المعســـل - الجراك - الدخان ,,, التأثير السلبي الفتاك لــ ( التصخيم و التنشيف )

سلام عليكم ورحمة الله تعالى وبركاته ,,,

أخواني جايب لكم موضوع اليوم الأساس تبعو صراحه طرأ في بالي ونا في الكافيه مــــروق وبعـــــــسل .:silly:

الا وهوا ( التدخين وطبعا يندرج تحتو المعسل والجراك هل يضر بنمو العضلات على وجه التحديد ؟؟؟)

طبعا التدخين بكل أنواعه مضر للصحه زي ماهوا معروف عالميا من جوانب كثير جدا دايما نقرأ ونسمع عنها في كل جريدة وتلفزيون ورادو ومجلة وغيرو لكن انا بركز على نقطه معينة أكررها لكن وهيا

تأثيرو على نمو العضلات على وجه الخصوص !!! يعني الرياضين الي في مشوار الضخامه وبناء العضلات بشكل عام .

طبعا بحثت في أكثر من موقع من أجل الفايده لي وللجيمع وحبيت اشاركم ما وجدت خلال بحثي .. ووجدت أنو الموضوع مقسم الى قسمين ... نبدأ :


@@@ مرحلة التدريب العام او الرياضه الحرة والتنشيف @@@ :

- وجد أن التدخين له تأثير فوري على التنفس ، وزيادة مقاومة مجرى الهواء وبالتالي تقليل كمية الأوكسجين في الدم امتصاصها . وطبعا وفقا للمعادله هادي بالتالي لما نروح نمشي او نهرول او حتى نلعب رياضه عاديه نلهث بشكل مو طبيعي ومانقدر نكمل حتى 10

بش اب على بعضها او تمارين بطن والسبب في كده أنو ( التدخين يبطئ وظيفة الرئة ، ويقلل من نموها خلال عمليه التنفس الطبيعية الي أنعم الله علينا فيها) دحين انتا لما تتنفس بطلع ثاني أكسيد الكربون وبدخل أوكسيجن والأكسجين هوا العامل الرئيسي في التمارين الرياضية فا لما يحصلو عطب او تعطل او بطأ بالتالي. تقل عمليه تبادل الهواء في الرئه = تقل نسبه الحركه = تقل نسبه التمارين والنشاط في الأداء .

بعكس الشخص الي يدخن بشكل جدا جدا قليل او ما يدخن اصلا تلاقيه بالصلاة على النبي شغال زي المكينة لأنو الأكسجين ماخذ مجراها الطبيعي في الدم بشكل منظم وموزع ونظيف ويأدي التمارين بشكل كامل متكامل .

- وجد ان المدخن دقات القلب عندو اسرع ب 25 الى 30 % من الأنسان العادي الي مايدخن , وبالتالي القلب جالو محفظ عشان تزيد ضربات قلبو الا وهوا ( النيكوتين ) فا القلب شغال اسرع من اي قلب صحي اخر عشان يحرق النيكوتين وعشان كده لما تجي تتدرب بحصل جهد على القلب لأنو هوا اساسا شغال حرق في شي جوه جسمك فا بالتمارين الرياضيه كمان انتا جالس تتعب نفسك ؟ طيب تقولي يعني ما ادرب يا ماجد واجلس في البيت ؟ اقولك لا

يا أخي العزيز هيا الشغله ماهي طخو او اكسر مخو !! لو كنت مدمن دخان او معسل او شيشة حاول تقلل شويه شويه وعادي روح النادي ولا تجهد نفسك يعني بالعربي ((سوي موازنة مابين صحتك كا مدخن ومابين مجهود جسمك ).
طبعا يا شباب المعلومات الي ذكرتها في الأعلى معروفه عند البعض بشكل عام لكن انا دخلت فيها بشويه تفاصيل للفايدة العامة .


@@@ مرحلة الضخامة أو بناء العضلات @@@ ( وهذا اساس الموضوع الي جاتني منو فكرة الموضوع ) :

- وجد أن أول اكسيد الكربون الموجود في التبغ ( التباكو حق السجارة الي لونه دهبي او اسود )يبطأ يقلل من انتاج ومرور مادة الهيموجلوبين في الدم الي تنتج عن تواجد عنصر الأكسيجين .
احنا لما ندرب حديد ونشيل اوزان طبعا ولا بد انو ضخ الدم يزيد ويروح في العضله وبكده يساعد في تشكيها ويديها الحجم الحلو المكور , لكن لما يحصل الخلل او احسن اسميه البطأ في انتاج الهيموجلوبين نتجيه لنقص الأكسيجن بالتالي محا يصول للعضله بشكل سريع وحلو زي ما كنا نتمنى .

- وجد أن الاشخاص الي يدخنو أو الأشخاص الي يتعرضوا للهوا حق الدخان ( وداخل فيها المعسل – الجراك ) وجدت الدراسه ان النيكوتين يقاوم الأنســــــولين والجليكوز في الدم !!!! تبغوا تعرفو اش تعني المعلومه المهمه دي ؟
احنا لما ناكل بالعافيه سواء قبل التمرين او بعدو عشان نغذي العضلات ونكبرها بالأكل , فا لما ندخن او نكون في بيئة نتعرض فيها للدخان بتحصل المقاومه للأنسولين في الدم وبالتالي ما يروح الغذاء والمغذيات الي اكلنها بشكل سريع وسليم للعضلة .

- وجد أن اتحاد عنصر النيكوتين وأول اكسيد الكربون له تأثير سلبي جدا على انتاج وتلويف هرومون ال َتستوستيرون.
وهادي النقطه الي تهم كل واحد هدفو الضخامه وبناء العضلات . اظن النقطه جدا مهمه و واضحة للجميع !!!! وللي مايعرف المقصود اقوله له : هرومون ال َتستوستيرون هوا الهرومون المسؤل عن الضخامه والحجم العضلي الي نتعب عشانو.

الخلاصة : العضلات تتطلب المواد المغذية والأكسجين إلى الأستشفاء والنمو ، ووظيفة العضلات الحصول على هذه المواد المغذية والأكسجين من الشعيرات الدموية ومرور الدم لها وفي كل الجسم .
لما ندخن – نعسل – نجرك بتحصل انقباض الأوعية الدموية بالتالي تحصل اعاقه شامله في تقديم وتوصيل المغذيات للعضلة وبتبطأ بشكل ملوحظ في ضخ لأكسجين ( نلهث – نشرب مويا كتير – مانكمل العدات ولا التمرين صح ) وبالتالي تحول دون النمو العضلي وإعادة بناء الأنسجة العضلية.


صدقا يا شباب بحاول الأن اقلل من نسبه روحتي عشان اعسل وانشالله اقللها كمان وكمان وادعوا الله ليا انا شخصيا ولكل مدخن انو يتم عليه بنعمه انو يبطل الدخان او اي نوع له صله فيه .


هاذا كان نتجيه البحث الي استبقتو من اكثر من موقع مع تغير اللهجه لسهولة الفهم. اتمنى الفائده لكل من شاهد .
لكم مني كل احترام وتقدير .. والله يحمي الجميع من كل شر .

تحـــــــــــــــياتي ...

التدخين عادة سيئة جدا وللاسف انا مبتلى فيها ادخن يوميا بكيت او 15 سيجارة

وهذا الشيء ادى اني اخسر الكثير من الفائدة او العضل الي ممكن ينبنى خلال فترة تدريبي

والمشكلة العظمى اني مدمن ولا استطيع تركه , حتى ماجربت راح اجرب ان شاء الله برمضان

والشيء الي يقهر انو انا حامل ثلاسيميا دمي اصلا ضعيف 11 تخيل !! :( وادخن والدكتور تفاجئ وقالي كيف تلعب رياضة وانت ادخن ودمك ضعيف

لاكن ايش اعمل الادمان مصيبة

كنت اعسل منذ 13 عام ومنذ رمضان الماضي ولله الحمد اقلعت عن التدخين نهائياً

وبعد شهر من الان سوف اكمل سنة ان شاء الله منذ اقلاعي عن التدخين

جزالك الله خير على الطرح الممفيد

لاكن جاتني فتره كنت اعسل مع الشباب في الويك اند فقط يعني مره في الاسبوع و 4 مرات في الشهر لاحظت مستوى التنفس عندي في التمارين اختلف حتى لما اكون على السير احسن بكتمه في صدر والحمدلله بطلت ورجعت الحاله زي ماكانت عليه


شاكر لك على الموضوع الرائع اللي جا في وقتو خصوصا فتره صيف واجازه والواحد يكون فاضي اكثر من العاده " للطلاب" او للي ماخذين اجازه من الموظفين انتبهو على صحتكم

شكرا لك على الموضوع المفيد والقيم ولك فية الاجر ان شاء الله

جزاك الله خير اخي ماجد وارجو من الله القدير ان يعصمنا واياكم من شر هذه السمومشكرا حبيبي

وعليكم السلام ورحمة الله وبركاته


الدخان والمعسل او الشيشه ترفعلي الضغط خصوصا لاكنت راكب سياره وبمجمبك ثلاث مدخنين وجالس تستنشق الروائح الطلقه
هنا اختلف عليهم ياتطفون السجائر يابتصير علوم


واكيد لها تأثير على أي شخص لاسيما لاعب كمال الاجسام لان من اسس البناء كون الجسم في وضع الاستصحاح قدر الامكان

وان شاء الله تترك المعسل وطقته للأبد

ولاترا بعطيك مخالفه
:)






يعطيك العافيه

صدقت يا كابتن ماجد والله منجد عن تجربه شخصية جا في بالي اعسل قبل النادي ( الخرمه عاد حق المعسل ههههههههههههه ) ولما جيت اتدرب لاحظت نفسي ما اكمل العدات بالشكل المطلوب وتغير طفيف في الأوزان الي اشيلها

الله يجزاك خير على موضوعك الحلو من جملة مواضيعك الي في الصميم صراحة . استمر :) ومجهود طيب

ان شاء الله ما اكون قدوة في ذلك للشباب ,, لاني اعسل في الشهر يمكن 6 مرات

لما اكون في كوفي بصراحة افتري في المعسل هههههه
في البيت ربع ساعة فقط ....

وما نويت اسيبه ...!!!

وان شاء الله اسيبه

تسلم على الموضوع

انا مدخن من 17 سنة وساعات اشيش بس الحمدلله ماحس التدخين يأثر على لياقتي
بس عيبه اذا جاني زكام يطول معاي ..
ان شاء الله نتركها

الله يجزاك خير

و يحمي الجميع من الدخان و غيره من السموم

ماشاءالله عليك موضوعك هادف وجميل

الله يتوب عليا من التدخين واحيانا سيجار لوووووووووول

مشكووووووووووووووور يالغالي

انا حمد لله سرت 3 او4 حبات فل يوم بالكتيييير(ماااافييي وقت اصلا والي خفف عليا اني فل بيت ما ادخن) الله يتوب عليناا بس

الله يعطيك العافيه ويعافي الشباب منه اللهم امين

الحمدلله انا كملت اليوم ال 13 بدون ما اعسل بدال ما كانت كل يوم مرة . ولي ما هاو ناوي يبطل نصحية اخويه اقولو يبطل مو بس عشان الحديد والعضلات لا عشان صحتك لقدام وأكثر

جزا الله الخير الجميع . والله يحمي كل ما شارك وشاهد الموضوع من كل شر

يعطيك العافيه اخوي ماجد ...... موضوع اكثر من مهم ورائع

يعطيك ألف عافية أخ ماجد ..

في الحقيقة كنت أشيش كل أسبوع مرة ..

وبحمد الله تركتها ,, والله لها أضرار ع المدى الطويل ,,


جزيت خيرا لطرحك الراقي ..


تحياتي واحترامي ..

انا عن نفسي كنت ادخن بعد النادي مباشره وبصراحه كنت احس نفسي هزيل الجسم .. لكن يعلم الله اني لما اقعلت الان ليا سنه انو جسمي فرق بين السماء والأرض

موضوعك ذكرني بالماضي يا كابتن ماجد وفعلا جزيت خيرا

جزاك الله خير

وموضوع جميل ومفيد

انا مادري كيف واحد يدخن ويلعب رياضة المفروض الواحد ياخذ الرياضة من ناحية صحية مو مجرد شكل بس يعني لما واحد جسمه معضل ويدخن معناها ان هدفه من بناء الجسم مجرد شكل فقط وهذي مشكلة كبيرة لازم نعود انفسنا على

ان الرياضة تبني العقل قبل الجسم والمفروض الرياضة تغير المفاهيم الخاطئة عندنا ...

الله يحمينا من الدخان ...

يعطيك العافية اخوي وجزاك الله خير

التدخين مضر على المدى الطويل لصحة الانسان
واقول للمدخن انك تقدر تلعب حديد وتبدع ونتائج طيبه ابد التدخين ما يأثر على لعبك
انا لا اريد ان نوصل للمدخن فكرة انه لن يستفيد طول ماهو يدخن
لا تستفيد كثير معي بالنادي ابطال ووحوش ويطلع خارج النادي يدخن وبين التمارين بعد
لكن اللي نتمناه ان يترك التدخين بالمستقبل عشان صحتة

الرياضه تخفف من ضرر التدخين , طول ما انت تلعب رياضه اضرار التدخين تقل
ويمكن تترك التدخين بفضل الرياضه
لكن لا نريد ان يفكر المدخن انه لا يقدر ان يزاول هذه الهواية لأنه مدخن

واقول للأخ اللي مستغرب كيف واحد يلعب رياضه ويدخن
اذا كانو بعض الدكاتره يدخنون
فما بالك في بعض الشباب :)

وشكراً لصاحب الموضوع مرة اخرى

لا شكر على واجب يا شباب .. والخير للجميع انشالله

يا أخ heartbeat كونك تقول انو (( واقول للمدخن انك تقدر تلعب حديد وتبدع ونتائج طيبه ابد التدخين ما يأثر على لعبك )) فا ذا معناتو انك ما قريت الموضوع بشكل سليم لأنو التدخين يأثر على كفائه اللاعب وأداه بشكل أظني وضحتو
بالتفصيل في الموضوع .


تحياتي للجميع

اخوي ماجد كلامك على عيني وراسي

لكن انا اتكلم من واقع اشوفه امامي
شباب مدخنين سواء ضخامه او تنشيف , ونتائجهم طيبه وابد ما أثر على لعبهم للحديد
اما بخصوص اللياقه نعم يأثر عليهم , لكن مع هذا مواصلة الرياضه تقلل من ضرر التدخين
وانا اللي ابي اوصله بكلامي ان البعض يصعب عليه ترك التدخين
واذا قلنا له ماكو فايده لو تلعب وانت مدخن راح يبطل لعب
مافي خلاف ان التدخين مضر بصحة الانسان بشكل عام وليس للرياضي فقط
لكن هذا ما يمنع انه يعلب رياضه وان شاء الله يبطل تدخين بالمستقبل

والله يا شباب انا وأخوي في النادي سوا ,, وانا عن نفسي قللت التندخين بنسبة 80% ولاحظت ادائي في التامرين وااايد اتحسن وصرت اكثر من العدات , والصدق فرق معاي الحجم العضلي


الله يقويك أخوي ماجد666 واسلوبك في المواضيع دوم راقي وسهل

:)

بالتوفيق اخوي يالله شد حيلك باقي 20% اترك التدخين بالكامل