استشارتكم في GH MAX او غيره من المحفزات

السلام عليكم ،،

العمر 21
الطول 162
الوزن 69
نسبة الدهون 19-20

انا ابي اخذ محفز قروث اللي هو GH MAX عشان يعطيني بمب ويرفعلي مستوى القروث الطبيعي ويساعدني بنسف الوقت بالتنشيف ولا افكر اسوي كورديو كثير عشان اعطي للعضله راحتها

اش رايكم في هالمنتج هل هو جيد ؟؟
اذا جربته ، كيف كانت نتايجه معك ؟؟
هل هناك محفزات قروث افضل من ؟؟

سؤال ايضا،، اذا اردت تحفيز التست في نفس الوقت هل زيادة الزنك الي gh max
كفيله بان ترفع التست ولا احتج محفز تست مثل t-bomb ???

اخيرا : افكر ازيد البي سي اي اي والايزو بروتين اش رايكم ؟؟
اتمنى من اخوتي الكرام الافاده

وعليكم السلام

اذا حاب تزيد نسبة هرمون النمو اثناء التمرين فعندك ال GABA وهو يزيد هرمون النمو باربعة اضعاف اثناء التمرين

اقتباس:

---

سؤال ايضا،، اذا اردت تحفيز التست في نفس الوقت هل زيادة الزنك الي gh max
كفيله بان ترفع التست ولا احتج محفز تست مثل t-bomb ???

---

الزنك مفيد وحسب ال FDA انه 15 مج كافي وتقدر تزيد الى 50 مج لكنه كثرة تناوله تزيد احتمالية اصابة بسرطان البروستاتا ...الله يبعده عن كل مسلم

المحفزات ما اعتقد بتفيدك وانا شخصيا بدل هذي المحفزات استخدم الكركم والحلبة وفلفل الاسود وكلهم لهم دور في عملية البناء.

يعني ما تنصحني فيهم من الأخر ،،

اوكي اذا باخذ زنك بحاول اخذ 30 ملجم ويكون معاه كوبر لاني اعرف انه يقلل مستوى الكوبر في الجسم

بس انا فهمت منك ان المحفزات مو كويسه ولا راح تفيدني ،، هل هذا صحيح ولا لا ؟؟

وهل لها سايد افيكت ،،؟

واسمحلي عل كثرة الاسئله

اقتباس:

---

يعني ما تنصحني فيهم من الأخر ،،

اوكي اذا باخذ زنك بحاول اخذ 30 ملجم ويكون معاه كوبر لاني اعرف انه يقلل مستوى الكوبر في الجسم

بس انا فهمت منك ان المحفزات مو كويسه ولا راح تفيدني ،، هل هذا صحيح ولا لا ؟؟

وهل لها سايد افيكت ،،؟

---

اعتقد انه اذا خذيتهم معا بعض يمكن ان تقلل امتصاصهم لكني مب متاكد فالافضل تاخذهم في وقت مختلف
ولا تنسى انه العادة السرية تقلل من الزنك بالجسم وايضا التمارين الرياضية فزيد من جرعة الزنك بهذي الايام

بالنسبة للمحفزات نتايجها ضعيفة لكنه اذا حاب تجرب عندك d-aspartic acid وهو يزيد هرمون الذكورة بنسبة 40%

وعندك المغنيسيوم وفيتامين دي والزنك .. لهم تاثير ايجابي على التستسيرون

وبالنسبة للاعشاب الزنجبيل والبصل والثوم

وبالنسبه للزيوت زيت السمك وزيت الزيتون مفيدين للانتاج التستيسرون

بالتوفيق

بس اخوي انا ابي احفز القروث عشان يساعدني في التنشيف أكثر ويعطي بمب

وان شاء الله راح اضيف الاعشاب في اكلي بشكل عام ،، وبالنسبة لزيت السمك وزيت الزيتون الحمدلله ماخذ كفايتي منهم

طيب يالغالي ،، اش ممكن في شي طبيعي يحفز القروث غير المحفزات

الي اعرفه النوم 8 ساعات ولازم يكون النوم عميق و التمرين المجهد بعقل
تقليل من الكاربس قبل النوم وقبل التمرين كومبلكس كارب مثل الباستا قبل التمرين بساعتين
هل عندك اضافات على هالكلام؟؟

ومشكوور على النصيحه اللي فوق " احيك عليها "

كل الامور الطبيعية المحفزة للقروث انته ذكريتها يا اخوي مثل التقليل من السكر و و.....

وبالنسبة للمكملات مثل ما قلت Gaba له تاثير قوي على زيادة القروث بالجسم وبالنسبة ل GH max ما عندي فكرة

العفوا يالطيب

شكرا جدا جدا جدا ،، على نصايحك أخوي ،،

انا توني جالس اقرا عن ال GABA وشكلي بحطه من ضمن الاختيارات ،،

اتمنى لكـ التوفيق ،،

ماقصر الاخ سكيري جزاه الله خير
وعن نفسي افضل دمج المحفزات الطبيعيه من ضمن الدايت اليومي وماراح تحتاج المحفزات حينها

كنت برد عليك في الرساله لكن انشغلت ببعض الامور ...


بالتوفيق

شكرا أخ سكيري إستمتعت بإجاباتك يعطيك العافية وشكرا للأخ صاحب الموضوع

اقتباس:

---

المشاركة الأصلية كتبت بواسطة THE CAST

ماقصر الاخ سكيري جزاه الله خير
وعن نفسي افضل دمج المحفزات الطبيعيه من ضمن الدايت اليومي وماراح تحتاج المحفزات حينها

كنت برد عليك في الرساله لكن انشغلت ببعض الامور ...


بالتوفيق

---

يعطيك العافيه بو منصور على النصحيه ،، وان شاء الله بحاول اضيف المحفزات الطبيعيه للاكل ،،

مسموح اخوي ،، وادري عليك ضغط عالي << الحمدلله اني مو مراقب
الله يعينك ويوفقك ويوسع دربك ،،

العفوا يا اخواني واتمنالكم الصحة والتوفيق

واحب اضيف انه فلفل الاسود يزيد من امتصاص الغذاء بالجسم فانصحك انك تضيفه باكلك بمقدار جرام واحد الرابط
وايضا اذا انته في مرحلة التنشيف فاستعمل بروتين بطيىء الامتصاص لانه الجسم يحتاج الى طاقة اعلى حتى يمتصه (تحرق اكثر) عكس الوي بروتين
الحلبة تزيد من القوة وتقلل من مستوى الدهون بالجسم وتزيد من فعالية الانسولين وادخال العذاء للعضل وليس لها تاثير على الهرمونات بالجسم الرابط

وايضا الحلبة تقلل من كليسترول الضار وتزيد من كليسترول الجيد

بالتوفيق

اقتباس:

---

المشاركة الأصلية كتبت بواسطة scaryface

العفوا يا اخواني واتمنالكم الصحة والتوفيق

واحب اضيف انه فلفل الاسود يزيد من امتصاص الغذاء بالجسم فانصحك انك تضيفه باكلك بمقدار جرام واحد الرابط
وايضا اذا انته في مرحلة التنشيف فاستعمل بروتين بطيىء الامتصاص لانه الجسم يحتاج الى طاقة اعلى حتى يمتصه (تحرق اكثر) عكس الوي بروتين
الحلبة تزيد من القوة وتقلل من مستوى الدهون بالجسم وتزيد من فعالية الانسولين وادخال العذاء للعضل وليس لها تاثير على الهرمونات بالجسم الرابط

وايضا الحلبة تقلل من كليسترول الضار وتزيد من كليسترول الجيد

بالتوفيق

---

الحمدلله الفلفل الاسود من اساسيات اكلي ،، بس استفدت من معلومة الامتصاص ،، واللي اعرفه انه ينشط الدوره الدمويه ويزيد من خفقان القلب وهذا راح يرفع نسبة الحرق والتيست ،،

وعلى البروتين البطيء تقصد بيض لانه متوسط على ما اعتقد ولا الكازين ومتى افضل اوقات لاستخدامهم ،،

اما بنسبه للحلبه ،، اعفينا عنها :d

تمام ..

والحلبه مشكلتها في الرائحه ..
عندك القرفه ممتازه للانسولين حاول تدمجها في برنامجك الغذائي بطريقة ما ..

ان شاء الله يا كوتش ،،

^_^

انا اشوف من المبكر قليلا استخدام المحفزات ,,,

ولكن كما قالوا الابطال اسكاري فيس وذا كاست , تناول المحفزات الطبيعية من الاكل رح يكون مفيد لك بأضعاف مضاعفة ,,
ونصيحتي لك ,, ادخل الكرياتين في برنامجك مثل كرياتين اثيل استر او كرياتين بيور من اوبتيوم + النايتريكس أو النانو اكس 9

الكرياتين ممتاز جدا ولا تخاف من حبس المويات ,, لانها بسيطة جدا طالما انك شخص رياضي وملتزم بتمارينك اليومية وغذائك الصحي

اقتباس:

---

المشاركة الأصلية كتبت بواسطة toto jeddah

انا اشوف من المبكر قليلا استخدام المحفزات ,,,

ولكن كما قالوا الابطال اسكاري فيس وذا كاست , تناول المحفزات الطبيعية من الاكل رح يكون مفيد لك بأضعاف مضاعفة ,,
ونصيحتي لك ,, ادخل الكرياتين في برنامجك مثل كرياتين اثيل استر او كرياتين بيور من اوبتيوم + النايتريكس أو النانو اكس 9

الكرياتين ممتاز جدا ولا تخاف من حبس المويات ,, لانها بسيطة جدا طالما انك شخص رياضي وملتزم بتمارينك اليومية وغذائك الصحي

---

ان شاء الله راح اضيف اللي قالوه الكباتن ،، تقريبا انا اسوي ٧٥٪ من اللي قالوه ،،
على الكرياتين ،، انا استخدمته ولاحظت ان جسمي ما حبس ماي ولا زاد عضل ،،
بس عطاني بور وحسيت بان جسمي صار انشف من اول ،، وبرزت العروق اللي في الذراع ،،

الكرياتين اللي استخدمته ،، البيور من شركة اوبتميم ،،