نتايج سنه كامله من يوم ما بديت البرنامج بالصور !

شباب خلصت تقريبا سنه من يوم ما بديت ببرنامج غذائي و رياضي مكملين لبعض و هذا هما البرنامجيين:

البرنامج الغذائي: الساعه 7:30 أو 8
فطور:
1. اما شريحتين خبز أسمر مع شريحتين جبن و خمس بيضات اثنتين كاملتين (عشان تجيني نسبه دسم كافيه) و ثلاث بياض فقط
أو
2. نص كوب شوفان مطبوخ دقيقه و نص أو دقيقتين بالمايكروويف بملعقتين زيت زيتون و سكوب واي بروتين مع سكوب كاسيين بروتين مع حليب.

غداء: عاده تكون الساعه 16:00
1. دجاجه على الفحم بدون جلد و سلطه خضراء.
أو
2. صحن شيش طاووق مع سلطه خضراء.
أضيف الى الغداء مصدر كربوهيدراتي اذا كنت رايح للنادي بعد الغداء.

عشاء: على حسب هل كان فيه تمارين أثقال و لا لا
اذا كان فيه:
1. زي الغداء تقريبا مع شريحه خبز اسمر عشان تبدى عمليات البناء.
اذا ما كان فيه تمارين أثقال:
1. سلطه خضراء (طاسه كبيره) مع قطعه فاكهه.

البرنامج الرياضي:
ينقسم الى يومين يوم تمارين جسم علوي أكتاف و صدر و ترابس و باي و تراي. مرتين بالاسبوع.
يوم تمارين أرجل مع بطن و ظهر سفلي. مرتين بالاسبوع.
أبدى كل يوم ب15 دقيقه مشي ثم تمارين الأوزان ثم مشي 45 دقيقه.
اليوم اللي ما يكون فيه تمارين أثقال أتبع برنامج HIIT بحيث أركض دقيقه و أمشي دقيقتين لين ما أقدر أسوي البرنامج.

النتايج بالصور و التواريخ

البدايه ماي 2010:
الوزن 150 كيلو
نسبه الشحم غير محسوبه و لكن يتوقعون فوق ال50%
أقصى وزن بنش برس 60 باوند
أقصى وزن سكوات ما كان يمديني أكمل التمرين حر بدون أوزان.
أقصى وزن ديدلفت ما كان يمديني أكمل التمرين حر بدون اوزان.
http://img710.imageshack.us/img710/2...9gmfo6u9mg.jpg

شهر ماي 2011:
الوزن 103 كيلو
نسبه الشحوم حدود ال23 الى 25%
بينش برس 160 باوند مره وحده أو 110 خمس مرات
سكوات مره وحده 290 باوند أو خمس مرات 210 باوند
ديدلفت مره وحده 310 باوند أو خمس مرات 260 باوند
http://img862.imageshack.us/img862/9...0501092533.jpg

شحم و مويه نزلت فوق ال54 كيلو.
عضل بين ال6 الى 7 كيلو صافي.

http://cache.ohinternet.com/images/0...odmangreen.jpg

ماشاء الله تبارك الله

والله صاير فرق كبير ماشاء الله

واضب على التغذيه و التمارين وان شاء الله الى احسن واحسن

ماشاء الله

التوفيق يا بطل

ما هدا يا بطل هل انا احلم أم مادا و الله أنجاز عطيم و انت مثال لكل من يقول انا لا أستطيع أنقص من وزني
أنا أحييك على هدا الانجاز الكبير و ان شاء الله الاخوان يستفيدو من تجربتك
ما شاء الله عليك واصل يا وحش

ماشاء الله تبارك الله
بطل يا بطل

ماشاء الله تبارك الله
كفووووووووووووووو قول وفعل والتغيير جذري 100% شي مشرف والله يكون شباب سلا عندهم العزيمة والاصرار بصراحه انت وأمثالك تعطي الناس دفعة تفاؤل وهمه وعزيمة
ولو تضييف بعض التفاصيل زيادة زي برنامج التدريب هل استمريت فيه لمدة سنة كاملة او كان هناك تغيير

وبصراحه اوزانك حلوة بالرغم من وجودك في فترة دايت يعني الطاقة تكون قليلة جدا جدا

مشاء الله عليك بطل

فية ناس نفس وزنك لكن مافية ارادة فقط شهر واحد ويمل لكن انت مجتهد

استمر يا وحش

وحلوة الصور :)

اول الكلام بسم الله ما شاء الله ..

ياخي احترم الشخصيات الي مثلك .. عزيمة و اصرار اولاً .. و واضح انك انسان تعبت بالنادي و خارج النادي على صعيد القراءة و انك انسان مثقف .. و الاهم انك تشارك
الجميع باي شيء فيه فائدة .. عن نفسي متابع لك و اخص بالذكر موضوع الانيمال باك و مشتقات الخنزير .. و موضوع الانيمال باك الي تعرضت لسوء تخزين و حاولت
تفيد الاعضاء بقدر ما تستطيع و تشارك الفائدة .. و صورة الـFeels good man تدل ان شخص متابع لمنتديات الـBB كذلك ..

بالنسبة للتحول ما شاء الله .. بني ادم ثاني .. و تحول كبير حتى بشكل الوجه للافضل ما شاء الله .. صار في ملامح .. بالنسبة للجسم مع انه فيهم ملابس .. لكن نقطة لاحظتها
اول صورة خصرك اعرض من اكتافك .. الصورة الثانية ابداً , عندك تناسق ما شاء الله و واضح من الاكتاف انك شخص تشيل اوزان و ما شاء الله اوزانك ممتازة ..
كم طولك بالمناسبة ؟

كل الاحترام مني لك بصراحة .. و التقدم الي انت فيه ملهم لكثيرين جداً .. و لو حافظت على اصرارك و انضباطك صيف العام القادم راح تكون على موعد مع وحش .. حتى الان
اتوقع تحت الدهون ممكن يكون فيه كتلة عضية محترمة ما شاء الله .. ان شاء الله ما يكون فيه ترهلات مزعجة ؟


مرة ثانية ما شاء الله عليك ..
و بالتوفيق ..

ما شاء الله تبارك الله..الله يتمم عليك بالخير يا رب

نتايج جبارة..ودافع قوي جدا لاي شخص فاقد الامل من زيادة الوزن

قسم انك مجنون !
اراده وعزيمه وصبر وتحمل .. مايجيبها الا رجالها .

واصل ونشوفك بالقريب العاجل من افضل الاجسام ان شا الله .

.

ماشاء الله تبارك الله

صراحة انت من الشباب الى نفخر فيهم بإصرارك وعزيمتك , واصل ياوحش وستصل لمستوى افضل من بعض الكباتنه المحترفين بإذن الله تعالى

تقبل مروري ,,

ماشاء الله تبارك الله

فرق كبير بين الصوره الاولى والثانيه كذا تكون العزيمه مو شهر شهرين ومثل مارحتي مثل ماجيتي

موضوعك حيكون دافع قوي للكثيرين وان شاالله في ميزان حسناتك


يعطيك العافيه يابطل

ماشاء الله عليك

انجاز بكل ماتعنيه الكلمة .. نتمنى لك التوفيق

ما شاء الله تقدم ملحوض

استمر على برنامجك و حاول تغير او تقلل السعرات الحرارية و ان شاء الله تستمر بالنزول الايجابي طبعا للتخلص من الدهون الزائدة

بالتوفيق

ماشاءالله تبارك الله ..

مجهود خرافي بصراحه .. اهنيك على هالاراده الرهيبه .. انك تقعد بهالحماس وهالاستمراريه وهالبرنامج لمده سنه كامله .. شي مو سهل ابدا

خصوصا ان الاكل مكرر وهذا يسبب ملل

لكن ماشاءالله عليك .. الله يوفقك وتوصل لأفضل جسم تتمناه

أهنأك أخي على عزيمتك الحديدية واللتي قلما تتوافر عند أحد

ما شاء الله

مثل هذا الموضوع يثبت في أعلى المنتدى حتى تكون تجربة هذا الرجل وأصراره وعزيمته درس لكل عضو وزائر يمر من هنا ويرغب ويحلم بجسم متناسق وقوي .

إلى يالأمام ياوحش ومزيداً من القوة والرشاقه بإذن الله

ماشاء الله تبارك الله كفو والله

نشوفك ان شاء بنسبة دهون اقل من 8% واصل يابطل

قسم بالله انك اصصصصصصصصصصللللللللللللللي

ليت اللي في بالي يشوفونك . كل يوم وانا معاهم في مضاربات

اتمنى لك التوفيق و الصحة الدائمة بحول الله ’ الله يسعد ايامك على الموضوع

الله يعطيك العافيه ويوفقك يا اخوي

فعلا انت قمت بإنجاز كبير جدا

لك اولا

وللي يشوفك ثانيا

ان شاء الله تستمر على هذا المنوال من الحماس والنشاط

وبالفعل مثل ما قالوا الأخوان انت اعطيتنا دفعه لنستمر على طريقك

فشكرا لك

ما شاء الله تبارك الله

المهم المواصلة و المثابرة الآن و اللي مثلك ما شاء الله تبارك الله ما يحتاج نوصيه و لكن من باب التذكير فقط

الله يديم عليك الصحة و العافية و الله شيء مفرح جدا جدا و بصراحة أتمنى إذا مد الله بأعمارنا على الطاعة و العافية أشوفك في ابريل 2012 و لكن بالسكس باك

والله العاااااااااالم صغير يا رجل انا قت مريت على حسابك في الفيس بوك بالصدفه
عن طريق صديق مشترك بس ماراح اعلمك مين هههههههه

صراحة انجاز خيالي راح اخليك قدوتي واتذكرك كل ما قلت عزيمتي
ممكن بوستر عليه توقيعك هههههههه امزح معك

استمررر يا بطل

ممتاز عزيمة وإصرر
واصل يا وحش ..

انا كأني شايفك بس ما ادري وين

ماشاء الله عليك انجاااز وفخر ياسنايدي على إلي سويته استمر ولا توقف ماشاء الله للمره الثانيه

ماشاء الله تبارك الله

ما شاء الله تبارك الله

عزيمة واصرار تجبر الجميع على الوقوف لها أحترامًا

بالتوفيق يا وحش

والله كبيرررررررررررررررررررررر ياجااااااااااااااااامد

ماشاء الله تبارك الله


واصل يالذيب

صراحة الواحد يعجب بامثالك ممن ينقل تجربته للعموم للإفادة
واصل التقدم وتقبل التحية....

بسم الله ماشالله عليك وحش وحش
مو زي الي قاعد ياكل وينام ويقول كيف انزل وزني
بالتوفيق لك يا الغالي

اقتباس:

---

المشاركة الأصلية كتبت بواسطة متمرس حديد

انا كأني شايفك بس ما ادري وين

ماشاء الله عليك انجاااز وفخر ياسنايدي على إلي سويته استمر ولا توقف ماشاء الله للمره الثانيه

---

فيه واحد معنا في النادي (بودي ماستر) يشبهه بالضبط و الله العالم انه هو
بس مبين من الصورة ان الرجال برا المملكة

ماشاء الله
يعني اللي ماشافك من العام السنه مايعرفك

والله عطيتني دافع قوي بالتوفيق والله لايضرك

ماشاء الله تبارك الرحمن

ياخي عجبني شكلك ,,, نوعيتك من الناس المريحة ماشاء الله
بالتوفيق يابطل واهنيك ع الانجاز واستمررر

وينك يا صاحب الموضوع وصلت الصفحات 4 من المعجبين بنتائجك المبهره وانت ولا هنا وين متخبي

ما شاء الله تبارك الله

الله لا يضرك واصل ابداعك

ياخي مشاالله تباارك الله انجااااز صلاتي عالنبي استمررر يا وحش

ماشاء الله
اهنيك على الانجاز
وانت مثال يحتذى به
موفق اخوي

اقتباس:

---

المشاركة الأصلية كتبت بواسطة france for ever

ما شاء الله تقدم ملحوض

استمر على برنامجك و حاول تغير او تقلل السعرات الحرارية و ان شاء الله تستمر بالنزول الايجابي طبعا للتخلص من الدهون الزائدة

بالتوفيق

---

والله أحاول أقلل بس المشكله اني وصلت لآخر حد يمديني أتحمله من التنشيف.

شكلها يحتاج لها شهرين على الصيانه بعدين أرجع أنشف مره ثانيه.

اقتباس:

---

المشاركة الأصلية كتبت بواسطة MANJNR

قسم بالله انك اصصصصصصصصصصللللللللللللللي

ليت اللي في بالي يشوفونك . كل يوم وانا معاهم في مضاربات

اتمنى لك التوفيق و الصحة الدائمة بحول الله ’ الله يسعد ايامك على الموضوع

---

أنا تعلمت درس هو اني ما أناقشهم و لا أتهاوش معاهم. لأن كثير منهم يعتقد انها كلها حبه و بس تاكلها و تنشف مع شويه رياضه ما يدري انه لازم يوقف شغلات يعتبرها من منظوره أساسيات ! مثال: البيبسي أول ما أقول للعالم اني ما أذوقه الا مره كل ثلاث شهور و بالمناسبات يكذبوني ! خخخخخ و للأمانه بأكمل الحين خمس شهور ما شربت بيبسي كامل و حتى الدايت ما أحبه لأنه يأدي الى فتح الشهيه.

اقتباس:

---

المشاركة الأصلية كتبت بواسطة thanx

الله يعطيك العافيه ويوفقك يا اخوي

فعلا انت قمت بإنجاز كبير جدا

لك اولا

وللي يشوفك ثانيا

ان شاء الله تستمر على هذا المنوال من الحماس والنشاط

وبالفعل مثل ما قالوا الأخوان انت اعطيتنا دفعه لنستمر على طريقك

فشكرا لك

---

الهدف من الموضوع اني أفيد الشباب. فيه كثير يتوقعون انك خلال ثلاث شهور يمديك تنزل 60 كيلو و تجيب 10 كيلو عضل... يحتاج انك توريهم الحقيقه المره عشان يشدون همتهم و لا يوقفون.

اقتباس:

---

المشاركة الأصلية كتبت بواسطة amma271

ما شاء الله تبارك الله

المهم المواصلة و المثابرة الآن و اللي مثلك ما شاء الله تبارك الله ما يحتاج نوصيه و لكن من باب التذكير فقط

الله يديم عليك الصحة و العافية و الله شيء مفرح جدا جدا و بصراحة أتمنى إذا مد الله بأعمارنا على الطاعة و العافية أشوفك في ابريل 2012 و لكن بالسكس باك

---

الله يجزاك كل خير و الحقيقه صار طبع عندي الحين. قليل أكل و كثير حركه... الله يرحم أيام أول ما كنت آكل فوق ال6000 سعره باليوم... الحين بين ال1700 الى 2000 سعره.

اقتباس:

---

المشاركة الأصلية كتبت بواسطة HulkHUGAN

والله العاااااااااالم صغير يا رجل انا قت مريت على حسابك في الفيس بوك بالصدفه
عن طريق صديق مشترك بس ماراح اعلمك مين هههههههه

صراحة انجاز خيالي راح اخليك قدوتي واتذكرك كل ما قلت عزيمتي
ممكن بوستر عليه توقيعك هههههههه امزح معك

استمررر يا بطل

---

صراحه شباب الفيسبوك يغثوني بعض الأحيان لأني أبغى مركز صور عشان أقدر أتابع التغير أول بأول و ما فيه الا الفيسبوك و الشباب ما يقصرون سواليف كثير خخخخخخخخ

اقتباس:

---

المشاركة الأصلية كتبت بواسطة 1رحال

صراحة الواحد يعجب بامثالك ممن ينقل تجربته للعموم للإفادة
واصل التقدم وتقبل التحية....

---

أبغى منها للجميع أولا و أخيرا. في النادي في ناس لو يمسكون بهمتهم شوي... قدروا يسون المستحيل بس المصيبه ما فيه همم و ندعوا لهم بالتوفيق.

اقتباس:

---

المشاركة الأصلية كتبت بواسطة goo baby

بسم الله ماشالله عليك وحش وحش
مو زي الي قاعد ياكل وينام ويقول كيف انزل وزني
بالتوفيق لك يا الغالي

---

ياكثرهم أشكال العينه ذي.... ياكل اللي يبي طول اليوم ثم يمشي له نص ساعه و يقول ليش ما خفيت!

اقتباس:

---

المشاركة الأصلية كتبت بواسطة amma271

فيه واحد معنا في النادي (بودي ماستر) يشبهه بالضبط و الله العالم انه هو
بس مبين من الصورة ان الرجال برا المملكة

---

ششش لا تفضح هو انا :09:
من يوم ما بديت و أنا مشترك ببودي ماستر بسبب ان أكثر تمارينه حره و هي أساس السالفه!

اقتباس:

---

المشاركة الأصلية كتبت بواسطة ابولطيفه

ماشاء الله
يعني اللي ماشافك من العام السنه مايعرفك

والله عطيتني دافع قوي بالتوفيق والله لايضرك

---

و هذا الهدف من الموضوع و مشكور على مرورك.

اقتباس:

---

المشاركة الأصلية كتبت بواسطة toto jeddah

ماشاء الله تبارك الرحمن

ياخي عجبني شكلك ,,, نوعيتك من الناس المريحة ماشاء الله
بالتوفيق يابطل واهنيك ع الانجاز واستمررر

---

أنا مريح و أحب أفرفش... بس كثير ما يحبون يناقشوني... طبعي تزبيدي خلال النقاش... ما يتقبلون مني للأسف :ee2:

اقتباس:

---

المشاركة الأصلية كتبت بواسطة abu kinan

وينك يا صاحب الموضوع وصلت الصفحات 4 من المعجبين بنتائجك المبهره وانت ولا هنا وين متخبي

---

النوم سلطان و الشغل أمانه فلازم نوازن شوي.

اضافه: جتني أساله كثيره وش المكملات اللي أستخدمها وهي كالتالي:
1. Optimum 100% Whey
2. Optimum 100% Casein
3. Animal Pak
4. Animal Cuts ممتازه جدا في شهر اللي ما آكل فيه كربوهيدرات لتنزيل المويه الزايده.
5. Lipo 6 توني بادي فيه الحين و ممتاز لمنع الشهيه خاصه مع الكاسين... يكتم الجوع صح!.
7. Animal Pumps بس أتناوب عليه شهر ايه و شهر عشان الكرياتين يحبس المويه.
8. Seven Seas Joint Care مفاصلي لحد الحين تعورني لحد الحين من أيام السمنه المفرطه.
9. Seven Seas Cod Liver Oil. المشروب و الحبوب. من أهم مصادر تنميه المفاصل و التخسيس عامه.

و فيه مكملات شاريها من الحين بس انتظر متى انشاء الله أطق ال90 كيلو عشان أبدى كورس تضخيم لمده 3 شهور بعدين ارجع أنشف. الهدف منها رفع عمليه الأيض. و صوره لها:
http://img12.imageshack.us/img12/739...0106142422.jpg

ما شاء الله تبارك الله
انجاز عظيم
الله يوفقك والى الامام يابطل

ياخي ماشاء الله عليك واصل يابطل ومشكور على الموضوع

شد حيلك العزيمة والهمة أتمنى أن تستمر عليها والله واضح الفرق وضح جدا
واصل يابطل

يعجبني اللي يعرف وين بيوصل ويحط خارطة طريق لهدفه... ويمشي عليها...

هذا الانسان لم يكسب احترامي فقط بل تقديري لثقافته الرياضية الطيبة في هذه الرياضة، اللي يسأل ويستشير ويتابع مع مدربه ويقرأ ويشارك... والله اني فرحت فيك يا اخي

بدون مبالغة انت مثال يحتذى واللي يقول لك كتفي ما يعرض اقوله شوف صورة الكابتن واللي يقول لي كرشي كبير أقوله خذ هذا الكابتن مثال...

بالتوفيق يا بطل وإلى الأمام وعساك دوم على قوة... تقبل تحياتي

ما شاء الله تبآرك الله .. بعد عن كل النتآئج و المجهود الجبآر إلي بذلته خلال عآم كآمل أكيد صرت تحب الريآضة أكثر من أول .. بس تبغى الصدق والله صرت شخصية و أحلى من أول

الله يهنيك بصحتك ووآصل يآ بطل

ماشاء الله ماشاء الله ماشاء الله

فرق واضح جداً وممتاز .. اهنيك ع اصرارك وروح العزيمه

بطل الله يوفقك :)

مشاءالله انجاز طيب ونتائج ممتازه
مشكور على نقل تجربتك كابتن

ماشاء الله تبارك الرحمن

مواضبة سنة كاملة في برنامج إنقاص الوزن...!!

يا أخي أنت أسطورة تضرب عليها الأمثلة...

كثير من الناس يقرف برنامج انقاص الوزن بعد الاتزام به لمدة 3 شهور بالكثيييييير...
بعكس كمال الاجسام اللي يكون أسهل في المواضبة..

لكن انت ما شاء الله عليك عزيمتك قوية و حققت نتائج ممتازة...

و لا يوقف....

واااااااااو
مشاءالله اهنيك يابطل :biggthump

سجل عندك مُعجب جديد

ما شاء الله تبارك الله، عزيمة واصرار يستحقوا التهنئة
اتمنى انك تواصل على نفس الاصرار وباذن الله بتتحول بشكل شامل للافضل وللجسم المثالي

من افضل الى افضل ان شاء الله

مـــــــــــــــــاشــــــــــــــــــــــــــــــــــاء الله تــــــــــــــــــــــبـــــــــــــــــــــــــــــارك الله


عزيمة ، إيرادة ، قوة


والله أبداع أبداع أبداع


قليل فيك المدح كابتن ، أستمر للأفضل


مـــــــــــــــــاشــــــــــــــــــــــــــــــــــاء الله تــــــــــــــــــــــبـــــــــــــــــــــــــــــارك الله

بسم الله ما شاءالله نتائج رائعة أخي العزيز وإن شاءالله توصل لهدفك بالعزيمة والاصرار.

والله يا أخوي حمستني أنزل موضوع بالصور مثلك لأني خسرت لحد الحين 33 كيلو.

وشرف لكل واحد انه يعرفك وعساك على القوة دوم :)

ما شاء الله تبارك الله
وربي وحش

واصل بدون فاصل

يعطيك ألف عافية ..


وإلى الأمام إن شاء الله ..



تحياتي واحترامي ..

ماشاء الله عليك .... تقدم ممتاز ... اهنيك من اعماق قلبي

مشاء الله ابداع وربي
هذآ مفتاح لغز كل شي
$الصبر$والاراده القويه
بس باقي نشوف العضلات


بصراحه الصوره الاولى موووتتني من الضحك <<<< لا تزعل
اما ثانيه جنان
بتوفيق يابطل

ماشاء الله عليك واصل ان شاء الله توصل للوزن المطلوب

ماشاءالله تبارك الرحمن
فرق كبير بين الصورتين وتقدم ملحوظ استمر يابطل
موفق اخوي.

يعطيك العافية ماشالله هذا تشجيع للكل

بس سؤال يدور في جعبتي ومب لاقيله جواب

وش هو الديدلفت ؟

مشكورين شباب على المشاركات و شكر خاص لليحفزون أكثر و انشاء الله نواصل.

السر الأساسي هو بسيط جدا: فكر ان حياه كمال الأجسام هي حياتك. مب شيء مؤقت فقط تجيب الجسم بعدين تبطل. فيه ناس لهم فوق الثلاثين سنه يلعبون و لحد الحين ما وقفوا... فقكروا و تفكروا ثم واصلوا.

اقتباس:

---

المشاركة الأصلية كتبت بواسطة شفاف قطر

يعطيك العافية ماشالله هذا تشجيع للكل

بس سؤال يدور في جعبتي ومب لاقيله جواب

وش هو الديدلفت ؟

---

راجع هنا أخوي:
http://www.exrx.net/WeightExercises/...BDeadlift.html

تعتبر من أهم تمارين الظهر السفلي و عضله الرجل الخلفيه.

ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ , ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½

ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½, ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½

ما شاء الله عليك الي امام يا وحش
ممكن تجاوبني علي سوالي كيف تخلصت من الترهلات

ما شاء الله عليك...
ماجووووور
الصبر شيء جميل......
الله يوفقك
سبحان الله والحمد الله ولا اله الله و الله اكبر

مشاء الله عليك صبرت وتحملت وحصلت نتيجه بعد اصرار وجهد وياليت البدان كلهم عندهم همه نفس همتك لان اكثر الامراض تجي بسبب السمنه الله يكفينا وياكم

ماشاء الله عليك .. عزيمة واصرار .. وكسر حاجز البدانة

واااصل

اول صوره احلى صوره عجبتني واجد احسن واجمل من الممثل براد بيت واجد عضلات ماشاء الله:biggthump

ماشاء الله نتائج رائعة

مشاء الله
عزيمه +صبر = نجاح
بالتوفيق

الله يوفقك استمر يا بطل

ماشاء الله

ماشاءلله على ايراتك

من هل حال وحسن انشاءالله

احس اني شايفك قبل كم سنه تدرس في جامعة البترول

الله واكبر عليك وانا بعد مثلك حمستني يا الطيب

واتمنى لك التوفيق يا بطل

أحييك ياكابتن وأكيد انت أعجبت بنتيجتك أكثر من أي شخص معجب هنا

ماشاء الله تبارك الله

واصل وتحقق ان شاء الله نتائج مرضية أكثر