البروتين يقلب بطني ويلعب فيها

معلومات المتقدم بالاستفسار :
العمر : 21 , الجنس : ذكر

الطول :168 متر
الوزن : 73 كيلوجرام

نسبة الدهون : 17

و الاستفسار كالتالي :
السلام عليكم


وكل عام وانتم بخير ان شاء الله


مشكلة البروتين زادت عن حدها .. اول كنت استخدم بروكمبلكس فراوله وقلب بطني ولعب فيها ووقفته


والان صرت استعمل ايزو 100 وكازين كلها بالشوكلاته


الايزو فيها سكر كثيييييييييييييييييييييييييييييير وصرت احطه معاه نسكافه بوده ويمشي حاله


والكازين احسه كتل كتل واحطه معاه نسكافه بودره ولكن نفس المشكله في التكتل والطعم


لكن يا اخوان مافي فايده وربي بطني مقلوبه .. ما ادري المشكله بس فيا انا او تواجه الجميع


وايش حلها ..؟

اتمنى تساعدوني .. لان المشكله متعبتني

وعليكم السلام
انت تاكل اكل طبيعي ولا بس معتمد على المكملات !!
وهل عندك حساسيه من الحليب !!

يالغالي اكل واكلي ممتااااااااااز بس زي ما تعرف لازم البروتين عشان اكمل النسبه المطلوبه لجسمي

وماعندي اي حساسية من الحليب

ممكن عندك مشاكل من اللاكتوز
جرب واي الصويا او الشوفان

اتمنى المساعده

بالنسبة للاكتوز فالـ ايزو 100 خالي من اللاكتوز ..

مشكلتك غريبة لأنه مكملاتك مضمونة و الاغرب انه المكملات الي عندك من المكملات الي نكهتها ممتازة جداً ..

الايزو 100 نعم مشكلته طعمه فيه حلاوة مقرفة بعض الاوقات .. باول فترة تعبت من هذا الموضوع .. بعدها تعودت عليه و صرت احبه ..
لكن ما دامك حطيت معه نيسكافيه و مشكلتك انحلت فتمام ..

الكازيين .. جرب زود كمية الماء او الحليب معه .. لو بتستعمل حليب فقط خففه بماء .. لو بتحب زبدة الفول السوداني اخلطها معه بشيك المساء ..
الكازيين عموماً ثقيل لكن شخصياً احب هذي الخاصية .. ما جربت كازيين دايماتايز لكن عموماً الكازيين ثقيل جرب زود كمية الماء ..

يا بطل لازم تتأكد من المكان اللي أشتريت منه المكملات ...؟؟ لا تكون مضروبة أو تاريخها منتهي
وقبل ما تشرب البروتين أخلطه مزبوط في الكاس وبعدها بالعافية عليك
بالنسبة لتقلبات البطن أنت متعود على الحليب .!!؟؟ كم صرلك تشرب حليب ....؟؟
والأفضل أنك تكثر من شرب الماء من 3 لتر لـ4 لتر
وأنا أخووك أنا جربت الإيزو وشغال عليه للأن الحمدلله كل شي تمام
جرب ورد علينا

وعليكم السلام

اخوي الايزو ما فيه سكر شلون يقلب بطنك ! اكيد المعده عندك ما تقبلت المنتج شوف منتج ثاني اذا خلص وان شاء الله ترتاح معاه

الله يعطيكم العافيه

انا فكرت اخلط مع البروتين اسكريم

لكن خايف من الدهون تزيد في الجسم

يا بطل مالك الا تروح الدكتور وسوي الفحوصات الازمه اضمن لصحتك لانك تقول معظم منتجات البروتين تسوي المشكله نفسها !!!

والله اني زعلان

بطني صارت تنقلب بسرعه ..

ماني عارف ايش الحل... كل المكملات ماشيه معايا إلا البروتين


اتمنى من إلي عنده الحل يطرحه لنا

اخوي انت تخلط البروتين بماء ولا حليب؟

في الصبح الايزو بحليب

وبعد التمرين بمويه

والكازين قبل النوم بحليب


وربي بطني الين دحين مقلوبه

طيع شوري وروح لطبيب مختص

وما تشوف شر

الف سلامه عليك يابطل...... شوف ياوحش في ناس يتحسسو مثلا من الموز وفي ناس عندهم حساسيه من المانغو...مجرد مثال اخوي....اول شي تسويه روحي للطبيب يسوي لك تحليل بايوكيمستري...بعد كذا شوف اش يقول لك....ممكن يقول لك كثر من اكل الخضروات عشان الالياف الموجوده في الخضروات .....وطمنا عليك يابطل

انزل للصيدليه وخذلك ( لاكتازيم ) ان شالله يفيدك

نفس المعاناة حبيبي .. صرت آخذ البروتين قبل التمرين وأثناء التمرين عشان يكون حرقته في التمرين .. بعد التمرين يقلبلي بطني قلبة غير طبيعية .. والسبب أعتقد القولون فتأكد حبيبي انو ما يكون عندك القولون ..

اذا كنت تشربة على بطن فاضية كل قبل ما تشربة قطعة خبز صغيرة .

ينفع اخلط الاسكريم في الصبح مع الايزو

وبعد التمرين

والكازين قبل النوم مع زبدة الفول السوداني..؟

بدون اي تخزين للدهون ..؟ او فيه مشكله

لان الخوف عندي من زيادة الدهون ونسبتها في الجسم

ممكن اذا الطعم مقبول بالنسبه لك ..لكن بعد التمرين مع ماء فقط

بالنسبه للدهون تعتمد على نظامك الغذائي ككل والاسكريم عادةً سعراته عاليه جدا

قبل ششويا كنت عند الدكتور

قالي لخبطة في وظائف القولون والمعده

وقالي وقف منتجات الالبان والاجبان لمدة يومين والبروتين لمدة 4 ايام..