أخطاء في العروض السينمائية في FF7 !!!

مرحبا..

ادري ان العنوان يصدم واااااااايد .. بس هذي حقيقة مثبتة بالصور..
وفي تقريبا 3 اخطاء حصليتهم...

شوفو:

1- يوجد خطأ املائي في هذي الصورة بس للاسف هي مب وايد كبيرة..
انتو اكيد تقدرون تلاحظون ان في كتابة على جانب هذي الشاحنة... والمفروض ان يكون مكتوب عليها MIDGAR... لكن في هذا العرض الكلمة المكتوبة MIDGAL ...
بس في تفسير منطقي لهالخطأ...
وهو ان في اليابان طريقة نطق حرف الR مشابهة لنطق حرف ال L..
شوفو الصورة:

http://ff7citadel.sinfree.net/compfmv1.jpg


2- في الصورة الاولى لما سيفيروث يبغي يطعن ايريس بسيفه لاحظو انه مب لابس قفاز في يده.. بس في الصورة الثانية لحق يلبس قفاز لونه فضي!!!! كيف لحق انا ما ادري..

شوفو الصورتين:
http://ff7citadel.sinfree.net/secfmv2as.jpg

http://ff7citadel.sinfree.net/secfmv2bs.jpg

3-هذا خطا غريب في القصة...
اذا تذكرون في Temple of The Ancients بتقول ايريس انه مع ان Tseng مع ال Turks فهم كانو اصدقاء طفولة ((((لكن)))) لما كانت ام ايريس تقول لكلاود قصة ايريس بنلاحظ في واحد من المشاهد ان ايريس بتطلع وهي صغيرة وخايفة من Tseng اللي واضح انه كبير في العمر ومنظم للTurks
وهاذي هي الصورة:

http://ff7citadel.sinfree.net/secfmv3s.jpg

وانا عموما تاكدت بنفسي من الخطا الاول...

بس غريب ان سكوير سوفت سوت كل هالاخطاء في لعبة وحدة....

واللي عنده اي تعليق على اي خطا يتفضل ويكتبه..

اتمنى ان الموضوع يعجبكم..
سلام:)

شو انتي دقيقة في الملاحظات

بما ان الصور ما طلعت فانا برفقها...

هاذي صورة الشاحنة:

وهاذي صورة سيفيروث بدون قفاز:

وهاذي صورته وهو لابس قفاز بس دققو فيها:

وهاذي صورةAeris و Tseng :

بالنسبه للخطاء الاول فعلا اليابانين احيانا يكتبوا الـ L بدل الـ R مثل اسم Rinoa لقيته في بعض المواقع اليابانيه Linoa.

في الخطاء الثالث أنا ما اوافقك لان مو شرط تكون خايفه من Tseng هي بس ما تبغى تروح معاه..

بعدين أنا في شيء لاحظته أن Tseng يحب ايريس ... هذا يدعم كلام ايريس بأنهم اصدقاء طفوله..



سوري انجل اذا في اي اخطاء في كلام أنا ما افهم باللعبه كثيررر.



-------------------

صح ابغى اسالك في شيء ثاني .... انا من زماااان سمعت اشاعات تقول أنك تقدر تشوف شبح ايريس في مدينه ميدجار... ابغى اعرف هذا الكلام صحيح ولا كيف؟؟

و كمان سمعت أن في نسختين من اللعبه ... و تختلف و الوحده عن الثانيه أن في رائيس زياده ... كمان هذا كلام صحيح ولا اشاعه ؟؟

ماشاء الله عليك يا اينجل....صراحه الموضوع حلو ودقيق....
تسلمي على الموضوع...ومعليش تعبك على الصور....
موضوع روعه وجديد....وقمه....مافي احد جابه.....يا سلام عليك....
مهما قلت ما راح اكفي...اتمنى الاستمرار والتقدم منك....الى الامام...
يا اختي العزيزه....:D

موضوع رائع كالعادة يا ملاك .. قصدي يا أنجل:)

امم يا رينوا ...الشبح ما سمعت عنه....بس الرئيس...صحيح هو انضاف
ولكن في النسخه الانجليزيه...هذا مما جعل اليابانيين يشترونها...
بس نسيت اسم الوحش....امم...ممكن احد يساعدنا ويكتبه....
ولكن الخبر صحيح...

كمان في FF8 جرح سكوال أحيانا ينتقل من جهه لثانيه..

أنا لاحظت هذا الشيء في الصوره الي معلقتها على جدار غرفتي بس ما لقيتها بالنت فبحاول اجيبها لكم عشان تشوفوها.

اقتباس:

---

كتب العضو (ريـــنــــوا)
بالنسبه للخطاء الاول فعلا اليابانين احيانا يكتبوا الـ L بدل الـ R مثل اسم Rinoa لقيته في بعض المواقع اليابانيه Linoa.

في الخطاء الثالث أنا ما اوافقك لان مو شرط تكون خايفه من Tseng هي بس ما تبغى تروح معاه..

بعدين أنا في شيء لاحظته أن Tseng يحب ايريس ... هذا يدعم كلام ايريس بأنهم اصدقاء طفوله..



سوري انجل اذا في اي اخطاء في كلام أنا ما افهم باللعبه كثيررر.



-------------------

صح ابغى اسالك في شيء ثاني .... انا من زماااان سمعت اشاعات تقول أنك تقدر تشوف شبح ايريس في مدينه ميدجار... ابغى اعرف هذا الكلام صحيح ولا كيف؟؟

و كمان سمعت أن في نسختين من اللعبه ... و تختلف و الوحده عن الثانيه أن في رائيس زياده ... كمان هذا كلام صحيح ولا اشاعه ؟؟

---

على العكس اذا لاحظتي في الصورة ايريس طالعة وهي طفله و Tseng كبير ومنظم للتركس فكيف يكونون اصدقاء طفولة؟؟؟

وبالنسبة لشبح ايريس فاخوي قالي انه طلعله مرة في عند الزهور في الكنيسة بس ما صدقته... بس شكله كلامه صح..
وبالنسبة للنسختين فانا بصراحة ما ادري...

ومشكووووورة على الرد..

مشكوووووووورة على الموضوع يا ملاك المنتدى :D

بس ياريت لو تجاوبين على أسئلة رينوا لأنها حيرتني انا بعد :":

اقتباس:

---

كتب العضو (Angel whisper)
وبالنسبة لشبح ايريس فاخوي قالي انه طلعله مرة في عند الزهور في الكنيسة بس ما صدقته... بس شكله كلامه صح..

---

:واو: :واو: :واو: :واو: أنا الحين الحين راح أروح ميدجار و أدخل الكنيسة علشان أشوف آيرس :واو: :واو: :واو: :واو:

اقتباس:

---

كتب العضو (anime-girl)
ماشاء الله عليك يا اينجل....صراحه الموضوع حلو ودقيق....
تسلمي على الموضوع...ومعليش تعبك على الصور....
موضوع روعه وجديد....وقمه....مافي احد جابه.....يا سلام عليك....
مهما قلت ما راح اكفي...اتمنى الاستمرار والتقدم منك....الى الامام...
يا اختي العزيزه....:D

---

مشكووووووووورة يا احلىىى anime-girl على هالكلام الحلووووو ...

صدق هذا الكلام اللي يخليني اتشجع واكتب موضوعات زيادة...

وانا اللي مهما شكرتك شكري ما بيكفي...

اقتباس:

---

كتب العضو (DOOM LORD999)
موضوع رائع كالعادة يا ملاك .. قصدي يا أنجل:)

---

مشكووور يا دوم...

بس هو مب متميز كثر مواضيعك:)

اقتباس:

---

كتب العضو (M7MOOOD)
مشكوووووووورة على الموضوع يا ملاك المنتدى :D

بس ياريت لو تجاوبين على أسئلة رينوا لأنها حيرتني انا بعد :":

---

العفوووووووو بو حميد:D

وانا جاوبت على اسئلتها...

اقتباس:

---

كتب العضو (M7MOOOD)


:واو: :واو: :واو: :واو: أنا الحين الحين راح أروح ميدجار و أدخل الكنيسة علشان أشوف آيرس :واو: :واو: :واو: :واو:

---

بس انا ما اضمنلك ان كلامه صح ..

تحصله سمع الاشاعة وكذب علي..

بس انت جرب واتمشى شوي في الكنيسة ويمكن يطلعلك..

ماشاء الله طلعت اذكي من اليابانيين

في خطأ كمان لما كلاود يرمي ايرس في الماء ما تبين رجلين كلاود

كمان في فاينل فانتزي 9 في اخطاء املائية في بداية اللعبة بس والله ناسيه واذا تذكرتها راح اكتبها لكم

مشكورة يا أنجل.....


و الله أنت دقيقة الملاحظة ......


;) شكرا لك:واو:

بالنسبه للاختلاف في النسخات انا اذكر اول ما لعبتها فاينل7


اشتراها لي خالي من امريكا اصلي ولعبته الين النهايه لكن كالعاده التخزين انمسح:o

ولعبتها بعد شهر وانهيتها ولاحظت ان الرئيس الي قبل الاخير لو تذكرون...قبل ابو جناحين...


كنت اقاتله بثلاث شخصيات فقط بالنسخه الاصليه اما نسخه الكوبي بالشخصيات كلها...

في احد لاحظ الشي هذا؟

ودي اعلق على كذا نقطة ان سمحتولي .
اولا الاخطاء الاملائية لازم تعذر الشركة فيها لانها وحتى لو شيكت على كل الكلام مرة ثانية ( وهو اللي يصير ) احيانا يصير تغيير اذا بدا النسخ (وهذا اللي سبب وجود اسم Aerith ) . وفعلا كلام رينوا صحيح . اليابانين يبدلون حرف ال( L ) بالانجليزية الى R ببساطة لان المقاطع La-Le-Lo-Li-Lu حذفت من كتابتهم قبل 200 سنة من قبل امبراطور ( عشان كذا يقولون Engrish ) .
وبالنسبة لشبح ايريس فهو صحيح . هو مب سر . هو زي الغلط باللعبة . ومع اني ماشفته بس ان Gamefaqs تقول كذا في قسم الاشاعات الصحيحة والكاذبة ( ومافيه ولا شي ينكتب في Gamefaqs الا صحيح ) .
وفعلا النسخة الامريكية زايد فيها ثلاث وحوش بالنهاية . مع اني مع اعرف منهم هم بس الثلاث وحوش هي وحدة من الاشاياء الزيادة اللي في النسخة الامريكية .
اما اللي احس انها اكبر غلطة فهي القفاز . كيف شي زي كذا يروح عن بالهم .


صح وبالنسبة لكلام رينوا عن ان جرح سكوال يروح للجهة الثانية . Gamepro قد جاوبت على سؤال زي كذا وقالت ان الشركات غالبا تعكس الصور في الPosters لعدة اسباب .

سلامي على صاحبة الموضوع ........ :D :D :D ......... تستاهلين كل خير على هذه المواضيع ...

بالنسبة لقصة شبح ايريس ....... هو فعلا موجود ........... وانا متأكد من كلامي هذا ............
راح اشوف الطريقة وارد عليكم في اقرب فرصة ............. ":"

http://www.kntnet.com/Vegeta/supersaiyan.gif

انجل شهالمواضيع هذي ...........

انجل شوي شوي علينا مو تاكلينا مره وحده ............

كل الي اقدر اقوله :
.............................................:D

اقتباس:

---

كتب العضو (gabha2001)

صح وبالنسبة لكلام رينوا عن ان جرح سكوال يروح للجهة الثانية . Gamepro قد جاوبت على سؤال زي كذا وقالت ان الشركات غالبا تعكس الصور في الPosters لعدة اسباب .

---

اهاااااااا ... الحين فهمت كيف صارت :)

شكرا

جرانديا:بس انا ناقلة هالاخطاء من موقع :":

Alexander: هذا ما يعتبر خطا لان المفترض يكون عمق البحيرة كبير..

MSTK:اول ما تتذكرهم اكتبهم...

Pentium:انا ناقلة الاخطاء من موقع... والعفو..

RPG_master : انا عندي نسخة اصلية والعب وياه بكل اللاعبين.... بس هم يخففون العدد اذا كان ليفيلك منخفض .. لاني اذكر اني وصلت لسيفيروث اول مرة وانا في ليفيل منخفض وخلوني العب وياه بثلاث شخصيات.. بس لما عاديتها بليفيل عالي خلوني العب وياه بكللل الشخصيات..

gabha2001:مشكور على التوضيح..

SUPER-SAIYAN:الله يسلمك.. معناته اخوي مب كذاب...

Tidus:مشكوووور ...

سانكيو فور زيس إيمبورتانت إينفورميشن :D :D
سانكيو فيري ماتش:D
أند ستي ووركينج هاردر أند هاردر :D :D
والبقية في حياتكي على المدرسة :( :(

اقتباس:

---

بس هم يخففون العدد اذا كان ليفيلك منخفض .. لاني اذكر اني وصلت لسيفيروث اول مرة وانا في ليفيل منخفض وخلوني العب وياه بثلاث

---

اها:D

Winningelleven4:يو آر فيري ويلكم ماي فريند...
بس ليش تذكرني بالمدرسة؟؟

-------------------------------------------------------------------------------

عموما انا اكتشفت هالخطا بنفسي":" ":"

ان شاء الله بس ما اكون غلطانة...

اللي عنده فاينال 7 اصلية بيلاحظ انه مكتوب في كتيب اللعبة ان عمر فينسينت 27 سنة...
وعلى افتراض ان عمر سيفيروث 23 سنة...
كيف يكون فينسينت منظم للتركس اول ما بدا مشروع جينوفا ؟؟؟
لان عمر فينسينت هذيك الحزة بيكون بس 4 سنين....
في حد عنده تفسير؟؟؟؟

(ان شاء الله ما اطلع مخرفة بس)

اقتباس:

---

كتب العضو (Angel whisper)
Winningelleven4:يو آر فيري ويلكم ماي فريند...
بس ليش تذكرني بالمدرسة؟؟

-------------------------------------------------------------------------------

عموما انا اكتشفت هالخطا بنفسي":" ":"

ان شاء الله بس ما اكون غلطانة...

اللي عنده فاينال 7 اصلية بيلاحظ انه مكتوب في كتيب اللعبة ان عمر فينسينت 27 سنة...
وعلى افتراض ان عمر سيفيروث 23 سنة...
كيف يكون فينسينت منظم للتركس اول ما بدا مشروع جينوفا ؟؟؟
لان عمر فينسينت هذيك الحزة بيكون بس 4 سنين....
في حد عنده تفسير؟؟؟؟

(ان شاء الله ما اطلع مخرفة بس)

---

شووووووووووووووووكرن على الموضوع :D <<<<<<<<<بدري

المهم بالنسبه لسؤالك فانا مستعجل عندي مشوار وراجع :p

اقتباس:

---

كتب العضو (E:man)

شووووووووووووووووكرن على الموضوع :D <<<<<<<<<بدري

المهم بالنسبه لسؤالك فانا مستعجل عندي مشوار وراجع :p

---

هلااااااااااا جدووووووووووو...

من زمااااااااااان ما شفتلك رد في المنتدى:( وينك؟

والمهم انك رديت على موضوعي ما يهمني الوقت...

والعفوووووووووو

جيبو مفتاح القطاع خمسه من منطقة الحفريات وادخلوا مدجار واول شي يواجهكم هو الكنيسه واول ما تدخلون راح تلقون ايرس عند منطقه الزهور في الجهه الشماليه وهي راح تسوي نفس الي كانت تسوي يوم كلاود معها يعني نسخه من حركاتها الي اول مره . انا سويت هذي الخدعه بالدسك الثالث بس مدري اذا تنفع بالثاني ولا لا بس انا حاولت اطلع وادخل عشان كنت ابغا امسكها هههههههههههههه silly me بس ما لقيتها بس هذا ما يعني انها ما راح تطلع مره ثانيه .

اقتباس:

---

كتب العضو (Angel whisper)


هلااااااااااا جدووووووووووو...

من زمااااااااااان ما شفتلك رد في المنتدى:( وينك؟

والمهم انك رديت على موضوعي ما يهمني الوقت...

والعفوووووووووو

---

يؤ يؤ يؤ :D

خلاص تطورنا وصرنا مراقبين على الموضه ما نرد الا كل مية سنه :p

المهم كثري من ذي المواضيع تراها كويسه على الريق :p

اقتباس:

---

خلاص تطورنا وصرنا مراقبين على الموضه ما نرد الا كل مية سنه

---

:D :D

اقتباس:

---

كتب العضو (E:man)

يؤ يؤ يؤ :D

خلاص تطورنا وصرنا مراقبين على الموضه ما نرد الا كل مية سنه :p

المهم كثري من ذي المواضيع تراها كويسه على الريق :p

---

يؤ يؤ يؤ :D

عاد تكبر راسك على انجل بنت وسبر يحليلها؟؟؟

والله كنت اخطط لموضوع رهيييييييييييب ما انكتب في المنتدى ولا مرة...

بس المخططات اختربت اليوم...

ولازم ادورلكم شي ثاني..

خلاص انا الحين قررت اكتب مواضيع عاقلة مثل هذا":"

وترقبووووووو موضوع جديد قريبا...

اقتباس:

---

كتب العضو (Pentium)



:D :D

---

هلا تسيف حالك وشلونك والله ما صرنا نشوفكم :D

Angel whisper لا ما عاش الي يكبر راسه عليكم بس المساله ان موضوعك ما قدرت اشوفوا الا متاخر <<<<ترقيع على مستوى :p

المهم تراني شفت موضوعك الجديد وما كملت قرايته لما حسيت انه بيخرب علي اللعبة وعشان كذا ما قدرت ارد

وطانكس واجد على الموضوع عموما ;)