Deadman Wonderland نقاش

بسم الله الرحمن الرحيم

السلام عليكم و رحمة و بركاته

بلاد عجائب الرجل الميت ...
قبل لا ابدي بالموضوع الرئيسي .. بقول اول شي من وين عرفت المانجا و شنو كان اول انطباع عنها .. (طبعا هذا ماله شغل بالموضوع .. يعني مو مهم تقرونه D: )

في عضو عندنا اسمه king sarab .. هذا سراب ما اعرفه شخصيا بس اللي اعرفه ان عنده قروب يترجم مانجا (شعليك سويت لك اعلان D: .. ترى كل شي بحسابه) .. حطله موضوع بهالمنتدى او بمنتدى ثاني (ناسي الصراحه) عن مانجا توه مترجمها .. انا للامانه ما شدتني المانجا اللي حطها بس دخلت موقعه بشوف الترجمه مالته و بشوف شنو المانجا اللي عنده .. طاحت عيني على deadman wonderland ..الاسم ما عجبني فقلت في نفسي هاليابانيين ما يعرفون يختارون اسامي ولا شنو؟؟! .. وشفت ترجمه سراب ولا كاتب "بلاد عجائب الرجل الميت" قلت ان شاء الله ما يكتب لي تعبير على بو انه اسم .. قلت خلنا نشوف شنو ورا هالاسم .. وقعدت اقلب بالصفحات .. كلها ثواني ما وعيت الا انا مخلص الفصل الاول .. و ما وقفت الا لما خلصت الفصول اللي منزلينها (كان على ما اذكر 11 فصل) .. و من اهني وقفت قرايه المانجا بكبرها لانه توقعت انها راح تتحول انمي .. وصج في بدايه 2010 قالو انه شهر 10 راح ينزل انمي .. وبعدها بشهر 11 بعد الاحبااط .. نزل الخبر الاكيد اللي اهو بهالتاريخ ..

عقب القصه اللي فوق احب اشكر الاخ سراب و قروبه على ترجمه التحفه هذي و على جهودهم بشكل عام ..

على بركة الله نبدي الموضوع

ملف مرفق 338181

اسم الانمي: Deadman Wonderland
عدد الحلقات: مو معروف
التصنيف: اكشن - جرائم - قدرات خارقه - دراما (16+)
تاريخ العرض: 16-4-2011 (يعرض كل سبت)
مدة الحلقه: تقريبا 24 دقيقه
الشركه المنتجه: Manglobe

القصه:
غانتا اغاراشي طالب عمر 14 سنه في مدرسه ناغانو .. يجد نفسه مسجون بعد ما قتل "الرجل الاحمر" كل ابناء صفه .. تم اتهام غانتا بقتل 29 طالب و على اثرها تم حبسه في (بلاد عجائب الرجل الميت) ..
من ناحية اخرى "بلاد عجائب الرجل الميت" تعتبر مدينة ملاهي لجذب السياح بعد الهزه التي اصيبت توكيو قبل عشر سنين .. في مدينة الملاهي يقوم السجناء بعمل عروض للجمهور ..
يصب اهتمام غانتا للانتقام لابناء صفه و قتل "الرجل الاحمر" حتى لو كلفه تحدي مصاعب و اسرار ( بلاد عجائب الرجل الميت ) المرعبه.

...

نقاط للنقاش :
1- القصه
2- الرسم و الاخراج
3- الاغاني و الالحان
4- الشخصيات
5- توقعاتك للاحداث القادمه

في بعض النقاط ما نقدر نتكلم عنها الحين .. مثل الشخصيات و التوقعات .. لانه الى الان ما طلعت الشخصيات او حتى الشخصيات اللي طلعت ما تقدر تحللها من الحلقه الاولى .. و كذلك الاحداث القادمه .. فراح نتناقش فيهم بعدين

...
بالنسبه لي القصه روعه و اول مره تمر عليي .. احسها يديده و مو مكرره او مقتبسه من انمي ثاني .. الانمي مبين عليه غامض .. الحلقه الاولى تركت كثير من التساؤلات .. ياخي في شغلات وايد تثير فضولك ( سبويلر من الحلقه الاولى: سالفه الكاندي في نهاية الحلقه .. و سالفه الرجل الاحمر .. و سالفه الجوهره .. و القوه اللي عند غانتا .. و شيرو و معرفتها بغانتا .. ) عاد معظم الاسئله ما اعرف لها جواب .. لاني ناسي الاحداث بصراحه اذكر بس اول 3 فصول من المانجا لاني كذا مره شفتهم اما الباجي ناسيهم
طبعا انا شايف المانجا بس يوم شفت الحلقه الاولى انبهرت الصراحه احس كاني اول مره اعرف الانمي .. تسلسل الاحداث كان غير عن المانجا من بداية الحلقه الى نهايتها .. الرسم كان ممتاز جدا .. و اصوات الشخصيات و الالحان كلها
كانت زقرت .. حدي متحمس للحلقه اليايه




http://www.montada.com/images/misc/pencil.png

تابعت الحلقه الاولى .. كانت ممتازه اجمالا لو كل الحلقات بنفس المستوى فراح اتابعه بشكل اسبوعي
عجبتني الفكره الانمي الرسم ممتاز بس حبيت ارت الشخصيه الرئيسيه ابد الاخراج برضوا ممتاز
الشيء المريب ان الناس مصدقه ان ولد في المدرسه المتوسطه قدر يدمر الفصل ويقتل 29 الطالب بهذي الوحشيه لحاله !
متحمس للحلقه الجايه : )

اقتباس:

---

الشيء المريب ان الناس مصدقه ان ولد في المدرسه المتوسطه قدر يدمر الفصل ويقتل 29 الطالب بهذي الوحشيه لحاله !
متحمس للحلقه الجايه : )

---

اهو اكيد شي ما يتصدق .. بس اللي خلاهم يصدقون الفيديو اللي انعرض بالمحكمه ..
مبين انه الفيديو مو صج .. مو غانتا اللي قاعد يتكلم .. شلون لا تسالني .. فعلى هالاساس الناس صدقت

وانا بعد متحمس :)

اها فهمت القصة دحين...
اوكي استانوني في رد جاي بشوفه يوم خميس باذن الله^^
ومشكور على تقرير كارا D:

نزلت الحلقه الثانية
http://www.animetake.com/deadman-wonderland-episode-2/

تعليقي:

الحلقه الثانيه كانت روعه الصراحه استانست وانا اشوفها .. عرفنا بعض الشغلات
بالحلقه الاولى اخر الحلقه تقريبا يوم ينفجر البرج و تطيح الكره العملاقه على غانتا وشيرو .. انا قلت شالسالفه منو اللي حاط القنبله و شلون ومتى ؟؟ .. ولا المؤلف بس يبي يسوي اكشن و يورينا قدرت البطل بأي طريقه
يعني كنت مو لاقي تفسير .. كانت شغله مو منطقيه .. بس بهالحلقه عرفنا انه صاحب السجن تاماكي اهو اللي حط القنابل الموقوته..
عرفنا سالفه ال casts point و عرفنا سالفه ال candy .. اللي ما ياكل الحلاوه هذي يموت بعد 3 ايام .. و هذا يفسر سبب موت السجين اللي بالحلقه الاولى (اللي كان ميت على الحلاوه)
كل احداث الحلقه بكوم و ال dog race بكوم .. حسيت اني اشوف برنامج الحصن 18+ D: .. عجبتني المصاعب اللي بالسباق .. بس بطلت السباق كانت شيرو بلا منازع الصراحه يعني لو مو اهيا جان صاحبنا مولي .. هم عجبتني تضحيته اخير شي .. عاد باقيله يوم ويموت

بهالحلقه حطو اغنية البدايه .. الاغنية اقل شي اقدر اقوله عنها انها روعه حيل .. لقطه تاماكي و هو يحرك المساجين كانت حلوه تحسه صج خبيث

^
ما حبيت أقرء النص المخفي، يا دوب شفت الحلقة الأولى ^^

ممممم .. غريب فعلاً .. و لو أن الثيم العام ذكرني بـGa-rei Zero بالنسبة لسالفة الجوهرة و نقطه مقتل الجميع تقريباً منذ الحلقة الأولى، و Rainbow بالنسبة لجو السجن و سكانه و القائمين عليه
لكن، القصة مثيرة جداً للإهتمام .. التقديم كان ممتازاً و مشهد المذبحة تم تقديمه بشكل متقن

على الرغم من ذلك، لم أتمالك نفسي من التفكير في مشهد المحكمة .. كيف صدق الجميع أن يتمكن فتى في الرابعة عشر من عمره من قتل 29 شخص و تدمير الصف بهذه الطريقة بدون أن يأخذ الكثير من الوقت و بدون أن يثير الكثير من الضوضاء

http://img26.imageshack.us/img26/487...erland2020.jpg

فحتى لو إستخدم قنبلة يدوية أو إي سلاح آخر فلن يصل لنتيجة كهذه ..!!

أيضاً و بغض النظر عن موضوع فبركة الأدله، تم إعتقال جينتا بمجرد أن إستيقظ في المستشفى بتهمة القتل الجماعي .. طيب، أليس فتى بعمر 14 يعتبر قاصراً ؟؟ و حتى لو إنسجن أو حكم عليه بالإعدام هل سيذهب لسجن عام كهذا ؟؟


من ناحية السجن أعتقد أن الكاتب أحسن في بناء القصة، فكرة إستخدام النزلاء كأداة ترفيهية لعامة الناس و فكرة قطعة الحلوى كل ثلاثة أيام كانت مبتكرة

هذا إنطباعي المبدئي ، سأشاهد الحلقة الثانية بكرة و سأعود لأناقشك

تشكر إنميشن على الموضوع، خلاني أعمل بوش أب للإنمي في قائمتي :)


الحين وقت Madoka

لووووووول نفس الوضع

أنا عرفة من ملك السراب @@

بس عجيبة أذكر فترة أعلنوا عن الإنمي بعدين قراروا يوقفونه

و اللحين أصدروه

صدااااع

أنا بأنتظر 4 حلقات و اقيمه منها

بس أذكر من المنجا كان عجيب

اللحين في أي حلقة ؟!

الانمي صج رهيب و قوي ...

البنت ما ادري شنو قصتها .. هل هي سجينه و لا شنو بالضبط لو كانت ملابسها نفسهم قلت اوكي سجينه بس شكلها ما يوحي بذلك

و وضعها جنه عادي بينهم تتمشى على كيفها ..

و الظاهر صاحب السجن و إلي يشتغلون عنده خاصة المرأة التي ما ترحم عارفين ان هو بريء .. احس جذي .. بس يبونه و حطوه بهلمكان عشان يكتشفون قوته و يعرفون حقيقة الشي إلي صار ( المذبحة )

اقتباس:

---

أيضاً و بغض النظر عن موضوع فبركة الأدله، تم إعتقال جينتا بمجرد أن إستيقظ في المستشفى بتهمة القتل الجماعي .. طيب، أليس فتى بعمر 14 يعتبر قاصراً ؟؟ و حتى لو إنسجن أو حكم عليه بالإعدام هل سيذهب لسجن عام كهذا ؟؟

---

ولكم لوفي
شوف كلام صح 100% .. بس اتوقع انه تاماكي له يد بالموضوع لا تنسى اهو محامي و صاحب السجن فاكيد له اساليبه اللي تخليهم يسجنون غانتا بسجن مثل هذا و طبعا السبب واضح .. عشان يكون غانتا تحت عينه بما انه شاف الرجل الاحمر .. اتمنى يبينون هذا الشي بعدين ( مع اني ما اعتقد) .. او تقدر تلغي الجمله اللي طافت و تحط بعين الاعتبار انه انمي فالمؤلف ممكن يغض النظر عن الواقع في سبيل انه ينجح الانمي (يعني مو كل شي ندقق فيه) D:

اقتباس:

---

من ناحية السجن أعتقد أن الكاتب أحسن في بناء القصة، فكرة إستخدام النزلاء كأداة ترفيهية لعامة الناس و فكرة قطعة الحلوى كل ثلاثة أيام كانت مبتكرة

---

اي حده بدع بالفكره .. طلع بشغله يديده
مثل ما قلت بالبدايه الفكره فريده من نوعها

اقتباس:

---

هذا إنطباعي المبدئي ، سأشاهد الحلقة الثانية بكرة و سأعود لأناقشك

تشكر إنميشن على الموضوع، خلاني أعمل بوش أب للإنمي في قائمتي :)

---

حياك الله .. و انا بانتظارك
العفو لوفي
.....

اقتباس:

---

بس عجيبة أذكر فترة أعلنوا عن الإنمي بعدين قراروا يوقفونه

و اللحين أصدروه

---

اول مره كانت اشاعه .. بس الثانيه اهيا الاكيده

اقتباس:

---

اللحين في أي حلقة ؟!

---

نزلت حلقتين الى الان .. تنزل على موقع horriblesubs.org كل سبت الساعه 10:30 بليل
.....

اقتباس:

---

البنت ما ادري شنو قصتها .. هل هي سجينه و لا شنو بالضبط لو كانت ملابسها نفسهم قلت اوكي سجينه بس شكلها ما يوحي بذلك

و وضعها جنه عادي بينهم تتمشى على كيفها ..

---

صج كلامج .. شيرو غامضه الصراحه
ملابسها غير السجناء .. ولا عليها طوق الزمن .. ومعرفتها بغانتا .. اللي شاف اغنية النهايه في صوره لهم و اهما صغار .. حتى غانتا ماسك لعبة الرجل الاحمر !!
اما وضعها عادي ما اتوقع .. لانها في الحلقه الاولى طلعت بعد ما صكرو الباب على السجناء و نزلت من فوق ( يعني محد شافها من الحراس) و في الحلقه الثاني نزلت من فتحت التكييف بعد ما راحت الدكتوره ( يعني هم محد شافها)

اقتباس:

---

و الظاهر صاحب السجن و إلي يشتغلون عنده خاصة المرأة التي ما ترحم عارفين ان هو بريء .. احس جذي .. بس يبونه و حطوه بهلمكان عشان يكتشفون قوته و يعرفون حقيقة الشي إلي صار ( المذبحة )

---

شوفي بالنسبه لرئيسية الحراس اعتقد انها ما تدري عنه انه بريئ ولا لا .. بس تدري انه تاماكي يراقبه و مهتم بتصرفاته و مستغربه من هالشي
اما صاحب السجن اتوقع يدري انه بريئ .. بس ساجنه عشان سالفة الرجل الاحمر

وصلت للحلقه الثالثه الأنمي شكله عجيب

ومشكور اخوي على فتح موضوع النقاش

صعبه اناقش اللحين يبيلي شوي على الانمي :D

اقتباس:

---

وصلت للحلقه الثالثه الأنمي شكله عجيب

ومشكور اخوي على فتح موضوع النقاش

صعبه اناقش اللحين يبيلي شوي على الانمي :D

---

حياك اخوي ..
...
توني شفت من ال3-5 .. بتكلم بشكل مبسط عن جم نقطه - سبويلر -

-طلع رئيس السجن مو تاماكي (في بداية الحلقه الثالثه) .. طلع واحد شايب ( يطلع في اغنية النهايه ) .. بس تاماكي اهو الكل بالكل هذاك بس شكل .. و شكله موات (حطوه بالحلقه الخامسه طلع يوم راحت رئيسه السجن تشتكي على تاماكي)
-شخصيه يديده طلعت .. سينجي كيوماسا واحد من الديد مان .. قدرته انه يحول دمه الى سلاح حاد يقطع كل شي .. شكله كوول ^_^
-الcrops carnaval .. مسابقه يديده تصير بين المساجين اللي عندهم قدره الدم .. و حظ صاحبنا اقشر .. بدايتها مع سينجي .. القتال كان حلو مش بطال .. و كعاده اغلب الاشرار الاقويه يخسرون لانهم انعجبو بتحمل اللي اضعف منهم P: .. بس خل ياكلها سينجي .. فقد عينه اليمين
-شيرو طلعت مو هينه S: طلعت ديد مان و مبين طاقتها مو هينه @@ .. يا جماعه ظحكة شيرو يوم فجرت برج المراقبه نفس ضحكت الرجل الاحمر (تقول كيشي ) .. تهقون في صلة بينهم ؟؟
-الحلقه السادسه في شخصيه يديده لقبها الطائر الطنان

ملف مرفق 339632ملف مرفق 339631

بدأت أتابعه ,’
إستحاله أقدر أوصفه في كم سطر
من قبل قرات كم صفحه من المانجا و اعجبتني جداً ’’ لكن ما توقعت أن الاخراج راح يكون بهذا الشكل كأني أشوف أنتاج هوليوودي أو يفوقه روعه maybe
أعجبت بـالسواندتراك في بعض المشاهد ’’ و أيضاً شخصية shiro و صوت البطل so cool أعجبني المقلد لصوته
ممكن يفكر البعض أن الانمي عباره عن مشاهد دمويه و اكشن نونو لازم تعرفون بان داخله مشاهد دراميه Fantastic
بأختصار الانمي Masterpiece
زمان عن الانميات القويه !
شكراً أنيميشن لفتحك النقاش
لي عوده...

السلام عليكم

شفت الحلقات من 2 حتى 5 دفعة واحده، و لي تعليق على نقطتين لم أستطع إبتلاعهما

في الحلقة الثالثه و بعد مواجهة الرجل الأحمر، كابتن ماكينا أخذت تتحدث عن غانتا و ما حدث في الساحة و إفترضت أنه يملك سلاحاً يمكن أن يسبب كل هذا
قامت عملت لوك داون للسجن و أرسلت روبوت automaton خلفه ..!!! هل كان الأمر يستحق كل هذا أم هي محاولة لزج الآكشن في العمل بإي طريقة
يعني، غانتا مسجون من الأصل و ماكينا لديها تحكم كامل في كل شيء، فستطيع ببساطة أمرة بالحضور لمقابلتها أو إستخدام مجموعة من الجنود أو هي نفسها و وضعه تحت الإقامة الجبرية و تفتيشة و فحصة بالطريقة التي تريدها
غير كذا، الربوت هاجمة بنية تصفيته بشكل ينفي الحاجة لإستخدامة بتاتاً .. ماكينا تريد حجز غانتا و أرسلت الربوت للقضاء عليه، ما تركب ..!!!

في الحلقة الخامسةـ عندما حاول تاكامي العودة للقطاع G و إستخدم شيرو لصنع diversion ... السالفة كلها غير منطقيه
يعني، هم في السجن و يفترض من الأساس أن لا يكون لديهم سهولة في الحركة و التنقل حتى لو كانت هناك ممرات سريه و حتى لو كانت شيرو لديها طرقها الخاصة في التحرك
ما عهدناه في قصص السجون أن يكون هناك وقت معين للخروج و الدخول و عد للسجناء بشكل صباحي و مسائي ..
و لا ننسى إن الإنمي ذكر أن الأطواق التي يرتدها السجناء تحوي في ما تحتويه على أجهزة GPS يفترض أن تكون مراقبه بالحاسوب لمراقبه تحركات السجناء و الإبلاغ عن إي تحرك مشبوه
و حتى التمويه الذي قامت به شيرو كان ساذجاً لا يوجد ما يبرره سوى إظهار قوتها مصحوبه بكوم من الجثث و الأشلاء المتطايرة

واو عالقصه الغريبه X3
أحب الانيميات اللي فيها عوالم غامضه ومرعبه

بجوف التريلر وبرجع اعلق بعد الحلقه الاولى ان سمحت لي الظروف باذن الله ^^

اقتباس:

---

في الحلقة الثالثه و بعد مواجهة الرجل الأحمر، كابتن ماكينا أخذت تتحدث عن غانتا و ما حدث في الساحة و إفترضت أنه يملك سلاحاً يمكن أن يسبب كل هذا
قامت عملت لوك داون للسجن و أرسلت روبوت automaton خلفه ..!!! هل كان الأمر يستحق كل هذا أم هي محاولة لزج الآكشن في العمل بإي طريقة
يعني، غانتا مسجون من الأصل و ماكينا لديها تحكم كامل في كل شيء، فستطيع ببساطة أمرة بالحضور لمقابلتها أو إستخدام مجموعة من الجنود أو هي نفسها و وضعه تحت الإقامة الجبرية و تفتيشة و فحصة بالطريقة التي تريدها
غير كذا، الربوت هاجمة بنية تصفيته بشكل ينفي الحاجة لإستخدامة بتاتاً .. ماكينا تريد حجز غانتا و أرسلت الربوت للقضاء عليه، ما تركب ..!!!

---

كلامك عدل 100%
بس ارسالها للروبوت انا اشوفه شي منطقي .. لانها اهيا مفترضه انه غانتا عنده سلاح .. و بالسلاح اللي عنده عمل فوضه كبيره .. يعني الجنود ما راح يقدرون عليه .. تقدر تقول قاست الفوضى اللي بالساحه و قوت جنودها فافترضت انهم ما راح يقدرون على غانتا .. اما سالفة انها تبي تسجنه و تفتشه و ارسلت روبوت يقتله فهذا اللي مو منطقي

اما بالنسبه للنقطه الثانيه .. انا مثلك ما اشوف لها تفسير الا انها اظهار لقوة شيرو ..
في شغله بالحلقه الخامسه و هي لما طلع سجين يكلم يوه .. ويقوله ان الشخص اللي يدوره يوه موجود بالقطاع جي .. هالمسجون هذا ايضا يتحرك بحريه ..
يعني اللي انا استنتجته ان السجن هذا مو مثل السجن المعروفه .. يقدر اي سجين يتحرك على راحته دامه داخل حدود السجن .. يعني يقدر يروح الساحه و يقدر يروح صوب المكاين اللي يشترون منها الحلاو ويقدر يزور صديقه و و و..
اذا بتقول انهم راح ينحاشون .. فهذا مستحيل لانهم مراقبين بالجي بي اس + انه السكيورتي بالسجن على مستوى عالي .. و الدليل بالحلقه الثالثه بعد ما اصدرت ماكينا امر باطلاق الروبوت .. طلع امر بعودة المساجين الى زنزانتهم .. عكس ماهو معروف بالسجون الباقي ان لازم السكيورتي هو اللي يرجع السجين الى زنزانته ..
الكلام اللى فوق ينطبق على الديد مان لكن الديد مان لهم الحريه بالحركه داخل القطاع جي فقط .. يعني مو السجن كله و الدليل بالحلقه السادسه

اقتباس:

---

واو عالقصه الغريبه X3
أحب الانيميات اللي فيها عوالم غامضه ومرعبه

بجوف التريلر وبرجع اعلق بعد الحلقه الاولى ان سمحت لي الظروف باذن الله ^^

---

بانتظارك .. وولكم مقدما :)
..
شفت الحلقه السادسه توني ..
- عرفنا منو الشخص اللي يدوره يوه بالجي سكشن .. طلعت اخته .. ما راح اعلق على احداث الكرنفال لانه كلها تعريف بماضي يوه و اخته
- مثل ما توقعت الشايب له علاقه بشيرو و غانتا
- الحلقه السابعه شكلها عن العلاقه اللي بين شيرو و غانتا و الشايب و عن الاحداث اللي صارت قبل عشر سنين

واحد من افضل انميات الموسم دا!
ضميته مع افضل الانميات الي شوفتها من دفعات الجديدة ال نزلت!!
مرة نايس بصراحة ، اخر انمي استمتعت به كان رين بو^^
دحين صار هذا ، واحلى شىء عندي حلقتين بتفرج عليهم بكرة ان شاء الله D:

بس شكل له 12 حلقة للاسف...
هل في امل يكون 24 حلقة؟

وااااااااااااااااااااااااااااااااااو على حلقة تاسعة والله بدع!!!!!
بس توي ادري انه في نقز جامد في الاحداث الانمي...
مشكلة مستعجلين ينهوا الهرجة...

@_@

مرعب ..

توقعت الأنمي الوحيد اللي قدر يخوفني هو هيلشينج بعد الOVA

بس لا هذا رهييييب

كل من في المسلسل متخلفين عقليين @___@

نحمل الحلقات اللي فاتت و شكراً

ANIMATION ^_^

لاااااااا الانمي وقف مجموع الحلقات 12 حلقة T.T
شكل لي بروح اتفرج عليه بالمانجا من بداية... -.-
والله حرام توقعته بيكون 24 حلقة مع انه كنت حاسس في نط جامد في الاحداث...

نو نو ما كنت أريده يخلص v.v
الحلقات قليله جداً
النهايه أعجبتني ’ الحلقه الأخيره BreathTaking حبيت الفكره أن shiro هي نفسها الـwretched egg او " رد مان "
كنت أتمنى أعرف ليه قتلت أصدقائه و ليه حضرته للوندرلاند و أيضاً ليه ما أعترفت له ’ ؟ وإلخ
أيضاً الشخصيه " toto " حبيتها جداً ولو ظهورها كان قليل
المشاهد الدراميه فيه جداً فانتاستك تذكرني بناروتو
لكن تحس أن الانمي انتهى وهو يفترض أن يكون هناك أحداث و أكثر عمق في القصه
ممكن أكمله في المانجا أو يا ريت تكون الآوفا نايس و تكمل راح تنزل في 21 أوكتوبر 2011 !! مو بعيد ’’
تقييمي النهائي : 10/9

لا تقرأوا بلون الابيض سبولر (موب موجود الايقونة...)
موب كان جدها الي قتل اصحاب كانتا؟؟ انا لسة ما شوفت حلقة بكرة بشوفها ان شاء الله
اكيد في نقز في احداث المسلسل...
الله يبشرك بالخير تمام انهم راح يكملوه ^^

^
’’ ممم الحلقه الاولى الشخص اللي قتل أصحاب غانتا كان لابس زي Ace Man شخصيه شيرو و غانتا المفضله في الطفوله
وبالإضافه أغنيه the sad wood pecker كانت رمز يربط الحلقه الاولى مع الأخيره
من هنا تستنتج أن شيرو هي الـRed man اللي يبحث عنه غانتا
وجدها هو اللي كشف الامر أن شيرو هي الريتشيد إيغ و يس له آوفا :: يوكاتا ::’’

اها ، نايس طيب^^
yeah hon tony yokata :D

الانمي بدايتة قوية ولكن مع كل حلقة يسوء ومبين مافي ترابط بالقصة no logic و غير هذا انتهى!!
we need season 2!

اخيرااا خلصت اخر 5 حلقات من الانمي..
الانمي اقل ما يقال عنه انه روعه..
ولو انه مختصرينه وايد..يعني في احداث بالمانجا ماصارت بالانمي وفي شخصيات ما طلعت + تحس ان في وايد شغلات ناقصه بالقصه + بعض الشخصيات ما خذت حقها
تمنيته اكثر
ماودي اقرا المانجا .. لاني حاط امل انه بيكون له جزء ثاني .. احتمال اقرا من المانجا الى مكان وقوف الانمي
تقيمي النهائي للانمي 9/10
الحمدلله انه في اوفا بشهر اكتوبر راح تنعرض ^_^

امس شفت الحلقه الخاصه بالانمي .. كانت عن قصة سينجي قبل دخوله للسجن
احداث القصه تدور بعد سنتين بعد حادثة الثقب الاحمر .. القصه بالنسبه لي كانت جدا عاديه
فكرتها انها تظهر شخصيه سينجي .. شلون ان متمرد و اللي براسه يسويه
كنت اتمنى انها تبين سبب دخوله للسجن .. شلون حصل على طاقة الديد مان
عالعموم مثل ماقلت الحلقه جيده ..

اي تعليق عالحلقه ؟؟

أحداث النهاية مي مفهومة والمفروض يكون في جزء ثاني ؟؟؟؟ لما كانت البدت في النهاية

تغني طلب منها زميلها تتوقف عن الغناء لكون ذلك يذكره بماضي أليم غير كذا في بعض

الحلقات لا أذكر رقم الحلقة إبتمست البنت إبتسامة خبيثة أنا نفسي شكيت فيها ؟؟؟ وحسب

ما سمعت هناك حلقة خاصة واحدة للمسلسل لكن الشخصيات متغيرة فهل هذا صحيح ؟؟؟

لا للاسف ماهي تكملة ادا تبغى تكملها شوفها مانجا...
الحلقة الخاصة يتكلم عن ماضي سينجي قبل يدخل السجين ، عن نفسي عجبتني الحلقة عشان انا احب شخصية ^^

مشكور يا Yashiro sama

اقتباس:

---

الحلقة الخاصة يتكلم عن ماضي سينجي قبل يدخل السجين ، عن نفسي عجبتني الحلقة عشان انا احب شخصية ^^

---

هل هي الحلقة التي تحدثت عنها أنا

وحسبما سمعت هناك حلقة خاصة واحدة للمسلسل لكن الشخصيات متغيرة فهل هذا صحيح ؟؟؟

اقتباس:

---

هل هي الحلقة التي تحدثت عنها أنا

وحسبما سمعت هناك حلقة خاصة واحدة للمسلسل لكن الشخصيات متغيرة فهل هذا صحيح ؟؟؟

---

لو راجعت ردي و رد ياشيرو لعرفت عن ماذا تتكلم الاوفا

الى الان نزلت حلقه خاصه واحده بالمسلسل .. وهذي عن ماضي سينجي
وبما انهم تطرقو الى ماضيه فاكيد في شخصيات جديده او للتوضيح كل الشخصيات الموجوده جديده ما عدا سينجي

مشكور على التوضيح يا (animation) وشكلي راح أتابع المسلسل بما أنه فيه غموض

لكن هل الحلقة الخاصة تحمل نفس أسم المسلسل وجدت عنوان الملف مختلف تماماً عن

المسلسل ؟؟؟؟ ياليت التوضيح ؟؟؟؟؟

اقتباس:

---

وبما انهم تطرقو الى ماضيه فاكيد في شخصيات جديده او للتوضيح كل الشخصيات الموجوده جديده ما عدا سينجي

---

كلامك صحيح أخبرني أحدهم بنفس ما قلته ....

اقتباس:

---

لكن هل الحلقة الخاصة تحمل نفس أسم المسلسل وجدت عنوان الملف مختلف تماماً عن

المسلسل ؟؟؟؟ ياليت التوضيح ؟؟؟؟؟

---

اسمها نفس اسم المسلسل
deadman wonderland ova