ارجو المساعده في انقاص الوزن وماهي الطريقة الصحيحه مع او بدون مكملات؟

السلام عليكم ورحمة الله وبركاته

اخواني الكرام انا عضو جديد بالمنتدى الرائع وبأعضائه المتميزين

بصراحه انا عندي مشكلة الوزن الزائد وخصوصاً في منطقة البطن والصدر تقريباً 90% من الدهون في ذا المنطقتين
و 10% بالمناطق الثانيه

وزني : 133 كيلوغرام
الطول : 178
العمر : 26 سنه

اتمنى افادتي ببرنامج امشي عليه واستفيد منه

لأني حاط في بالي اني انزل وزني وبعدها العب حديد لأني حاب أوصل للجسم الفرنسي بالنسبه لكمال الأجسام
يعني ضخامه بشكل مرتب ومفصل والعضل صافي بدون دهون

هذا حلمي وان شاءالله بمساعدتكم وخبرتكم راح اوصله

وياليت اعرف اذا اقدر استخدم ليبو 6 او اوكسي ايليت
وايهم افضل لحالتي و وين اقدر اشتريهم بالشرقيه واسعارهم اذا ممكن
واذا ليبوا 6 مانوعه العادي ام اكس او بلاك

اعتذر عن الاطالة وانا بانتظار ردودكم باسرع وقت ان شاءالله
لأني حاب ابداء بدري


الف شكر

وتحياااااتي للجميع ...

انا باقلك تجربتي اللي نقصت فيها 27 كيلو في خلال ست شهور وانت لك الحكم عليها

طبعا بدات في الصيفيه بعد الاختبارات على طول

انام للظهر وبعد صلاة الظهر اكل في الغداء 3 لقمات متوسطه الى صغيره او استبدلها برجل دجاجه مش الفخذ كامله لا بس الرجل وعليها الين يجي العشاء اكل في العشاء 4 او 5 لقمات بس وبعدها بساعه اطلع اجري 4 او 5 كيلو و
مركز على كثرة الماء و7 حبات تمر خلال اليوم كله بس

هذا هو جدولي بدون حوارق وبدون شي ما دام ان عندك اصرار وعزيمه ( باختصار عناد ضد الوزن ) بتوصل للي تبي ان شاء الله بس ركز واصدق مع نفسك لانك انت الوحيد اللي بيستفيد .

وعليكم السلام ،،

تقدر اخوي توصل للوزن اللي تبيه بدون حاورق ،، ولازم تاكل ٥-٦ وجبات خاليه من الدهون ومرتكزه على البروتين طول اليوم وعلى الكربو هيدرات المفيده او المعقده الي وجبة الغذاء بعد الغداء تعتمد على الالياف وتحصلها من الخضار ،،
يعني تاكل كل ٢-٣ ساعات ،، ليه لان جسمك يحتاج طاقه ويحتاج يقوم بوظائف اخرى حتى المخ فتغذي جسمك عشان يشتغل صح
لكن اش السبب اللي يخليك تاكل كل ٢-٣ ساعات ووجبات صغيره عشان الدايت
انك ما تدخل جسمك في مرحلة الهدم اذا دخل جسمك في مرحلة الهدم تقلل نسبة الحرق
ويبدأ الجسم يفكك من بعض الدهون المخزنه بنسبة بسيطه وبتفكيك عضلات جسمك لاخذ منها البروتين اللازم وتحويل بعضه لكاربوهيدرات كمصدر للطاقه
وزياده على كذا حرارة الجسم الداخليه ترتفع في وقت الاكل وتنخفض اذا دخل الجسم في مرحلة الهدم ،،
فمع زيادة الحراره تزيد كذالك نسبة حرق الدهون ،،

ويجب ان تمارس الرياضه كالحديد للرفع من مستويات الحرق ،، ورفع لمستويات هرمونات الجسم ،، لانها تساعد في الحرق والبناء
وتمارس الرياضه الهوائيه كي تحرق الدهون بالجسم

ملاحظه : يفضل ان يكون تدريب الحديد على مستوى جهد عالي

ويجب النوم ٧-٨ ساعات ليلا : لان هرمون النمو يرتفع بعد تأدية التمرين ذات المجهود العالي ،، وبعد ساعه من النوم العميق ،،
وارتفاع هذا الهرمون الطبيعي بالجسم يساهم على استكمال عملية حرق الدهون وكذالك عمليات اخرى ،،

اتمنى ان يكون شرحي واضح ،،

تحياتي لك ،،

يعطيك الف عافيه اخوي

صادق يالغالي بكلامك واوافقك

بس انا يالغالي عشان اوصل للوزن الطبيعي احتاج انزل تقريباً 55 كيلوغرام

ومدة ستة شهور ونزول 27 كيلو بصراحه اشوفها بالنسبه لي قليله والمده طويلة

والف شكر على ردك واهتمامك يالغالي

تحياتي لك

يعطيك الف عافيه اخ راشد على الشرح والتفصيل المفيد

تحياتي لك

ياغالي مايحتاج حارق دهون انا نزلت من فوق الميه للثمانينات بسرعه نوعا ما مع اني كنت اخربط اوقات
بس اذا خربطت اعطي نفسي جزاء ولازم احرق اللي اكلته

مانصحك تنزل اكثر من 35 كيلو في 6 شهور

كل ماكان نزولك بطيئ كل ماكان احسن
ولاتنسى الترهلات بالنزول السريع !!


عموما من 9 اشهر الى 12 شهر تقدر تتخلص من هالـ 55 كيلو بشكل صحي

ولاتحاول تنزل في اقل من 9 شهور

اقتباس:

---

المشاركة الأصلية كتبت بواسطة الناعسي

انا باقلك تجربتي اللي نقصت فيها 27 كيلو في خلال ست شهور وانت لك الحكم عليها

طبعا بدات في الصيفيه بعد الاختبارات على طول

انام للظهر وبعد صلاة الظهر اكل في الغداء 3 لقمات متوسطه الى صغيره او استبدلها برجل دجاجه مش الفخذ كامله لا بس الرجل وعليها الين يجي العشاء اكل في العشاء 4 او 5 لقمات بس وبعدها بساعه اطلع اجري 4 او 5 كيلو و
مركز على كثرة الماء و7 حبات تمر خلال اليوم كله بس

هذا هو جدولي بدون حوارق وبدون شي ما دام ان عندك اصرار وعزيمه ( باختصار عناد ضد الوزن ) بتوصل للي تبي ان شاء الله بس ركز واصدق مع نفسك لانك انت الوحيد اللي بيستفيد .

---

معليش أخي نظامك غلط بكل المقاييس تماما أكلك نوعية أكلك نومك تمرينك

اقتباس:

---

المشاركة الأصلية كتبت بواسطة Rashed.S

وعليكم السلام ،،

تقدر اخوي توصل للوزن اللي تبيه بدون حاورق ،، ولازم تاكل ٥-٦ وجبات خاليه من الدهون ومرتكزه على البروتين طول اليوم وعلى الكربو هيدرات المفيده او المعقده الي وجبة الغذاء بعد الغداء تعتمد على الالياف وتحصلها من الخضار ،،
يعني تاكل كل ٢-٣ ساعات ،، ليه لان جسمك يحتاج طاقه ويحتاج يقوم بوظائف اخرى حتى المخ فتغذي جسمك عشان يشتغل صح
لكن اش السبب اللي يخليك تاكل كل ٢-٣ ساعات ووجبات صغيره عشان الدايت
انك ما تدخل جسمك في مرحلة الهدم اذا دخل جسمك في مرحلة الهدم تقلل نسبة الحرق
ويبدأ الجسم يفكك من بعض الدهون المخزنه بنسبة بسيطه وبتفكيك عضلات جسمك لاخذ منها البروتين اللازم وتحويل بعضه لكاربوهيدرات كمصدر للطاقه
وزياده على كذا حرارة الجسم الداخليه ترتفع في وقت الاكل وتنخفض اذا دخل الجسم في مرحلة الهدم ،،
فمع زيادة الحراره تزيد كذالك نسبة حرق الدهون ،،

ويجب ان تمارس الرياضه كالحديد للرفع من مستويات الحرق ،، ورفع لمستويات هرمونات الجسم ،، لانها تساعد في الحرق والبناء
وتمارس الرياضه الهوائيه كي تحرق الدهون بالجسم

ملاحظه : يفضل ان يكون تدريب الحديد على مستوى جهد عالي

ويجب النوم ٧-٨ ساعات ليلا : لان هرمون النمو يرتفع بعد تأدية التمرين ذات المجهود العالي ،، وبعد ساعه من النوم العميق ،،
وارتفاع هذا الهرمون الطبيعي بالجسم يساهم على استكمال عملية حرق الدهون وكذالك عمليات اخرى ،،

اتمنى ان يكون شرحي واضح ،،

تحياتي لك ،،

---

يعني كفيت ووفيت وشرح واضح وشامل وعين العقل

ما أزيد غير انك لاتستعجل نزول الوزن لأنه صدقني غير صحي وبيسببلك مشاكل كثير لو حصل ونزلت بسرعه واعطي نفسك سنه وانا اخوك انت هتشوف تغير في نفسك وتتعود على النظام الصحي

لا تفكر انك تنزل بسرعه ... اهم شي انك تبدا وتستمر ... فكر في صحتك .. في حياتك ... في نفسيتك الي بتتغير للافضل باذن الله ..وخذ الرياضه في حياتك مثل الاكل والشرب والتنفس .. وأمورك بالتدريج بتكون في السليم والي في بالك بيصير باذن الله

الف شكر على الردود الجميله وكلام في عين الصواب

وانا قريت موضوع تقريباً نفس كلامكم وان شاءالله راح انزله في المنتدى لأنه كثييير مفيد ومفصل و واضح وكلام علمي

تقيلوا تحياتي للجميع

يااخوان ياليت تشرحون مشاكل النزول السريع هل لها ذاك التأثير القوي على الصحة

اولا النزول السريع يخلي الجسم يحس بمرحله الخطر
وبعد ماتترك الرجيم يبدا بتخزين الاكل والاقتصاد بالطاقه كلها كم شهر وراح يرجع وزنك
وكويس اذا مارجع وزنك دبل !! وهالشي صار لي 4 مرات
وزياده على كذا ترهلات راح تسبب لك احباط

النزول البطيئ راح يخليك تستمر وماراح يخليك ترضى بجسمك الين توصل للرشاقه ويمكن ماتقتنع فيها كمان!
يمكن تكمل بصاله القيم !! شد وتضخيم !

ولاتنسى ان النزول مو مهم ابد كل العالم يقدرون ينحفون لكن الاستمرار والمحافظه على الوزن الرشيق هو الاهم بعد الدايت
وهالشي ماراح تقدر تسويه الا اذا نزل وزنك بطريقه طبيعيه لانك راح تتعود عالصبر وماراح تكون ضعيف قدام الاكل اذا نحفت
وبكذا ماراح يرجع وزنك غالباً لانك بتكون صبور وعندك اراده :)

كلام جميل جدا

واخوي وليد تطرق لنفس النقطه اللي تطرقت عليها
وهي مرحلة المجاعه في هذه المرحله اذا اكلت اي اكل جسمك يبدأ يخزنه وما يحرقه
ومثل ما ذكرت لك الجسم يحتاج الاكل لكي يمدك بالطاقه ويقوم بوضائفه الداخليه حتى وضائف المخ
في مرحلة المجاعه الجسم يستهدم الدهون المخزنه كعنصر من عنصار الغذاء ومع ذالك يفكك اللحم بالجسم اي العضل لكي يستمد ايضا الغذاء
صحيح راح تنحف لكن في ضرر ،، واذا اكلت اصلا اكلك ما ينحرق بل يتخزن يعني روح كل يوم من ماك راح ترجع اللي نزلته شهر لكن لو نازل شوي شوي وزنك راح يزيد نص كيلو ويومين وانت مضبطه
بعدين بما ان الجسم يستمد طاقته يتفكيك العضلات ،،
اغلب اعضاء جسمك اش عضلات قلبك اش عضلات
لو قام جسمك بتفكيك من هذه العضله،، تصير انت من جد في ضرر ،،
لازم الاعتدال ،، في المشرب والمأكل ،،

اتمنى يكون كل شي موضح الان ،،

ماقصرتو الله يعطيكم العافية

طيب لو الواحد سواء دايت بدهون قليل جداً لانه الجسم يحتاج الدهون كما اعرف
واكل مثل ماتقول خمس وجبات مع حارق الدهون
هل في هذي الحالة راح ينطبق عليه نفس كلامكم !!
نقطة اخرى الحين اذا نزلت الوزن يعني في الشهر 6-8 كيلو طبعا مع الدايت وحارق الدهون ودخلت حديد مع الكارديو هل راح ينطبق عليه كلامكم او
انه الواحد يقدر يحافظ على جسمة بعد النزول

اخوي شوف انا جربت رجيمات كثير
وبصراحه الرجيمات متعبه يعني انا طالع برا من وين اجيب الوجبه الفلانيه !!

يعني كلنا عارفين الفطور كورن فلكس نخاله وحليب خالي الدسم او حبه بيض مع بياضين وحبتين توست بر !
ونفس الشي مع الغدا دجاج مشوي وسلطه وهكذا !! او كم ملعقه رز اذا خربتها وسلطه وقطعه دجاج صدر صغيره !
يعني خلك مرن وبالبدايه راح تتعب
لكن بعدين وربي راح تقوى ارادتك مع ان ارادتي كانت جدا منهاره وخاصه اذا شفت اكل ههههه
الحين اطلب اكبر وجبه من ماك تخيل اكل ثلث البرقر واترك الباقي ! مع انو عندي يوم مفتوح كل اسبوعين !! ومن حقي لكن خلاص زمان اول ولى

اهم شي الرياضه ولاتوسوس ابد في الوزن خلك طبيعي وانسى انو في شي اسمه ميزان
استمر كم شهر وكأن حياتك كلها رياضه واكل صحي فجاه بتلاقي نفسك قطعت 3 ارباع الطريق !!
لاتشيل هم كثير واذا عندك بالنادي اخصائي اشترك شهرين معه فقط عشان يعطيك دفعه اذا حبيت

حارق الدهون ماتحتاجه ابد الا اذا وصلت تحت 85 كيلو
لان الدهون تقدر تنزلها بسرعه لاتتعدا 2 كيلو بالاسبوع
ومانصحك تدخل حديد كثير خله بعد ماتخلص اكثر من نص المشوار

اخوي وليد مشكوووور ياغالي وماقصرت والله يكتب لك الي فيه الخير

بس معليش تحملني شوي ليش تنصحني انه مااستخدم حارق الدهون !!!
نقطة ثانية انت تقول ما انصحك تدخل حديد كثير ممكن اعرف السبب ياغالي

حارق الدهون فايدته لمن توصل لوزن اقل من 80 مثلا راح يصير حرق الدهون صعب وباليالله تنزل
كذا راح يفيدك
بعدين اللي اوزانهم مرتفعه مايحتاج حارق لانك راح تنزل بسرعه اصلا !!
ثانيا الحارق ينشط ويزيد ضغط الدم وهالشي موكويس ابد لانه راح يزيد ضغطك كثير !
والميزان كويس جدا مع الشخص المتين واذا حبيت تقدر تستخدم شاهي اخضر صيني بعد كل وجبه بساعه ونص
وبذر الكتان لسد الشهيه جدا ملعقه مع مويه قبل كل وجبه بنص ساعه هذي وصفه البفرسور جابر القحطاني

الحديد تقدر تدخله عادي
لكن انت الحين ركز على نزول الوزن فقط لين تقطع اكثر من 30 او 35 كيلو
بعدين اخلط معها حديد

تدري انك رهيب وشكراً على خلاصة تجربتك الطويلة والشرسة مع الوزن

في بداية الرجيم راح تحس بصعوبة شد حيلك في البداية
و سبحان الله اذا استمريت راح تحس بتحسن في حياتك مثل تركيز في الدراسة , مزاج عالي, نشاط.

بالتوفيق