السلام عليكم
القانون يمشي على المواطنين البسطاء , اما احنا عيال بطنها حبيبي القانون مايمشي علينا واننا فوق القانون
بقولك شي حطه في بالك , مستحيل بل من سابع المستحيلات ان يخطأ البنك في حسابات العملاء , ويضع مبلغ من حساب الى حساب بالخطأ
مثلا لو انت عندك مليار وفجأه اتصلت بالبنك وشفت عندك 750 مليون بس , شنو راح تسوي ؟ راح يقولولك البنك احنا غلطنا ودخلنا 250 مليون في حساب ابو راشد بالغلط وان شاء الله بعد اسبوع نرجع كل شي مكانه
انت ثاني يوم يا يوشي راح تسحب فلوسك من البنك اللي يقعد يوزع فلوسك عدل او لأ ؟
ولكن اقولها لك هذا من المستحيلات لأن اموال العملاء في البنوك عباره عن ارقام داخل اجهزه الكمبيوتر , اما المبلغ الحقيقي او الاموال الكاش فهي في بنوك خارجيه مثل البنوك السويسريه و الامريكيه وغيرهم للمتاجره او الودائع الطويله الاجل
عشان البنك يستفيد من اموالك بعد , فلو تروح لاي فرع من فروع البنوك وتقوله اسحبلي مليون , راح يقولك انطرنا يومين نطلع المبلغ , مستحيل يعطونك المبلغ كاش لان كل فرع له ميزانيه يمكن مليون دينار , وهي مخصصه للرواتب والقروض 10 الاف واقل
لذلك تجد انك تستطيع ان تسحب من البنك مبلغ 1000 دينار يوميا فقط , ولا اعلم كم في السعوديه
هذي المقدمه عشان اوضحلك الصوره الصحيحه لغسيل الاموال و السحب من المبلغ المودع ان كنت تريد ان تكون مواطن شرير
اولا المبلغ المودع في حسابك ولو فرضنا انه مبلغ 10 مليون , اذا رحت البنك وقلت ابي اسحب المبلغ كامل , الموظف راح ياخذ بطاقتك ويشوف حسابك ويشوف المبلغ الكبير مع ان الشهر السابق كان حسابك فيه 12 ريال بس و مناشبهم لانهم خاصمين 3 ريالات
راح يشك الموظف ويستدعي المدير وراح يقولك المدير تعال بعد يومين على ما نجهز المبلغ , والحقيقه انهم يستفسرون عن المبلغ , ثم يكتشفون ان المبلغ دخل عن طريق وسيط في البنك اما ان يكون رئيس مجلس الاداره او احد الاعضاء
والمبلغ كان مصدره من كوريا الشماليه او روسيا او ايطاليا , وبعدها سوف يتم سحب المبلغ من رصيدك وتحويله لجهه غير معلومه
تقولهم فلوسي ياجماعه راح يقولولك استريح , لو ترفع قضيه ويكون معك وصل بالمبلغ راح تفتح عليهم باب كبير ويمكن توصل المسأله الى اعطائك مبلغ لكي تسكت عن المطالبه
لاتقول ماتحصل شي , او محد راح يهتم او ان يقدرون يقولون غلط , لا يااخي المحكمه لديها خبراء وانا شخصيا انتدبت المحكمه خبير لكشف عن حساباتي كلها وفعلا طلعلي اشياء ماكنت اعتقد احد يكتشفها , لأن الخبراء عندهم صلاحيه بقوه القانون يدخلون اي مكان داخل الكويت ان كانت حسابات سريه او غيرها
وبعد ماتنتدب المحكمه خبراء راح يتأكدون ان مبلغ 10 ملايين كانت في حسابك , من حساب مجهول و انتقلت الى حساب مجهول اخر وانت كنت الوسيط , البنك يضعها في حساب احد العملاء ليبعدوا الشببه عنهم و يرمونها على مواطن فقير
هنا اما ان يدفع لك البنك مبلغ وقدره لسحب الدعوى واما ان تفضحهم ويمكن المحكمه ترجعلك جزء من المبلغ ان كانت مجهول المصدر , ويعطونك 20% يعني تطلع بمليونين منه والباقي لخزينه الدوله
اما الطريقه الثانيه وهي التعامل بالارقام , فأن ذهب الى البنك سوف يفعلون مايفعلون بالكلام اللي قلته فوق , ولكن تتعامل بالارقام , ولو فرضنا ان المبلغ استقر في حسابك مده اسبوع , فتستطيع ان تسحب من اجهزه السحب الآلي مبلغ 1000 دينار يوميا ويكون المجموع 7 الى 8 الاف فقط
ولكن تفعل كما يفعل تجار غسيل الاموال , وهي ان تذهب الى شركات الذهب ومعك امك وتشتري لها جميع الذهب في المحل , وتذهب الى محلات المجوهرات وتشتري بأسم امك سبائك الذهب ان كانت متوفره , و الالماس وغيرها من الاحجار الكريمه
وتأخذ احد اصدقائك وتذهب الى وكاله نيسان وتشتري 1000 ددسن و توزعهم على معارفك , وتروح فراري وتشتري جميع الانواع وتكتبهم بأسماء اناس ثقه نفسي انا و ابو راشد و اولد والشباب ولا قصورا بأحد
الى ان يكتشف البنك العمليه وتقولهم عندك البحر روحوا بلطوا البحر تاخذون فلوسك
او اذا نقول مثلا قدرت تاخذ مليون واحد من ال10 ملايين , وتم اكتشافك , راح يقولولك اصحاب البنك واول طريقه راح يكلمونك فيها هي الجديه و الحزم , راح يمكن يسبونك بعد ويقولونك رجع الفلوس او نلجأ الى القضاء وناخذ فلوسنا وندخلك السجن
قولهم روحوا المحكمه عندي مليون بدون جهد وراح اجيب اقدعها محامي بالبلد , اغلب الناس راح تكون ساحبه من ال10 ملايين 1000 ريال بس لأنهم ناس بسطاء ساحب 1000 عشان ياكل في فرايديز بس
وبالنهايه يتصلون عليه ويقولوله رجع الالف ريال او نقابلك بالمحكمه والسجن بعدها , يعني ناخذ فلوسنا وندخلك السجن , 99% من الناس راح تخاف وراح يرجعون المبلغ
ولكن في الحقيقه انهم يطالبون بشي القانون مجرمه وانت قمت بعمل القانون مجرمه بعد , والنهايه اثنينكم غلطانين ولكن البنك غلطه اكبر منك , وراح يطبق عليه القانون لأن في خصم بالقضيه اللي اهو انت
ومن هنا البنك يعرف اكثر منك لأن البنوك عندها محاميين ومستشارين ويعرفون عقوبات الامور هذي , بنهايه المطاف وبعد مايستسلم البنك راح يقولك يابن الحلال رجع المليون ونعطيك 100 الف
قولهم انسوا المليون وعيشوا حياتكم , بالنهايه راح يقولولك نبيك توقع اوراق انك تسكت عن الموضوع مقابل المليون اللي اخذته
هذا اللي راح يصير , ولكن اهم شي يكون قلبك بارد ولا تهتم باللي يقولونه , لأن كلكم غلطانين بس البنك غلطته اعظم
انا اخذت راحتي بالكتابه لأن الوقت الفجر وكلكم نايمين قلت استغلها كتابه :)
واعذروني عالاطاله
