معلومه : ( مو اي منتج يركب عليك انت وحظك ) :)

السلام عليكم ورحمة الله وبركاته

شلونكم يا ابطال

حبيت اقول رايي بموضوع
واللي اهو بعنوان :
( مو اي منتج يركب عليك انت وحظك )
ان اغلب وبعض اللاعبين ..
يقولك هذا المنتج فااااشل جدا جدا وسعره غالي على الفاضي ودعايه خلته ينتشر وشركته كلهاااا فااااشله ..وو...ألخ

انا من رايي العكس والكلام وهذا الراي غلط
اقولكم ليش

ملاحظة : مو القصد اني اشهر بالمنتجات ول اسوي دعايه ولكن للفائده

اخونا مدمن كمال اجسام يعطيه العافيه عطانا رايه بجاك 3دي وانا ادري انا شويه علي اللي قلته:) وعطاك اكثر واكثر وغير اوزانك بالتوفيق للكل انشاءالله
وفي لاعب ثاني يقول جاك3دي مااااسواااالي ول شي ومنتج فاااشل جدا بعد مو بس فاشل
يمكن ياخوي ماركب على جسمك
ننتقل على منتج الهالو انابوليك انا بصراحة فرق معاي واااايد بس لاعب ثاني يقول شركه فاشله وماسوالي شي وسعره غالي على الفااااضي..!!!

انا عن نفسي جربت منتج كريو تست ( محفز تسترون) مع ( انمال بمب) وماعطوووني شي
بس ماقلت شركه فاشله ومنتج غالي على الفاضي مع العلم سعر الكيرو تست غالي!!
على طول قلت ياخوان ماركب علي.. وصاحبي يم بيتنا :)خذاهم وعطاااا بشكل ملحوظ جدا
و وايد شغلات جربتها يا تركب على جسمي او لا
ف لازم الاعب يشوف محتويات المنتج الرئيسية اذا ركبت ول لا
واذا ركبت على جسمه والحمدالله يدور ويمشي على المحتويات بمنتج غيره
ونفس المحتويات الرئيسيه

مثلا شركة مسل تك واييد سمعت مو زينه وفاشله بس ما انكر انها غاااليه
بس جربت الهالو انابوليك وغيرني وعطاني بشكل ملحوظ جدا لان ركب علي وبصراحة اقيمه 10/10وطعمه حلو بعد:)

وهذي معلومه حبيت اوصلها لكم لا اكثر ولا اقل:)واللي بعض اللاعبين مايعرفونه
والانسان كل يوم يتعلم شي
وان الصعود للقمة يبدا يخطوه:)
وبالتوفييييق للكل يا ابطال وانشالله جميع المنتجات راااكبه عليكم:wink2:

يعطيك العافيه ع الموضوع الرائع

بالفعل مو اي منتج يضبط مع جسم الانسان

تقبل مودتي

وعليكم السلام
فعلا يا بطل كلامك 100%
لكن المشكله في بعض المنتجات شغلها ما يبدا معك من اول علبه ......
موفق يا بطل

كلام عقّال وسليم 100%

الف شكر يا بطل

مــشكور عــلى طــرحــكـ ... وكــل آآللــي قــلته مــآآعــليه آآي كـلآآم
وآآنــآآ وآآحــد مــن آآلــنآآس آآللـــي جــربــت جــآآكــ3دي ولآآفــآآدنـــي بشــي
آآتــوقــع آآن آآلــوآآحــد يــجرب دآآم مــيزآآنيـه تــسمـح هههــآآي

تبغى رأيي؟ اخ بحرالسنافي

هذه كذبه كبيره!! صحيح في شركات جديده غير معروفه وفي منتجات جديده من هذه الشركات.... ومع هذا منتجاتهم تعمل 100% وعندي مثال http://musclewarfare.com/ جربت منتجاتهم وبصراحه شغاله 100% لكني بعد فتره خوفت من الشركه بحكم ارتباطها بشركه آخرى وايضا لانه يوجود منتجات أفضل من منتجاتهم تؤدي نفس الغرض.....

اعطيك مثال: اي منتج من منتجات الارجينين:
لو استعملت المنتج لأوله مره راح تحس بضخ الدم في العروق، تمام؟ ومع الايام وشهر على شهر ماراح تحس بضخ الدم مثل اول مره ومع هذا يظل المنتج يؤدي عمله.....

الكذبه هذه بصراحه حلوه للموزعين ;) عشان يغطي على نفسه ويبعد الشك

وفي نقطه آخرى وهي سوء فهم بعض اللاعبين لبعض المكملات مثلا يجيك واحد مبتدئ ويقووول لك: أنـــــــــت تأخــــــذ بروتين :bigeyes:!!!! حسسك كأنك أخذ هرمونات :silly:

العفو ياشباب ماسوينا شي:)

ذا روك : عدل كلامك 200% مو من اول علبه ...بصراحة الهالو وصلت لي النص قلت ماسوا شي وتنرفزت وصلت تحت النص بشوي حسيت بتغير وصلت تحت حسيت بتغير اكثر واكثر قرب النهايه ماشاءالله تغير وايييد الحمدالله

منتدى : اممماااااا الميزانيه مخربطه الشغللللل فوووووق تحت قلبت المواجع ههههههههههههه :)

ابومجدع : هههههههههههههههههههههههههههههههههههههههههههههههههههههههههههههههههههههههههههههههههه ضحكتني على سالفت المبتدئ ( بيني وبينك مو المبتدئين بس الكبار بأي مكان ) اووواووو ياخذ بروتين هههههههههه

وبالتوفيق يا ابطال
وزيييدو زيييدو بالاوزان:) عوز ابطال :)

حــلوهـ مـنتــدى لــو خــليتــهآآ مــندي تــهون شـــوي ..... كــبرتنـــي وخــليتــني مــنتـدى هههههــــآآآآي بــس مــآآحــددت وش آآلــقســـم

يعطيك العافيه اخوي على الموضوع

بس انا اختلف معاك انا مو مقتنع ان المنتج اذا فشل بسبب ان جسمي ماتقبله
لو كان هذا صحيح كان وجدنا بعلبة المنتج مذكور هالشي

هذي مكملات غذائيه مالها شغل الجسم يتقبلها ولا لايتقبلها هذا اذا كانت فعلا مكملات غذائيه
مثل ماذكرنا كثيرا انها مجرد مكملات وليست اساس

ربما بعض الاخوة يعتمد عليها ويهمل الاكل الصحي ولا يعترف في ذالك فقط يقول منتج فاشل

انا وجهت نظري ان المنتج جيد ولكن الفرق ان بعض الاشخاص تبدأ النتائج سريعا عكس الاخرين

مثال هناك اشخاص جسمهم يحرق السعرات الحراريه اكثر من غيره

المكمل يتقبله الجسم مثله مثل غيره فقط الفرق في سرعة النتائج

وايضا هناك بعض الاخوة يخترع طريقة لأخذ الجرعات عكس ماهو مكتوب بالمنتج لسنا افهم من الشركة المصنعه

مثال على ذالك بعض منتجات الامينو تجد مكتوب طريقة استعمال قبل كل وجبه بساعه وقبل التمرين بساعه
تجد الشباب ياخذونه فقط قبل وبعد التمرين

هذي وجهت نظري

تحياتي للجميع

كلام كبير من شخص كبير

الله يعطيك العافيه على الموضوع المميز

وبارك الله فيك ,,

الف شكر لك اخوي

شكرا لك موضوع ممتاز للنقاش ..

والله انا ارجعها لعوامل عديده
اول شي مثل ماتفضلتو تقبل الجسم وانا عندي دليل مره من المرات اشتريت انا وصديق لي منتج نانو 9× علما اننا اشتريناه من نفس المصدر ونفس الوقت لكن انا ماحسيت بنتيجية الي قالو عليها وماعطاني شغل اما صديقى يقول عكس كلامي ويقول انه شغال معاة ومنتج رائع .
اما النقطة الثانية بخوص بعض المكملات ماتكفي علبة وحداة علشان تظهر النتايج لازم علتين مثل الأنمال ستاك والإم ستاك وبعض المحفزات لازم تاخذ وقت وكذلك الجلوتامين .
وايضا النقطة الثالثة الي هي مقدار الجرعة .
والنقطة الرابعة ان اغلب الناس تعتمد على المكملات اعتماد كلي وللأسف يهمل التغذية الطبيعية يعني يعكس الصورة يخلي المكملات هي الاساس والغذاء هو المكملات وهذا المفهوم خاطيء .
ايضا النقطة الإخيرة الزمن المناسب لتناول المكملات مثل منتاجت الطاقة هي لازم تكون قبل التمرين بـ 30 - 40 دقيقة وانا استغرب من ناس عندنا بالصالة يشربها وهو يتمرن وهذا شي خاطي لانها لازم تكون قبل التمين حتى الجسم يمتصها.
زفي النهاية هي اسمها مكملات Supplement يعنى لازم تهتم بتغذيتك الطبيعية وساعات النوم ماتقل عن 8 ساعات ليل وكذلك الأهتمام في التمارين .

موضوع رائع .تسلم

انا اعارضك اخوي المنتجات تمشى مع جميع الاجسام بس العيب في بعض الاخوان ماعندهم صبر على باله المنتجات مثل السحر او مثل الهرمونات تعطيج وتغير من جسمك بيوم وليله يبيلك تلعب صح وتستمر على المكمل اللي تستعمله وتتمرن مثل الوحوش .
ونكرر ونقول لعب كمال الاجسام لعبه يبيلها صبر واكل مفتوووح وراحه

وشكرا للكل

مافي بضاعه الافيها الطيب والبطال ولابد من وجود مكملات عديمة الفائده
لكن اذا كان هنآك شخص لم يناسبه مكمل معين ربما يكون مضروب وربما يكون جسمه لايتقبل هذا المكمل
انا استخدمت سيرياس ماس ولم يطلع بفائده معي وهذا لايعني ان المنتج مضروب والسيرياس مشهور للتضخيم لكن لم يناسبني
والان استخدمت بروكمبليكس جينر وماشي معاي زي الحلاوه وخلال اسبوع فقـط زدت 3 كيلو ولله الحمد
وفي النهاية المكمل لايعمل شي بدون تمرين صحيح وتغذيه سليمه وراحه كافيه

شاااكر لكم جميعا

وكلامك ياخوي الامبراطور: من اول لي اخر صحيح

واخوي سبورت مان : انا معاك بس في لاعبين مكفي و موفي ياخذه المنتج ويلعب عدل ونام عدل وياااااااكل عدل ويتمرن عدل ويحس بتغير 10 او 20 % ويقولك المنتج فااااااااااااااااشل و و و..ألخ شدعوه :)
وصح كلامك على الجرعات في نفس تألف جرعات :)
وهذا انت قلتها بنفسك في لاعبين مايحرق بسرعه وتطول العمليه بنتائج
وانا اقولك في لاعبين مو بس اطول النتائج الااااا ماتطلع النتائج كلللش وجسمه مو راضي يتقبل المنتج

ويعيطكك العافيه جميعاااا
وهذي وجهة نظري:)
وبالتوفيق للكل ياوحووووش:)

بالفعل احياناً المنتجات ما تمشي معانا .. مع العلم ان سعرها عالي كثير وما منها فايدة ..

انا عن نفسي الحين أستعمل بروتين سعره رخيص من أرخص البروتينات الي اشتريتها .. وان شاء الله تمشي معاي

وإذا مشي تمام نبقى عليه شهرين ونغير .. وبالتوفيق للجميع

كلام الاخ سبورت مان عجبني ...... اهم اشي التغذية الصحية الى جانب المكلات .... ويختلف تقبل الجسم للمكمل من شخص لاخر ..... ويوجد اشخاص يظهر عليهم التغير بسرعة ( سبحان الله جيناته ممتازة ) ..... وبعض الاشخاص عمليات الايض عندهم عالية يعني حسمو ما يخزن دهن كثير ........ خلاصة الكلام : لازم اكثر من علبة عشان يظهر معك نتيجة ......... تغير المنتج بعد كل فترة

اني اختلف معك في كثير من الجوانب

اولا انك خلطت جميع المكملات و هذا خطاء بحد ذاته

المكملات نوعان نوع اساسي مثل البروتيننات و الاحماض الامينية و الفيتامينات و غيرها و هذه لا علاقة لها بالجسم و تقبلها بل لها علاقة بالتركيز و نسب المواد الموجودة فيها و لا خلاف عليها

الا في حالات معينة مثل انتهاء الصلاحية او الغش الصناعي او سوء التخزين و غيرها من الامور


اما النوع الثاني فهي المكملات التي تستخدم لفترات معينة مثل المحفزات و منتجات البور و حوارق الدهون فهنا الموضوع عميق و كبير و يحتاج الى صفحات كبيرة للشرح


و لكن بصورة عامة الاعب الذي له خبرة يعرف ماذا يشتري و متى يشتري و كيف يستعمل المكمل و يعرف كيف يتغذى و كيف يتمرن و الخ
فلا خوف عليه من اي مكمل لانه سوف يستفاد منه

و على العموم لتجنب الوقوع في شك يفضل الشراء من الشركات المعروفة بتاريخها و امانتها و ليس بدعاياتها و اعلاناتها

تحياتي