@@ سويت رجيم نجحت فيه !! بس تعاني من الترهلات.. تبي تضبط جسمك هنا الحل من تجربه !! @@

السلام عليكم حياكم الله يا شباب كنت اشوف مواضيع كثيره تعاني من الترهلات وحبيت انقل تجربه استخدامي لمنتج والان انا بالعلبه الثانيه منه هذا الله يسلمكم كريم اسمه amilean طريقته كريم جيل تدهن فيه المكان الي فيه ترهل تستخدمه بكل مكان طبعا الى الوجه استخدامي له كان بالصدر والبطن والخواصر وحطيته بمكان التراي علما بأني نازل كنت 125 وحاليا 91 فحاشني شويه ترهل مع انه نزلت وانا اللعب حديد وسويدي وملتزم بس هذا الترهل شر لابد منه وفوق هذا كان نزول صحي بمعدل 3-5 كيلو بالشهر بس بيجيك الترهل :) نتيجته حرق طبقه الدهون الخفيفه والسيلووييت ويشد الجلد
طبعا يا اخوان النتيجه ممتازه ماني قايل عاديه لكن فعلا الجلد مشدود وفيه تحسن واضح بفورمه الجسم وافضل مافيه حرق الخواصر الي معذبتني والبطن السفلي شد معاي كذلك الصدر تحسن مظهره .
طريقه الاستعمال : مرتين الصبح وقبل التمرين بساعه يدهن مع مساج خفيف لدقيقتين راح تحس ببروده حلوه وانت تحطه ورائحته زينه
صور المنتجملف مرفق 331094

نصائح لشد الترهلات طبعا ماننكر الرياضه بكل انواعها حديد او سويدي او حتى المشي يساعد طبعا الافضل الحديد
لكن ضيف عليها السباحه خاصه الصبح والتشمس يشد الجلد
قبل ماستخدم المنتج سويت عليه بحث بالمواقع الاجنبيه واقتنعت بفكرته وطريقه وفعلا عطاني النتيجه الي متوقعها
اعتذر عن اسلوب الكتابه المتواضع وحبيت انقل تجربتي لكم لأفيد اكبر شريحه ممكنه من احبائي هنا وهذا الموقع الرئيسي له ممكن تطلع عليه



بالتوفيق للجميع ان شاء الله:أفكر:

يعطيك العافية أبو مها .. وفعلاً هاد اللي كنت عم دور عليه مع اني حاليا ماشي على كريم مووف

بس هالكريم موجود بالصيدليات ؟؟

ايه ان شاء الله تلقاه انا من الكويت وخذيته من محل ريزولت بالافنيوز والعلبه الثانيه خذيتها من صيدليه هذا الكريم قوي جدا وانا جربت نوعين من الكريمات قبل ولانتيجه تذكر
هذا من اول علبه وراح تحس فيه من اول 5 ايام انه جسمك مشدود وشوف المواقع تتكلم عنه قوي جدا
وراح ينفع ناس كثيره حتى الي ماعنده ترهلات بس يبي يطلع ال6 باك بسرعه وقيس على ذلك في دهون صعبه تروح من الجسم وهذا يساعد على حرقها لانه يحددها ويشدها بنفس الوقت انصح فيه وبشده

يعطيك العافية يابومها :)

وانا سبق وجربت كريم للتخسيس من شركة اخرى والنتيجة، لا شيء يذكر

تجربة حلوة منك وان شاءالله يفيد الكل :)

بجم ماخذه بومها

نفس الحاله لينر جربت اثنين ولا اكو فايده هههههههه بس مستغرب من هذا صج قوي

حصلته بريزولت مثل ماقلت لك 23 دينار اخوي فيصل

مبدع كالعادة يا ابو مها وان شاء الله الدواء يفيد الشباب الي يعانون من السلوليت

ينقل للمواضيع المميزة

تسلم على مرورك العطر وان شاء الله يفيد الجميع

موضوع وتجربة رائعة الله يجعلها من موازين حسناتك ,,

ترهل الجلد شر لا مفر منه ,, انا اعاني منه -_- ولكن التشميس مؤدي دور كبير ,,
ولما العجلة ,, خصوصا للناس اللي كانت سنين تآكل آكلات سريعة وغير مهتم بالفوائد او بوزنه ,,
بعد التخسيس ,, الحديد والسباحة والكريم اللي ذكرته رح يزول رويدا رويدا حتى يتعافا ويتأقلم الجلد ع الوزن الجديد

ماشاء الله عليكـ , الله يعطيكـ الصحه والعافيه

تجربه مفيدهـ

بالتوفيق للجميع

مشكور والله يعطيك العافية

اقتباس:

---

المشاركة الأصلية كتبت بواسطة toto jeddah

موضوع وتجربة رائعة الله يجعلها من موازين حسناتك ,,

ترهل الجلد شر لا مفر منه ,, انا اعاني منه -_- ولكن التشميس مؤدي دور كبير ,,
ولما العجلة ,, خصوصا للناس اللي كانت سنين تآكل آكلات سريعة وغير مهتم بالفوائد او بوزنه ,,
بعد التخسيس ,, الحديد والسباحة والكريم اللي ذكرته رح يزول رويدا رويدا حتى يتعافا ويتأقلم الجلد ع الوزن الجديد

---

احسنت بارك الله فيك صح بهل طريقه مفيده حيل والتشمس يفضل انه يكون بين الساعه 7-10 لانه بهل وقت الجسم يستفيد وفيتامين د يمتصه وافضله 8 الصبح
وحبيت ازيد معلومه الجسم تلقائيا يتأقلم مع الوزن ويشد الجلد خلال فتره 6شهر خصوصا لو كان الوزن ثابت تقريبا غير مضطرب موفق عزيزي تركي

اقتباس:

---

المشاركة الأصلية كتبت بواسطة أبو حـنفي

ماشاء الله عليكـ , الله يعطيكـ الصحه والعافيه

تجربه مفيدهـ

وياك ان شاء الله يحاك الله بو حنفي منور
بالتوفيق للجميع

---

اقتباس:

---

المشاركة الأصلية كتبت بواسطة ana84

مشكور والله يعطيك العافية

---

الله يعافيك اسعدني مرورك

تجربه وكتابه حلووووووووه

ويعطيك العافيه اخوي ابو مهاا

فعلا الكل يدور على كريم زي كذا بس ما حصلناه

بروح ادوره وان شاء الله احلصه واجربه

ويعطيك العافيه مرة ثانيه وتستاهل شكر

مشكوووور ابو مها الله يسعدك يا شيخ دايم مواضيعك تصلح لي ........

بس يا شباب هذا وين الاقيه ؟؟؟

يعطيك العافية حبيب قلبي والله اني استانست يوم قريت الموضوع

وان شاء الله اليوم راح اطلبة لانة موجود في امريكاااا والطلب سهل هني


بس حبيب استفسر ممكن بس احطة في مكااان البطن او الخصر ..؟ ؟ وكم المده ؟؟؟

اقتباس:

---

المشاركة الأصلية كتبت بواسطة dhoom550

تجربه وكتابه حلووووووووه

ويعطيك العافيه اخوي ابو مهاا

فعلا الكل يدور على كريم زي كذا بس ما حصلناه

بروح ادوره وان شاء الله احلصه واجربه

ويعطيك العافيه مرة ثانيه وتستاهل شكر

---

حياك الله وان شاء الله تلقاه وبلغنا بالنتائج

اقتباس:

---

المشاركة الأصلية كتبت بواسطة حماأإده

مشكوووور ابو مها الله يسعدك يا شيخ دايم مواضيعك تصلح لي ........

بس يا شباب هذا وين الاقيه ؟؟؟

---

ولله مادري وانا اخوك شوف الصيدليات ان شاء الله احد يفيدك فيه ويمكن جي ان سي او اي محلات عندكم تحصلها عنده

اقتباس:

---

المشاركة الأصلية كتبت بواسطة احمد قطر

يعطيك العافية حبيب قلبي والله اني استانست يوم قريت الموضوع

وان شاء الله اليوم راح اطلبة لانة موجود في امريكاااا والطلب سهل هني


بس حبيب استفسر ممكن بس احطة في مكااان البطن او الخصر ..؟ ؟ وكم المده ؟؟؟

---

حسب تعليمات العلبه والتدليك يكون لمده 30 ثانيه الى 60 ثانيه وبسرعه يمتصه الجسم ووفيه بروده لما يجيك وينشف مو رطب وريحته كريهه مثل الانواع الثانيه
وتستخدمه مرتين الصبح تدهن فيه المنطقه الي تبيها وقبل النادي بساعه تحطه الاستخدام مرتين وجنه فيه له عرض بأمريكا علبتين وثالثه مجانا بأمازون انصحك فيه لانه علبه وحده بتعطيك نتيجه لكن اكثر من علبه بتوصل للي تبيه وسعره رخيص برا للعلم

تسلم على الموضوع اخوي ابومها
والله انا اعاني من الخواصر والكرش وين احصل المنتج في السعوديه .

^^

مالي علم ولله وانا اخوك انا من الكويت ومتوفر عندنا لكن ان شاء الله تحصله بجي ان سي او محلات المكملات المشهوره وكذلك الصيدليات الكبيره ولله يعينك ياليت اقدر افيدك اسمحلي

وعليكم السلام ورحمة الله وبركاته

تجربه موفقه ماشالله وشاكر لك نقلها للاعضاء لاجل الفائده

جزاك الله خير

.....

بالنسبه لمن يسال عن المنتج بالسعوديه غير موجود غالبا وتقدر تجيبه لوعندك واسطه في الجمارك

اقتباس:

---

المشاركة الأصلية كتبت بواسطة ابو مهاا

^^

مالي علم ولله وانا اخوك انا من الكويت ومتوفر عندنا لكن ان شاء الله تحصله بجي ان سي او محلات المكملات المشهوره وكذلك الصيدليات الكبيره ولله يعينك ياليت اقدر افيدك اسمحلي

---

خخخ والله من زمان ماضحكت.. اجل تقول لي محل مكملات مشهوره هاه؟ يبغى لك تجي السعوديه عندنا وتشوف بنفسك! ;)

لعبو عليك اللي قالو لك عندنا محل مكملات غير GNC, راس مالنا البحرين ولا الشباب الطيبين اللي يبيعون =)
الكريم قريت عنه من قبل بردود ايجابيه ان شاء الله نجربه عن قريب.. بالتوفيق

ليا تجربة لية بعد مانزل الكام كيلو الباقين يعيطك الف عافية ابو امها علي الافادة

ما شاء الله عليك موضوعك جامد ومفيد يا ابو مها والله يقويك

بس استفسار بسيط اسم الصيدلية الي حصلتها عنده لان ممكن تكون نفس صيدليات السعودية مثل النهدي او المتحدة

لا ولله ياخوك صيدليه عاديه صغيره اسمها فارما ماعتقد منتشره

انزين انا طلبتي واااحد اليوم
بس حبيت استفسر .. مكتوب انه ممكن يحرق دهوون مع شد البطن

الله يعطيك العافيه على طرح التجربه

اقتباس:

---

المشاركة الأصلية كتبت بواسطة احمد قطر

انزين انا طلبتي واااحد اليوم
بس حبيت استفسر .. مكتوب انه ممكن يحرق دهوون مع شد البطن

---

ايه اهو يحرق الدهون اصلا يعتبر فات برنر ويشد الجلد ومفيد جدا ويبين معاك من اول 5 ايام او اسبوع انه فيه تغير بالقيااسات

اقتباس:

---

المشاركة الأصلية كتبت بواسطة kd939

الله يعطيك العافيه على طرح التجربه

---

الله يعافيك منور ابو مالك شرفت صفحتي بمرورك الكريم

انا اول شي فهمت من كلامك انه بس يشد البطن بس يوم دخلت الموقع طلع يحرق دهووون .. وهاي زين .. نفس مايقولون زيادة الخير خيرين ..

وجزاك الله الف خير على المعلومات الحلوووة .. وانا ناطر المنتج يوصلني ان شاء الله ..

وان شاء راااح ارد علييك واقوولك شنو اللي صااار معااي

اي اخوي انا ذاكر اني مستخدمه للخواصر والمعده والصدر يحرق الدهون اساسا فات برنر يعتبر :) ويشد الجلد ويعدل ملمسه للي فيهم سيلوويت منتج ممتاز صراحه وان شاء الله تستفيد منه

السلام عليكم
يعطيك العافيه اخوي ابومها
عندي سؤال يعني افهم من كلامك انه اقدر بس استخدمه مكان الصدر والبطن مولازم كل الجسم ؟؟
وانا من الكويت بأي صيدليه اقدر احصله ؟؟
وشاكرلك على الموضوع.....

.. وعليكم السلام ورحمة الله وبركاته ..

.. زين ياخويه حصلت كريم يساعد على الشد .. لانه الأغلبية للدعاية لا أكثر .. وإن شاء الله يفيد الكل

تحياتــي
ربي يوفقك

يعطيك العافيه يا الحبيب ..
بس بخصوص الي شغال ضخامه ؟
ينفع استخدم الكريم و انا اخذ منتجات ضخامه و زيادة وزن لأن عندي ترهلات ؟
و شاكرلك ع الموضوع ..

اقتباس:

---

المشاركة الأصلية كتبت بواسطة steam92

السلام عليكم
يعطيك العافيه اخوي ابومها
عندي سؤال يعني افهم من كلامك انه اقدر بس استخدمه مكان الصدر والبطن مولازم كل الجسم ؟؟
وانا من الكويت بأي صيدليه اقدر احصله ؟؟
وشاكرلك على الموضوع.....

---

الله يعافيك اي نعم عادي اانا هذي طريقه استخدامي له وتحصله الله يسلمك بريزولت بالافنيوز او بالمارينا المحل مالهم او بالصيدليات الكبيره روح الافنيوز تلقاه سعر 23 او 25 اعتقد

اقتباس:

---

المشاركة الأصلية كتبت بواسطة Weld AD

.. وعليكم السلام ورحمة الله وبركاته ..

.. زين ياخويه حصلت كريم يساعد على الشد .. لانه الأغلبية للدعاية لا أكثر .. وإن شاء الله يفيد الكل

تحياتــي
ربي يوفقك

---

اهلين حياك الله يالغالي منورنا يالامير ان نعم فعلا كلامك استخدمت منتجات ولا لها فايده تذكر لكن فعلا هذا قوي وممكن تسوي بحث بالنت وتشوف تجارب الاجانب فيه وحطيت انا روابط لبعضها

اقتباس:

---

المشاركة الأصلية كتبت بواسطة Q8 Madrid

يعطيك العافيه يا الحبيب ..
بس بخصوص الي شغال ضخامه ؟
ينفع استخدم الكريم و انا اخذ منتجات ضخامه و زيادة وزن لأن عندي ترهلات ؟
و شاكرلك ع الموضوع ..

---

بالنسبه للضخامه يمكن ينفعك لو تستخدمه حاليا للترهلات بس انا انصحك تأجله لوقت التنشيف افضل لانه اهو عامل مساعد فأكيد مع الدايت والتمرين والتكرارات واللتزام فيه بتحصل نتيجه مرضيه ان شاء الله والله اعلم

اخوي وعزيزي بو مها
انت من وين اشتريته
لأني فريت الصيدليات الي بسعوديه
وللأسف ماحصلته

الله يعينك انا ماخذه من الكويت الله يسلمك وانا فيها بمحل بالافنيوز مول كبير بالكويت اسم المحل ريزولت بتحصله هناك
وان شاء الله اذا احد من الاخوان بالسعوديه حصله يمكن يفيدك

بس سؤال
الجلد كيف يختفي؟؟؟
انا سمعت ان العملية شر لابد منة لان عندي ترهل اسفل البطن ومضيق خلقي العب كل يوم بطن الشكل الخارج الحمدلله اختفى لكن لما تمسك البطن ينمغط تحسة كيس فاضي
انا والله مخطط اسوي عملية ومتردد علشان اثار الجراحة تبقى؟؟؟
افيدونا
والله لو قالو ان هذا العلا يشفي حتى لو بالقمر رحت اجيبة

حياك الله يالامبراطور طبعا الجلد مثل ما انت عارف يبيله وقت مثلا 6 شهور لي سنه على مايشد هذا الكلام طبيعي بدون رياضه
مع الرياضه تسرع العمليه وتضيف هل كريم بتكون اسرع والتشمس والسباحه بتكون بطل وبتوصل لنتيجه حلوه ممكن خلال 3 شهور او اقل او اكثر على حسب اللتزامك
البطن نفسك السفلي مشكله لكن حسيت خف من اول شهر من استخدامي للكريم وفعلا فادني فيه دهون خفيفه وشد ولله الحمد علما بأني مستمر على المشي السريع ونظام الHIIT
والمشي السريع يشد المعده السفليه واللعب معده مرتين بالاسبوع وسباحه مره الى مرتين فقط والكريم فادني وان شاء الله يفيدك انت استخدم كل الاوراق الي قدامك وخل العمليه اخر الحلول بالتوفيق يابطل

مرحباا
انا وصلني الكريم واليوم استعملتة

بس حبيب اسالك بخوووص الكمية اللي كنت تحطها .. كثيرة له قليلة ؟؟

بخصوص الكميه اضغط على العلبه لين يطلع لك المقدار كامل وادهن فيه المعده والخواصر منه وضغطه ثاني مره ان حبيت تحطه مكان ثاني مع تدليك لغايه 30-60 ثانيه فقط
وان شاء الله تستفيد منه

اخوي بومها يعطيك العافيه انا شريته وقاعد استعمله ومع العلم اني في كورس ضخامه ونفعني والله وهذا اول اسبوع انا ماخذه بس اذا خلص عادي اخذه مره ثانيه ؟؟؟ وهل لازم معاه حارق دهون؟؟؟ وهل له اثار جانبيه على المدى القريب والبعيد؟؟؟

ماشاء الله ممتاز انا ماجربته بضخامه استخدمته بتنشيف وان شاء الله نتيجته ممتازه انا بالعلبه الثانيه حاليا ونتيجه افضل الحمد لله
موفق لا موشرط لانه يستخدم بروحه

اللــــــــــه... يعطيـــــــــــــــــــــك العافيه ..ابومهـــــــــــــــاا...

والله شي ..حلو.. وان شاء الله يكوووووووووووووووووووووووووووون.. مفيد..للي يستعملونه ..

ومن بكره.. راح .. ادور عليه بالرياض وعسى نلقـــــــــــــــاه ...وياشباب اللي يحصله بالرياض يعطيني..خبر....

الله يعافيك وهذا اقل من الواجب الحمد لله فادنني وفاد صديقي بعد وان شاء الله يفيد الاخوان ورجاء خاص للأحبه من السعوديه الغاليه ان حصلوا المنتج لايبخلون على خوانهم بمعلومات عن مكانه
بالتوفيق ان شاء الله واتمنى لكم دوام الصحه والعافيه

انا ناوي اجيب كميه اخواني من امريكا .....والشحن راح يكون للبحرين عشان ابتعد عن مشاكل الجمارك ...... الي يبي يشتري معي كميه يخبرني عشان ارتب موضوع الشرا

يعني يشيل الترهلات ويحرق الدهون تحت الجلد ولا كيف؟؟

مشكووور يا بطل واتوقع الشي الموضعي افضل واسرع من الحبوب

ظنكم موجود بالشرقية ؟
نقول يارب وبسئل عليه !!
تحياتي لك يا أبومها والله الترهل عامل عمايل !!

اذا في أحد حصل المنتج هذا في الرياض في السعودية يا ليت يعطينا خبر

ياريت يكون بالخبر موجود

^
فريت الخبر كلها ولا لقيته, والبحرين تعبت وانا ادوره ب ستي سنتر, اللي يلقاه بالخبر ولا الشرقيه ولا حتى البحرين يبلغنا ياشباب

ابو مها حبيبي ارسلت لك رساله على الخاص الظاهر ماجاتك بس عموما لو تعطينا صور ل جسمك قبل الإستخدام وصور لفترتك الحاليه او على فترات صدقني بتقطع الشك باليقين وتزيد مبيعات المنتج لو نحصله
يعطيك العافيه

مبدع يا ابو مها وان شاء الله ما تحرمنا من جديدك

يعطيك العافيه,موضوع جدا رائع

تقبل مودتي

اقتباس:

---

المشاركة الأصلية كتبت بواسطة الشمشير

انا ناوي اجيب كميه اخواني من امريكا .....والشحن راح يكون للبحرين عشان ابتعد عن مشاكل الجمارك ...... الي يبي يشتري معي كميه يخبرني عشان ارتب موضوع الشرا

---

الله يوفقك وبصراحه الله يعينكم على الجمرك مصعبينها حيل

اقتباس:

---

المشاركة الأصلية كتبت بواسطة omarzizo

يعني يشيل الترهلات ويحرق الدهون تحت الجلد ولا كيف؟؟

---

ايه يشيلها ان شاء الله بس الترهل الخفيف والمتوسط بيحسن من مظهره ويخلي الجلد مشدود ويحرق الدهون مكتوب على العلبه فات برنر

اقتباس:

---

المشاركة الأصلية كتبت بواسطة ملين الحديد

مشكووور يا بطل واتوقع الشي الموضعي افضل واسرع من الحبوب

---

الله يعافيك واحنا بالخدمه طبعا العلم يطور وكذلك المنتجات

اقتباس:

---

المشاركة الأصلية كتبت بواسطة عزو 11

ظنكم موجود بالشرقية ؟
نقول يارب وبسئل عليه !!
تحياتي لك يا أبومها والله الترهل عامل عمايل !!

---

مادري ولله وانا اخوك الله يسلمك والترهل شر لابد منه الله كريم

اقتباس:

---

المشاركة الأصلية كتبت بواسطة القناص 001

اذا في أحد حصل المنتج هذا في الرياض في السعودية يا ليت يعطينا خبر

---

مايقصرون الاخوان ان شاء الله

اقتباس:

---

المشاركة الأصلية كتبت بواسطة omarzizo

ياريت يكون بالخبر موجود

---

ان شاء الله تلقونه او اطلبوه من امريكا

اقتباس:

---

المشاركة الأصلية كتبت بواسطة Aziz.k

^
فريت الخبر كلها ولا لقيته, والبحرين تعبت وانا ادوره ب ستي سنتر, اللي يلقاه بالخبر ولا الشرقيه ولا حتى البحرين يبلغنا ياشباب

ابو مها حبيبي ارسلت لك رساله على الخاص الظاهر ماجاتك بس عموما لو تعطينا صور ل جسمك قبل الإستخدام وصور لفترتك الحاليه او على فترات صدقني بتقطع الشك باليقين وتزيد مبيعات المنتج لو نحصله
يعطيك العافيه

---

حياك الله اخوي عزيز الله يعينك ان شاء الله تلقون مكان يبيعونه فيه
بخصوص الصوره صحيح انها بتعطي دليل وواضح بس لي تحفظي لهل امور وبخصوص مبيعات المنتج :) مابيدش جيبي دينار منه بس انا مجرد ناقل لانه الي يعاني من ترهل او شي بيفكر بأي حل عشان يساعده شوي وانا يوم حسيت بفايده ماحبيت احبسها واتركها لنفسي قلت افيد اخواني مثل ما استفدت

اقتباس:

---

المشاركة الأصلية كتبت بواسطة ابو ذراع

مبدع يا ابو مها وان شاء الله ما تحرمنا من جديدك

---

حبيبي ابو ذراع يكفي مرورك العطر شرفتني

اقتباس:

---

المشاركة الأصلية كتبت بواسطة الهاشمي2

يعطيك العافيه,موضوع جدا رائع

تقبل مودتي

---

تسلم اخوي الهاشمي على تشريفك لصفحتي حياك الله وانت الرائع

مشكووووووووووووووووور ابو مها ماااااااقصرت

وش راااااااايك تاخذه من عندكم وتبيعه علينااااااااااااا

ينووولك ثواااااااااااااب في نا، لأن في السعوديه مستتتتتتتتحيل نحصله

يعطيك العافية اخوي ابو مها اليوم افكر اني اطلب كذا علبة...
العلبة كم تجلس معاك تقريبا؟

تحياتي لك

اقتباس:

---

المشاركة الأصلية كتبت بواسطة تعب قلبي معك

مشكووووووووووووووووور ابو مها ماااااااقصرت

وش راااااااايك تاخذه من عندكم وتبيعه علينااااااااااااا

ينووولك ثواااااااااااااب في نا، لأن في السعوديه مستتتتتتتتحيل نحصله

---

ياهلا وغلا الله يعافيك بالنسبه لهل شغله هههههههه اعتذر عنها خصوصا لظروف الصحيه الحاليه وان شاء الله اتوقع في مكان يبيعها بالسعوديه او الطلب من الخارج نفس طريقه الاخ ابو مجدع له موضوع بقسم المميزه

اقتباس:

---

المشاركة الأصلية كتبت بواسطة w4hm

يعطيك العافية اخوي ابو مها اليوم افكر اني اطلب كذا علبة...
العلبة كم تجلس معاك تقريبا؟

تحياتي لك

---

حياك الله يعافيك بالنسبه للعلبه على حسب استخدامك ان كان للكرش فقط والخواصر بتم معاك 5 الى 6 اسابيع
وان كانت للجسم كامل تقريبا من اسبوعين الى 4 على حسب

يا مال العافية
الغالي بكم قيمته ؟
في أي صيدلية بالكويت ينباع ؟

بريزولت بالافنيوز تلقاه وبصيدليه بالرقعي اسمها فارما ورا فندق السفير بالتوفيق وسعره قريب من 20

ماشاء الله تبارك الله انصحك اخوي ابو مها تتكلم مع الشركة وتاخذ نسبة من الارباح ماشاء الله كل اللي في المنتدى بيشترونه والفضل عائد لك يعني لازم لك نسبة ههههه<<<<<<<<<<<امزح معك

مشكور اخوي على نقل تجربتك المفيد الله يعطيك العافية

مشكور اخوي وان شاء الله يستفيد الاخوان من تجربتك

لكن الرجيم اللي سويته وش هو .؟؟ لو سمحت هل استخدمة حوااارق
ننتظرردك

الرجيم قصه معاي :) نعم استخدم 4 حوارق دهون لليبو 6 بلاك وهيدرو كسيد كت شراب و انيمال كت و اوكسي اليت افضلهم الهديرو كسيد بالنسبه لجسمي
بالنسبه للدايت استخدمت انواع كثيره بالبدايه اول شهرين من الدايت ولكن بعد فتره ماكو رجيم معين فقط اكل 4- 5 وجبات باليوم ولكن تكون محدوده بالكالوري خفيفه الدهون ناشف الاكل ومبتعد عن الكاكاو والحلو بالمره والمشروبات الغازيه وكل وجبه تقريبا تكون بين 300-500 كالروي كحد اقصى وغالبا يكون الدايت مثلا
الفطور 3 بياض بيض 4 بيضه كامله انغث ماقدر ازيد 6 اكره البيض وغيرته للأومت الفتره الاخيره مع حليب خالي الدسم كوب كبير وخسس او كورن فلكس نخاله اسمه الرشاقه مع حليب
السناك الي بعده غالبا تفاحتين او لوز ني مع حليب
الغدى نص دجاجه مشويه او فيليه سمك او لحم غنم صافي مرق او مشوي او مشويات منوعه وسلطه وعصير برتقال واكل معاه خبزه سمره
قبل التمرين قليل اكل لانه بعد الوجبه بساعتين وشي اتمرين
لكن مرات اكل موزه او 5 تمرات يعني شوفان مع حليب وعسل قليل اسويها
العشى غالبا تونه مع سلطه او سلطه مع صدور دجاج من ماكدونالد بدون صوص او بياض بيض وسلطه

الله يعطيك العافيه

انا من كثر ما اسوي ريجيييم جسمي ترهل انزل كم كيلو وبعد فتره اقطع الرجيم وازيد اكثر من اللي نزلته ..

لكن هذي المره انا ناوي ابدا بداية سليمة باذن الله .. وجسمي فيه دهون لكن الترهل اكثر .. وبالذات في منطقة الصدر اكثر شي ؟؟

هل ينفع هذا الكريم لجسمي الحين ؟؟ والا استخدمة بعد ما انزل العشرة كيلو الباقيه ؟؟

من زمان أعاني من هذه المشكلة البغيضة أنشالله ينفعني شكرا على الموضوع المهم.

اقتباس:

---

المشاركة الأصلية كتبت بواسطة ابي اضعف

الله يعطيك العافيه

انا من كثر ما اسوي ريجيييم جسمي ترهل انزل كم كيلو وبعد فتره اقطع الرجيم وازيد اكثر من اللي نزلته ..

لكن هذي المره انا ناوي ابدا بداية سليمة باذن الله .. وجسمي فيه دهون لكن الترهل اكثر .. وبالذات في منطقة الصدر اكثر شي ؟؟

هل ينفع هذا الكريم لجسمي الحين ؟؟ والا استخدمة بعد ما انزل العشرة كيلو الباقيه ؟؟

---

حياك الله عزيزي اعتقد ان شاء الله رديت على موضوعك وذكرتلك الطريقه ولو تطرش لي رابط الموضوع ع الخاص لانه فعلا مانتبه اكتب رد ومادخل المنتدى مانتبه للردود بالموضوع
وان شاء الله يفيدك وحياك الله الخاص موجود كذلك لا تتردد

اقتباس:

---

المشاركة الأصلية كتبت بواسطة russian star

من زمان أعاني من هذه المشكلة البغيضة أنشالله ينفعني شكرا على الموضوع المهم.

---

ان شاء الله يفيدك لكن اهو من العوامل المساعده لكن لو تضيف عليه تشمس وتمرين جاد واللتزام وتغذيه سليمه كذلك تلعب سباحه ولو مره بالاسبوع ويفضل الصبح عشان عصفورين بحجر واحد
بتكون تمام وطبعا اكيد لها عوامل وراثيه السالفه وطبيعه البشره ان كانت جافه او لا ونقص الكولوجين اعتقد هههه بس هم بيفيدك ان شاء الله

شكرا ياكابتن على نقل تجربتك

استفسار بسيط طال عمرك ؟؟

انت عملت عملية شفط دهون ؟؟ وين سويتها ؟ وبأي منطقة عملت العملية ( الصدر او البطن او الارداف ) ؟؟ وهل لاحظت اعراض جانبية للعملية ؟

اهلين اخوي اي انا عملت بالصدر شفط وشد للجلد لانه كان مترهل وعطيت نفسي 10 اشهر حديد بألتزام تام مافادني وكان فيه غدد عشان جذي قلت لك من البدايه روح لأخصائي تجميل
وبخصوص وين سويتها انا من الكويت مادري انت من وين !!
سوري على التأخير دخولي قليل هل ايام

مشكور يا بو مها على المنتج الممتاز اول مره اسمع فيه وان شاء الله نجربه ونشوف السكس باك تطلع ولا لا :)

شرفت صفحتي المتواضعه بمرورك العطر نورتنا بالمنتدى وان شاء الله مانفقد طلاتك الحلوة
وان شاء الله يعجبك ويفيدك المنتج

توني انتبه للتوقيع ما تشوف شر اجر وعافيه

الله يعطيك العافيه اخوي على التجربه الناجحه والله يوفقك وانا صراحه قريت موضوعك من فتره وشرييت الكريم . ايميلين . واستخدمته وحصلت نتائج جيده

وشفت بعض الردود الي يستفسرون عنه داخل المملكه ولا حصلوه وحبيت اساعدهم . وجبت معي كميه محدوده من الخارج الي حاب يشتري انا كاتب موضوع بقسم بيع المكملات .

وللاستفسار / 0545955995

مشكوووور ويعطيك العافيه

السلام عليكم أخوانى

أولاً شكراً لأخونا أبو مها على هذه المعلومة وأرجوا أن تفيد الجميع ولكن لى عدة أسئلة

1. هل يفيد الجسم كله على سبيل المثال منطقة الفخذ أم فقط منطقة البطن.

2. قرأت عدة طرق ومنها إضافة زيوت لهذا الكريم مع تدليك الجسم بالملح لتسخينه ثم وضع الكريم ليأخذ بروده قبل التمرين؟

3. (الأخ/ أبو مها) نصح مرة صباحاً ومرة مساءاً عند التمرين ، السؤال هو فى حالة التمرين فى الصباح ماذا تكون الطريقة؟

4. ياريت أيضاً الأخ/ أبو مها يفيدنا بمكان الدكتور بالكويت وتكلفة العملية للإفادة.

5. ما هو أفضل حارق دهون أخذته بالتحديد بجانب الكريم؟

6. وأيضاً الأخوة الذين قاموا بشراء الكريم ياريت يقولنا ما هى نتائجه معهم منهم الأخ / أحمد قطر.

وشكراً

السلام عليكم أخوانى

وين ردودكم ياأهل الخبره أرجوا الإفاده للجميع وشكراً

مشكور ويعطيك ألف عافية على المعلومة

يعطيك العافيه اخوي

جاري الطلب والتجربه والرجوع واثراء الصفحه بتجربتي

سوالي هل اقدر اضعه علي الجسم وبعدين اتشمس ؟

كم مده التشمس المثاليه ؟ ١٠ دقايق او نص ساعه ؟




الف شكر يا ابو مها علي الموضوع القيم وجزاك الله خير

الله يعطيك العافية..
موضوع مفيد إن شاء الله.:wink2: