تجربتي مع بدي بلدنق و عرض للمكملات شرح : فيديو + صوره

السلام عليكم ورحمه الله وبركاته

حبيت اعرض عليكم تجربتي مع موقع بدي بلندق وشرائي منه والشحن

طبعا كل هاي راح اشرحه بالفيديو التوضيحي ومن خلال الفيديو بتعرفون ششريت وشوي معلومات عن كل مكمل عالسريع والسموحه ع الشرح كنت تعبان حدي لكن ان شاء الله يكون مفهوم للجميع


http://www.youtube.com/watch?v=bG75C3IpouA

كيفيه اختياري لهلمكلات : من خلال البحث و سوق المنتج و السمعه طبعا و ارائ الناس عنه واخيرا تقييم المنتج من خلال الموقع

و هاي صوره للمكملات اللي شريته مع اسعارها للمهتم : http://i.imgur.com/uWdfL.png


وبالاخير لو حد عن اضافه او خبره بأي من المكملات اللي شريتهم لانه اول مره اجربهم كلهم يكون ماقصر

واي استفسار انا حاظر

اخوكم - فانسي قطر


*كم مره قلت طبعا بالفيديو p:

وعليكم السلام ورحمة الله وبركاته


ماشااء الله عالبركه ان شاالله

لكن حبيت انبهك
الفيش اويل والzma فيهم جلاتين من الخنزير حسب مراسلاتنا مع الشركه ...

تجربه موفقه وان شاالله دائما تساهيل ..عندنا الشباب من اسبوعين ل20يوم ..


يعطيك العافيه

تقييم

الله يسعدك يابطل ,, وبالبركة عليك

شرحك وافي وكافي وتم تقييمك
وينقل للمواضيع المميزة

وعليكم السلام ..
روعه التقرير والفديو
وفي انتظآر فيديو التحويل لجسمك هع

مبروك عليك مكملاتك وبالصحة والعافية إن شاء الله
سويت حسبة تقريبية للمنتجات بالسعودية تطلع حول 1600 ريال

وعليكم السـلام ورحمة الله وبركــاته ..

مـاشاء الله طلبية كاملة.. الله يوفقك ياربي .. وياليت تتأكد من المكونات .. مثل ماقال اخوي ذا كاست انهم يحتون على مواد من الخنزير..

عن نفسي ماجربت أطلب من النت لأنه احسه يبيلة سالفة .. يوم من الايام اذا حسيت اني لي بارض راح اشوف كيف راح اطلب ووو الخ .. :)

لله يعطيك خيرهم ويكفيك شرهم

اضحكني تعليقك على الحبوب خخخ صدق منظرهم يخوف

وعليكم السلام

يعطيك العافية على نقل تجربتك وبشلك جديد بالفيديو :)
بالتوفيق يا بطل

يعطيك العافية اخوي ناصر
وتجربة ممتازة

وصدقت ياخوي لو خذت الاغراض من الدوحة كان طلع عليك ضعف السعر ..

ان شاء الله تستفيد منهم

ماشاء الله عليك
فكرة رائعة جدا ومكملات كورسك ممتازة جدا
ماعليك الا ترتيب ألاكل والنوم والتمارين تطلع وحش الصالة
والموقع والله محترم وكم مرة أطلب عيبة الوحيد عندنا في السعودية طريقة الدفع فيه شوي تعقيد لازم البنك
تصلح مقدم لاحد القنوات أو تعطينا تقرير هههههههههههههههههههههه
ماشاء الله عليك والله يوفقك ويستر عليك

ان شاء الله اخي المكملات تساعدك بعد التمرني لتصل الي ماترغب وتطمح لله والله يحميك من الاصابات وبانتظار صور التحوللل ....

اقتباس:

---

المشاركة الأصلية كتبت بواسطة THE CAST

وعليكم السلام ورحمة الله وبركاته


ماشااء الله عالبركه ان شاالله

لكن حبيت انبهك
الفيش اويل والzma فيهم جلاتين من الخنزير حسب مراسلاتنا مع الشركه ...

تجربه موفقه وان شاالله دائما تساهيل ..عندنا الشباب من اسبوعين ل20يوم ..


يعطيك العافيه

تقييم

---

صج؟ ماكنت ادري بس شلون زيت السمك الجلاتين من وين دخل يعني حتى شفايدته او شدخله مع زيت سمك ! براسلهم بشوف شي يهمنا كمسلمين والله . تسلم الشيخ ولاهنت عالرد واي انصيحه ثانيه تكفا مايردك الا الكيبورد

اقتباس:

---

المشاركة الأصلية كتبت بواسطة toto jeddah

الله يسعدك يابطل ,, وبالبركة عليك

شرحك وافي وكافي وتم تقييمك
وينقل للمواضيع المميزة

---

تسلم حبيب قلبي ولاهنت عالرد .. ولو لك خبره باي من المنتجات اللي شريتهم تفيدنا فيهم تكون صج ماقصرت والله ..

اقتباس:

---

المشاركة الأصلية كتبت بواسطة salam912

مبروك عليك مكملاتك وبالصحة والعافية إن شاء الله
سويت حسبة تقريبية للمنتجات بالسعودية تطلع حول 1600 ريال

---

الله يبارك في حياتك ... والله طلعت طيب انا حسبتها طلع مبلغ اكبر شوي لول

اقتباس:

---

المشاركة الأصلية كتبت بواسطة Weld AD

وعليكم السـلام ورحمة الله وبركــاته ..

مـاشاء الله طلبية كاملة.. الله يوفقك ياربي .. وياليت تتأكد من المكونات .. مثل ماقال اخوي ذا كاست انهم يحتون على مواد من الخنزير..

عن نفسي ماجربت أطلب من النت لأنه احسه يبيلة سالفة .. يوم من الايام اذا حسيت اني لي بارض راح اشوف كيف راح اطلب ووو الخ .. :)

---

مافي اسهل من الشراء عن طريق النت .. كمن ضغطه زر و كردت كارت وكمن يوم والمنتجات بين ايديك :)

اقتباس:

---

المشاركة الأصلية كتبت بواسطة الأفعى الصلبة

لله يعطيك خيرهم ويكفيك شرهم

اضحكني تعليقك على الحبوب خخخ صدق منظرهم يخوف

---

هههههه اي والله يخوي لما شفتهم قلت شنو هاي لحسو مخي من كثرتهم .. اخاف جدتي تشوف تقول وانت بعد هههههه

اقتباس:

---

المشاركة الأصلية كتبت بواسطة Heartbeat

وعليكم السلام

يعطيك العافية على نقل تجربتك وبشلك جديد بالفيديو :)
بالتوفيق يا بطل

---

الله يعافيك بس مافهمت كلمه و بشللك ؟

اقتباس:

---

المشاركة الأصلية كتبت بواسطة .hamad.

يعطيك العافية اخوي ناصر
وتجربة ممتازة

وصدقت ياخوي لو خذت الاغراض من الدوحة كان طلع عليك ضعف السعر ..

ان شاء الله تستفيد منهم

---

اي والله ياخوي اسعار مبالغ فيها وبقوه بعد الواي بروتين الاوبتيمم شفته ب 310 ريال بالجيم يبيعونه عسا ماشر ! و ان شاء الله .. الله يسمع منك و اتحسن اكثر معاهم

تدري من وين استلمت المكملات ؟ من وزاره الصحه القسم الطبي ههههه لما رحت ارامكس قالوا حزات ع حسب المود عندهم ...واي نصيحه عندك لي لا تبخل علينا فيها حبيبي..

اقتباس:

---

المشاركة الأصلية كتبت بواسطة speed nawaf

ماشاء الله عليك
فكرة رائعة جدا ومكملات كورسك ممتازة جدا
ماعليك الا ترتيب ألاكل والنوم والتمارين تطلع وحش الصالة
والموقع والله محترم وكم مرة أطلب عيبة الوحيد عندنا في السعودية طريقة الدفع فيه شوي تعقيد لازم البنك
تصلح مقدم لاحد القنوات أو تعطينا تقرير هههههههههههههههههههههه
ماشاء الله عليك والله يوفقك ويستر عليك

---

تهقا جي مقدم مره وحده هههه من شوي شفت الفيديو قمت اضحك ع نفسي قمه التفهي والصوت تعبان ماكنت راقد حزتها .. بس الحمدالله فهمتوا علي اهم حاجه ..
ويوفقك يارب ... وبالنسبه للسعوديه ماضن كل هالتعقيد لو عندك حساب وعنوان ارامكس او دي اتش ال او او .. الامور سهالات

ابدعت اياه القطري ههههههه ..
انا انبسط من الاشخاص اللي يحط تجاربه ويفيد الشباب بالمنتدى...
اختيارات موفقه للمكملات .. و باقي تشد حيلك بالتمرين والتغذية الصحيحة والنوم وعلى فكرة انا جربت NO-Xplode من جد بور على مسوى عاااااااالي ومتاكد انك ماراح تحسر فلوسك فيه و بتستفيد منه ..
شكرا لك يامبدع

شكرا لك اياه المجهول هههه

والله نفس مانستفيد نفيد .. واليوم ان شاء الله بعد الغدا رايح الجيم وبنجرب النو اكسبلود


صوره للباي من ثلاث شهور مصورها

ملف مرفق 342657

ماشاءالله تبارك الرحمن شي رائع اخي
وبنحاول ان شاءالله الايام الجايه نعتمد ع الطلبية على الاقل لو بالكميات الكبيرة

اقتباس:

---

المشاركة الأصلية كتبت بواسطة Fancy Qtr

صج؟ ماكنت ادري بس شلون زيت السمك الجلاتين من وين دخل يعني حتى شفايدته او شدخله مع زيت سمك ! براسلهم بشوف شي يهمنا كمسلمين والله . تسلم الشيخ ولاهنت عالرد واي انصيحه ثانيه تكفا مايردك الا الكيبورد

---

الجلاتين يدخل بصنع الكابسوله نفسها
وفيه موضوع مثبت احد الاخوان راسل شركة اوبتمم قالو اي شي من منتجاتنا فيه بمكوناته جلاتين فهو خنزيري اكرم الله السامعين وتقدر تراسلهم للتاكد اخي
والله يووفقك ويعينك اخي

ما شاء الله أخوي تقرير مفصل مدعوم بلفيديو
سلمت يمناك
وللأسف لم ولن أطلب من النت تجنبا لعوار الرأس مع الجمارك

وعليكم السلام ورحمة الله وبركاته

جزاك الله الجنة , ومشكور على الطرح الجميل وتستاهل التميز يابطل..

اقتباس:

---

المشاركة الأصلية كتبت بواسطة Fancy Qtr

صج؟ ماكنت ادري بس شلون زيت السمك الجلاتين من وين دخل يعني حتى شفايدته او شدخله مع زيت سمك ! براسلهم بشوف شي يهمنا كمسلمين والله . تسلم الشيخ ولاهنت عالرد واي انصيحه ثانيه تكفا مايردك الا الكيبورد

---

اقرا بالخلف تلقا مكتوب "جلاتين" ..
هذا الجلاتين من الخنازير وهذا الكلام حسب ردود الشركه نفسها واناخوك

أي منتج من اوبتمم فيه جلاتين فابعد عنه


والله يوفقك

وعليكم السـلام ورحمة الله وبركــاته

مـاشاء الله تبارك الله

الله يوفقك يا بطل وطبعاً ابدعت بطريقة التقرير :biggthump

شرا لك اخي تجربة جميلة صراحة
انا كان عندي عدة تجارب مع هذا الموقع بس مع الاسف اخر تجربة اعتبرها فاشلة لانها كانت مليئة بالاخطاء من طرف الموقع
والنتيجة كانت ارسال الشحنة ناقصة , منتج ما زال غير متوفر حتى الان ماشي في الاسبوع الثالث قالولي تبى ترجع اوكي وانا رفضت
تاخر الشحنة بشكل كبير عدينا 17 يوم وانا طالب انة يوصل في اسبوع .
تروح تكلمهم يطلعولك باعذار غريبة على العموم هم بشكل عام اوكي بس لو حصل اي خطا بتتعم معاهم .

بارك الله بيك عالمعلومات والموضوع الرائع ...عليك بالعافية واهم شي التغذية والراحة

مشكور علي الموضوع وان شاء الله تحكيلنا تجربتك مع كل منتج وايه افضل منتج استفدت منه

الله يعطيك العافية ياخوي ناصر ما قصرت تقرير ابدااع..

وانشالله باطلب من هالموقع قريب, ودي أجرب منتجات سيلكور.. C4 و NO3 Black Chrome

وأدري انها غالية بقوة لكن ماسكة أجرّبها .. ههههه

يعطيك العافية وشكراً لك .. :)

طبعا طبعا طبعا طبعا طبعا طبعا هههههههه
الله يعطيك العافية موضوعك رائع وتجربه ممتازة

اقتباس:

---

المشاركة الأصلية كتبت بواسطة T.H.E,S.W.O.R.D

شرا لك اخي تجربة جميلة صراحة
انا كان عندي عدة تجارب مع هذا الموقع بس مع الاسف اخر تجربة اعتبرها فاشلة لانها كانت مليئة بالاخطاء من طرف الموقع
والنتيجة كانت ارسال الشحنة ناقصة , منتج ما زال غير متوفر حتى الان ماشي في الاسبوع الثالث قالولي تبى ترجع اوكي وانا رفضت
تاخر الشحنة بشكل كبير عدينا 17 يوم وانا طالب انة يوصل في اسبوع .
تروح تكلمهم يطلعولك باعذار غريبة على العموم هم بشكل عام اوكي بس لو حصل اي خطا بتتعم معاهم .

---

غريبه الكستمر سيرفس مالهم ممتاز وتجاوبهم سريع والتاخر يمكن من طرف شركه الشحن وليس هم انا بنفس اليوم طرشوا شحنتي لعنواني الامريكي

ماشاء الله تبارك الرحمن تقرير جيد جدا والله يكتب لك مافيه الخير والصالح .

لك مني كل الإحترام والتقدير

اقتباس:

---

المشاركة الأصلية كتبت بواسطة herohok

مشكور علي الموضوع وان شاء الله تحكيلنا تجربتك مع كل منتج وايه افضل منتج استفدت منه

---

ابشر اي اكيد ان شاء الله .. الليبو سكس بلاك الصراحه يسببلي خفقان قلب زايد ومادري مع اني اخذه تقريبا تسعه عشره الصبح و العصر قبل التمرينبس ماقدر انام بسرعه ...

لاهنت حبيبي عالمرور ..

الله يعطيك العافية على طرح التجربة ..

أنا لي تجربة معهم قبل 3 ايام وإن شاء الله بطرح التجربة قريب بس المشاغل واجد ..

خدمتهم راقية وشحنهم سريع والكستمر سيرفس مررررررهـ بطل ومتجاوب معاك ..

اقتباس:

---

المشاركة الأصلية كتبت بواسطة Fancy Qtr

ابشر اي اكيد ان شاء الله .. الليبو سكس بلاك الصراحه يسببلي خفقان قلب زايد ومادري مع اني اخذه تقريبا تسعه عشره الصبح و العصر قبل التمرينبس ماقدر انام بسرعه ...

لاهنت حبيبي عالمرور ..

---

انا استعمل فعلا الليبو سكس لكن اخذ فقط 3 حبات قبل التمرين.....واروح اتمرن بيعطي باور ممتاز.....انا لا احبذ اخذه في الصباح لان اعراضه بتكون ارتفاع في ضغط الدم وخفقان في القلب وعصبيه زائده....الافضل انك تاخذه وتروح تتمرن بعدها بنصف ساعه
انا اشتريت الانيمال كت لكن لسه ما استخدمته ومنتظر بعد شهر رمضان ان شاء الله وابدأ في استعماله.....اذا كنت استخدمته ياريت تقولنا عن تجربتك في استعماله وهل ليه اي اعراض جانبيه ولا لأ
وشكرا ليك

حاليا عالليبو انا شغال بس كذا مكتوب بالعلبه ثلاثه عالصبح وثلاثه بعد الظهر او قبل التمرين .. بس اعراض اللي تقولها مثل عصبيه زائده ماصارتلي . بس بالتمرين خفقان قوي احس قلبي بيطلع من مكانه نفس يوم تكون خايف حدك بمكان مظلم ههههه ,,, بس يخفق بهالصوره بعد مانزل الوزن ويكون ثقيل شوي تقريبا 75 باوند صدر دنبل .. واحين برمضان مايدميني اخذ ع فترين بس وقت الفطور

وعليكم السلام
هلا وغلا بالابطال
تسلم على التقرير الممتاز
وتشكرا على المجهود

اهلين حبيبي

الله يسلمك ولاهنت

عليك بالعافية وصراحه حبيت اشيد باسلوبك مميز واكثر من رائع

موفق لكل خير

يعطيك الف عافيه

مبروك يا كابتن بس دلوقتى طلبت من البدي بلدنج ماى فيوشن 2 كيلو ونص بلموز بعد ما طلبتة 73$ كلة لوحدة بس يعنى هوا بردو هيكون رخيص يعنى بلنسبة فى مصر هنا بس المشكلة الى انا مش عارفة انا بشتري كا زائر جيست يعنى بس فى مشكلة انا معنديش فيزا هابعت حوالة على على العنوان الى كتبينة بس هما هيعرفو ازاى انو الحوالة دى مني كاتبين انى اقولهم بس انا مش عارف ازاى ممكن تقولى ازاى

اقتباس:

---

المشاركة الأصلية كتبت بواسطة gymman

مبروك يا كابتن بس دلوقتى طلبت من البدي بلدنج ماى فيوشن 2 كيلو ونص بلموز بعد ما طلبتة 73$ كلة لوحدة بس يعنى هوا بردو هيكون رخيص يعنى بلنسبة فى مصر هنا بس المشكلة الى انا مش عارفة انا بشتري كا زائر جيست يعنى بس فى مشكلة انا معنديش فيزا هابعت حوالة على على العنوان الى كتبينة بس هما هيعرفو ازاى انو الحوالة دى مني كاتبين انى اقولهم بس انا مش عارف ازاى ممكن تقولى ازاى

---

السموحه عالتاخير بس للحين مافهمت سوالك عدل !

شلونك fancy ؟<BR>بس حبيت اسالك السعر الي موجود على موقع بدي بلدنج نفس السعر الي تدفعة على حسب عملة البلد طبعا ولا في جمارك و خرابيط و لوية

يعني كاتبين price per serving=1dolar
يعني التوصيل علي دولار واحد بس +حق البروتين؟
و لازم ماستر كارد ولا فيزا ولا شنو على شان ياخذون الفلوس؟وشلون ابي اطلب منهم؟
وجزااك الله خير و غلبتك حبيبي

هلا اخوي خلود . مافهمت اول جمله مافي شي بس بدولار .. في سعر الشحن لعنوانك الامريكي لو مشترك بارامكس تقريبا 4 دولار وبعدين لما توصلك الشحنه تستلمها من ارامكس اللي ببلادك
واي نعم ماستر او فيزا عادي الامور سهالات اخوي

مجهود كبير شكرا لك
بدي اسئلك سؤال انت ئلت انو في مع واي بروتين عرض وما ئلتنا شو هو هذا العرض ؟

امبله قلته اخوي قلت الواي بروتين + الكازيين + الملتي فيتامين حتى بالصوره التوضيحيه مبين

اي سوال ثاني حبيبي حاظرين

اقتباس:

---

المشاركة الأصلية كتبت بواسطة Fancy Qtr

امبله قلته اخوي قلت الواي بروتين + الكازيين + الملتي فيتامين حتى بالصوره التوضيحيه مبين

اي سوال ثاني حبيبي حاظرين

---

ايوا بس انا شفت انو علبه واي بروتين فيا ملصق (صوره) على الغطاء

لا هاي شي ثاني .. مجرد دعايه للشوكليت بار مالهم whey crisp bar

اقتباس:

---

المشاركة الأصلية كتبت بواسطة Fancy Qtr

لا هاي شي ثاني .. مجرد دعايه للشوكليت بار مالهم whey crisp bar

---

يا سلام عليك لأنو وصيت رفيقي من كم يوم على علبة بروتين واي وجبلي ياها متل تبعك وفيها الملصق ئلت لحالي في شي عرض معى والموزعين شايلين العرض
شكرا

سؤال:

1- كم سعر البضاع من امريكا بدون الشحن؟

2-كم وفرت تقريبآ في سعر البضاع عن سعر الدوحه,.

3- كم سعر الشحن ؟

وشكرآ

هلا اخوي خلفان

كل اللي تسال عنه شرحته بالفيديو والاسعار موجوده بالصوره ...

يعطيك العافية اخوي ناصر على الشرح الوافي ومشكور على الموضوع المفيد ..

انا توني طالب من بدي بلدينج قبل رمضان ووصلت الشحنه بعد 10 ايام لاني طالب السرعه المتوسطه .. وطلبت في العيد مره ثانيه بروتين وملتي فايتمن وامينو وان شاء الله بتوصل هالكم يوم ..

انصحك ماتدخل ارمكس بالسالفة لو كان الوزن عالي لان بيطلع عليك غالي .. خلها مباشرة احسن واوفر .

الله يقويك :) .

تحياتي الحبيب
ويعطيك العافية اخوي ناصر
انت ذكرت انك لقيت ليبو6 بلاك في قطر في حدود 300 ريال
انا لقيته في GNC الخبر 425 ريال
ناس حرامية بالقوة حسبي الله عليهم
فرق كبير بالسعر ,,,,,,
تقبل مروري

اقتباس:

---

المشاركة الأصلية كتبت بواسطة FinalFantasy9

يعطيك العافية اخوي ناصر على الشرح الوافي ومشكور على الموضوع المفيد ..

انا توني طالب من بدي بلدينج قبل رمضان ووصلت الشحنه بعد 10 ايام لاني طالب السرعه المتوسطه .. وطلبت في العيد مره ثانيه بروتين وملتي فايتمن وامينو وان شاء الله بتوصل هالكم يوم ..

انصحك ماتدخل ارمكس بالسالفة لو كان الوزن عالي لان بيطلع عليك غالي .. خلها مباشرة احسن واوفر .

الله يقويك :) .

---

الله يعافيك ياالشيخ ..

انا بعد ماني حاطها مستعجله او شي وشريت مره اخرى لرفيجي وبعد نفس الشي اربعه ايام تقريبا ..
اي والله حاس انه السعر غالي بالنسبه ل 16 باوند 470 ريال !

اقتباس:

---

المشاركة الأصلية كتبت بواسطة موعود2020

تحياتي الحبيب
ويعطيك العافية اخوي ناصر
انت ذكرت انك لقيت ليبو6 بلاك في قطر في حدود 300 ريال
انا لقيته في GNC الخبر 425 ريال
ناس حرامية بالقوة حسبي الله عليهم
فرق كبير بالسعر ,,,,,,
تقبل مروري

---

اي والله 300 ريال و عالنت ب 90 ريال ! وبالخبر 425 يا خرااابي لول

ماعلينا غير الشراء من النت !

بالعااااااااااااافية

روووعه روووعه .. بعد ماشفت موضوعك .. رحت سآلت آخوي عن كيف اشتري من النت وويش لازم اوفر وكيف ومتى الخ ..

تصدق الليبو ٦ بلاك شريته من جي ان سي ب ٤٢٥ ريال سعودي ..! وفي الموقع برخص التراب ..!
والله حراام عليهم جي ان سي ..

ونفس السالفه مع الواي بروتين .. علبه صغيره في جي ان سي ب ٣٤٠ ريال ..!
وفي صاحب الصاله يبيع المكمل ( الواي ) علبه كبيره بس ب ٢٤٠ وشاريها الاسبوع الا راح



بجرب آخذ برو كمبلكس .. وادا جاني بدون مشاكل وشفته بين ايدي .. راح اطلب مكملات مره ثانيه وراح اخذ نفس مكملاتك بالضبط

بس صراحه اخوك .. مبين عليك طموح .. يعني مكملاتك + صورتك في التوقيع + صوره الباي تبعك في احد الردود = ماشاء الله عليك ربي يحفظك ايها القطري المجتهد ههه ^^

بس حبيت اسآلك .. كم صار لك وانت تاخد المكملات .. وهل تحس ان تآثيرها فعال وواضح ؟ ( يعني بالعربي واااو ههه )

وشكرا لك

اخوك حسين من السعوديه

ممكن تقولي طريقه الشحن الله يفتح عليك ضروري

بالنسبة للمكملات ماشاء الله والله يوفقك ونشوفك وحش قريبا باذن الله

اخوي ناصر يعطيك العافيه
ومشكور عالموضوع ...

انا بغيت اعرف شلون طريقة استخدام وفائدة كل واحد فيهم ما عليك امر

الله يجويك يا بطل