افكر اكنسل اشتراكي بالنادي من ثالث يوم اشتركت فيه :(

السلام عليكم ورحمة الله وبركاته
كيف حالكم ان شاء الله طيبين ؟

بدخل بالتفاصيل :
عمري : 25 سنه
طولي : 175 تقريبا
وزني : 50 كيلو :bigeyes: .

المطلوب : جسم صحي , رياضي .
ومن الاخير انا ابي اتزوج لكن مستحيل اتزوج ب هالشكل :09: . ابي ازيد وزني

سجلت في نادي من ثلاث ايام
اخذوا الوزن والطول والفات وكل شي
مافيني عضل ووزني ناقص كثير

قالي لي المدرب يومين على لياقه وبعدها حديد

اول يوم على ثلاث اجهزة لياقه : سير 10 دقايق وجهازيين نسيت اسمهم لمده خمسه دقائق لكل جهاز

ثاني يوم جهاز اكروباك < اعتقد كذا اسمه لمده عشر دقائق ورحت بعدها لصاله الحديد :o

قال لي المدرب تدرب على الاجهزة هذي 30 مره لكل جهاز . وكان عددها تقريبا 10 اجهزة !!!
تدربت عليها بوزن 30 كيلو لكل جهاز وبصراحه كانت قوية كنت استريح كثير والمهم اني كملتها
واغلب الاجهزة اللي اشتغلت عليها كانت لليد وللكتف .

بعد ماطلعت صرت احس بصعوبه برفع يدي مع الالام

ثالث يوم : رحت لجهاز الاكروباك لمده عشر دقايق وبعدها رحت لصاله الحديد
نفس الاجهزة اللي اشتغلت عليها بزياده اجهزة للبطن وللرجلين وللظهر

ومن يوم طلعت أمس الى وقت كتابه الموضوع وانا احس بضعف في يديني والالام خصوصا اذا بغيت امد يدي كاملة .

افيدوني بالطريقة الصحيحه لشخص مبتدأ للتمرين + المكملات الغذائيه
صرت افكر اكنسل اشتراك النادي بسبب هالالام + هالضعف اللي معي في اليدين

ابي شرح كامل ولاتبخلون علي بشي .

طول بالك اخي

الالم شي طبيعي وعادي اذا اول مرة تلعب حديد

انا ضليت حوالي شهرين وفيني الم بعدين خلاص راح الالم

بيصير الالم مع تقدمك في العبة من خفيف الى معدوم

وان شاء الله الاخوة يفيدوك

عادي ياصديقي الالام تحصل بعد التمرين نتيجة لتقطع الالياف العضليه وترجع تبني من جديد

عامه ادخل على قسم المواضيع المميزه تلقاه مثبت في اعلى الصفحه راح تلقه كل اجاباتك بخصوص اللعبه

وحاليا عوفك من المكملات ! استمر شهرين عل اقل ضبط اكلك وتمرينك وان شاءالله نضبطلك بعدين كورس للي يناسبك

وبلتوفيق

هلا والله اخوي

واضح من كلامك انك مره تسوي رياضة من فترة دويلة جداُ وهالالام شي طبيعي انك تحس فيها ، اني تحس انك ما تقدر تمد يديك وهذا طبيعي ، تحس عضلات مشدودة وتألمك وهذا ايضاً شي طبيعي ، اهم شي انك تاكل صح وتواصل التمرين ومع التمرين راح تحس بالالام لكن صدقني ما ينفع لها الا التمرين وراح تروح قريب ان شاء الله ، بس في كريم موجود في الصيدلية اسمه " فولتارين " استخدمه وادهنه على عضلات جسمك كلها قبل النوم وماعليك لا تخاف كل اللي تمرنوا صار معهم نفس الشي في البداية ، وبرضوا ركز على الجاكوزي الحار تراه مفيد لمثل حالاتك

اللي فهمته من كلامكم ان الالام هذي طبيعيه
وان المكملات الغذائيه حاليا ماهي فكرة كويسه

طيب انا كنت استخدم على الاجهزة وزن 30 كيلو
لو انقصها موب احسن . وهل لازم في بدايتي اشتغل على كل الاجهزة .؟؟؟
ومشكورين ياشباب على ردكم السريع . بصراحه ماتوقعته لكن والله فكيم الخير والبركه

وعليكم السلام ورحمة الله وبركاته




هههههه
صادفت كثير مثلك يجون النادي قبل الزواج بفترة بسيطه

..

التغذيه ثم التغذيه ثم التمرين الصحيح ثم الراحه = مكسب عظلي وضخامه
وبعد دخولك عالجداول اترك السيروالدراجه باستثناء تسخين لمدة 5-7 دقائق

التغذيه
لابد تقسم وجباتك ل6 في اليوم وتكون غنيه بالعناصر الغذائيه
(بروتين - كارب - دهون - فايتمينات...الخ)

التمرين
بعد انتهاك من الشامل
ادخل عالجداول

الراحه
النوم 7-8 ساعات متواصله مهم


وبالنسبه للالم طبيعي وكلنا مرينا بهالمرحله في البدايه لدرجة الواحد بصعوبه يتوضا


اي استفسار تفضل



موفق باذن الله

شهر تمرين وبعدها خذلك مكملات واحماض امينيه وباذن لله جسمك يتعدل بس اهم لاتقطع اللعبه وفعلا شى صعب داخل على زواج وجسمك نحيف :(
حاول تشد حيلك يا بطل واهم شى تتواصل معنا وتتثقف بالمنتدى لان بدون ثقافه بالحديد اشوف صعب الواحد يكسب خبره في الرياضه

موفق

هههههههههه الله يعينك :)


لاكنخلي بالك انك لازم تريح بين كل تمرين شامل يوم الى يومين او حتى ثلاثة يعتمد على مدى علاج العضلة عندك ،،، يعني عمرك لاتتمرن وانت في قمة الالم والعضلة ماتعالجت اقل شيء 90%..........

بما أنك ماعندك وقت انا انصحك تشتري بفلوس المكملات لحم وتندهر اكل اربع وجبات كبيره لاتخلو من اللحوم و نشويات مثل المكرونة و الرز... و كمان اذا تبغى تكبر و تزيد بسرعة أشرب جالون حليب باليوم كامل الدسم مو بنفس الوقت ،، تقسمه على مدار اليوم ،،، اذا عندك مشكلة من الحليب العادي ويسببلك انتفاخات ،، خد حليب لاكتو فري من المراعي ممتاز جداً وخالي من اللاكتوز الي يسبب اللانتفاخات ومشاكل الهضم لبعض الناس...........

ونصيحة تانية عمرك لاتطول عن ساعة في التمرين لأنك راح تخاطر بتكسير العضلات و عدم بنائها!! خلي برنامجك كالتالي: استطالة 5دقائق + 5 دقائق تحمية على السير مشي عادي+ 50 الى 60 دقيقة حديد من 8 الى 10 عدات في 3 الى 5 جلسات شامل مرتين الى ثلاث مرات بالاسبوع....
بالتوفييييييييييييييق..............................

والله اخوي هالالام لازم منها الحين لي يومين سويت تمارين ارجل جديدة (وبالاخص اني ماكنت اركز على تمارين الحديد للارجل وهذا خطأ) والحين امشي كأني مكسورة خخخخخخخ العضلات مررة مشدودة من التمارين
يعني عادي مررة لاتكنسل النادي ابدا احسن عشان صحتك وهذاالالم باذن الله كله بيروح وبتصير بطل *-^ ....المهم اسمع كلام الكابتن ذاكاست وان شاء الله مابتشوف الاكل خير

في الئم سلبي والئم ايجابي السلبي هيا الئم العضم الايجابي الئم العضلات

الله يعطيكم العافيه على هالتجاوب صدق انكم وحوش على قولة هالمدربين اللي عندنا بالنادي خخخ

راح اسوي جدول بنفسي ونظام غذائي وراح التزم عليه بإذن الله . لكن ابي مشورتكم

الصباح
كوب حليب السعوديه مع 6 ملاعق طعام كبيره من ميغا ماس وساندوتش
وعلى الدوام على طول . وبعد ما ارجع على الساعه 3 العصر
غداء طبيعي وفواكه وعصير

بعد الغداء بنص ساعه بروح للنادي
بجلس على جهاز الاكروباك 8 دقايق تحميه " وتراني ما اعرف وش الطريقه الصحيحه للتحميه "
وبعدها على صاله الحديد
وبجلس على جميع الأجهزة من 30 وبينها استراحه وعلى وزن خفيف

وبعد ما ارجع على المغرب
كاس حليب السعوديه مع الميغا ماس وزيادة صحن تمر

وقبل ما انام على الساعه 12 -1 كاس حليب ومعه ميغا ماس

بالاظافه الى ملتي فيتامين لكن ماحصلته اليوم عند GNC ويقول بوفره لك بكره


هذا اللي اقدر عليه
تشوفون انه كفيل بأن يزيد وزني خلال شهرين الى 3 شهور وبناء عضلات جيدة ولياقه بعد . ؟؟؟؟؟؟؟

مانستغني

اقتباس:

---

المشاركة الأصلية كتبت بواسطة fahad1985

الله يعطيكم العافيه على هالتجاوب صدق انكم وحوش على قولة هالمدربين اللي عندنا بالنادي خخخ

راح اسوي جدول بنفسي ونظام غذائي وراح التزم عليه بإذن الله . لكن ابي مشورتكم

الصباح
كوب حليب السعوديه مع 6 ملاعق طعام كبيره من ميغا ماس وساندوتش
حول لحليب المراعي..والميغا لاتاخذه حاليا والافضل لاتاخذه مره الا اذا اشتريته فاستعمله
المفروض تبدا بالتغذيه فقط لكن لامانع من المكملات اذا كنت مصر
6اوز من بودر + 300-400 مل حليب كامل الدسم
وعلى الدوام على طول . وبعد ما ارجع على الساعه 3 العصر
من 6-3عصرا لابد ثلاث وجبات او وجبتين عالاقل حاول تدبر نفسك
او ظبط لك ثلاث سندوتشات من الحجم الكبير
- الاول3 بيضات
- تونه
- 5 شرائج ديك رومي

غداء طبيعي وفواكه وعصير
كل الفواكه اولا وبعد نصف ساعه تغدا
بعد الغداء بنص ساعه بروح للنادي
بساعتين
بجلس على جهاز الاكروباك 8 دقايق تحميه " وتراني ما اعرف وش الطريقه الصحيحه للتحميه "
وبعدها على صاله الحديد
سخن مشي عادي لمدة 5-10دقائق فقط
وبجلس على جميع الأجهزة من 30 وبينها استراحه وعلى وزن خفيف
30 كيلو شوي ثقيله لبرنامج الشامل خاصة وانه متعب شوي..لكن بصفه عامه الوزن يكون دون المتوسط بالنسبه لك ولاتسال احد كم العب الوزن.؟
لان وزنك يخصك قد يكون بالنسبه لك ثقيل لكن بالنسبه له خفيف..
وبعد ما ارجع على المغرب
كاس حليب السعوديه مع الميغا ماس وزيادة صحن تمر
الميغابعد التمرين مع ماء فقط
وقبل ما انام على الساعه 12 -1 كاس حليب ومعه ميغا ماس
تمام
بالاظافه الى ملتي فيتامين لكن ماحصلته اليوم عند GNC ويقول بوفره لك بكره
ماتحتاج ملتي فايتمن وفر فلوسك الميغا فيه كميه جيده من الفايتمينات

هذا اللي اقدر عليه
تشوفون انه كفيل بأن يزيد وزني خلال شهرين الى 3 شهور وبناء عضلات جيدة ولياقه بعد . ؟؟؟؟؟؟؟
3 شهور هذي خطوه من طريق المليون خطوه وموقصدي احبط لكن هذي اللعبه لعبة استمراريه شهر وثلاثه ماتسوي شي يذكر
مانستغني

---

............

واذا انتهيت من الميغاماس4000 وودك تغيرفالافضل تتجه للسيرياس ماس
او السوبربروغيرنفيول وهو الاقوى او البروكمبلكس غينر

ايضا بخصوص الجرعات الثلاث
كل جرعة عباره عن 6اوز والاوز تلقاه مرقم في الشيكر الي تخلط فيه البروتين
قل للموظف فجي ان سي يعطيك شيكر ب15 ريال

وانصحك لاتاخذ من جي ان سي اسعارهم مبالغ فيها
عندك الموردين فقسم البيع مايحتاج الله يوفقهم حاول تطلب منهم لاحقا


موفق باذن الله

صدقني بعد فتره بتنبسط بالالم و تعرف ان الالم هذا معناته انك تسوي شي صح . وعلى ما قالو اخوانا المصريين " مفيش حلاوه من غير نار "

ما اتوقع هالسببين مخليك بتكنسل الاشتراك

حاس انك منت مرتاح للمدرب وحاس انه ماعنده سالفه ,,

اذا كذا غير الفرع واهم شي تكون مرتاح نفسيا ولا ماراح تكمل :)

اخوووي شد حيييلك واتعب ماكو شي بسهوووله انشالله راح يتعدل جسمك بس التزم بالتمرين والتغذيه وبتشوف النتايج بعيونك

اقتباس:

---

الميغابعد التمرين مع ماء فقط

---

بدون حليب ؟ مويه بس !
الله يعين . وعسانا نستسيغه

اقتباس:

---

3 شهور هذي خطوه من طريق المليون خطوه وموقصدي احبط لكن هذي اللعبه لعبة استمراريه شهر وثلاثه ماتسوي شي يذكر

---

انا ابي ارفع وزني من 10 - 20 كيلو .. معقولة صعبه !
انا ان شاء الله بستمر في النادي وماراح انقطع عنه

بس اهم شي تروح هالالام .

ماقصرت وماقصروا الشباب الله يعطيكم العافيه استفدنا منكم وأكيد بيكون لي زيارة للمواضيع المطروحه للاستفاده اكثر