ياشباب وش اسوي عشان اتقبل طعم البروتين :(

السلام عليكم
بالخيير كيفكم


ابي اسالكم
انا شريت اليت فيوجن 7 طعمه احس لو يذوقه اي احد هنا بيقول روعه وهو كذا طعمه عادي زي اي شي يعني مهو كريه
بس انا سبحاااان الله معقققققققد من ناحية الاكل مو كل شي اكله واتقبله بسهوله
المهم انا توي جربته للمره الاولى خذيت نصف سكووب بـ 200 مل ماء باااارد
صار به نكهه خفيفه وتقل ماء مع نكهه خفيفه احس ان الماء صار كثير عليه يعني
كم تنصحوني احط ملي ماء والغلط عادي بس اخضه بيدي انا ولا يحتاج خلاط لازم ؟
وعادي لو حطيته مع ماء يغلي ؟ او حطيته مع حليب حار بودرة نيدو ؟

شكرا لكم

وعليكم السلام

اقتباس:

---

المهم انا توي جربته للمره الاولى خذيت نصف سكووب بـ 200 مل ماء باااارد

---

لكل اسكوب لازم تستخدم بين 250 الى 300 ملي
ونص السكوب 150 ملي

اقتباس:

---

وعادي لو حطيته مع ماء يغلي ؟ او حطيته مع حليب حار بودرة نيدو ؟

---

الحرارة العالية يمكن ان تتلف بعض المواد اللي في البروتين فالافضل انك تاخذه معا ماء بارد او معتدل

والملخص:
وي بروتين + ماء = يستخدم اثناء او بعد التمرين
وي بروتين + حليب = اي وقت اخر غير اللي ذكرته

لاتكثر الماء

مكتوب لك جرعة الماء بالعلبة اتوقع كل سكوب ٤ الى ٥ اوز

عموما اذا تحب تخلط بعض الفواكة معه بالخلاطه يطلع طعمة رايق بالذات الفراولة او الموز

اتمنى اني افدتك ،،،

يا شيخ وسع صدرك قلل مويه ورجه بالشيكر بيدك زين وخذه على شربتين ولا حتى شربة وحده ووسع صدرك انت مو ضروري تجلس تمزمز فيه

ههه صدقتو مشكووورين


بس ابي اقلل الماء ومثل ماقال الاخ جرعة وحده وانسه

بس المشكلة انا اليوم ولا وجبة كليت من قومتي ولا تمرنت اليوم راحة ماخذ
وشربت نصف سكوب قبل يمكن 3 ساعات والى الحين احس بثقله تقل ماكل مفطح

!! هو كذا طبيعي او فيه اكله تخففف عني يعني ولا مع الوقت اتعود ويصير احس بخفه !

ماقصور الاخوان
بس جرب مع ماء فقط بيكون اسرع امتصاص على المعده

يا بردان :)

اشربه مع الحليب راح يكون طعمه الذ من الماء

اشربه بعد الغداء بساعة (قبل التمرين بساعتين ع الاقل )وبعد التمرين وقبل النوم

اظنه طعم الكوكيز اللي اخذته صحيح ؟

لا طعم موكاتشينو :(

صراحه البودرة اذا شميت ريحته ودي اكله اكل كانه ريحت شكل من اشكال الجلكسيات او زي كذا
بس بالماء مادري صراحه يمكن لاني كثرت الماء

لكن الحليب عادي اشربه مع الحليب بعد التدريب ؟

مع الحليب يفضل الصبح بعد الفطور وقبل النوم

للمعلومية
حليب = تضخيم
ماء = تنشيف

^^

انا تضخيم :)

طيب كم تنصحوني اخذ سكوب باليوم ؟ ؟
انا ككنت مفكر ما اخذ الا سكوب واحد باليوم بس فكرت بالامر حسيت انه قليله مادري اكمل اسبوع سكوب واحد باليوم او ازيد الجرعة ؟

مره واحده لاوين شوي مع الست واجبات اكل خذ اربع اوخمس اسكوبات اذا كان الوضع ضخامه

اتوقع 3 سكوب يكفي بالغرض ان شاء الله وخاصه لتضخيم

واذا كان طعم لبروتين يغثك في واحد من الشباب الي اعرفه عنده نفس المشكله

وصار يخلط مع حليب بطعم مثل=البروتين على فراوله يضيف معاه حليب بطعم الفراوله ويكون طعمه مقبول نسبيا

اضن كذا افضل الك.

لو اخذت الكوكيز كان افضل وانا اللي نصحتك فيه بالبداية كان كوكيز

عموما انا استخدم نفس النكهة اللي انت تستخدمها الان ...

بالفعل مع الماء طعمه عادي خله مع الحليب وخذه ثلاث مرات في اليوم

اللي بعد التمرين يفضل بالماء لسرعة امتصاص الجسم له..

وعموما كثير من المكملات طعمها عادي لكن ممكن تخلطه مع الموز وراح يطللع طعمه حلو ...

بعد ما تتعود ع الطعم راح تبدأ تحبه بس حبه حبه وكله راح يكون تمام ان شاء الله

تحياتي

^^ صدقت اخي بس ماكان فيه كوكيز مافيه كان الا علبه وحده وهي خذيتها وطلعت بالموكا :)

طيب اخي انت كم مره تستخدمه باليوم ؟ ومتى الاوقات ؟
وايام الراحة استخدمه او لا ؟

انا استخدمه ٣ مرات مرة بعد الغداء بساعة ومرة بعد التمرين ومرة قبل النوم

ونعم تستخدمه ايام الراحة

بالتوفيق

^^
يعطيك العافية
راح استخدمه نفس استخدامك له سكوب واحد ماراح يعطيني تقدمات


مشكوورين جميعا على مشاركتكم لي