كيف تفرق بين البروتين الأصلي من البروتين المضروب !!! (نقاش هام )

سلام يا ابطال

الموضوع بجد مهم لنا كلنا سواء المبدتئين او حتى المحترفين على المدى الطويل والقصير .

كثرت الأجتهادات الشخصية من البعض ( لاحظو اني قولت البعض مو المحلات لأنو بحكم الدوله الي انا فيها مافيها محلات تبيع بروتين او شبه ممنوع )

انهم يبيعو المكلامات الغذايه للرياضين بشكل شخصي , يعني مثلا واحد فاتح غرفه في نادي معبايا بروتين واشياء تانيه يبعها لكن الشهاده لله انو في بعضها يجي كويس وجوده حلوه وبعضها يجي (( مضروبة )) .

عن معرفه شخصية جاني خبر انو في واحد اشترا بروتينات وغيرها بسعر حلو جدا لكن للأسف طلعت مضروبه مع الأخذ في عين الأعتبار انو تاريخ الأنتهاء كان جــــــــــــديد .

فا من باب الفايده يا جماعه ياريت من الخبراء يقولنا كيف نفرق بين البروتين االجديد المفيد عن البروتين السيء المضروب ؟؟؟

طبعا كتير حيقولو كيف مضروب وهوا بجي مقفل وسيلد من الشركه الأم ... والخ

فا حقولهم انو ممكن طريقه تخزين البائع تكون سيءه , يعني من جد يكون صادق ويجب شحنات من بره وتكون نضيفه ويخزنها في مكان كله رطوبه ودرجه حراره ماهي مناسبه لأنو البروتين على وجه التحديد يحتوي على مصل الحليب ودا زي ماهو مهم فا هوا خطير لو ما اتخزن كويس وفي درجه بروده كويسه .

مثال : انا عن نفسي اشتريت 100 % whey protein gold standard جبتو من (ص) طبعا العلبه جديدة تلمع لكن لما فكيتها لقيت انو البودره فيها زي كور متيبسة . طبعا صعب اعرف من الطعم فا رجعت له قالي لا عادي هوا يجي كده من الشركه ولا رضي يرجعلي ال 9 علب الي اشتريتها طبعا نفسي قفلت انو حتى افتح الباقي . ولو جينا نقارن انو جبت نفس المنتج لكن من دبي لكن البورده الي جوا بمعنى كلمه بورده وماكان فيها شقف ( يعني قطع قطع زي المضروب ) .

الموضوع دا طرحتو من باب الفايده للكل . لكن لو في احد عندو نصيحه او وجه نظر ياريت يقولها .

ولكم مني كل تقدير ...


شكرا

ايوالله تكفون وش الطريقة


لان فيه مدربنا بالجيم قال انا اجيبلك وصراحة حاس بزي الخوف مادري هل هو منتشر انواع مغشوشه تكفون طمنونا هو يقول انا استخدمه نفسه ويقول كل الي هنا ياخذون مني
وخايف يعني فما رايكم تكفون وهو اسعاره نفس الاسعار الي هنا تقريبا بس اغلى بفرق 20 ريال

وش رايكم ياجماعه

على فكرة بكم باعلك الواي بروتين؟؟؟
ترى سؤال يفيد الموضوع....

طلع مضروب ارجع وذبه في وجهه !!! انت شاريه منت ماخذ ببلاش ولا سارقه!!

طيب شلوون اعرفه يعني هذا مضروب وهذا لا ؟

اقتباس:

---

المشاركة الأصلية كتبت بواسطة بردان1

ايوالله تكفون وش الطريقة


لان فيه مدربنا بالجيم قال انا اجيبلك وصراحة حاس بزي الخوف مادري هل هو منتشر انواع مغشوشه تكفون طمنونا هو يقول انا استخدمه نفسه ويقول كل الي هنا ياخذون مني
وخايف يعني فما رايكم تكفون وهو اسعاره نفس الاسعار الي هنا تقريبا بس اغلى بفرق 20 ريال

وش رايكم ياجماعه

---

أخوي الأسعار لا تحطه مقياس لجودة المكمل أبدا
لكن عندك هنا شباب يبيعون شي مضمون بإذن الله و أنا عن نفسي شريت من الاخ ذا روك و كنت بشري من عنده مرة ثانية بس ما حصلت اللي أبي عنده (بروكومبلكس - شوكلاته) فشريت من برا مكمل اسمه ميوفوجن

لكن لو أنت حريص جدا اشر من أمريكا ارخص و ريح راسك من سالفة مضروب أو مخزن تخزين سيء

شباب انا من الامارات امارة راس الخيمه اشتريت واي بروتين بودره مافيها اي شي متكور ولا زي كدا

وسعر الكيلو عندنا 140 درهم

وافضل طريقه كيف تعرف البودره المخزنه بكريقه سيئه انها تتكور لني قبل مسوي تجربه

يبت بروكومبلكس من عند ربيعي فيه الين الربع وشوي قلت اخزنه واشوف الفرق عسب اعرف المظروب

النتيجه قبل بودره واوكي مره وبعد ماخزنته في ظروف سيئه فتحت العلبه وشوف البودره الي فوق تكورة ااما الطعم نفسه بس صدقوني الفايده ما تكون نفسها

ونفس الشي مع الهورلكس خديته من الدكان كان اوكي خزنته في ظروف عاديه شمس تظربه برع فوق الكبت

وللفايده الظرف الي حطيت فيها البروكومبلكس هي برع الشمس تظربه وبعدين شوي في الكبت ويومين في صندوق هكدا

واتمنى اني افدتكم وشكرااااا........................................

والله يا غالي باعني هوا ب 200 ريال سعودي ( العلبة الكبيرة 5 باوند ) .

لكن صراحه انا شغال اسوي بحث بطريقتي عن جودة البروتين ومنجد لازم الواحد يشوف حل .

والله يا the rock انو ما رضي وال 9 علب اهي قدامي ولا ابغا افتح ولا وحده منها والأن شغال بروتين من اخر علبه جبتها معايا من باب الأحتياط لما سافرت دبي وشايل هم لما تخلص , فا شكلي حطلب من النت واخاطر انو يمكن الجمارك تاخدها او لا .

وعلى فكره عرفت واحد برضوا في النادي معايا يبيع بروتين طلع الأخ برضوااااااااا ياخدو منو (ص ) ويبيع للناس 10 ريال زياده يعني يبيعو ب 210 ويقولك جي من اوربا ...

ههههههههههههههه والله من جد كمال الأجسام مهضوم حقو عندنا ...


شاكر لكم مشاركتكم :)

طيب انا بشتري من المدرب بـ 250

يعني لو كان مثلا مضروب طيب مضروب يعني وش ؟ يعني به سم لاسمح الله ؟ او انه يضرر ضرر بالانسان ولا شالحكاية ووش المخاطر ؟

^^^^^^^^^^
يعني تخزين سيء يا بطل هذي هي السالفه .....

اقتباس:

---

المشاركة الأصلية كتبت بواسطة ماجد666

والله يا غالي باعني هوا ب 200 ريال سعودي ( العلبة الكبيرة 5 باوند ) .

لكن صراحه انا شغال اسوي بحث بطريقتي عن جودة البروتين ومنجد لازم الواحد يشوف حل .

والله يا the rock انو ما رضي وال 9 علب اهي قدامي ولا ابغا افتح ولا وحده منها والأن شغال بروتين من اخر علبه جبتها معايا من باب الأحتياط لما سافرت دبي وشايل هم لما تخلص , فا شكلي حطلب من النت واخاطر انو يمكن الجمارك تاخدها او لا .

وعلى فكره عرفت واحد برضوا في النادي معايا يبيع بروتين طلع الأخ برضوااااااااا ياخدو منو (ص ) ويبيع للناس 10 ريال زياده يعني يبيعو ب 210 ويقولك جي من اوربا ...

ههههههههههههههه والله من جد كمال الأجسام مهضوم حقو عندنا ...


شاكر لكم مشاركتكم :)

---

مشكله والله وانت ما عندك علبه ولا علبتين عندك 9 !! لو انك ماخذ علبه تجربه كان افضل

يعني القصة كلها قصة تخزين !!

لا ان شاءلله هو بهالنقطة تكلملي عنه وقال بخزنهم ع المضبوط ومادري كيف
انا راح فكري انه فيه ناس تغش البضاعه يعني تنصف العلبة وتكملها ببودره وهمية او اي شي زي كذا يعني

مشكورين وماقصرتو والله

^^^^^^^^
يا بطل يحتمل لكن اهم شي التغليفه الخارجيه حقت الغطا تكون تغليفة الشركه وليش شطرطون ملفوف !!!!
والتخزين تعرف انه سيء اذا كان متكتل او متحجر البودره الي جوا نتيجه التعرض للحراراه والبروده

من متى اخذت البروتين من عنده يا ماجد؟؟؟

انا سمعت من بعض الاخوة انه البروتين الاصلي يختلط بالماء بشكل اسرع عكس المغشوش

والابتيموم وي وبروتين من خلال تجربتي له يختلط بالماء من غير خلطه او تحريكه (يمكن تحريكه بسيطه) ... اصب الماي على البروتين وبعد دقيقة او دقيقتين اشوف انه البروتين مختلط معا الماء

بالتوفيق

1 رحال :

والله يا غالي اشتريتو الجمعة الي فاتت يعني قبل 4 ايام .

the rock :

بازبط ودا هوا قصدي من طرحي للموضوع يا غالي انو المشكله الكبرى تكمن في التخزين السيء ( الي يكون مكان رطب او مكتوم او معرض للشمس او درجه حراره عاليه نسيبا )
وتجي العلبه سيلد وعلى قولهم مربشمه وعليها الشريط الأسود وكل شي كويس , لكن اللهم من جوه اش دراك عنو ماتدري والمشكله لو فيكتو وجيت ترجعوا هيا ساعتها تدخل في شد كلام معاه ولا يرضى يرجعوا .لكن الله حرجعوا اليوم قبل بكره .
انا اخدت 10 علب يا اخي العزيز عشان النكه الي جابها كانت نادره وطعمها جيد ودايما تخلص بسرعه . فا اخدت منو قبل سنه تقريبا علبه وحده وكانت جيده من برة ومن جوه البورده كانت من جد بورده. لكن خير انشالله !!!

شباب من شده اهتمامي صراحه جبت من صديق ليا قبل ساعه علبيتن يستخدمها هوا استخدام شخصي ( من امريكا مباشره جابها ) , وجبت الي بستخدمو انا شخصيا من دبي . وجبت العلب الي اخدتها من ((( ص ))) وفكيتها وفكيت علبه تااااااانية ورصيتهم جنب بعض .

الي من دبي ومن امريكا طبعا ماخوذه من اماكان معروفه وكويسة عالميا
الي من الأخ ((( ص ))) طبعا ماعرف فين كانت مخزنة لكن الي متأكد منو انو في مستودع او هنجر ..... لاحظت التالي :

1- الي من الأخ ((( ص ))) في العلبتين نفس الشكل من جوه التكوير في البورده والشقف الي شبه قطع الزبيب واااااضحة زي عين الشمس . وعلى فكره التغليف الي من بره ماهو ستريت يعني تحسو كده مجعلك او كانو تعرض لحراره او تخزين سيء .

2- بالمقارنه مع الي من دبي وامريكا العكس تماما , البودرة نضيفه وعاديه جدا . التغليف الي بره من جد يختلف ومشدود وستريت كانو دوبو طالع من المصنع.


أتمنى اني افدكم والشباب ماقصروا ... والله يعطي الجميع الصحة والعافية

نفسي اعرف مين ال ( ص ) اللي تتكلم عنه ؟؟؟؟؟

ما احبذ اجيب اسماء ناس بعين ذاتها في موضوعي لكن للي من اهل جده حيعرفوا .. ومن جيه اخرى الشخص دا يبيع اشياء تانيه ممتازة والشهاده لله امدحو فيها جدا جدا وما يقصر في السعر

انا فقط موضوعي مختص على منتجات ( البروتيـــــــــــــن ) , الي عندو لأنو يجب منها كميات كبيرة جدا لكن حسب الي لاحظتو شخصيا وعلى حسب ما عملت

بحث مصغر اتضطح انو المشكله في التخزين حقها ودي اكبر مشكله في البروتين لأنو سبق وزي ماقولت

انو البروتين ( يحتوي على مصل الحليب ) . لكن اعيد واكرر انو الأشياء التانيه مثل الحوارق ودوافع الطاقه و ..........الخ كلها كويسة لأنو ما تتأثر داك الشي بالتخزين على عكس البروتين زي ( ناتيرو تك - الوي بورتين )

خلاصة القول يا جماعة ... انو لما تشتروا بروتين طبعا الشي المتعارف عليه انو نتأكد من تاريخ الصلاحية , لكن انا اضيف نقطتين الي هيا :

1-الحاله الخارجية : تأكد انو العلبه بحاله جيدة يعني تدل على جوده التخزين مو تلاقي الأستكر حالتو حاله ومجلعك وفيها تضاريس لأنو العلامات هادي تدل على تواجدوا في رطوبه عاليه وحرارة وتخزين اي كلام .

2- الحاله الداخليه : تأكد انو تكون بودرة ناعمه بدون اي كرات متسيبه ( زي المضير او الأقط الي ناخدو من حليب الغنم) .

غير كده انشالله الأمور كلها تكون تمام وبالعافيه ( كاني بوصف طبيخ خخخخ )

الشكر الجزيل لكل من شارك ... وارجوا الفايده لكل من شاهد

والله انت وحضك تاخذ مضروب او اصلي..

الحل انك تستورد بنفسك من الشركة او من موقع بدي بلدنغ..

او انك تشتري من موردين يستوردون لك ويضمنها ويخزنها تخزين جيد..

انا تعاملت مع كم واحد واخرهم الكابتن احمد (ذا روك) والحمدلله منتجاته مضمونه والنتائج راح تجي ان شاء الله

الحمدلله رجعت له العلب كلها بعد نقاش طويل

اقتباس:

---

المشاركة الأصلية كتبت بواسطة ماجد666

الحمدلله رجعت له العلب كلها بعد نقاش طويل

---

ممتاز والله فرحتني يعني الكمية ماهي سهله ولا سعرها سهل بصراحه كمية تكفي اكثر من 6 شهور ونصيحه لاعاد تستعجل وتشتري كميات كبيرة ما هي طايرة الدنيا يعني حاجتك علبتين خذ ثلاثه بس مش 9 وتتلبس فيها

عندك هنا

الهاشمي (أيمن)

والكابتن احمد

مضمونين وعلى مسوليتي

ولاتروح لــ ض من الناس او ج


موفق

بس صراحة اسعاره تنافسية يعني انقص ثلاثين ريال تقريبا عن الاسعار هنا

اخويا ماجد طيب كيف اعرف لو كان مخزن بشكل سيء او لا ؟ واش نوع البروتين الي اخدتو لأنو عندو

7 انواع ترا وشركات غير !!!

مع انو اعرف البني ادم الي بتتكلم عنو في نهاية طريق المدينة صح خخخخخخخخخخ:09:


وياريت تجاوبني بسرعة ونصحتي لا تاخد من بره جدة اي منتج رياضي ...


شكرا

يا اخ ساري راجع الموضوع حتعرف كيف لو مكان مخزن بشكل سيء او لآ .

انا اخدت 100% WHEY GOLD STANDARD لكن المشكله ليست في البايع المشكله في التخزين واظن بعد النقاش الحاد الي حصل معاه صار ينتبه للنقطه هادي لأنو جاني خبر
انو جاب دفعات جديدة هائله من البروتين من النوع دا .

طيب ياريت عدم التوضيح أكثر من كده لأنو النقاش عام وليس للتجريح الشخصي ؟


بالنسبه للشراء من خارج المدينة ياريت توضح اكثر والكل يستفيد.


شكرا

مش بطال انك تطلب لي نفسك كمية مناسبة من المكملات من المواقع الي تبيع عن طريق النت زي موقع بدي بلدنق او موقع امازون وتوصلك وانتى واثق من جودة المنتج وبالك مرتاح وادعس يابطل وخلي العضلات تلعب كمان

حبيبي جولد انا ماقولت بطال لكن ما انصح ولكم الأسباب ::)

انا بتكلم عن مدينة جـــــــــــدة ونصحتي هاذي لسكانها فقط !!!

طلبت من واحد معروف عنو او يبيع المنتجات الرياضية في مدينة الرياض قبل شهر وكان ذوق الصراحه في التعامل لكن ذي مش النقطه الي ودنا نحكي فيها .:blackeye:

فا طلبت من حضرتوا كم منتج والسعر صراحه كان اغلى ب شويه صغيرة من صاحبنا الي نشتري منو في جدة ( أ ب ت هههههههههه معايا في الخط يا صاحب الموضوع ) . فا ماودي اتكلم في البايع الي من الرياض من عدم دقه وعدم احترافيه بيع وخلافو لأنو النقطه الي تهمني اوصلها لكم هيا

أنو التوصيل كان عن طريق شركه اسمها (((( زاجـــــــــــــل )))) لما قالي انو حيرسلها عن طريق الشركه دي جا في خاطري انو تكون تابعه للبريد يعني شركه محترمه ( المعذرة للتعبير لكن حعبر براحتي من شده الي شفتو ) . المهم ارسلي هيا بعد 3 ايام من تحويل الملبغ ماقصر لأنو يتعال مع بنك اجنبي.

ولما سألت عن محل الشركه فا جاتني الطامه الكبرى .............. موقع شركه زاجل في أخر الدنيا في اقصى الجنوب جنب شارع غلـــــــــــيل في اسوأ مناطق مدنية جدة والله العظيم يا شباب سيارتي 2011 جديدة شارها بملبغ وقدرو اني اكلت حفر ومطبات الين قولت أمين وسألت اكتر من 7 مرات عشان اوصل :12:

للمكان الي طلع عباره عن حــــــــــــــوش في وسطو مكتب يسلمك البضاعه والأخلاق هناك فووووووق في العالي من الموظفين ويلا يعطيك الأيصال واسرح في الحوش دور على كرتونك ( البضاعه جاتني من البايع في كرتون أندومي مكتوب عليا اسمي بالخط العريض ) أخدت الباضعه ونا

دمي يغلي:12: . فا يا سكان مدينة جده الحذر الحذر من طلب من مكان برة جدة اما عن باقي المدن انا ماعندي خلفيه صراحه .
:bigeyes:
اشتروا من الي صاحبنا ( ا ب ت ) اضمن واقرب وارخص وانضف لكم .

لو حتسألو طيب لو انا كنت من سكان اهل جدة ليه طبيت منو حقولكم .. لأني وجدت انو عند الأخ حق الرياض نكهات أكثر وصاحب الموضوع خوفني منو شويه وما حبيت أنتظر الى حق جده يجيب منها . وياريتني انتظرت ولا شفت الي شفتو ..


اللهم قد بلغت اللهم فشهد انو كل كلمه قولتها كانت صحيحة ولا ليست للتجريح

المعذرة يا صاحب الموضوع لأني خرجت عنو شوي صغيره.:biggthump

ياساري ياحلو انا مااقول راح لي شركة فاشلة زي زاجل لكن راح لي شركة معروفة زي فيدكس او ارامكس او دي اتش ال يعني فيه خيارات وشي مضمون ومعروف كمان وبي التوفيق

الموضوع بسيط طال عمرك دامك تثق بمكملات الأخ من الرياض مثلا خليه يرسلك هي على فيدكس او ارامكس مع مو ذاك التعامل المحترم اللي تطمح اليه وخلي التكلفه عليك واشتري راحتك وراحة سيارتك ب125 ريال للشحن انا هذا رأي في حال انك ثتق بمورد معين بالرياض
انا اتعامل مع شخص بالرياض وانا اللي اعرفه يشحن الكراتين مكتوب عليها بدي بلدنج والكل يشهدله بالأمانه والصدق وانا منهم بس بصراحه ما ادري وش وضع الشحن خارج الرياض بس ما اشوف الاالشباب تشكر منه في موضوعه ولا قد مرة احد اشتكى منه او ذم فيه عبكل الموضوع اللي حاطه مع انت عارف لو احد تضرر من مكمل غير جيد ما هيمتنع من التشهير فيه على صفحته ولن يملك صاحب الموضوع امكانية حذف المشاركة اذاف الى ذلك الادارة تتجاوب فورا مع اي شكوى ضد اي احد ويتم التعامل معها فورا

الظاهر انو الأخ ساري حب يوضح انو الشحن من الرياض او اي منطقه اخري الى المدينة الي هوا فيها (( جدة )) صعب لا اكثر ولا اقل .

واقتبس من كلام الأخوان واقول صحيح يا ساري ليه ما خليتو يرسل لك عن طريق الشركات الأخري العالميه المعروفه بدال الشركه الي ذكرتها وذميت فيها .. او كنت صبرت واشتريت من الي في مدينتك الي انتا فيه وريحت نفسك .

على كل حال المعلومه وصلت وشكرا للنصيحه مع العلم انو خرجت عن طاري الموضوع الأساسي الا وهوا ( جودة البروتين )

كويس رجعلك هوا ياماجد ...

وياساري هرجتك مع زاااجل ومعروفة ما تنفع لنقل المكملات والاشياء الثمينة ,, تعامل مع فدكس افضل
وخليك ع صاحبنا ارجل حتى ولو النكهة غير متوفرة بالرغم من انو ما يقصر يجيب نكهات طيبة

مودتي

ايوه كويس يا توتو انو رجعلي هوا ورد عليا واتفاهمت معاه :)

ساري
صراحه موضوعك عن زاجل فاد كثير من الشباب عن معرفه شخصية وماقصرت .




شكرا لكل من شارك وارجوا الفايدة لكل من شاهد

اخي العزيز ترا الي اشتريت منه الي اسمه ( ص ) معرووف ان بعض منتجاته غير مضمونه لاحضظ انا قلت بعض وليس كل
لاني اشتريت من عنده وطلعت تمام ا
ونا اعرف ناس اخدوا من عنده وطلعت مضروبه
عشان كذا خذ من اخواننا في المنتدى ترا مضمون ومجربين
ويرسلك الفاتوره انها جايه من امريكا اذا تبي تتأكد
بالتوفيق لك وللجميع ..

الله يديك العافية ياماجد ع الموضوع اللي فاد الجميع

يغلق الموضوع