ال WiiFit <<< مدري أسمه صح أو غلط ويكون خاص وألعابه خاصه

راح تكون فله

السلام عليكم
الموف نازل الرياض لكن للاسف (الشركة الحديثة للالكترونيات(سوني)) مسوية طريقة رخيصة لانها جابت البندل كامل ( موف + الكاميرا+ ديمو)

انا املك الكاميرا من 2008..والديمو منزله من يومين عن طريق الاستور!!!!!

سألتهم عن موعد نزول الموف لوحده قالولي ممكن بعد اسبوعين وباقي المحلات قالولي بعد شهر!!!!؟

ياليت اللي يعرف محل يبيع الموف لوحده في الرياض يدلنا عليه

اقتباس:

---

المشاركة الأصلية كتبت بواسطة kingx11

^^
من زمان ماصدق هالموقع لانه دليل على السفه والجهل

IGNorance

---

صحيح انه بعض تقاييمه تجيب المرض بس برضه موقع له تاريخه العريق موزي الجيم سبوت
عموما التقاييم هذه غير مستغربة بحكم ان الموف توه نازل فطبيعي تطلع في أخطاء في الألعاب بعدين يعالجوها في الألعاب القادمة

اقتباس:

---

المشاركة الأصلية كتبت بواسطة kingx11

^^
من زمان ماصدق هالموقع لانه دليل على السفه والجهل

IGNorance

---

حلوه التسميه الجديده.

للكويت

الالكتروزان امسوي عرض 19 دينار الموف + شريط فيه 6 ديمو العاب

^^
مع الكاميرا ؟؟

http://www.youtube.com/watch?v=KD6ts8fixBs

اقتباس:

---

المشاركة الأصلية كتبت بواسطة boos

السلام عليكم
الموف نازل الرياض لكن للاسف (الشركة الحديثة للالكترونيات(سوني)) مسوية طريقة رخيصة لانها جابت البندل كامل ( موف + الكاميرا+ ديمو)

انا املك الكاميرا من 2008..والديمو منزله من يومين عن طريق الاستور!!!!!

سألتهم عن موعد نزول الموف لوحده قالولي ممكن بعد اسبوعين وباقي المحلات قالولي بعد شهر!!!!؟

ياليت اللي يعرف محل يبيع الموف لوحده في الرياض يدلنا عليه

---

أخوي الموف ينباع بروحه
بس يمكن ما نزل اصبر شوي

شوف الصورة المرفقة

هممم المحلات مبالغة في السعر ..... عندنا محل يبيع الباندل الاوروبي + النيفيجيشن ب 430 اشوفه غالي بصراحة والباندل الامريكي(مع اللعبة ب 450 ) شكلي باشتري لاول مرة شي من الوكالة ويكون ارخص من المحلات

اقتباس:

---

المشاركة الأصلية كتبت بواسطة الصهيبي2010

هممم المحلات مبالغة في السعر ..... عندنا محل يبيع الباندل الاوروبي + النيفيجيشن ب 430 اشوفه غالي بصراحة والباندل الامريكي(مع اللعبة ب 450 ) شكلي باشتري لاول مرة شي من الوكالة ويكون ارخص من المحلات

---

انا بعد انتظر السعر ينزل عنا 420 درهم
على الفاضي انتظر السعر ينزل الله يعينا

^^ المشكلة الوكالة تبيعه ب 398 درهم بس كاميرا ونيفيجيشن وmove يعني لمن تفكر انك بتشتري ب 400 درهم وكمان بدون العاب؟ صعبة بس افكر اخذ الباندل الامريكي مع سبورت شامبيون افضل على الاقل جهاز مع لعبة

تجربة فريق عمل saudigamer ps move

http://www.youtube.com/watch?v=OiI2eiU2Irc&feature=player_embedded

saudi gamer: هو برنامج اذاعي اسبوعي نناقش فيه اهم وآخر اخبار ألعاب الكمبيوتر اسبوعياً


about ps move :

الموف نزل في عالم سوني :D finaly (السعوديه)

طبعا بلنسبه للحزمه :

الحزمة سعرها 269 ريال ويجي معها الكاميرا + يد بلايستيشن موف + ديسك فيه ديمو ٩ ألعاب تجربها. سعره جدا ممتاز صراحه.


وبلنسبه ليNavigation Controller سعرها 125 فقط ( انا من يوم شفت السعر انصدمت سعر مناسب مرره)

امس وانا قاعد اتصفح لقيت صوره لجهاز الموف وهو مفككملف مرفق 331005

اقتباس:

---

http://www.youtube.com/watch?v=OiI2eiU2Irc&feature=player_embedded

saudi gamer: هو برنامج اذاعي اسبوعي نناقش فيه اهم وآخر اخبار ألعاب الكمبيوتر اسبوعياً

---

:33:
:33:
:33:
:33:
:33:
:33::33::33:
:33::33:
:33:

هو يشتغل مع كاميرا؟
أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات :28:

التحكم واضح انه ممتاز
لكن الاضاءة اللي طالعه من الموف مزعجه :02:

شكله ثقيل عاليد
ولا هو اخف من ريموت الويي؟

اما برنامج Saudi Gamer شكله ممتع
راح أتابعه عاليوتيوب ان شاء الله :biggthump

اقتباس:

---

هو يشتغل مع كاميرا؟
أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات :28:

---

-___- ليش قالولك كاميرا مسنجر P:

اقتباس:

---

المشاركة الأصلية كتبت بواسطة arashi

:33:
:33:
:33:
:33:
:33:
:33::33::33:
:33::33:
:33:

هو يشتغل مع كاميرا؟
أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات :28:

التحكم واضح انه ممتاز
لكن الاضاءة اللي طالعه من الموف مزعجه :02:

شكله ثقيل عاليد
ولا هو اخف من ريموت الويي؟

اما برنامج Saudi Gamer شكله ممتع
راح أتابعه عاليوتيوب ان شاء الله :biggthump

---

لووول التهكيير وصل لكميرااات ال ps3
عجبني البرنااامج كثير ومقابلته مع شخص من شركة سوني نسيييت شو منصبه
بالتوفيق لهم اسلوبهم ممتاااز =))
بس حبييت استفسر الموف الي يكوون بدوون الكره شو فايده وهل ينباااع لوحده وكم سعره تقريبا ..

اقتباس:

---

-___- ليش قالولك كاميرا مسنجر P:

---

اقتباس:

---

لووول التهكيير وصل لكميرااات ال ps3

---

كاسح يعلق على كل رد :silly:
والله سمعت عن هالمشكله من الناس :ponder:

خلاص
اقدر دايما افصل النت :biggthump

اقتباس:

---

بس حبييت استفسر الموف الي يكوون بدوون الكره شو فايده وهل ينباااع لوحده وكم سعره تقريبا ..

---

في بدون كره؟
نفس السؤال:ponder:

هذا النفيقايشن كنترولر ,تستخدمها في العاب زي لورد او ذا رينقز ورزدنت ايفل (جولد ادشن ) , تستخدم لتحريك الشخصية .

اقتباس:

---

كاسح يعلق على كل رد :silly:
والله سمعت عن هالمشكله من الناس :ponder:

خلاص
اقدر دايما افصل النت :biggthump

---

اراتشي :silly: بالله كيف بتتهكر الكاميرا وغير كذه كيف بتشتغل وانتي مشغلة لعبة
لو كانت على مسنجر كان ممكن لكن على السوني مستحيلة .. بعدين مجتمع الجيمر مايفكر بتهكير عشان هذه الاسباب
تهكيرهم عشان البلاتينيوم xD

^^^

اشدراني انا؟ XD
الناس تقول XP

بس هو أصلا لازم أشتري الكاميرا مع الموف؟ @_@

<<< الثقافه عندها معدومه في الاجهزه والقطع XD

اقتباس:

---

المشاركة الأصلية كتبت بواسطة Judge Balthier

هذا النفيقايشن كنترولر ,تستخدمها في العاب زي لورد او ذا رينقز ورزدنت ايفل (جولد ادشن ) , تستخدم لتحريك الشخصية .

---

همممم ينباااع لوحده صحييح

كم سعره تقرييبا

اقتباس:

---

المشاركة الأصلية كتبت بواسطة arashi

^^^

اشدراني انا؟ XD
الناس تقول XP

بس هو أصلا لازم أشتري الكاميرا مع الموف؟ @_@

<<< الثقافه عندها معدومه في الاجهزه والقطع XD

---

الموف ما يشتغل إلا مع الكاميرا
ولكن إذا عندج كاميرا اشتري بس الموف
ينباع بروحه

اقتباس:

---

المشاركة الأصلية كتبت بواسطة arashi

:33:
:33:
:33:
:33:
:33:
:33::33::33:
:33::33:
:33:

هو يشتغل مع كاميرا؟
أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات :28:

التحكم واضح انه ممتاز
لكن الاضاءة اللي طالعه من الموف مزعجه :02:

شكله ثقيل عاليد
ولا هو اخف من ريموت الويي؟

اما برنامج Saudi Gamer شكله ممتع
راح أتابعه عاليوتيوب ان شاء الله :biggthump

---

يا هلا والله ^^

نجاوب سؤال سؤال:D

هو يشتغل مع كاميرا؟

اي طبعا يشتغل مع كامير بدونها ما يقدر يلقط تحركات الجهاز

أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات

لا طبعا ماكو شي يتهكر في ps3 يمكن في pc(او اريحلك العبي العبها اوف لاين ^^)

التحكم واضح انه ممتاز
لكن الاضاءة اللي طالعه من الموف مزعجه :02:

التحكم دقيق مرره خصوصا في لعبة sport champin بلنسبه للأظاءه ابد ما راح تأثر وانتي تلعبين

شكله ثقيل عاليد
ولا هو اخف من ريموت الويي؟

هو مره الجهاز مسكته مريحه ( لا ثقيل ولا خفيف)

بلنسبه للوي ما جربته للأسف علشان اقارنه مع move

اما برنامج Saudi Gamer شكله ممتع
راح أتابعه عاليوتيوب ان شاء الله :biggthump

هو برنامج اذاعي بس الحلقه هاذي خاصه(مرئيه) مخلينها حق الموف

وبلنسبه للبرنامج مرره عجيب ما يقصرون اخبارهم اول بأول ^^ ( بالغت شوي ^^)

بلنسبه لي القطع
arashi

الموف سعرها : 160 ريال

النفيقايشن : 125 ريال

اقتباس:

---

أنا سمعت ان الكاميرا ممكن تتهكر او شي جذي والكل يقدر يجوف!
عاد مشكله للبنات

---

if the girl is ugly it's not a problem

meg griffin ugly *

I see

مشكورين zack77 & ps3 player على الاجابه على اسئلتي ^__^


kingx11

It's not funny XD

^^^^

أنا نفس وضع اراشي ... سؤالي هل هو أمتع من الwii
ترا انا أنسانه اقدس الwii بالشكل

احب تنوع الإلعاب اللي فيه و المتعه ...
هل الmove بيوفر لي المتعه اللي كانت في الwii

لا يجاوب إلا اللي عندهم wii و شروا move <<< طراره و تتشرط XD

اقتباس:

---

بعدين مجتمع الجيمر مايفكر بتهكير عشان هذه الاسباب
تهكيرهم عشان البلاتينيوم xD

---

من جد ..

وبعدين اراشي الي بيهكر الكاميرا بيموووت من الضحك

بشوف الناس تركض بالهواء وتعطي بوكسات للهواء وسوون حركات تظحك xD

اقتباس:

---

بشوف الناس تركض بالهواء وتعطي بوكسات للهواء وسوون حركات تظحك xD

---

some people will find it very amusing ..

شباب انا شريت الموف
بس عندي سؤال
اشلون اطفي الموف بدون ما طفي السوني انا حاولت بس لم اضغط عل شعار حس تطلع القائمه المعتاده بس اشلون اتحرك فيها علشان انقي الاختيار المطلوب

اقتباس:

---

المشاركة الأصلية كتبت بواسطة salah.vamp

شباب انا شريت الموف
بس عندي سؤال
اشلون اطفي الموف بدون ما طفي السوني انا حاولت بس لم اضغط عل شعار حس تطلع القائمه المعتاده بس اشلون اتحرك فيها علشان انقي الاختيار المطلوب

---

خلك ضاغط على زر t وحرك الموف على تحت راح ينزل معاك

تسلم حبيبي ما قصرت

الموف حلو بس مع قوة الالعاب الحالية ماكو وقت لتجربته الي حق بنتي يمكن اشتريه بس افضل الننتندو او الايبود راح اخيرها هالنزغه :)

في العاب حلوه ؟